مـــجمــوعة صـــور جــديده مـن تصــويري . . !

[لمّــاح]

الـــســلام عــــليكم . .

أول مــوضوع لــي فــي الســنة الــيديدة :fa47:

مــجموعة يــديدة مــن الصــور، ســتايل يــديد و مضمون يديد ..

المــوضوع هــذا فــيه 10 صــور، بعــض الصـــور متكــرره كذا مره لكن من زوايا مختلفه أو من مســافة مختــلفه، حـــبيت بعد ماتشوفون الصــور و تعطوني رايكم و انتقاداتكم، انكم تقيمونهم وتختارون أحسن 4 أو 5 صور ..

لا تنسون، تقييمكم و ردودكم و انتقاداتكم تهمني جدا"، أتــمنى انكم ماتبخلون عليه بردودكم :)

=====
مــنطقة شــعم
بتاريخ: 16-1-2006

غـــيمه، تــحجب ضــوء الشــمس . .


http://upload.bindubai.com/download/lammmma7/1000001.jpg




http://upload.bindubai.com/download/lammmma7/s3.jpg


----------

نفس الشي، من منطقة شعم ..



ّيالبعيد و شوفتك صارت محال، ودي اشوفك ودي اندهلك تعال..


بــيت شــعر، ماخوذ من اغنية ميحد ( يالبعيد ) ..

حبيت اعرف اي صورة من هالصورتين احسن و احلا، و اذا شي مقولة أو بيت شعر احلى، اتمنى انكم تعطوني اياه ^_^




http://upload.bindubai.com/download/lammmma7/s4-2.jpg



http://upload.bindubai.com/download/lammmma7/s2.jpg



----------
نفس الشي بعد ..

عـــلم الــدولة . .


http://upload.bindubai.com/download/lammmma7/s1.jpg



http://upload.bindubai.com/download/lammmma7/s5.jpg



http://upload.bindubai.com/download/lammmma7/s6.jpg


----------
الــمـزرعة
فــلي المعــلا
ام القيوين
بتاريخ: 12-1-2006
صــديقي الــصدوق مستر عـــرعــــر:fa51:


http://upload.bindubai.com/download/lammmma7/3ar3ar-1.jpg



http://upload.bindubai.com/download/lammmma7/3ar3ar-2.jpg



http://upload.bindubai.com/download/lammmma7/3ar3ar-3.jpg


=====


هذا كل شي ..
اتمنى انه الصــور تنال على اعجابكم ..

لاتبخلون عليه بردودكم و آرائكم :)

السموحه عالإطالة ^_^

[الـيـاه]

لـمّــاح

شحالك , شخبارك .. عساك طيب ؟ < :fa46: دهان سير لاني بستلمك فالرد

يطولي بعمرك

شؤات ما أقول دوم وبعدني مصره انك انسان *مبدع* ومب صاحي آآ اقصد فناان
فـ عسب جي بعطيك رايي بكل صراحــه لان هذا اللي بيفيدك :fa42:
مش المديح

الصوره الأولى
وايد حبيت شكل الغيمه وهي مغطيه نور الشمس .. سبحان الله منظر رهيب
وعيبني اكثر انه ممتد لييين البحر روعه ماشاء الله :fa35: .. بس ماحبيت ميلان البحر
مع اني ماعرف لهالسوالف ؟ لكن مادري احس السفن بتزحلق فالصوره لول

والثانيه حلوه

,,

واما عن صورة الثنينه .. الصراحهحه انا حبيت الهنتين :blush:
بس عيبتي اكثر الثانيه لانها من بعيد شوي .. يعني مش شرط الواحد يسوي فوكس
بس ع الثنينه .. الصوره تخليه يطالع كل شي عكس الأولى

,,

وصور المركب
حبيتهن كلهن والله .. بس اكثر شي اللي فالنص والاخير
اللي فالنص لانها تبرز شكل المحمل من جهة معينه وكيف موقف بالحبال رووعه

والاخير لانه تبرز العلم وماشاء الله كلييير :fa41: مافيها هزه

,,

وصورة ربيعك عرعر لوول ( يخلق من الشبه اربعين )
الاولى لفتته غبيه شوي جنه بي يصفعك :fa44: .. والاخيره حلوه عليه عيون ابن الذين
وصدق عيبتني اللي فالنص .. شكله وهو مروح وايد وايد حلوه :love:

آخخخ تعبت سمحلي لاني طولت عليك
وبتم مبدع يا عم


.
.
.

[نجمة دبي]

ما شاء الله .. منو هذا .. ماوكلي ؟ اووووه اقصد اخوي لماح ..
http://smilies.sofrayt.com/%5E/u/bighair.gif
صور السحب حلوووووه .. واشعه الشمس طالعه شرات خيوط من ذهب ..


صورة الاثنين اللي عالبحر .. اتليق عليهم اغنيه احلى اثنين ليوسف العماني خخخخخخخ http://smilies.sofrayt.com/%5E/c0/biglaugh.gif


علم الامارات .. عيشي بلادي عاش اتحاد اماراتنا .. http://smilies.sofrayt.com/%5E/p/talker.gif


عاش مستر عرعر .. لماحووو .. الريال يبتسم لك http://smilies.sofrayt.com/%5E/c0/skullgrin.gif


عجيبه الصور والله .. والى الامام دائما ..



نجـــــــ دبي ـــــــــمة

[ذنـيـنـي]

بالنسبه لصور الغيم,, عيبتني ثاني وحده و خاصةً انك طلقت قاعدة الاثلاث بطريقه صحيحه >> ثلث للسماء و ثلث للأرض و ثلث للبحر


و عيبتني ثاني وحده من صور الشباب>> ليكون ملبسين فيليب كندوره و مصورينه :woot:

(البيت ما ادري الصندقه ولا الطابوق المصفف :fa46: ) عاطي الصوره بعد اخر,, كأنه الشباب ناوين على الرحيل :fa43:

و بالنسبه لصورة العلم
الثانية وايد حلوة,,, عاد ليش عيبتني ,,,,, ما ادري :fa36:
بس فيها شي حلو

و عرعر عيبتني ابتسامته :devil:

بالنسبه للملاحظات
عندي ملاحظة على اول صورة

فيها ميلان غير محبب و احس انه مأثر على الصوره بشكل سلبي

ووووووووو
ووووووووووووووووووو
ووووووووووووووووووووووووو وووووو
و بس :ghostface

[لمّــاح]

الـــيـــاه . .

تـــســلمــين على الــرد الـحلو و المــفيد، لي عــودة للتعليق على كل شي عــقب، لكن حبــيت أراويــج صــورة البحر بعد التعــديل . .

----

تم حذف الصورة و إدراج الصـورة الجديدة بعد التعديل في الموضوع نفسه ..

[الـيـاه]

الله يسلمك ويسلم غاليك , واجبنا يطولي بعمرك !!

عيني عليك بااارده
احينه ستوت :inlove: صدق خبااااااااااااااال والله وايد وايد حلوه .. احلى صوره

بس

عدل اللي خربته من فوق هههه :fa51: ( بيذبحني )


.
.
.

[ذنـيـنـي]

احم:fa52:

انا اوني ابغي اتفلسف :fa46:

طلعت الياه متفلسفه قبلي:fa43:

[الحاضر الغايب]

السلام عليكم ...

ماشاء الله عليك ... وصلت شعم عيل :vampire:

انزين انا بقول راي من اللي تعلمته في الدورة وبكل صراحة :fa56:

الصورة الأولى

بيرفكت وما عليها كلام ...

الصورة الثانية

http://upload.bindubai.com/download/lammmma7/s3.jpg

خطأ فظييع .... الخط الافقي في نص الصورة من سلبيات الصورة :fa52: وفيها ميل الصورة شوي

الصورة الثالثة

http://upload.bindubai.com/download/lammmma7/s4.jpg

نفس الشي .. الخط الافقي :fa36: ... ولو تلاحظ البحر عند الشخص اللي على اليمين كنه ضبابي لين مستوى البحر .. يعني كأنك معدلنها بالفوتوشوب :fa52:

الصورة الرابعة

http://upload.bindubai.com/download/lammmma7/s2.jpg
نفس الشي الخط الافقي .. بس اللي محلنها عن اللي قبلها انه البيت والـ curve مغطيين على سالفه الخط الافقي شوي ...


الصورة الخامسة
http://upload.bindubai.com/download/lammmma7/s1.jpg


همممممم نفس الشي اخوي لماح ... الخط الافقي وخاصة لمستوى البحر مايحبذ انه يكون في نص الصورة ...

الصورة السادسة

http://upload.bindubai.com/download/lammmma7/s5.jpg

حلوة اللقطة ... يمكن اللي مخرب على جمالية الصورة عمود الكهرباء الاحمر اللي على اليمين لو قاصنه نفس الصورة اللي بعدها اوكى وطالعة حلوة وما عليها كلام

الصورة الثامنة

http://upload.bindubai.com/download/lammmma7/3ar3ar.jpg

الصورة حلوة .. بس بعدك ما راعيت الخط الافقي ... ومال الكهرباء مخرب على الصورة .. يعني يوم اشووف الصورة عيني تروح اول شي على الكهرباء :wacko:

الصورة التاسعة
اوكى لقطة حلوة

الصورة العاشرة

http://upload.bindubai.com/download/lammmma7/3ar3ar-3.jpg

السلبية ان صورة عرعر في النص ... بما انه يطالع يمين كان لازم تعطيه مسافة من اليمين اكثر من اليسار ... وجي تصور وانت على اليسار اكثر عشان النظرة الثاقبة مالته تطلع :tounge: ... ماادري يمكن تقطعها بالفوتوشوب تكون احسن ... بس اللقطة حلوة

هذا راي عزيزي لماح واتمنى لك التوفيق :fa42:

والسموحه ...

[حلم الطفوله]

السلام عليكم ورحمة الله وبركاته


ما شاء الله على مصور الواحات
الصورة الثانيه والثالثه والخامسه والثامنه :fa42: عيبني وايد

واستفيد من ملاحظات الحاضر الغايب لأنه شكله استوى أستاذ متخصص بعد الدوره :nerd:

[عافك الخاطر]

ذبحتوا الريال.. خط أفقي وخط أفقي :crazy: > بس زين والله بتستفيد

..
.
وعليكم السلام
.. الصورة الأولى ..
روعة ماشاء الله
خاصة أشعة الشمس

.. الصورة الثانية ..
فيها أشياء ذكروها اللي قبلي..
عيبتني من فوق وين السحب والشمس
.. الصورة الثالثة..
حلوة فكرتها..بس كان يبالها دقة أكثر يمكن
.. الرابعة ..
هاي أحلى عن الأولى ؛ لأن شي عناصر عطتها معاني أكثر..
..
وباقي الصور اللي قبلي مااشاء الله كفوا ووفوا
..
وأحلى صورة عيبتني هي الرابعة
...
.
وبالتوفيق خيّو..
:)

[الحاضر الغايب]

ههههه شكلي وايد كتبت خط افقي صح ...؟

[حلم الطفوله]

وايد وايد وايد صح:fa42:

[الحاضر الغايب]

ههههههه انزين شو اسوي انا ما حسيت يعني ... اول ما اشوف الصورة اطالع التصميم كيف .. ويي في بالي الخط الافقي واكتب الخط الافقي ...

سووري لماح تراني ما اقصد اجرحك او اني اقلل من تصويرك الرائع ... بس هذه ملاحظات جي بدون احساس طلعت

وانتوا لازم تركزون على كلامي .. :blush: ؟

[عافك الخاطر]

خمس مرات مكرر الكلمة يا مفتري ههه
لا عادي لماح بيتقبل ان شاء الله لمصلحته هالشي..
اسمحلنا لماح
اوفر
:nerd:
..
.

[الدلووووعة]

انا عيبتني الصوره الصوره الاولى بعد التعديل والصوره الرابعة والصوره الخامسة والتاسعة

[انامل]

سبحان الله
كل شي فن في هذي الحياه

انا لا اجيد فن التصوير ولكني اتذوق وبعمق

صور الطبيعه تحكي وتحرك الخوالج كثير لذا حبيت صور السحاب
بالنسبه للتعليق ع الصور فانا لا املك صلاحيه بس اقول تسلم يمناك رائعه يا خوي
استمر
فلعدستك حس مرهف
ولاحساسك تاثير ناطق في مجمل الصور
ننتظر المزيد
موفق يا لماح
كل الود

أنامـــــــــــــــــل

[لمّــاح]

صـــباح الخـــيــر :fa51:

الـــيــاه . .

انا الحمدلله بخير و سهاله، انتي اشحالج ؟؟ :fa46:

بخصوص صورة البحر، مسحت الصورة البارحية و نزلت الصورة اليديده في الموضوع نفسه، شوفيها و عطيني رايج بعد مره ..
و تسلمين على الرد الحلو، لكن ماحطيتيهن بالترتيب، احسن 5 .. ؟؟
هالترتيب بيفيدني عشان اختار بعض الصور للمعارض و ال gallery ..

نـــجمــة دبــي . .

هـــيه، مـــاوكلــي :fa43:

ماشي سبلان في فلي المعلا ولا جان صورت :fa56:

تســلمين عالمرور اختيه و على ردج الحلو، تمنياتي لج بالتوفيق ^_^

ذنـــيني . .

زين انه الصورة الاولى عيبتك . .

بخصوص الصورة الثانية، لا مب فيليب، واحد منهم كان من الشبيبه الي ويايه يوم شفتك، و ثاني واحد ماتعرفه، فيليب تصور عقب، قال الا أصورة عند النيسان :fa46:
اذكر و نحن رادين دبي، قال لي:
mohammed, plz put for me the CD for that arabian guy who sings using the gitar, i love his songs:fa56:
اونه يباني احطله سيدي الريال الي اغانيه كلها بالقييتار( يطري ميحد ) :fa46:


و بخصوص الميلان، شوف الصورة الحينه و عطني رايك و اتمنى انك تختار بعد 4 ا و 5 صور ..


الحـــاضر الـغايب . .

يالله، ردك خبلبي لكنه فادني وايد تبا الصدق :fa46:
شوف، بخصوص خط الميلان هذا، صعب جدا انك توازن باستخدام الكيمره، ف عشان جيه شي مثل طريقة عسب تعدل خط الميلان ..
انا عدلت اول صورة ..
ثاني صورة، هاي صعبه جدا، ف بخليها جيه ..
بخصوص الصورة الثاله، الخط لافقي ما يتعدل لكن بخصوص الضباب الي على البحر، على ما اضن من رذاذ الماي لأنه عندي وايد صور جيه :glare:
المهم تم تعديل الصورة ايضا و بتحل الصورة اليديده في الموضوع نفسه ..
بخصوص الصورة الخامسه، ما انتبهت لهالشي، التركيز كان على المحامل ..
الصورة السادسه، تم تعديلها و بنزلها عقب شويه ..

بخصوص الثامنه، تم تعديلها و بتحصلها في الموضوع ..
الصوة العاشرة ..
مادري، انا كانت الفكرة الي في بالي اني اضهر العيــن، يعني كانت فكرة ثانيه في بالي و نسيت بالغلط سالفة تركيز الويه و المسافة الي لازم اخليها ..
و وايد صعب انك تصور الحيوانات، عيزت و انا احاول وياه ابا اصوره كل شويه يتحرك :fa55:

تسلملي على رايك الحلو، استفدت و عدلت وايد صور ..
لاتبخل عليه بردك الثاني ..


حـــلم الـــطفــولة . .

شكرا عالمرور اختيه و الرد الحلو، و نعم استفدت من ردود استاذنا مستر analog :fa44:

عـــافك الخـــاطر . .

شكرا على ردج الحلو اختيه، صدقتي والله ذبحني هذا مستر analog :fa56:

لكنه فـــادني بصراحه :fa46:
تسلمين على الطلة الحلوه اختيه ^_^

الدلوووعة، تم التعديل بعد مره، خذيلج لفه و شوفي ..

أنــــامل الــخير . .

اســـعدني تواجدج فــي موضوعي كـــثيرا ^_^

شكرا على الرد الحلو و الحمدلله انه الصــور عيبتج، اعتز بهالشي :)

==

السموحه منكم ^_^

[بنت الدلع]

ماشالله عليك

ابدااع

الصور وااااااايد غاويه
عيبتني صورة الغيم الاولى

وصورة الشباب الثانيه

والعلم
الاولى والثانيه

وصورة عرعر
الثانيه حلوة وحتى الثالثه

ماشالله عليك يالحاظر الغايب >> مستر analog :fa56:
طلعت عيوب الصور كلها :fa32:
بس هالشي هو اللي بيفيد لماح:fa42:

[أتمنى]

ما شاء الله صور رائعه يا اخوي

:)

صور الغيم عجبوني اثنينهم

و في صور عجبتني كثير و تخيلتها بهذا المنظر

.
.

http://agaai.org/ar/lamma7-2.jpg

.
.

http://agaai.org/ar/lamma7-3.jpg

.
.

http://agaai.org/ar/lamma7-1.jpg


.
.

في تعديلات بسيطه برايي تبرز المعنى في الصورة اكثر

و اعذرلي تطفلي :)

كل التوفيق و من رائع لاروع ان شاء الله

اجمل التحايا

[حفله]

مررحبااااا ..
الصوره حلوه .. والالوان عجيبه

ممكن الستنغ الي استخدمت فيه هالصور إذا ممكن ؟ - ستنغ الكيمره + كيف عدلتها بالفوتوشوب

http://upload.bindubai.com/download/lammmma7/s4-2.jpg

http://upload.bindubai.com/download/lammmma7/1000001.jpg

[بلوة حلوة]

قبل لا أتفلــسف ..

اليـووم كانـت عندي شغله فـ مكـان مني مناااك الصبح ..
المهم واحنـا نشغل البروجكتـر .. لمحت كلمة analoG
وجـااان اضحك :fa56:

.
.
ياخي هذا فيليب مالكم تحححفه .. اونه هاك اللي يغني بالقيتااار :fa56:

.
.
المهــم .. بعطيك رايي عـ السريع .. لاني مستعيله شـوي :fa51:
صح مالي فـ التصوير وايد ، بس مجـرد * راي * ..

.
.

الصــوورة * الثانيه *
واايـــد واايــد عيبتني .. بس حسيــت لو كـانت مايله يا صوب اليمين يا اليسار أكثر
عاد مارمت أتخيل .. بس حسيــت ان في شي يباله تعـديل :fa46:
بس وايد حلوه ولونهـااا شـدني .. :fa51:

الصووورة * الثالثه *

شـ سمه الخط الأفقي كان المفروض .. لا لا لول أسوولف بس هااا الحاضر علقها ع لساني :tounge:
ههه .. طالع واحـد من ربعك جنه واقف يسحـب اللي يمشـي ..
فـ لو كـانت خطـوااتهم واضحه أكثر احس بتطلع معبره أكثر .. :fa56:

الصووورة * الراابعه*

حلوووه وماعليها كـلام *من وجهة نظري* .. ومعبـره وااايد .. وايد أشيا يت فـ بالي يوم شفتها :vampire:
بس هي وحده من الثنتين .. يا إما واحد من ربعك وايد طويل يا إما الثاني قصير وايد:fa56:

الصووورة * الخامسه*

لوكانت مايله بـ زياده جهة اليمين .. بحـيث انه تكــون شوي من مؤخرة السفينه
مختفيه .. و مخلي مساحة البحـر جدام مقدمة السفينه ..
فهمت شي :fa46: ؟

وصور عرعر ..
عيبتني الثانيــه واايد .. جنه مشغل ميحــد *ودعتكم يا ليت ماكان يوم الوداع القلب ممحون* ومروح:fa56:
لول


هاللي قـدرت أعلق عليه ..
ومسكين الحاضر الغايب واايد فـ خاطره عليك :tounge:

تصـوييرك وااايد حلــو وخصّه الوضوح فيه :fa47: .. و وايد يعيبني * لاتصدق عمرك عاد* :fa35:

[ألم ترى]

بسم الله الرحمن الرحيم ..

وعليكم السلام والرحمة بو جسوم ..

والله انك مبدع وفنان الصراحه وبخصوص راي عن الصور فأعتقد ان الحاضر كافي !!

نسيت اقولك تراه فـ شعم ينانوه وخاصه بليل تسمع حد يقول كليناهم كليناهم ..

ربي يعطيك العافيه وفـ انتظار جديدك عزيزي ..

[ألم ترى]

بسم الله الرحمن الرحيم ..

عذرآ لماح فالرد هذا للأخت اتمنى ..

بسم الله عليك وعـ ذوقك الرفيع وجدآ عجبتني اول صورتين ..

ربي يوفقك عـ مايحبه ويرضاه ..

[المزوحي]

الصور بشكل عام فنانه ...

أكثر شي في نظري الصورة الثانية والرابعة .. " وين هاذيج السوالف روحت بالوقت سالف "

لقيت الدار من بعد الحبايب .. خليه وباكيه وبها عجايب ..

عندك بالنسبة لصور اللنج .. الصورة الأولى ..

[العجيبة]

هههههههههههه

عيبتني سالفة الخط الافقي ..

وانا اشوف الصور اقووول يا سلام جميل جميل

رد الحاضر الغايب خلاني اشوف الصور ولا شي .. خط أفقي وخط أفقي ..

الحاضر لو متفيج خبـرنـا عن الاخطاء اللي ممكن تستوي > خخخ نبا نستفييييد ..

لمـــاااح .. وضوح الصوور وايد حلو .. تفادى الخط الافقي الله يخليييك ! وبالتووفييــج ان شاء الله

[دهن العود]

.:لمـــااح:.

هلااااا واللــــه مااوكلـــي

اقصـــد لمـااحـو..

علــــــوومك.؟.؟.؟

هــمممممم..الصرااااحـه انته مبــدع ما شاء الله عليـك
وصووورك فووووق الروووعـــه بس هاااه عن يكبـر رااسـك..هع هع

خلنـا نبــدأ.:الصرااحـه كـل الصورعيبنـي وخااصـه الثااانيه اللي فيهـا

شخصيـــن وبالتحـديد الثاانيـــه..

انا بقووولك وبرتب لك الصووور اللي هي اول 5 والسلبيـاات اهئ اهئ ماشاء الله

الحااضــر مااقصـــر..

http://upload.bindubai.com/download/lammmma7/s4-2.jpg

http://upload.bindubai.com/download/lammmma7/1000001.jpg

http://upload.bindubai.com/download/lammmma7/s5.jpg


http://upload.bindubai.com/download/lammmma7/3ar3ar-2.jpg


وعســــــــــــااك ع القــــووه دووووم ولا تحرمنــا من يديــــــــدك..




السموحه

[طير الغرام]

http://upload.bindubai.com/download/6eer_aam/6eer-salam-oasis.gif

الصراحــــه انا وااايد انبهرت بتصويرك
وااايد واااايد عجيب

وعشان ما أظلمك ف الرد
بعطي كل صوره حقها
.
.
.
الصوره الأولى

سبحان الله
طريقة تداخل الضوء واااايد حلوه :fa42:
.
.
الصوره الثانيه

بعد حلوه
منظر الشمس ظاهر عجيب
.
.
الصور الثالثه والرابعه

كل صوره لها حلاتها
الاولى عيبتني وااايد
والثانيه المنظر اللي ع اليمين عاطي ايحاء عن المكان

وعندي تعليق للصوره

" أمشي الدرب لأسبابه وأحمل معاي اعتابه "
>> الصراحه تعليق ختيه :fa52:
.
.
الصوره الخامسه

عجيبه عجيبه
وايد بعد يسد فيها علم الدوله
.
.
الصور السادسه والسابعه

عيبتني زاوية إلتقاط السادسه أكثر :fa51:
.
.
الصوره الثامنه

يا حي الله عرعر :laugh:
تصوير جميل
.
.
الصوره التاسعه

" ويش فيه بالك بعيد وجالس اتفكر "
مادري ليش يت هالاغنيه ع بالي :fa52:
.
.
الصورة العاشره

الصراحه ما فيه حيله مستر عرعر

.
.
.
وأكثر 4 صور عيبني
( 1 ) ( 3 ) ( 5 ) ( 10 )
.
.

ردي هذا رد واحد هاوي مب محترف
والأخ الحاضر الغايب ما قصر ف الانتقاد ^_^

http://upload.bindubai.com/download/6eer_aam/6eer-line-oasis.gif

[عفاريتووو]

السلام عليكم

WOW
الصور واييد واييد روعة
خصوصا الصورة الثانية صدق فن
و صور العلم عيبني وضوحهم
نتريا صورك اليديدة اخوي لانه صدق ماشالله تصويرك :fa42: ..

[أتمنى]

بسم الله الرحمن الرحيم ..

عذرآ لماح فالرد هذا للأخت اتمنى ..

بسم الله عليك وعـ ذوقك الرفيع وجدآ عجبتني اول صورتين ..

ربي يوفقك عـ مايحبه ويرضاه ..


الله يسلم قلبك يا اخوي

اعذرني توني انتبه للرد :fa54:

تسلم على طيب حرفك .. كل الشكر :)

[صريح]

ما شــاء الله عليك يــ لمـــاح :fa34: ...

دومك مبدع فالتصوير .. :fa47: ...

منو اللي في الصوره جاسم و احمد :fa32: ؟؟ .. صح


و علووه يسلم عليك :fa51: ....

[وعد]

الصور روعه خيو لماح
بس عندي ملاحظه علي هذي الصوره

http://upload.bindubai.com/download/lammmma7/s5.jpg


اعتقد انه العمود مدري البرج الحديدي الي طالع جهة اليمين خرب الصوره
يعني لو خذيت الصوره من زواية ما يطلع فيها هذا العمود كانت الصوره بتطلع احلي


تحياتي لك والسموحه

[طير الحب]

أول صورتين خباااال...روعه...حسيتهم غير عن باقي الصور

[دانة حتا]

وااااااااايــــد حـــــــلو لماح
فديت بلادنا راس الخيمه

اشكــــــــــر فنك لمااح عجيب

[دموع العاشقين]

الصراحه خبال ربيعك عرعر
كل الصور حلوه

[بيور]

الصرااااااااحة ,, فن × فن ,,


تسلم يمنااك لمااااااااح ,,



ماااا أدري أحسه يضحك لي :fa56:

http://upload.bindubai.com/download/lammmma7/3ar3ar-3.jpg

[جنون امرأة]

ناااااااااااااااااااايس .. عـيـبـتـني ثاااااني صورة ...

[عذبة الروح]

وعليكم السلام والرحمه

الموضوع شفته من فتره
لكن تفاجأت بـ اني ما رديت .. ما ادري كيف نسيت:fa36:
السموحه منك عـ التأخير بـ الرد
وان شا الله .. الحينه بنحط لكم راينا


][ 1 + 2 ][
من أروع واحلى المناظر الطبيعه اللي تخص السما
وشهادتي بـ الصورتين .. ورايي بهن .. بيتم مقصر بـ حق روعتهن
ويكفي اني اقول من خلال عدستك
سبحان الله ..
.: اسمحلي احتفظت بهم :.


][ 3 + 4 ][
الاولى وايد حلوه .. ولكن يا ليت لو كانوا الاشخصا بمسافه ابعد عن جي
واما الثانيه .. عجيبه .. وايد عيبتني باستثناء الشي الموجود صوب الشخص اللي عـ اليمين
احسه مخرب .. ولو كان فاضي كان بيطلع حلو .. مع وجود البنى الجديم اللي على نفس الصوب
.: اتمنى اني وضحت اللي اباه يوصلكم :.


][ 5 + 6 + 7 ][
الأولى .. وايد حلوه .. وعتبي عليك .. ليش ما اخذت صوره للقارب كامل
الثانيه .. حلوه .. ولا باس بها
الثاليه .. عجيبه, وايد عيبتني .. ودشت خاطري, ما ادري احس حركه العلم بـ هـ الصوره غير
وعطت لمسه وروح حلوه للصوره


][ 8 + 9 + 10 ][
الأولى .. حلوه وعيبتني .. خاصه انه يطالعك
جنه حاسه انك يالس تصوره
الثانيه والثالثه .. روعه .. كلمه جليله بحقهم .. وزوايا الصورتين روعه


تسلم يمناك اخويه عـ الصور الغاويه
وربي يعطيك الصحه والعافيه
ونشوف اليديد والمميز من صوبكم دوم
ولا تطبي علينا ... يا خوي
ويسلمووونيشن لماحنا

اختك
عـذ الـروح بـة

[لمّــاح]

الــــسلام علـــيكم ..

ســــامحـــوني عالــتـــأخـــير، ماشاءالله وايد ردود ..

اشــكركم كلكم من أولكم لآخـــركم عالــردود الحـــلوة و أشـــكر صـــاحبـة الـرد الأخـــير الاخت عـــذبـة الــروح على ردها الحلو و المفــيد ..

افدتوني :)
مشكورين جمـــيعا ..