المساعد الشخصي الرقمي

مشاهدة النسخة كاملة : “النايبة وقود المحتشم”



44444
26-07-03 ||, 02:27 PM
<font color='#000000'>يقول الوالد عبدالله بن سيف بن يوله القمزي: كانت العرب يوم راعي دار من جيرانهم غايب عن هله ويّيونه (يأتونه) ضيوف وما عندهم ريال (رجل) في البيت، إييهم جارهم ويشوف حالتهم وإن ما كان عندهم شي في البيت راح بيته وياب العيش والطحين والسمن والذبيحة التي تسمى “النايبه” لأن تقديمها صار بالنيابة عن راعي الدار وهو يوم يرد من غيبته ويستمير (يتبضع ويتزود لبيته) يرد السلف والدين إلي عليه في رقبته، ويقوم الجار ويذبح الذبيحة ويصلخها ويعطيها للحرمة تطبخها وتجدمها لضيوفها بدون ما يشوف أو يحس الضيف إنها من جارهم، وكانت في بعض الحرمات يتهندقن ويتحرطمن ويقولن فلان ما يحتاي له المايوب ولا له ذبيحة ولا عبالة ويبن يجدمن له سح وتمر ولبن ويحاول الجار القيام بالمايوب ويوم يشوف الحرمة ما تبغي حد يساعدها يتركها ويكون هو سوى الواجب وقدم “قود المحتشم لليار” أي قاد وساق إلى بيت جاره الغائب كل ما يحتاجه لإكرام ضيفه، وإن ياه جاره وسأل عن القلة والتقصير مع ضيفه في غيابه ويلومه ما يخبره عن إلّي سوته حرمته وردها عليه ولكن إن عق كلمة عودة وما تحملها الريال تراه يقول له أو يقول له حد ثاني بأن فلان أو إنّا نحن قمنا بالواجب ولكن العيبة والتقصير من حرمتك فلانة لأنها ما رضت حد يساعدها وقللت بالضيف وما جدمت له المايوب وردت القود والمحتشم إلى يبناه وسويناه وياها وهي ما حشمتنا ولا حشمت ولا أكرمت ضيفك وضيفنا.</font>

الوحداني
27-07-03 ||, 03:38 AM
<font color='#728FCE'>مشكووور اخوي</font>

شوق القلوب
27-07-03 ||, 07:59 PM
<font color='#000000'>الســـلام عليــــكم....

ماشاء الله عليك اخوي....

عندك معلومات وايد حلـــوه...

يالله على اليران قبـــل... والله انه حالهم كان احســـن...

وماشاء الله... يعني شوف كيف كان عندهم مهم اكرام الضيف بالذبيـــحه... وكيف انه اليار يعتبر نفسه راعي البيت في غياب صاحبه....

والله اخلاقيات حلوه .. اختفت في زمنا للاسف...

وانشاء الله انلاقي من يحييها في هالزمان... لو قررنا في انفسنا انكون مثل الاوليين و احسن بعد...


و الســـموحه...</font>

44444
27-07-03 ||, 11:00 PM
<font color='#000000'>شوق القلوب ............

[b] أضافاتج مميزة ..

أشكرج بعنف ...

بش صدقيني هاي الأيام في عادات وايد حلوة ...

لا زالت ..

وخاصة في شهر رمضان .. وأيام الأعراس .. تلاجين مب بس أهل الفريج اللي يوصلهم الطبيخ ..حتى الفرجان الثانية ...

ولا تنسين بعد حق الليلة ..

بس تدرين .. الحين أحس انه اليار ما وده ياره يدخل في خصوصياته .. حتى لو اليار شاف تصرف خاطىء من ابن ياره ,, تلاجينه يقول ما لي خص ..

قبل اليار من حقه ان يأدب ولد ياره .. ويضربه بعد ..
ولو وصل الخبر عند الأبو يقول .. برايه هاذا ولدي و ولد ياري .. شرات ما أنا بربيه ,, ولد ياري بيرابيه..

وتسلمين</font>

الشوق
30-07-03 ||, 01:10 AM
<font color='#000000'><span style='color:red'>خدمات 444للسيارات</span>
تدري يااخوي ... ذكرتني اب سالفه امي خبرتني ابها من اسبوع قالتيلي عن &nbsp;حرمه متزوجه ...يوم جيرانهم يكونوا عندهم ضيوف &nbsp;شو كانت اتسوي هذي الحرمه كانت تطبخ لجيرانهم واطرشلهم من هالفواله .. والجدر اللي طابخه فيه الاكل ... ويوم ريلها يرجع البيت يحصل حرمته ماامسويه الغداء فيسألها .. وين الغداء يا فلانه .... فاتوقله طرشتلهم للجيران ... لان عندهم اضيوووف ...

طبعا بالرغم من تحرطيم الزوج ... لانه حرمته على الاقل ما حطتله لقمة عيش بعد رجوعه من الشغل .. الا انه &nbsp;هناك كان فيه نوع من احترام الجار .. والمثل اللي يقووول " <span style='color:blue'>الجار للجار</span> /، و <span style='color:blue'>كرم الضيافه</span> .... &nbsp;وهالشي اللي يخلي الريال كبيره في نظره ...

تسلم ومااتقصر يااخوي خدمات 444 للسيارات
اختك/ الشوق
<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

44444
30-07-03 ||, 08:52 AM
<font color='#000000'>العفو يا الشوق ...

الحين تغير الأسم .. ما شي خدمات ...وخاصة لأعضاء واحة التراث ..

لا أمزح .. افا عليكم ... والله ان هاي الواحة خلوة زز

بس يبالها شوية تغييرات .. ونظام يديد ...</font>