معـــــــاناة الثانويــــــــه العامــــــــــه

[بنت الدلع]

مرحبااا ملايين ولايسدن


شحالكم؟؟


انشالله مرتاحين


واقول حق اولاد وبنات الثنويه شو المذاكره ويااكم؟؟


ترتوب ولا :fa39:


شو امتحان الفيزيا وياكم


عجيب صح :fa56: :fa56:


المهم

انا الصراحه وااااايد لايعه جبدي من العربي

يوم افتح الكتاب عيوني تحول جذه تستوي :wacko:

ماعرف شو اذاكر بالظبط

صلوح على سلوم

و رشود على حموود:vampire:


الشوها

مايخفون علينا شوي

والله هالكينا هلاك

ومتعبينا

قلنا ثانويه عامه بس مب جذه عاد

داحقين كل شي في الكتاب

حاشينه حشو

الله يسامحهم الصراحه


جوفو الصفحه كيف

يحليلها تشكتي



http://upload.bindubai.com/download/dala3/6.jpg



http://upload.bindubai.com/download/dala3/7.jpg









كيف نذاكر يعني !!! :sad:


انا ابا افهم نحن ندرس عربي ولا تاريخ :oh:









http://upload.bindubai.com/download/dala3/8.jpg





http://upload.bindubai.com/download/dala3/5.jpg


ولا هالأوراق اللي يعطونا

اونه ملخص للدرس

http://upload.bindubai.com/download/dala3/3.jpg












http://upload.bindubai.com/download/dala3/4.jpg



الله يعينا الصراحه:sad:


اقووولكم

لاتعلقون على خطي:fa46:

[طير الغرام]

http://upload.bindubai.com/download/6eer/nnnn.gif

الله يعينكم والله


وكله ولا العربي أنا يوم كنت ادرسه أقرا أول شي الدرس
بدون الملاحظات اللي عليه والخبصه كلها
وعقب أمر ع الملاحظات مرور الكرام :fa51:

حتى مرات إذا بديت ادرس قبل الامتحان بفتره وقريت الدروس ما أرد أقراهن >> من العيازه
بس صدق أحلى الأيام
أيام امتحانات الثانويه العامه

ربي يوفقكم إن شاءالله >> وروحي ادرسي بدال ما اتجابلين النت :mad:

ياليت لو اتصغرين الصور :fa52:

http://upload.bindubai.com/download/6eer/6eerline.gif

[بنت الدلع]

طير الغرام لووول صغرتهن

صح ان هي احلى ايام

بس الصراحه مانلحق انخلص
كيف يبونا نذاكر وهم مب عاطينا اجازه غير اربع ايام مادري خمس

شو يسون هذيل
يدوب حق الكيميا والفيزيا

[لمّــاح]

شــــو هـــــا !! :wacko:

صــــدق القــــايــل يــوم قــــال بنــــات هايـــلا مـــا ينــلامون !!

مــا تــم شي ما سطرتيــه، و الألوان و الملاحضـــات، والله صدق ضحكت على عمري و ربعي ، أذكر على ايام الثانويه العــامه نص الدروس مب محلوله و الكتــاب مب مجلــد و نضــييييييييييييف حتى ريحة المطبعه بعدها موجوده فيه، و في اماكن الملاحضات بدال ما نكتب ملاحضات، كاتبين اوردرات الكفتــيريا ( سنويجات و عصــاير ) أو كاتبين ارقام محلات و قراجات :fa46:
هــا كلــه و بعد انيــب عــلامات زيــنه، الله يعينــكم انتو البـــنات متــعقـدات من كل شــي :fa56:

[بنت الدلع]

لماح

هههههههه زين والله سلفني كتابك عيل
انا استغرب منكم كيف تنجحون
ماشالله عليكم

اذا مالونت الكتاب يكون شكله مب حلو
اما جي على الاقل تنفتح نفسيتي واقدر اذاكر

لا مب متعقدات
بس البنات غير عن الشباب تهمنا النسبه
بس اغلب الشباب اهم شي عندهم ينجحون

[الرايد]

ماشاءالله معـــاريس مب كتاب :fa56:لوول

عيل الحقي على كتابي وكــاله هههههههههه بس مجلد

بس الله يخلي اوراق الامتحانات على طــول تتسرب :woot:


(منو يبا الاوراق):tounge:

[ريم العين]

هههههههههه
والله تكسرون الخاطر
الله يعينا نحن يوم نكون ثالث ثنوي
اضني انتو يوم امتحانويوم اجازه سمعت جي *-*

[الهيثــم]

هـــلا ...

والله أحلــى أيــام .. أيام الثـــانوية
وذكــرتيــني بـ الدروس ...

زايد المبدأ والموقف .. ونكبة دمشق .. ووغيرها من الدروس .. والأدب

بصــرااحــة .. أنــا كنت ماخـــذ كل شي ببـســاطة .. والحمــدلله يبـــت 95 ولله الحمــد
هذا كله بفضل الله ودعواات الوالديـــن لنـــا ...

يعني ما في شي يحتــاي لكل هالتعقيــدات .. صح إنه كتــابي كان أخس عن كتــابج
بس الشي الوحيــد الي سويـــته فـ حيـــاتي .. وهو الي نفعـــني
إني كنت أذاكـــر أول بـ أول ... وما كنت أحس بـ شي ..
ومذاكرتي كانت عاادية .. يعني في الأياام العادية إذا طولت .. أوصل ساعه ونص بس ..

وما أســوي مثل الي يذاكــر ليل ونهــــار .. وهو ما يستوعب شي
أذااكر على قد طـــاقتي .. حتى أحيــد أيـــام الامتـــحان .. كنت اوقف المذاكرة الساعه 10 ( واحس عمري مطوول واايد )
بس إذا كان امتحــان صعــب .. أوصــل ليــن 10 ونص .. بس
يعني أبـــد ما كنـــت أضغــط على عمـــري ... وأهـــم شي

الإنتبــاه فـ الحصــة .. ومراجعــة الدروس أول بـ أول
والأهتمـــام فـ امتحانات التقــويم ( مب اتقولون ما ينحسب .. وتسووله طااف )
لا ذااكـروا .. عسب ترااجعـــون الي خذتــــوه .. وفـ النهـــاية الله بيسهــل عليـــكم إن شاء الله

وبتيبـــون النسبـــة الحلــــــوة ...
وبتحســــون بـ طعــــم النسبـــــــــــة ... والكل يهنيــــكم ...
يعنـــي صدق .. شي ما ينـــوصف ...

^__^

[شمعة أمل]

بنت دلع
الله يعيييييينكم في العربي نحن العربي لعب في لعب *صفنا بمعنا الكلمه غـــابه من الحشره*

وبعدين احمدو ربكم يعطونكم اجازه قبل الامتحانات
نحن مايعطونا
عادي تكونين مداومه واليوم الثاني امتحان
ولا امتحان يوم الجمعه
ولا مثلي امتحان ثاني يوم عيد
ولا ثلاث امتحانات في يوم واحد < ذكريات بايخه


GOOD LUCKKKKK ودرسي عدل
لو تشربين green teen وايد اوكيه يخليج تفكرين عدل =)

[بيور]

والله أيااااااااام .. وسواااالف
... يالله شدي حييييلج نبااانسبه فوق التسعيييييين ..

’’ المتفيجة ’’

[دانة حتا]

الله يعينكم يا طلاب الثانوية
انا اذكر ذيك المعاناة بس انا ما كنت اقرا الملاحظات:fa55:
لانها كانت اشعار وسالف:tounge:
بس المهم تحفظون الدرس
الله يوفقكم جميعا:fa34:

[أمواج]

والله الثانويه احلى مرحله مرت فحياتي
يعني استاانسي بكل شي
حتى بالامتحانات و الشخابيط اللي في كتاابه اللي جنها ليتاات عرس
لانها فتره و بتعدي خلاص مابقا شي
بتمتحنوون الــ Midterm وعقب كم من شهر بتمتحنوون الــ Final
يعني ازمه و بتعدي
------------------------------------

وعلى طاري كتااب العربي
انته بووحج مزيغه عمرج بالشخااببيط و االملاحظاات
يعني لو تكوونين شوي مرتبه كتااابج بتحسين الماده سهله
يعني مثلاا
مافي داعي اتشخطيين على كل سطر و تحطين عداله معلوومه
حطي ورقه عووده على هالدرس واكتبي كل الملاحظات فيها و بجييه
بيكوون شكل الدرس وايد حلو و مرتب و نفسيتيج بترتااااح
اما ها اللي مسوتنه في كتاابج بزيّغ اللي مايزيغ
وخفي شوي من الالوااان >> تسبب الحول هاهاها



أما عن الحقاائق الادبيه فــ :fa42: :fa42: TaKe It EaSy :fa42: :fa42:
يعني عاااادي الحيااه كوول :fa41: :fa41:
اذكر انا مادرسته حق الفاينل لانه المس قالت لنا انه اختياااري يعني مب مجبوووره تحليينه
:fa47: :fa47:
بس مادري هل هالشي بيطبقوونه عليككم ولا بس على دفعتنا ؟؟
:fa36: :fa36:
صح ما اقوول انه الحقاائق الادبيه سهله
:fa44: :fa44:

بس يعني تقدرين تحفظيين كم نقطه من كل شي
ارجع و اقوول الحياااه كووول
لاتزيغييين بعمرج لانه هالشي مابيفيييد
خلي الاموور تمشي مثل ماهي وبتحسين انه هالسنه مرت وبدوون ماتحسيين
وعقب بروووحج بتتولهيين على ايامها

[الدلووووعة]

اخييييييييييي عليه العرب صدق سخيييييييييييييييييييييف بمعنى الكلمة

والله انا احاتي كيف بذاكره يوم الامتحان

الله يستر

انا كتابي اخس عن جي

[أمواج]

الله يوفق طلاب الثانويه

[حبوبه دبي]

:fa56:

احم احم ذكــرتينــي بكتــابي والله ،،

بــس مــب من زود الشطــــارة لا لا :fa46: مــن المــلل والله فالحصــه عــن ارقد عليـهم !!
احــب اشخبــط واســوي حــركــات فالكــتاب ،،

تبيــن الصدق انــا كنت اكــره العربــي بكـل اقســامه :vampire:
ويــوم كنت اذااااكــر افــر صفحه واذاكر صفحــه خخخ :fa46:
ويــوم اشــوف الصفحــه املــونه وفيهــا واااايد رمســه اقراهاااا
ع الســريع عن الحلال والحررام :glare:

بـس مـانصحج فيهــا اكيــد :devil:

شدي حيلــــــــج وربــي يوفقج ان شالله ،،

وكلاااام اخــويه خطــٌاب :fa42: فـي محلــه ،،

والسمــوحه

يالله نشي ذاااكري :rock:

[عفاريتووو]

السلام عليكم

ليش كل ها ..:wow: .. اويه عيل تعالي جوفي كتابي كيف كاااان
فاضي :laugh: .. بس يمكن شوية رسمات واشعار :fa51:
صدق كانت احلى ايام :fa41:
.
لا تحاتين امتحان العربي ماشي اسهل عنه
بس دراسته شوي ثجيلة و مملة :fa48:
.
الله يوفقكم يارب
و تيبون النسب اللي تتمنونها :)

[بنت الدلع]

الرايد:

لوووول يعني كل جديد نحصله عندك

هيه نباهن :tounge:





ريم العين

لا الغاليه ماعندنا اجازات

على ايامكم المنهج غير



خطاب

اهلين

الصراحه انته جي :fa42:

ماشالله عليك

هالمفروض اللي نحن انسويه

بس يوم نتعايز

ويوم مالنا بارض

ويوم عندنا امتحان

ويوم مادري شو بلانا

فهذي الاشيا ماتخلينا انذاكر اول باول

انا يمكن الكورس الاول لعبت شوي

بس خلاص من الكورس الثاني نوو لعب



شمعة امل

يحليلكم ثاني يوم عيد وانتو تمتحنون

شو ها green teen ماعرفه



المتفيجه

افا عليج

ماطلبتي شي



دانة حتى

يوفق الجميع انشالله



المتفيزره عالعرقوب

انا كتابي يعتبر واايد مرتب بالنسبه لبعض من رباعتي

وهذي الالوان مهمه

تميز السؤال عن الجواب وعن الفكره الرئيسيه والمحوريه ..... الخ )))



ولازم نشخط على الاسطور

لان المس تطلب منا

هي تعطينا كل شي ملخص

>>> ملخص والكتاب كامل مشخط لو مب ملخص كيف بيكون <<

عن سالفة الاوراق

هي فكره اوكي

بس احس اني بضيع في الاوراق يعني لازم اكتب كل شي عليهن

وبحي بضيع وقت

نحن ابلتنا ماشالله عليها في الحصه تشغل التيربو

اذا شوي سرحت او رمست ربيعتي >>> اتعرف عمرها منو

اجوفها خلصت سؤالين ثلاث

وعن سالفة ان هي ايام حلوة

هي ايام اكثر من روعه

نحن مستانسين واايد والحمدالله

بس لو يخفون علينا شوي

ويريحونا بتكوون الحياه كــــــــــ ـ ـ ــــول



وتسلمين حبيبتي عالمرور

ويوفق الجميع انشالله



الدلوعه

حبيبتي لاتحاتين الشي قبل اوانه

مب زين تفكرين واايد عشان المذاكره >>> مادري منو يرمس:fa56:

حبوبة دبي
الكتاب بدون شخابيط ورسومات مايسوى :fa46:
انزين بنش


عفاريتو
الحمدالله عدا امتحان العربي وكان حلو
وانشالله الكل يستانس بنسبته

[أحلى منصوري]

وعليـــــكم الســـــــلاام

الله المستـعـــان وراح يكــون بعــونــج

تدريـــن ويــن الغميضـــه .. إن اللي نحفظــــه من ( أدب التحرر وأدب الإتجــاه القومــي وو وو وو اللي في بدايــة الكتـــاب ) ما يكون عليه إلا 10 او 15 درجــة بالكثيــــر :fa55:

والسموحه

..

[الدلووووعة]

اخويه احلى منصوري
هب جي بعد لا واخر شي تختار يا انك تجاوب على هيل يا انك تختار شي ثاني

والنقد بعد كل ها الدح والمذاكره عليه واخر شي يحون 10 او 8 درجات عليه هب حرام عليهم

[بلوة حلوة]

أفااا مااوصلكم هالكتــااااب ..

ماقلتي لي قبــل جان طرشتلج اياه ..زقرت والله :fa56:

مختصـريلج كل شي .. ومحطيلج الاشيا المهمه بس .. وعلى شكل أسئلة بعـد ..!

وايد اوكيه ..

http://www.w6w.net/upload2/21-12-2005/w6w_200512210925168f1fd091.jpg

مثلا .. ها درس زايد المبدأ والموقف .. ع شكل أسئلة ونقاط .. والصفحه اللي
ورا فيهـاا العاطفه والتعبير والصور وهالسوالف :fa42:
يعني بدال المادري كم صفحه في الكتاب .. مسويلج اياه فـ 3 صفحات

http://www.w6w.net/upload2/21-12-2005/w6w_2005122109255671130ede.jpg


وها درس نكبة دمشـق .. :fa38:

http://www.w6w.net/upload2/21-12-2005/w6w_200512210926196b27cbe5.jpg


والأدب اللي الكل لايعه جبـدهم منه .. هاذوا هـااا :fa56:
بس بيني وبينج انا اذااكره من الكتااب > الادب بس
وشي صفحتين بعد ورا ..وكله عـ شكل أسئلة :fa42:

http://www.w6w.net/upload2/21-12-2005/w6w_20051221092844d814795f.jpg

احم احم ..

http://www.w6w.net/upload2/21-12-2005/w6w_200512210929300c39bcfd.JPG

أنفع أسوي دعايه ؟؟:fa56:


والامتحااان يـا وااايد سهل .. وكله نظام مجموعات وتختارين اللي تبينه
لو مذاكره درس ومطنشه درس والله احسن ههه:fa56:


تعااالي صـح شي شراته حق الفيزيا والكيميا اعتقـد بعد .. بس ماخذت منهم


بالتوفيــج خيتــووو ..

[بلوة حلوة]

* هيه صح : الكتاااب ملـّون ويفتح النفـس بس عـ حظي ما حصلت نصيبي من الملون
وكنت مطرشه اختي تشتريلي اياه .. شـ عرفها هي ^.^" لول

وماخبـرتج بعد ان فيه كتاب القصه والتطبيقات من غير اللغه العربية " القراءه" ..
والنحـو مبسطينه بشـكل وايد حلو ^.^"

[الدلووووعة]

بلوه جلوه عفكره الكل يستخدمة


انا ماعيبني الابيض والاسود يمدحووونه الملون ( انا عندي الملون يفتح النفس الصراحة )

شوفي الفرق بين الادب اللي فالاكتاب واللي فالعجيب اللي فالكتاب يمكن اكثر 6 صفحات وفالعجيب صفحتين بس
حتى اربيعاتي ماحصلو الملون وانا اقهرهم به

وانا اصلا ناويه اذاكر من العجيب واللي فيها فيها

[عافك الخاطر]

أحلى الأيام والله
انا عاد ما اخلي بقعة بيضة في الكتاب ..
واكتب بخط محد يفهمه غيري:Oo: مال بسرعة بسرعة..
خاصة دروس الشعر وجي .. اتحصلين عند كل بيت شرح مفصفص :woot:
بس صدق امتحان العربي اييج سهل لدرجة انج اترومين اتالفين فيه اذا كنتي حاضرة ومركزة في الحصة ..
وعليكم بالعجييب :fa34: اخاف يكنسلون الكتاب السنة الياية ويخلون بداله العجيب:fa52: اسميه مدوخ البنات:fa46: ..
بس نصيحة لا تعتمدين عليه اعتماد كلي ..
ذاكري من الكتاب عقب سيري للعجـــييب
لانه ساعات يخونون ..
وبالتوفيق خيتو..
واستانسي في الثانوية قد ما تقدرين ..
..
.

[المزيوونه]

اوييه والله صدق ايام ..

زايـــد المبــدأ والمــوقف .. اول درس هذا ولا؟؟

اتذكر استعارات ها الدرس وتشبيهاته .. ويوم نقسمه لأعمال المرحوم زايد على الصعيد الخليجي و
العربي والعالمي والدولي ومادري شو بعد .. خخخ .. والله ايام المدااارس عجيبه..
صح مكده .. والعربي دسم وايد .. بس بعد حلوه مذاكرته .. اللي يقهر فيه النقاااااااط الواايده ..
بس ماعليج ما بيطلبون منج كل النقاط .. لكن المشكله الواحد راسه يدور من كثرهن ..

موفقه الغاليه ..

[بنت الدلع]

احلى منصوري

ترا سووها فينا
الادب اللي في البدايه موول مايابو منه شي
ونحن صامينه

والامتحان كان اكثر شي اختياري
يزاهم الله خير
الحمدالله كان سهل ومافي واايد اشيا تلخبط

بلوة حلوة:
جفت الكتاب عند ربيعتي
بس مادري ليش ما اترحت له
كل شي على بعض
والمشكله احيانا في اشيا مايحطونها في الكتاب العجيب
بس احس انهم مسهلين كل شي

هيه الغاليه تنفعين اتسوين دعايه>>> لوول
خلاص يوم ابا اعرض شي بيي عندج

عافك الخاطر
هلا الغاليه
احلى شي يوم تترسين الكتاب
بس تعالي عاد فججي يوم تبين تذاكرينه

المزيونه
هي اول درس
ماشالله عليج تذكرين الاعمال
انا اول ما اطلع من الامتحان خلاص اسوي مسح شامل
عشان احط معلومات ثانيه بداله
لووول

[رشفة عسل]

حلييلكم عيال الثانوية العامة..
الله يعينكم ويوفجكم.. والله ذكرتيني بالذي مضــــــــــــى:ohboy:
الله لا يعيدها من أيــــــــــــــام:fa46:
بس صدقيني بتمر هالسنة بسرعة وبتكون من أحلى أيام حياتج:blush:
Good LucK SweeTy:inlove:

[بنت الدلع]

هاي رشفة عسل
تسلمين حبوبه عالمرور

ثانكس

[أمرين]

الله يعينج والله

صج ذكرتيني أيتم الثنوية .. احس كتاب العربي هو الوحيد اللي كان معاناع بالنسبه لي
لا وفوق هذا .. كل الشخاااابيط ما ايي شي منها
بس جيه .. نزين الكتاب فيها


أمــــــريـــــــن

[قصايد غلا]

ذكّرتيني بأيـّــام الثنويه لووووول

الأوراق الملخّصـــه شرات الأوراق اللي عطتنــا ايّاهن أبلتنا بالضـــبـــــــــط :fa46:

أسميــه العربي ذبحني في نص السنه بديت مذاكرتي الساعه 6 المغرب لأني كنت زايغه ومب عارفه أدرس

لكن في آخــــــــر السنه ما همني قمت أقراه قرايــه لكن يبت علامه خبّلت بـــــــي "180" :a033: لأني بس قارتنّه على السريـــع والناس جالبين الدنيــا على الامتحان أونه صــــــــــعــــــــــب وحد ما حل شي مووول :hysterical:


صدق إنها ايام حلوة وبايخه في نفس الوقــــــت لأني لعوزت أميه ويايه فديتها وحرمت عمري من وااايد أشيا بسبّتها :a068: ...

[بنت الدلع]

وي وي وي !!
من وين طلع هالموضوع المغبر .. لول

قصايد غلا ..
شكلها هذي الاوراق عند الكل موزعات
اوه ماشالله زين
علامه وايد حلوه بالبركه .. توه الناس ^_^

هيه والله اياااام
مابا اتذكرها لول
الايام العاديه هيه واااااااايد حلوه
اما ايام الامتحانات لوعت جبد

على نحاستي مرضت من شهر 5 لين ماخصلنا الامتحانات
كنت حليلي ميهووووده
والكحه ماودرتني شهرين

عسب جيه مابا اتذكر هالايام

[قرموشة]

محـلاه كتــاب العربي .. ! لين أحليين حـافظـه أشعاره لووول
يبت فيه نهايه السنـه 193 وكـانت أقـل علامـه عندي وخخخ
يالله خـلصتي وافتكيتي .. والحيين انتـي في الجـامعه ..
الا ليت أيــام الثنويه تعووووووود =(

[عمة العيم]

تذكرت كتابي وووووووووووووووه

من سنتين ماشايفه هالمناظر الخلابه

اللاااااه يارب تنجحون و تفتكون من الأرف!

(^_^)
....

[بنت الدلع]

قرموشه & عمة العيم

على ايام الثنويه كنا انحب كتبنا وايد
ونخربط فيهم وانكتب اشعار
واحيانا اتينا موجات انحب نذاكر
بس في يوم الامتحان نشوف هذي الامواج جلبت علينا

ماشالله عليج يا قرموشه درجتج وايد حلوه ^_^