باركوا لي يا شباب

[الثعلب الرمادي]

السلام عليكم و رحمة الله و بركاته ...

كانت رحلة صعبة بكل معنى الكلمة من دبي و حتى دوسيلدورف و أستغرقت 6 ساعات كاملة في الجو في آلمانيا بارد بشكل كبير و درجة الحرارة أقل من واحد سليزية

المهم باركو لي بسلامة الوصول:laugh:

صح ممكن واحد يتساءل كيف كتبت هالموضوع و انا في المانيا الاجابة يا حبيبي سهلة ضبطت كمبيوتر الكافيه على اللغة العربية و الكيبورد مب مشكلة بالنسبة لواحد محترف مثلي لأن مكان كل حرف عربي في الكيبورد مثبت في دماغي بسوبر غلو يعني أقدر أكتب و أنا مغمض عيني و مع هذا و أنا اكتب الموضوع كنت أغلط بحرف أو اثنين أكثر من مرة:fa36:

الهم الحين أنا أستأذن منكم و انشالله أحاول أكتب لكم كل ماكنت فاضي لأنكم الشي الوحيد اللي يذكرني بالوطن:fa41:

أخوكم الثعلب الرمادي

[عافك الخاطر]

وعليكم السلام ورحمة الله وبركاته..
الحمدلله على السلامة يا الثعلب الرمادي
وان شاء الله ترد بالسلامة للبلاد..
شو مودنك المانيا.. دراسة صح ..؟
بالتوفيق خيّو..
..
.

[نجمة دبي]

الحمدلله عالسلامه اخوي ..

اترد بالسلامه ان شاء الله ..


:)


نجــــــــ دبي ـــــــــمة

[الشوق]

الثعلب الرمادي ..
الحمدلله ع السلامه يااخوي ..
وخلنا نعرف يومياتك ... ومغامراتك الجويه ... في المانيا

خويتك/ الشوق

[أتمنى]

الحمدلله على السلامة يا اخوي

و ربي يعينك على البرد :(

موفق ان شاء الله ....

:)

[ألم ترى]

بسم الله الرحمن الرحيم ..

وعليكم السلام والرحمة ثعلبنا ..

الله الجو بارد وألمانيا .. صدقني حاسدنك ..

وإن شاء الله ترد سالم غانم وهالله هالله بالصوغه !!

ربي يحفظك ..

[دموع قلم]

الثعلــــب الرمــادي..

وعليـكم السـلام ورحمـة الله وبركــاته


الحمـدلله على الســلامــة وربــي يسلمـك من كـل شــر دائمــا
إن شـاء الله تقضـي أجمـل الأوقـات في ألمـانـيـا وربـي يسهـل
أمــورك, ونتمنـى نقــرأ يـوميـاتـــك ومغـامـراتـــك ولــو بعـــد
عـودتـك من الـواحـات

:)


يـــحفظـــك ربـــي..

[حلم الطفوله]

السلام عليكم ورحمة الله وبركاته

الحمد لله على السلامه يا خوي :fa54:

[بحر الموده]

السلام عليكم ورحمة الله وبركاته

اخوى الثعلب الرمادى .. الحمدلله على السلامه

ربى يحفظك وين ماكنت وترد للوطن سالم غانم

[مــهــابه]

الحمــدلله ع السلامه يــاخويه..

[صدى جوفي]

الحمدلله على السلامة :)

[نبراس الليل]

الحمدلله عالسلامة ومبروك عليك بما ناك تبي احد يبارك لك على وصولك

ان شتاءالله جو ممتع تعيشه في المانيا

ولاتنسى الصلاة هناك

ان كانت السفرة للدراسة فبالتوفيق يارب
وان كانت للسياحة فوقت ممتع اتمناه لك اخوي

والسموحه على القصور

اخوك
طارق

[سفير الخيال]

مـــــــــوفق إن شاء الله يا أخـــــــــــوي :)

[حبوبه دبي]

الحمدلله ع السلااامه ،،
:fa51:

[غرشوب]

الحمدلله عـ السلامه
.
.

[الثعلب الرمادي]

فرحتي لا توصف برؤية كل هذه الردود فشكرا لكل من اهتم بقراءة الموضوع و الرد عليه ,,, بصراحة أنا هنيه للدراسة و تحديدا تخصص الهندسة الميكانيكية لكن العائق الوحيد هو اللغة فحتى الحين مب متمكن منها بدرجة كبيرة لكن بعد كم شهر من دراسة اللغة في ألمانيا أتمنى تنتهي هذي المشكلة و بعدين أقدر أبدأ دراستي الجامعية بثقة أكبر الدراسة في ألمانيا تاخذ وقت طويل و السبب أن اللغة نفسها تحتاج وقت طويل للدراسة لكن الدراسة هناك ممتازة مع إنها متطلبة في أغلب الأوقات الله يعينا:fa46:

أخوكم

[بنت الدلع]

الحمدالله على السلامه اخوي

انشالله تكون سفره موفقه
وترد بشهاده عاليه ترفع الراس

take care

[دانة حتا]

حمدالله على السلامه
ولا تقطع الواحات وماعليه بنسجل تنقيعاتك لا تخاف

ترجع للوطن بالسلامه ان شاء الله

[الثعلب الرمادي]

أخواتي دانة حتا و بنت الدلع ...

شكرا اهتماكم بالرد على الموضوع ... و بالنسبة لأختي دانة حتا أنا مب فاهم شو يعني (بنسجل تنقيعاتك لا تخاف):fa36:

شكرا لكم مرة ثانية:laugh:

[دانة حتا]

اخوي الثعلب الرمادي
انت قلت انك محترف والكيبورد مب عربي
فاذا حصل ونقعت في الكتابه انا بسجلها عليك
فحاسب يوم تكتب عن يطلع حرف بالغلط
والسمووحه الشيخ

[الثعلب الرمادي]

دانة حتا الأخطاء تصير أثناء كتابتي للرد لكن أنتبه لها و أصلحها قبل ما أرسل الرد ... و شكرا على التوضح أختي :)

[المقاتل]

:fa35: الحمدالله على السلامــــه .. وصراحه جو ألمـــانيـــا بارد جــدا وأعتقـد درجة الحراره عندكم 6 تحت الصفر وثلـــج عندكـم لأن أهلي توهم رادين من هناكـ .. !!

:fa52: ونحن عكسـكم مووووليــــه .. حـــر موووووت ( :Oo: لاهوووووب ) :rock: احسدكم على البرد ههههه .

السموحه على الإطالـه ،،

.. المقاتل ..

[الثعلب الرمادي]

مرحبا أخوي المقاتل ...

أنا بصراحة في أقصى غرب ألمانيا مع حدود بلجيكا تقريبا الجو عندنا بارد بس مب بارد بدرجة كبيرة و بعد ينزل عندنا مطر من فترة لفترة أعتقد الثلج ينزل على شرق و شمال ألمانيا يعني برلين و بريمين و هالمناطق.

تصدق صح إن الجو بارد و الطبيعة حلوة بس الحياة هنيه مملة .. أنا أحب العين أكثر حتى لو كان جوها حار :)

و شكرا لردك أخوي المقاتل

[عيون الليل]

الحمــدلله على السلامه اخونـــا الرقيـــب .،.،.،
ولو انــها متأخره :fa46:

ماشالله غيــرت العلم وحطيت علم ألمانيــــا .،.،.،

اتمنـــى لك التوفيــــق بالدراســـه :nerd: والغربــه صعبه صحيح بـــس الي يبـــا الشـــي لازم يتعب شويــه عشــان يحصــله وبترجع بين فتره وفتره الامارات وبتزور أهلك

على فكـــره حتى انا حـــالي من حالك .،.، الكيبورد عندي مافيــه عربـــي .،.،.، بس مثلك انا محترفـــه حافظه أماكــن الحروف :fa42:

والســموحـــه

[الثعلب الرمادي]

الله يسلمج أختي عيون الليل:laugh:

ذكرتيني باسمي القديم الرقيب كاتسويا سيوي بس هذا كان قبل سنوات طويلة ... الحين اسمي الثعلب الرمادي و انشالله يوم أخلص الدراسة برد أغيره للفهد الكاريبي الأسود:laugh:

الأخت عيون الليل لها معزة خاصة عندي و يمكن كل عبارات الشكر ما توفيها حقها ... أذكر إني قبل كم سنة رسبت في الثاني الثانوي القسم العلمي و عدت السنة فدايما كنت أسأل أختي عيون الليل عن الدراسة و طريقتها و التعامل مع المواد العلمية و كانت تنصحني دايما بأحسن طريقة و ما كانت تبخل علي بوقتها أبدا و بعدين قطعت عن المنتدى لفترة طويلة بسبب الثانوية العامة و يوم رجعت للمنتدى كانت هي أول شخص سألني عن نتيجتي في الثانوية فكل الشكر لج أختي عيون الليل لو إنه أقل بوايد مما تستحقين.

انشالله أحقق نتيجة طيبة في المانيا:laugh:

شكرا لج أختي عيون الليل