مشاهدة النسخة كاملة : البحر
عمة العيم
22-12-05 ||, 11:38 AM
السلام عليكم ورحمة الله وبركاته
هذه ثاني لوحه لي بالالوان الزيتيه
اتمنى ان تنال اعجابكم
http://www.reemdubai.com/lore/album/uploader/uploads/a886b18f8c.jpg
خدافس
:alien:
نبراس الليل
22-12-05 ||, 02:32 PM
يالله
ماشاءالله عليك اختي عمة العيم الصراحة من غير مجامل من اجمل اللوحات اللي شفتها
تميز وابداع شكرا على اللوحات الجميلة
طارق
أمواج
22-12-05 ||, 06:07 PM
اللووحه روعه :love: :love:
والله انج فنااانه :fa47: :fa47:
ولاتحرمينا من ابداعاتج
اختج :inlove: :inlove:
سود الأهداب
22-12-05 ||, 06:58 PM
:fa34:
واااااااااااااااااااااااو
عيني عليج بارده
لوحة في قمة الروعه
بصراحه احلى منظر بحر شفته
استمري :fa42:
عمة العيم
22-12-05 ||, 08:14 PM
شكرا لكم اخواني و اخواتي
اسعدني تواصلكم معي
اتمنى ان يستمر الوصل بيني و بينكم
و ربي يوفقكم
خدافس
المحاق المشتعل
22-12-05 ||, 10:07 PM
هيه أخيرا شفنا لوحة بعد عناء ومب أي لوحة
لوحة رائعة جداً جداً
البحر الجميل بأمواجه الحلوة الرائعة
وتستحقين أحلى من الردود الحلوة إلي يتج بعد يا أستاذتنا المتفوقة:fa34:
...
بس بعطيج نقاط حاولي إنج تعدلينها في لوحتج وخذيها بعين الإعتبار
ما في شي إسمه نهاية في اللوحة الزيتية حتى لو بعد مدة طويلة
لأن الألوان الزيتية لو حتى رسمتي على لوحتج لوحة ثانية بألوان يديدة
ميزة الألوان هاي أنها تتقبل أي إضافة
وإلي بغيتج تنتبهين عليه
الجهة اليسرى من الأمواج إلي هي قريبة من المشاهد
ركزي على الرذاذ الأبيض المتطاير أكثر
وفي نفس الوقت قبل لا تعدلين أي شي في اللوحة قوليلي هل هي لوحة إنطباعية
ولا واقعيه
أنا من إلي شفته فيها تأثيرات إنطباعية
عشان ما أدخلج في متاهات التعديل
أنتظر جوابج
وأثني كثير على لوحتج الرائع جداً
خالص تقديري لمعلمتنا
محاق
عمة العيم
23-12-05 ||, 01:18 AM
اسعدتي محاقنا على طلتك
و بالنسبه للرذاذ انا مسويه كتل بس بالصوره ماتبين
حلات اللوحه على الطبيعه
و اكيد لوحتي مابتكون كامله لانها ثاني لوحه رسمتها و ماكنت عارفه شو السالفه هههه
و هي رسمه واقعيه........لكنها غير انطباعيه لكنها توحي بالانطباعيه لان الانطباعيه فيها نوع من الواقعيه
لكن الانطباعيه دوم يركزون على الالوان الفاقعه و هني في لوحة البحر الوانها فاتحه و باهته فماعتقد انها انطباعيه
و لكم جزيـــــــــــل الشكر استاذنا القدير الرسام المبدع المحاق المشتعل
خدافس
حبوبه دبي
23-12-05 ||, 01:30 AM
:inlove:
أحلـــــــــى منظـر عندي ،،
واايد احـب أتأمــل البحـــر وامــواجه ،،
ابدعـتـــي والله
مــاشالله عليــــج :fa51:
يالله نتــرقب شـرات هاللــوحات ،،
والسمــوحه
عمة العيم
23-12-05 ||, 12:44 PM
شكراً حبوبه
يالله نترقب لوحات حبوبة دبي
:fa51:
خدافس
المحاق المشتعل
26-12-05 ||, 11:04 AM
عمتنا المبدعة
هي تبين واقعيه
ومثل قلتي كلامج قمه في الصواب
لكن في المرة اليايه حاولي اتدخلين شي من الإنطباعيه في اللوحة
ما أقصد اللون الإنطباعي
أقصد الشكل الإنطباعي هني
يعني
زيدي من كتلة الألوان وبالذات اللون الأبيض مكان الرذاذ المتطاير من الموج
بتحسين عند انتهائج من اللوحة أن الموج يبغي يطلع من اللوحة
:laugh:
نفس هي التجربة زيدي كتلة اللون في لوحة الجرة على الفواكه فقط
بيصير فيها بروز عجيب جداً
وبتستوي لوحتج واقعيه ممزوجة بالإنطباعيه الجميلة
بس نصيحتي لزيادة الجمال فقط ولوحتج والله انها حلوة وايد
بس طبقي إلي خبرتج عنه وأعرضي النتيجه وبنسوي مقارنه بين لوحتج الجديمة واليديدة
موفقه فنانتنا القديرة المبدعة
:fa47:
كل تحياتي وأحترامي
محاق
عمة العيم
26-12-05 ||, 11:33 AM
شكرا لك وعلى اهتمامك استاذنا القدير الرسام المتميز محوق
و كلامك عيبني وايد
بس انا مسويه كتل بس بالتصوير ماتبين انا مخلصه اللون الابيض على هاللوحه ههههههه
يبالي اييب لك اللوحه بيتكم عسب تشوفها
مشكله التصوير مب شي لهاللوحات
عالطبيه احلى
خدافس
راعي الزعـامه
26-12-05 ||, 05:20 PM
قمة في الروعه هذه اللوحه
مشا ءالله عليج اختي عمة العيم
ننتظر جديد لوحاتج
المحاق المشتعل
27-12-05 ||, 01:41 AM
مع انج اتقولين تصويير
بس يباله بعد
صدقيني حطي وشوفي
وثاني شي أبغي اعرف شي
كم الفترة إلي خذتيها على اللوحة كم يوم؟؟
شوفي كل هاي الأسئلة إلي أسألج إياها
أنا أبغي اعطيج الفن إلي عطاني اياه استاذي
وأعتقد انه هالدكتور لو تتعلمين عنده
بيكون أحسن عن ألف جامعة ومعهد
بس أنا إلي اباه
آخذ من خبرت مدرسينج وانا أشاركج بإلي عندي عشان نصحح أخطاءنا
ونوصل لفن جميل ونتوصل فن جميل خارق
اتعرفين عمتنا
أنا اتعلمت ارسم الزيت عند مدرس من زمان أكاديمي
لين ما كان يدور في بالي إني اتقنته واني اقدر أنافس
ويوم درست عند هالدكتور
ورويته لوحاتي
إطالعهم جي وقالي زينه ... حلوة ...
مول مب من خاطره
انا قلت في خاطري ها يتفلسف مثل الباقين
تم يدرسني لدرجة انه إيودني من اذني بالمصخرة ويقولي ارسم إلي اقولك إياه واتعلم
أتخيلي لوحة وحده انمل لين ما نرسمها
على اللوحة ناخذ شهلر يمكن
واللوحة خلاص امخلصه في نظرنا
لكن يقول لا كمل
وبهاي الطريقة علمنا
فقارني نفسجل الفترة إلي ترسمين فيها طويلة ولا قصيره
وجفاف الألوان في الزيت تقريباً خلال 3 ايام
فهذه الأشياء يحتاج المرء للتكتيك لها بدقة
حاولي ان تصفي طرقة دراستك وجدولك كي استفيد منه إن شاء الله
تقديري الدائم لفنك الرائع مدرستنا
محاق
أمطار
27-12-05 ||, 01:48 AM
. . .وعليكم السلام ورحمة الله وبركاته. . .
عمــــوتناا وفنانتنا الغاليــة ،،
. . .عمة العيم. . .
تبـــــــاارك الرحمـــن .. ما شاء الله عليــــج عزيزتي ،،
اللـــوحة تجـنن وقمـــة في الإتقــــان . . .
:inlove:
شكل الأمــواج وانطباعها على الشاطيء .. ما شاء الله ،،
كأني أشم ريحــة البحـــر واسمع صوت الأمواج !
:fa41:
مبــدعـة ربي يسلم أناملج الذهبيــــة ،،
محــاقنا الفنان ،،
ومنكم نستفيــد .. ردودك وايد افادتني ،،
خاصة إني بديت ارسم بالألوان الزيتية .. وبعدنا في أول المشــوار. . .
:fa51:
يعطيكم العاافيـــة ،،
كل الـــودّ. . .
دمعة العين
المحاق المشتعل
27-12-05 ||, 01:57 AM
دمعة العين
أنا سعيد بتجمعنا الفني هذا
مثل ما انتي استفدتي
أنا والله ابا استفيد منكم بعد
ومن عمة العيم بعد
لأني أشك انها تدرس هاي الأيام في مكان بس ماتخبر حد ههه
فإن شالله بنحاول إنطلع عيونها عشان اتعلمنا إلي اتعلمته :fa34:
واشكر تجمعكم الفني الرائع هذا من كل قلبي
:inlove:
اناستازيا
27-12-05 ||, 02:03 AM
WAAAAAAW
والله بدون مجاملات الرسمه واااااايد حلوه ...
والامواج راسمتنهم بطريقه واااايد حلوه ...
دموع العاشقين
27-12-05 ||, 02:03 AM
الللللللللللللللله واااااااااااااااايد حلوه
ما شاء الله عليج
تسلم يداكي
عمة العيم
27-12-05 ||, 11:50 AM
ياربييييييييييييي اسرار فني مابقول لكم
استاذنا المحاق
انا هني يوم رسمت اللوحه بديت كالتالي:
حددت الاماكن الفاتحه و الغامجه في البدايه بالفرشاة (في بنات يحددون بالرصاص) بس انا ماحب مره وحده احط الالوان و آخذ الابعاد بعيني(هو اصلا ياخذون مقاسات بالفرشاة طول الفرشاة مدري كيف) انا ماتدخل مزاجي هالطريقه) بالعين احدد المقاسات انا انسانه صريحه مع لوحاتي اعطيها في الويه ههههه
أملي المساحات يعني ماخلي مكان فاضي......و عشان اطلع لون يباله وقت و انا اعتبر نفسي شاطره في الالوان يعني اييب اللون صح يعني في هاللوحه ألوانها صعبه صح انها بسيطه بس الالوان صعب على ما نييب الدرجه المطلوبه و اعتبر من اصعب الالوان الابيص و درجاته
عقب يوم املي المساحات اتريا اللوحه تنشف عقب ارد احط المؤثرات و التدرجات و اظهر اللون و انسجم لون ويا لون و ابرز الالوان و احدد التفاصيل و هكذا
هاللوحه خذت مني 4 ايام ...كل يوم 3 الى 4 ساعات
الصراحه هي انا طالبه في مركز للفنون التشكيليه
يابنات تعالوا وياي هههههه
يالله اشكركم يا بنات ان اللوحه عيبتكم
و اتريا اعمالكم ترا
خدافس
عمة العيم
27-12-05 ||, 11:52 AM
استاذنا المحاق
يستوي نحط الوانعلى الورنيش؟
لان اللوحه مورنشه
فيعني لو بزيد لون يستوي ؟
خدافس
المحاق المشتعل
28-12-05 ||, 03:36 AM
عمتنا
أنا رسمت لوحة مثل لوحتج
وخذت من وقت جيرب 3 اسابيع او شهر
لكن يوم عرضتها ماعرضتها أي مكان
عرضتها في معرض على مستوى الوطن العربي لكافة الفنانين
إسئلي عنه المعرض السنوي العام
والمقالة موجوده عند مدرسي أنه على راس هالمعرض امتدحتني جريدة الأتحاد في ظني
أول أسم كان اسمي
والسبه مب شاطارتي قد تكون
لكن السبه مدرسي هذا ما شالله عليه
عطاني نصايح من ذهب
وعلمني التأني في اللوحة
يعني اللوحة ماتخلص حتى لوكانت كامله بشكلها
لأنه في بعض الألوان والإمتزاجات إلي ما نراها بالعين المجردة
قد تحتاجها اللوحة حينها
وبطبيعتنا الإنسانيه الغير كامله
ما نقدر على الوصول لتلك المرحلة أو لرؤية
تلك الإمتزاجات الخفية إلا بإطالة الوقت والتمعن الدقيق المتكرر
والشيء الآخر الذي تعلمته
إذا جلس احدنا امام اللوحة فترةً طويلة فمن الطبيعي انه لن يعرف إتقان
تفاصيلها وألوانها بدقة
إلا إذا أعطى نفسه فرصة ان يتمعنها عن بعد
...
بالنسبة لطرقيه القياس بالفرشاه
أنا مثلج ما أحب أتجل على هاي الطريقه
لكنها طريقه مفيده عند الضروره
وإن شالله في شي تذكرته بحاول أوضحه في دروسي اليايه
....
بالنسبة للورنيش
عليج بالحذر من استخدامه
وخصه إذا كثرتي منه في لوحتج قد يدمر اللوحه بالبقع الواضحه إلي يتركها
وعادتا ً ومثل ماتعرفين انه الورنيش يستخدم في نهاية الرسمة بعد جفافها تماما
وأحب اعطيج معلومه يمكن تستغربين منها
كل ما تجدم اللوحة الزيتيه
جودتها تزيد
يمكن يكون لسبب أنه ألوان اللوحة الزيتيه تنشف 100% بعد مرور سنه من رسمها
أنا استغربت وايد من المعلومه هاي
...
وبالنسبة الرسم بالورنيش
يستوي ترسمين به بس بيكون الثمن إنه لوحتج عمرها ما بتجف
وألوانها في أي وقت يمكن اتسيح من الحراره او الرطوبه
لكن في خلطة اتعلمتها من هالمدرس
خلطه خطيره حق الورنيش
ببخبرج عنها بعدين إن شالله
والسبب أنه هاي المعلموه سر من اسرار مدرسي
لكن أطلعني عليه
وإن شالله بعلمج الطريقه في اقرب وقت
:laugh:
عمة العيم
29-12-05 ||, 10:58 AM
كم احب اقرا آراء فنيه
استاذي محاقنا اخاف اعدل فيها عيل ههههه عقب منو بيسوي على لوحتي مزاد
لا لا لا خليني على مينوني لا اييني اين منه (عاشت حكمة اليوم درر ما شاء الله على عموتكم )
ولكن إلا لو خبرتني عن سر فنك محاقنا
خبرني فضفض لا تخلي شي في خاطرك
اتريا الرد
خدافس
:)
المحاق المشتعل
30-12-05 ||, 02:12 PM
عمة العيم
تقديري الشديد دائم لكِ ولكل الفنانين
أنا ما عندي سر ولا شي
رسام حالي من حالج :laugh:
وكل واحد يفيد الثاني بالإلي عنده
أنا اليوم بفيدج
باجر ما بودرج إذا إنتي اتعرفين شي لين ماتعلميني إياه
هاي سنة الحياة
وإلي يحب يتعلم بيسوي المستحيل عشان ياخذ المعلومات من كل صوب
وعلى فكرة عشان أفيدج في هاي النقطة
حتى اللوحة الزيتيه
لها ملامس
مب بس هاي المدارس إلي نعرفها كالإنطباعيه أوة غيرها لا
في أشيا يديده
بس مب موثقه على هيئة مدرسه معينه
مثل هاك اليوم
كنت مشرف على طلبه وفي واحد منهم يعرف يرسم من قبل بس ياي يستزيد
واستغربت كثير من طريقة رسمه
يستخدم طريقه عجيبه تعطي طابع عجيب على اللوحة
وانا اتعلمت من تلميذي في يوم هاي الطريقة
وهني الصواب
إني آخذ من كل حد أي شي ماعرفه في مجالي إلي يالس اتعلمه
:tounge:
عمة العيم
30-12-05 ||, 03:06 PM
فعلاً كلامك صحيح 100% الناس لبعضها
انزين علمنا هالطريقه العجيبه
اشوفك مايالس تفضفض المعلومات
شكلك خاشنهم مادري شو تفكر تسوي الله يستر منك
استاذنا محاقنا الرسام القدير العجيب المتميز بابا محاق
اتريا منك كل ماهو جديد في عالم الفن
خدافس
خيال الحب
30-12-05 ||, 10:13 PM
السلام عليــكم..
ماشاء الله.. لوحـــه حلووه.. تسلم الاياديـــ...
أنا فقط
31-12-05 ||, 11:00 AM
عمة الفن و الإبداع انتي :fa35:
ما شاااااااء الله .. تبارك الرحمن .. خمسة و خمييييييييييسة :fa47:
هذي اللوحة غييييييييييييييييييييير غيييييييييييييييييييييييي يير .. روعة .. طريقة الأمواج
عجيبة بصراحة :fa42:
شهادتي بفنج .. مجروحة دائما :inlove:
الله يحفظج