تقليد اعمى

[عمة العيم]

السلام عليكم ورحمة الله وبركاته


الصراحه

و الصراحه راحه

و الحق حق

كلنا سرنا لمعرض السيارات في دبي
لكن هل كلكم لاحظتوا اللي انا لاحظته؟؟؟

عارضات موقفينهن حذال كل سياره و لابسه لبس ما ينلبس الصراحه
و لاويات عالمواتر و حالتهن حاله و ثيابهم تكشف المستور !!!!!!

ليش؟؟؟

هل هذا تقليد اعمى للغرب؟
يعني نحن مسوين معرض سيارات شو دخل الحريم في السالفه؟
ليش يروجون السيارات عن طريق المرأه؟
هذا تقليل من شأن المرأه..
و تقليد اعمى للغرب....نحن لازم ناخذ من الغرب الايجابيات هب السلبيات

لكن شو نقول

ماباليد حيله

و للأسف في بلادنا يحصل هالشي؟

وين الحشمه؟

الريال يوم ايشوف هالمناظر عقب يلومونه

الصراحه ماينلام

شو بقول اكثر من جي؟

بخليكم تكملون عني...

لو رمست مابخلص


خدافس
:fa36:

[لمّــاح]

لـــو الــرمسه منها فـــايده جـــان رمســت و رديت رد طوييييييييييييييييييييييي ييييييييييييييييييييـــــ ل، لكن ادري انه الرمسه عندنا ماتفوّر دله حتى، يعـــني الواحد مايرمس و يحفظ كرامته أحسن له، و الي نقدر نسويه هو انه ندعي بقلوبنا

"من رأي منكم منكرا فليغيره بيده فان لم يستطع فبلسانه فان لم يستطع فبقلبه وذلك أضعف الإيمان\".

لآنه لا الايد بتنفع وياهن، يعني مستحيل اسحبها من ايديها و اروغها، و لا اللسان ينفع، يعني مستحيل انصحها أو اني اسير عند مدير المعرض و اقول له هذا غلط، ف احسن شي ادعي بقلبي . .

هــذا شويـــه !!!

ماشفتي زينة كرسماس، في وافي يايبين شيره طوييله و مزينينها و جدامها فرقه خاصة بس حق اغاني كرسماس، هذا غير باجي الشير لكن الي على اصغر شويه موزعه في كل المركز، و غير قرية بابا نويل الي مسوينها . .
لعنبوه، نحن حق الاعياد يالله يالله يلصقون اعلان صغيييير على بوابة المحل أونه ( كل عام و انتو بخير ) . .
هذا غير الي في الستي، و سبينس، و باجي المحلات و السناتر . . :fa55:
الله المستعان .. !

[حبوبه دبي]

:fa36:

مــا باليد حيــله ،،

كــــــم بنــرمس وكــــــــــم بنكتب بــس مــاشي فــــايده :glare:

تطــور وتطــور !!!

بنشـــوف ليــن متــى !!!

،،،

[عافك الخاطر]

وعليكم السلام ورحمة الله وبركاته..

شو بنقول..
الله يخلي اللي نظموا هاي السوالف:glare: كل انسان وضميره ..
انا ما انقهرت الا من سالفة شيرة الكرسمس اللي حاطينها في السناتر .. سيري ميغا مول ..الستي..مول الامارات ..الخ والقائمة تطول :fa55: بتحصلين عند كل محل شيرة كرسمس لا و مسوين شيرة عوودة والحبايب متيمعين حولها .. ماشي شغلة :Oo:
قلنا الواحد يحترم دياناتهم بس مب جي .. !
اليوم الوطني ما سووله سالفة كثر ما سوو سالفة للكرسمس ..
الله يحفظ بلادنا بس ..
..
.

[ذنـيـنـي]

اكثر موقف ضحكني هو انه كان شي ثلاث شباب يمشون جدامي

و واحد منهم يرمس بالتيلفون و يقول حق ربيعه " اي قسم الي فيه وايد بنات, نبغي نسير ( نجحل ) عيونا" :crazy:
و انا اقول في خاطري "اييه الاخو,, وين تبى,, اذا تبغي بنات سر المول و "جحل" عيونك من اليوم الين باجر" :fa55:

انا سرت هناك و اكتشفت انه البنات الي هناك "طمم" ولا وحدة منهن فاهمة شي

وحدة يتني و قالت لي do u need some info قلت لها yes please قامت و زقرت الريال عسب يشرحلي عن السيارة :fa36:

يعني فوق كل الي ذكرتيه فوق, البنات الي في المعرض غير مؤهلات لمعارض السيارات

بس بيني و بينكم
جمال السيارات في المعرض هذا غطّى على البنات :vampire:

[حبوبه دبي]

جيــه الحبيب ســاير يشــوف المــواتر ولا البنااات :fa55:

جـــان كفختــــــــه ع رااااسه ،،

الله يهديهم بــــــــــس

[دموع العاشقين]

الله يسامح اللي كان السبب

[الرايد]

عـلى قـولـتـهم " تـطّـور"

امحق تـطور ,, دام التـطور جـي مـا نــباه:fa44:

[فركوشه]

اصلا يدخلون البنات فكل شي..

والبنت استوت شرا البضاعة اللي تنعرض عـ الشاري..

الله يهدي اليميع..

[أنا فقط]

فعلا شي يقهر http://haridy.com/ib/images/smilies/ranting.gif

صار وجود العنصر النسائي ضروري ف كل سلعة لجذب الإنتباه !!

مب مفتكين من الأغاني و الكليبات الهابطة .. يت المعارض و كملت الدور !!






لا حول و لا قوة إلا بالله :fa54:




مشكوور أختي عمة الفن ع الموضوع http://haridy.com/ib/images/smilies/mpr.gif

[مــهــابه]

تــدرون هم مســوين معرض سيارات وفتيات معـــا
2 في 1 ...

يعني مب بس السيارات للعرض حــــتى البنات..

الله يهديهم

[عمة العيم]

تسلمون على الردود والتفاعل

اللي قاهر جبد ابو ام يدي

الزينه في الشوارع (علامات صليب يا جماعه)

اليوم والله اليوم لاحظت

صليب يا ناس في الشوارع و على يدران النفق

انا بعرف

شو هالتفكير؟

هل كل هذا عسب اقتصادهم؟

ولا شو منطقهم هذيل؟

ولا جذب السياح؟

ليش؟

ابا حد يفهم و يرد عليه

لان نفسيتي الصراحه متعكره


خدافس
:glare:

[شوق القلوب]

الســـلام عليـــكم..

.
.

عندي تعليق على كلام لمـــاح..

.
.
منو قال انه ما بيدكم شي.. ؟؟ انتو الشبـــاب لكم معارف.. ولكم علاقات بالمسؤوليـــن.. اذا شفت واحد فيه الخير.. وعنده بال يسمع.. قولولهم.. و انصحوهم.. بالكلام الطيب.. ، صدقني.. في ناس تتقبل بصدر رحب... صح الدنيا صايره دمار.. بس الخير موجود... و الناس الطيبه بعد موجوده..

واذا اتكلمت.. بتوضح للمسؤول شو اعتقادك وشو افكارك من هالناحيه - كونك شاب - تغار على بلدك من هالانفتاح الموجود.

وربي يــوفقك..

[الجنيه]

سبحان الله من نقدر أنلوم على الي يصير ؟؟؟
الشركات الأجنبيه الي هالشي عادي عندهم والا المسؤلين العرب المسلمين الي يخافون ربهم ؟؟
الدنيا اليوم صارت للفلوس وبس يعني عشان الفلوس كل شي مسموح ...
العيب هب في البنات ولا في اللي يشوفهم العيب في اللي يشوف الغلط وساكت عنه
العيب في الي بيده الخيط والمخيط وساكت
العيب على الشيطان الأخرس الي عمت عينه عن الحق والحشمه ..
ما أقول غير الله المستعان ..
الله يتولانا برحمته ويهدينا أجمعين ...

أختكم
الجناويه

[أمواج]

http://upload.bindubai.com/download/dubaims/dubai_car_show068.jpg

اسمحلي اخويه ذنيني خذت صووره من موضووعك من دوون ما استأذن


خلووونا انعقب على هالصووره

اوكي المعرض من الله معرض سياااير
يعني يعرضوون سياايير للناس
صح ؟؟
يعني مب بنااات

انزين هذيييل اللي مصطنييين حذال السيااره شو خانتهم ؟؟
وإلا بس جيييه ؟؟
ولا الحين صار كل شي ما يمشي من دووون عرض بناااات

.......

عنبووه حتى السيااير دخلووا في عرضهن بنااات

استغفر الله
قلنا اغااني ماعليه عشان تمشي الاغنيه

بس المواااتر شو دخل البناات في الموضووع
ولا بعد صارن الموااتر شراات الاغاني
حط كم بنيه ويااه و بيمشي الموضوووع

اخاف عقب النااس تشتري موااتر حتى لو مب لين هنااك بس عشاان البناات اللي واقفات عدال الموتر
انزين اوكي حطيتوا بناات .. ماشي لبااس احسن عن جيه
قلن الخلقاان ولا ماشي خلصن القطع ؟؟
لبسووهن شي يستر عليهم

الله يستر عليهم بس
ويستر علينا


وتسلميين اختي على هالموضووع

[لمّــاح]

مــرحبــا. .

اختي شــوق القــلوب . .

الــواحد يوم بيقوم بخطوه، مثلا اني اكلم حد عشان هالأشيا، يكلمه و هو واثق انه هالانسان مابيرده او عنده السلطــه . .

يا اختيه، تقــريبا 95% من المحلات في السناتر محتفله و حاطه الزينة، هذا غير الأنفاق على شارع الشيخ زايد و غير الي الاماكن الي ماسرتلها . .

أكلم منو مثلا، مايد الفطيم أقـوله شل الزينة الي في الستي، ولا أكلم قـــاسم ســلطان أقول له الزينه الي في الانفاق شلها ؟؟

اختيه، بالعقل فكري فيها، إذا الأغلــبيه في البلاد وافدين و من ديانات غير الإســلام، تتــوقعين شو من هالأشكــال، انهم يحترمون العرب و المسلمين ؟؟

يعني شويترام مثلا ماتبينه يحتفل، أو فيرجن مايحط زينة كرسمس، و مكدونالدز و غيرهم الكثيــــــر !

الله يستر من باجر، اخاف مذيعين الأخبار يشلون غترهم و يلبسونهم هالقحافي الحمر، أونه عشان الاحتفال، و الجرايد تتزين باللون الاحمر . . !

[ذنـيـنـي]

على فكرة اختيه المتفيزره عالعرقووب

الصورة هذه كانت في حفل اطلاق سيارة جاغوار الجديدة,,
و اصلا محد بينتبه لو كانوا الي بيشلون "اللحاف" عنها رياييل

يمكن هالعارضات من احشم العارضات في المعرض
في اقسام اخرى شفت اقل من ربع الثياب الي على هالعارضات :shutup:

اعتقد انه الشباب شافوا منصة SONY الخاصة بالانظمة السمعية

ما عندي تعليق على الي فيه

و خذي راحتج الصور صورج :)

[أمواج]

خيبه يوم هذيل حشااام ..عيل الباقيات شو لابساات ؟؟

الله يستر بس ويهدييهن والله

[لمّــاح]

ذنيــني و المتفــيزره عالعرقوب . .

صح كلامه ذنيني، هاذييلا من الي متسترات، في الي لابسات فساتين شبه شفافه، و بعضهم على أقل حركه يطلع صدرهم هذا غير الموقف الي استوا لربيعي، ذنيني مادري اذا شفت هالبرازيليه الي كانت عند الدودج جارجر اليديد، المهم انه ولد عمه الصغير طلع مصور البنت هاذي و هو ماتجاوز ال 14 سنه !!
و هذا كله على صوب، و مال الاعلانات على صوب (( الي يصورون اعلانات الجرايد و غيره )) خلق الله ماخلق متيمعين عليهم يطالعون البنات و المصور و هو يصورهم . . !

[أمواج]

لا حول ولا قوه إلا بالله

انزين ليش البنات مخليييهن جيه لابسااات ؟؟..
والله مب زييين ..
وهاي اللي ما تجاوز الــ 14 ليش يايبينها ؟؟ عنبووه حتى اليهال يايبينهن ...
استغفر الله . . .

[الجنيه]

مم الصراحه بالنسبه لزينه الكريسماس أشوف أنه السالفه مصخت

لين متى بندور راحة الغريب قبل القريب الحين بالذمه يوم الأتحاد خطف من دون حس ولا زينه مثل الناس غير عن كل السنين ليش؟؟؟
وايدين قالوا يمكن السبب وفاه المرحوم أبونا الشيخ زايد الله يرحمه ويغفر له بس لو عايش ابد ما بيرضاها ،،
وهاي مب حجه لكن يشوهون بلادنا بهاي الزينه الي ما تمت لنا بصله لاهي من عاداتنا ولا تقاليدنا ولا هو عيدنا أوكي كفايه عطينا الغرب الحريه أنهم يسوون الي يبونه من دون حسيب أو رقيب لكن الى هنا ويوقفون عند حدهم ..

بس للأسف صوتنا غير مسمووووووع أبداً حسبنا الله نعم الوكيل

[ذنـيـنـي]

عرفتها البرازيلية الي تقصدها اكيد تقصد "المعضله"

الي حاطه تاتو بعلامة الدودج فوق ******

هذه يعني شكلها كان صدق "ما ابغي اقول الكلمة"


على فكرة شفت واحد من الصحفيين يوم كان يصورها,,

و سوت حركات في السيارة اتوقع انه الحرمة عندنا بتستحي تسويها حق ريلها

[لمّــاح]

هيـــه عــليك نــور، و ليش ماتقول وين مكان التاتو ؟؟
بس للعلم، كانت لابسه قميـــص ستريج بشكل فضيـــــع، و القميص كت او كوم لكن هالقصيييييييييير مووول الي تحت الجتوف بشويه، و القميص فوق السر بشـويه ( يعني هو و الملابس الداخلية نفس الشي اللهم هذا أطول و استر ) و البنطلون تحت السر ما ابالغ ان قلت تحت السر بما يقارب خمس أو ست اصابع من اصابع اليد، و التاتو الي طراه ذنيني هو تحت السر يعني فوق عقمه البنطلون . . هذا غير التاتو الي على ايديها . .
و على فكره، مادري منو منكم قرا جريدة الخليج مادري البيان من كمن يوم، حاطين مقاله عن العارضات و من ضمن الصور حاطين صورة هاي البنت لكن طبعا ملونين جسمها باللون الاسود و اذكر جمله ماعيبتني في المقاله اتقول ( و عند بدء هالنوع من المعارض تتهافت الطلبات على العارضات من جميع وكلاء السيارات و تصل في بعض أوقات اجرة العارضة ذات القوام الممشوق و الجمال الفتان الى 600 درهم في الساعه ) يتكلمون عن معرض السيايير . .

اذا حصلت المقاله بحط نسخه منها في الواحات . .

[حبوبه دبي]

هيه هااااا

شــو بنقــول بــس !!!
:glare:

[ذنـيـنـي]

اوووووووه عيل غيرت مكان التاتووو

زين زين ,, عسب كل يوم يكتشفون فيها شي يديد

على اخر مرة سرت فيها كانت حاطتنه في اسفل ظهرها فوق الـ *** مباشرةً

و هذه حليلها محتشمة اذا قارنتها مع بنات قسم السوني

هذه على لاقل لابسة بنطلون تغطي فيه جزء كبيييييييييييييير من جسمها :tounge:

[أمواج]

الصرااحه ماعندي كلاام اقووله من الصاعقه اللي حلت عليه

لا تعليق والله

من عقب كلااام ذنيني و لماااح >> شايفين و عارفين
مالي كلاام خلاص

[لمّــاح]

حبيـت اذكر بعد نقــطه، مالاحضتو انه معظم الدعايات عن دبي غلط؟ بعطيكم امثله . .

- بروشورات رحلات السفاري، لاااازم من ضمن صور البروشر و من جدولهم، صور لرقاصه اتكون في المخيم الي يسوونه في البر و طبعا هذا غير الخمر.
- دعايات الفنادق و البحر

انا لأنه ممنوع و غلط احط صور، مابحط، لكن اتمنى من كل واحد يقرا ردي يدش موقع الياهو www.yahoo.com (http://www.yahoo.com/)
و في خانة البحث يختار image و يكتب dubai و أترك التعليق لكم لكن عقب ماتشوفون الصور و اتقولولي شو شفتو و شو رايكم . .

[أمواج]

لا حول ولا قوة إلا بالله

شو هاللي ظهر ؟؟
الحين اللي لابس نقااب حرمه ولا رياااال ؟؟
وهالصور اللي تحت شوه ؟؟ وهاي اللي تتحرا عمره مادري وين مفصخه و ميلسه ...

صدق كلاامك يا لماااح والله

[حبوبه دبي]

يااااااالله يا لمٌــــاح لاازم اتعــور قلــوبنــا :fa55:

لا تعليــــــــــق الصــراحه !!

[لمّــاح]

المتفيزره عالعرقوب، هذا ريال على ما اضن :glare:
لعلمج، هذا شويّـــــــــه ترا ، مثلا مثلا، مره كان شي عرس في فندق تاج بالاس ( في الرقه مادري المرقبات ) يت وحده من هالصينيات و لحقت اربيعي لييين بوابة الفندق تقول له our prices are cheap ، يعني اسعارهم رخيصه . . هذا غير يوم يفرون ارقامهم، احيد على ايام بيتزا هت الي في الرقه يوم انسير يااللله يالحريم شقايل، يفرون ارقامهم، هذا غير الفلبينيين و الصينيين الي يشلون شنط داخلها افلام DVD ، شو بنقول بس، الله المستعان :glare:

الي فالحين فيه عندنا، يحطون رادارت يديده و الشغل الشاغل عند الشرطه هو مطاردة الشباب و مخالفتهم على المخفي الزايد و على السرعة الزايده و على الهدرز و غيره، و نسو الجانب الثاني و هو هالشي، يعني مب معقوله نحن الشرطه عندنا من اقوى القوى على مستوى العالم، و الدوله صغيره يسهل التحكم بالناس الي يدخلون و يطلعون منها، مب معقوله مايقدرون يتحكمون بهالخياس !!

[حبوبه دبي]

خـربــانه خــربــانه :fa55:

[أمواج]

ليش بلاادنا استوت جييه

الكل يمدح فيها
ولكن ماعرفووا البلااوي اللي داخلها

يعني عيزاانيين عنهم هذيل ؟
ولا شايفين و ساكتين؟
وبعديين وين اللي يرااقبوون الفوضى اللي تصير ؟
ولا شاطرين يدققوون على اشيااء سخييفه و ينسوون البلاااوي الكبييره
الله يعينا بس

[حبوبه دبي]

هيه هاااا ياختيــه :glare:

ع قــولتهم هذاا يسمــونه تطــور وكيــف البلااد تــزدهــر !!!

[عمة العيم]

شو بنقووول بس

يا لماح لو رمسنا الين سنه مابنخلص

شو نقووووول بس معرض السيارات ولا الكرسمس و قبل كل هذا
خل يشلون هالديسكوهات اللي تارسه البلاد ......ترا هالاشكال ماتعيش من غير ملاهي ليليه و خمور استغفر الله
هني المشكله هنييييي قالوا حريه و تطور......اسمه جهل و بعد عن ربهم........ الله يستر علينا باجر شو بيستوي
عيالنا شو بيشوفون.........

ولعلمك يا لماح هالصينيات انا هوايتي اقهرهن (هههههه) لو تعرف شو اسوي فيهن مابتصدق....يوم اكون فاضيه او اتريا حد اسير اماكن يتيمعون فيها و العوزهن يبون ينخشووون بس مايرومووون تراهن في الشارع ههههههه

الله يهديهم(بس فخاطري اسب مابا ادعي لهن) بس يالله يمكن الله هداهم

عن شووووووووووو بنرمس ولا عن شووووووووووووووووو ولا عن شووووووووووووو

المتفيزره و حبوبه و انا لنكن يداً بيد نحو محو المنكرات عن سطح الكره الارضيه

لو سويناها او حاولنا هاه هاه حاااولنا بس بنزور المخافر ترا (هههههه)

والله ابا اضحك و اصيح في نفس الوقت

بتخبل يا خواتي

ماعليه ماعليه

كل واحد بيرقد في قبره
شو لنا في هالدنيا الخايسه

سووا لآخرتكم

الله يوفقكم

خدافس
:)

[شوق القلوب]

صبـــحك الله بالخيــــر.. لمـــاح.

..

الله يسلمــــك اللي قصـــدته من كلامي أنه انكون فعّــالين في المجتمع.. ما يكفي انا نتكلم و أنعارض في المنتديات.. و احنا ما انسوي شي..! عيل ليش نحتج أصلا..!! دامنا في الحالتين ما انسوي شي..

واذا اللي طريتهم قاسم سلطان و الفطيم.. عندك امكانيه انك توصلهم... هيه .. ليش لا..؟؟ ليش ما أتكلمهم.. واتقولهم اياها بطريقه حلوه و بأسلوب جميل مقنع..

وحتى الشيـــوخ.. ما بيردون حد.. بس العتب علينا احنا..!!

في ناس فيهم الخير.. بيسمعون و بيقتنعون.. و اذا ما ماعيبهم الكلام.. على الأقل اديت اللي عليـــك.. و التوفيق من رب العالمين..

..

شويترام و ربعه... ملاكهم هنود و اجانب.. وما نقدر نجبرهم.. أما الشوارع و المراكز... هذي تحت ايد المواطنين..

بسألك.. يوم الاتحاد.. لو ما كنا انعرف تاريخه.. هل كنت بتحس فيه بوجودك في هالاماكن..؟؟ ولا اعيـــادنا... ماكان فيه شي ملفت يحسسك بالعيد..

سمات الوطنيه راحت من بلادنا... صرنا أقليه في بلادنا... أولوياتهم هم قبل.. و احنا انيي في آخر الصف..! ليش ها كله..!؟؟

.
.

والله يا لمــاح.. لو كان بايدي شي أسويه.. او أوصل للمســـؤولين.. جان ما قصــرت..
ولأنـــي أعرف قوية شخصيـــتك... و انك اذا عزمت ع الشي بتسويه.. جان ما وجهت لك الكلام .. :)

.
.
ع العمـــوم.. انتو شباب فيــكم بذرة الخيـــر.. و ان شاء الله اتكونون من رواد هذا المجتمع.. :fa51:

[الغاليه]

ياويــــــــــــــــلي عاللي قريته :fa43: شووو هاااا ؟؟؟؟ حرام عليهم والله ...

عقب كل ها مايبون زلازل وبراكين!! ..... هم مايخافون من الله ولا مسوين لدينهم حساب ( ومن أمن العقوبة أساء الأدب ) ..

صح قلنا تسامح ومبادئ سلام بينا وبين الثقافات والديانات الثانية .. ماندخل في شؤونهم ولا نعاديهم .. لكن مايعني هذا انه نعظمهم ونقدسهم ونحطهم فووق رووسنا ونلغي شخصياتنا وهويتنا الاسلامية والعربية لاجل اعيونهم ..

اذا اعيادنا اللي هي عيد الفطر و الاضحى مايسوونلهن سالفه غير الاجازة .. اضني فهالنقطه نقدر انطالب المسؤولين عن ادارات المهرجانات انهم مثل مايسوون للجاليات الغربية من حقنا وبشكل اولى انه يحتفلون بأعيادنا ويحسسون الاجيال اليايه باعيادهم .. احينه الصغاريه اكيد بتعيبهم الزينات والشير وبابا نويل والهدايا .. وان استمر هالوضع عادي يفضلون اعياد المسيحيين على اعياد المسلمين للفرق في الاحتفالات اللي يشوفونها :fa52: خلاص وصلت حدي من القهر ..

وبعدين العري والفساد والسوق السودا على قولتهم .. مايرضاها اي شعب ولا اي ديانة .. شي محرم عند كل الشعوب والثقافات .. واذا انفتح سووقها صعب جدا التخلص منها لانها وبااااااااااااااء .. فيعني من الغباااء الشديد جدا انه يتم التساهل فهالموضووع وانرحبه فبلادنا ...

بس انتوا ادرى باللي استوى .. مجرد ماتصدت الدولة لظاهرة الشذووذ ورفضت هالشي علنا .. ماقصرت امريكا يت وحشرت عمرها بالسالفه وادلت بدلوها اللي شرات ويهها .. وادانت فعل الامارات !!

فتخيلوا يعني انه الدولة قامت تمنع الديسكوات والمراقص وبنات الليل وهالامور .. اكيد بعد بتحتشر امريكا وبتسوي سالفة وبتحطنا في قايمتها السودا ضمن الدول الارهابية والمتطرفة ..

فاحسن شي انه محاربة هالامور وخاصة في هالمرحلة الزمنية الحساسة اتم بشكل غير معلن رسميا ضمن سيسات الدولة منعا للتدخلات الغير مرغوبة من دول العالم الخارجي..

بس صدق يتني حالة نفسية من اللي كاتبينه .. يعني نحن نبا تطور صح لكن بهالمفهوووم الأرف هذا مانباه .. لو بعدنا عالخيم والنوق ودينا محفووووظ والله انه ابرك من هالمناكر اللي قاعده اتزيد يوم عن يوم ..


.. حرااااااام كل هذا يستوي .. شوو نتريا ؟؟ الله يخسفنا ولا يسلب نعمه عنا ولا شوو بالضبط ... .. مثل ماقال لماح مابيدنا غير الدعاء ..
وان شاالله الأمور تتحسن في الايام اليايه ..

تحياتي لج يا عمة العيم وماقصرتي ..

[لمّــاح]

شـــوق القــلوب، أحتــرم رايج و كلامج عالعين و الراس، لكن غيري سبقني و مافادت رمســته . .

مثــال، اتصــلت مره وحده بـبرنامج الــرابعه و الناس عند عبدالله بن خصيف ( بو راشد ) و رمست و قالت كــــلام حــلو و أنا متأكد انه وايــــــد من الناس سمعو رمستها حتى لو ماكانو من المسؤولين اكيد يعرفون حد، لكن شفتي شــي اتغيــر؟؟ لأ
بــو راشد نفعــها بشــي؟؟ لأ، الي قـاله في نهاية الكلام انه أيدها في كل الي تقــوله و الله المستعــان، لأنهم يدرون انه ماباليد حيله . .
الكلام الي كتبته الاخت الــغالــيه بعد صح و يؤيد كــلامي . .

لكن لو هناك فرصه محد بيفوتها :)

[الجنيه]

لمـــــــــــــــــــــــ ـــــــــــــــــــــــــ ـــــــــــــــــــــــــ ـــــــــاح


يا ويلي ويلاه جان هاي بلادنا ،،
الحين هاييل من صدقهم ؟؟؟ !!!!!!!!!!!!!!!!!!

الظاهر نحنا فاهمين غلط هم قصدهم شوفوا البلاوي الي تقدرون أتسوونها في دبي
من دون حسيب أو رقيب ،،
وهالتافه بو نقاب شو قصته ؟؟

لا حول ولا قوة الا بالله،،، ومستانسين على المعرض

الله المستعان ...

[عمة العيم]

الجنيه

منو بونقاب؟

[الجنيه]

دخلي www.yahoo.com (http://www.yahoo.com) مثل ما قال لماح بتشوفينه بأول الصفحه الله يخسه

[إسهر معي ليله]

السلام عليكم

فيه ناس يقولون: هيه خاربه خاربه،، خلينا نعميها http://planets.uaeplanet.net/images/smiles/drunk.gif (javascript:emoticon(':108:'))

وفيه ناس يقولون: وش عليّه من الناس،، وش على الناس مني http://planets.uaeplanet.net/images/smiles/whistling.gif (javascript:emoticon(':027:'))

وفيه ناس يقولون: ويلك ياللي تعادينا يا ويلك ويل http://planets.uaeplanet.net/images/smiles/ranting.gif (javascript:emoticon(':098:'))



ثلاث أنواع من الناس عايشين بينا،،

فيه ناس عايبنهم الوضع،، مرتاحين جيه ويشوفون فيه وناستهم،، يمشون تجارتهم،، لا يهم الجانب الديني او الأخلاقي،، المهم الفايده اللي يكسبونها بالآخر ولا يهم اذا كان حلال أو حرام!!

فيه ناس ساكتين،، ما يتدخلون فشي،، عندهم مبدأ غض النظر عن كل اللي ما يعجبك،، ليش أعور راسي،، أهم شي انا عارف الصح والغلط،،، وللأسف فيه منهم بهالطريقة ينظم لفئة اللي عايبنهم الوضع

أخيراً فيه ناس معارضين هالشي،، يتسنكرون وينكرون هالشي،، ويشوفونه غلط،،، نظرتهم صحيحه لكن محد يسمع!!


السؤال يقول: ليش حاطين عارضات في معرض السيارات؟؟

جواب صاحب الشأن/ العارضة تلفت الأنظار للسيارة،، تخلي اللي ما يسأل؛ يسأل!!.. هالشي يزيد من مبيعاتنا،، مرات الواحد يشوف سياره لكن ما يهتم لها،، أما يوم يشوف عارضه يروح يسأل عن السيارة ويعرف مواصفاتها تتغير نظرته للسيارة،، وبالتالي تعيبه السيارة ويقرر ياخذها

الشخص هذا نظر للموضوع على انه فيه فايدته،، لكن للأسف هالشي يخليه يشارك في زيادة خراب هالدنيا،، أكثر من ما هيه خربانه


سؤال آخر يقول: ليش هالإهتمام باحتفالات غير المسلمين،، رغم ان الإحتفالات يقيمها رجل مسلم؟؟

جواب صاحب الشأن/ نسبة غير المسلمين والمهتمين بهالإحتفلات أكثر من نسبة المسلمين،، انا لما اسوي هالإحتفالات اجذب انظار الناس لي ولتجارتي أو اقتصادي!! وبالتالي انا استفيد،، في البزنس لازم تسوي أي شي فيه جذب للزبون

وللأسف هالأشياء اللي تجذب الزباين نفسها تعارض دينا وأخلاقنا،، هذا الشخص فكر في فايدته بغض النظر عن اللي يسويه حلال أو حرام


إذا سألنا أسئلة أخرى بنلقى الإجابة نفسها،، المهم في الموضوع أنا كم أدخل من الفلوس،، مب كم أخرب فالدنيا،، وكغيره من المواضيع الأخرى والجدالية،، بنلقى السبب هوه الإبتعاد عن الدين والتفكير في طريقة للربح السريع!!


ملاحظة/ بالنسبة لـ بو نقاب فهذا موقع ياباني واعتقد زار دبي وصور هالصور،، يعني مب معناها ان دبي تقول تعالوا وسووا جيه http://planets.uaeplanet.net/images/smiles/wassat.gif (javascript:emoticon(':138:'))


مشكورة عالموضوع الحلو// الله يحفظج http://planets.uaeplanet.net/images/smiles/original.gif (javascript:emoticon(':)'))

[عمة العيم]

انا ماعرفت منو بونقاب :(

تسلم اخي اسهر معي ليله

كلامك مقنع وجميل

و الاهم من كل هذا منــــطقي

و انا كنت اتريا هالكلام من زمان

فعلاً الناس تشوف مصالحها فوق كل شي حتى الدين والاخلاق

خدافس

[إسهر معي ليله]

هذا هوه بو نقاب

http://www.node-net.jp/node/photo/Dubai2/page_01.html

[دموع قلم]

لا حـول ولا قـوة إلا بـالله العلـي العظيــم..

في البـدايـة كان في جعبتـي الكثير من الحـديث الذي أود أن أطـرحـه في هـذه الصفحـة, ولكـن سـرعـان مـا
تـلاشـى كـل شـيء, فـ ربمـا بسـبب مـا قـرأتـه من تـلك الحقـائـق المـؤلمـة عن مجتمعنـا العربـي الإسـلامي


هـؤلاء النـاس لا يهمـهم سـوا رضـى النـذالة والحقـارة الـذيـن من أمثـالهـم ورضـى الله سبحـانه
ليـس بشـيء أسـاسـي, وكـأن هـؤلاء الحثـالـة ســينفعـونهم فـي يـوم القيـامـة ويــدخلـون الجنـــة

حقـائـق تـؤلـم القلـب عنـد سمـاعهـا..
( يوم تسمعهـا تسـد نفـسك عن كـل شـي حـولـك :sad: )



أشكـرك أختـي عمـة العيـم على الموضوع
ونتمنـى أن يكـون للموضـوع صـدى للمجتمع

:)