المساعد الشخصي الرقمي

مشاهدة النسخة كاملة : .. فلان و فلانه من الناس ..


ملك
19-10-05 ||, 01:04 PM
##


فلانه من الناس

عيالها في احسن المدارس .. و ارقى البيوت .. و يلبسون اغلى الملابس .. و عندهم الخدم و سائقين

وهي ..

كل يوم من بيت لبيت .. تزور هاذي .. و توجب هاذيك ..


هاذا غير النادي .. و الاعراس و الحفلات ..





تعتقد انها وفرت كل شي لعيالها ..



و نست


انهم في امس لحاجه لها ..و لحنانها و وجودها في البيت ..


##



فلان من الناس

بزنس مان .. رصيده في البنك 109415710957 $ .. مهتم بشغله زيادة عن اللزوم

وقته كله لأوراقه .. و شيكاته ... و لابوتوبه .. على حساب عياله و بيته و زوجته

و نسى


انه عياله بحاجه له و لوجوده في البيت . .

نسى انه عياله محتاجين للإحساس بالأمان ..و الطمأنينة ..

يتحرى كل اللي يحتاجونه فلوس و بس !!



##


علانه من الناس

كل ما رجع زوجها من برع ..


لقاها مكشرة .. و طاحت فيه اسئله

وين كنت و ليش و متى و مع منوه .. و ليش تأخرت ؟


انت مهمل و انت و انت و انت ...

و ما تخلي عيب الا و تطلعه


ابد ما يحس بالراحه في البيت ..

بعدين تيلس و تلطم ..

زوجي يهرب من البيت .. زوجي يكرهني .. و الا زوجي بيتزوج عليه .. النذل .. خاين العشرة

تستاهلين .. حرام عليج .. خافي ربج .. كل اللي تسويه فيه .. و ما تبينه يشرد منج !!


##



علان من الناس

مثل الخشخيشه بيد أمه و أخته :glare:

يحركونه على مزاجهم .. و يحرضونه على زوجته ؟؟!

ما يقدر يقولهن لا !!



حتى اسراهم الخاصه مفضوحه عند امه و اخته



كيف ما اقدر هاذي اميه ..؟؟!

انظلمت زوجته منه كثير ..

كل ما قالت له شي .. قالها لحظه بسأل اميه .. و الا ختيه ؟؟!

سمحلهن يتدخلن في كل شي ..


ما بقى غير يختارون لون ثيابها ( الزوجه)

ما قدرت تتحمل .. طلبة الطلاق

طبعا استشار امه و اخته

بعدين وافق !!

اااخ عليك


##



فلانه من الناس

انا و الله تبت و ما برجع لهايج السوالف ابد ..

و انا خايفه من ربي و من اخرتي ..


الله يخليج ساعديني .. اقوول عندج رقم فلان اللي رقمنا في اليوم الفلاني


امحق توبه ؟؟! :fa42:






##


فلان من الناس


نعم نعم شو قلت ...؟




طبعا لااا انا ما ازوج بنتي لمثل هالاشكال


انته حافي منتف ..


و لك ويه تخطبها .. ؟؟

بنتي بنت عز .. و انت ماتقدر على مصاريفها ..

انته نسيت ولد منوه انته ؟؟؟!

و بعد عشر طعش سنه :glare:

الريال تزوج بنت ادب و اخلاق و عنده 3 عيال

و بنت فلان .. عانس .. طايحه في كبده .. و يا مرها هالكلمه !!


انت السبب .. تستاهل يا فلان



##





علان من الناس

يمه .. ابا وحده بيضه بياض الثلج

ويهها مدور مثل البدر :fa56:



.. طويله .. و شعرها اسود سواد الليل


المهم تكون قمر



و يبدأ البحث ..



و لقت الام العروس .. و تزوج





لكن بعد شهر .. اكتشف انها انسانه تافهه





اهتماماتها دنيويه ..؟؟





قلبها اسود ..



يعني بالعربي




انغش فيها ..


يا علان .. ما سمعت قول الرسول صلى الله عليه و سلم


" اظفر بذات الدين تربت يداك "

يا اخي وش فايدة الحلا دام النفس خايسه ..؟


##

و اذا تعرفت على صنف ثاني برجع لكم

السموحه :fa55:
أمواج
19-10-05 ||, 01:54 PM
صدقج والله ياختيه
الناس اشكال و ارنااااق وهاي حال الدنيا

مشكووره اختيه على هالكلام
عنود الريف
20-10-05 ||, 12:31 AM
الناس اجناس
للاسف هاي الايام الكل يفكر في البيزات
مشكوورة الغالية على الموضوع الطيب ..
والسمووحة
خنفروش
21-10-05 ||, 12:37 AM
تسلم ايدج يا ملك هالموضوع ولا بلاش
الجنيه
21-10-05 ||, 01:07 AM
ملك ...

سلمت يمناج غناتي

صدق الناس اجناس ،، وعشنا وياما حنشوف
أمرين
22-10-05 ||, 08:10 AM
تسلمين ملك على ماكتبتي

والناس أجناس .. وكل يرى الناس بعين طبعه


أمــــــــــريــــــــــن
ملك
22-10-05 ||, 12:05 PM
المتفيزرة عالعرقوب

عنود الريف

اشكركن عالمرور عزيزاتي ..

ربي يحفظكن


:fa35:
حبوبه دبي
22-10-05 ||, 07:42 PM
صدقـــج والله
تسلميـــــــن اختيه ع الطــرح الحلــو :fa51:


والسمــوحه
ملك
23-10-05 ||, 08:56 AM
خنفرووش

الجنية

صباح الورد

اسعدني مروركما جداً ..

:fa41:
ملك
23-10-05 ||, 12:49 PM
أمرين

حبوبة دبي

اشكركن عالمرور عزيزاتي

:laugh:
ثمن عمري
24-10-05 ||, 12:16 PM
صدقــــــــج والله

لا غبــــــار عليه ....
ملك
25-10-05 ||, 12:55 PM
ثمن عمري

اشكرج عزيزتي عالمرور

:fa35: