الخلخال.. شو رايكم فيه؟!

[اخت اختي]

السلام عليكم ورحمة الله وبركاته،

مرة كنت لابسة خلخال بدون صوت. سرت بيت يدي. يوم جاف الخلخال فتن علية. قالتله أمي إن هم ما يقصدون. الفضول يآكل قطوة!! لازم أعرف شو تقصد أمي.
سألت اختيه. راويتها الخلخال، قلتلها: اختي شو رايج في ها؟
هزتلي راسها وقالتلي: هذا مب مالنا. قلتلها ليش؟ قالتلي هذا مب مالنا هذا مال الحريم المب شيء.
قلتلها انزين ما أقصد جي. قالتلي: أوكيه إنتي ما تقصدين بس غيرج شو بيفكر؟
:Oo:
فقصيت الحبل وقلت ما في داعي..

انتوا شو رايكم؟

(بس قبل كل شيء أتمنى كل حد يكون عنده اخت مثل اختي -الله يحفظها- :inlove: )

[الحساس]

ماادري شو قصلت الخلخال..

بس ماقد شفته الا عند فئه معينه من الناس وهم : الاجانب (الاوروبين يعني) بعض اللبنانيات والسوريات الي اظظن انهن مسيحيات..
بس ماقد شفته على حد من الاهل او حتى الاغراب الي يحدرون بيتنا
بس للامانه شفته على الاطفال (البيبيز يعني)

وبنظري الي تلبس هاالشي تبا شي حرام.. وهذا الشعور اكتسبته على اساس الي اشوفه هني بالتشيك.. ويمكن يكون صح او غلط..

بنشوف راي باقي الاعضاء

[اخت اختي]

مشكور اخويه عالمرور والمشاركة..

وأنا بانتظار آراء باقي الأعضاء :)

[ألم ترى]

بسم الله الرحمن الرحيم
وعليكم السلام والرحمة
سأل الشيخ عبدالعزيز ابن باز رحمه الله
ما حكم لبس الخلخال أمام الزوج فقط ؟
لا حرج في ذلك عند الزوج وعند النساء والمحارم لأنه من أنواع الحلي التي تلبسها المرأة في رجليها
فتاوى المرأة 2/85 جمع المسند

[مجرد إحساس]

انا سمعت مرة اختي بعد تقووول مب زين لأنه جااذب للنظر

يعني مثلا حرمة لابسة خلخال ومرت على رياااااااااااييل ... أكيد بيلحقون الصوت

فــ هذا السبب على ما اعتقد ...

والله يعلم ...

[حبوبه دبي]

وعليــج السلاام والرحمــه ،،

الخلخـــال اللي يســوي صــوت يلفت انتبــاهم ،، وسمعــت حتــى مــب حلــوه تلبسيــنه بـرع البيــت :vampire:

انــا دووم البــسه بــس فالبيــت :fa46:

والله يحفــظج ويحفظ اختــج يــارب
:inlove:

والسمـوحه

[الـيـاه]

هيه :rock: , انا ماعرف شو سالفته بالضبط !!

لكن
احيد مره سايرين سبيك كورنر فـ لندن .. وبنت خالي لابسه حزام فيه شرات الاجراس
لكن وايد صغااار , ويسوي صوت يوم تمشي ما كنا ندري انه *مب زين*


عقب مادري منو قالها ان هالشي شرات هممم كيف اقول
يعني فتنه تزقرين الرياييل فيه وتخلينهم يلتفتون صوبج وجي :glare: ..

ونفس الشي اظن الكعب



.
.
.

[نجمة دبي]

انا اللي سمعته ان فيه تشبيه بنساء الجاهليه ..

والله اعلم ..


نجـــــ دبي ـــــــمة

[اخت اختي]

مشكور اخويه محب الشيخين على هذا الدليل والمشاركة

[اخت اختي]

مشكور اخويه أمير القلب عالمرور

[اخت اختي]

والله يحفظج يا حبوبة دبي
ثانكس عالمرور :)

[اخت اختي]

مشكور اخويه الياه عالمرور

[اخت اختي]

مشكورة اختي نجمة دبي عالمرور :)

[الدلووووعة]

انا بعد سمعت انه هب زين

وانا اصلا ماحب البسه تضايج منه يوم البسة

[الجديدة]

السلام عليكم و رحمه الله و بركاته
الصراحه الكل ينهانا عن لبسه لأن صوته يجلب الأنظار و خاصة إذا كنتي برع البيت
بصراحه الخلخال مش من عاداتنا
كل شي فيه فتنة لازم نبتعد عنه هذا رأيي

[أمواج]

الصراحه ماعرف شو حكم لبس الخلخاال
انا عن نفسي دايما البسه .. حتى وانا سايره الكليه .:fa44:
احس خلاص اتعودت عليه
بس اعتقد الخلخال اللي يطلع صوت مب زين . عشان يلفت الانتباه

والله أعلم بحكم لبسه ..

ياليت والله اتفيدونا بحكم لبسه عشان انعرف اذا حرام مانلبسه

[ملانـة]

انا بعد ألبسه دوم و الأنواع اللي ألبسها بدون صوت...

و الحمدالله عباتي شوي و بتزحف ع الأرض و ثيابي طويلة فمستحيل الخلخال يلفت انتباه اي حد لأنه اصلا لا يبين و ماله صوت :)

[اخت اختي]

اختي الدلوعة، مشكورة عالمرور..

[اخت اختي]

اختي الجديدة.. مشكورة على إبداء رأيج

[اخت اختي]

اختي المتفيزرة عالعرقوب.. محب الشيخين (في الصفحة الولى) كتب الحكم.
مشكورة عالمرور

[اخت اختي]

اختي الملانة أنا مثلج، بس قالتلي اختي لا تلبسينه..
مشكورة اختي عالمرور

[نور الإيمان]

عنوان الفتوى : الخلخال من الزينة المباحة بشرط .
تاريخ الفتوى : 16 صفر 1420
السؤال
ما هو حكم لباس الخلخال في ساق المرأة؟

الفتوى


الحمد لله والصلاة والسلام على رسول الله وعلى آله وصحبه أما بعد:

فالخلاخل من جملة زينة المرأة المأذون لها في التزين بها، بشرط ألا تبديها إلا لمن أذن الله في إبدائها لهم ، وقد حددهم في قوله تعالى : ( ولا يبدين زينتهن إلاّ لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء). [النور: 35].

هذا في الزينة عموماً ، وهنالك قيد يزاد بخصوص الخلاخل وما في معناها وهو : النهي عن ضرب الأرجل بها ليسمع صوتها ، قال تعالى : ( ولا يضربن بأرجلهن ليعلم ما يخفين من زينتهن ). [النور: 35].

والله أعلم .


المفتـــي: مركز الفتوى بإشراف د.عبدالله الفقيه
************************************************** ************************************

[طرفشانه]

اللي اعرفه انه لو الخلخال يسوي صوت ما يجوز لبسه
لانه يلفت الانظار
بس اذا كان ما له صوت ما فيها شي

[جنون امرأة]

ممممممم .. اما البس النوع ما فيه صوت .. وين ابى ؟
بس بعد اميه تهزبني.............

[اخت اختي]

مشكورة اختي نور الإيمان والله ما قصرتي :)

[اخت اختي]

مشكورة اختي طرفشانة عالمرور والمشاركة

[اخت اختي]

مشكورة اختي أهلاوية عالمرور

[العجيبة]

أيوواااااااااه .. توني عرفت ليش ما يبوني أشتري خلخاااااال !!

مشكووورين ع الفتـوى ..

[هزاايم]

اخت اختي<<<حبيت نكج يفداني صح ...سواااالف
انا عن نفسي ما ألبسه إلا جداام ربيعاتي و جمعة البناات وشراات يدج يدووه إطيييييييح بيه أونه مش حلوه لبنت شرااتج تلبسه على اعتقااادها إن البنت مش متربايه جذى تلبس ومن ذاك اليوم كرهوني فيه وماقمت ألبسه

[اخت اختي]

مشكورة اختي العجيبة عالمرور

[اخت اختي]

اختي هزااايم يفداج.. :)
اختي هزايم مشكورة عالمرور

[طير الحب]

إذا عن الخلخال الي بدون صوت...ومحد بينتبه له ما أشوف فيه حرج...والصراحه أنا وايد يعيبني لو أني بعدني ما لبسته بس شفته وعيبني...الي بدون صوت طبعا

[اخت اختي]

مشكورة اختي طير الحب

[الجنيه]

السلام عليكم ورحمة الله وبركاته ...

الله يسلمج الخلخال حاله حال اي اكسسوار بس مكروه لبسه عند غير المحارم وفضل لبسه في البيت أو بين الحريم لأنه فعلا ً صوته يعتبر فتنه واذا وحده مرت عند شباب يمكن ما يحسون بها أو يكونون مشغولين بس الخلخال ينبه ويفتن عشان جي مكروه لبسه ما ادري اذا هو حرام ...

هو حلو الصراحه خصوصا ويا اللبس الهندي بس بين الحريم يكون أفضل ...

هذا والله أعلم

[اخت اختي]

صح هو وايد حلو لبسه.. وأنا أقصد إللي ما فيه صوت..
مشكورة عالمرور والمشاركة اختي :)

[عمة العيم]

اعتبر الخلخال شرات حكم الكعب

لو الخلخال مايصدر صوت عادي

نفس الشي الكعب لو مايطلع صوت عادي

اما لو فيه صوت هذا نوع من التفات الانظار يعني لا يجوز

نفس الشي المكياج لو حد يشوف مايجوز لو مستور ويهج عادي

هذا والله اعلم

خدافس