مشاهدة النسخة كاملة : -=- ضيــف الأسبوع -=- مع ؟؟ -=-
المقاتل
17-12-05 ||, 02:11 PM
:: السلام عليكم ورحمة الله وبركاته ::
-=- ضيــف الأسبوع -=-
- أعزائي الكرام .. أعضاء واحات بن دبي يسرني أن أقدم لكـم موضوع ضيف الأسبوع بـ مشاركـة المنظمين : المقاتل – نبراس الليل– حلم الطفوله– أم خدود.
ضيف الإسبوع عباره عن برنامج لقـاء نعرضه لكم إسبوعيـا مع كل ضيـف يتم إختياره عن طريق المنظميـن لهذا البرنامج .
:: طريقــة اللقـــاء ::
نجلس الضيف تحت أضواء المسرح .. نطرح عليه أسئله (المنظميـن ) و يطرح عليه الجماهير (الأعضاء )الأسئله عن طريق الإتصالات إلي راح نستقبلها على الواحات مباشره.. هيهيهي .
و الموضوع سـ يطرح من كذا منظم أي : المقاتل ثم نبراس الليل ثم حلم الطفوله ثم ام خدود .. ( وربما يختلف الترتيب ) .
:: القوانين ::
- للحفاظ على شعور الضيـف يسمح للضيف بإلغـــاءأوتجاهل أي سؤال لا يعجبــه .
- يسمـح لكل عضو بطرح 5 أسئلة على الضيف في كل إضـافة(وبالإمكان المشاركه مره أخرى وطرح 5 أسئلة أخرى ) .
- عدم تكرار السؤال .
.. والآن ..
مع ضيفنا المميــــز .. ضيـــف الأسبـــوع .. الضيـف الذي تم اختياره .. والضيـف الذي طرح الفكره منذ الأساس .. أخترناه لـمشاركاته الدائمة .. و صوره الرائعـه .
:: نقـدم لكم ضيفتنا أم خدود ::
" طبعا ما ننسى تصفيق الجماهيرالجالســـه "
.. أهلا وسهلا .. بضيفتنا ام خدود .. أسعـد الله أوقاتج .. سلام عليـج .. كيف الحال .. ؟؟
:: نبــدأ ::
- طبعـــا يا أخت ام خدود بصفتي طارح الموضوع حاب أعرف شو شعورج لمـا اخترناج ضيفة الأسبــوع .. ؟؟
- شو رايـج في واحـــة التصاميم والصور الآن .. ( كونج إداريه سابقـه لهذه الواحـه ) ؟؟
- ما سبب غيابج الملحــوظ قبل فتره وجيزه ؟؟
و أنا رايي عنج إنج كنتي إدارية ناجحه وصورج كانــت متميزه بـالفعل ولا زالت رائعه.. ومشاركاتج متنوعه وماتنحصر فـي واحة الصور فقــط .
- خبريني شو سبب تنازلج عن الإشراف ؟؟
وأسئلة الجمهور راح تبدأ منذ الآن ..!!
وأكيـــد نتريا أجابات ام خدود و نرجو لا ننســى إرســـال الأجوبـــه عن طريق " إضافة رد " هههه .
و نتريا أسئله الأعضـــاء .
أعتذر على الإطالـــه ونتمنــى إرسال ملاحظتكـــم إن كانت هناكـ ملاحظات إلى كل المنظمين .
:: المقاتل :: ( وبرعاية المنظمين في الموضوع )
أنا فقط
17-12-05 ||, 02:18 PM
و أخيرا نزلتوا الموضوع :fa47:
أخواني و خواتي : المقاتل / نبراس الليل / حلم الطفولة / أم خدود .. أولا أشكركم على هالطرح الطيب
و انخص بالشكر أخونا المقاتل .. و صاحبة الفكرة أم خدود:nerd:
و ثانيا: أرحب بضيفتنا أم خدود .. نورتي المكان خيتووو:fa35: ..
و ثالثا: بستمع لإجاباتج على أسئلة أخوي المقاتل ..
و رابعا: لي عودة مع أسئلة و إن شاء الله اتكون خفيفة :fa38:
تحياتي / قطرة ندى
مزن هتان
17-12-05 ||, 03:06 PM
هلا والله
اشكر القائمين ع الموضوع
مبروك ع تنـزيل الموضوع :fa34:
ام خدود سوف اعود ولكن ربما ستكون في جعبتي اسئله :fa32:
واقول لـ أخوي نبراس اسفه ع الازعاج :fa46:
المقاتل عساك ع القوه :fa38:
المقاتل
17-12-05 ||, 04:29 PM
وطبعا نستقبــل المكالمــه الأولـــى مع الأخــت / -=- قطرة ندى -=-
:laugh:
مرحبا بـــج .. في برنامجنــا -=- ضيف الأسـبـوع -=- .. يسعـدنا مرورج بالتأكيـــد ونترقب منج الأسئله :fa35: وننتظر عودتج .
..
المقاتل
17-12-05 ||, 04:51 PM
:fa56: .. ألوو .. معنا الإخت / -=- مزن هتان-=- .. أهلا أهلا بــج .. الله يباركـ فـي حياتج .. وأظن ام خدود تنتظر أسئلتـــج إن شاء الله .. نترقب عودتج ^_^ .
.. :fa35: ..
حبوبه دبي
17-12-05 ||, 05:16 PM
الــو ؟!
السلااام عليــكم
احم احم مــاشي ارســال ولا يقطــع !! :fa44:
الــو ؟!
:fa56:
اخيــرًااااا ،،
اشكــركم الصــراحه ع البــرنـــــــامج الحلـــو والمشــرفيــن عليه اكيــــــد :inlove:
مـابغيتـو !! خخخ
ومـاشالله ضيــفكم هالاسبــوع ممــيـز " ام خدوود "
ضيـــفه غنيــه عن التعــريف الصــراحه ،،
منـــوره البرنــامج اكيــد :woot:
وحبيــت اســألهــا كمــن ســؤال فـ بــالي :
1- منـــو قدوتج فـ حيــاتج ؟؟ ( الاهل اقصد ) :fa51:
2- فـي شــو اتحبيــن تقظيــن وقت فــراغج !!
3- شــو احلــى امكــان عندج ؟؟ :inlove:
والسمــوحه
..
المقاتل
17-12-05 ||, 05:36 PM
:fa56:
آلووو
وعليكم السلااام ورحمة الله وبركاته
:rock: لا إتعرفين إنتي من الضغــــط .. من كثرة الإتصالات فـ الإرسال يقطـــع :fa52:
:fa34: العفـــو الشيخه يسرنــا إنه عجبـــكم ،،
:fa42: أكيـــد مميـــزه ونترقب إجاباتها قريبــا ،،
شكرا على مرورج ونتريا مشاركــتج من جديد :fa51:
فـ أهلا وسهلا بـــج حبوبه دبي
.. :fa35: ..
عفاريتووو
17-12-05 ||, 06:04 PM
عليكم السلام
مرحبااا .. ام خدود :fa34:
- من متى وانتي تمارسين هواية التصوير؟
- هل في شي ساعدج انج توصلين لهل مرحلة في التصوير ( كتب..مواقع.. كورسات..)؟
- هل برايج اي حد ممكن ينجح في التصوير ولا في اشياء لازم تكون متوفرة فيه؟
- امنية ام خدود انها توصل لـــ شو ؟
.
.
اشكر جهودكم على هالبرنامج الحلو :fa42:
و ان شالله لي عودة مع اسئلة ثانية
نبراس الليل
17-12-05 ||, 10:09 PM
شكراً لاخوي المقاتل على الطرح الجميل والتقديم الرائع
وشكراً للاخت مزن هتان على الازعاج المشجع:fa42:
وشكراً لكل المنظمين والاعضاء على التفاعل
وان شاءالله يكون لقاء جميل
سأعود مع اسئلتي ان شاءالله
نتريى تفاعلكم يااعضاء
عنود الريف
17-12-05 ||, 11:01 PM
مرحبا :laugh:
الو الو :Oo:
معاك اخويه المقاتل.. :woot:
ان شاء الله الحين بقصر على الصوت . :fa52:
ممكن اكلم الاخت أم خدود .. :inlove:
يا هلا ام خدود
بغيت اسألج .. :fa45:
شو هي مخططاتج للمستقبل ؟؟ :fa46:
وشي ثاني بسألج اياه بسرعه عشان ما يخلص رصيدي ويبند في ويهكم .. :fa46:
شو هي المجالات المحببة لج أكثر شي غير التصوير؟
والسمووحة منكم
أنا فقط
18-12-05 ||, 10:17 AM
ألو .. أخوي المقاتل عطني المايك لو سمحت :nerd: ..
تحت الهوا ( نتحرطم شوي :tounge: ) :
وينها أم خدود؟ ليش ما ترد علينا؟ :glare:
(حليلها .. شكلها مضغوطة وايد :fa52: .. الله يوفجها :fa35: )
ع الهوا ( يالله قطرة انتي ع الهوا .. لا تفشلينا >> هذا صوت المقاتل و هو يزاعج :fa46: ) :
أول شي أرحب بأختي العزيزة أم خدود ( للمرة الثانية:fa35: )
و اسمحيلي أسألج كمن سؤال ( عساها بس اتكون أسئلة قليلة الدسم :fa38: )
1- كيف تعرفتي على واحات بن دبي ؟
2- بعد الشوط اللي قطعتيه .. شو الشي اللي أضاف لج إياه هالمنتدى؟
3- أم خدود .. ليش اخترتي هالإسم؟ و هل تفكرين اتغيرينه؟ و إذا غيرتيه شو الإسم اللي بتختارينه؟
4- شو هواياتج؟
5- أمنية تتمنين انها تتحقق اليوم قبل باجر؟
:wacko: عسى بس ما عورج راسج من هالأسئلة ( هذا مش سؤال بل تساؤل :glare: )
لو عندي أسئلة إضافية بتصل بالبرنامج مرة ثانية :fa42:
طوط . طوط . طوط ( المقاتل قطع الخط عني :fa46: )
بنت الدلع
18-12-05 ||, 01:00 PM
الو ...
السلام عليكم
ممكن اشارك >>> عيل جيه متصله
اول شي حبيت اشكركم عالبرنامج الاكثر من رائع
اللي يعرض على احلى شاشه >> مقدمات مامنها فايده
وثانيا ارحب باحى عضوه
واللي هي دوم مفرفشه ماشالله عليها
بس اللي يخرب عليها غيابها
واقولها الله يعينها عالأسئله
حلم الطفوله
18-12-05 ||, 02:56 PM
بعد الفاصل نوااااااااااااااااصل :laugh:
فلم وثائقي مدبلج عن العضوه أم خدود ...... :inlove:
هي عضوة في واااااااااحات بن دبي....لتواجدها سحر خاص ....ولصورها حس فني مرهف ...
انضمت لأسرة الواحات منذ أن كانت طالبة .... لها مواضيع عديدة في كافة أقسام الواحه ...
تعشق اللون الأحمر ....والدليل على ذلك هو موضوع أحمر x أحمر:heart:
عسوله ... فنانه ... وإلي بقلبها على لسانها:tounge: .. و خفيفة الظل وتحب الجميع :blush:
تغيب لتترك في قلوبنا شوقا لها ...وتعود لتنثر بوجودها طيبتها
كأني استويت هاله سرحان:fa52:
إنها ضيفة هذا الأسبوووووووووع ...أم غزوز كما لقبها الأستاذ خنفروش
انتظروها ... ستعود قريبا ... :laugh:
ألم ترى
18-12-05 ||, 06:28 PM
بسم الله الرحمن الرحيم ..
وعليكم السلام والرحمة ..
بالتوفيق إن شاء الله ونحن فـ انتظار ذا المسلسل الجميل ..
ربي يعطيكم العافية ..
تحفه
18-12-05 ||, 09:54 PM
وعليكم السـلام والرحمـه
هـلا والله المقاتل مره ثانيه .. ومشكـور على المـقدمـه الحـيويه
وإسمحولي على التـأخيـر ,, كان يوم متـعـب و أسميني كنت منضـغـطه في الشغل بالقو :sad:
أقدم * إعتـذاراتي* مره ثانيه
:fa36:
بسم الله الرحمن الرحيم < حشى بذبح ذبيحه مب داشه اجاوب لول
.:: المقـاتل ::.
أسالتك قويه .. عزات الله داشين بفضايح وطالعين بـ جلاجل
الموهيم
- طبعـــا يا أخت ام خدود بصفتي طارح الموضوع حاب أعرف شو شعورج لمـا اخترناج ضيفة الأسبــوع .. ؟؟
كنت في البدايه مب امصدقه خاصه اني توني راجعه للـ واحات
ولا .. انا الي مقترحه انسوي المقابلات :Oo:
ومره وحده شفت ماشاء الله تفاعلو الاعضاء
وستويت فجأه زي الاطرش في الزفه
فـ كنت حاسه اني مب متـزهبه
لا واحاتيا (لأني توني رديت بعد طول انقطاع) ولا نفسيا ( لأني مريت بفتره ضغط ومازلت يعني )
- شو رايـج في واحـــة التصاميم والصور الآن .. ( كونج إداريه سابقـه لهذه الواحـه ) ؟؟
بصـراحه ,, قبل وعلى بداية افتتاح الواحه كان في اقبال قوي على هالواحه , فلو تشوفون المواضيع القديمه تشوفون التفاعل موجود سواء في عدد الزوار ولا الردود رغم قلـة الاعضاء الي كانو يعرضون صورهم ويصورن
لـكن الحـين (ماشاء الله وللاسف :wacko: ) زاد عدد الاعضاء الي يهتمون بالتصوير و يعرضون وصورهم في الواحات .. لكن التفاعل قل
اممم
أعتـقد ان القوانين الجديده و ردات الفعل اللي ابدت عدم موافقتها على الصور الي كانت تنوضع هي السبب في هالـ ركود الي ضرب الواحه * إن صح التعبير*
بس عادي اشوف عند معظم الاعضاء وبعض اداريين الواحات اعتقد
و مادام الاداره اطالب بصور فنيه مش اي صور .. مافيها شي لو رقدت الواحه !!
- ما سبب غيابج الملحــوظ قبل فتره وجيزه ؟؟
إحم وصلنا للسؤال الحساس ..
كان في عدة اسباب وراء تركي للواحات الفتره الي طافت
و السبب الرئيسي هي اني انشغلت وااااااايد الفتره الي طافت لأني كثفت نشاطي * خارج الجامعه والمنتديات*
حتا لو تلاحظون ايام ما كنت مشرفه كنت اغيب بالايام غياب كلي .. وتستوي اشياء وانا في خبر خير
وأرجع واحصل لي زفه على الخفيف :fa46:
وحتا يوم اتواجد كنت ادخل اتصفح المواضيع في الواحات الثانيه و نادرا ما كنت اشارك ويوم اشارك يخترب الموضوع وينحذف لول
فـ قلت .. بودر الواحات احسن ولا ان الواحه تدهور و ينحط اللوم علي
وبعدين .. بصراحه صريحه
ما كنت احصل الدعم الا من كمن عضو و عضوه ..
و لأن الاعضاء الاداريين معظمهم كبار في السن ( :vampire: ) < اقصد في العشرينات :look:
فبتشوف جفاء في تعامل الاداره ناتج عن غيابهم و انشغالهم في حياتهم الشخصيه
و متى يكون في احتكاك
يا بالصدفه *سلام* / موضوع شكوى او ضرابه ويبون يشوفون رايك و الخ
فـ ما كنت احس عمري ضمن المشرفين والاداريين كـ أسره ولا حتى جو شغل او شي .. كنت ادخل اشتغل روحي و ارتب و انسق و اذا احتجت شي * يكون في هالحاله احتكاك*
وآخر سبب كان .. إني كنت وايد اتخالف وي الاعضاء و ما قمت اشوف ان وجودي مفيد
فـ قررت اظهر
- خبريني شو سبب تنازلج عن الإشراف ؟؟
إنشغلت في بناء موقع شخصي فتحته لمده وصكرته لأنه الحين قيد التطوير
وما قدرت اوازن بين اشغالي وعالم الانترنت .. فتنازلت عن الاشراف حفاظا على اسمي
:fa51:
( السموحه على التاخير )
تحفه
18-12-05 ||, 10:07 PM
حبوبـة دبي : مشكوره الحلوه .. منور بوجودكم
1- منـــو قدوتج فـ حيــاتج ؟؟ ( الاهل اقصد ) :fa51:
1- ما عندي قدوه في حياتي .. لا من الاهل ولا من برع الاهل :fa46:
2- فـي شــو اتحبيــن تقظيــن وقت فــراغج !!
2- ( 1- الرسم / 2- التصوير / 3 - الطلعه / 4 - اسكواش في نادي سيدات دبي ومن الملل العبها بالساعات / 5 - التسوق / 6 - النت / مشاهدة الافلام و القراءه )
3- شــو احلــى امكــان عندج ؟؟ :inlove:
الصبح بيت يدتي في بوظبي - العصر جريب المغرب شارع الكرنيش في بوظبي وي ايس كريم فانيليا من المروش - الفليل غرفتي
تحفه
18-12-05 ||, 10:23 PM
عفاريتووو
يا مــرحبــتـــــــــــيــــ ــــن كبـــــــــــااااااار
- من متى وانتي تمارسين هواية التصوير؟
من كان عمري 14 .. يعني من خمس سنوات
- هل في شي ساعدج انج توصلين لهل مرحلة في التصوير ( كتب..مواقع.. كورسات..)؟
بديت كـ هاويه بدون مساعده لا من كتاب ولا من مواقع ولا من كورسات ولا من اي شخص
ومن سنـه ونص او سنتين بديت فعلا اهتم في فن التصوير بحد ذاته وبديت بالكتب و حاليا مع قروب وكلنا هواه للتصوير
- هل برايج اي حد ممكن ينجح في التصوير ولا في اشياء لازم تكون متوفرة فيه؟
أكيد أكيد ,, مثلا ( وبفخر بس بدون خقه اقولها )
أنا كنت اعرض اعمالي بدون ما اكتسب خبرات من الخارج او تطبيق التقنيات من الكتب
بس اكيد..لازم يمتلك الانسان حس فني .. علشان ينجح في التصوير من دون تعليم او اكتساب خبرات .. مثلا في حالتي .. كل عايلتنا فنانين .. حتا الشباب على فكره .. :fa51:
- امنية ام خدود انها توصل لـــ شو ؟
اممم مش طماعه .. بس أكون صفـحـه في التاريخ البشري :vampire:
وحيّـاج الله
:)
تحفه
18-12-05 ||, 10:35 PM
عنووووووود الريييييييييف
اخت غاليه و عزيزه
أنووووورررررررررت واسسسسفررررت
:fa35:
شو هي مخططاتج للمستقبل ؟؟ :fa46:
حالـياً .. مالي مخطط .. وما دري احس اني ضايعه ماعرف شو ابا
بس الشي الي انا متاكده منه ,, هو ستيديو تصوير
شو هي المجالات المحببة لج أكثر شي غير التصوير؟
اممممم ,, أحب اصمم شيل وعبي ,, وكنت اتعامل وي محل اسمه البندر بس وقفت .. لأنه كل ما اقوله لا تسوي هالموديل حق اي حد .. اشوفه مسوي حق بنات الفريج كلهم :glare:
وبعدين * لو تذكرون العضوه خربوطه ربيعتي * اتضاربت وياهم لأنهم صدق سخيفين وتافهين ومعاملتهم زي الزفت .. جان انوردهم
:fa41:
أحب البزنس بشكل عام .. والاسهم بشكل خاص
:fa41:
احب الرسم و النحت
----------
ومشكوره على الاتصال لول
تحفه
18-12-05 ||, 10:47 PM
قطرة ندى
ههههه .. ماشاءالله متا كل هالاحداث صارت :shutup:
الموهيم
بالنســبـه للاساله
1- كيف تعرفتي على واحات بن دبي ؟
عن طريق الـ chat
2- بعد الشوط اللي قطعتيه .. شو الشي اللي أضاف لج إياه هالمنتدى؟
ما اعامل كلحد نفس المعامله .. لكل شخص له حدود في المعامله !
3- أم خدود .. ليش اخترتي هالإسم؟ و هل تفكرين اتغيرينه؟ و إذا غيرتيه شو الإسم اللي بتختارينه؟
والله اتصدقين الحين ابي اتذكر ليش ليش يا ربيه مب قاعده اتذكر ,, بس لو بغيره .. بـ غيره لـ بنت بوظبي
4- شو هواياتج؟
السؤال مكرر ! ( جاوبه موجود ضمن اجوبتي لـ حبوبة دبي ) - اسمحيلي
5- أمنية تتمنين انها تتحقق اليوم قبل باجر؟
تقوم يدتي بالسلامه - ترجع الايام .. لأيام يدي الله يرحمه .. علشان استغل كل ثانيه حذاله
و مشكوره الشيخه على الاضافه
--------
إستراحه ,, الدخان قام يظهر من لاب توبي + ماما اتسلم عليكم واتقولكم سيرو ارقدو ابرك لكم من مجابل هالكمبيوتر عيونكم راحت و رموشكم طاحت وخخخخ ( وتصبحون على خير ) سهرانه خمسين دقيقه على موعد نومي الرسمي :blush:
دانة حتا
19-12-05 ||, 04:06 PM
السلام عليكم
الموضووووع شــــــــــــــــــي:fa42:
:fa34: :fa34: :fa34: والضيفه ماعليــــــــــــــــــلي ها كلام:fa34: :fa34: :fa34:
تسلميــــــــــــن ام خدود الصراحه اجوبتج رائعه:fa47:
والاعضااء اسئلتكم وايد حلوه
بانتظار الضيف اليديد:laugh:
تحفه
21-12-05 ||, 03:42 PM
نسيت اشكر كلحد رحب فيني :fa46:
نبراس الليل
بنت الدلع
الفارس
حلم الطفوله
محب الشيخين
دانة حتا
.. ..
.
شكرا على الاتصالات الحلوه
دموع قلم
23-12-05 ||, 02:06 AM
يـا مرحبـا وسهلا
بضيفتنـا المحبـوبة
والعضـوة المبـدعـة
أم خـــــــدود..
منـورة الشـاشـة بـوجـودك وعسـى تقضيـن أجمـل الأوقـات معنـا
سـأكـون متـابعـة لأحاديثـك الممتعــة وربـي يـوفقـك إن شـاء الله
أشكـر لجنـة المنظميـن على هـذه الفكـرة الجميـلة,
فـالمبـدعين لا نـرى منـهم إلا الإبـداع والتمـيز,
وربـي يـوفقـكم دائمـا إن شـاء الله
:) (http://oasis.bindubai.com/bin/misc.php?do=getsmilies&wysiwyg=1&forumid=29#)
كـلـكـلـووش
24-12-05 ||, 09:51 PM
6o0o0o6 6o0o0o6
elraqam mash3'o0oL .. Sho hal7alh
lesh elma9'o0o3 nazel yalla fo0o0oG