مباراتنا مع البرازيل

[دانة حتا]

الســـــــــــــــــــــل ام عليكم
اكيد الكل حضر المباراة وارتفع ضغطه
ادري انه انا ما اعرف فالكورة شي غير الفاول والبلنتي:laugh:
لكن اللعب اللي لعبه منتخبنا مب شي:fa55:
لو انغلبنا 1 2 3 عادي بس 888888 هذي كبيرة
ما اعرف وين الغلط لكني اتمنى انه منتخبنا يفوز في مباراة مثل هذي
على الاقل يحقق حلم جماهيره اللي خلو اشغالهم وشافو المباراة
و ان شاء الله في يوم من الايام يرتقي مستواه ويفوز:ohboy:
مب اني ما اشجع فريقنا لكن ودي اتفاءل به
اللي عنده شبب يفسر الهزيمه يخبرني يمكن اتفاءل بفوزنا المرة اليايه

الســــــــــــــــــــــ ـــموحه

[فركوشه]

وعليكم السلام..

سبب الهزيمه اهو مستوى منتخبنا جي:fa55:

يعني انا فحياتي ما شفت منتخب شرات منتخبنا..

ما يبزلون جهد عسب يفوزون..

والصراحه فكاس خليجي 17 ما كنت اداني منتخبنا وكنت اشجع البحررين..
وانا ما راح اشجع منتخب مستواه شرات مستوى منتخبنا..

[دانة حتا]

تسلمين نملة الواحات وكلامج صح
الله يهديهم ويرتفع هالمستوى ان شاء الله

[ذنـيـنـي]

بصراحة انا مت من القهر لأنه البرازيل ما لعب بمستواه

كنت متوقع (( على الاقل )) 15 صفر >> يعني 20 صفر مثلا خخخخخخخخخخخخ

على العموم هارد لك للبرازيل لأنهم ما هزمونا هزييمه عدله


و ما عندي تعليق على لعب منتخبنا

[سي أر إكس]

اصلا احنا ما عندنا منتخب كيف الواحد يقول لاعب كرة قدم ... وما في اي شي يوحي ... الا لبسه طبعا .. لا لياقه ولا سريع ولا عنده مهارة ولاشي ... بس فالحين يوم يلعبون في النوادي يكسورن بعض انا عيناوي وانا وحداوي .. بس يوم يلعبون باسم البلاد كل واحد متهايز يركض ... والحارس جنه واح من الجمهور قاعد يتطالع الكورة وهيه تدخل في القول ... ولا بعد اتحاد الكره رايح يايب لي البرازيل ... ليش وايد واثقين من لعيبتهم ... اونه لا عشان يحتكون باللعيبه الكبار ليش اصلا اللاعب الاماراتي يلحق يشوف البرازيلي عشان يسو شي ... الحمدلله والشكر بيزات زايده رايحين عاطينهم 200 مليون لو بانين فيهم بيوت شعبيه والا عطوهم لصندوق الزواج كان احسن لهم ...

والسموحه بس فيني حره
أخوكم سي آر إكس

[دانة حتا]

تســـــــــــــــــــــــ ـــــــــلمون عالرد
وطلعو حرتكم عااااااادي

[حفله]

يقولون لكم تم عرض مباراة الامارات والبارازيل على الـ comedy channel =P

[المزوحي]

ماشفت المباراة ... لكن سمعت بالنتيجة، وانصعقت، لأنه البرازيل كانت تشوت الكرة كأنها تتدرب ...
يعني بعدهم ماشدوا حيلهم عسب تكون النتيجه جيه ... يعني لو 8/3 بنقوووووووول
شدوا حيلكم يالإمارات

[بلوة حلوة]

والله لو البـرازيل لاعبه بـ مستواهـا .. جـان الحـين النتيجه فـوق الـ 10 والـ 15 ..
بس البرازيل جنـه هالمبـاراه عندهم تمـرين ..

وعـن المنتخـب .. يمكن لعب بس مش بذاااك المستوى ..

والله لو بتتريـون شي من هالمنتخـب جنه ( عشم ابليس فـ الجنه ) ..

عيل منتخـب موفري له كــل شــي .. وكل الامكانيات الماديه عنـده
مب قادر يحصـل عـ الاقل بطوله وحـدة أو يكـون الثاني فـ أي بطـوله عـدله ..

\\

حالة يؤووس منهــااا ..

[بلوة حلوة]

المزوحي .. 8\3 ..

والله لو 8\1 .. وايـد زين .. وايد آمالك كبيره .. 3 اونه .. اخ عليهم ..

[دانة حتا]

اشـــــــــــــــكركم على المشاركة
ومعاج حق بلوة لو وااحد وايد زين
يالله رفعوا ضغطنا طول المباراة
الله يسامحــــــــــــــــــــ هم

[زامبروتا]

سبب هزيمة الامارات ليس تواضع مستواه بل ارتفاع وتفوق مستوى الفريق الخصم
أنها البرازيل يا عزيزي

[دانة حتا]

اخوي اشكرك
يوم فريقنا ما ادري شو يتحسب عمره
عشان يباري البرازيل

[عفاريتووو]

السلام عليكم

غريب.. توقعت بتمدحون منتخب الامارات :rock:
بصراحة لعب المنتخب في هالمباراة كان واييييد زين
اول مرة اجوفهم بهل مستوى
و الدليل الشوط الاول اللي انتهى 1-0
.
.
السعودية يوم لعبت مع المانيا 8-0 مادري 8-1
هاي البرازيل مب اي شي:fa54:
.
.
ها رايي :)

[دانة حتا]

تســــــــــــــــــــــل مين عفاريتو
ومشكورة على التشجيع

[أميرالليل]

بصراحة هتانتيجة متوقعة وسبب الهزيمة
هي مب تواضع لعيبتنا ومثل ماقال أخوي زامبروتا
السبب هو تفوق مستوى الخصم ,,,, جي انتوا تتحرون
نلعب مع قطر أو اوزبكستان هااي البرازيل متصدرة التصنيف العالمي

واللعيبة لعبوا الشوط الاول أوكي بس بالثاني قل مستواهم
والطرد أثر عليهم بعد ومستواهم في المباراة مع منتخب سوريا
بين انهم شادين حيلهم وبالفعل فازوا على سوريا

طبعا هذه وجهة نظري

تقبلوا تحياتي

أميرالليل

[دانة حتا]

تســـــــــــلم الطيب على المرور