نـــداء عاجـــل لجميــــع ( عشـّــاق ) الواحــات .. اجتماع طارئ

[أحلى منصوري]

الســـــــلاام عليـــــكم ورحمـــــة الله وبركـــــاتــه

بتــاريـــخ اليـــوم الموافـــق 15 نوفمبـــر من عـــام 2005 .. في تمـــام الســــاعــة ( الحاديــه عشـــر واربــع دقايــــق ) قررنـــا نحــن المدعــو ( أحلى منصــوري ) نيــابــة عن جميــــع ( أعضــاء الواحــــات ) الآتـــي ::

(1) زيــــادة عدد المشــاركـــات من ( مشــاركة واحدة يوميـــة ) لــ ( 50 مشــاركــة يوميـــة ) .. والقرار إجباري وإلزامــي على الجميـــع ومن لم يتقيـّــد بالقانون ســ ( يضرب ) (( فلقــه :alien: )) على ريولـــه من دووون رحمــة من قبــل الجلاّد (( خنفروش ))

(2) بدايـــة علاقـــات جديـــدة بعيداً عن البغضــاء والعدواة .. كلنــا كجســـد واحــد نتعاضــد ونتعاون لم فيــه مصلحــة الواحـــات ..

(3) المساهمــة بكل ما أوتينــا من قــوة من أجــل عودة الواحات لسابــق عهدها المشــرف .. وبعــون من الله وبتوفيقــه ستعود أفضل من ما كانت عليــــه بجهــود مخلصي ومحبي الواحــــات ..

(4) مكافآت مجزيـــة لكــل من يحاول أن ( يحرك ساكنـــاً ) و ( يرجع مبدعاً ) و ( يكتشف متميــزاً ) و( يضبط حراميــاً(( لا هاي ركبت مع السجــع :love: ) ..

(5) لــمــن يشعــر بنفســه الثقــة بتحمــل أي نوع من المسؤوليــة أو أي فكــرة مميــزة تخدم الواحات وترتقي بهــا يرجى مراجعــة ( التحري خنفروش ) أو ( الإداري سفيــر الخيــال ) وبعون الله ستؤخــذ بعيــن الإعتبــار ,,

( وأي حد عنده أي ضابط يروم يضيفه بس خفوا علينــا اشويه :fa38: )


يا جماعــة الخيــر .. اللي يتغلاا كفاه غلاااا .. واللي زعلاان بســه زعـــل .. اليوم نحــن موجوديــن مع بعـــض .. وباكــر الله يعلم وين بيكون مكانــا .. خل نلتم على هالمكان الحلو .. ما نبــى وداع فراق زعل ضرابــة .. هو مستحيــل شي مكان من دون ضرابــة ( الحبيب يبى يضارب هالمرة بس مع منو الله اعلم :fa46: ) .. يالله شدوا حيلكم للمرحلة اليايــه وكلي تفائل وثقــة في قدرااات الجميــــع من إدارة وأعضــاء

طلب ..

اكتب اسمك هنـــا وانطلق ولا تقف ولن يوقفنــا أي حاجـــز :fa32:

أول الأسمــاء ::

أحلى منصـــوري

وأول ملاحظــة راح ارسلهــا لسفيــر الخيــال على الخــاص :fa51:

والمعذرة

أحلى منصــوري
أخـــوكم

[أمواج]

المتفيزره عالعرقووب

وانا وياك فكل شي قلته :)

[الحساس]

السلام عليكم...


هب جني اول واحد ارد ;)


تطور حلو .. ونتمنى نشوف هذا التطور في ربوع الواحات كلها يشمل نفسية الاعضاء وعقولهم بحيث يرتقون لمستوى كتاب راقيين يشهد لهم كل من تطا قدمه الواحات...

دمتم بخير

[الحساس]

متفيزره عالعرقووب خربت عليه... بديت احقد عليها :(

شحقه جي هاااا

المهم بنطبق الضوابط.. وبنسامحج... ثاني شي خلونا نزيد عدد المشاركات ;)

[أحلى منصوري]

:: المتفيزره عالعرقوب ::

تسلميـــن ونحــن نفتــخــر بتواجدج معانا ومعاضدتنــا في كل اللي يحقق مصلحــة الواحــــاااات ,,

موفقــة خيــر

والسموحه

..

[أحلى منصوري]

:: دكتورنــا الحســااس ::

الحمــد لله على السلامــة .. ونورت بلااادك قبل ما اتنور الواحــــات ؛؛
تفائلت يوم شفت اسمك في المووضوع وقلت أكيـــد راح يشارك معانـــا .. افتقدنــا حيـــل ,,
شـــد حيلـــك وكلامــك ( زي العســـل ) وزين يوم انك سامحت المتفيزره :fa34:

دمت لنـــا

والسموحه

أخــوك
..

[الدلووووعة]

ان شاءالله نستوي شرات قبل واحسن

والدلوعة وياكم

[خنفروش]

المنصوري اسجل اسمي و أشد على يد الجميع

و أحب أقول للحساس الحمدلله عالسلامه دختورنا

[ألم ترى]

بسم الله الرحمن الرحيم ..

وعليكم السلام والرحمة عزيزي ..

وانا وياك إن شاء الله وسر ونحن من خلفك سائرون ..

ربي يحفظك ويوفقك لما يحبه ويرضاه ..

[أحلى منصوري]

:: الدلووووعة ::

الله يوفقــج في الثانويــة العامـــة .. وشدي حيلــــج ,,
ونحــن بحاجــه لنشاطـــج ,, شكـــراً

موفقــة

أخــوج
أحلى منصــوري

[وحي القلم]

ممنوع الضرب في الواحات :fa44:


أسجل اسمي و برد أشارك يوم بقدر


اخويه أحلى منصوري


إنطلاقة قوية :fa42: - ما شا الله -



:laugh:

..

[ذنـيـنـي]

بنسوي الي الله يقدرنا عليه

و ان شاء الله يكون هالحماس على طووول في الواحات

تسلم اخوي على البادرة الطيبه منك و من الاخوان

[أمطار]

. . .وعليكم السلام ورحمة الله وبركاته. . .

سجـّلــــوني فياكم ::

دمــعـــة الــعــيــن
:fa41:

دكتورنا ،،
العــــود أحمـــد والحمدلله ع السلامة ،،
وعساها تكون آخر الغيبات . . .!
:inlove:

أحلى منصوري ،،
أشكــــــــــــــــرك على هالبادرة ياخوي . . .
والله موضوع يفرّح وبداية موفقــــة. . .!
:fa35:

كل الــــودّ. . .
دمعة العين

[سيدة الحب]

نيابة عن نفسي لا اعترض واوافق واقر القانون الجديد

والى الامام بالواحات انشالله

[المقاتل]

:: وفقكـ الله أخوي أحلــى منصوري ::

:: وإي خطـوه تخطونهـــا بخطيهـا معاكم لسبيل رقي الواحات :: والله يجازي خير كل مـن : خنفروش ، سفير الخيـال ::

.. وإن أحتاييتوا شي بكون فـ إنتظاركم ..

- تقبـل مروري يا أخ / أحلى منصوري

:: المقاتل ::

[صدى جوفي]

ياللا كلنا يد وحدة نشد الهمة
"وأنا بعد وياكم وياكم .. الواحات بالمحبة جمعتنا"

وبدت عاصفة الهجر .. والرحيل بالانحسار
وقرب الفجر بالطلوع
وارتسمت بسمة تترقب الأمل
وتتطلع إلى الماضي
الذي ربما سيعود
وتعود معه أمجاده
ورواده

شكرا.. على الموضوع..
أقصد على الأمل والتفاؤل الذي نرتقبه
صدى جوفي

[عهد الوداع]

والله جان زين يزيد حماس الاعضاء وبعون الله بنكون احسن من قبل ...وبتكون ان شاء الله انطلاقه قويه للأعضاء ....

الله يعطيك العافيه اخوي على هالاجتماع ....

[ملك]

:laugh:

فكرة حلوة يا خوي

كنا محتاجين شوية رفرش

و اسجل اسميه معاكم

و الحمد لله عسلامتك يالحساس


ختكم

ملك

:fa41:

[فركوشه]

انا انا وياكم..

واقول لازم اترد الواحات مثل ما كانت

ولا للمخدرات..

:nerd:

[اناستازيا]

السلام عليكم ..,,

وانا بدوري
أختم اسمي في هذه الصفحه ..,,

واضيف اسم أناستازيا إلى خانتة المؤيدين ..,,

أخوي المنصوري ,,

بادره طيبه منك ..

الحساس ....,,

الحمد لله على السلامه .. نورت البلاد ..


:laugh:

[عايش وهم]

تثبيت مؤقت

[سفير الخيال]

مـــــــــــــــــــــــا طلــــبت شـــــــــي أخوي :)


فـــالك طيــــــب :fa35:

انا حـــاضر لكل شـــــي


والله فـــرحت لهذا المــــوضوع :fa34:


والحمدلله على السلامه أخوي الحسااس :fa41:

[الملهم]

السلام عليكم

مثل ما قلت ..
خلنا ارواح في جسد واحد .. بعيدا عن البغضاء ..
نلتزم حدود الادب في المواضيع .. نراعي حقوق الاخرين

تسلم على المبادرة ..

[أتمنى]

:)

بصراحه الأجواء هنا جناااان

من جد والله في راحه نفسيه !

:fa41:

أنا معكم :nerd:

[شمه]

انا .. انا .. بعد ابا اكون وياكــــــــــــــم..

اممممممممم..

احلـــــــــــى منصوري... تبــــــــى من الجميـــــــــــع انهم يضيفون 50 مشاركــــــة تقريبـــــــــا

و انا اتمنـــــــــى هالشي .. بس ما يكون في واحــة الالعاب.. لانهم هناك يضيفون 10000 مشاركه يوميــــــــــا
يعني نحن نبــــــــــى 50 مشاركه بس في كل الواحات.. و في المواضيع الهادفـــــــــــه.. صح ولا انا غلطـــــــــــانه
؟؟؟

[نبراس الليل]

الله يوفقكم ان شاءالله

[الاديبةالصغيرة]

جمـــــــــــــــــــ :fa47: ـــــيل أن بكون للمرء مكان يعود إليه ...

مساء الخير ....

:wacko:

أعتقد أن عودتي خجوله نوعا ما ... :blush:

بالتوفيق للجميل .. والعود أحمد يالحساس .. أقتصد الدكتور احساس...

الاديبةالصغيرة

:fa41:

[الهيثــم]

. . وعليــكم الســلام . .

. . .

:fa56: أحلى منصــوري :fa56:

تسلــم يــا خــوي
وأنــا ويــاك فـ كل الي قلـــه

ونتمنــى إنــه الي يفكــر بـ الفراق يراجــع عمــره
وإلــي زعــلان يردلنــا بـ نفس طيبــة
وإلي وإلي وإلي .. الخ

وخلنــا نلحــق على مســافرللجفــا قبل مــا يتهــور . .

. . .

:fa35:

[المفتاح]

بسم الله الرحمن الرحيم
اللهم صل على محمد واله الطيبين الطاهرين
السلام عليكم ورحمة الله وبركاته



اشكرك يا اخى الكريم على هذا التفاعل والحب للواحات واحلى شي هو ترك الامور الى تفرقنا خلف ظهورنا فالنبداء بصفحة جديدة .

واسال الله لك التوفيق فى هذا العمل والجميع ايضا .

والله الموفق
المفتاح

[حلم الطفوله]

أكيد وياكم

الله يوفق الجميع

[عافك الخاطر]

ان شاء الله ترجع الواحات شرات قبل..
بادرة طيبة منك خيّو..
..

[دانة حتا]

السلام عليكم

صحيح اني عضوة يديدة بس ان شاء الله
اكون عند حسن الظن:laugh:
وعسى هالمنتدى دوووووووووووووووووووووووو ووووووووووووووووووووم فووووق:fa42:
و السمووحة اذا حد ما يحبني تراها (مشكلته):tounge:

[عنود الريف]

مرحبا اخويه احلى منصوري
تسلم على بادرتك الطيبه
ونتمنى والله من الجميع يلتزمون بهالشي .. بس اسمحلي انا ما اقدر اوعدك اني احد 50 مشاركة في اليوم..
على الاقل تكون لي 5 مشاركات ..
والسمووحة

[الجنيه]

استوب ... الحين أنتوا كلكم متيمعين وأنا آخر من يعلم ؟؟؟

أحلى منصوري ... ما هقيتها منك .. بس والله أنت قدها وقدود

تشكرات على هالبادره الطيبه وان شاء الله ترجع الواحات مثل ما عرفناها من البدايه ...

شدوا حيلكم وأنا عندي تفرغ الحين لين الاقي شغله ثانيه يعني بتواجد 24 على 7 يعني اربع وعشرين ساعه سبعة ايام ... اذا الله راد ..

[مناير]

الســــــلام عليـــــــكم

أحلـــــــى منصــــــوري

أفكـــــــار نيـــرة

أتمنـــــــــى التوفيــــــــق للجميــــــــــــع


منايـــــــر

[بحر الموده]

بالتوفيق للجميع يارب

[أمرين]

عليكم السلام والرحمة ،،

حـــــــــــــاضـــــــــ ـــرين أخوي أحلى منصوري

وانشاءالله بالتوفيـــــــــق


أمــــــــــريــــــــــن

[الــــوردة الحمــــرة]

بالتوفيق ان شاء الله

:fa47:
انا بعد وياكم
:fa42:

[الشوق]

هناك اسم من بين الحضور .. اقصد من بين اللي شافو ا الموضوع
راح ترجع ان شاء الله عن قريب عاجل
الشاطر بيعرفها .. مميزه .. متفاعله .. نشيطه .. اديبه ..
حضور لامع ومميز .. محبوبه لدى الكل ..
عن قريب راح ترجع ..
بس ها من الحينه .. تعطوني ال 50 نقطه زياده
.
.
. بس انتوا ادعوا ان اللي في بال الشوق يتحقق
وهي ان شاء الله راح اترد
.
.
.
الاديبه الصغيره .. اخجلني تواضعك واعجبني حضورك
.
.
دكتورنا .. دومك متميز .. لا اتطول في الدكتوراه ولك منا خالص الامنيات
.
.
طفله من هذا الزمان . متفاءله بوجودج من بينا ..
(( حلو الواحد يتفاءل .. ولا تتبخلين علي .. وخلينا انشوف مشاركاتج .. المراه والمجتمع افتقدتج وايد )) بحصل 50 نقطه على هالتفاءل والا شو ؟؟؟؟


يعني المجموع 50 فوق و 50 تحت = 100 نقطه :fa42:
.
.
.
يا سلام عليج يالشوق حصلتيهم بارده ومبرده والا انا غلطانه :sleepy:
وسلامتكم
اختكم/ الشوق

[روح القمر]

الســـلام عليكم ورحمه الله وبركاته.،،،

أحــــلى منصـــوري،،، مبـــادره طيبه منك..وانشاءالله الكل يتفاعل ويستانس ويتناقش

الله يعطيك العافيه،،.... :)


لمــــــــسه أمل

[حبوبه دبي]

:inlove: حبـــوبه دبــي :inlove:

اسجــل اسمــي معــاكم ..

وان شالله اتــرد الواحــات شــرات قبل واحســــن :fa51:

اشكــرك اخــويه احلــى منصــوري ع البادره الحلــوه

وان شالله انشــوف التفــاعل من الجميــــــــع :fa42:

شكــرًا لكـ مره اخـــرى :inlove:

والحق ع مســافر للجفــا يالمنصــوري :fa43: طلبتك طلبــه ماتردنــي فيهــا ..

والسمــوحه

[هزاايم]

هزاايم الله يحفظها رااح تسجل إسمها>>ربي يعين
بس شرط كل وااحد يشااارك على قده"يعني إلي شراتي بين الثنويه والسفر اتسامحوونه لو قصر"


وتسلم يا أحلى منصوري عالبداايه الحلوه وعلى التعهد
وعسى الجمييع قد المسؤوليه

[بنت الدلع]

مي مي مي


بلاها تزاعج هذي >>> ^_^

جان استانس

احس اني متفائله ان الوحات بترد شرات قبل

بس ناقصنهااعظاء مميزين

مسافر للجفا
القلب الطفولي
الخط الساخن
الياه
ام خدود

من فترة طويله ماقامو يحدرون
شو سالفتهم !!
ليكون انقرظو ^_^ >> بسم الله عليهم


المهم
ثانكيو احلى منصوري على القوانين الحلوة

بس اسمحولي
انا ما اقدر اشارك 50 مشاركه في اليوم

يعني اتمنى تعذروني
ثنويه عامه
وعندي واايد امتحانات

^_^

[الجديدة]

شكرا أخوي أحلى منصوري على الكلام اللي كلته لإنه صحيح
أتمنى أن الواحات ترجع لما كانت عليه من قبل مع إني مشتركه جديدة بس ارتحت وياكم كعائله وحدة
و ان شاء الله الكل يتفاعل و يتنناقشون في أمور المنتدى من دون زعل
وراح أكون من بين المشاركين

اسمحولي على التأخير في الرد عليكم
و بالتوفيق للجميع

[الغاليه]

اسفه ..توني الا احينه اجووف الموضووع

اسجل اسميه وياكم .. لكن الخمسين مشاركه نوو ويييي :fa46:

بادرة طيبة من راعي الموضووع وتفاعل حلو من بقية الأعضاء

الله يوفق الجميــــــــع

[ديج الفريج]

السلام عليكم

عطونا مساحة حريه حق خفة الدم للترويح
لأن الواحات صارت جاده زياده عن اللزوم
والجيل الموجود صغير عنده روح الدعابه
ولكن بحدود الأدب والاحترام وفقا للشريعه والعادات

تسلم على حرصك على الواحات الغاليه

[أنا فقط]

ربي يوفق الجميع و إن شاء الله ترجع الواحات مثل أول و أحسن ..

و كل الشكر لك أخوي أحلى منصوري ^_^


:fa51: و أنا معكم في هذا الركب الطيب :fa51:

[خيال الحب]

وخيال الحب يسجل اسمه....

[أحلى منصوري]

الشكــر للجميـــع .. كبيــر كان أم صغيـــر :fa56:

شكـــراً لجميــــع المشــاركيــــن من خالــص قلبـــي وسويداء فؤادي .,..

اعذروني على القصـــور لأن التقصيــر منــي ولكــن والله أعلم ظروفي أقوى منـــي :fa36:

بعــون الله معاكم :inlove:

أخــوكم
أحلى منصــوري

[دموع قلم]

وعليـكم السـلام ورحمـة الله وبركـاته

.. أحلــى منصــوري ..
أشكـرك على هـذه المبـاردة الطيبـة منـك ومن أخوانـي الكرام
وكلنـا نتمنـى للواحـات الـرقـي والوصول إلى أعلـى المراتـب دائمـا

يـد بيـد نغلـب على كـل العقبـات في الـواحـات
ونخطـو للعـلا والـرقي والهـدف الذي نطمـح إليه

:) (http://oasis.bindubai.com/bin/misc.php?do=getsmilies&wysiwyg=1&forumid=24#)


لكـم منـي كـل الشكـر والتقـدير

[طير الغرام]

http://upload.bindubai.com/download/6eer/nnnn.gif

أشكرك أخويه ع اهتمامك بالواحات وسعيك للرقي بها للأفضل
وإن شاءالله الله يقدرنا ع التواصل معاكم
وتقديم الأفضل

احترامي وتقديري لـ شخصك الكريم ^_^

http://upload.bindubai.com/download/6eer/6eerline.gif

[المنصوري]

أنـــا اسجــل اسمــي معــــااااكم :a058:

[عمة العيم]

الصراحه انا كنت افكر في هالموضوع من فتره

لازم اجذب مشاركين لواحة الفنون التشكيليه لانها تكسر الخاطر

يعني احاول قد ما اقدر من اخلص لوحه على طول احطها لو ماتكون مخلصه 100% بس على طول احط انزل موضوع عسب انعش هالواحه

بس مع هذا احس عمري بروحي يالسه اتحرك محد يتحرك وياي

فـ مادري لو اروم اسوي شي لهالواحه ولا لا

المهم انا وياكم يداً بيد نحو مستقبل افضل (^_^)

...

عــــــــمة العيــــــــــــــم
__________________

...

[عمة العيم]

أحلى منصوري ليش موقوف؟؟؟

شو السالفه ممكن افهم؟

ادري محد بيرد عليه

بس بجرب حظي!!!
....

[ألم ترى]

بسم الله الرحمن الرحيم ..

راسلي الأخ المنصوري لئن يدري شو السالفه ! ..

وبخصوص واحتكم و الركود اللي فيها فهذا منا نحن مش من مجهودكم الجبار ..

لنا زياراه لكم إن شاء الرحمن ..

[عمة العيم]

ليش يعني؟

يمكن هو نفسه؟

ألم ترى وت هبند ؟

والله الصوره عندك تخوف تخليني ابحلق فيها وايد نستني نص الكلام اللي كنت بقوله ههههه

المنصوري= احلى منصوري؟؟؟

شو هاللغز؟؟؟

بتيننوني؟


...