المساعد الشخصي الرقمي

مشاهدة النسخة كاملة : مبرووووك 2006


ديج الفريج
02-01-06 ||, 09:21 PM
السلام عليكم ورحمة الله وبركاته

أحبابي في الله .. :inlove:
اشحاااالكم ؟؟؟؟

مبروووووك عليكم التفسخ في الدين :wacko:

انا آسف ... التعبير جاااارح
لكنها الحقيقة المره

اتصدقون ؟؟؟ ..
ساعات ما اصدق اني في دبي
كل سنه كنا انشوف في الأخبار احتفالات فرنسا واستراليا بـــ " النيو يير "
السنه نفتخر باحتفالاتنا ....
وينا نحن ؟؟؟
ليش مانتحتفل بعيد الفطر ابهاي الالعاب الناريه ؟؟؟
ليش مانحتفل ابعيد الاضحى؟؟؟؟ ؟
ليش ما نحتفل بقدوم رمضان فرحا وابتهاجا بقدوم هذا الشهر الفضيل؟؟؟
ولا خسارة في المناسبات الدينيه

ليش انزين شوارعنا حق مهرجان دبي للتسوق وشهر العطاء ومدهش وما انزين حق العيد ابحد ذاته ؟؟

من متى صار لنا أكثر من عيد ؟؟؟
عيد الحب
وراس السنه الميلاديه

أخبركم
ادخلوا المواقع المعنيه أو ابحثوا في موقع " جوجل " وبتعرفون شو يعني ها الأعياد
صدقوني بتكرهون أفعالكم واحتفالاتكم

وعقب انقول ..
ليش عيالنا ينجذبون لشجرة الكريسماس
والهدايا
وراس السنه الميلادية

حبابيبي ...
سؤال ؟؟؟
شو أسماء الشهور الهجريه ؟؟؟
ونحن في اي شهر؟؟؟
وشو ترتيبها ؟؟؟

والله انه في ناس لو تسألهم عيد الاضحى فأي شهر بيقول لك افشوال !!!!!
وفي اطفال ما يعرفون عيد الضحى من عيد الفطر

في الاذاعه المدرسيه في مدرسة عيالي ...
سووا مسابقات
سئلوا ..
ما هو العيد الذي يأتي بعد عيد الفطر ؟؟؟
جاوب واحد من الطلبه ..

تتوقعون شو؟؟؟
عيد الأم :fa54:

تعرفون الاسئله لصف كم ؟؟؟
رابع ابتدائي
يعني أطفال بعمر الصلاة 9و 10 سنوات

الله المستعان
واسمحولي ان أخطيت

مبرووووك عليكم عيد الأضحى مقدما :fa41:
الجنيه
02-01-06 ||, 11:39 PM
ديج الفريج ...

الله يبارك فحياتك وعساك من عواده ...

شو بقول يا اخوي أحس بذنيه بتنفجر من أصوات الألعاب الناريه الي شلت البقعه ..
حالنا يوم عن يوم يتحول من سيء الى أسوء ..
دبي بدت تتصدر كل الدول من حيث السياحه والاقتصاد ولا ننسى الاحتفال بأعياد اليهود وغيرهم وبطريقه أسطوريه تنحفر في العقول قبل القلوب .. من مبدأ عالم واحد عائله واحده ...
والاحتفالات تتوالى ,,,

الله المستعان يا خوي ..
ألم ترى
03-01-06 ||, 12:38 AM
بسم الله الرحمن الرحيم
وعليكم السلام والرحمة شيخي الكريم
تغيب تغيب ونرد لنا بـ اسأله تعجيزيه او بالأحرى نحاول تكتم كلمة الحق فيها
ليش واحد مني ما ادري او احاول اني اتجاهل الأجابه
:sad:
ما اقول غير الله المستعان وتسلم لنا عـ هذا الطرح
ربي يحفظك ويعطيك العافية
حبوبه دبي
03-01-06 ||, 01:06 AM
هلااا والله

انــته ويــنك !! اتغط عنـٌاا مره وحده :fa44:

المهم ،،

للأســف كلااامك صحيــح 100%
:fa55:
لكـــــــــن شــو بنســوي !!!
مــن كثــرة الانجليــز اللي عندنــا اتــوقع اي شــي ،،

شــوف المــرااكز والشــوارع كيــف !! :fa56:

لاحظ الفررق الحيــنه و يــوم العيــد كيف !!
صخـــه :fa46:

شـو بنقــول بــس ،،

والله يبــارك فيـك مقدمـــًاا :inlove:
ديج الفريج
03-01-06 ||, 10:47 AM
الجنيه :devil:

السلام عليج والرحمة والبركة

أكيد شفتي مراكز التسوق

الله يعطينا العمر والصحة والعافيه

تعالي آخر السنه هذي وبتشوفين بابا نويل عند باب بيتكم يعطيج حلاوه :unclesam:

" شومارت " من المحلات اللي كان بابا نويل يوزع فيها الحلاوة على الأطفال
والمصيبه ان المواطنين " المسلمين " يقولون حق أطفالهم خذوا

عندي سؤال ..
لوكان واحد ملتزم واقف يوزع حلويات يوم العيد حد من عيال الأجانب بياخذ
والله المسأله فيها عقيده
ونحن أبدا مب مفتكرين في سلامة عقيدة أطفالنا
بس نهتم شو ياكلون وشو يلبسون
يعني وانتوا ابكرامه انعيشهم ابمستوى الحيوانات
انوفر حاجاتهم الأساسيه للمعيشه

تسلمسن اختي على المشاركه
انما هذا من غيرتج على دينج
ديج الفريج
03-01-06 ||, 10:54 AM
محب الشيخين

السلام عليكم ورحمة الله وبركاته

اشتاقت لك الجنه ... قول آميييين

أبا أحس اني في دولة مسلمة عربيه لها أصولها وجذورها
صدقني حتى الأذان ما قمت أسمعه
لازم أشد أذني أو أشوف التلفزيون عشان أعرف انه أذن
أبا أشوف فرحة عيالنا بالعيد مثل ما كنا نفرح
ليش الكل يزين بيته وبلكونته بالليتات والهدايا الا نحن ؟؟؟
نترس طاولة الطعام بالأكل والحلوى وانجهز النيطان حق اليهال
وبعدين ؟؟؟...
ديج الفريج
03-01-06 ||, 11:01 AM
حبوبة دبي

السلام عليج والرحمة

مرحبابج أختي

مشكووره على مرورج الغالي

حلو ان الانسان يتقدم او الدوله تتقدم
ما فيها شي لو انواكب التطور
لكن ما ننسلخ عن دينا وشخصيتنا

ليش الكفار متمسكين بعيادهم ونحن امضيعين ؟؟؟
ليش هميحتقرون أعيادنا ويجتلون فيها المسلمين ؟؟
ونحن نفرح وانشاركهم اعيادهم ؟؟؟
لهاي الدرجة نكره اعمارنا ؟؟؟

في وحده كبيرة في السن اتقول ...
ودو عيالكم وافي عشان يشوفون شجرة الكريسماس شقا حلوه
يوم اليده تفكيرها جي شو تبون يكون تفكير الحفيد :fa55:
حلم الطفوله
03-01-06 ||, 12:07 PM
وعليكم السلام ورحمة الله وبركاته

الحمد لله على السلامه يا ديجنا:laugh:

مهما تكلمنا من بيسمعنا ...ومهما كتمنا بقلوبنا أكيد بيي يوم وبننفجر فيه

بأحلام اليقضه أتخيل هالانسان العربي المعروف بفصاحته وبلاغته ورجولته عقب خمس سنين جدام

كافي خمس سنين بس:glare:

أتخيله جدام المولات يالس على طاولات الكوفي شوب لابس البدل كلامه كله اجنبي والكواشي بإذنه

يلاحق الغرب بتطورهم بموضتهم بعاداتهم ويمكن يغير جوازه هروبا من واقعه العربي المتخلف

هالعربي كيف بيعلم عياله الدين؟ الأخلاق ؟ الرجوله ؟ حب الوطن؟

كيف بيعلمهم إنه بابانويل مب أبونا ؟؟ وإنه عيد الفصح مب عيدنا ؟ والانجيل مب كتابنا؟

وإنه بداية راس السنه الهجرية هو سنتنا اليديده

كيف بيعلمهم إنه الرقص والاختلاط الزايد بالحريم يحط من قدر رجولة العربي

كيف بيشرحلهم إنه التدخين والخمر والمخدرات والربا حرام دامه بيوم جربها ؟

كيف بيخبرهم إنه النخله بتمرها وذكرها بالقرآن أغلى عن امية شجرة كرسمس زينوها بأجراس

كيف بيقنعهم إنهم يستقبلون العام الجديد بقلب يديد وإيمان أعمق وقول يصدقه العمل

ياريت ناخذ من الغرب حبهم للغتهم وتطورهم في بلادهم وحبهم لعملهم

نقدر نخلي أيامنا كلها عيد ونحتفل كل يوم بمناسبه ... مثلا بالعيد زينوا غافة أو سدرة البيت :blush:

وقول حق هاليده المطوره قري بالبيت وقولي حق اليهال خروفة الليل تحت السدره:fa51:

الله يهدي الجميع ..واسمحولي جان كلامي ما عيبكم:fa32:
ديج الفريج
03-01-06 ||, 12:43 PM
تسلم ايدج يالغاليه على هاي الكلمات

نحن ابحاجه لصفعه
لا ... نحن ابحاج لـ ... :fa32:
يمكن انفيق

وليش ننتظر اختي خمس سنوات جدام عشان انشوف اللي كتبتيه
ليش انتي ما اتشوفين شبابنا اللي امطولين شعرهم ورابطينه ابشباصات خواتهم
ما اتشوفين الحلق في أذونهم
ما اتشوفين بناطلين " اللو وست " مثل ما يقولون
وحف الحواجب عند الشباب
ووووو ...
الله يستر علينا ويهدينا يارب
آميييييين

تسلمين على مرورج الكريم
شوق القلوب
03-01-06 ||, 02:56 PM
الســـلام عليـــكم..

.
.

حلمـــــــي الجميـــــــل..

أبدعتي و الله ..!! كلام رائـــع.. و هموم طالعه من قلـــب متألـــم...

.
.

ديج الفريــج..

الغرب عندهم هالكرسميس شي مقدس.. مب عشانه له علاقه بالدين.. لا..

عندهم اليمـــعه الحلوه اللي يتريوونها طول السنه..

الهــــدايا.. كل واحد لازم يقدم هدايا للي حواليـــه..من كبير و صغير..

احنا بس.. زهبوا النيطان اليديده حق الصغاريه واشتروا لبس يديد..

لو كل واحد فيـــنا... جهـــز هديه ولو بسيــطه.. لأمه.. و اخوانه... و عيــاله.. بيكون للعيد طعم ثاني... مب بس فرحه الهديه.. لا بتكون فرحه انه حد فكر فيني و اتعبل و دورلي شي يفرحني..

.
.

يمكن ناس مب واعيــه لهالامـــور... بس أنا و انت و وكل اللي مروا على هالموضوع.. ناس في ايدهم انهم يغيرون اذا بدوا بأنفســـهم..

العادات الحلوه بسرعه تنتشر... و الناس للحين فيها خيـــر... بس محتاجين اللي يتجــرأ و يبدأ..!

.
.

ســـؤال أخيـــــر

كم من الأهـــالي في ليلة العيـــد... جمع الصغاريه حواليــه... و خبرهم ليش احنا نحتفل بهاليـــوم..؟؟ و كم من الأهـــالي عرّفوا أطفالـــهم.. بقصه اسماعيل و ابراهيم - عليهم السلام - عشان ينــمون عندهم القيـــمه الدينيه و الروحانيه .. قبل الماديه..؟؟
الشوق
04-01-06 ||, 12:57 AM
تم تثبيت الموضوع
ولي عوده ..
مسافرللجفا
04-01-06 ||, 01:58 AM
السلام عليكم

ديـــج الفريــــج

نــورت الواحــة يا الغـالي ولك وحشـه






عيبني اسلوبك،احس انك متحمس وحمستني وياك ، لكــن اذا تعمقـــت في موضوعـــك وفكرت وتخـــيلت شو الي بيصـــير من ورا كل هذا بيجيــسني احباط ولعلي انهـــار وخوفي من انهــيار الاطفال والشبــاب الي تأثروا بهـــا الاعـــياد ،


الغريب انه احنا العرب نحتفل بها الاعياد اكثر من اعيادنا | عيد الفطر و الاضحى |

احس انه اعيادنا مالها طعم شرات قبل
من بعد ما قمنا نحتفل باعياد الكفار ، مشغولين بترتيبات اعياد الكفار وناسيين اعيادنا

ما اقول غير الله المستعان

.. .. .. .. .. .. .. .. .. .. .. .. ..

شكرا على الموضوع وحياك الله يا اخوي ولا تقطعنا ،


اخوك
مسافرللجفا
عنود الريف
04-01-06 ||, 11:11 AM
يا هلا ومرحبا اخويه ديج الفريج
يا اخويه انا في رايي نحن ما بيدنا شي ...
يعني الاحتفالات من الحكومة .. صح نحن نسير السطح عشان انشوف ..
بس سالفة كريسمس ..
كنا نبا نشتكي على الاحتفالات اللي في المراكز .. بس صدقني منعونا من هالشي ..
فشو نسوي نحن ؟؟؟؟
كثر ما نقدر نمنع عيال عن سوالف الاحتفالات هاي الكريسمس والهلوييين وغيرها..
لكن السلطة مب لنا ..
تسلم شيخي على الموضوع ..
والسمووحة
دموع قلم
09-01-06 ||, 06:26 AM
وعليـكم السـلام ورحمـة الله وبركـاته

نعلـم أن جميـع المـواطنيـن في دولتنـا مسلميـن, ولكـن.. لا شـيء من أفعـالـهم تثبـت أنهـم فعـلا مسلميـن!!
فـ المعـاصـي كثـرت.. وتقليـد الغـرب ازداد.. حـب المسخـرة واللعـب وكثـرت تـوافـه الأمـور

الكثيـر من أبنـاء دولتنـا يسمعـون ويعلمـون بـ معنـى هـذه الأعـياد,
ولكنـهم لا يبـالـون بـه, وللأسـف ليـس بقلبـهم أي ذرة غيـره لـدينـهم الإسـلامي

:sad:


أشكـرك أخـي ديـج الفـريج على غيـرتـك
وربـي يصلـح ويهـدي أبنـاء أمتنـا الإسـلامية.. يــــــــــــااارب

:)
رحيل
17-01-06 ||, 12:36 AM
ما باليـــــــــد حيلة يا أخوي ..لا وأتريا لك كم من سنه وبتشوف المنكر كله ..الله يهدي الجميع