ريوق و غدا و عشا

[عمة العيم]

السلام عليكم ورحمة الله و بركاته

شحالكم بنات حريم كبار صغار

هذا الموضوع لستات البيوت فقط:fa35:
الصغاريه برااااااااااااااااااااااع :fa32:

الموضوع مفتوح للكل خاصتاً ستات البيوت

كل يوم اتي ست البيت تسوي ريوق

و وقت الغدا تسوي غدا

ووقت العشا تسوي عشا

فنحن نبا نسوي ريوق و عقب الريوق نسوي غدا و عقب الغدا نسوي عشا

فنبدأ بالريوق بعطيكم ريوق بتاكلوا صوابعكوه وراه

يالله ياحريم نبدأ بسم الله..

نحتاج الى:
*5 حبات بيض
*4 مكعبات جبن كيري
*كميه من جبنة مازوريلا
*حبه طماطه متوسطة
*كميه من الزيتون المقطع شرائح
*بهارات(ملح و فلفل اسود) حسب الرغبه
*مشروم طازج يقطع شرائح


طرقة العمل: (مافي اسهل منها ييبي الاغراض و اخلطيهم ويا بعض والله وياج هههه)

لا نبا اتقان و فن و ابداع في العمل يا ستات البيوت نبا عمل جميل...

الطريقه تقول:

*نحط كميه قليله من الزيت في القلايه و نكسر البيض فيها (على درجه حراره متوسطه لا عاليه)
*نخفق البيض و نذوب مكعبات جبن كيري ويا البيض و نرش جبنة المازوريلا ويا الخلطه و هيييييلا هوب و اخلطي يا حجه ؤخلوووطي
لين ما الجبن يذوب

*ييبي الطماطه و قشريها و قطعيها مكعبات و اخلطيها ويا البيض و الجبن و حطي المشروم و البهارات و قطع الزيتون

*آآآخر شي علي درجة الحراره و اخلطي شويتين دوره يمين و دوره يسار و هزي يا وز و خلصنا الطبخه..

عزيزتي الحرمه

لو عندج عيال ترومين تسوين لهم سندويجات حلوه صغيره

لو عندج بو عيالج هب متفيج ياكل لقمه لقمه ترومين تسوين له سندويجه

و تفنني عاده في التقطيع و التقديم ماوصيج عسب تفتحين نفسهم

و تقدمي الأكل ويا جاي اكيد الصبح معظم الناس يحبون جاي

و شو رايج في الجاي الاخضر مع الليمون؟

فظيع عالصبح!

و ناس يحبون جاي احمر..

و الصغاريه سوي لهم ميلك شيك... انا بقولج كيف تسوينه...

اللي تحتاجينه:

* حليب طازج
* كاكاو بودره
*سكر
*ايس كريم


و اخلطي المكونات هذه في الخلاطه و دوري يا خلاطه و خلط بلط و خلط بلط...

ترومين تحطين مكان كاكاو بودره حطي فراوله لو عيالج يحبون الفراوله ترومين تحطين اي فاكهه مكان الكاكاو...

على فكره بو عيالج بيعيبه :vampire:

و قدمي الميلك شيك بطريقه حلوه علقي كرزه و لا امبريلا يعني مظلمه و علقي اشيا جي هاه عالقلاص

اهم شي تفتحين نفس اللي يبا ياكل\يشرب



و هذا هو ريوقنا لليوم

و اتريوا الغدا

لو في وحده شاطره تسويلنا غدا اليوم وايد زين

يالله يا ستات البيوت ورونا شطارتكم


خداااافس
:fa35:

[حبوبه دبي]

:fa56:

الله عليــــــــج ،،

شــو هالريـــــــوق الحلــــــــــو ؟! :fa37:

احــسن عنــي طلعتــي :fa52:

زيــن زيــن بنتعلــم اكلاااااات حلــوه ،،

يالله ويـــــــنكم !!

شدوووو الهمـــــــه
:fa51:

,,,

تسلميـــــــــــن اختيه ع المــوضوع الحلــــو :inlove:

بــس انا مب ست بيـــت :tounge: رزه كيفــــــــــي

والسمــوحه

[عمة العيم]

بسم الله الرحمن الرحيم


أولا تسلمين اختي حبوبه على الطله الجميله و ابيج تسوين لنا عشا

لاني بسوي غدا الحينه

يا بنات يا حريم يا حلوات

بنسوي اليوم برياني دياي


تحتاجين الى:

* دجاج بدون جلد
*عيش\رز بسمتي مسواي عالبخار
*روب
*بهارات(زنجبيل+هيل+فلفل اسود+كركم+ملح+ليمون اسود+ورق غار)

*مكعبات بطاط مقلي
*بصل يقطع على شكل شرائح


ييبي التاوه العوده اللي عندج

و حطي فيها كميه من الزيت و عقب حطي البصل في الزيت و حمريه عدل و عقب البصل بطاط و البهارات كلها اللي ذكرتهم فوق و روب و نخلطهم عدل

لين ما نحصل على صلصه صفره عقب انيييب الدياي نقليه عدل و نحطه على الخلطه الصفره و نغطي التاوه

عقب انيب جدر عود نحط الزيت و عقب طبقه من العيش\رز و انيب الخلطه اللي في التاوه العوده نحطها على طبقة العيش\رز مع قطع الدجاج و عقب نرد نحط العيش اللي تبقى ويانا من فوق و ييبي فنيان حطي فيه ماي ورد و زعفران و صبي الخلطه على السطح فوق و ييبي ورق الغار و اغرسيهم في العيش من فوق
و غطي الجدر

و خلي ينطبخ شويه تقريباً نص الى ثلث ساعه


و تعالي نبا سلطه


تحتاجين الى:

*خس امريكي
*طماط
*جرجير
*بقدونس
*خيار
*يزر\جزر
*عصير ليمون
*زيت زيتون
*رشة ملح
*رشة سماق


قطعي الخس و الطماط و الخيار قطع كبيره و اليزر قطعيه مستطيلات متوسطة الحجم و الجرجير قطع كبيره لكن البقدونس لا تقطعينه اخلطيه ويا الخضار بكميات وفيره و آخر شي صبي فوق السلطه عصير ليمون و رشة ملح و رشة فلفل حسب الرغبه طبعاً و رشتين سماق و آخر شي صبي فوقه زيت زيتون شويتين دوره يمين دوره يسار

و خلط بلط خلط بلط

و لا تنسين العصير

مافي اسهل من العصاير



و بالهناء و الشفاء يا ستات البيوت


اتريا حد يسوي لنا العشا يالباردين وينكم خخخخخ


خدافس
:rock:

[رحيل]

ياسلام عليج ..اسميج طباخه فنانه بس انا مالي في هالسوالف ؟؟؟؟؟؟
يعني يالله همتج نبى عشا غاووووووووي عندنا وااااااايد معازيم ..والسموحه منج

[عمة العيم]

السلام عليكم ورحمة الله و بركاته


لالالالالالالالالالالا

الردود هب قويه

محد يسوى لنا شي

وين العشااااااااااا؟

رحيـــل

تسلمين حبيبتي عقبالج تستوين طباخه شراتي
بس زعلانه منج ماسويتيلنا عشا

يالله بترياكم ان الله مع الصابرين

خدافس
:fa32:

[شوق القلوب]

السلام عليكم..

عمتـــنا العوووده...

بصراحه.. قمت يوعتينا على هالريوووق و الغدااا... و الحين أذن المغرب.. يعني موعد العشا بيقرب...

يلا.. نبا العشاااااا :fa51:

[حبوبه دبي]

يالله نتــــرياااا البقيــه
:fa51:




فضيحه قلنــالج مــانعرف :fa52:
يوم بتعلم شــي بحطلكم ولا ايهمكـم :fa44:

،،

[عمة العيم]

مابا مابا زعلانه

بسويلكم عشا مال فقر :glare:


:alien:
عزيزتي الحرمه (او البنوته)

عشانا اليوم مال فقر

بيتزا جبن بالعسل

تحتاجين الى:
*صمون (دائري او طويل)
*جبن كيري
*عسل

طريقة العمل:
قصي الصمونه الى شريحتين
و ادهني الصمونه بالجبن
ثم اسكبي على شرائح الصمون المدهون عليها جبنة كيري اسكبي عليها العسل
و ضعيها في الفرن حتى يذوب الجبن و يصبح الصمون مقرمشاً
ثم تؤكل كالبيتزا

كلوا ويا الجاي الاحمر(عيميه ما انلام خخخخ)

و بالهناء و الشفاء


خدافس
:ghostface

[حبوبه دبي]

:fa56: :fa56:

يــم يــم شــو هالعشــــــــــا !!

لا لا مــانروووم انقــاوم الصــراحه :fa37: ابا قطعــــه بــس ،،

بنت فقــر خخخ :fa52:

تسلميــــــــــــن اختيــه ع الطــريقه :inlove:

والسمــوحه

[عمة العيم]

هلا حبوبه دبي

اسميج بنت فقر هههه (سوالف)

ربي يسلمج

بس عقاب لكم مافي لا غدا ولا عشا ولا ريوق

اعتمدوا على انفسكم لو الماما محد في البيت شو بتاكلون؟

شو بتسوون للغدا و العشا و الريوق؟

وروني شطارتكم

اخلطوا اي شي ويا بعض و سووا وجبه

اترياكم يالبرووووووووووووووود

خدافس
:)

[طير الحب]

باجر بسوي البيتزا بجربها....وبعد الميلك شيك...

[جيهان1]

شكرا على ريوق صح نحنا في عصر السرعه بس لي عند حساسيه من البيض يعني ما ياكل البيض وايد في شيء ثاني يمكن اسويه:fa39: انا اعتبر البيض وجبه كبير خصوصا حق لي يسوي رحيم مثلي في شيء ثاني اسويه:wacko: مع شكر الجزيل

[ماوحشتك]

موووه تسلم ايدج عالوصفات

بنتظار المزيد

منكم نستفيد :)

وهالـ هاللله بعمرج

[عمة العيم]

السلام عليكم ورحمة الله وبركاته

شحالكووون يا حلوااات

مين جوعااان؟

ماما عموه بتسويلكم غدا :fa35:

مع انكم ماتستاهلون :glare: لان محد يطبخ قلت ماعليه يواعه و بغديهم

طبقنا اليوم سارقتنه من الشيف اسامه

يقولكم تحتاجون الى الآتي:

* صدور دجاج مقطعه الى مكعبات متساوية الحجم( بالمسطره لازم)
*بهارات(كركم فلفل اسود ليمون اسود ملح) حطوا بهارات على كيفكم
*روب
*بقدونس و نعناع بكميات كبيره
*زنجبيل
*تفاح اخضر
*عصير ليمون حامض


الطريقه:
ييبي مله حطي فيها قطع الدياي و تبليها بالبهارات و خليها شوي.. عقب ييبي الخلاطه حطي فيها البقدونس و النعناع و الزنجبيل و الروب و عصير الليمون الحامض و رشة ملح... وخلط بلط خلط بلط لين ما يدور راسج :ghostface

عقب حطي الخلطه عصوب

و يييبي التاوه و حطي شوية زيت زيتونايه و حمري الدجاجايات في الزيت و خلك بلط و رشي الملح و صبي الخلطه فوق الدجاجايات و غطي التاااااااويه على نار متوسطه

و صبري جريب ربع ساعه او اقل لين ما تستوي الدجاجايات

و بالهناء والشفاء

يقدم الدجاجايات مع عيش ابيض او معكرونه روحه او يتاكل مع خضار عل بخار

تبون تعرفون كيف تسوين خضار على البخار؟

طولي بعماركن في جدوور خاصه للبخار عباره عن جدرين طابقين اللي تحت جدر عادي واللي فوقه قاعة الجدر مخبوقه شرات الصفايه....طولي بعمرج تحطين ماي في الطابق الاول في الجدر التحتاني و تحطين في الماي قطعة بصل ولا جرفه ولا ليمون ولا فلفل هذا يعطي نكهه للماي فيعطي البخار نكهه للخضار.......و الجدر الفوقاني المخبوق حطي الخضار هناك و غطي الجدر

الين ماتستوي

و قدمي لبعلكي او لأفراد عائلتكي

مع سلطه مب متفيجه اسويلكم سلطه اخلطوا من عندكم اي شي

و عصيرايات للصغنونين لانهم ماياكلون فويكيه(يعني فواكه) فلازم جسمهم يحتاج الى فيتامينات فسويلهم عصيرايات

و لبعلكي ايضاً


و بالهناء و الشفاء

:fa35:


خدافس
:ghostface

[فدا خورفكان]

تسلميــــــــــــــــــــ ـــــــــــــــــــــن ع اليوق و الغدا و العشا ..
وانشالله بجربهم..

[عمة العيم]

يا حليلكم

(^_^)