مشاهدة النسخة كاملة : ضــايج صــدري بالحيل " دون مبالغة " أو لفت انتباه
المزوحي
18-01-06 ||, 12:33 AM
ضــايج صــدري مــن 3 أيــام، ومـا أعـــرف ســـبب ضـــيجي ..
وكـل مــا يصــبح عــليّه الــصبح، أقــول فـي خـاطــري " إن شــاء الله الــيوم أحــسن "
تــدرون بمــوضوع العــقل البــاطن ..
وأتــم ضــايج وأنــا ســاير الدوام ومــع إني أضــحك ومـا اشــتكي ...
لــكن المسؤول قال : فــــيك شــئ !
والــيوم الــثاني وهــذا الــثالث ... " لا إله إلا أنت سبحانك إني كنت من الظالمين "
مـافـي مـوضوع مــكدرني .. مــافي شي أفكــر به .. لــكن ودي أعــرف ســبب ضــيجي !!
مــافضفضت ولا اشــتكيت .. إلا ســألت نــفسي والــحين قــمت وفــضفضت في " الــواحات "
يــاترى شــو الــسبب ..!!
أتــمنى أصــبح الـــصبح بـــسرور والــكدر عــني ينــشل
شوق القلوب
18-01-06 ||, 12:42 AM
الســـــــــلام عليــــكم..
المزوحي.. عليك بالدعـــاء..
" اللهم اني عبدك ابن عبــدك ابن أمتـــك ، ناصيتي بيــدك ، ماضي في ّ حكــمك ، عــدل فيّ قضاؤك ، أسألك بكل اسم هو لك ، سميت به نفسك ، أو علمته أحد من خلقك أو أنزلته في كتابك أو أستأثرت به في علم الغيب عندك ، بأن تجعل القرآن ربيع قلبي ، و نور صدر ، و جلاء همي و ذهاب حزني "
.
.
قال تعالى : ( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ) سورة ص (124)
فعليـــــــك بالقرآن..
.
.
وربي يبعد عنك الحـَــزن .
حلم الطفوله
18-01-06 ||, 12:43 AM
يمكن روتين حياتك اليومي هو السبب
غير حياتك وجدد نشاطك واطلع ويا ربعك أوطلع خواتك ...صدقني بيخوز الضيق:fa51:
ما شاء الله عليكم بما إنكم شباب تقدر تنتسب لنادي وتسير دورات ..يعني اشغل يومك كله
لا تسمح للحظة ملل تتسلل لنفسك واطلع وغير روتين حياتك
أتمنى أكون فدتك يا المزوحي ...وعل وعسى تنسى الضيج من تصبح:fa51:
المزوحي
18-01-06 ||, 12:48 AM
نــحن نــعرف إنــه الــقرآن يــبعد الــحزن ... ولازم نــذكر ربــنا في كــل وقــت ..
لــكن بالــرغم مــن دعــائي بأن الله يــبعد عــني الــكرب .. مــازلت أحــس بــضيج شــديد ..
ويــمكن هــذا على أســاس أدعي وأدعي ربي ... يالله ...
أخــتي شــوق الـقلوب شــكرا لــج على الــروابـط وأنا كــنت أردد
لا إله إلا أنت سبحانك إني كنت من الظالمين ..
ومــايـيـت أفــضفض عــندكم إلا الــيوم ولا ســرت بــحر ولا غــيره .. أو حــتى لجــأت لــقريب ..
الحساس
18-01-06 ||, 12:52 AM
الله ماخلق هالارض الا باسباب..
وضيتج مستحيل مايكون لها اسباب.. بس يمكن غمامه تغشيك عن التعرف هلى ها السبب..
احيانا الضغوط الحياتيه وتكدس الاعمال والمشاوير تكون اهم الاسباب..
على اي حال..
انسى انك مضايج وقول وردد ها الشي انا سعيد انا سعيد وسير سو الاشياء الي العاده انت تسويها يوم تكون سعيد.. عود نفسك ان يكون عندك سلاح يقتل الضيج اذا سويته عسب لا سمح الله وصرت بموقف وتضايقت تستعين به.. وهب كل انسان يتبع هالاسلوب انه يستعين بالاشياء الي تسعده وقت ضضيتج بس تنفع..
ولا تتريا ان باجر ايي عسب تكون سعيد او هب مضايج... لا تفكر بباجر.. خلك بلحظتك انت بهاللحظه مضتيج فلازم تفكر كيف تظهر من هالحاله..
والعاده عني نفي اذا تضايقت ومارمت ارمس اضرب سلف وعلى طول البحر ( يوم اكون بالبلاد) بس اسمع صوت الامواج واسترخي ولا تفكر بشي..
الله يسعدك ان شاءالله
المزوحي
18-01-06 ||, 12:52 AM
وعل وعسى تنسى الضيج من تصبح
حلم الطفوله .. نــعم لازم أنــساه ... وأتمـنى الـــضيج يــنساني ..
ومــثل مـاذكــرت أغــيّر مــن الــروتين، أحــيانا يــوم تحــاول تــغير الشي، تــلقى الهم بــين عــيونك ..
عــرفتي لــيش أحـــس بــخنفة !!
الله يعطيج العافية
المزوحي
18-01-06 ||, 12:56 AM
ويــسعدك عــزيــزي الــحساس ..
تــراني ذكــرت في الفضفضة عن العقل الباطن ..
أعرف إنه أقول في نفسي أنا سعيد عسب أكون جيه واللي أحطه في خاطري هو اللي يكون ..
لكن هذا اللي ماقدرت عليه هالمره ... بديــت أقــول : أنا مافيــّه شي مـافـيّه شي وأصــبح بــضيج ..
وتسلم على كل حــال ..
ألم ترى
18-01-06 ||, 01:00 AM
بسم الله الرحمن الرحيم ..
عزيزي صدقني حاس فيك ولكن عليك بـ الدعاء والتضرع بين يدي الله ..
وما يدريك لعل الله يختبرك بهذا الحزن وكيف وهو جند من جنود الله ..
الله ييسر امورك ويفرج همومك ..
ربي يحفظك ..
المزوحي
18-01-06 ||, 01:05 AM
محب الشيخين .. كــل واحــد يــعيش هــم ... مــش وحــدي في الــكون اللي أشـتكي كــربه !
ولــكن بــني آدم يــوم يكــون بهالــحالة .. يــريد مــن يخــفف عــنه ..
ومثل ماقلــت " أخــي " الــدعاء "
وأنا أشــكر ردك ..
الحساس
18-01-06 ||, 01:07 AM
تبا تعرف شو فيك .... ;) شو تعطيني بالاول ؟؟
المهم اسمع... شو اتسمي شخص .. يكتب فضفضه وهو مضاااااايج...
ايون الناس وتعقب على فضفضته.. لكن هذا الشخص ماظهر من موضوعه.. يلس يرد ويعقب على تعقيبات الناس ...؟ ليش هذا الشخص ماراح قسم ثاني او مثلا كتب الفضفضه وظهر ؟؟
مايدلك على شي؟؟؟
لو محد علق على فضفضك بتضايق زود؟؟
اظن والله اعلم .. انت تبغي حد يكون قريب منك بمعنى الكلمه ترمسه ويرمسك.. مثل .. ممممم زوجه
او ربيع .. ترا قالوها الصديق وقت الضيق...
ها شو اصلح دكتور نفسي ولا فاشل ؟؟;)
حلم الطفوله
18-01-06 ||, 01:11 AM
المزوحي ...يقولون والله أعلم ....إنه الحساس بيدورلك زوجه:laugh:
الحياة حلوه ...ووجود أهل الواحات وياك أكيد بيحليها ..صح إلا لا؟:tounge:
شوق القلوب
18-01-06 ||, 01:13 AM
دكتـــــــــــورنا..
انت جـــــــــــــــــ :fa42: ـــــــــــــــيه
.
.
هذا ترا عوق المزوحي.. :nerd:
ناصر الخالدي
18-01-06 ||, 01:19 AM
أخي العزيز .....المزوحي
ابتسم وانظر الى الغد وكن على امل بأنه سيأتي مشرقــًا حاملاً اليك باقة الزهور بكل الوان الفرح والسرور والمحبة يأتي الغد وستنسى غصة الحزن سيكون الامس مجرد ذكرى يتذكرها اخي المزوحي وبعدها يبتسم للحياة ..........
تذكر ان هناك هناك اناس على هامش الحياة في المخدرات والتدمير والتسكع والخروج عن المألوف في الوقت الذي انت تحاول الخروج من هذه الضيقة عن طريق الواحة هم يحاولون الخروج من هذه الضيقة عن طريق المحرمات لذلك اقول ابتسم وكن هادئــًا مطمئــًا البال .........
تحفه
18-01-06 ||, 04:46 AM
أنا قلت حق عايش وهم ما ينقل موضوعي ويخليه حقالناس المتضايجه هني بس الله يهديه ما سمع كلامي
------
الموضوع وما هو في هالي الحين بسوي له كوبي وبيست من موضوعي الي انتقل للواحه الاسلاميه
http://oasis.bindubai.com/bin/showthread.php?t=27704
ان أعطاك الله الدين و الهدى , فاعلم ان الله يحبك
و ان أعطاك الله المشقّات و المصاعب و المشاكل فاعلم ان الله يحبك و يريد سماع صوتك في الدعاء
و ان أعطاك الله القليل فاعلم ان الله يحبك و انه سيعطيك الأكثر في الآخره
و ان أعطاك الله الرضا فاعلم ان الله يحبك وانه اعطاك اجمل نعمة
و ان أعطاك الله الاسلام فاعلم ان الله يحبك
مايهزك ريح
18-01-06 ||, 10:46 AM
عزيزي وتوأم روحي المزوحي ..
انصحك انك اتحط شريط اذكار الصباح والمساء بصوت مشاري العفاسي في السيارة ..
وتدعي وياه الصبح ..وانته راجع من دوامك الظهر ترجع تدعي وياه اذكار المساء ..
وصدقني بتحس براحة ..
انا اسوي هالشي كل صبح ومساء ..وحمدالله مرتاح ..
المزوحي
18-01-06 ||, 07:08 PM
الحساس كلامك صحيح 99.5 % :blush:
لكن بعد بقول لا .... :fa46:
بالعكس يوم الواحد يحصل رد يرتاح ولو إنه هو أحيانا عارف نص الرد اللي انرد ..
ومع هذا يوم حد ثاني يحس بضيج أقوم انا أكلمه وأقول أفعل كذا وكذا ..
طيب ليش أنا ما أسوي نفس الشي من الأساس ..
وأنا فعلا أريد حد يكلمني وأكلمه والدليل على اللي صار اليوم في الدوام ...
موقف بيني وبين ربيعي .. تدخل فيه موظف بكلمه " بايخه " انصدمت من رده عليّه وهالشي خلاني اسكت وما أرد عليه ومب خوف ولكن تفاجأت من الكلمه اللي قالها ..
وقلت في خاطري ماصدقت أصبح اليوم الصبح على نصيحة أهل الواحات الأمسية ... يانا هذا ...
لكن شكلك يالحساس بتسميني أنا الحساس ..
لكن بعيد عن الحساسية .. فعلا موقف بايخ سواه مما أثار ضجة بين زملاء العمل والدفاع عني ..
المهم مش هذا موضوعنا ..
ومشكور على الرد :inlove:
المزوحي
18-01-06 ||, 07:09 PM
حلم الطفولة ... وياكم القعدة حلوة :unclesam:
المزوحي
18-01-06 ||, 07:13 PM
شــوق الــقلوب :blush:
المزوحي
18-01-06 ||, 07:15 PM
ناصر الخالدي مشكور على النصيحة
المزوحي
18-01-06 ||, 07:16 PM
أم خدود شكرا على هذه الوقفة وماتقصرين ..
المزوحي
18-01-06 ||, 07:17 PM
مايهزك ريح كلك ذوق وأنا اسمع أذكار الصباح في إذاعة الشارجة ... وبمشي على شورك
إن شاء الله ...
تحفه
18-01-06 ||, 07:54 PM
مزوحي شحالك اليوم؟ ..
المزوحي
18-01-06 ||, 11:50 PM
الحمدلله أم خدود ... إن شاء الله في راحات ..
الحساس
19-01-06 ||, 01:00 AM
عجل يالمزوحي بالزواج..
وعلى فكره انتي هب بس تحتاي حد ترمسه.. تبغي الاهتمام ..
علاجك الزواج..
وجان تبا ادورلك معايه حاضرين.. رسوم التسجيل 1000 .. بعد مايتم الزواج 5000 درهم..
حبوبه دبي
19-01-06 ||, 01:23 AM
عليـــك بالدعــاء يالمـزوحــي :fa35: ،،
الحســاااااااااااس :fa56:
انـته فـ كل شــي تبــا تنصـــب !!! ارحم المــزوووحــي اشــوي !! :fa46:
ان شالله اليــوم اتكــون مــرتـاح ،،
المزوحي
19-01-06 ||, 01:30 PM
الحساس اعنبوا بحجز موتر :)
حبوبة دبي الحمدلله ... لكن شفتي كيف الحساس يحط عليّه ..
نور الإيمان
19-01-06 ||, 06:36 PM
بسم الله الرحمن الرحيم
السلام عليكم و رحمة من الله تعالى و بركاته اما بعد ..
كنت اقرأ الموضوع .. و قد قراته اكثر من مرة .. و أريد ان امكن ان اعقب على موضوعكم جزاكم الله خيرا ...
احيانا .. تخالج نفوسنا نوبات فرح غير معتادة .. فجاة ترى الدنيا نور على نور .. فتبتهج لكل انسان تصادفه .. و احيانا اخرى .. تراها مسودة .. لا خير فيها .. و تكون كظيم .. و حزين .. و لعلك تعرف السبب و احيانا لا علم لك ما هو السبب ..
اسباب الحزن الدفين .. و الكآبة .. كثيرة جدا .. منها باطنية و منها ما هو معلوم لدى صاحبها .. فمثلا المعلوم .. كأن مررت بضيق في هذا اليوم .. او الأسبوع .. و بسبب هذا الضيق او المشكلة .. تعيش في حالة حزن كبير .. و ما إلى ذلك ..
اما ما هو الباطني و قد يكون غير معلوم لدى صاحبها .. هو الحزن .. الذي قد اصابك منذ مدة طويلة .. كأن تكون قد ضايقك موقف .. و كبت نفسك من التعبير عن حزنك او غضبك .. في لحظتها .. و تناسيت هذا الشعور .. و لمدة من الوقت .. فإنه و بشكل غير واع .. ترجع لديك آلام القلب من الحزن .. او الضيق .. و الكدر ..
لذا .. قد لا تعلم سبب حزنك .. و لما .. بالرغم من انه قد يكون ترسبات من مواقف اخرى قد ازعجتك في وقت سابق جزاكم الله خيراً ...
قد تريد حلا الآن .. الحل من عند الله ان شاء الله .. و من ثم الإجتهاد من قبلكم .. فأتمنى ان تقوم بالآتي لعله يعطيكم نتيجة ايجابية ان شاء الله :
في ان تستيقظ باكرا لأداء صلاة الفجر .. فإن الرسول حبذ ان يصلى الفجر مع الجماعة ..
تقرأ ما تيسر لك من القرآن ..
تدع إلى الله ان يشرح لك صدرك ..
و اتمنى ان تتنفس بعمق كبير ... و تزيل حرقة القلب ..
و اتمنى ايضا .. ان تفصح ما بداخلك لقريب و صديق .. او ان تكتب .. او ان تنقل مشاعركم إلى المنتدى ..
في اغلب الأحيان .. الشعور بالعزلة عن العالم و الوحدة .. تجعل افكار الكآبة و الحزن تحوم في الرأس .. فحاول ان ترجع ذاتك .. في ان تتواصل مع المجتمع .. في الحوار .. او غير ذلك .. المهم في ان تنمي الثقة في نفسك ... و احيانا اخرى يتمنى الإنسان ان يسمع كلمة طيبة .. تنيره .. بأن يشعر بأنه مهم ..
اسباب كثيرة جدا .. و تختلف الأسباب من شخص لآخر .. على اي حال .. هذا اجتهاد شخصي جزاكم الله خيرا ... اتمنى لكم ذهاب الحزن ... و الضيق .. واستبداله بالفرح و السرور ان شاء الله في الدنيا و الآخرة..
السلام عليكم
حبوبه دبي
19-01-06 ||, 11:24 PM
صح كلااامج اختــيه :fa51:
ربــي يبعد عنـك الظيـجه ،،
والحســاس خلــه شكلــه يبــا يعـرس بس مب عــارف كيــف يقــولك :fa44: !!
أمواج
19-01-06 ||, 11:37 PM
محد تجي دنياه حسب اختياره
المزوحي
19-01-06 ||, 11:51 PM
نور الإيمان شكرا على هالمشاركة ...
ومثل ماذكرتي إنه أحيانا نحس بفرح مانعرف سببه كذلك نحس بالكآبه والضيج دون سبب ..
أحيانا اتضايج من موقف حصل ... لكن هالمره فضفضتي عن شي ما استوى ..
بس جيه أقوم الصبح أحس إني بختنق ومرن 3 أيام على هالحالة وعقب كتبت لكم عن اللي أحس به ..
ووضحت كذلك إني ماكنت أبالغ بإحساسي ولا أريد لفت الانتباه !
تحفه
20-01-06 ||, 02:35 AM
شحااااااااااالك اليووووووووووووم
على فكره
بقولك شي ابصراحه ولا تزعل انته مش مزوحي .. انته نكدي في نظري
المزوحي
20-01-06 ||, 01:16 PM
ام اخدود ... الكل يقول انته دمك خفيف لكن بسرعة تتنرفز ... سواء من هلي او حتى الربع !!
تحفه
20-01-06 ||, 02:13 PM
عيل ليش مش مزوحي في الواحات ؟ على فكره اعتقد انك حساس وايد و كتوم
:nerd:
المزوحي
20-01-06 ||, 02:23 PM
لأنه يمكن ماتشوفوني ( مواجهه ) ... وأي شي اتكدر منه أصبه في الواحات، فهذا يعبر عن النكد والكآبه وغيره، بالتالي خذتوا فكره عني إني أنا جيه ...
حساس يعني وكتوم على حسب الصراحة ...
تحفه
20-01-06 ||, 02:38 PM
i C
انزين شو رايك تدخل في يوم من الايام الواحات .. وانته معنش جي و صاحي ومافيك شي
ترمس و تفرفش الجو .. وتكون على طبيعتك الطبيعيه وانته مرتاح مش متضايج ؟
لأن نك نيمك صراحه يابلي الفضول
اكيد دمك خفيف .. مابتسمي المزوحي مني و الدرببببب
المزوحي
20-01-06 ||, 02:58 PM
تــــم :ohboy:
ملاحظة: بصراحة واحد من ربعي ( من سنتين السالفة ) استغرب مني مره يوم عرف إني متضايج ...
قال أنا أشوفك دوم تسولف وتمزح ما توقعتك جيه !
تحفه
20-01-06 ||, 03:57 PM
زين مب مشكله .. الانسان حالات
ويوم بتستوي طبيعي وخالي من النكد وجي قولي :fa45:
المزوحي
20-01-06 ||, 04:07 PM
:woot: :woot: :woot: :woot: :woot: :woot: :woot: :woot: :woot:
إن شاء الله كــله أكــــون جـــيه
سفير الخيال
21-01-06 ||, 01:57 AM
ما شاء الله الإخوان ما قصروا
بس حبيت أقول الله يسعدك يااارب ويبعد عنك الضيق والكدر :)
المعذره على تواضع ردي...
المزوحي
21-01-06 ||, 08:52 PM
ســفير الخــيال مــرحبــتين كــبار .. هــلا أخــويه
تــسلم على ردك الــمتواضع ... :blush: اســعدني ردك :woot:
تري هالشئ طبيعي خيو
يعني الواحد ساعات تجية الحاله الي عندك بس شوي شوي تروح بروحها:laugh:
اهم شئ لا تقعد بروحك يعني حاول تكون مع الاهل و تعوذ من ابليس
واذا تبي راي تعال البحرين غير جو :fa34: ههههههههههه سوالف
الله يبعد عنك وعن الهم والحزن
" اللهم لا الله الا انت سبحانك اني كنت من الظالمين"
تحياتي لك
المزوحي
22-01-06 ||, 05:58 PM
شكرا وعد
اللهم لا الله الا انت سبحانك اني كنت من الظالمين
اناستازيا
23-01-06 ||, 12:02 PM
الله يبعد الحزن عنك يا المزوحي ...
ويفرج همك إن شاء الله ...
سبحان الله الواحد تصيبه احيانا كآبه وضيج بدون سبب مب بس انته في ناس غيرك ...
إن شاء الله نسمع قريب انه هالحاله فجت عنك ...
سبحانك اللهم اني كنت من الظالمين ...
طمنا عليك يا المزوحي وإن شاء الله نسمع اخبار تسرنا بإذن الله ...
المزوحي
23-01-06 ||, 04:00 PM
اناستازيا .. الحمدلله ... كل شي تمام ....
يوم الواحد يتضايج دون سبب وعقب فترة يقول ياليتني ماكنت جيه
مافي شي يسوووووووووى
اناستازيا
25-01-06 ||, 11:31 PM
الحمد الله ...
صح كلامك ...
هذي الدنيا الواحد شو بيسوي ... لو ما سايرت الدنيا تراها بتجلب عليك جلبه ..
خذ الحياة ببساطه ..
المزوحي
28-01-06 ||, 06:36 PM
مصارعه مع الحياة