ما ادري ليش مره وحده بغيت اكتب شي !!

[تحفه]

حمدلله انا مرتاحه هالفتره وايد معني متضايجه !!
متضايجه من شيء معيّـن إستوى.. بس حـاسه برتيااااااااااااح كبيييييييييررر بعد الي استوى :fa56: .. وبنفس الوقت .. أتمنى إنه ما صار :wacko:

..

يا ليت ايام الصيف ترد .. كنت متعوده اعزم وحده من ربيعاتي اتي ترقد افبيتنا .. وهي اكثر من إخت او ربيعة ابصراحه .. كنّـا نسهر وي بعض ونقااوم الرقاااااادددد .. بس عسب نتريق الصبح .. وبعدين نرقد ههههه .. كنا كل ما نسهر وي بعض إنيوع نستوي مفجوعات جريب الفير !!
كنا عادي ناكل بيتزا من بيتزا هت حتا لو كنا طالبينه من 12 ساعه حاطينه في الثلاجه !!!! والله جربوه احلى ابوايد من طعمه وهو توهه مسوّاي
:tounge:

..

متولهه على ايام ميمو و نيمو ..
هاذيله يوم نظهر وياهم نستوي ينانوه .. عادي نحضر فلم رعب اول عرض و ناكل ناجوز وي جاي حليب عل ريج ههههه .. الحين يدرسون هندسة نوويه وحليلهم .. معنه الي يشوفهم ما يقول اشكالهم اشكال دراسه و كراف ..

..

متولهه على خالي .. قبل لا يتزوج كان يظهرنا الفير عادي .. نسير نتعشى في اي مكان و نرد .. كنّـا نظهر من دريشة صقف السياره .. أحيد مره دخلنا بلانت هليوود فليل نتسحر :tounge: .. ههه كان احلى سحور في حياتي .. وايد ضحكنا .. حتا من كثر ما ضحكنا كنا زايغين شي مب زين يستوي

..

متولهه على بشكارتنا الي سافرت .. كانت اتسبح جلابي و اتاكلهم .. الحين وحليلهم حالتهم ترثى لها وياي :fa46: .. مساكين وايد ينابحون .. احسهم وايد ملانين .. البارحه ابويه خبّل بهم ويلس يلاعبهم معنه ما يدانيهم .. حليلهم حسيتهم من زمان ما استانسو .. :sad:

إكتشفت ان عندي سلبية مب بس تنحصر اتجاه البشر .. حتا الحيوانات تعاني منها :fa46:
انا من النوع الي يحب شي .. يحبه ويسوي كلشي علشان يحصله .. لكن ما يعرف كيف يظهر اهتمامه ومشاعره :fa36:

..
للي صار قبل فتره .. إن شاء الله تكون اول و آخر نقطـة سوده في حياتي يا رب :sad:
..

السنه هاي .. بدايتها وايد فضيعه و خايسه :sad: .. أتمنى الايام اليايه اتكون احسن إبوايد من الي طافن


وسلامتكم

هي صح .. صبـاح الخـير :fa46:

[الحساس]

يحليلج ... غمضتيني والله تعرفين ليش..

حسيتج بتنفجرين او انفجرتي اصلا .. بعد هالضغوطات والي خلتج بالاخير والي هو اليوم تكتبين هذا الموضوع..

عادي .. هاي الدنيا ناس ايون وناس تروح.. بس الاهم ان نستانس بكل لحظه نعيشها اما مع حبايبنا او اعداءنا.. شو فايده الكدر؟؟ الشطاره الي يعرف يستغل كل ش لصالحه هب يستغل الشي عسب يتكدر!! وماظن في حد بالدنيا يداني الكدر!!

الله يعينج على ماانتي فيه وان شاءالله الامور بتتيسر بعون الله


وصباح الخير

[حلم الطفوله]

صباح الخير والاحساس والطيبه

ما ضاقت إلا فرجت ...خليها دوم ببالج وصدقيني بترتاحين:fa51:

مستحيل الأيام تكون على رتم واحد ومستحيل تكون خاليه من الأكشن والتراجيديا

شوفي نفسج لما ذكرتي الأحداث إلي مرت ببالج ما لاحظتي فيها شيء؟؟

كلها أحداث حلوه ... سعيده ...يعني اغلب لحظاتج كانت من أحلى الأوقات :blush:

الله يدوم الفرح والخير والسعاده بحياتج

ويبعد الكدر عن دربج:fa54:

وحطي ببالج إنه باجر بيكون احلى وأحلى

[سفير الخيال]

مرحبــــــــــا

وصبــاح النـــور :)


الضيقه اللي إنتي فيها ناتجه عن الـــوله للأشخاص اللي تفتقديهم.. اتحســين إنج وقـــــــفتي مـــره وحــده وشفتـــي نفســـج من دونــــهم :fa54:

هــذي أمـــور جـــدا عــادية ودائما تحصـــل... فــي أمـــور اتحسين إنها أجمل لحظات العــمر ولما تختفي تشتــاقين للأماكن والأشخاص اللي كانوا السبب في هذي اللحظات الجميله :)

لاحظي يــا ام اخدود إني الإحساس بالسعاده الحقيقه وقيمة هذي السعاده ما يظهر إلا بعد ما تختفي اللحظات السعيده :fa36: ...

تبيـــــــن تستـــانسين واايد :fa35:
أنا كل ما أحس إني عايش لحظات سعيده أسرح دقيقه وأقول في خاطري ( يااااااربي الحمدلله على هذي اللحظه الحلوه :) ) وبعدين أطالع ربيعي وأقول له ( اتصــــــــدق؟ أنا مستــــانس لأنس مستـــانس :fa35: )


إم اخدود..

لولا لحظات الضيـــــــــق لما أحسسنا بقيمة اللحظات السعيده :)

المعذره!!

[الشحية]

والله ونــــــــاسه ..
كل بصوب والجلاب بصووووب >> يااااااكس أخاف منهم موت هم والقطاوة بعد ..
مثل ما قال سفير :
لولا لحظات الضيـــــــــق لما أحسسنا بقيمة اللحظات السعيده ..
يعل أيامج كلهاا سعاده ..
حيااااج الله

[الـيـاه]

سلام

والله نفس الشعوور !!

:fa43: كنت وايد مضغوطه الفتره الاخيره
وعلى اي شي اتنرفز وينجلب مزاجي .. بس سويت شي بالجمعه اللي طافت وحسيت براحه نفسيه

صدق صدق حسيت بإرتااح من خاطري ومن فتره طويله ماحسيته

وفي نفس الوقت ندمت ع اللي سويته
لكني مستانسه فيه ههههه شعور غريب صح :fa46: ؟

كان ودي ابين شكثر انا مستانسه .. وكان ودي ان الدنيا توقف عندي بالجمعه
وودي العالم كله يشوف شكثر كنت مستانسه هاذاك اليوم مع انه ماكان مبين عليـّه

:sad:
بس شرات ما قلتي ساعات الواحد مايقدر يشرح باللي يحسه
وانا بالذات اللي صدق يخوووووني التعبير في اشيا ومواقف وايده

شكلي وايد *اهذرب* بس لقيت حد يحس بنفس الشعور بالضبط
الله يجعل ايامج كلها فرح وسعاده :fa35: وعساج دووم مرتاحه


.
.
.

[المزوحي]

ام خدود مرتاحه مع إنج متضايجه ..
وإن شاء الله ماتكون نقاط سود بحياتج ...
وإن شاء الله تكون سنة خير ..

[هزاايم]

بالعكس أشوفها انا نقطه حلوه مزركشه لابس فستاان عليه دانتيل و مورد وتحته جيبوون>>راجعه من أروشي محد يرمسني :fa44:
وربيه لولا هذي اللحظات جاان ماحسيتي بقيمة السعاااده ومعليش يا الحلوه الأيااام يايه وعسى ربي تسرج وقدر الله ماشاء

طيوووبه خلج كوول :fa42: ولايهزج ريح

[خيال الحب]

هي والله هالسنه من بدايتهااااااا ارف

بس شووو نسوي الله يعيــن