ترضى....ترضين

[دانة حتا]

السلام عليكم
ما اعرف اذا حد ناقش هالموضوع والا لا
لكن الكل يعرفه موضوعي كله في هالاسئلة
ارجوا من الكل انه يشارك ويجاوب عليها......:laugh:

اذا كنت شاب هل ترضى انك تاخذ بنت اتعرفت عليها عن طريق الموبايل او النت؟( قول الصدج مب تاليف:laugh: )
هل ممكن صدج اتحب هالبنت؟ هل ستثق فيها على بيتك؟
اوكيه
انزين اذا كنتي بنت هل ترضين انج تاخذين واحد انعرفتي عليه بالطريقة السابقة ؟
هل بتحبيه وتثقين فيه على بيتج وعمرج؟
شو ضمنج وضمنك انه وانها ما بتعاود او يعاود الكرة .

واسمـــــــــــــــــــــ ــــــــــحولي على الاطالة

[فركوشه]

السلام عليكم

لو البنت صدق محترمه ما بترمس واحد فالموبايل او حتى فالنت..

واكيد الولد ما بياخذ البنيه شو ما صار واصلا كيف بيامنها على بيته..؟؟

هاذي وهو بعده هب ماخذنها وترمسه عيل يوم بياخذها.. يعني ما بترمس غيره؟؟


وانا من ناحيتي ما افكر اني ارمس واحد ؟؟ شو خبله ولا ناقصه عقل..
وشو ما صار ما باخذه
وعلى قولة المثل
( ذيل الجلب عمره ماراح يعتدل)..

والسموحه
..

[بيور]

وياااج أنا ياانمله الوااااحاات .. مستحيل الولد ياااخذ وحدة تعرفها علييها من النت .. وأوونه يحبهاا .. لأني ماا أعترف بالحب عبر النت ولا حتى المبااايل ..

ولااا البنت حتى أعتقد انهاا تفكر بهذا الشي .. لأنه أكيد اذا كاان يرمسهااا أكيييد رمس غيييرها .. ويقص عليها
مثل ماا لعب ع غيرهااا


وممكن الولد يرمس بنيه بالنت أو المباااايل تكووون علاااقه عاااااديه خاااليه من هالخرااابيط .. يعني بس سوااالف وضحك .. بس مستحييل ياااخذاهااا لوو شووومااكااان (وهذااا رايي أنا )



سلااااااااااااااام
المتفيجة ...

[هزاايم]

أنا مع الخوااات
من هذي الخااينه إلي تخوون أهلها وهم ولوها الثقه وترمس وااحد عسب كم كلمه<<الحمدلله على العقل و زينته

الصرااحه انا بقول عن موقف البنت
أنا معاج يوم قلتي شو طمنج إن ماراح يرمس غيرج وراااح يكون لج بعض الناس بو طبيع مايووز عن طبعه <<بعضهم مش الكل

وهذا رايي
والسمووحه

[الدلووووعة]

اصلا مستحيل اني ارمس واحد عالنت ولا عالمبايل ( ماشي شغل )
وعسب جي ماعندي رد على اسئلتج

[دانة حتا]

نلة الواحات والمتفيجة اشكركم على ردودكم ومعاكم حق
الغالية الدلوعه الاسئلة مب للي يرمسو بس
لكن انا اقول رايكم عن هالناس بسواشكرج الغالية على ردج

[الحساس]

مرحبا

شاب يشتغل بالبنك.. وبهذا البنك بنت تشتغل ايضا في قسم اخر.. في كل يوم صباح يشوفون بعض ويسلمون على بعض.. مع الوقت بداوا يرمسون بعض عن امور مختلفه (وهم بالبنك) اعجب الولد بالبنت قالها وين بيتكم بتقدم لج.. عطته العنوان وتقدم لها وتزوجوا,,, ============= (1)


من (1) ناخذ ان البنك (الوظيفه) عباره عن وسيله استطاع الاثنان ان يتعرفون على بعض.. وبالتالي النت عباره عن طريقه للتعارف.. طبعا يمكن يكون في تبادل للصور خلال النت او الكلام عبر الشات الصوتي بس هذا كله مايمنع ان نقول ان النت وسيله للتعارف.. ====== (2)

نرجوا من كل من يقول انه يعارض زواج الانترنت ان يرجع لاخر احصائيات الطلاق في الامارات.. والي اتذكه ان نسبه الطلاق هي 30 % من نسبه الزاج للعام الواحد.. يعني 100 شخص يتزوح في السنه في المقابل ولنفس السنه 30 شخص يطلق.. وهاي بحد ذاتها نسبه عاليه جدا,, نرجع لسبب الطلاق هو ان الطرفين لم يكونوا ملائمين لبعض.. لعده اسباب وهب في صدد ذكرها الان.. لكن اذا بنقارن زواح الامس وزواج اليوم في فرق كبير.. وهو
ان زوا الامس البنت ترضى بنصيبها مهما كان والريال يتزوج 1 او 2 او 4 .. لكن الحين البنت اصبحت اقوى عن السابق فتحاول ان تبدي برايها مهما كان وبالتالي لا ترضى بنصيبها ويحصل الطلاق بين الطرفين...

الي ابغي اوصل له ان النت وسيله تقرب وجهات النظر قبل الزواج باكبر قدر من الامكان وبالتالي.. لاظن ريال بيتزوج وحده مافيها من الصفات الي يبغيها .. بل العكس اكيد اختارها من بد الكل لاسباب هو يحبها فيها..

الان راح اتكلم عن مصداقيه العلاقه بعد الزواج...

نعم المنطق يقول من يسرق مره يسرق الف مره من بعدها.. وها الشي لها استثناءات... المهم الي يتعرف مره من النت قبل الزواج في احتمال ان يعرف على بنت اخرى ..

ان يتعرف الريال على البنت من النت (بنظري مافيها اي مشكله) لكن المشكله هي ان تكون بينهم (علاقه ) على النت وهذا الي ارفضه .. الزواج من بعد التعارف على النت .. شي جايز ولا حرمته اي ديانه ولا اي مذهب.. والي يحب يتاكد اتمنى يراجه هيئه الاوقاف.. لان قبل 3 سنوات كنت بالموتر اسمع البث المباشر ويابوا هالسالفه زواج الانترنت .. ومن بين الي رمسوا 5 شباب نصهم نجحت علاقتهم ونص لا..

هذا مجرد راي..

تحيات يللجميع

[دانة حتا]

الحساس اشكرك على الرد الطيــــــب
و كلامك مقنع وفعلا لكل قاعدة استثناء
وتســـــــــــــــــــتلم على رايك

[ذنـيـنـي]

بصراحة انا أؤيد دكتورنا الحساس في كلامه




انا مب من معارضين فكرة الزواج عن طريق النت او العرس


لأني من مؤيدين مقولة "شرٍ تحيده, ولا خيرٍ تترياه"




اذا الواحد ضامن انه البنت الي تكلمه تحبه ويحس انه متفاهم وياها,, ما اعتقد انه في شي يمنعهم من الزواج




و يمكن يكون زواجهم ناجح اكثر من الزواج بالطريقة التقليدية,,, الي فيها اكتشافات اقدر اسميها اكتشافات "ما بعد فوات الاوان" خاصة من عقب البلاوي الي قمنا نشوفها هالايام :fa55:

[حفله]

يمكن اكون اول بنت توافق كلام الدكتور حساس و ذنينيي !!

[سيدة الحب]

انا بعد اوافقهم الراي ليش لا اذا في اخلاص ووفا

[دانة حتا]

ذ نيني , حفلة ,سيدة الحب
أشكركم على المشــــــاركة والردود
ومعكم حق اذا كانوا واثقين من بعض
ما شي يمنع الزواج
تســـــــــــــــــــــــ ـــلمون

[الجنيه]

مساء الخير

أخي الحساس أوافقك الرأي بكل ما كتبت ...

بالنسبه لي مستحيل أتبع هالطريج ان شاء الله ,,,
بس بتكلم عن شي واقعي الحين اللي بيرفض أنه يتزوج وحده كلمها شو يضمنه أنه اللي بياخذها ما كلمت غيره ؟؟؟ يمكن مثل ما هو رفض يتزوج اللي لعب عليها في غيره لعب على الثانيه ونفس الشي بالأخير أنتهى بها المطاف نفس الشيء.. يعني بيكون ماخذ وحده كلمت غيره ومن دون علمه ...

من الأساس المفروض الوحده او الواحد ما يتبعون هالاساليب بس ان صار وحصل هالشي يفضل يكونون صادقين ويا بعض عشان اذا فكروا بالزواج يكون أساس هالزواج صح...

مممم ما أعرف شو أقول بس هذا اللي عندي حاليا...

[الحساس]

تعقيب على كلام الجنيه..

اذا شخص اخذ وحده شو يضمن له ان هي بالاصل ماكانت ترمس واحد...

بكل بساطه الشخص الي في هالحاله (((( نفسيا مرتاح)))لانه يحس انها مارمست شخص ثاني او بالاصح اذا مايعرف انها رمست واحد ثاني احسن من انه يعرف..

اكثر عن مره نرمس بينا نحن الشباب اذا ليش يا فلان ماتتزوج او ليش فلان بن فلان ماتزووج ومعظم الاجوبه تنصب على ان .. انا ابغي اكون عمري اولا ثانيا ابغي وحده انا متاكد منها قبل اهلي انها بنت مستقيمه.. (( من متى الريال يقول ابغي اتاكد ان البنت مستقيمه؟؟؟؟) هذا دليل على ان شباب الحين متخوفين من الزواج لاسباب الثقه مابعد الزواج..

المسؤول الاول في هالمتاعب هي بيئتنا المتزمته..

[دانة حتا]

الحساس معاك حق الشباب يخافو يرتبطو بسبب هالشي

[نبراس الليل]

الشكاك مابيضمن حتى بامه واهله هذا اللي اقدر اقوله الحين
يمكن ارجع اعقب

[الجنيه]

عــــــــــــــوده جناويه ,,,

أخوي الحساس كلامك سليم 100% بس أنا أقصد أنه وايد شباب يتعلثون يوم أتقول لهم ليش ما تتزوجون اللي أتكلمونهن مع أنهن في أحيان كثيره يكونون السبب في إنحراف البنات بس تلقاهم يقولون أنا ما آخذ وحده كلمتني أبي وحده أهلي يختارونها وواثقين في أخلاقها ,,,
ظاهرياً حتى البنت اللي يكلمها بالنسبه لأهلها وحده محترمه وصاينه عمرها لأنها أترمس من ورى أهلها يعني هل الشاب يضمن يلقى وحده ما كلمت شاب في حياتها ؟؟؟

يمكن هو يكون مرتاح مثل ما قلت اذا كان واثق أنه البنت اللي خذها ما كلمت غيره بس تعتقد ما بيي يوم وبيفكر في هالشي ؟؟ ما بيقول في خاطره يمكن تكوت كلمت غيري ؟؟؟

[بلوة حلوة]

هممم .. البنيه الحيـن

ماقالت هل عندكم استعـداد ترمسون شباب أو لا ..



رمسـت عن موضوع الزواج عن طريق الهاتـف أو النـت ..



الحيـن كذا وحـده منكم جاوبت على عقلانيتهـا .... لكن لو انحطيـتوا فـ ذات الموقف

أكيـد بيكون لكم رد غيـر هذا .. لو مب جدامنا .. بينكم وبين انفسكم > اعترفوا:fa56:



،،



هممم بالنسبـه لسـؤالج ..



شوفـي اختي .. هاليـوميـن تلاقـين ( الدنيا خربااانه ) .. يعنـي محـد ضـامن حـد ..

يمكن اللي يخـطبونهـا الأهل لولدهـم .. تطلـع وحـده ( عليها العـوض ) ..

محـد يدري .. هم عرفـوا اهلهـا ماعرفـوها شخصيـا .. صـح بيسألون عنهـا

بس بعـد بالسؤال مش كل شي يوصـل.. وعقب الزواج .. تلاقين هالـولد اكتشف بلاوي ..

يعنـي هـو الحين بعد هالعشره قدر يعرف ان هالبنت مارمست حـد أو غلطت قبل وعتدلت وهو سامحها

لكـن .. البنيه الي عن طريـج اهله .. شو ضمنه فيها؟ يمكن هي مرت بـاي تجربه حالها حال اللي

رمسهـا هـو .. !

لو رمـس وحـده وحبهـا وحبته واتاكد من حبـها و مع طول العشـره قـدر يعرف هل هي قد الثقه أو لا .. هل هي محتـرمه أو لا .. اوكي كلمته بس ممكن ان غير هالشي مستحيل تسوي ..

أكيـد بيعـرف اذا هي تستـاهل تشيـل اسمه ولا ..

وبعـدين .. هالولد ( من عقب عشره ) بيعطـي هالبنت الثقه من خلال عشرته وياهـا

ولازم بيـعرف وايد أشيا عنهـا .. عـ الأقل بيضمـن البنيه اكثر من البنيه الي عن طريج أهله

وايدين منكـم مايأيدون بس الزمن تغـير .. صح عادات ودين وتقاليد ما أعارض هالشي انا

بس خلـونا نرمس بواقعـيه أكثر ..



،،



وعن البنيـه ..

البنيـه بطبيعتــها .. فـ داخلها قـوّه .. وأي بنت معرضه للخـطأ .. وسبحان الله

هالخـطأ كـوّن حب فـ حياتهـا .. ومـع الأيام تأكـدت من صدق الي تحبـه .. وعرفت وايـد أشيا عنه

ليش ترفـض ؟! .. اذا تأكـدت انه قـد هالثقـه ؟ .. حبته وسلمته قلبهـا .. وعقب ماتوافق عليه؟



،،



غيـر هذا .. ممكن هالعـلاقه .. تعطي كل طـرف خلفيه عن حياة الطرف الثاني

أو أشيا يقدر يعرفها قبل الزواج ، ممكن لو عرفها بعد الزواج تأثر بشكل سلبي على العلاقه

وفـ العشره هاي .. يصير تقـارب للأفكـار و تفاهم أكثـر .. يعني تنحـل الخلافات الصغيره

والاختلاف فـ الأفكـار قبل الزواج .. بدال لا يكتشفون هالاختلافات عقب الزواج

أو حتى عقب الملجـه .. ومشكله تيـر مشكله ..



،،



هالـ علاقه اللي نـرمس عنهـا .. قبل كل شي المفـروض تكـون بحـدود

هممم مثل مايسمونه ( الحب العذري ) .. مش علاقة بمفـهوم حب هاليومين

مـواعـد طلعـات شوفات .. الخ > الله يستر عليهم:fa46:



،،



كلامـي مش معــارض للدين والعادات والتقاليد ، بس احنـا نتكلـم بواقعيـه

وسؤالج كان بالنسبـه للبيئة الي احنـا عايشين فيهـا ، مش عن الصـح والغلط ..



،،



كـوني أأيـد هالشـي بنسبة 80% .. مش معنـاته انه ممكـن تكون لي علاقه

أو أرضـى هالشي على عمري ، الله يبعـدني عن هالطـريج ، كلامي كان

بصـراحه وأقرب للوقع من العادات وغيرهـا ..



،،



والسمـوحه عـ الإطاله ..

[الحساس]

سؤالج يا الجنيه في محله

هي الشكاك بيشك بهالشي... بيسال هذا السؤال ( هل البنت رمست قبل ؟؟ )

والشك هب زين يخرب بيوت

وحتى لو رمست خلاص هي الحين في ذمته بحنانه واهتمامه لها بيكسبها وبيودر عنها وبيشل الافكار ايل كانت براسها

حسن التعامل يولد الود بين طرفين والثقه..

الشك مشكله .. زين نبهتيني عليها بسير اقرا شو ه الشك ووصفاه وعلاجه


p:

[المقاتل]

:: السلام عليـــكم ورحــمة الله وبركــاته ::




( حب الإنترنت أوهام تأمــل الزواج )




اذا كنت شاب هل ترضى انك تاخذ بنت اتعرفت عليها عن طريق الموبايل او النت؟( قول الصدج مب تاليف:laugh: )




بــــالتأكيــــد لا ،،



:: :fa51: لأني يوم باخذ وحـــده باخذها على أساس سليـــم :inlove: هب خذيت وحــده إتعرفت عليها من التلفون أو الجــات ::




باخذها محترمه ما جربت الحـب :fa55: هب بطاليه مرمسه فلان وعلان .. وحتى لو واحد بس !!




:rock: بنت أصول وبيوت




هل ممكن صدج اتحب هالبنت؟ هل ستثق فيها على بيتك؟




:: :fa42: ممكــن .. بس بـالنسبه لي أنــا .. :vampire: أفضـل الحب بعد الزواج هيهيهيهي :: ولن أثق في وحده حبيتها من الإنترنت !!




والحب على الإنترنت :wacko: سوالف مراهقين لا أكثر !!




وبالله عليكم يوم يسولفون ويا بعض يقولها أحبج وتقوله أحبكـ و Miss وخرابيـــط يخجــل الشخص أحيانا من سماعها .. هاي وين صارت بالله عليكم حب ولا جنهم مرابييـــن ولا عندهم تقاليــــد ولا عندهم مذهب ولا دين !!




لأســـف كل من هب ودب حبوا بعض .. ( بعض االناس فاهمين الحب غلـط ) .




- من الأساس ما الهــدف من إن الواحد أو الوحـده يرمسون بعض سواء بالتلفون أو غير التلفون كالجات وغير !! ؟؟ !!





:fa35: السموحـــه على الإطالـــــه ،،


:: المقاتل ::

[الغاليه]

من خلال اللي اشوفه من محيط المجتمع اتكونت عندي قناعة مادري اذا كانت صحيحة ولا لا .. اني ماقبل اي رابطة بين الشاب والفتاة بمسمى علاقة حب ماقبل الزواج .. وتفعيل هالعلاقة بمكالمات سرية من ورى الأهل أو طلعات أو مقابلات أو أي وسيلة تجمع بينهم سرا (أكيد مب علنا لانهم يدرون انه هالشي غلط ) .. صح انهم قد يتوجون هالعلاقة بالزواج لكن اعتبرها في نظري خاطئة والزواج عقبها بيكون شي ممل وقد لايستمر لفترة طويلة وقد يستمر بس احس انه مابيكون له طعم..

لكن في نفس الوقت اقول انه اي وسيلة من وسائل الاتصال تم خلالها تعارف محترم بعيد عن علاقات الحب والغرام والدخول في اي شي محرم( بيكون تعارف سطحي مب عميق ) .. ومن خلال هالتعارف تم الزواج .. اشوف انه زواج موفق وصحيح.. ومن سنة الحياة وفطرتها ..

بعد شي احب اقوله .. انه شي وايد بنات من اللي يرمسن شباب في الموبايل يقولن اشدراه الريال جان اللي خطبها ماكانت اترمس غيره ؟!.. صح انه هالكلام فيه نسبة من الصحة لكن اللي يضايجني في الموضوع انه بعضهن يستخدمن هالمنطق أحيانا كتبرير للي يسوونه هن أوكتلميح انه أغلب بنات اليوم يرمسووون وانه السالفه في كل الحالات خربانه خربانه .. يعني في كل الحالتين البنت بتكون اترمس .. وها شي هب صحيح كليا..

البنت اللي ترمس شباب في الموبايل واتكون علاقات معاهم من ورى أهلها واتخون ثقتهم .. الشي اللي خلاها توصل لهالموصل وجود خلل مب بسيط في شخصيتها يبعدها عن الشخصية المثالية أو الشخصية اللي تستحق الاعجاب .. يعني بمعنى ثاني فيها شرخ او كسر يضعف من قيمتها ومكانتها..وجهة نظر ..

شي بنات زينات وشي بنات الله يستر عليهن ويهديهن ..ونفس الشي الشباب منهم الزين ومنهم الشين

والطيبون للطيبات والخبيثون للخبيثات ..

شكرا عالموضووع ..

تحياتي

[الحساس]

اقتباس من الغالية..

لكن في نفس الوقت اقول انه اي وسيلة من وسائل الاتصال تم خلالها تعارف محترم بعيد عن علاقات الحب والغرام والدخول في اي شي محرم( بيكون تعارف سطحي مب عميق ) .. ومن خلال هالتعارف تم الزواج .. اشوف انه زواج موفق وصحيح.. ومن سنة الحياة وفطرتها ..

---------------

اوفقج بهذا الراي 100 % وهذا الي كنت اعنيه...

والي ياخذ سالفه ان.. والله برمس البنت وبعدين بتزوجها وطبعا بينهم حب وعزل وغيره هذا غلط في غلط .. يكفيها البنت بطيح من عيون نفسها .. يمكن تكون مبتسمه بين الناس لكن في داخلها هي حزينه على عمرها تعرف انها غلطانه.. وبعيده عن السعاده الي كانت تتمناها

واذا اكتشف الريال انها تعرف واحد من وراه... يودرها.....

[دانة حتا]

ا لصراحةانا مب مع سالفة الحب اذا فيه حب بيطلع بعد الزواج
واذا مثل ما قلتو ما ترضون تاخذون وحده اتعرفتوا عليها عالنت او الموبايل
ليش من الاصل تتعرفون؟؟؟
والبنت يوم تدري انه مب اكيد هالشخص يحبها ويمكن قال نفس الكلام لمليون وحدة
ليش تتعرف عليه؟؟؟ شو يعني السالفه لعب



و مشــــــــــــــكورين على المرور

[صدى جوفي]

الزواج علاقة خالدة بين طرفين ..


ومن خلالها تتكون أسرة :heart: اللي هي ساس المجتمع
كيف تنبنى على علاقة سطحية عن طريق الموبيل أو النت؟؟!

وكم من المعلومات اللي قدر كل واحد من الطرفين يعرف عن الثاني..

وشو كان الغرض من المحادثة.. تعارف؟ لعب؟ ولا زواج؟؟!:Oo:

وكم نسبة الكذب فهالمحادثات.. 50% .. 70 % أو أكثر؟؟!

وكم نسبة المحادثات اللي من خلالها قررا الزواج..أيام.. أسابيع .. أشهر..:fa52:

وكيف شافها أو وصلت له صورها .. والا بيخطبها وهو مغمض العين؟؟!

وكم غيره تعرفت قبل .. والا الصدفة:huh: جمعتهم من أول محاولة..

بعد كل هالتساؤلات :fa36:.."والنواقض" ممكن ينبنى زواج..



وإذا انبنى.. هل بيظل زواج .. وهل بيكون أسرة متفاهمة ..


أو أسرة مفككة؟؟! :wacko:

[جنون امرأة]

أكـتـفـي بـقـراءة الـردود ...


!!!........

[عذبة الروح]

وعليكم السلام والرحمه

عيبني الموضوع
لكن عيبني اكثر طريقه التحاور من بينكم
وجودي هني .. بيكون لمتابعه الحوار فقط
واكتفي اني ابدي اعجابي ببعض الآراء المطروحه
وخاصه راي اخوي ][ الحساس ][
وباهم نقطه بـ نظري .. قال

هي الشكاك بيشك بهالشي... بيسال هذا السؤال ( هل البنت رمست قبل ؟؟ )

والشك هب زين يخرب بيوت

وحتى لو رمست خلاص هي الحين في ذمته بحنانه واهتمامه لها بيكسبها وبيودر عنها وبيشل الافكار ايل كانت براسها

حسن التعامل يولد الود بين طرفين والثقه..


واكتفي بــ ردودك الطيبه يا خوي
ورايي من رايك .. عسب جي ما بطول وبقوله

مشكوره غناتي لـ طرحج مثل هـ الموضوع
وتسلم يمناج ..ربي يعطيج العافيه
وانا على متابعه وياكم
وان حصل .. واختلفت الاراء
بيكون لي تواصل وياكم .. وعرض رايي الشخصي
يسلمووونيشن دانتنا

اختج
عـذ الـروح بـة

[دانة حتا]

صدى جوفي اسئلتج حلوة وفي محلها
بس لازم الواحد يفكر ويدور اجوبتها قبل لا يسوي اي شي
واشكرج على المرور الغالية:laugh:

اهلاوية ...يسعدني مرورج:laugh:

عذبة الروح ...سعيدة بتواصلج ويانا وننتظر رايج في اي وقت
تســــــــــــــلمين على المرور الغالية:laugh:

[دبور]

مــمـــكـــن لـــيـــش لأ ،،،،

خـــصــــوصــــاً إذا البـــنــــت كــــانــــت عـــلـــى أخـــلاق راقــــيــة
وفـــي معـــرفــــة ســــابـــقـــة مـــــثـــل زمـــيـــلـــة دراســـة أم عــمــــل
وتــطـــورت العــمـــلــــية لمـــوبــــيـــــلات أو أنــــتـــرنــــت ،،،

والــشــــي الثـــانــــي اللـــي ممــــكــــن يـــحــــد مــــن استـــمـــرار هـــــذي العـــلاقـــة
هــــي الظــــروف اللــــي يـــعــــيــــش فـــيــهـــا الطــــرفـــين والاهــــل


وتـــســــلـــمـــيــن الغــــــــالــــية عــلـــى الـــمــــوضــــوع



قـــــــرصة دبـــور

[دانة حتا]

خوي دبور تشكر على المرور
واذا زميلة يمكن هيه ليش لا

[نبراس الليل]

الرسول عليه الصلاة والسلام كيف تزوج ام المؤمنين السيدة خديجة رضي الله عنها ؟؟؟
اريد اجابة على طريقة الزواج ؟؟؟ وبعدها ساعود لاكمل حديثي ...تفكروا قليلا ..

طارق

[دبور]

الرسول عليه الصلاة والسلام كيف تزوج ام المؤمنين السيدة خديجة رضي الله عنها ؟؟؟

اريد اجابة على طريقة الزواج ؟؟؟ وبعدها ساعود لاكمل حديثي ...تفكروا قليلا ..

طارق



اللـــي أعـــرفـــه ،،
انـــه صــلـى الله علـــيـــه وســــلم كــــان يــعـــمــــل
مـــعـــاهــــا فــــي التـــجـــــارة

[ملك]

اللـــي أعـــرفـــه ،،

انـــه صــلـى الله علـــيـــه وســــلم كــــان يــعـــمــــل
مـــعـــاهــــا فــــي التـــجـــــارة






و اعجبت به و بأمانته و صدقه

فطلبت منه الزواج

:blush:

[دبور]

بــــس أخــــو نـــبـــراس اللـــيــــل
مـــا يــــصــــيـــر أنـــك تـــقــــارن الــــرســــول صــلـــى الله علـــيـــه وسلــــم
مـــعـــانــــا احــــنــــا ،،

[عذبة الروح]

باااااك

السلام عليكم والرحمه
كانت لي وياكم مداخله بسيطه .. للتضامن مع الراي
ولكن ... عندي اعتراض على ردك الأخير اخويه دبور

المقارنه هني كانت بـ تصرف الرسول ومدى حقيقه علاقته بـ أم المؤمنين
وهي علاقه تجارة .. يعني شغل .. ومن بينهم كان الاحترام أكيد
ونحن بـ العكس كـ مسلمين وعلى ديانه محمد - عليه الصلاة والسلام
علينا نقتدي بـ تصرفاته واخلاقه وتعامله من بين الناس

لكن اللي ما نقدر نقارنه بـ هـ النقطه هو
.: الزمـــن :.
زمن الرسول - صلى الله عليه وسلم - غير عن الزمن اللي نعيشه الحينه

زمن حب وغزل ..
والقليل يكون سواء شباب او بنات لهم المصداقيه في طريقه الحب والتمسك بـ الحبيب
وما اعتقد انه هـ الشي كان على ايام الرسول - صلى الله عليه وسلم
يعني ما اعتقد كان في علاقات وهـ السوالف

اتمنى اني اكون وضحت وجهة نظري

ولكن المبدأ هو مبدأ
والعلاقه كانت علاقة عمل
واعجبت فيه السيده خديجه لصدق وامانته
مثل ما وضحت الاخت ملك

فــ هل هـ الشي موجود عندنا في هـ الوقت المعاصر؟
موجود .. ولكن بنسب تحصى !

والسموحه عـ المداخله

ويسلمووونيشن دانتنا

اختج
عـذ الـروح بـة

[دانة حتا]

اخوي نبراس ودبور تسلموون على المشاركة
ملك وعذبة الروح تسلمون خواتي على المشاركة
وعذبة الروح معاج حق العلاقة قبل كانت عمل وبس
والحين صعب انحصل مثل هالعلاقة الصافية لازم حب وغزل

[كشكوشه]

انزين اذا كنتي بنت هل ترضين انج تاخذين واحد انعرفتي عليه بالطريقة السابقة ؟
طبعا .. مستحيل آخذ واحد عن طرقي النت او الموبايل لان عمري ما فكرت اخون ثقة اهليه فيني...
هل بتحبيه وتثقين فيه على بيتج وعمرج؟
بعد لأ... الشي اللي يستوي مره وحده يتكرر عشر مرات فعشان جي مستحيل
اني اثق او اني ائمن على بيتي وعمري..
شو ضمنج وضمنك انه وانها ما بتعاود او يعاود الكرة .
الصراحه هالشي ينطبق ع الشي اللي بستوي .. والانسان الوفي واللي اعرف مصلحته ومصلحة غيره
هذا تقدري اتقولين انج تضمنينه ..

والسموحه

[دانة حتا]

تسلمـــــين الغالية على رايج

[نبراس الليل]

عذبة الروح

تقصدين الزمن ولا الناس ؟؟؟؟

[دانة حتا]

مشكورة على المرور كشكوشة
تســـــــــــــــلمين الغالية

[الثعلب الرمادي]

أنا ما بقول إن هالطريقة فاشلة لكنها تنجح مع بعض الناس ... بالنسبة لي إذا كانت البنت ممتازة 10/10 و ثقتي فيها كانت كبيرة و كان كل شي فيها مثل ما أتمناه في شريكة حياتي فأكيد بتزوجها و في نفس الوقت ما أعتقد أحصل بنت بالمواصفات إلي أتمناها عن طريق النت لأن احتمال وجودها في أماكن ثانية أكبر :)

[دانة حتا]

مشكوور الطيب على رايك
تســـــــــــــــلم