:: الشلق وما أدراكـ ما الشلق :: حالات وفاة بسبب الشلق ::

[المقاتل]

:: السلام عليكم ورحمـة الله وبركاته ::

- شحالكم يـ الربع علومكم !!

:: الشلق وما أدراكـ ما الشلق :: حالات وفاة بسبب الشلق ::

:: فـ الحقيقه .. كلنـا نحب الشلـق .. أنا .. إنتي .. إنت .. أنتم :: وحلاة الشلق :devil: بأنّـا إنخسس فـ الأودام وإلا نحطه فـ إقزوز الموتر ولا :fa56: على راعي الدكان وشرده :vampire: ولا جيب ربيعنـا ولا على قرعة المدرس :woot: !!

:fa38: وكلنا إتعورنـا وكلنـا خسسنـا في بعض وكلنا إستانسـنا

:: وأنواع الشلق كما أعلم ولأسف نسيت .. صواريخ .. القنبله .. نافوره .. الفراشه .. البازوكـا .. مسميات عجيبه وغريبه .. ( المهم ) ::

:crazy: بعــد تطور التقنيـه تطور الشلق إلى قنابل قاتله :shocked: وسببت حالات وفاة ( مواطنين ) و ( حديثا ) و ( سمعتها ) <> ( شخصيا ) .

:rock: ولأسف الأهالي أستخفـوا بـ الشلق و السماح لـلأطفـال بأستخـدام الشلق كأداة ترفيه ومن غير مبالاة بـ النتيجـه .

:: الأضرار التي نجمت من سوء إستخـدام الشلق :-

- حالات وفاه .

- تشوه .

- العقم .

:: :woot: شي حلو إنكــم تمنعون اليهــال من إستخـدام أعواد الثقاب و الشلق .. بس إنكم تعطونهم 10 دراهم و يطلعون على كيفهم فـ الفريج :glare: مو حلو .. لأنهم بيسيرون البقـاله .. وبيشترون شلق :look: هب جدامكم من وراكــم .

:fa54: ( المطــــــلوب ) :-

تعليم الأطفـال خطـورة إستخــدام هذه الأشياء وعـدم الأستخفاف بها ( ولا تغرهم الألوان الجميله : من الأحمر والأزرق والأصفر ) .

- عُـلم أن الدوله حظرت إستخــدام الشلـق وبيعه من أجل الحفــاظ على أطفالنا وأبنائنـا من مضار هذه الأشيـاء .

:: والباجي عليكم يا عيال بلادي ::

ديروا بالكم على الصغاريه ترا الشيطنه فـ دمهم :devil:

ولأسف تكررت هذه الحالات ( وفاه - تشوه ) خصوصا في رمضان بشكل فظيــع .

وسلمتوا من الشلق و عياله .

:: المقاتل ::

[أمواج]

عيل تعرف يا المقااتل اني نااويه اشتري شلق بس عشان اولعه صباحة العيد

ياخي ونااسه يوم تولع شلق و تربع عنه
ولا تولع الصاارووخ و تربع عشان ماايي صووبك
ولا النافووره تخليها حق فليييل ياويلي انا ماشالله ليتاات

اختك المتفيزره عالواحات

[خنفروش]

و عليكم السلام ورحمة الله وبركاته حيالله لمقاتل الصراحه موضوعك صحيح حرف حرف و مهم سطر سطر الشلق تسبب في اكثر من حريجه (( حريق )) و انا شفت و عرفت اشخاص فقدوا جمال وجوههم او عين وحده بسبب هالشلق (( بيني وبينك الي كان يتجرأ ويفر علي الشلق كنت ادفنه " زعيم خخخخخخخ " لالالا كنت احسها حركة نذاله \ على راعي الدكان عادي \ على لجلاب حدث ولا حرج \ على ظهر صرصور وااااااااايد استوت \ في ريول حمامه عد و خربط " يعني مأذين الحيوانات و الحشرات حضراتكم " هيهيهيهي المهم ان المزح مع الشلق ممنوع )) الصراحه هو خطر على الأطفال أظن وهذا مجرد ظن يعني ممكن يكون غلط الأفضل أن الأهالي الي يعرفون ان عيالهم بيلعبون فالشلق او يعرفون ان الفريج فيه شلق \ الافضل انهم هم الي يشترون الشلق و يخلون عيالهم يلبقونه تحت مراقبة الاهالي \ لاني اظن ان المنع بالغصب و الفريج برع يناقع بيخلي الاطفال يشترون الشلق بالدس او حتى يلعبون به من عند ربعهم بالدس \ و اشكر المقاتل على هالطرح الجميل و تسلم اياديك حبوبي و السموحه

[المقاتل]

:fa56: :: المتفيزره على العرقووب :: وأنا أقول منو ولع علي الصاروخ وفل :fa43: حرقتيلي كنـدورتي إنزين جيــه .. !!

:woot: يعني لازم يستوي فيكن شي عسب ما تستخـدمون الشلــق .. !! :fa52: الله يحفظكم بس .. المشكله إنتوا تعرفون تستخدمون الشلق وغيركم .. عفان الله يولع الفتيله ويتم يطالعها لما تنفجر فـ ويهه :wacko: صدق مخ عليه .

:inlove: عالعموم شكرا على تعقيبج إختي ^_^


:fa56: :: خنفروش يا بوكشــه :: حي الله بـ خنفروش وانا أقول ليش الموضوع نوّر :woot: !!

:shocked: يا ريال المشكلــه إن مع مراقبة الأهل .. ساعات يغفلون .. عيل أخبركـ فـ سالفه .. أمسات أخوي يخبرني يقولي يتنا حاله أهل وعنــدهم ولـد عمره حول 11 سنــه .. كان يولع الشلق ( إلي مع القاعـده ) :fa56: لا لا هب القاعده مناكـ القاعــده الأرضيــه المهم .. ولع الولد وشرد .. عسب إطير القنبله فوق .. إتريووا ما صار شي .. المهم إنفجرت القنبله فـ الأرض ما طارت .. والولد كان جريب .. :fa36: فـ إتأثر الولد من أثر تطاير فتات القنبله ( إتشوه ) .. !!

:fa36: شورايكـ !!

المنع بالغصب و الفريج برع يناقع بيخلي الاطفال يشترون الشلق بالدس

من الأساس المفروض الحكومه إشدد الحمايه على المحلات والبقالات وإتغرمهم من بيع الشلق .. !!

:inlove: ومروركـ الأروع حبوب .. تسلم على مرورك ^_^

[أمواج]

ليش اتشدد الحكوومه على الشلق
انا ماتخيل عيد من دوون شلق
المفروووض الشلق مايطيح في ايادي يهال عسب مايتأذوون
بس نحن الكباار (اقصد انا ) عادي نولعه نعرف نترابع عنه يولع

[فركوشه]

الصراحه انا يعيبني الشلق ..

وخصوصا الصواريخ والقنابل

ما اتخيل الدنيا من غيرهم واكثر شي فليل..

اما بالنسبه لحالات الوفاة والتشوه هذا من سوء الاستخدام..

[الدلووووعة]

تسلم اخويه عالموضوع الترتوب

نحن ابوي مايخلينا نشتري شلق بس نحن نشتري يوم ابوي مايكون موجود فالبيت نولعة
واصلا شو الشلق احلى شي ايام العيد والاعراس يعني الحينه العيد ياي والشلق وياه

اسمينا بنستانس بس بنيلس فالحوي ونطالع الصواريخ وها النوع اللي
يوم نفرة يظهر منه الوان كماعرف شو اسمه

يعني نحن بس نشتريه ايام العيد والناسبات والله ان ابويه درى لا يهزبنا

بس صدق انه الشلق يخوف انا ماحب اولعة بس احب اطالعهم وهم ينقعونه

اللي مايعرف لايسير يولع محد جابرنه

والسموحة

[أمواج]

تصدق يا مقاتلنا نحن عيالنا نشترييلهم هال الشلق اللي فعلبه صفرا و يكوون الشلق شرات الكور الصغاار يعني ملفووف بورق من اتفره ينقع بس ما ايذي .. نحن من هالنووعيه نشتري دراازن حق اليهاال لأنهن ما يأذّن اليهال


والسمووحه

[الجنيه]

السلام عليكم ورحمة الله وبركاته ،،


تسلم الأيادي يا خويه وبصراحه موضوع الشلاليق (على قولة ولد أختي الصغير) موضوع خطر ويستحق منا الانتباه له والاهتمام به ...

صح أنه الشلق بألوانه المتعدده يبهر النظر ويشعرك بالسعاده لكن لا ننكر الخطوره اللي تكمن خلف هذه السعاده ،، الحل برأيي مش بمنع الأطفال من أقتناءه أو أستخدامه لأنه كل ممنوع مرغوب وبشده ,,

الحل بغرس المفاهيم السليمه وإيضاح الخطوره الناتجه عن الاستخدام الغير سليم لهذه الأداه (الشلق )،،،

يعني أنا بتكلم عن صغارية بيتنا صدق يتحمسون ويستانسون من يشوفون الشلق بس طبعا ممنوع منعاً باتاً لأي واحد منهم مهما كان سنه أنه يتجرأ ويشتريه نسيبي ما يقصر يشتري لهم وبكميات هائله وهم شعلتهم يفسحون المجال لي عشان اربع بعد ما البق الشلق ... وأحيانا أتكرم عليهم وأخليهم يلبقون الشلق بس تحت مراقبتي وتوجيهاتي الصارمه (أوني عاد )

ما أقول غير الله يسلم الجميع ويحفظهم لأهلهم ...

[ولد الشحوح]

انا ويا المقااااااااااتل حرف بحرف وازيدكم من الشعر بيت اخوي احترق بالشلق وزين يت فرقبته ما يت فعينه

[بيور]

أنا الصراااحة ما أتخيل عيييد بلياا شلق .. أصلااا حلاااته العيد بالشلق والصواااريخ و النواافير .. وأكيد بالعييديه يعني ..
بس الحواادث اللي تستوي ترااها من سبه الأهل .. المفروووض انهم مايخلوون اليهاال يقربوووونه ....
يعني عااادي مثلااا لو وااحد كبير ينقع الشلاليق..واليهااال يالسين ويطااالعوون .. .. وهذا رايي

اشكرك خووويه المقااااتل ع الموضوووع ..
المتفيجة

[الحاضر الغايب]

السلام عليكم ...

هو المفروض يكون في وعي عائلي واهتمام بالموضوع

الحين في الهند عندهم عيد الشلق ... سير شوف شو يسون ... 24 ساعه ينقعون شلق في الشارع في البيت في المكتب ... وكله حوادث ومشاكل ...

انزين في اليابان عندهم بعد شلق على كيفك ... بس سير شوف كيف يتعاملون مع المواد الخطرة هذه

في بلادنا الحين احسن عن قبل نفس ما قلت يغرمون الدكاكين اللي يحصلون عندهم شلق ... وصار في وعي اكثر بالنسبة للعائلة عن خطورة هذه الاشياء اذا ما كانت بمتابعة الكبار

موضوع اجتماعي حلو ... الف شكر على الطرح الموفق

والسموحه ...

[عنود الريف]

مرحبا اخويه المقاتل

قضية اجتماعية منتشرة عندنا بكثرة وخاصة في رمضان ...
عندنا نحن هالمشكلة .. اخويه تقريبا(( 12 سنه)) وعيال اخويه من 7الى 8 سنوات كل يوم يشترون شلق ..
والله ما نروم عليهم .. شياااااطين ما يسمعون الرمسة .. كم نواجعهم بس موول ما تيبهم الرمسة ولا حتى اذا بنضربهم .. ما يهمهم ..
وواحد من عيال الفريج .. بغى يشتري شلق من راع الدكان .. وما ادري شو استوى براع الدكان .. سار واشتكى عليه الشرطه .. حركه نذاااله :fa56:

ومرة يايبين لنا شلق مهربينه .. بس نحن الكبار ولعناه يوم كنا في العزبة .. نفس شلق النيو يير (( السنة اليديده)) :fa56: بس نقعنا على عمارنا من الضحك ونحن نربع .. هو وناااسه بس مضاره اكثر من نفعه ..

تسلم اخويه
والسمووحه

[سيدة الحب]

كله وا الشلق قبل اسبوع بس ولد جيرانا عمره فديته 4 سنوات بس مروا عليهم شله شباب طايشين و ولعوا الشلق تدرون يا عمري عليه شو حالته انكسار بالجمجمه و عمى و شلل نصفي فديت روحه والله:( وشو استفادوا الشباب قضوا على مستقبل ياهل وايد خطر والله ابعدوا عنه لا هانكم الله
وشكر على طرح الموضوع

[شوق القلوب]

السلام عليكم...

وااااي.. غمضي الياهل..!! :(
الله يهديهم.. اجلبوا حيات هالصغيروني باستهتارهم... لا حول ولا قوه الا بالله ..!!

[البنت المؤدبه]

تسلم اخوي ع الموووضوووووع

[أمرين]

أنا أخووووي بيفتح موووووووول شلق

على فكرة جرس بيتنا ما يسكت من آخر عشر أيام فرمضان لليوم
والسبب أخوووي يتاجر بالشلق

لوووووووووووووول

الحمدالله .. ماشي حوادث للحين


أمــــــريـــــــــن

[ملك]

سمعت وايد حوادث صارت بسبت الشلق

يعجبني الشلق .. بس اخاف استخدمه

انا حدي الكور الصغيرة اللي تفرها عالارض و الا الطوف

و تنقع :fa56:

بس هو ممنوع عنا في البيت .. و ياويله اللي يفكر و يشتري شلق :fa52:

الله يستر عاليهال

مشكور اخويه عالموضوع

:blush:

[طير الغرام]

http://upload.bindubai.com/download/6eer/nnnn.gif

موضوع مهم للنقاش

..

انتشرت ف الآونه الأخيره بين الأطفال >> هالظاهره
ظاهره الشلق وللأسف نتائجه كانت >> سلبيه

وشرى ما قلت الأهل لهم دور اكبير
وواجب عليهم ينبهون اعيالهم لخواطر الشلق

وإذا العيال أصروا >> في أنواع هيّنه بالنسبه لأنواع ثانيه >> تسبب الوفاه
وحتى الكبار >> لازم يتحذرون وهم يستخدمونه

تسلم ع طرحك لهـ الموضوع
وربي يحفظ الجميع إن شاءالله ^_^

http://upload.bindubai.com/download/6eer/6eerline.gif

[رهيفةالقلب]

أخي المقاتل..

موضوعك يحتل المرتبة الأولى من المواضيع التي يهملها وللأسف بعض الأهالي..

ففي رمضان تنتشر هذه الظاهره،، فيسعى الأبناء وبخاصة (الفئة ما بين: 11_18 عام) إلى اقتناء هذه الألعاب النارية التي قد تتحول إلى ضرر بليع يلحق بهم،، وقد يؤدي بهم إلى الهلاك والموت..

ولا يكمن الضرر في الضرر الجسمي فقط الذي يلحق بالأبناء// إنما الضرر النفسي الذي يعاني منه (( سكان الفريج)) وهذا من جراء الإزعاج الذي تسببه الفرقعات،، والتس تستمر من بعد أذان المغرب إلى منتصف الليل!! :fa36:

موضوع جدير بالمناقشه،، وأتمنى من جميع الأهالي الحرص على ارشاد ابنائهم بمدى خطورة هذه الألعاب ومدى الضرر الذي قد يفتك بحياتهم !!!

أختك//
أم سلطان... رهيفة القلب..

[طير الغرام]

http://upload.bindubai.com/download/6eer/6eerline.gif

نتيجه من نتايج الشلق :fa55:

http://static.flickr.com/32/64171158_95fdb83135_o.jpg

هذي ايد ختيه الصغيرونه شيطانه
وهاي نتيجة لعبها بالشلق :glare:

http://upload.bindubai.com/download/6eer/6eerline.gif

[سامر1]

السلام عليكم ورحمة الله
الاخ الكريم المقاتل صراحه اصبحت الشلق.الطرطعان.الشروخ.الطر� �طيع.االألعاب الناريه. اقول اصبحت ظاهره يمكن تكون دول الخليج كنا نراها في ما مضى ولكن بشكل عادي وكان هناك بدائل تصنع محلياً .اما اليوم فهي اشكال والوان ومقاسات .شركات تتنافس وشعوب اصبحت ثقافتها السلاح والحرب يمكن لتزايد اقبال الناس عليها الحروب التى تجري عندنا وحولنا..,
ومن لم يمت بالشلق مات بغيره......................


مع احترامي للجميع