رحلة قنص من شباب الواحات .. تعالوا شوفوا شو سووا..

[عنود الريف]

برعاية شركة جميرا للرحلات البرية:fa34: .. وعلى شرف المدير العام بن دبي:fa42: ... وفي إجازة اليوم الوطني:fa47: ... تم التجهيز لرحلة قنص من قبل أعضاء الواحات الشباب:fa38: .. (( يعني البنات ما شي:fa32: .. يالله عيب.. زين مني بخليكن تقرن الأحداث اللي استوت:tounge: )) .. وطبعا الرحلة كانت للمنافسة.. مب بس للاستمتاع.. (( عيل يخسرون عليكم .. ويأكلونكم ويشربونكم ببلاش:fa37:؟؟)) تقرر عمل فريقين ..

الأول مكون من الرئيس .. عايش وهم ووياه 8 أعضاء ثانيين :eek: .. والثاني كان مترأسنهم قلوب دبي وبعد وياه 8 أعضاء :eek: .. عشان يكونون منصفين .. والاعضاء بتتعرفون عليهم من خلال أحداث الرحلة ...



طبعا دام انها على شرف ابونا بن دبي .. فهو سلم رؤساء الفريقين شيك:fa45: بجيمه معينه عشان يستعدون ..

كل فريق تزهب على طريقته ..

فريق عايش وهم .. زهب الأكل والشرب والبترول وطبعا الصقوور والخيام .. بس نسوا شي واحد :wacko:.. بيتذكره الفريق الثاني..

فريق قلوب دبي .. زهبوا نفسهم بس تذكروا انه لازم يشلون حطب وياهم ... عيل شقايل بيطبخون ؟؟

واللي ذكرهم به هو ... ذنيني.. راعي الرحلات ... :fa42:



يوم الرحلة .....



المدير بن دبي.. واقف عند محطه الانطلاق واللي هي دبي.... بما ان الشركه الراعيه اسمها جميرا ...

المهم كلهم تلاقوا في منطقة الانطلاق الفريق الاول مكون من سيارتين ... نيسان واستيشن :fa34: .. والفريق الثاني من استيشنين ... :fa34:

في الفريق الاول كان اللي يسوق بهم .. كلكلووووش .. و أمير القلب .. مستانسين ..كل واحد بعصامته متزقرت .. :shutup:

وفي الفريق الثاني .. مسافر للجفا ومنصوري الدولة .. وكان امبين عليهم هاديين شوي .. بس متحمسين للرحلة .. :laugh:

بس نقص واحد منهم .. بن دبي كل ما يعدهم .. يقول في واحد ناقص:Oo: .. بس مب عارفين منو:rock: .. واخر شي جان يقول قلوب دبي .. اووووووه تعال هذا الفارس 2000 ... متأخر خلني أتصل به.:fa55:.

ويتصل قلوب بالفارس : هلا بو مها .. وين انت يا ريال .. نحن نترياك ..:fa32:

الفارس: اوه اسمحلي اخويه هاي مهايه يوم ظهرت تعلقت بي .. تبا تسير ويايه .. تتحراني بوديها الدكان :inlove: .. وانا الحين واصل .. :fa42:

قلوب: خلاص نحن نترياك .. ويرد قلوب ويقوولهم .. الفارس في الدرب.. مهايه مأخرتنه ..

وهم يتريون الفارس... بدا عايش وهو يرمس فريقه عن خطتهم .. جان يرفع حسه ولد الحكومة:laugh: : لا شو هاي الخطه .. مب شي .. بننغلب.. جان يشتط أحلى منصوري: ما عليك يا ريال الخطه زينه.. ترا الفريق الثاني ما يعرف شي .. وان شاء الله نحن بنغلبهم .. ( ما شاء الله الأخو مصدق عمره:fa44: )

وبين هاي المحادثات وصل اخونا بو مها وسيده انطلقوا الفريقين.. :fa34:

خلال الرحلة ..الفريق الأول

في النيسان .. عايش وهم ووياه كلكلوووش واحلى منصوري ولماح .. في الاستيشن أمير القلب وولد الحكومة وخوي الواحات والاسطوري ونساي

والفريق الثاني في الاستيشن الأول .. مسافر للجفا وقلوب دبي والفارس 2000 وطيب القلب .. والاستيشن الثاني فيه غرشوب وصاحب مبدأ وذنيني و ا ل ز ع ي م و منصوري الدولة.

استمرت الرحلة تقريبا ساعتين لين ما يوصلون المنطقة اللي يبونها..

ويوم وصلوا نزلوا القشار وبدوا يرتبون ويطبخون الغدا .. :fa37:

توزعت مهام الطبخ على الكل كالآتي.. الاسطوري يوري الضو (( يلبق الضو)):fa42: .. وذنيني عليه يشوي الدياي واللحم .:fa56: . وطيب القلب يغسل العيش واحلى منصوري يطبخه:laugh:(( عاد ما يخصني اذا حرقه:fa36: )) ... والباقين حد منهم يقص بصل وحد يقص طماط كل حد له دوور في الرحلة .. ما شاء الله عليهم متعاونين .. :fa42:

عاد عقب ما جهز الغدا كانوا ميتين من اليوع (( واليوع كافر)) قالوا بنتغدى وبنبدأ عقب القنص.. :laugh:

والحمدلله كلهم تغدوا وشبعوا (( صح؟؟؟ والا بعدكم يواعه:rock: )) المهم

بدأ كل فريق يجهز عمره للمنافسة ..





ترقبوووني ان شاء الله وترقبوا الجزء الثاني من الرحلة بعد تاريخ 2/1 ..
اسمحوولي لانه وقت امتحانات ...
وخلوني اشوف تفاعلكم معايه عشان اتحمس واكتب الجزء الثاني وانزله ..
والسموووحة منكم

[لمّــاح]

الســـلام عــليكم . .

مـــاشاءالله عليج، الفــكرة حلــــوه وايد، و استانست أكثر يوم شفــت اسمـــي :fa47:

بس شي واحد ماعيبني، يعني التكملة بتكون عقب 13 يوم، مب جنه وايد؟؟

يعني لو ترتبين وقتج أكيد بيكون هناك وقت للكتابه، حتى لو في الويك اند، او انج تنزلين الموضوع في وقت اتكونين فيه فاضيه عشان حماس الموضوع مايقل و يكون عليه الاقبال أكثر . .

مجرد رأي، لكن الموضوع 100% حلو و ماعليه كلام و في انتضار التكملة بفارغ الصبر و السموحه . .

[ذنـيـنـي]

يا سلام على القصة,,

ننتظر التكملة


على فكرة انا دووووم اذكرهم بالحطب, يعني يوم نسير البر ولا المزرعة

لدرجة اني في يوم من الايام حشرت ربعي عسب اييبون الحطب
و يوم وصلنا المزرعه اكتشفت اني نسيت اللحم و الدياي في ثلاجة بيتنا :fa46:
طبعا رديت من الذيد الين عيمان عسب اشل اللحم و الدياي :fa44:

[حبوبه دبي]

:fa51:

رحلـــــــه مشــوٌقه الصــراااحه

نتــرقبهــــاااا بفـــــــــارغ الصــبر :inlove:

بــس احــس لــو اتجدميــن التـاريخ يكــون افضــل :fa46:

،،

[أمواج]

الله جان خذتووني وياكم ...؟:fa46: :fa46:
>> الحين بتصفع صح ؟؟ ترا عنود الريف قالت ماشي بنات عيب..:fa46:

شكلها رحلتكم فنااانه :fa56: :fa56:

يالله نرقب الجزء الثاني :fa34: :fa34:

ورحله موفقه لاعضاء واحاتي :fa42: :fa42:

[الدلووووعة]

تسلمين اختيه عالموضوع

بدايته حلو ومشوق ونرقب الياي

[عاشقة دبي]

ونااااااااااااااسه والله ...

اقووول مايصير ايي وياكم ترا عندي بطاقه دخول خاصه حقي جان تبون خخخخخخخخخخخ

بس لو اتكون عالاقل مع صور القنص .. يعني العرقوب والصقر بتكون احلى ^_^

مايخصني فصور الاعضاااء هههههههههههه

^_^

يسلموووو الغلا نتريا التكمله ...

[عنود الريف]

لماح
وعليكم السلام والرحمه
الحمدلله يوم استانست .. والله يا اخويه انا مكرووفة كراف اليهد من الجامعه .. وعندي فاينلات الاسبوع الياي .. بس بفكر في اريك واذا حصلت وقت .. اكيد بكمله .. وبنزله على طوول عشان خاطركم والله ..
تسلم على المرور ..

ذنيني
عيبتك القصه ؟ عن ترقد عاد .. ما ابا حد يرقد .. ابا حماس .. ليش مباراة ؟؟ :fa56:
سبحان الله .. انا يوم كتبت حطب جان اقول بحط اسم ذنيني هو دووم يسير رحلات .. :fa34:
وحلوة قصتك انت.. ساعات اتحاتي شي وتنسى اشياء ثانيه.. لوول

حبوبه دبي
هلا اختي وتسلمين على المرور.. وان شاء من احصل وقت بكتب وبحط ..

المتفيزرة عالعرقوب ..
:fa32: :fa32: :fa32:
:fa32: :fa32:
:fa32:
انا ما قلت عيب للبنات .. اشوف غيرها تقول ابا اسير .. :tounge:
رحلتهم فنانه .. انا ما كنت وياهم بس كنت حاطه قمر صناعي يراقبهم .. وكنت متعاونه ويا بن دبي عشان نشوف اذا بيغشون والا لا ....
تسلمين فديتج على مرورج .. ونترياج في الجزء الثاني ..

الدلوووعة
هلا الغاليه .. الله يسلمج ..
مشكورة على مرورج ..

عاشقة دبي
لا لا ما يستوي .. من وين مزروة البطاقه ؟؟؟؟ خبريني انتي بس .. بخبر عليه بن دبي ..
الغالية لاحقة على الصور .. بتييج في الدرب .. وانا ما فيه احط صور الاعضاء .. يالله يالله تعاونت ويا ابونا ما فيه يفقد ثقته فيني .. بعدين ما بنقلكم رحلاتهم ..

مشكورة الغاليه على المرور واترقبج في الجزء الثاني ...

اللون الوردي خاص بالبنات بس

[الجنيه]

جــــــــــــــــــــــــ ــــــــــــان أزعل كيف جي أتسوين يا عنود الريف خيانه عظمى الحين بدل ما اترتبين لنا طلعه غاويه أتساعدين هالشباب الي كل حياتهم طلعات ورحلات :fa44: ما أحبكم

بس الصراحه باين عليها رحله جميييييييييله واحلى شي طباخ الشباب يا سلام هاي المهمه ما في احلى من مراقبتها ,,,

حليلها مهايه لو خذتوها وياكم عن خاطرها


عنوده لا تتحيرين نبا أنعرف شو سوو الشباب *_*


أنا الجناويه

[لمّــاح]

اووه اوه، الجنـيه وايد مستهينه شكلج بقـدرات الشـباب :fa44:

نحن ---> :fa38:

[طير الغرام]

http://upload.bindubai.com/download/6eer/nnnn.gif

الرحله شكلها حلوه :fa42:
وماشاءالله كلن وله دوره

..

نتريا التكمله بفارغ الصبر

ربي يوفقج ف امتحاناتج إن شاءالله ^_^

http://upload.bindubai.com/download/6eer/6eerline.gif

[عنود الريف]

الجنية
يا اختي نحن شلنا في القنص .. خلي القنص لأهله ...
اخاف الصقر يلحقنا نحن بدال ما يلحق الصيده..
برتب لكن رحلة ثانية تخصنا نحن ونعرف لها ..
هيه الشيف احلى منصوري ما يستغنون عنه ..
ومساعديه بعد .. كفو عليهم ..
يا اختي مهايه بنوته وعقب بتدور امها .. وين بنييب لها امها.. وبعدين ابوها بيلتهي عنها .. فقلنا يخليها عند امها احسن لها ولابوها ولامها بعد عشان ما تحاتيها ..
ان شاء الله ما بتحير وبكتب بسرعه عشانكم ..
تسلمين الغاليه على المرور ..

لماح ..
هد اعصابك .. انا اقنعت الجنيه انكم قدها وقدود .. بس هي تغار لاني ما سويت لهن رحلة .. بس انت لا تغيظ وخلك كووووووووووووول ..


طير الغرام..
وعليكم السلام ورحمة الله وبركاته
كلن مأدي دوره ما شاء الله عليهم .. قدها الشباب ..
تسلمين على المرور ..
وان شاء الله ما بطول الجزء عليكم ..

[الملهم]

اوب اوب على الرحلة الغاوية ^__^
حمستينا .. نتريا الجزء الثاني ابسرعه ^___^

[الجنيه]

عنود الريف,,

صدقج ,,,

لمــــــــــــاح ... أبد حشا علي ما أستهنت بطباخكم وانا اشهد أنه طباخكم غاوي
تراني متعوده أتحدى نسيبي في الرحلات عشان يطبخ لنا هههه طاخه رووووعه ...

[طرفشانه]

يا سلااااااااااام على الرحلة
بس
ياريت لو كنا ظربه جان سوينا فريقين (الحين بيذبحوني )
بنات ضد اولاد
بس الخوف انه ننغلب
بس شو بنقول الله يسامحكم ما تبونا
بس ما عليه خيرها بغيرها :tounge:
ان شاء الله نشوف التكمله ونشوف منو من الفريقين غلب الثاني

[أمرين]

تسلمين حبوبة عالقصة الروعه

وما تحلى الا لأن اعضاااء وا حاتنا فيها


نتريا الجزء الثاني

[الشوق]

تم تثبيت الموضوع ولي عوده للتعليق
..
تحياتي لج يالغلا ..
الشوق

[مسافرللجفا]

يا سلااااااااااام ع الرحله ، ويا حلاة التلاقي

بس كيف جي ، انا ما اسوق غير النيسان :fa56: وعليه 900 بعد ، ، لـول

الصراحة مجموعتنا فنتكه وهم مخترشين ، امسوين يوله

ويحليله بن دبي ، فقرناه بها الرحله ، الظاهر ما بيطلعنا رحله ثانيه :fa51:

= = = = = = =

عنود الريف ،،

شكرا على الموضوع ، موضوع ولا احلى

تسلم ايدج

عاد هاالله هاالله في الجزء الثاني :vampire:
نترياه


خيج
مسافرللجفا

[كـلـكـلـووش]

أويـــــــه .. إســمي موجــود هههه

كيف جي وخخخ .. جان استـــانـس ,,

الصــراحه أبـــدعــتـــي :fa42: .. الفــكره حــلوه و المضـــمون احــلى ,,

بس بعــدنا نتــريه الجــزء الثــاني .. و ربي يوفقـــج في امتـــحانـاتج ..

و فريـــقنا ما عليــه كــلام .. :fa56: .. بس آخر شي منو ســاق النيســـان ؟ :fa54: هههه

و عــاده نتريه الجــزء الثــاني ..

عــنــود الــريـــف

تســلم ايــدج ع الموضــوع الفنــتــكـه . . .

و حطيني فــي دور بــطولي عــاده في الجــزء الثاني ههههه ..

ربي يســهل عليــج و يوفقــج

ســـلام
كـلـكـلـووش :fa54:

[حبوبه دبي]

كلكلـــــــــــــوش
:fa44:

لا تستــانس واااايد ،،
فـالجـزء الثــاني بيخلــونك احتيـــــــــــــــــاط !! :woot:
وين يالسين فـ مباراه !! كيفي


يالله نتــريــاج ،،
وربــي يــوفقج فـ امتحـانـاتج

والسمــوحه

[بنت الدلع]

مرحبا ملايين ولايسدن >> خششمج
من زمان مارمستج لول

ياااي ونااااسه

شكلها الرحله واايد غاويه

توني اجوف الموظوع ^_^

بس كيف جيه محد خبرني

يالله ماعليه
الرحله اليايه انا وحبوبة دبي بنرتبها

وتسلمين عالمجهود

[الاسطوري]

السلام عليكم ..

اويييه طلعت الفضايح وانا خبر خير ،، اسميها كانت رحله حلوه وأيام ماتنسى
والشي اللي صدق ماننساه المقلب اللي سويناه في كلكلوش
وهو راقد عقبها نش ومارقد لين ماردينا لأنه لعوزنا
واحنا سايرين كل شويه يلف علينا
أونه مب منتبه
مادري منو اللي خلاه يسوق وهو مايخصه خرب السيارة وكان بيضحي
بأرواح اللي وياه حتى فنص الدرب ركبوا ويانا وخلوه بروحه :tounge:
وعن سالفة الضو لا تطرين هالموضوع جدام
الحاضر ترا كل شي فصوب
وهالموضوع
فصوب عندي فيه سوابق كذا مره وخاصه المره الاخيره يوم صبيت بترول
بخمس دراهم (الكميه) على الفحم وهو لابق وشردت كل
الحضور :fa56: وخليتهم يترابعون وانا وياهم
وآخر شي الحاضر انقذنا
(راعيها)
:fa42:

يالله في انتظار التكملة ترا المهلة
المحددة خلصت وماعندج
عذر تتأخرين
أكثر

الاســـطـــوري
أخوكم

[عنود الريف]

لي عودة باجر ان شاء الله
اوعدكم .. ووعد الحر دين .. باجر احط لكم التكملة ..
وارد على ردودكم ...
فالسمووحة

اللي فوق كان الرد اللي كتبته البارحه
بس الانسان ما يعلم الغيب
وانا اسمحولي .. حدادا على روح الفقيد مكتوم بن راشد رحمه الله ..
بحط التكملة بعدين ..انا التكملة زاهبه عندي .. بس ما اقدر احطها الحين ..
والسموووحة من الجميع

[عنود الريف]

بدأ كل فريق يجهز عمره للمنافسة ..
وبين التجهيز .. يا أمير القلب وسأل: منو أول إنسان قنص وربا الصقور؟؟ تموا شوي يفكرون:ohboy: وكل واحد يحاول يتذكر :nerd: .. قلوب دبي قال هو أحد الصحابة أعتقد اسمه الحارث .. وفجأة ذنيني يقوم من الحماس:fa42: ويقول هيه هيه عرفته .. اسمه الحارث بن معاوية بن كندة.. كلهم اول شي استغربوا من وقفته.. بس عقب ماتوا من الضحك عليه.. :fa56:
وبعدها قال أحلى منصوري: قريت إنه الصحابي عم الرسول صلى الله عليه وسلم حمزة بن عبد المطلب كان مغرم برياضة الصقور وإنه أسلم وفي إيده صقر.. (( ماشاء الله أحلى منصوري الموسوعة المحلية)) :fa42:
وبعدها عايش وهم ذكر معلومة .. بأن هواية الصقارة يسمونها باسم ثاني وهو البيزرة وذكر إن الصقور تتكاثر في أعالي الأماكن الباردة وتستخدم عش مهجور مثل عش الغراب عشان تتكاثر.. وتتواجد في مكان ما عدا المنطقة المتجمدة الجنوبية ...
وكمل منصوري الدولة المعلومة هذي بأن موسم التكاثر هو فصل الربيع وبداية الشتاء تهاجر للجنوب وفي النهار وما تطير في الليل ..
وبهالطريقة انهوا استعدادهم للقنص وقاموا يبدون ..
اللي بيشاركون من الفريق الأول كانوا أحلى منصوري وخوي الواحات (( اللي لين الحين ما قال شي )) وولد الحكومة ولماح وعايش وهم كان مدبر الخطط .. أما الفريق الثاني فكانوا المشاركين هم .. غرشوب و ا ل ز ع ي م (( هذيل الاثنين كانوا هاديين يحاولون يركزون ويخططون عشان يفوزون.. يا ما تحت السواهي دواهي:alien: )) وصاحب مبدأ والفارس 2000 وقلوب دبي المدبر طبعا ..
غرشوب نش يطالع غرشوب (( أدري بتقولون منو غرشوب الثاني ))
غرشوب الثاني الله يسلمكم هو شاهين غرشوبنا.. سماه غرشوب بعد .. غرشوب بن غريشيب تم يفحص ويتأكد ان غرشوبه بخير ومستعد للمنافسة .. وبعدين حط غرشوبه على ايده وسار وين كانوا متيمعين وسألهم: تعرفون شو هي فصيلة الصقور؟؟؟(( شكله كان يبا يتفلسف عليهم:fa52: )) .. جان يقول خوي الواحات: الصقور منو ما يعرف من اي فصيله ؟؟ الصقور تتبع فصيلة الجوارح النهارية و تتنوع اشكالها ومسمياتها حسب المكان اللي تعيش فيه.. بس نحن اللي عندنا الحين اغلبهم حرار وشواهين ووكارى وتنتشر عندنا في الخليج بشكل كبير.. غرشوب: اوه:fa46: ما شاء الله عليك يا خوي الواحات ثرك تعرف كل شي .. المهم انا عندي معلومة بس بذكرها وما بسألكم (( في خاطره يقول ما فيه اسال:fa56: ))
أنثى الصقر اكبر عن الذكر في الحجم.. وعندنا يسموونها صقر والذكر يسموونه الشبوط (( مشكور غرشوبنا على المعلومة))
وبعدين نش نساي ساير اييب الحر .. عاد ما اذكر شو كان مسمنه:ohboy: .. المهم يابه وقال يالله عاد خلونا نبدأ بسكم يلسه وسوالف .. ونشوا كلهم مستعدين .. وكل واحد ياب طيره .. سواء كان حر والا شاهين والا وكارى ..
نش مسافر للجفا عشان يفتح القفص عن الفريسة واللي هي الحبارى ..
وطلعها مسافر للجفا وهدها .. وربعت عاد الحبارى والمنافسين من الفريقين كانوا مستحمسين يبون يطلقون صقورهم .. بعد 10 دقايق كلهم اطلقوا صقورهم .. وتموا يتريون ويراقبون يبون يعرفون منو اللي لقا الحبارى وافترسها ..
وخلال مراقبتهم .. قرر الفارس بو مها ان كل واحد يتكلم عن نوع الصقر اللي عنده وشو مواصفاته ومميزاته..
فبدا مسافر للجفا اول شي يتكلم عن الحبارى بما انه هو قضى على مستقبلها:tounge: (( مسكينه احس كانت تدعي عليه يوم فتح القفص.. سوالف مسافر:fa54: )) فقال: الحبارى هي من الطيور متوسطة الحجم ولها قوائم متوسطة الطول ولها رقبة طويلة وذيل الذكر تقريبا طوله 40 سم .. ووووووو لحظه بتذكر شي ثاني .. هيه تذكرت .. المسافة بين طرفي الجناحين المفرودين تقريبا متر ونص ووزنه كيلو جرام واحد او اكثر شوي.. اما الانثى فهي اصغر...
والحبارى ما عندها غدة زيتية مثل باقي الطيور .. ويقولكم ان لها 32 نوع في العالم واكثرهم في افريقيا بحيث عندها تقريبا 23 نوع .. واشهر الحبارى اللي عندهم هي الحبارى العربية ولونها شوي شاحب .. اما الحبارى الآسيوية فلونها مايل للصفرة وشوي على لون الرمل.. (( فيها بو صفار مسكينه:fa52: )) وعندهم بعد الحبارى الأفريقية واللي لونها تقريبا مايل للسواد (( يمكن يايه من السودان:fa52: )) ووووووووو بس .. ما عندي شي ثاني .. اشكركم على الاستماع.. لوول . :fa46:
بعدين لاحظوا ان هناك منافسة كبيرة بين غرشوب الشاهين .. وبين حر احلى منصوري .. الاثنين كانوا يحاولون يلحقون بالحبارى (( المسكينه ما تعرف وين تسير .. في كل صوب تسير له تلقى جدامها صقر.. زين ما تخبلت:wacko: )) وفجأة لاحظوا وكارى طاااااااااااااااااااااااا اااااااااااارة الدرب وتمر من بين غرشوب الشاهين وحر احلى منصوري .. كلهم استغربوا .. مال منو هذا ؟؟؟؟ وتموا يتصددون على بعض ..يتريون حد يقول ان هذا مالي.. وشافوا ابتسااااااااااااااااااااا ااااااااامه عرييييييييييييييييضة من ا ل ز ع ي م .. ثره الوكارى مالته .. وهو مستانس انه بيفوز .. وبيفوز فريقه .. تموا الباقين يتطالعونه .. وعقب قال: الوكارى صح انه صقر اصغر من الحر بس اللي يميزه هو قصر منقاره وصغر حجمه واللي تعطيه سرعة كبيرة وتعطيه قدرة على المناورة .. ادري كنتوا مغترين به لانه رخيص وصغير وهو للمبتدئين .. بس انا مدربنه عدل وشوفوا شو بيسوي .. ويتحمس ا ل ز ع ي م:devil: .. وبدا يزاعج يحاول يشجع الوكارى .. :fa34:

وبعدها اشتط نساي .. صح ان الوكارى صغيرة بس الحر اكبر عنه وتعرفون انه يمتاز بكبر حجم ريوله ومخالبه . وهو خشن ومنقاره طويل وكبير بحيث يوصل طوله 18- 19 انش..
جان يصد الزعيم عليهم وقال بنشوف :glare: .. وتموا يراقبون ومب قادرين يعرفون منو اللي بيصيد الحبارى .. المنافسة كانت قويه .. بينهم .. وفجأة بغم (زاعج) احلى منصوري .. اوهوووووووووووووووووووو
كلهم صدوا عليه .. شو بلاك ؟؟
قال شوفوا .. غرشوب اللي صاحبه غرشوب بن غريشيب صاد الحبارى.. اوف هذا الشاهين اسميه قوي ..
ويوم صدوا على غرشوب . غرشوب كان طاااااااااااااااااااااااا ااااااااااااار حلجه من الوناسه :woot: .. طبعا فريقه نقزوا عليه من الوناسه .. والفريق الثاني زعل شوي ولكنهم في الاخير استانسوا لغرشوب .. وللفريق الثاني..
وبعدها يلسوا واتصل قلوب دبي بابونا بن دبي .. وقاله ابشرك فزنا في المسابقة عليهم .. غرشوب فاز عليهم .. ونحن نتريا المكافأة وغرشوب يستاهل مكافأة ثانية .. زياده على مكافأتنا .. ولازم ما يتوقف مرة ثانية في الواحات .. وسكر عنه قلوب وقال للفريقين ان بن دبي مستانس .. ويبارك لفريقنا ولغرشوب بالذات على الفوز ..
وبعدين كل واحد رد له طيره وغرشوب بغى شوي يتخقق:vampire: عليهم جان يقول .. تدرون انتوا ان غرشوبي .. هو اقوى:fa38: انواع الصقور ويشتهر بالسرعة وقدرته الكبيرة على المناورة في الجو اكثر من الوكارى يا ا ل ز ع ي م:tounge: .. واصغر عن الحر.. ولكن مميزاته تغطي على عيوبه.. وعندكم الشواهين انواع .. عندكم الشاهين الاحمر والشاهين البحري والشاهين الجبلي .. والشاهين البحري احسنها واحلاها من ناحية الشكل بحيث انه يتميز ببياض الصدر وكبر حجمه .. واهل الخليج يفضلونه بكثرة وخاصه اهل الامارات و قطر (( من ربعنا هذا .. من اهل البحر :woot: )) لان عنده قوة وقدرة كبيرة في اللحاق بالفريسة واصطيادها حتى لو كانت في الجو.. وهذا الشي يتعذر على الحر .. يا نساي:fa55: .. صح ان الشاهين مزاجه حاد وتدريبه اصعب من الحر وما يصبر عن الأكل ليلتين ورا بعض وخصوصا في الأيام البارده بس مثل ما قلت سرعته وقوته تغطي على عيوبه .. ( غرشوب وااايد مستانس:woot: )

طبعا الفريقين استفاد من المعلومات اكثر من مكافأة بن دبي ولو انها مطلوبه اكيد .. لان الفايز يستحق هالشي ..
وبعدين قالوا خلونا نطبخ العشا وبعدها نتوكل على بيوتنا..
وطبخوا عشاهم وعقبها توكلوا على بيوتهم ..





أتمنى انكم استانستوا في هالرحلة واستفدتوا منها.. وان شاء الله بندور رحلة خاصه بس للبنات وهذيج الساعه بقول حق الشباب .. انتوا هالمرة ما لكم رحلة ..
اشكر كل الاعضاء واتمنى انهم ما يزعلون مني .. تراها الا سوالف (( تبا توالف سو سوالف))
واشكر كل من وصل لآخر حرف في الموضوع ..
اسمحولي على التأخير
خاص لغرشوب: فوزك في المنافسة هو اهداء مني بمناسبة رجوعك للواحات وعساك ما تغيب عنا ..
والسموووحة

[بنت الدلع]

تسلمين الغاليه عالتكمله

الصراحه رحلتكم ومسابقتكم فن
ومبرووك لغرشووب عالفوز
وكلن بيمدح طيره >> شي طبيعي

بس ماقلتي شحال العشا انشالله محد تسمم >> ^_^ بسم الله عليكم

ومباركن عيدكم

رحلة البنات بتكون (( شي )) لانج فيها ^_^

[صدى جوفي]

ما شاء الله عليج يا عنود الريف..

الرحلة :fa42: .. سوالف ومعلومات

:nerd: الأسلوب راقي في عرض كم هائل من المعلومات بسرد قصصي:fa51:

بصراحة كتبتي و أبدعتي:fa47:

نترية يديدج بفارغ الصبر ..:laugh:

صدى

[لحن الحياه]

روووووووووعه الصراحه ...

مادري شو اقول لكن وايد استمتعت بهالرحله ..


ماشاءالله عليج اختي اسلوبج فناااااااااااان

يعطيج العافيه

[غرشوب]

السلام عليكم

الشاهين غرشوب لـ صاحبه غرشوب بن غريشيب طلع الاول . .يا سلام خبر غاوي هذا :fa51:
طبعا ً اهدي هذ االفوز لجماهير غرشوب :fa44: و محبيه و لـ ادارة رحلة القنص و لـ رائعة عنود الريف


استانسنا فـ الرحلة ويا الشباب الطيبين والمنصوري طبخه كان زين بس وايد مكثر وحاط بصل( مادري ليش هالكثر يعيبه :glare: ! ) . . و المنافسة كانت قوية من بينا بس شو اقول . . احم احم الخبرة تلعب دور في مثل هذي المسابقات و طيري ادى الي علييه و الله وفقني :vampire: ( لازم اتخقق شوي . . من حقي:fa56:)


تسلمين وماقصرتي . . موضوع مشوق و فيه معلومات مفيده
كل الشكر و التقدير لج يا عنود الريف . . هذا وايد على غرشوب :blush:
كل الود


( غرشوب مستانس)

[عنود الريف]

الملهم..
زين يا اخويه يوم عيبتكم الرحلة ..
ونزلت الجزء الثاني وان شاء الله يعيبك ...
تسلم طويل العمر على المرور ..

الجنية..
شفتي .. لوول

طرفشانه..
يا اختي نحن مثل ما قلت حق اختنا الجنية .. ما نعرف للقنص .. خليه لاهله .. ونحن ان شاء الله بنسوي لنا رحلة نعرفلها ونسوي لنا فريقين..
صدقتي .. اذا سوينا فريقين شباب وبنات ابصم لج بالعشر ان نحن بننغلب اذا السالفه فيها قنص ..
وان شاء الله تعيبج التكملة.. ومشكورة غناتي على المرور ..

أمرين..
تسلمين غناتي على المرور ..
هيه والله الرحلة احلوت لان فيها اعضاءنا..

الشوق..
مشكورة الغلا على التثبيت..
وبانتظارج..

مسافر للجفا..
عاد يا اخويه انت رضيت به .. لا تفضحنا الحين .:fa52: والا ترا :fa32:
الفريقين حلوين كانوا وشطار ما شاء الله عليهم .. هيه والله بن دبي في خاطره يقول ليتني ما سويت هالرحلة .. :fa46:
تسلم شيخي على المرور وان شاء الله يعيبك الجزء الثاني ..

كلكلوش
هيه اسمك موجود .. لانك من الاعضاء المتميزين في الواحات..
تسلم اخويه على اطرائك.. وفريقكم انتوا ما عليه كلام ولا حتى الفريق الثاني..
والله ما اذكر انا اعتقد انت ادرى.. :laugh:
مشكور طويل العمر على المرور وان شاء الله يعيبك الجزء الثاني..

والسموووحة

[عنود الريف]

حبوبه دبي
مشكورة الغاليه على المرور

بنت الدلع..
هلا وغلا ومرحبا السااااااااااااااااااااع .. خشششششمج
هيه والله من زمان ..
انا سويت حفلة على الموضوع في توقيعي .. بس محد سوا لي سالفه غير الدلوووعة وحليلها..
اوكي الرحلة اليايه عليكم .. ريحوني شويه لوول
ومشكوورة غناتي على المرور .. والرد


الاسطوري
وعليكم السلام والرحمه..
هيه الفضايح لازم بتظهر .. لوول :fa56:
زين والله .. بس حسافة ما يستوي نحط صور رحلتكم.. :fa55:
مسكين كلكلووش ما خليتوه في حاله هذاك اليوم .. كلكم رقود الا هو بايت سهران مسكين..
عاد هو صح لعوزكم بس انتوا ما خليتوه يرقد ..
اللي خلاه يسوق هو كابتن الفريق .. شوف ليش اختار كلكلووش
حرام عليكم خليتوه روحه .. صدق خليتوه يعاني الوحده في السيارة ..
وحليله الحاضر .. والنعم فيه .. انقذكم.. والا جان رحتوا فيها ..
ان شاء الله تعيبك التكملة .. ومشكوور اخويه على المرور ..

الفارس 2000
العفو افا عليك ما سويت شي .. هالموضوع للمتعه والفايده فنفس الوقت ..
هيه يا اخويه ما تروم تودي مهايه الحين .. صغيرونه .. والقنص مب للبنات .. يوم نحن بنسير رحلة افا عليك بنوديها هيه وامها ..
وتسلم اخويه على مرورك الكريم ..

ولي عودة ان شاء الله في الرد على باقي الردود ..

[الدلووووعة]

تسلمين اختيه عالموضوع وصراحة موضوع ترتوب

ويله نرقب موضوع حقنا الشباب هب احسن عنا ^_^

[لمّــاح]

الــسلام عليكم ..
ماشاءالله، اسلوبج جدا حلو في السرد .. :fa42:
عيبتني القصة، احداثها حلوه، و ماشاءالله عليج رمتي تحطين كل المصطلحات و المعلومات الي اتفيدنا و المهمه ..

الله يعطيج العافية و تسلمييييين على الموضوع الحلو ..
و غرشووب، مبروك عليك الفوز :fa56:
اتريا العشا تراني

[عنود الريف]

بنت الدلع
تسلمين فديتج على التواصل معايه ..
يستاهل غرشوب ..
اكيد كل حد بيمدح طيره ..
لا الحمدلله محد تسمم من العشا .. كان تمام التمام من احلى شيف احلى منصوري ..
عساج من عوادة
ان شاء الله تكون شي ...
مشكورة الغاليه على الرد ..

صدى جوفي
تسلمين الغاليه على اطرائج ومرورج ..

لحن الحياة
تسلمين الغاليه
انتي الاروع
وان شاء الله تستانسون بالرحلات اليايه ..
الله يعافيج فديتج
ومشكورة على المرور ..


غرشوب ..
وعليكم السلام والرحمه ..
ألف مبروووك اخويه على فوزك ..
وتسلم اخويه على الاهداء .. تستاهل يا غرشوبنا ..
عاد المنصوري لازم يكثر من البصل .. معروف .. لووول (( منصوري مصر هذا ))
تخقق يا اخويه تخقق يحق لك .. :laugh:
الله يسلمك اخويه والعفو.. لا مب واايد على غرشوب .. غيبتك خلتنا نهديك هالشي عشان ما تغيب عنا ..
والسمووحة

[طرفشانه]

عنود الريف ما شاء الله عليج
فنانه
واسلوبج في السرد راقي
وتسلمين على المعلومات
ومبرووك لغرشووب عالفوز

وان شاء الله نشوف كل يديد منج

[عنود الريف]

الدلوووعة
الله يسلمج الغاليه .. تسلمين انتي على مرورج الطيب لا عدمته
ان شاء الله بدور لكن رحلة غاوية نسير لها ..

لماح
وعليكم السلام والرحمه ..
تسلم طويل العمر .. ومشكور على المرور...

طرفشانة
تسلمين حبيبتي على المرور .. ما قصرتي

[هزاايم]

سجلي حضوري والساعه بالتحديد 12 وخمس دقايق
الموقع الفيلا بدبي
قاعده أقرى و خويي واقف فوق راسيه
والله إنيه حبيييييييييييت الموضوع والإبتسامه شاقه الحلج>>مدري ليه<<وماشاء الله عليهم الشبيبه :fa42: معلوماااتهم عاال العال و اقرى واسأل خويي يقول إي نعم واكمل واسأل لين نقز عنديه يقرى معااي
حبينا الموضوع ومش طايعين نقوم منه >>ورانا نسلك الدرب للعاصمه:fa43:
تسلم يمناااج يالعنوود ولاهنتي يالشخيه والله إنج :fa42: زعيمه صج إنج راعيتها
ومبروووك غرشووب و للفريق
ويا الله السمووحه منكم
حنا توكل على الرب ونسلك الطريج

[عنود الريف]

هزايم
مرحبا بج الغاليه
الحمدلله يوم انه عيبكم ..
وان شاء الله يعيبج الموضوع الياي بعد ..
تسلمين الغاليه على مرورج ويسلم اخوج بعد
ودرب السلامة يا رب ..

[دمعة شوق]

الســــلام عليـــــــكم ورحــمة الله وبــركــــــاته



مـــــرحبـــــــــا مـــــــــــــــــــلاااا اااااايين ولا يـسـدن بـ
المؤلفـة القـديرة

عــنــودي

،.،

ســلاااامي عليـج وعلـى أفـكارج الـترتووب
بصراحه الرحله مافيها حيـله

،.،

ومـاليـه خص أحتـج كل الاحتجاج
وأطـالب برحلـة مب أي رحلـه
نبـا نســير البــر
:fa42:

،.،
:fa47:
ووومبـروك لـ غـرشـوب
،.،

وومشـكوره على هالموضوع الغـاوي

السموحووو

[دانة حتا]

روعه قمة الابداع
والله انا اندمجت وقمت اشجع بعد
تســـــــــــــــــــــــ لم ايدج

ويالله نتريا الرحلات الثانيه

[عنود الريف]

دمعة شوق
يا هلا ومرحبا والله بالغاليه ..
تسلمين فديتج استحيت عاد انا :blush:
ان شاء الله لكن احلى من الرحلة بعد .. بس عطوني مهله ..
انا في بالي شي لازم انفذه بس يباله وقت ..
تسلمين فديتج على المرور ..

دانة حتا
يا هلا ومرحبا بالدانة والمرجانة
تسلمين الغلا على مرورج وردج . .
وان شاء الله تشوفين موضوع يديد في الفترة اليايه..

والسمووحة

[دمعة شوق]

أفــااااااااا ماهقــيــتــها منــج
:sad:

[عنود الريف]

السمووووووووووووووووووووو وووووووووووووووووحة منج الغاليه
والله ما ادري ليش في بالي بنت الدلع هذاك اليوم
يا اختي جل من لا يسهو
فاسمحيلي فديتج انتي على العين والراس والله

[دمعة شوق]

:vampire:

خخخخخ أسـولف ويـاج غنـاتيـه
وبـالحل فديـتــج

[عنود الريف]

يا حي الله الوصلاوي
مرحبا بك زود بو زايد
هيه والله تعبت في الموضوع .. بس الحمدلله الموضوع لقى تاثيره ونتايجه الحمدلله وهذا اهم شي
ثانيا ليش انا ما دخلتك وياهم مب لانك راعي مشاكل .. (( اصلا انت مب راعي مشاكل)) بس لانك توك يديد وانا ما عرفتك وااايد .. بس ما عليك المواضيع يايه وبتكون منهم .. ويتقول الحمدلله انا ما كنت في رحلة القنص .. بذكرك بهالشي بعد .. لووول
مشكور اخويه على مرورك

[الاهويون]

مشكــــــــــــــــــــــ ـــــور على المـــــــــــــشاركه الطــــــــــــــــــــــ ـــــــــــــيبة

[عنود الريف]

تسلم اخويه الاهويون على مروورك الطيب ..
بس سؤال؟ شو معنى نيك نيمك؟

[غريم الشوق]

اسلوووووووووووووووب رائــع جــدا فــي طــرح الموضـــوع

الصراحــة رحلــه واايــد حلـــوة :yes:

زيـــن لـــو نحـــن كنا مشاركـــات جـــان لعبنـــا الصقلــه:fa34: وخلينـــهم فــي مسابقتهــم :harhar1:

ويسلمـوو الغـــلا وتحياتــي لــج

[عنود الريف]

تسلمين الغلا ..
رجعتي الموضوع للصفحة الأولى ..
افا عليج بس سيري العبي وياهم .. ما نمانع