خوزي مناك..!!

[فركوشه]

السلام عليكم

اقول اختييه انتي بايعه عمرج؟؟...

:crazy:

خاطريه اسال وحده هـ السؤال
:Oo:

بس هب اي وحده

انا ابا اسال هاي اللي تتمشى فـ الشوارع فانصاف الليالي

المشي الليلي يضعفج والصباحي لا
:rock:

وانا هب يايه اقولج لا تتمشين

اتمشي بس هب فنص الشارع

ولا اذا انتي عادي وياج تفنقشين فالشارع
غيرج هب مستعد انه يتحمل
:wacko:
وشي ثاني لما تتمشين لبقي ليت عـ راسج
عسب محد يدعمج

عـلى فكره هالظاهره وايد منتشره صوبنا وصوب مستشفى خليفه

ومن كمن يوم اخوي بغا يدعم وحده
عافانا الله تتمشى فنص الطريج عند الخط الابيض
والطريج ساير وياي..

وبالمناسبه ابا اقولج

خوزي مناك عن تموتين..
:fa52:

[سبانش مان]

شو يعني تفنقشين ؟؟

[فركوشه]

يعني تموتين ( بطريقه الاستهزاء)..

نحن الشحوح وايد نستخدمها..

[الدلووووعة]

هي اكيد بايعة عمرها ولا شو بيظهرها في نصاص الليالي بروحة وين اهلها عنها هاي

ولا يمكن حلالها المشي فنصاص اليلالي

ماعرف هاي كيف تأمن على عمرها

[الجنيه]

ههههههههههههههههههه الصراحه هالظاهره فضيييييييييعه

والله يستر عليهن ،، يعني انتي تتمشين أنزين ديري بالج على الشارع شو فايدة الرياضه ان تجسحتي باجر بسبة اللامبالاه وعدم الانتباه ؟؟؟!!!

[العجيبة]

صـح والله أنا أؤيـد وبشــده هذه المقـوله " خوزي مناك عن تموتين "

والله يقهـــرن .. جدام بيتنـا شارع سايـر ياي ، حتى الرصيـف للي يبغي يمشي هو نفسه الرصيف التابع لكل بيـت .. يعني أبــد ما شي بحـر أو رصيييف عـود عشان نقـول انهن يتمشن ع الكورنيش يعني مثـلا .. ، لا عـاد أحلى شي ما شي ولا مطب في هالشارع ونااااادر لو بتشـوف حـد يمشـي بسـرعة أقل من 80 ، الكـل ياخذ راحته في هالشارع والأخوات في نص الليل وظلمة الليل بلون عبيهـن وبعـد يسـون قـروبات وكل قروب نص درزن ، يعني جيه أو جيه ماخذات نص الشارع .. رعاة السيايـيـرهم اللي يحاسبون عن > يفنقشن < ! صــدق مصخرررره !!


ياخي عندكم البيــت حوشه سييييييح .. ما ادري شله يتمشن في الشوارع بعـد جدام خلق الله !

[أمواج]

المشكله في المكان اللي تختاره للمشي ....

يعني لو تتنقا مكاااان يناسب المشي بيكوون احسن و اسلم على عمرها

عنبووه وين تبا هاي؟؟

الحين قلّن الاماكن تمشي صوب الشوارع ....

الله يعينّا والله

وتسلمين غناتيه على هالموضووع

[قلب زايد]

ههههههههههههههاااااااو

حلوه حلوه حلوه:woot:

في الشارع عاد لاا مستحيـــــــل

نحن في العين دووم نتمشى بس هب ف اي بقعه

نحن نمشي في البراحه ... في مكان حق الحريم والبنوتات .. الشباب مايوون هناكي .. :fa42:

محد يقدر يستهبل :alien:

والسمووحه

:fa41: قلــب زايـــــد :fa41:

[بيور]

مشكوووة اختي..

نحن عندنا في الفرييج حريييم عيااايز يتمشن ع الرصيف ..يسون رياااااضة ..(أونه)

بس المفروووض الوااحد ياخذ احتياااطه قبل لا يتمشى في الشااارع و يراعي الوقت .. مثل ما قلتي ..

المتفيجة..

[ولد الشحوح]

بنت العم نشكرج على هالموضوع الحلو
والله نحن عندنا حريم يتمشون بس لهم اوقات محددة والحمدلله ماشي مشاكل
بس عاللي قلتيه يبالهم دعمة هخهخهخه ... وهالموضوع مب بس عن لا حد يدعمهم بعد المعاكسات ولا شي من هالسوالف ... تدرون الدنيا ما عادت آمنة ....

[فركوشه]

الدلوعه

لو عـ بيعت العمر زين بس في ناس بيتبهدلون وراها..

الجنيه

اصلا اهي ليش تتمشى فـ الشوارع خل اتسير نادي اريح لها..


العجيبه

هالشله يبالهم فنقشه شوي..

المتفيزره

انتي لو تمرين صوب بيتنا بـ تشوفين الهوايل..

قلب زايد

عيمان وييين العين ويين..(خليني ساكته)

المتفيجه

ماشا الله عيوز ورياضيه

نحن اللي عندنا ما تروم توقف..

ولد الشحوح

صدق ولا خل يحطونلهم اوقات محدده عسب يمشون..

وسالفة المعاكسات حدث ولا حرج الشباب ينقعون عليهم شلق وهم يصيحون..

وتسلمون عـ مروركم الطيب..

[المزوحي]

يمكن تقلد الجالية الهندية اللي يفروون انفسهم أو يصدون صوب واحد ويعبرون الشارع بالطووول ..!!
وإذا هي تتمشى ولابسة جلابية وشيلة بيضاء هذا في كل فريج يصير ..،،،
ماتمشي على طرف الشارع .. يتمشون في نصه .. وإن خطفت سيارة تغشووا !!

[فركوشه]

يالمزوحي
لو كانت لابسه شيله بيضا جان زين

اهي لابسه عباه وشيله سوده فنص الليل

امنو بيشوفها؟؟..

وتسلم عـ المرور..

[نبراس الليل]

حتى في الفريج عندنا هالشي وعلى شارع مستشفى خليفة حدث ولا حرج

[مــهــابه]

واللــه حاله
كل يوم ظاهريــن لنا بشي

الله يهديهم

[حفله]

تفنقش لها معنى تفرقش ويعني انتهى او بالاصح vanish وانتهى امره

[شمعة أمل]

عادي لو يتمشون الفليل بس على الرصيف وفي الفريج
لكن في نص الشارع؟!:fa39: *اول مره اسمع في هالشي* وين يبون:glare:

[حفله]

اذكر مره طلعت بالسيكل في الفريج ربع ساعه الساعه ثلاث الظهر .. اسبوع كامل وهم يواجعوني و كل يوم كانو يعطوني محاضره وحليلي

[أمرين]

الله يستر علينا

صح كلااااامج كم مرة تصير هالسالفة
منو اللي بيشوووفها بنص الليل
والمشي ما يحلااا إلا بالشوااارع ونص الليل
اخوي وخالي وباباتي وعمي
كم مرة بغووو يدعموووون بناااات وهم يتمشوووون سواد بسواااااد
واذا هيه بايعه عمره تتحمل اللي بيييها
الله يستر

تسلمين غناااتي ع الموضووووع الحلو

[طرفوشة]

احنا بنات دبي

ما نتمشى بهذه الطريقة يعني في نص السارع

أحنا نمشي على طرف الشارع

أنا و لا مرة شفت حد من بنات دبي يتمشن في نص الشارع

فلا تجمعيت

[فركوشه]

نبراس الليل

اظاهر انه مايحلالهم التمشي الا صوب المستشفى

يعني اذا وحده اندعمت المستشفى جريب..


هموم الحب

الله يهديهم ويهدي اليميع..

حفله

ماشا الله dictionary..

و دام الاهل يخافون عـ بناتهم لازم يعطونهم محاضره..

شمعة امل

تعالي عيمان وبتشوفين العجب..

امرين

على ما اعتقد الناس اهي اللي بتتحمل فنقشتها..

طرفوشه

بنات عيماااااان وييييييييييييييييييين وبنات دبي وييييييييين..

وتسلمون عـ مروركم الطيب..