الـدكــتــور الحســاس ..طـالـبه شويه من وقتـك"مقابـلة"

[دمعة شوق]

الســلام عليــكم ورحمة الله وبــركاته







دكــتــور الـواحـات


الحســاس






حبيـت أقولك يـ مرحبابك السـاع ونـورت الـواحـات

لاني من زمـان ماشـفـتـك أون لايـن

:fa52:

..






دخـتـوريه اممم بغيـت أسـوي مقـابـلة ويـاك

لو سـمحت يعني عليـنا هـ النشـاط

إن ندق حق مستشفيات ومادل شوه

ونطلب دخاتره ونسوي عنـدهــم مقــابـلـة

..






فأنـا أول ماقـالـت المعلمـة دخـتـووور

قــلـت ويــنك يـ الـحســاس..؟!!

وتـكـفـلت أنا بمسؤوليـة هذا الشـغـل

:fa34:

...






يالله والاسئـلـة إن شاءالله في الطـريج بس أعـرف رأيك أول شي

وثـاني شـي أبا أعـرفه أي تخصص في الطـب :

جلدية أو بطانيه أو مادل شـوه

:fa36:

...






يالله وسـمحـلنـا طـويل العـمر

وبـنتــظـار جـوابـك

...




السـموحووو

[الحساس]

وعليكم السلامه ورحمة الله وبركاته..

فاجاتيني يا * دمعة شوق* بهالموضوع... لكن ما راح اخذلج..

شو في خاطرج من اسئله مستعد ارد عليها..

طولي بعمرج.. الي يفكر يدرس الطب يخيرونه تبا طب عام ولا طب اسنان!! لان كل مجال طريجه غير عن الثاني رغم في تشابه شويه..

واخترت اني ادرس طب عام... وطب العام دراسته في معظم دول العالم 6 سنوات هذا غير اذا الواحد دخل قبل الطب سنة تحضيريه او لا.. والصراحه ماشوف منها فايده هالسنه التحضيريه ..

المهم بعد مايخلص الواحد 6 سنوات دراسه طب عام يتخرج الشخص بشهاده طبيب ومن بعدها ماروم يشتغل الا اذا اشتغل سنه في المستشفى بدون راتب (اجباري) ويمون هالسنه (سنة الامتياز) وبعد مايخلص الواحد سنة الامتياز يبدا شغله كدكتور عام شرات هذا الي تسيرون له وتتخبرونه عن ويع بطن او الراس وجي..

المهم اول مايضتغل الدكتور كـ طبيب عام برايه هو عاد يبا يبقى شرا ما هو طبيب عام او يتخصص!! فان فكر بالاختصاص يدخل برنامج الاختصاص وهو عباره عن انه يشتغل باي مستشفى تعليمي شرات مستشفى راشد بدبي براتب طبعا ولازم يخلص عدد ساعات معينه عسب ياخذ شهاده الاختصاص..

مثلا اذا الواحد يبغي يتخصص جراحه عليه ان يشتغل في قسم الجراحه 5 سنوات وكل سنه لازم يخلص 100 ساعت في العمليات يعني 500 ساعه في الـ 5 سنوات ومن بعدها عنده امتحان اذا طافه فهو الحين متخصص في الجراحه العامه يعين لسوالف عمليات البطن مثلا..

وبعدين برايه الدكتور اذا يبغي يكمل او لا.. اذا هي يبغي يكمل يروم تخصص زود في جزء معين من الجراحه مثلا جراحه امراض الكبد.. وبيكون هني بروفيسور في الجراحه في امراض الكبد..

واذا يبا يكمل زود بعد يروم يشتغل في تخصص معين في امراض الكبد ... وجي تخصص في تخصص

وعسب جي يقولون ان الطب مايخلص...

تعب بس حلو..

اتريا منج اي استفسارات ثانيه


وعن نفسي فانا قريب اخذ شهاده طب عام... يعني اول الدري...

[دمعة شوق]

مـــاتـقــــــــــــصــــ ــر والله
وإن شاءالله بـحط الأسـئـلة بأقـرب وقـت بس أترياها توصـلنـيه
وبحـطها بأذن الله

...

:fa56:
يـاســلاااام ماشاءالله عليـك يـ الحساس
حظظظك
:ohboy:
إن شاءالله بلحقـك
:fa46:
...

السـموحووو

[الحساس]

حرام عليج اي حظ!!

محسود الفقير بموتت اليمعه

لا تغرج دراسه الطب.. متاعبها هب لفتره.. للابد

اتريا اسالتج

[اناستازيا]

هبشتوني ع العوق ..,,

أول شي السلام عليكم يا دكتورنا ..,,

أنا منزمان خاطري أسأل أي حد دخل مجال الطب ..,,

أقدر اسألك كمن سؤال << بعد أذنك طبعا ً..,,؟؟

:fa35:

[الحساس]

اسالي السؤال هب حرام...

واي شخص عنده استفسار عن الطب حاضرين

[دمعة شوق]

مــرحبــا دكـتـوري
:nerd:

رديـت وويايه أسئلـتــيه بس تراهن هب كاملات
:fa46:
بسـم الله نبـدأ :



ماهـو العـضو الذي في الجـهاز الهـضمـي الـذي يأخـذ القيـمة الـغذائـيـة من الطـعـام وينقيـها ويحولـها إلى الـدم ، ثم الـدم ماذا يـفـعـل بهذه القيمـة الغذائية لـكي يوزعـها عـلى بـاقي أعضـاء الـجسـم..؟!!


2 . ما هـو الغذاء الذي يساعد الطـالب على سرعة الاستيعاب والفـهم أو يـقوم الذكاء ويسـهل الـفم..؟!!

3 . ما هـو الـداء الأسـاسي والـضـروري والذي يسـاعد الـمدخنـين علـى تـرك الـتـدخنـين..؟!!

4 . علــل : سمـي شـريان الأبـهر أو الأورطـي بـهذا الاسـم ..؟!!

5 . مـا هـي أعـراض أمراض القـلب..؟!!
...

هــذا للآن والسـمووحوو منك طـويل الـعمر
:nerd:

[اناستازيا]

بغيت أسالك ..

هل دراسة الطب متعبه ..,,؟؟؟

وين أحسن مكان لتدريس الطب وأي جامعه ..؟؟

وايد ناس تموا يذمون الطب ويقولون بتضيعون سنين عمركم .. هل هذا الكلام صحيح ..؟؟؟

وأخيراً .. هل تنصحنا بدراسه الطب ..؟؟

والسموحه ..

بالتوفيق إن شاء الله يا دكتور

[الحساس]

جواب السؤال اول هو الامعاء الدقيقه

السؤال ثاني الصراحه عباره عن سؤال عام هب محدد .. وبالتالي صعب التحديد شو يبغون .. لكن السكريات مهم للمخ بهي غذاء المخ بلياها تخمل وضائف المخ

السؤال الثالث غريب والله.. الداء معناة مرض.. فيعني ماهو المرض الذي يساعد على ترك التدخين!! غريب السؤال !! على اي حال اذا مثل مافهمته فسرطان الرئه هو المرض الي يخلي المدخن يترك تدخينه غصب

السؤال الرابع ليش سموه بالشريان الاورطى.. والله طولي بعمرج دراستي بالانجليزي ويسمونه هالشرياه aorta اسم اغريقي بس ليش جي امه بالعربي ماعندي علوم

السؤال الخامس اعراض مرض القلب كثيره جدا جدا.. اهمها... التعب والارهاق.. الم في منطقه اللقب وقد يمتد هذا المرض الي اليد اليسرى او الي الرقبه.. الغثييان.. انتفاخ الجسم بالسوائل.. التنفس الرسيع.. صعوبه التنفس.. الاغماء والكثير الكثير

[الحساس]

بغيت أسالك ..


هل دراسة الطب متعبه ..,,؟؟؟

وين أحسن مكان لتدريس الطب وأي جامعه ..؟؟

وايد ناس تموا يذمون الطب ويقولون بتضيعون سنين عمركم .. هل هذا الكلام صحيح ..؟؟؟

وأخيراً .. هل تنصحنا بدراسه الطب ..؟؟

والسموحه ..

بالتوفيق إن شاء الله يا دكتور




هي دراسه الطب متعبه.. خاصه الطب العام طب الاسنان اخف وعدد السنوات فقط 5 سنوات

احسن مكان لدراسه الطب هو المكان الي فيه العملي اكثر شرات اوروبا.. بس مؤخرا جامعه الامارات بدات تبهر العالم بمستوى تدريسها للطب.. اما جامعه الشراقه فهي جامعه يديده ماعندهم خبره فيصعب الحكم عليها
الطب هي يضيع العمر.. لان طول الوقت تقرين وتقرين يعني حتى يوم الواحد يشتغل كطبيب على طول لازم يكون في حاله قرائه لما هو يديد و7 سنوات دراسه للطب وايد الصراحه وياليت لو في تقدير من قبل المسؤولين

لا انصح دراسه الطب الا لشخص يتصف بـ الصبر ، بروده اعصاب ..

واي اسئله اخرى ماعندي مانع..

بس اجوبتي من محيطي الي شفته ومن ربعي الي يدرسون الطب بالامارات..

تحياتي

[دمعة شوق]

:fa56: :fa56: :fa56:
خخخخخخخخ
اسميـني أتجلبت فيها هالغـرفـة
ياخي أنا ويه ويه عربي فصحه
أوني أبا أعدل الرمسه
وأرمس شراتهم
قمت وعميـتـها
هههههه
يالله ماعليه سمحلـنا دكتووور
أنا قصــدي شو هـو الـعــلاج هــب الـمرض
:fa56:
...

والسموحووو منك مره ثانيه
:fa52:

[اناستازيا]

السموحه على الازعاج ..,,

بس تقدر تخبرنا وين تدرس ..؟؟!!

واسمحلنا مره ثانيه ..,,

[الحساس]

دمعه شوق

العلاج للتدخين نفسي اكثر شي.. وثاني شي يقلون ان شي ماده ياخذها المدخن تشبه تركيبه السيجاره ياخذها عسب يخف ادمانه على السيجاره..


اناستازيا .. ادرس بالتشيك.. شرق المانيا

[اناستازيا]

شكراً يا د / الحساس ..,,

:laugh:

[الحساس]

على الرحب والسعه وحاضرين لاهل المنتدى

[سيدة الحب]

السلام يا دكتورنا العزيز ويا بناتنا الطيبات

الله يوفقك يالحساس وعن نفسي ما انصح اي بنت تدرس طب فالخارج مأساة والشكوى لله

بس الحساس تعال اهني راتب الامتياز 2500 يورو وناسة لك راتب مثل الباقي :)

[الحساس]

شو... راتب 2500

انا بعطيهم 2500 يورو بس يتركوني بحالي

خلاص ابا ارد البلاد يكفي 7 سنوات غربه عنبوا!! بخيس برع

والصراحه بالعمد ابغي اسوي سنه الامتياز بالبلاد .. عسب اتعرف على الانظمه اكثر وطريقه الطبابه .. وانواع الامراض الي بالبلاد.. في اختلاف اكيد بين الامارات والغرب...

وماتهمني الفلوس كثر ماتهمني اني اخلص سنه الامتياز واحدر التخصص باسرع وقت ومن بعدها برتاح ان شاءالله

على فكره وزاره الصحه تعطي 13 الف لطالب الامتياز اما دائره دبي الطبيه يعطون 7 الالف ودائرة بوظبي اظن فوق ال 10 بس ماحيد كم..

[نبراس الليل]

هالله هالله بدكتورنا لاتعبونه بالاسئلة كفاية عليه الدراسة

حليلي ماصرت دكتور مع ان العايلة عندنا كلهم دكاترة الله يحفظهم

ربي يوفقك يالحساس عندي لك نصيحة اخوي داوي احساسك قبل مااداوي الناس هه اموزح معاك يااخوي
ربي لاحرمنا تواجدك

طارق

[سيدة الحب]

ذكرتني باللي يقول كم كنت اداوي من كان مجروح واليوم ادور من يداوي جروحي!!!!!!!!!!!!!!!!!!!!

الله يحفظ دكتورنا وينفعنا كل يوم بحشرك بسألتي:)

[بنت الدلع]

د الحساس موجود

ماشالله من وين طالعه الشمس

الحمدالله عالسلامه
صار لك فتره طويله مختفي ماتبين

احيد اخر مره جفتك فيها في واحة التصوير

المهم ولكم باك
وانشالله هالغيبه ماتتكرر

[دمعة شوق]

أناستازيا
سيـدة الحـب
نبراس الليـل
بنـت الـدلـع
...

مشـكورين على مروركـم الـطيب
:fa46:
...

د . الحسـاس

صدقنيـه هذي آخـر اسئلتـيـه لـك لا تحاتـي
:fa54:

...

1 . ما وظيـفة خلايا الـدم الحمـراء ...؟!!

2 . ما هي الـعوامل الـمساعدة لأنسـداد شرايين الـتاجيـين ..؟!!

3 . ما هـي أسـباب مرض الـربــو ..؟!!

4 . ما هو الـدواء الذي يتم من خلاله مساعدة المدمنيـن على تـرك الكـحـول أو الخمـر ..؟!!

5 . ما هـي طـرق عـلاج مـرض السـيلان ..؟!!
....

هــذي هـي جميــع أسئــلتـي
وسـمحــلي طـويل العمر
على المغـثـه وكثـرة الاسئلـة
...

والسمووحووو منك

[الشوق]

خاطري اسال هالسؤال
من كم يوم عاد بنت اختي جايسنها بلاعيم .. وعاد تعرفون خاصة هالايام الناس كلها اتعاني من البلاعيم
.
.
.
عاد هي قررت انها اتسوي عمليه واتشيل البلاعيم
هي اتقول انها لو شالت البلاعيم ما راح اييها ( بلاعيم مره ثانيه )
هل هالشي حقيقه .. وحبيت اعرف شو فايدة البلاعيم .
.
.
.
ادري سؤالي غريب
بس بماانك دكتور حابين نستفيد من خبرتك الطبيه
وتحياتي لك/ الشوق

[الحساس]

دمعه شوق ..


اسمحيلي ماجيكت على الموضوع عسب ارد على اخر اسئلتج!! ماكنت ادري..

الاجوبه:

1- خلايا الدم الحمراء وظيفتها نقل الاوكسجين من الرئتين الي خلايا الجسم ونقل ثاني اكسيد الكاربون من خلايا الجسم الي الرئتين.

2- العوامل المساعده على انسداد الشراين اهمها هي: الضغط ، مرض السكري ، التدخين ، ارتفاع نسبة الكلسترول بالدم ، العمليات ، الوزن الزائد، .. الخ

3- اسباب مرض الربو هي: العامل الوراثي ، الحساسيه ضد الاتربه وملوثات الجو ، استنشاق بعض انواع من الروائح مثل العطور او الادخنه ، بعض انواع الفايروسات ، بعض انواع الادويه ، اللعب مع الحيونات التي تكتسي الشعر او الصوف ، العامل النفسي بحيث ان بعض انوع الربو سببها ان الشخص حدثت له صدمه عصبيه او توتر عصبي..

4- والله هالسؤال صعب لان الحل الاول يكون عن طريق الدكتور النفسي يعني جلسات نفسيه.. واذا استخدموا فيها ادويه فهذا الشي وااايد اختصاصي وماقد مرينا عليه..

5- العلاج بواسطة عقار البنسلين أو مضادات حيوية أخرى.. وهذا مرض معدي يصيب الاجهزه التناسليه عن الرجل او المراه

[الحساس]

الشوق..

البلاعيم هم اربع حويصلات في الحنجره .. لكن الي نشوفهم بالعين 2 وبالباقي (2 مخشوشات بالعمق)
فاذا قالوا انهم بيشلون بلاعيم يعني بيشلون الاثنين الظاهرات الي مكشوفات للهواء الخارجي وهن الي يصيبهن المرض ويلتهبن... وصحيح من قال ان الي يشيلهن مااييله بلاعيم لكن طبعا تيله الزحمه... وفي استثناءات ان الغدتين الباقيات احتمال ضئيل انهم يلتهبن!!

فايدت هالحويصلات (البلاعيم) انهن مركز للتخلص من الفايروسات ومركز للحرب ضد الميكروبات .. فاذا سمعنا ان البلاعيم ملتهبات هذا يعني ان الجسم يالس يقاوم عن طريق البلاعيم وبالتالي المقاومه اتي عن طريق تكون الالتهاب في البلاعيم وبعد الحرب الي تصير بالبلاعيم يشفى الانسان بان الله ..

الي يشل البلاعيم مقاومته للفايروسات والبكتيرا تقل.. لان البلاعيم عباره عن سلاح... وبالتالي فهو معرض للامراض الصدريه اكثر عن الي عنده بلاعيم

ودمتم بخير

[شوق القلوب]

السلام عليكم...

هلا بالحســـاس..

دكتورنا... اسمحلي.. بطلع شوي عن الموضوع... وبعلق على كلامك.. :)

بالنسبه لسنه الامتياز في الخارج.. من رايي انها أحسن بوايد عن البلاد... أولا لانه الحالات الموجوده برع أكثر من الموجوده في البلاد و هذا يعني انك بترجع البلاد بالسلامه و انت صاحب خبره أكثر من لو كنت هنيه..

من غير انه الطب برع متطور اكثر.. وانت بهالحاله تقدر تتعرف أكثر على مستجدات الطب و بأذن الله اتكون سبب لنقل هالتطور الى البلاد..

صح انه الغربه مب شي سهل... لكن اللي اتسويه هذي من أروع معاني العرفان اللي اتقدم لاماراتنا الحبيبه..

..

مجرد راي... حبيت أشاركك فيه..

والعذر من صاحبة الموضوع .. :)

[الحساس]

كلامج صحيح يا سوق القلوب.. الدراسه بالخارج شي تطور اكثر وامكانية الخبره اكثر..

ومن وجهة نظري .. اني اكتفيت من الغربه 7 سنوات.. ومعلوماتي عن النظام الصحي في البلاد واكثر الامراض المنتشره في البلاد ونوعية التخصصات الي بالبلاد ضئيله وايد واروم احصلها في سنة الامتياز في البلاد.. ولكن اذا عملتها هالسنه بالخارج ورديت البلاد راح ادخل على طول المستشفى كطبيب ويمكن يحطوني في قسم معين واكتشف من بعدها انه هب كما في تصوري ومن ليس من احد تخصصات الي اتمناها.. وبالتالي فرصه لي اتعرف على المستشفيات خلال هالسنه واحكم باي تخصص انا راغب اعتمادا على المؤهلات والمتطلبات الي تحتاد لها المستشفيات.. ونحن من خلال الـ 7 سنوات اخر 3 سنوات نداوم بس بالمستشفى وخلال هال3 سنوات كانت لنا فرصه ان نكتسب انواع الامراض وعلاجها .. وماخفي عليج ان كثير من امراضهم هب موجوده عندنا في البلاد وبنفس الوقت شي امراض عنا موجوده بكثره عنهم.. فالخبره اكتسبها باي بقعه اكون فيها والاهم الانسان نفسه اذا يريد يستفيد بيستفيد وين ماكان..

ويقولج احسن ارض للطبيب اذا يبا يتعلم هي الهند فيها اشكان وانواع من الامراض D:

وتسلمين ع النصيحه وطبعا اكيد بحطها في الحسبان.. والي الله بيكتبه بيصير..

يحفظكم الرحمن

[دمعة شوق]

الــدكـــتـــور الـحســاس

شـكراً لـك
وعـلى الوقـت اللي عـطيتـنا إياه
وربيه يوفقـك في دراسـتـك
وسـمحلــنـا طـويل الـعمر
:)

,.,

شـوق الـقــلوب

شـكراً
:fa41:

[طير الغرام]

http://upload.bindubai.com/download/6eer/nnnn.gif

ربي يوفقك أخويه
ويسهل عليك أمورك إن شاءالله ^_^

http://upload.bindubai.com/download/6eer/6eerline.gif