مشكلة الأسامي والله ...؟؟!!

[أمرين]

:. السلام عليكم ورحمة الله وبركاته .:



كل شي نختاره بروحنا ..إلا شي واااحد..( اسمــــــــــنا )



السالفة الأولى:

الله يسلمكم السالفة ومافيها انه وحدة اسمها منى والكل يعرف انه فلاااانه جيه اسمها.. المهم مرة دقيت وطلبتها ردت عليه امها قالت : منو منى ماعندنا منى..؟؟

هااو كمممم.. على قولت المس مالنا

(منى فالبيت اسمها حليمة)



.*.*.*.*.*.



السالفة الثانية:

وحدة ثانية بعد اسمها فاطمة المهم دقيت وطلبتها وهم بعد ردت عليه امها قالت أي فاطمة تبين فاطمة فلان والا فاطمة فلااان

قلت فاطمة فلاااان الأولى

(الأم فاطمة والبنت فاطمة)



.*.*.*.*.*.



السالفة الثالثة:

وبعد هااااي سالفة من أهللنا .. دقيت بيت يدوو أبغي خالي

بما انه طاب تلفونه.. وتصدقون يوم قلت فهد قالت : منو فهد ؟؟

قلت لها يدوو خالي حمد عقب عرفت منو أبغي..؟؟

(خالي يدي مسميه فهد ويدووه تبيه حمد..)



.*.*.*.*.*.



وشكثر تصيييير سوااالف هبله عسبت الأسامي:fa55:



وكل وحدة تبانا نصيحها باسم والجواز باسم ثاني:fa36:




و انشاءالله بنحفظ اسمين لكل وحدة :fa36:











محبـــــتي :

أمـــــــــريـــــــــن

[خنفروش]

و أزيدج يا أمرين في ناس سموهم بالحظ يعني بالقرعه \ وفي ناس كل اسبوع اسم لين ما يتفق الوالدين على اسم \ المشكله الي تواجه (( الاب و الام )) إذا كانوا متفقين ان الاب مثلا يختار الاسم او متفقين ان الام اتسمي النونو \ ان الاقارب كل واحد يحاول يدلي بدلوه (( حلوه هاي يدلي بدلوه توه سامعنها من الراديو )) المهم الاهل بعد ما يقصرون هذا الا يقول اسم و هذيج اتقول اسم هذا ايعيب على هذاك الاسم و هاي تعيب على ذاك الاسم و (( الاب و الام )) في حيص بيص شو ياخذون و شو يخلون منو يردون و منو ما يردون (( طبعا انا ما ذكرت العادات و العصبيات الي تتعلق في الموضوع )) لازم يسمي ولده على اسم الوالد و الام تبغي اتسميه على اسم ابوها او هذا يبغي يسميه على الشيخ الفلاني و هي تبغي اتسميه على المغني العلاني هالموضوع او هالظاهره ما راح تنتهي لين ما يفهم الناس ان الاسم هويه للطفل و كل ما كانت هويته واضحه و ثابته كل ما فاد هالشيء في شخصيته \ كلام فخاطري وقال بظهر قلت له تفضل و السموحه

[أمرين]

صح كلااامك يا اخوي خنفروش

الاب يبغي اسم والام تبغي اسم.. وهاي بروحها يبالها عشر مواضيع
وبعدين في رايي .. محد له خص يدلي بدلوه على قولتك ..:fa56: .. إلا صحاب الشأن
((الاب والام))

بس فالنهاية محد ينظر إلا الطفل .. صاحب الاسم

،،،

أشكــــــــــر مــــــــرورك وما كتبـــت

أمــــــريــــــــن

[ذنـيـنـي]

الحين الامثلة الي قلتيها عادية و الاسامي مافيها شي غلط


بصراحة في بلادنا الناس يقيمون الشخص بأسمه و هالشي محد يقدر ينكره

شي من الناس يسمون اسامي صج عجيبه و غريبه

اعرف واحد من الشباب اسمه رامي :Oo:

شو ها, مواطن و اسمه رامي ولا حسام

مب زين على الاهل يسمون عيالهم بالاسامي


لأنهم هم الي بيتأذون في المستقبل

[أمرين]

ذنـيـنـي

أنا مب قصدي انه الاساااامي غلط... طويل العمر
انا قصدي انه في اشخااااص لهم اكثر من اسم وااااحد

وعن الاسامي الغريبة اللي ذكرتها :
أنا ربيع أخووووي اسمه حكيم
اسم مصري
والولد .. اماراتي ابا عن جد

أشــــــكر مرووورك

[ورديّـه]

سمعـت انه حرام ( والله اعلم ) إن الواحد منّا يتخّـذ له اسميـن

[كـلـكـلـووش]

أمــريـــن

أذكــر ان كــان شي واحــد في صــفنا أيـام الثــانويه أســمه محــمد محــمد
و نحــن نخـتــصره بــ محـــمديـــن > اسمــيه يعصـب :tounge:

شي واحــد من اهــلنا اســمه عـنــدنا ..
ســار و غــير اسمــه و خــلاه ســلطـــان ..
الحيـــن ما اعــرف بــ شو ازقــره .. اوقــات ازقــره إيــه انته إيــه .. هم بعــد يعصب هع هع

عــادي في الايــام اليــايه بتــشوفين اكثــر و اكثــر ..
الــدنيــا تــطور لوول :fa56:

تــسلم الانــامل ع الموضـــوع .. :fa42:

ســـلام

كـلـكـلـووش :fa54:

[الدلووووعة]

انا عادي عندي ها الشي

بنات خالتي اكلهن عندهن اسمين احتار اسميهن بأي اسم واخربط مرات

هب ذنبنا دام هم جي سمو يتحملون اللي يهم

وحدة من ربع الوالده اسمها واسم بنتها اسم واحد انا يوم امي خبرتني استغربت اولشي بس الحينه عادي

واربيعته عدها اسمين فالبيت اسم وفالمدرسة اسم


يعني ها الشي استوى عادي ولا موضة جان تبين كل واحد يغير اسمه ^_^

تسلمين عالموضوع اختيه

[بيور]

أحس ان الساالفة عااديه وكل مكاان موجووودة ..
نحن في البيت خااالي الله يطولي بعمره (اسمه محمد .. لكن نحن نسمييه خااالد)

عااادي ..
المتفيجة

[الحاضر الغايب]

السلام عليكم ...

بالنسبة للأسامي ... انا اشوف انه قليل هالموضوع بين الشباب ... يعني اكثرهم من تقول له شو اسمه يقول اسمه ما يقول اسمه المستعار ...
هي المسألة يمكن شوي اكثر بين البنات مثل ما ذكرتوا ...

بس اتوقع ان المشكلة تكون بين الاهل اكثر ... نفس ما قال اخوي خنفروش ان كل واحد يحب يسميه بإسم فلما يستوي تعارض في الموضوع يمشي كل واحد على رايه وعلى الاسم اللي فخاطره. وما يدرون انه هالشي يأثر على شخصيته بشكل غير مباشر

ونفس ما ذكرت الأخت أمرين اننا نحن اللي نتوهق ...

انا اعرف واحد اسمه بسام ويسمونه احمد ... فمرات يسألوني شو اسمه ربيعك ... فعاد بالحظ اللي يطلع على لساني اقول :fa46:

الله يعين

شكرا على الموضوع

[عنود الريف]

مشكلة الاسمين مشكله غريبة انا اشوفها الحمدلله نحن ما عندنا هاي المشكلة ..
بس وحده من ربيعاتي . اختها مطلقة .. وعندها ولد .. والولد عايش عند امه .. امه واهلها يسمووونه شي عبدالله .. ويوم يسير عند ابوه .. ابوه يزقره باسم محمد .. يعني صدق مخبلين بالولد والولد عمره 4 سنوات .. يعني احس هالشي يؤثر على نفسية الولد وشخصيته في المستقبل ..
الله يهديهم ..
تسلمين الغالية
والسمووحة

[بنت الدلع]

مرحبا

اول شي كل عام وانتو بخير
ثاني شي

للحين ماصادفتني هذي المشكله
بس احس ان واايد غلط ان الواحد يكون له اسمين
الا اذا كان مغير اسمه

[فركوشه]

بالنسبه لـ اسمي

المفروض اغير اسمي هب يكون لي اسمين..
:fa44:


بس شو الناس كلها تعرفني باسم .......

يعني ما اروم اغير ولا اختار اسم مستعار

وانا اقول حقكم لا تسمون بناتكم شراتي

والله بيعقدون


بالنسبه لكم عادي

بس بنسبه لي هب عادي

واللي زاد الطين بله ربعي يقولولي شو يدلعونج فالبيت

:ghostface

بروحه اسمي يلوع بالجبد
..

:nerd:

[لمّــاح]

السلام عليكم . .

هالمشكلة انعاني منها حتى نحن ، مثلا ولد عمتيه كل ما اشوفه ازقره حمدان ، و هليه كلهم يزقرونه حمدان (( حتى أمــه تزقره بهالاسم )) و هو اسمه الصدقي أحمـــد :wacko:

و بعض اليهال من زود الدلع ينسون اسمهم الصدقي ، مثلا ولد خالتيه ياهل من أول ما انولد و خلق الله يزقرونه نونو ، الحين يوم كبر استوا بو 3-4 سنين يتلخبط ، مثلا في ميلس الرياييل يوم يسئلونه عن اسمه يقولهم اسمي نونو ، و هو أصلا محمد . . !

[عنود الريف]

لماح ذكرتني والله بولد اخويه ... ريال الحين ما شاء الله عليه ..
اسمه محمد ويسموونه حمدان ..
وواحد ثاني في الفريج .. اسمه محمد ويسموونه دندوون ..

[أمرين]

ورديّـه

الله أعلم:fa36:

تسلمين على مرووورج

[أمرين]

كـلـكـلـووش

أسميك شي أونه اوقــات ازقــره إيــه انته إيــه .. الصراحة لازم يصفعك يوم تزقره جيه

الله يسلمك وتسلم على مرورك الحلو

لا عدمناااااااااك

[أمرين]

الدلووووعة

يمكن مب ذنبهم ذنب اللي سماهم

تسلمين غناااتي ولاعدمناااج

[أمرين]

المتفيجة

عااادي .. عاااادي

تسلمين على مرورج ولا عدمناااج

[أمرين]

الحاضر الغايب

انا أشوووف البنااات والأولاااد نفس الشي
والاهل الله يهديهم يسموووون وما يدروووون بحالنا
وشكثر نعاااني من هالاسم

تسلم اخووووي ولا عدمنااااك

[أمرين]

عنود الريف

حتى اليهال بيتعقدوووون من الاساااامي
الله يسامح أمه وأبوووه

تسلمييييين غنااااااتي ولا عدمناااج

[أمرين]

بنت الدلع

وانتي بخير وصحة وسلاااااامة ،، وعساااج من العايدين

وانشاء ما تشوووفين هالمشكلة
لكن في ناااس هم بعد حتى لو غيروووا اسمهم بعد فترة الناس متعودين عالاسم الجديم
وبجيه يزقرووونه باللي يطلع على لسااانهم

تسلميييييين غناااتي ولا عدمناااج

[أمرين]

نملة الواحات

الله يعينج عالاسم
هم بعد ربيعتي اسمها ود
وفالبيت يدلعووونها دووودة ووايد تتضايج من الاسم:fa43:
بس انا أشوووفه حلوووو:fa47:

تسلمين الغالية ولا عدمناااج

[أمرين]

لمّــاح

بالنسبة لولد عمتك هم بعد شرا ولد خاليه اسمه أحمد :fa51:
ونحن عندنا أكثر من أحمد فالعايله ويوم نبا نفرق مبينهم نزقر واحد منهم بو شهاب
والثاني حمااااده والثالث حمدان والرابع احمدووووه .. والله يزيدهم
ولكن الكل يسميه حمداااان ومب اسم ثاااني مثل ما تقول يدلعوونه أو شي من جيه
يعني أحمد وحمدان وااااحد:fa42: :fa42:
هذا اللي أشوووووفه

ولليهاااال ,, عااااد محد ياخذ بكلاااامهم والكل أكيد ما بيصدق انه اسمه نونو
وبعدين يوم كبر وصار 4 سنسن لازم ما يقولوله نونو لأنه ولد.. :fa52:
وإذا بنت عاااادي:tounge:

تسلم على مرووورك ولا عدمنااااك

[أمرين]

عنود الريف

أحمد وحمدان واااحد
بس محمد :fa38: :fa38: