الشكوى لله بس

[سيدة الحب]

السلام عليكم ورحمة الله وبركاته

اليوم اكتب لكم وانا ما ادري شو اقول او حالتي النفسية كيف ما اقول او ابدا كلامي الا

بحسبي الله ونعم الوكيل في مستشفياتنا اللي بتودينا ورا ولا حتى بنطور ليش بس اسأل ليش

اكلم اختي اليوم اتطمن عليها اسمع منها خبر اسوأ خبر سمعته انقهرت وانا مو فالبلاد اتصرف او

اسوي اللي ابيه فيهم,اختي من سنتين معرسة وللحين ما عندها بيبي هذا كله ليش عشان مستشفياتنا

الحلوة (مستشفى الوصل للولادة) اول مرة سارت لهم في شهورها الاولى وهي تنزف شو قالو نزلي

البيبي احسن ماشي امل وخلوها لين ما نزل البيبي لحاله وثاني مرة حملت وسار كل شي اوكي وصلت

للشهر السادس وفي طريقها للبيت حست بانها مو طبيعية حدث ثقب فالمشيمة مما سبب الماي

انه ينزل عن البيبي سارت ابوظبي قالولها عادي بس تمي بالمستشفى لين الولادة وبيعطونها

مثبتات وسوائل قالت ارجع دبي احسن لي فالمستشفى اللي اراجع فيه شو صار لها اول ما سارت

قالو لازم انزل البيبي خلوها لين ما البيبي ينزل لحاله واهملوها لا ادوية ولا شي لين في ليلة

فاجأها المخاض و ربت يا بت بنوتة والكتورة الله لا يوفقها شو سوت خلت البيبي يم امها ولا حطوها

بالحضانة ولا شي اكلم ريل اختي يقولي جي صار و غيره قلت له اضرب الدكتور بس البيبي

لازم تدخل الحضانة والام محمومة ولا حد عبرها عقبها توه ريل اختي بيسير للدكتور

اسمعه يقول سوري البيبي ماتت.

شو حال الاب او الام او حالتي انا وانا اسمع هالكلام لما سرت هناك اشوف اختي توها بيدخلونها

حجرة العمليات بس خايفين درجة حرارتها عالية طلبت اشوف الملف على اساس عندي

خبرة فالموضوع رفضوا يعطوني اياه وتغيرت الاحداث واندفنت (حور) بسبب عناد طبيب

وقتها سألت اختي شو فصيلة دمج ودم ريلج طبعا خلاف وانها اول مرة اجهضت جسمها ولد

اجسام مضادة عشان جي ماتت البيبي قلت للدكتورة وانا طالبة طب شو قالت ما انتبهنا؟؟؟؟؟؟؟؟؟؟؟؟
!!!!!!!!!!!!!!!!!!!
لاي درجة الاهمال ؟؟؟؟؟؟؟؟؟؟؟ واحلى نكته قالوها البيبي مو كاملة وماله دعي تعيش وانا

شفتها مو ناقصها الا اهتمام اطباء!!!!!!!!!!!!!!!!!!!!!!!!!!!

واليوم اكلم اختي و في يوم عرس اختي الثانية اختي المسكينة ترتفع درجة حرارتها لين 41 وطبعا على

مستشفى الوصل بس بندول واهمال تسيرامي تزقر ممرضة عشان اتي تشوفها لانها بدت تنزف

ولا احد عبرها وعلى ما سارت يابت الثانية دخلو عليها لقو البيبي على السرير وهي على الارض

مغمى عليها شو اقول بس شو اقول اهمال وعدم مبالاة وين الاطبا العدلين شو صار بعلى قولتهم

افضل مستشفى ولادة ما اعرف افرح عشان اختي ولا احزن على الثانية وانا اهني بعيدة لا حول

ولا قوة شو اقول بس شو اخر هالاهمال واختي للحينها في غيبوبة و(محمد) يندفن بسبب اهمال

الاطباء

اسمحولي بس والله فيني قهر ما اعرف شو اسوي ما اعرف

[الحساس]

سمحيلي..

الغلط هب من المستشفى..

منكم لانكم تثقون بالمستشفيات الحكوميه...

الحمدالله عمري مامدحت فيها.. ولا اخلي اهليه يتعالجون في اي مستشفى حكومي والبطاقه الي انيددها كل سنه بس عسب ناخذ الادويه منهم

اتمنى تشوفون لكم مستشفى خاص افضل من الهموم الي تنزل عليكم من المستشفيات الحكوميه

الله يعينكم ويسهل اموركم

[عيون الليل]

كلامـــي ما بيختـلف عن الدكتور " الحسـاس " بشـــي
لانــه انا بعـد مثــله ما أحب المستشفيـات الحكوميـة .،.، يذلون الشخص الي بييهم .،.، سواء على موعد أو على الانتظـار أو حتـى على مراجعــه .،.،.، المذلـه موجوده موجوده

من كم يــوم صارت سـالفه في مستشفـى القاسمي ما ادري إذا قريـتوا عنهـا ولا لا .،.،.، واللي هـي انه بنيـه عمرها 20 سنه اتوفت بسـبب إهمال الاطبـاء .،.، يقـولون انـه كانت فيـها الدودة الزايــدة وانفجــرت والدكتـور اكتفــى انه يــوصف الدواء والمهدئات عبـــر التيلفـون .،.، ولا كــلف نفســه انـه ايي يشـوف الحالــه ويـعرف على أي اســاس يقرر الدوا المنــاســب ! ! !
طبعـاً هـاي حادثـة من الحوادث الي اتصيـر بسبب إهمــال الاطـــباء .،.، لذلــك أنا ما اشــجع انكم اتعالجــون في المستشفيـات الحكوميـة .،.،.، وما شي أحسن من أنه الشخـص يسيـر ويتعـالج بفلـوسه بدون مذلـه وفوق هـذا يحصـل المراعاة والاهتمـام الي مستحيـل يحصلـه في المستشفيات الحكوميــة

مــا أقول يا اختيـه غيـر الله يصبـركم .،.،.، وإن شالله بيصيـر الحمل وبتيب اختـج البنت أو الولد الي تحلم بـه .،.، وبتسـوين خـــاله قريـــب بإذن الله

والسـموحـه منـج

[سيدة الحب]

اذا ما نثق في مستشفيات الحكومة شو ضل اكثر
يا دكتور انت وين تشتغل وانا وين بشتغل اكيد في مستشفيات البلاد عيل انا ليش ادرس طب وانت ليش دكتور
بنشتغل في مستشفيات خاصة؟؟؟؟؟؟؟عيل ما تصرف علينا الدولة احسن
انا بس ابي اعرف للمتى ؟؟؟؟؟؟؟؟؟؟؟؟؟
انا اسفة بس والله شكرا الحساس وعيون الليل على المرور والمواساة

السموحة

[نبراس الليل]

الله يصبركم ويعوضكم بالخير ان شاءالله

عسى ان تكرهوا شيئا وهو خير لكم

لقد كثرت في الآونة الاخيرة الشكاوي ضد المستشفيات الحكومية من السبب ؟؟؟؟

اذكر مرة سرت المستشفى كنت حيل مريض واذكر سرت الساعة 11 بالليل الطوارئ المهم عطوني ادوية وقالوا تعال لنا يوم الثاني المهم انا سرت يوم الثاني برزت بطاقتي طلبت مني الموظفة ورقة الطوارئ رجعت البيت وجبتها بعد ماعطيتها وكانت البطاقة الصحية معاها قالت لي اسمحلي اخوي بطاقتك منتهيه قلتلها امس انا جيت قالت انت جيت قبل الساعه 12 والحين انت في اليوم الثاني فمابقدر ادخلك عند الدكتور قلتلها انزين اخرمي البطاقة ودخليني لاني تعبان قالت السموحه مااقدر :fa55:

انا مواطن وجذا سوا بي الله يعين الوافد الله يعينه والله

عيون الليل ..الله يرحمها ويغمد روحها الجنه كم حزنت عليها والله اهمال في اهمال من الدكتور حسبي الله عليه ونعم الوكيل ..
بكت عيوننا حزنا ..عليك ابنة الاشراف
بكت والدمعة تبكي..لحزن ماله اوصاف

رحمك الله يااختنا

طارق

[سيدة الحب]

تسلم نبرس الليل على المرور والله يرحم موتانا وموتى المسلمين
شكلي بترك الطب و برجع احسن لي

[نبراس الليل]

لا تتركي تعليمك فالطب مهنة تؤجرين عليها بإذن الله

ولكن هذا الاهمال من طبيب وليس من الطب

اتمنى لك التوفيق ..

توكلي على الله في دراستك ومهنتك وسيوفقك الله ان شاءالله

تحياتي الطيبة
طارق

[الحساس]

سمحيلي يا سيدة الحب..

عن نفسي انسان واقعي اعيش يومي ولحظتي اخطط للمستقبل بس لحظتي اهم من مستقبلي لان الله يعلم المستقبل بس..

بالنسبه اذا البلاد صرفت عليه.. تطمني ماخسرت البلاد فلس واحد من تعلوم الطب كل شي الحمدالله على حساب الاهل الله يطول بعمارهم..

ثاني شي .. انا بشتغل او كم سنه بالحكومي بس بودرهم ان شاءالله وبسير المستشفيات اليديده الخاصه الي فتحوهن طبعا هذا بيكون بعد التخصص الي باخذه..

اتمنى لو بس شهر واحد تشتغلين في قسم الجراحه كمثال في مستشفى راشد وان رمتي تقولين كلمه وحده للدكتور يا دكتور ترا غلط الي سويته .. بيي جدام الكل وبقول انا غلطان مافهم شي لا بدالدنيا ولا غيرهها..

احيد مره سالت سؤال بسيط للدكتور عن سب استخدامه اسلوب معين في العلاج مع العلم ان عنا بالتشيك اسلوب اخر .. افجر عليه وقالي .. هبابك بعد دارس باروبا واتي تتفلسف علينا خلك بكتبك.. وهني لا تفكر انك تقول رايك الي اكبر عنك موجودين وهم الي يعرفون هب انت..

هذا كان تعامل دكتور مع طالب الطب ( الي هو انا) فما بالج تعامل الدكتور بالمرضى!!!!!

انا ماانكر ان نحن المواطنين الي لازم ناخذ بيد هالمستشفيات ونرفع من مستواها بس اختي الحاله صعبه جدا جدا..اسالي الاطباء الي خلصوا سنه الامتياز.. والله يوم رديت البلاد كل اسبوع على البث المباشر يتصل واحد من طلاب سنه الامتياز ااو الدكاتره الجونيور يتشكون من حاله المستشفيات الحكوميه..

ومابروح بعيد..

افتحي جريده البيان مال امس الاربعاء.. شوفي اللجنه الي سوها في دائره دبي الطبيه شو قررت!!!

فصل 4 اطباء من مستشفيات دبي!! وكلهم بسبب سوء الكشف على المرضى..

يستحسن نكون واقعين اكثر من ان نتمنى ان تكون حاله المستشفيات افضل.. اليد الوحده ماتصفق.. واذا الكابريه ماسوا شي هب نحن الي بنسوي..

والسموحه على هالفضفضه الي يت من قهري الي اسمع به والله من هالقصاصيب

[المقاتل]

:: النفوس التي قُتلـت في ذمـة الإهمـال وسوء الكشف أو من هذا القبيـل :: و سوف يحاسبون عليها ::

الله يكون فـ عونج إختي سيدة الحـب .. :sad: يحزنني لما أسمـع شروات هاي الوقائع المخجله .

وأقــول بـ الخط العريــض :: أنا لا أثــق فـ مستشفياتنـــا :: والمستشفى القاسمي ( مستشفى الأموات ) ::
مستشفى راشـد في حالات الزكام أو الحمى فقـط لا غير .. وإن كانت السالفه شايده:: فالسفر للخارج والدعاء لله ::

:fa44: وأنقهر أكثـر يوم أسمــع أن دختور أخطأ أو زاد من جرعـة دواء وسبب في موت المريض ( إلي كان ممكن أن يشفـى بإذن اللــه أو حتى ساعات يكون سليم ) و لا يحاكم أو يدفــع تعويض أو غيره .

وفـ صراحـه النقاش في سوالف المستشفيات :: نقاش عقيــم :: :Oo: أصــلا ولا يدورن فـ الدنيا إلا من رحـم ربي ::

:: الله يحفظكم ويحفظنا ويهدي الأطبـاء ويوفجهم في علاجهم ::

:: وكان الله في عون أسرة سيدة الحب كم حزنت لسماع الخبر المؤلم لا باركـ الله في من أهملوها ::


:: المقــاتل ::

[سيدة الحب]

اشكرك اخوي نبراس الليل على النصيحة وانشالله ايسرها ربي
علينا وعلى الجميع انشالله

[سيدة الحب]

المقاتل اشكرك على العزاء الجميل والله يعين الام والاب يتريون البيبي
الله الرازق انشالله.
تسلم على الكلام الطيب وعن المستشفيات حسبي الله ونعم الوكيل


سيدة الحب

[سيدة الحب]

تدري الحساس المشكلة في غرور الاطباء عندنا يتحرون عمارهم كل شي
والله الدراسة اهني احنا الطلاب نغلط استشاري ونغير دوا عادي ولا حد يعترض
على اللي نسويه وساعات ياخذ الاستشاري براينا ويسوي الشي بس الي عندنا
يتحرون عمارهم كل شي اذكر ماما فديتها كنت لازم تسوي عملية وانا وقتها كنت اسوي جراحة
قلت للدكتور انا بحضر كان مصري وايد استهزأ فيني وثاني يوم ياني الاستشاري سأل ماما
عن حالتها فتكلمت معاه بالانجليزي وتدخل اللي قالي ما يصير تحضرين قاله تقول انها طالبة طب
رد عليه الاستشاري وكان هندي بس يحترم اللي يرمس قاله ادري اللي قاعدة تقوله كلام اطباء مو حد عادي
بعد كل شي والفحوصات ناداني ورواني كل شي وقالي شو تفضلين الجراحة ولا عندج علاج ثاني وقلت له افضل
العلاج الطبيعي نجرب وبعدين نشوف اذا ماشي فايدة جراحة وسوا برايي ماشالله عليه بس هذا واحد
من مليون الله يعين اهني ندرس وهناك يعذبون اهالينا.
والصراحة طلاب الامتياز واللي توهم متخرجين عندهم افكار عجيبة وودهم يسون الشي بس قلة التشجيع تقتل روح
الابداع في شغلهم لو الحكومة بس تعرف وتاخذ بيدهم بنكون احنا فوق فالطب بس ما يعرفون بالحال او يعرفون
بس ما يعرفون شو يسوون
وعنك تعال سوي الامتياز في ايرلندا عجب راتب وشغل لين الراس وامراض عمر بحياتي ما عرفت عنها الا هني
ربي يوفقك وترفع راس اهلك انشالله وترجع ونرجع ونحاول نرفع بالمستوى الطبي

[نبراس الليل]

الله يوفقكم
دكتورنا الحساس
دكتورتنا سيدة الحب
..

واتمنى لكم التوفيق ان شاءالله

كما قلت سابقا توكلوا على الله في مهنتكم

واذا احترتوا في علاج فهلموا لصلاة الاستخارة
ومشاورة اصحاب الخبرة كما قال لنا الرسول عليه الصلاة والسلام

وبإذن ماندم عبد استخار ربه وشاور الناس

طارق

[سيدة الحب]

تسلم يا نبراس الليل وانشالله الله بيعينا ومع الوقت نقدر نغير من عالمنا ونسوي شي
وانشالله اخونا الحساس يعطينا من خبراته بعد والكل يتعاون لرفع المستوى الطبي فالبلاد

سيدة الحب

[نجمة دبي]

الغاليه .. سيدة الحب ..

الصراحه ماعرف شو اقولج .. لاني مريت بتجربه اكبر من اللي انتي مريتها بها ..

انا خسرت اغلى انسان عندي وهو ابوي ( الله يرحمه ) بسبب المستشفيات الحكوميه ..

وكنت بخسر حياتي بسببها .. لكن الحمدلله قمت اتعالج في عيادات خاصه ..

من يوم ما اتوفى ابوي لين الحين .. وانا ادعي عليهم ..

الانسان مايسوى شي .. من دون ابو .. العايله ما تفرح من دون ابو .. اتخيلي كيف اتمر علينا الاعياد والمناسبات اللي تحتاج ان الابو يكون موجود .. بس مجرد تخيلات اتخيلوا معاي ..

كل هذا ..

بسبب المستشفيات الحكوميه

ما ارتاحوا بموت ابوي .. والحين يبون يذبحوني .. ههههه .. الموت والحيا بايد رب العالمين ..

والله يطول بعماركم ان شاء الله ..


والله يكون بعونكم ..


والسموحه



نجــــــ دبي ــــــــمة

[سيدة الحب]

غاليتي نجمة دبي ما اعرف شو اقولج ولا كيف اعزيج لانه الاب ما يتعوض

اللي هو اساس كل منزل كان الله في عونكم.

غاليتي قبلها قبل سنتين فقدت اخوي الوحيد بعد بسبب المستشفيات اللي اهملوه من بعد

الحادث وتوفاه الرحمن.

غاليتي جعلها لكم اخر الاحزان وجعلها لنا اخر الاحزان

ومشكورة على مرورج الكريم

سيدة الحب

[نجمة دبي]

عزيزتي .. سيدة الحب ..

الله يرحمهم ويغمد روحهم الجنه .. :(

هم السابقون ونحن اللاحقون ..

والله يكون بعون الجميع ..


نجـــــ دبي ــــــــمة

[وهج الخاطر]

بالنسبه للمستشفيات الحكوميه حدث بلاااااااااا حرج
وين الامانه في العمل...
ما نقول غير حسبي الله ونعم الوكيل

[سيدة الحب]

مشكورة اختي وهج الخاطر على مرورج الطيب

وفعلا حسبي الله ونعم الوكيل