مفاجأة الخميس اللي طاف

[عذبة الروح]

السلام عليكم والرحمه


اشحالكم اخواني وخواتي ؟

هذا اول موضوع لي وياكم بـ هـ الواحه :blush:

ان شا الله يعيبكم بس :fa36:

وبــاسم الله نبدى الموضوع


كنت يالسه ..فـ البيت وما صار لي واصله يمكن ساعتين

الا وسمعت خواتي وامي يرمس انهن بيسيرن عرس

ويقولن يا الله قومي ويانا

وكل وحده كاشخه ومتعدله .. وانا خبر خير

وين .. متى .. كيف .. ليش ما حد قالي قبل ؟

ما عطوني سالفه .. تبين تسيرين العرس حياج ..

ترى بيبون نوال الكويتيه .. وحربي العامري

وانا ما يهموني .. وقلت

لو احلام بتيي انا بسير .. عسب انها تعيبني خاصه في حفلات الاعراس يكون لها لوك غير :inlove:

][ أدري ما عندي سالفه المهم ][

ما سرت .. وتميت يالسه في البيت


فجأة وبـ نص الليل تيلفوني يرن

والمتصله اختي .. وصوتها مب واضح عدل

واتم اصارخ .. وتقولي سمعي سمعي <--- تباني اسمع منو اللي يغني

وانا من سمعت الصوت .. قمت انقز بــ مكاني واصارخ أحلاااااااام .. أحلاااااااام :fa43:

المهم .. قالت لي البسي عباتج وتعالي بـ سرعه

قلت لها لا ما ابى .. احلام عقب تشوفني مب متعدله وكاشخه لا ما يصير

واللي صار .. اني ما سرت لكن وصيت اختي تصورها

وفديتها .. صورتها :fa34: ..

لكن الصور مب واضحه ذاك الزود

عسب الإضاءه الخفيفه :fa55:


.: اليـــوم :.

الخميس 24 / نوفمبر 11 / 2005

هو يعني اليمعه الفير


.: الزمـــن :.

1:15 في بعد منتصف الليل <--- اونه فصحى :fa52:


.: المكـــان :.

عرس خاص لـ إحدى العائلات فـ بوظبي


.: الصـــور :.


http://n9com.com/n9/11-13-2005/ahlam01.jpg






http://n9com.com/n9/11-13-2005/ahlam02.jpg






http://n9com.com/n9/11-13-2005/ahlam03.jpg






http://n9com.com/n9/11-13-2005/ahlam06.jpg






http://n9com.com/n9/11-13-2005/ahlam05.jpg





http://n9com.com/n9/11-13-2005/ahlam04.jpg




والسموحه .. لانه الصور مب واضحه وايد

ويسلمووونيشن لكل من هل وطل


اختكم

عـذ الـروح بـة

[أمرين]

حلييييييييلج والله قصوا علييييييييج

كر كر كر كر

يالله خيرها بفيرها


وتسلمين ع الصور

[أمرين]

مممممممممممم

عذبة الروووح .. وليش ما تدانين حربي .. افا

لو أدري جاااان رحت العرس بدالج

كر كر كر كر

والسموووحة منج الغالية

[عذبة الروح]

مشكوره الغلا على مرورج ..
والله يسلمج ويسلم غاليج ومغليج
واللي فكر يغليج بعد :blush:

لكن ما حد قص علي:fa54:
لانه احلام كانت مفاجأة الحفل
واهل العروس مب معلمين حد انها بتيي العرس
وهي اصلا كانت من المعازيم .. واخت العروس عازمتنها لانها ربيعتها
وانا افتشلت كيف اسير العرس وانا مب معدله نفسي .. جي اسير بـ عباه

واما عن حربي .. بـ العكس كشخه
لكن شرى ما قلت كنت توني راده من عيمان لاني بـ سكن داخلي
وتعايزت اسير العرس ..
وقلت لو احلام بـ تسير جان سرت اول وحده
وما بسير واتعب عمري على حربي او نوال :fa36:

ومشكوره مره ثانيه
ولا عدمناج غناتي
يسلمووونيشن أمرينا

اختج
عـذ الـروح بـة

[أمرين]

اهااااا
جيه طلعت السالفة .. مفاجآآآت ودنيا

العفو حبيبتي

[عذبة الروح]

هيه ..
لكن مفاجأة ما عيبتني
لو معلمين انها بتيي قبل .. جان سرت وشفتها
حياج الغلا
ومشكوره عـ التواصل الطيب
يسلمووونيشن أمرينا

اختج
عـذ الـروح بـة

[خيال الحب]

شوهاااااااااا ولا صورة ظهرت لي :(

افا افا افااا

[حبوبه دبي]

ولا انــا مــاشفت ولا صــوره :fa46:

[عذبة الروح]

خيال الحب و حبوبه دبي

السموحه ..
وتم تعديل الصور

اختكم
عـذ الـروح بـة

[شمه]

ليش ما سرتي..

يقولون ان العرس كان خبال..

وخبروني ان نجاح كانت بعد موجوده

[عذبة الروح]

هيه نعم اختي شمه
الشاعره نجاح المساعيد كانت موجوده
وكانت تقول شعر بين فقره والثانيه
ومثل ما قلت قبل
اني كنت يايه من عيمان .. وانا بــ سكن داخلي
وتوني واصله بوظبي .. ما مداني ارتاح من الدرب
وهم ما قالوا انه احلام في العرس:fa55:

عــ العموم ..
مشكوره غناتي عـ المرور والرد الطيب
وعن العرس .. هيه ما شا الله كان روعه بـ كل شي
لا عدمناج الغلا
ويسلمووونيشن شمتنا

اختج
عـذ الـروح بـة

[احلى الليالي]

افااا يا عذبة الروح ماايتي ..

ترا العروس من هلي ,,.. مااقلتيلي انج معزومه كنت بقولج انهم يايبين احلام

بس كاان العرس روعه ... بس عني انا مااحب احلام واايد

[شوق القلوب]

السلام عليكم..

هيه .. سمعت عن العرس..

وربيعيتي كانت هناك بعد... وخبرتني عن احلام و نوال.. :fa51:

[أمواج]

غريبه كيف سمحوا بالكاميراات في العرس ؟؟

[شاطئ المحبة]

انا كنت موجوده في العرس

كيف ما شفتيني؟؟

خخخخخخخ