مشاهدة النسخة كاملة : عليه باجر تقديم مشروع في مادة الفيزياء ساعدوني
القلب القاسي
18-11-05 ||, 08:52 PM
:fa45: السلام عليكم
انا عليه باجر تقديم مشروع في مادة الفيزياء
انا في ثاني ثانوي الادبي و المشاريع عليها 50 علامه انا هب عارف اسوي هاي المشروع الصعب
ان شاء الله اتساعدون في المشروع
المشروع :
في لعبة الاقراص الخشبيه ( الكيرم): ادرس تاثير كتلة الاقراص المتصادمه وسرعتها عند
1- اصطدام قرص بقرص اخر له كتله نفسها
2- اصطدام قرص صغير بقرص كبير
3- اصطدام قرص كبير بقرص صغير
4 - التصاق القرصين بعد التصادم
الرجاء المساعده ضروري
شوق القلوب
18-11-05 ||, 09:59 PM
الســـلام عليـــــكم...
هلا أخوي..
مم.. شو اللي تباه بالضبط...؟؟
هل تبا تفسير بالكلام..؟؟ ولا لازم بمعادلات و هالسوالف...؟؟
القلب القاسي
18-11-05 ||, 11:05 PM
لا انا ابغي بس التأثير والسرعه على النقاط الي حطيته يعني كل نقطه وتاثيرها وسرعتها وبس
الله يهديه من مدرس
عافك الخاطر
19-11-05 ||, 01:00 AM
وعـليكم السلام ..
هو اكيد بيعطيكم مشروع له علاقة بالدروس اللي تاخذونها .. فـ انت اربط هالشي بدرس من الدروس
صح انا كنت علمي بس ما اقدر اجازف و اخبرك ويطلع غلط :nerd:
بس تدري شو تسوي ..
ييب لعبة الكيرم و انت طبق الكلام المكتوب و شوف.. يعني جنها تجربة وانت تكتب اللي اتشوفه ؛لأنك لازم اتشوف الشي عملي عشان تعرف نتايجه ..
مشكلة الفيزيا :wacko:
هذا والله أعلم
:sleepy:
بالتوفيق خيّو..
..
شوق القلوب
19-11-05 ||, 01:32 AM
هلا أخوي..
أنا بكتبلك على حسب خلفيتي... وعليك انك تتأكد منها علمياً..
1- اصطدام قرص بقرص اخر له كتله نفسها
اذا اصطدم القرص بقرص آخر له نفس الكتله فانه تأثير القرص الأول على الثاني يكون بنفس القوه وبالتالي سرعه تباعدهم تكون متساويه . حيث انه لهم نفس قوه الاحتكاك و الكتله.
2- اصطدام قرص صغير بقرص كبير
اذا اصطدم قرص صغير بآخر كبير فان سرعة تحرك الكبير ستكون قليلة أو معدومه ، حيث ان قوة احتكاك القرص الكبير أكبر من الصغير وبالتالي فهو يحتاج الى قوه أكبر حتى يتحرك..
3- اصطدام قرص كبير بقرص صغير
اذا اصطدم قرص كبير بآخر صغير فانه يؤدي الى تحرك الصغير بسرعه كبيره وذلك نتيجه صغر حجم الكتله.
4- التصاق القرصين بعد التصادم
هذا يعني انه سرعة القرصين متساويه و تساوي صفر. بسبب انه قوه الاحتكاك كان لها تأثير في بطئ حركه الاقراص و سرعتهم حتى تلاشت.
...
كلامي مب وايد امرتب... بس هذا يعتمد على ذاكرتي.. و للاسف ماعندي كتاب فيزيا عشان أعطيك المعلومه صح... لكن أتمنى اني عطيتك مفتاح للاجابه.. :)