استيشــــن يغـــرز !

[الهيثــم]

. . . الســلام عليــكم . . .

الجو ما شاء الله عجيب اليــوم ... والأمطــار الي صوب مســافي ودبــا .. كم تســوا !
فـ قررنــا نطلــع طلــعه خفيــفة بدوون تخطيــط ولا شي ... يعني عـ السريـــــع ...


بوجــاسم : خطااب وينك .. !

خــّطاب : في البيت .. شبلاك متحمس .

بوجاسم : شو رايك بنرووح المعــارض .

خــّطاب : يالله سايرين .. شو ورانـــا ...

ووصــل بوجــاسم عنـد خــّطاب ..

خـــّطاب : شو رايك فـ الجو .. رهيب يا ريــال .

بـو جــاسم : خلاص ما بنروح المعــارض .. بنسير صوب الذيد ومســافي .

خــّطاب : ســايرين .. شو ورانــا .

بو جــاسم : اتصــل فـ بو مايد ( مسافرللجفا ) خــله إيي ويــانا .

خــّطاب : أبوك ما قالك إنك غبي !! ..

بو جاسم : لاه .. ليش !

خــّطاب : وبومــايد فاضيــلك الحيــنه ... تلاقيييه راقد الحينه .. حتى أبووه ما يعررفه .

بوجاســم : إنت اتصــل وما عليــك وبنقــوم عشيــرته ويــاه .

خــّطاب : خلاص بنجرب حظنــا .

وعقب محــاولات عديدة .. رد علينا الحبيب

خــّطاب : ها بو مايد شو تسوي .. وينك !

بو مايد : والله ما شي .. في البيت

خــّطاب : في البيت !! . . والجو برع جي .. يالله الحين بنمر عليك .

بومــايد : ويييييين !

خــّطاب : بنفتر شوي .. صوب مســافي وبنررد .. الجو عجيييب ..

بومــايد : دام البترول عليــكم .. ما وراي شي .. ( يحلييله عنده عقده ويا البترول )

خــّطاب : هيه أدريبــك .. النيســـان مفقرنــــك . . .. يالله ربــع ســاعه ونحن عنــدك . .

ووصلـــنا عن بومـــايد ونقعنــا ربع ســاعه عند البــاب ... ونحن نتريــاه ..

المهــم رديــنا الشــارجة ...
ونحــن ســايرين صــوب الذيــــد ...
قلــت حق ربيــعي ... يبــالك اتجرب موتــرك فـ البر ..
عـــاد هو اختـــرش ( وهو ما يعرف يسوق فـ البر ) ...

ودخــل ويا ريتـــه ما دخـــل ...
قتلــه اصعــد العرقووب ...

اتحمس الحبيب .. وصعد ويوم وصــل فوق ... غرز .. قتله بس أنزل .. ( يباله رياييل )
ونــزل الحبيب ... وخرشتــه عسب يصعــد مكــان ثــاني ..
والحبيـــب دفنــه في القومــة .. ورقد عليــه الموتر

اتوهقنــــا ... وأنــا أقــول فـ خاطري .. استيشــن ويغــرز ..
عيـــــــــــــــب !

نسمنـــا عـ التوايــر ...
وشفـــنا واحــد عنــده نيســان .. وطلــع ريــال طيب
بس المشكلــة إنه ما عنده قلص . .

وإترييــنا شوي .. وشفــنا واحد يزااه الله خير ياه وعنــده قلص
وحطيـــناه ورا النيســـان .. وبسم لله ...

وبس خـــلاص ..
واايــد اهـــذرب ..

شــوفـــوا الصــور ...
وبتحصلـــون وصلــة الفيــديــو تحــــت

http://drr.cc/up12/Image(824).jpg

http://drr.cc/up12/Image(825).jpg

[/url]
(http://drr.cc/up12/Image(826).jpg)
http://drr.cc/up12/Image(826).jpg

http://drr.cc/up12/Image(827).jpg

http://drr.cc/up12/Image(828).jpg

وهــاي وصلــة الفيــديـــو . .
يوم ظهــر الموتـــر . .

http://drr.cc/up12/Video(089).3gp

(http://drr.cc/up12/Image(825).jpg)[url="http://drr.cc/up12/Image(826).jpg"]والعيب من الخيال مب من الخيــــل . . .
ولا استيشـــن ما يغـــرز جي ...

^__^

المهـــم إنهـــا كــانت طلــعه حلــــوة
وعقبــها هـّونـّـا ومــا سرنـــا مســافي ..

وحولـــنا صوب دبي . .

^__^

ومشكــوريــــن حبــــايبي . .

:fa35:

[بيور]

ههههههههههههههه ..

أسميييييييكم سوااااااااالف

.. صدق والله ستيييييشن ويغرز .:fa52: .

المهم انكم استااانستووووا ,,:fa42:


المتفيجة ,, :woot: :woot:

[لمّــاح]

خخخ ماعليه ماعليه تكبر و تنسى :fa56:

[مسافرللجفا]

نـــاس يقلصـــون وانــــــت اتصـــــور :fa56:

؛
؛

قلــت لهــم لا ادخلــون المــوتر في الرمـل

مــا يسمــعـون كــلامي

جفــت شو صــار اخر شي :fa51:


عســـب تـــعرف النيســـان شو يســـوي

:vampire:

؛ ؛ ؛
؛ ؛
؛

اتبهـــدلنا اشـوي بس استــانسنا بالجو الحلــو :fa35: والبــراااد


تسـلم خطـاب ع التصـوير ،
صح انك ما قلصـت بس ارشـاداتك كفتنا

السموحة !

خيـــك
مسافرللجفا

[أمواج]

وافضيحتاه



استيشن و يغرز!! . . .



هه أكيد مفولين التواير عشان جيه غرزتوا :fa44: :fa44:

×

×

×



أحسن شي اتخلون البر لأهله . . .

:fa42: :fa42: :fa42:







ويسلموا على الصور و الفيديو

:fa47: :fa47:

[الجنيه]

استيشن ويغرز ؟؟؟؟!!!!! صدق عييييييييييييييييييييييب

كله ولا الوحش ،،

بس الصراحه الجوووو يستاهل الطلعه أنتوا جبلتوا صوب البر وأنا البحر :fa56: برررررررررررررررررررررررر د
خطـــاب بدل لا أتفازع أتصور وأتراقب عن بعد ,, حركه ذكيه
عشان ما تتعب ولا تبذل مجهود ولا أتخيس من الرمل

[نجمة دبي]

ههههههههههههههههههههههههه

حليلكم والله ..

تحصل في بعض العائلات خخخخخخخخخخخخ


المهم انكم استانستوا .. :)



نجــــــ دبي ـــــــمة

[راعي الزعـامه]

مسكين حالكم والله

خربتوا سمعة الاستشين

بس ماعليه الكبير كبير

وتسلم اخوي على الموضوع

[أمرين]

لووووووووووووووووووول

فشييييييييييلة

وجان ما استانستوا ....


لو سمعتوا كلاااام مسافر للجفا .. جان ما غرزتواا

ههههههه

[فركوشه]

حليلكم والله..

وبلاكم فشله وفضيحه جي الاستيشن مب سياره.. والسياره ما تغرز مولييه..؟؟

بس الصراحه الجوو رووووعه.. وفنان..

[عاشقة دبي]

ههههههههههههههههههههههههه ...

مسكييييييييين حالكم استيييشن ويغرز .. خخخخخخخخخخخخخ ...

وافضيحتااااه ... هههههههههه بس صدق فنننننتكه ... ^_^

بس الحمدلله ع سلامتكم ... واهم شي انكم استانستوااا فالرحله ... ^_^

[الـيـاه]

يالله ماعليه تستوي في اكبر العوايل :fa56: هههه

المهم انكم استانستو .. ويسلم موبايلك

[بنت الدلع]

^_^

ونااسه

الصور حلوة وواظحه
خــّطاب : أبوك ما قالك إنك غبي !! .. >> كوول


الواحد يوم يغرز يحس بطعم الحياه
>> اكـــ ـ ـ ـــشــــ ـ ـ ـــــن <<


اهم شي استانستو

[الدلووووعة]

هههههههههههههههههههه

عادي عادي الحياه حلوة عفكره كشة يوم السياره تغرز يمدحونها ^_^

[خيال الحب]

ياحليــــــــــــــلكم,, جان خبرتوني بييكم بالبوشنب خخخخخخخخخ

[الهيثــم]

. . المتفيـــجة . .

شفتي عــاد !
بس الحمدلله كانت مغاامرة حلووة ... :fa42:

^__^

وإن شاء الله يتعلــم صاحبنا كيف يسوق فـ البر .. :fa43:
تــراه فضحنـــا ...

× × ×

لــّماح

يصير خير إن شــاء الله
ما عليك ... مواااقف حلــوة ... وانت أدرى فيـها .. :fa46:

^__^

× × ×

مســافرللجفـــا

يا ريــال .. خل عنـــك ...
إنت قلت بعظمــة لســانك إن العيب مب من الموتــر

بس ونـــاســة يــا خي ..
ومــرة ثـــانية وقــت الشغــل خل تيلفــونك عـ الســايلــنت
طفــرتنـــا ويا مسجـــاتك ..
نبا إنســم عـ التوايــر .. وإنت ويا هالمسجــات :fa56:

× × ×

:fa35:

[الهيثــم]

. . الجنيـــــة . .

هيه والله .. عييب ..
بس تعررفيـن دام النيسـان وصــل :fa54:
انا انسحبـت .. خله يتصررف هو عــاد
والفكــرة دقــت فـ راسي .. يوم اتذكــرت صـور لمـاح :fa42:

قللــت بصــور الموتـر وهو مغــرز ...
وثـانكس ع المــرور ^__^ :laugh:


× × ×

نجمـــة دبــي

تصير فـ اكبر العوايل .. ما عليج :fa56:
والحمدلله استــانسنــا

ويبــالج اتجربيــن مثــل هالموقف
ترا ونــاسة ...
:tounge:

× × ×

عــاشق القلـــم

لا ما عليك بن عمــي :fa51:
الأستيشـــن عالي عالي ..

ووما في شي ينزل سمعته ..
بس شوي الدريــول يبــاله تدريـــب :fa52:

مسكيــن يوم غــرز اتعقــد
قال باخــذ ليســن سفــاري ... :fa56:

وحيـــاك يالغــالي ^__^ :fa42:


× × ×

:fa35:

[أحلى منصوري]

طولــي بعمــرك هــذي هــب تغريـــزه ..
يبــاك اتشــوف المواتــر يوم يصــحــكــن الأرض وتوصل الرملــة للبــاب ..
وانظهــرهــن من دووون قــلــص .. احفــر يا ولـــد :laugh:

تسلــم ويا حيـّــه راعي الاستيــشـــن :fa41:

..

[الهيثــم]

. . أمــرين . .

الي ما يسمـع كــلام بومـايد يضيــع ...
وهــاي النتيــجة

وتعــالي كل يـوم :fa51:

^__^


× × ×

نملــة الواحـــات

وأنــا أدري ...
يتحــرون الإستيشــن ما يغــرز :fa38:
بس بعــد صح كــلامهــم

عيب الإستيشن يغــرز بهالطريــقة
وحيــاج بنت عمــي :fa42:


× × ×

عـــاشقــة دبــي

الله يسلـــمج
شفــتي عـــاد الخبــرة شـــو تســوي ! :fa46:

يوم نغــرز نغــرز بعد :fa44:


× × ×

[الهيثــم]

. . اليـــاه . .

يالله خيرهـا فـ غيرهـا :fa46:
وحيــاج الله

^_^


× × ×

بنت الدلــــع

هيه والله .. يوم اتغــرز اتحس بطعم ثــاني :fa37:
ومشكــورة عـ الإطـراء

^__^


× × ×

الدلووووعة

هيه ونـــاســــة
ومشكــــورة عـ الرد :fa51:

× × ×

[الهيثــم]

. . خيـــال الحـــب . .

هيه والله صدقـــك
هــا وقــت الـ بوشنـــب :fa42:

ما عليك المــرة اليــاية بتصلبــك على طوول إن شاء الله :tounge:
وحيـــاك أخــوي وتسلـم عـ الرد ...


× × ×

أحلـــى منصـــوري

نـــورت المــوضـــوع :fa56:
وتعــال كل يـوم
والمـرة اليــاية بنحفـر إن شاء الله :fa46:
أفا عليك إنت بس

^__^


× × ×

:fa35:

[الغاليه]

ههههههه ونااسه يوم يغرز الموتر ..

ذكرتني يوم غرزنا بالاستيشن .. لكن نحن معذرويين .. اللي اتسوقبنا حرمه :fa46:

لكن انتوا اشوو عذركم هههههه .. ماعليه تعيشون وتاكلون غيرها ..

على قولت بنت الدلع اتحس بطعم الحيااة .. انا طوول ماهم يظهرونها وانا فخاطري اقوول يارب ماتظهر يارب ماتظهر .. عشان استمتع باكبر قدر من الوناسه ...

عالعمووم حلوة الصور وتسلم ..

[الهيثــم]

. . الغـــاليه . .

هههههههههه هيه انتوا عندكم عـــذر
مب نحن ... بس يالله .. قدر الله وما شاء فعل ... :fa42:

^__^

وصدق والله ونــاسـة يوم اتغـرز .. بس إذا خيم الليــل
إتــحس بطعـــم التعـــاســة صح ... ^_^ :fa46:

ومشكــورة عـ الرد ... :laugh:

:fa35:

[طير الغرام]

http://upload.bindubai.com/download/6eer/nnnn.gif

مسكين حاله راعي الستيشن
بس أكيد تجربه حلوه
وغيرتوا جو :fa51:

تسلم ع التصوير ^_^

http://upload.bindubai.com/download/6eer/6eerline.gif

[بحر الموده]

سلام عليكم ورحمة الله وبركاته

وهههههههههههههههههههههههه ههههههههه الاستيشن مغررررررز افاااا

احين وكالة التويوتا يوم بتشوف هذا الفيديو بتضحك عليكم يكيكيكيكيكي

ياااااااااااااخى جان اتصلت بى بييييكم بالنيسااااااااااااان مالى ... بس صدق النيسسااان نيسان على كل لسان نشع الاستيشن نشاع من مكانه خخخخخخخخخخخخخخخخخخخخ

يالله هذا قدر ياما ناس تغرز بس سويتوا مغامراااااااااااااات صراحه ماعليه تسيرون ولاتودونى وياكم تبون الساحل الشرقى دواكم خخخخخخخخخ

راعى النيسان راعى واجب ويزاه الله خير

والسمووووووووحه وايد بر بر .. سلم على بو الحطب

[شمه]

افا.. يعني خلاص ابيع الاستيشن ..ما يسوى..

افا والله

المهم انكم استانستوا..

[الحساس]

خطاكم السوء

اهم شي انكم بخير

.. رقم الموتر للبيع ;) ؟؟ ولون الموتر بعد غاوي
..

[الهيثــم]

. . طير الغرام . .

حيــاج بنت عممي فـ الموضــوع :fa51:
وتسلميــــن عـ الرد ..

^__^

× × ×

بحر المودة

ويييييينك بو جااسم ...
شو رايــك فـ النيســان .. !! :fa38:
ادرييبــك مستــانس الحيـــن لأن النيســان ظهر الاستيشــن ..
وتسلم يالغالي عـ الرد ...

^__^

× × ×

شمــــه

لا تبيــعيــن .. الكبير كبيــر
يعيبـــج الموتر .. :fa34:

بس الي يسووقه يباله شوي

وونورتي الموضوع ..

^__^

:fa35:

[الهيثــم]

. . الحســاس . .

أفــا عليــك دكتــورنا ..
الموتــر بكبــره للبيـــع
والرقــم ها حاطيــنه أي شي لأن الموتر للبيــع :fa54:

وحلوة النغـزة :fa42: .. وحيــاك بن عمــي

^__^

:fa35:

[مــهــابه]

حــرام..
أنــا احب الاستيشـــن وايــد.. سيارتي المفضلـــه
يحليلكــمــ ..
كســرتوا خــــاطريـــه
بس عــادي
الحيــاه تجارب لازم تجربــون..

اخـويه الخطاب كيف اتفجيــت اتصور والعــرب مرتبشــه..؟

[الهيثــم]

. . همـــوم الحــب . .

هلاا بنت عمـــي
الأستيشــن عجيب .. لا تغيرين راايج فيـه

وانا الفكرة دقــت فـ راسي يوم حطــوا القلــص عسب يظهروون الموتر
قلــت بصــور وبنــزل موضــوع حق ربــعنــا في الواحــات ..

ومشكــورة عـ الرد بنت عممــي ..

^__^

:fa51:

[بلوة حلوة]

لول .. يـ حرااام :fa56:

يالله .. الحياه تجارب :tounge: ههه

اقول .. ولا خلاص غيرت رايي كنت بقرض حـد :fa52:

[المزوحي]

خــطّاب صدق عيب عليكم وإلا اللاند في هالرملة يغرز .. اعنبوا الراف تمشي ... وإلا بس تعطونها ريس كامل وتعقون عماركم ودفنتوا التواير :)
أفااااااااااا بس !!

خلاااااااااص عطوني اللاند

[بنوتة وردية]

بموووووووووووووت الصور ما تظهر عندي

بس عالعموم تسلم والله يعطيك العافية