أرقام مهمة.. يرجى من الجميع أن يتفضل

[اخت اختي]

السلام عليكم ورحمة الله وبركاته

هذه بعض الأرقام إللي كل واحد لازم يعرفها:

8004353 "كلنا شرطة" (تابع لشرطة دبي)
هذا برنامج أعدتها شرطة دبي: إذا انته في السيارة وحد عق شيء في الشارع، أو حد وقف سيارته مكان المعوقين ومب معلق ستيكر المعوقين عالسيارة، أو حد ملعوزنك في الشارع، أو حد يعرقل حركة السير... بإمكانك أن تآخذ رقم السيارة مع الكود ولون ونوع وموديل السيارة وفي أي شارع بالتحديد والساعة كم وتتصلون ب هذا البرنامج.

04- 2232323
هذا طوارىء بلدية دبي

991
طوارىء الكهرباء

04- 3374000
مستشفى راشد

04- 2714444
مستشفى دبي

04- 3241111
مستشفى الوصل

04- 2245555
استعلامات مطار دبي

999
الشرطة

997
الدفاع المدني

999
الإسعاف

إذا في أرقام أخرى تحتاجونها.. تراني في الخدمة :)

[أحلى منصوري]

شكــراً

..

[عنود الريف]

تسلمين اختي
بذكرج بخدمة الأمين بعد اللي تابعة لشرطه دبي ..
بحيث تبون تخبرون على حد بسرية تامه .. انا سويتها هالحركه ..لول بس محد يخبر عليه ..
8004888
واذا ما عيبكم ما عليكم الا ب 999
مشكورة اختي والسمووحة

[ريف المشاعر]

مرحبا اختيه.........................مشاركتج مفيدة وااايد خاصة اول رقم كلنا شرطة هههه

مشكورة فديتج:)

[اخت اختي]

العفو أحلى منصوري

[اخت اختي]

مشكورة اختي عنود الريف :)

[اخت اختي]

اختي ريف المشاعر.. أنا في الخدمة :)

[الحساس]

كلنا شرطه..

مع احترامي للشرطه...

بس للاسف خدعوا الناس بهالخدمه الوهميه..

مره شخص وقف ورايه بالبارك ويوم بغيت اظهر تفاجات بالموتر .. ماسويت واحد ثنين اتصلت على 999 .. وقالوا بنييك احينه.. تريت وتريت ومحدن ييي يييه راعي الموتر.. تهازبت وياه واخذت رقمه..

رديت واتصلت بالـ 999 قتله انتوا شو يالسين تسوون متصلبكم من ساعه ولا حد فيكم يه.. المهم اخذت رقمه وابا تاخذون حقي من راعي الموتر.. قالي خذ هذا الرقم (كلنا شرطه ) وخبرهم عن الموتر وعن شكواك وبعدين الشرطه بتسوي الي عليها.. اخذت الرقم .. والله وكيلكم يوم كااااااااااااااااااااامل اتصل ومحد يرد..

عصبوبي هالـ (كلنا شرطه) اكثر من راعي الموتر..

خدماااااااااااااات وهميه


سلمتي اختي على الموضوع

[ألم ترى]

بسم الله الرحمن الرحيم ..

وعليكم السلام والرحمة ..

يزاك الله خير وتسلم لنا عـ الموضوع اللي بالنسبه ليه وايد مهم ..

فـ انتظار ابداعاتك وجديدك ..

موفقه بأذن الله ..

[اخت اختي]

مع احترامي لك اخويه الحساس، أنا كل ما اتصل ايردون.. وأظني حفظوا رقمي كثر ما اتصل..
اخويه الحساس أتمنى إنك ما تيأس من الشرطة.. وإن شاء الله ما يتكرر هذا الشيء..
مشكور

[اخت اختي]

اخويه محب الشيخين، نحن دايما في خدمة الشعب والوطن
مشكور اخويه عالمرور

[الجنيه]

السلام عليكم ورحمة الله وبركاته ..

صدقه الحساس الصراحه أنا غاسله ايديه من الشرطه ..

قبل شهرين كنت مبركنه سيارتي عند الدوام وترخصت الساعه عشر ونص عشان ارد البيت واول ما وصلت شفت موتر مبركن حذالي أقصد لاصق بموتري لدرجه أني ما أقدر أفتح باب السائق عشان ادخل الموتر .. أنا أكثر من مره صار لي هالموقف وكنت أتعفد من الصوب الثاني بس هالمره قلت ما بسكت عن حقي والشخص غلطان أتصلت بــ كلنا شرطه ويلست اتريا ,,, وأترييت وماشاءالله عليهم ما قصروا مثل البرق يوني عقب ساعه وربع سبحان الله كانت الساعه 12 الا ربع

والشرطي ماشاء الله عليه شو يقولي أونه أنزين جان دخلتي من الصوب الثاني وروحتي ؟؟
قلت له ليش أنتوا مب ناوين اتسون شي ؟؟؟
قالي والله بشوف يمكن نعطيه مخالفه والا تنبيه هالمره
قلت له والله أنا الغلطانه الي مصدقه عمري ويايه بستنجد بكم ...

ما بقول انهم دوم جي بس أكثر الأوقات ,,,,

اخت اختي ،، تسلمين حبوبه