مشاهدة النسخة كاملة : إلي يتأخر عن الفطور ... يتحمل
المحاق المشتعل
15-10-05 ||, 07:54 AM
كل عام وانتوا بخير
طبعاً الكل يعرف حالة رمضان قبل الفطور
وهي أن الناس أتجهز الأكل وخاصه الحريم يكونون في المطبخ يجهزون الفطور
والأبو يسير برع البيت أحياناً يشتري أشيا ثانيه حق البيت من مطاعم أو ما شابه
والأسواق ومحلات الحلويات والكنافة مزدحمة قبل الأذان
لدرجة أنك ماتحصل فجة تشتري ( مقصف المدرسة )
والناس سايره ويايه
لين ما تسمع
الله أكبر
عقب تعال شوف صخة الشوارع
هدووء سكوون ولا جنه كانت زحمة مستويه من قبل ولا حشرة
بس لا تنغشون بهاي الصخة
:rock:
...
يوم من الأيام طلعت من البيت
بس متأخر قلت بفطر في بيت أقاربي
والمسافة إلي تفصل بين بيتنا وبيتهم تقريباً 9 أو 10 كيلومتر
بس لسوء حظي أول ما طلعت أذن
قلت يالا شو أسوي هذا حظي
بس أشوف الشوارع فاضيه
قلت زين في دقيقتين بوصل
مشيتلي خطوتين وأحصل هاك الليت من ورايه أشوف قطار يايني
والا سياره مسرعه
لفيت عنه و قلت في خاطري مسكين مسرع حق الفطور :laugh: وقلت وحليله يمكن يوعان ولا شي
أشويه وأحصل ألف سيارة مسرعة قلت في خاطري شو ها
كلهم يوعانين شو ؟؟
عقبها حصلت تقاطع وقفت عليه
ويت كمن سيارة وقفت عندي .. أشوف الإشارة بعدها ما فتحت وكل سيارة تتجدم الخط أشوي أشوي
وأشوف إلي ورايه أشويه وبيدعمني
قلت خيييبه ما سويييت زين طلعت هاي الحزه من البيت
وأول ما فتحت الإشارة
أشوف عمري من الزياغ أسابقهم .. والخبصة مستويه عدل في الشوارع
يعني مادري
هل اليوع مسوبهم جذا؟
ولا يخافون على الأكل يبرد ؟
ولا عشان يلحقون على المسلسلات ؟
:fa36:
بس خبلوبي
:wacko:
أمرين
15-10-05 ||, 08:40 AM
هلااا أخوي
أول شي خبرنا فطرت هاااج اليوم وألا تميت تفكر بالموضوووع لين ما أذن العشاء...:fa56:
حليلك والله.. وبعدين اللي يبا يفطر عند ناااس لاازم من 5 ونص عقب ما يخلص مسلسل عديل الروح يطلع من بيتهم:fa42:
عيبتني هاااي الجملة:
لدرجة أنك ماتحصل فجة تشتري ( مقصف المدرسة )
وبعدين الناس ليش جيه مسويين كل هالحشرة ...؟؟
1- من اليوع الله يسلمك...
2- يخافون على الأكل يبرد ....
3- عشان يلحقون على المسلسلات ....
ســــــــــــو كـــــــــــل اللي قلته أشوقه.. صحيح..!!!
كــــل الــــــود:
امــــــــــــريـــــــــ ــــن
فركوشه
15-10-05 ||, 10:15 AM
ككككككككككككككككككك
حلوه
يمكن هم يمشون ع كلام الرسول عجلوا في الفطور واخروا في السحور..
الملهم
15-10-05 ||, 12:48 PM
السلام عليكم ..
مثل ما قالت " نملة الواحات "
معناته الناس بخير .. حديث الرسول : "ما زالت أمتي
بخير ما عجلوا الفطور وأخروا السحور "
تسلم على الموضوع ^_^
دلوعه العين
15-10-05 ||, 08:55 PM
مرحبا اخوي
والله انك صدقت الشوارع زحمه حتى وقت الاذان وصح ما كملت فطرت ذاك اليوم ولالأ ؟
المهم الحمدلله انك وصلت بسلامه
أقفال
15-10-05 ||, 09:14 PM
كل عام وانتوا بخير >>> وانت بخير اخوي ..
طبعاً الكل يعرف حالة رمضان قبل الفطور >>> هيه لا تقول شي عاد ..
وهي أن الناس أتجهز الأكل وخاصه الحريم يكونون في المطبخ يجهزون الفطور >>> احم احم .. لا تعليق ..:inlove:
والأبو يسير برع البيت أحياناً يشتري أشيا ثانيه حق البيت من مطاعم أو ما شابه >>> خصوصا الفلافل .. :fa35:
والأسواق ومحلات الحلويات والكنافة مزدحمة قبل الأذان >>> حلاتها الكنافة وقت الفطور ..:fa35:
لدرجة أنك ماتحصل فجة تشتري ( مقصف المدرسة ) >>> اي مقصف الله يهديك المقاصف اللي في المدرسة ما تيي شي عدال هالزحمة ..:shocked:
والناس سايره ويايه
لين ما تسمع
الله أكبر
عقب تعال شوف صخة الشوارع >>> أشك ..:inlove:
هدووء سكوون ولا جنه كانت زحمة مستويه من قبل ولا حشرة
بس لا تنغشون بهاي الصخة >>> من قلت لك أشك ..:)
:rock:
...
يوم من الأيام طلعت من البيت >>> شو اللي مطلعك ؟؟ :crazy:
بس متأخر قلت بفطر في بيت أقاربي >>> اها .. حلو الكلام ..
والمسافة إلي تفصل بين بيتنا وبيتهم تقريباً 9 أو 10 كيلومتر >>> زين زين .. شي طيب ..:fa35:
بس لسوء حظي أول ما طلعت أذن >>> أي حظ هذا ..:Oo:
قلت يالا شو أسوي هذا حظي
بس أشوف الشوارع فاضيه >>> بعدك ما شفت شي ..
قلت زين في دقيقتين بوصل >>> بيخيب ظنك ..
مشيتلي خطوتين وأحصل هاك الليت من ورايه أشوف قطار يايني >>> مو قلت لك ..:inlove:
والا سياره مسرعه >>> زين ما شلتك ..:sad:
لفيت عنه و قلت في خاطري مسكين مسرع حق الفطور :laugh: >>> هيه عبالك وحدك تبي تفطر .. وقلت وحليله يمكن يوعان ولا شي >>> أكيد يوعان ...:fa37:
أشويه وأحصل ألف سيارة مسرعة قلت في خاطري شو ها >>> ناس في رمضان وتبي تفطر ..:fa54:
كلهم يوعانين شو ؟؟ >>> مو قلنالك في رمضان ..
عقبها حصلت تقاطع وقفت عليه
ويت كمن سيارة وقفت عندي .. أشوف الإشارة بعدها ما فتحت وكل سيارة تتجدم الخط أشوي أشوي
وأشوف إلي ورايه أشويه وبيدعمني >>> احمد ربك انه ما سواها ...:crazy:
قلت خيييبه ما سويييت زين طلعت هاي الحزه من البيت >>> مشلكتك ..:inlove:
وأول ما فتحت الإشارة
أشوف عمري من الزياغ أسابقهم .. والخبصة مستويه عدل في الشوارع >>> ترا وقت فطور.. وصفاصيف البطن قاعدة تزقزق ..
يعني مادري
هل اليوع مسوبهم جذا؟ >>> اكيد ...:fa35:
ولا يخافون على الأكل يبرد ؟ >>> الاكيد رقم 2 ..:fa35:
ولا عشان يلحقون على المسلسلات ؟ >>> الاكيد رقم 3 ...:fa35:
:fa36:
بس خبلوبي >>> ما عليه .. عشان تتوب ما تتأخر على الفطور ..:inlove:
:wacko:
تسلم اخوي على الموضوع الفن ..
الشوق
15-10-05 ||, 10:28 PM
بعد كل هالاحداث اللي صارت لك يارسامنا المبدع
ما بقوولك الا ترى اليووع كافر .. والانسان دايما يحاتي وقت الفطور ..
ساعات يمكن اقولك يحاول انه يوصل عسب يلحق الفطور ويا اهله فيخاف اذال ما لحقهم ياكلون عنه الاكل
او مممم يمكن لانه متعود انه ياكل في وقت الاذان ..
بس اممم مااتدري كل ها اسباب تحصل مع الاسباب اللي ذكرتها انت ..
في النهايه صوما مقبولا ان شاء الله
تسلم يا محاقنا على فكره اول مره تكتب موضوع
في المفتوحه .. وعساها مااتكون الاخيره
خويتك/ الشوق
عيون الليل
16-10-05 ||, 12:23 AM
هممم اسئلتك مالها جواب :look:
ما اعرف ليــش السرعـــه!!
وليـش ما يظهرون من وقت عشان يتلاشون سوالف السرعه
اتصدق شبابـنا ايعيبهم يظهـرون قبل الفـطور بدقايق عشـان يستوي المسابق ف الشــارع :wacko:
يقولك في شهر ارمضان السنة الي فاتت كان عدد الوفيات 2 وهذا ف الوقت الي يسبق وقت الفطور
والحيـن بس في اول اسبوع اربع حالات وفااه !!
الاكـل ما بيطيـر .،.، والحمدلله ارمضان مافيه تعب ولا يوع ولو اتأخرت 5 دقايق او حتى 10 دقايق ما فيها شــــــي !!
ما اقــول غيـر اللـه يهدي شبـابنــــا .،.،.، وتحذيـــر لا تظهـــرون هالوقـــــت لانــه هالوقــت فيـه خطـوره عليـكم :fa54:
مشـــكور اخويـه المحاق على الموضـوع .،.،.، وأسئلتك مالها حـل:fa36:
المحاق المشتعل
16-10-05 ||, 01:58 AM
أمرين
كل عام وانتي بخير أختي الكريمة
والله يبلغج رمضان من كل سنه إن شالله
الصراحة عن يوم وصلت حق الفطور كنت أنتفظ من الزياغ :laugh:
لا لا أسولف الحمدالله فطرت وربي وصلني بالسلامة
بس إلي يطلع هاي الحزة لازم ياخذ سيارة ضد الصدمات
شقايل يسرعون!!!:Oo:
وإلي ضحكني أكثر كنت أمشي في شارع هندي يمشي أشوي اشوي شكله مب مسلم
وقابض التيلفون ويرمس
وانا وراه والناس ورايه بليتاتهم مستعيلين
أوف موقف الله لا يرويكم إياه
وعن وقت الفطور سبحان الله
غلطة غلطناها أتأخرنا لكنا شفنا من وراها الويل :laugh:
أسأل الله يحفظكم لأهاليكم سالمين إن شالله
كل تحياتي لمشاركتج
محاق
قلب زايد
16-10-05 ||, 02:21 AM
هلا اخويه
الصراحه كل العرب جي يسرعون وقت الفطور
انا بخبرك سالفتنا يوم سايرين بيت اخويه من ايام
طولي بعمرك وعينا اخويه ماطاع ينش نبا نسير
ويوم قبل الاذان بدقايق نش قال يالله
وجنه راكب طياره هب سياره .. انزين شو الي يخليه جي يسوي بعمره ..
لو نش من وقت وساق على راحته هب اخير له .. بدال السرعه والخبال
بس شونقول .. هذا حال الشباب الحينه .. كنا بنسوي حادث.. بس الله ستر..
وامايه اتعلث .. اونه الشووووربه انجبت على ريوليه سوق شوي شوي ..
لا وبعد اذن ونحن في الدرب .. بيت اخويه بعيد...
بس ماقول غيـر
اللــــــــــه يهـــــــــــــــــدي الكل...
السمووووووووووووحه ع الهذربه الزايده:fa52:
:fa41:قــــــــــــــلب زايــــــــــــد :fa41:
ورديّـه
16-10-05 ||, 04:02 AM
ممم نفس الشي صارلي بس فالليل!
فـ تميت أقول بلاهم شوو السالفة!!؟ *هب فطور ولاّ شي مثلا* حتى اللفة طوفتها ما عطوني مجال O.o
عقب قلت هيه يمكن عسب باجر دوام ويبون يتسحورن ويرقدون . يمكننن
صراحه حليلك *اونه من الزيغة سرعت وياهم* لول
نوّرتنا إن ما نظهر في هالوقت!
المحاق المشتعل
16-10-05 ||, 11:10 PM
نملة الواحات
كل عام وانتي بخير
كلام الرسول صلى الله عليه وسلم ما في أحسن منه وعلى العين والراس
لكن مب معناته أسرعوا وعرضوا أنفسكم للتهلكه :fa46:
لوكنتي هناك حزتها جان صدق بتضحكين
كل تقديري لردج
الملهم
كل عام وانته بخير
الصراحة شو أقولك
معنى الحديث قد لا يكون بالأستعجال يعني السرعة
بل قد يكون مقصده التعجيل في سفرته لحظة الأذان والله أعلم
ولكن السرعة
قد تميت الناس وتزهق الأرواح
وهذا ليس من الأمر الحسن
هذا من رأيي
تسلم يا أخويه على المشاركة الحلوة
أغلى تحياتي لك وتقديري
محاق
دلوعة العين
مرحبتين أختي
وكل عام وإنتي بخير
حالة الشوارع
حدث ولا حرج
والحمدالله وصلت البيت وإيدي على قلبي أقول الحمدالله :laugh:
وفطرت أشويه ولا كلهم قايمين عن السفرة :ohboy:
بس أههون من إني أذبح عمري بالسرعة الزايدة
والله يسلمج أختي
ومشكورة على ردج الطيب
كل تقديري لج
محاق
خنفروش
16-10-05 ||, 11:30 PM
السلام عليكم و رحمة الله وبركاته \ مرحبااا بالجميع \ انا احس ان هالشي راجع لعدة امور \ منها :- طبيعة بعض الاشخاص في تأجيل الامور إلى آخر الوقت فهو يأخر إحضار بعض الاغراض ناسي او متناسي الوقت الي راح يستغرقه في الرجوع للبيت \ و من طرف ثاني راجع إلى أن بعض الناس يغفل ان الجوع يخلي الانسان في حالة من التوتر او العصبيه او النرفزه عشان جيه جاء الحديث (( .. فليقل اللهم إني صائم )) من باب التذكير بأجر الصبر و تحمل المشقه \ وفي نقطه اظن هي مثار جدل الا وهي التعجيل بالفطر (( امر مستحب مندوب سنه )) ولو كان على كوب ماي إذا ماحصل التمر و اللبن مثلا المهم انه يعجل بالفطر ... بس في الحالة المعروضه وهي تعريض ارواح الناس للخطر او تعريض صومه و صوم الآخرين للرفث فالسؤال اهنه هل يرتكب الشخص شيئا محرما (( مثل إيذاء الآخرين ... أو تعريض ارواحهم للخطر ... او تعريض صومه لنقصان الاجر ... فكم من صائم ليس له من صيامه الا الجوع و العطش .... و ما أظن في حد بيقول إن ما يؤدي للحرام مب حرام )) المهم هل يرتكب الشخص امرا غير جائز من أجل امر مستحب و هو التعجيل بالفطر ... يعني يجتل عمره في حادث تصادم أو يدهس له شخص .. او يتضارب مع غيره بحجه ان عليه انه يعجل بالفطر ما اظن حد يراح يقول يفعل و ما عليه و زر \ يمكن القول الافضل ان عليه ان يتخذ الاسباب الي تعينه على تعجيل الفطر مثل قضاء حوائج البيت قبل الغروب بنص ساعه \ اما سالفة المسلسلات و المحافظه على عدم ضياع الحلقه احس انه سبب في عدم خروج امثال هالاشخاص و في الجانب الثاني انه إذا خرج فالافضل انه يكتب على سيارته مثلا (( افسحوا الطريق ابغي ألحق على الحلقه التاسعه من اللقيطه )) و تراه كلام فخاطري و قال بظهر قلت له تفضل و السموحه
حبوبه دبي
17-10-05 ||, 01:54 AM
:Oo:
الله سلمك هالمــره
ومــره ثـانيه لاتظهــر قبل الفطــور :fa46:
وكــلام خنفروشنــا صح وانــا وياه :fa42:
الله يهديــهم بــس
والسمــوحه
الجنيه
18-10-05 ||, 12:27 AM
الله يسلمك يا أخوي الصراحه هالموقف صار لي وايد خصوصا اذا تأخرت في الكليه ما ادري كيف اوصل البيت أحس عمري في سباق الميانين عنبو مب يوع هالي يسويبهم جي ،،
خنفروش ....
حلوه منك على قد سنك
((افسحوا الطريق ابغي ألحق على الحلقه التاسعه من اللقيطه ))
عنود الريف
18-10-05 ||, 03:30 PM
مرحبا المحاق
الحمدلله على السلامه
وربي سلمك من شر الحوادث
الله يهدي الشباب شو بتقول .. حتى لو ما عندهم شي والله بيسرعون ..
بس صراحة ساعات تحتاي للسرعة .. يعني مثلا متأخرة على الكلاس في الجامعه
والحق ما تلحق قبل ما يحطونك غياب
والسيايير ساعات تقهرك ما تخوز من جدامك
انا شكلي اذا كنت متاخرة بسوي حركه خنفروووش
بكتب على السيارة اني متاخرة على كلاسي افسحوا المجال
ههههههههههه
تسلم اخويه المحاق على الموضوع
وتسلم خنفرووش على الاقتراح
والسمووحه
المحاق المشتعل
19-10-05 ||, 08:53 AM
أعود من جديد
أقفال أختي الطيبة
قفلتي مخي بردج الحلو
ردج فنان مثلج فنان مثل مرورج الحلو
ربي لا يحرمنا من مرورج الدايم
ربي يسلمج من الحوادث والسرعة
وكل عام وانتي بخير
المحاق المشتعل
19-10-05 ||, 09:12 AM
تحية غالية لأختي الشوق
وعلى ردج وحضورج موضوعي المتواضع
كل عام وانتي بألف خير
أشكرج أختي من كل قلبي على ترحيبج لي
وانا مازلت إنشاءالله عند وعدي إلي وعدتج إياه من قبل
يمكن نسيتيه بس أناما نسيته
بتعرفينه إن شاء الله قريباً
أختي الشوق
أنا وياج في نقطةأن اليوع كافر
لكن هاليوع إذا لم تتم السيطرة عليه
ستكون كارثة
وستؤدي إلى هدر أرواح الناس بكل سهولة
كلنا نحب نفطر ويا أهلنا
بس شو أحسن نتأخر ولا ما نفطر وياهم بالمرة؟؟؟
طبعا ً الله لا يقوله والله يبعد عنكم الحوادث هذه
أهم شي لا تلقون بأنفسكم للتهلكة
...
أختي الشوق
تحية طيبة دائمة مني
أنا إن شالله باكتب إلي بيتواجد في جعبة أفكاري إن شالله
وإشكر لج ردج الرائع وأقولج
الله يتقبل صيامج وقيامج يا رب
كل تقديري الدائم لج
المحاق المشتعل
19-10-05 ||, 09:16 AM
عيون الليل
كل عام وانتي بخيرأختي الكريمة
وردج رائع أتمنى الكل يقراه
أقرو الأحصائيات لوكانت قليلة
لكنها إحصائيات الوفاة من غير إحصائيات الأضرار البليغة
تدرين أختي أنا إلي يضحكني شي واحد
أنا ذابح عمري منزل هالموضوع وألح على الأعضاء بالحذر
وقبل كمن سنه
أنا أكثر واحد خابص الشوارع
أي لفة أحصلها لازم ويييل
سايرتي كانت أربعة سلندر مب مال هالسوالف لاتهش ولاتنش
ولازم أطلع حيلها عشان يسمعون الويييل
عشان أرويهم إني معصب ومستعيل
:fa52:
شو علاقة الويل في السرعة مادري
لكن سن المراهقة أتخلي الواحد مثل الخبايل يسرع ويضر الناس
وهذا خطر ومنظرغيرحضاري
بس أحينه يوم أفكرأقول ليش كنت أسرع؟؟؟
مافي شي يلحقني
ولا بيصير شي إن شالله إذا إتأخرت إلا ما شاء الله ربي سبحانه
فأنا ما أقول إني كنت أسرع عشان تاخذونها حجة
بس ما أقولها إلا عشان أرويكم إني سويت شي ما إستفدت منه أبد
إلا عند الضرورات فقط
...
أختي الكريمة
لكل ِ داءِ دواء
وان شالله لكل مشكلةحلها
شاكر لج مشاركتج الرائعة معانا
كل إحترامي وتقديري
المحاق المشتعل
19-10-05 ||, 09:22 AM
قلب زايد
كل عام وانتي بخيرأختي الكريمة
الصراحة موضوعج حلووإلي كتبتيه وايدين يمرون فيه
والواحد ينعذر أحياناً برقاده إذا كان ثجيل
وأحياناً
الواحد يتأخر لأسباب أخرى
بس ما يخلي التأخيريتحكم فيه إنه لازم يسرع
أنتو لو تشوفون حوادث الدهس إلي تستوي كل يوم
أتحصل واحد مسرع امطير
ولا أشويه هندي منهد يبا يطوف الشارع
وعقب أشويه شو؟؟
ماتشوف إلا هالهندي طاير في السما
:sad:
الله يسلمنا
وايدين هنود عمال في الشوارع بدون أحساس يطوفون الشارع
وحاطيلهم حواجز مال البهايم عشان ما يطوفون بعد يطوفون
لكن سواءاً هو غلطان ولا لا
إلي دعمه هوإلي بياكلها وبيطيح في التوقيف
فأحسن شي الواحد يسوق على راحته
....
...
خخخ
مستوي أخصائي إجتماعي هاليومين
خخخخ
:fa46:
...
أختي الكريمه
إضافتج جميلة جداً
ونصحج للشباب أجمل
الله لا يبلينا بهاي الحوادث
والله يحفظج يا أختي وكل الأعضاء من كل شر
تقبلي تحياتي الطيبة
محاق
الخط الساخن
19-10-05 ||, 03:09 PM
ههههههههههههه
حلووووه
والمفروووض مثل ما قال الرسول صلى الله عليه وسلم او ماشابه ( عجلوا الفطور واخروا السحور) ما اذكر بالظبط.. ما وقت حزت الأذان الناس تقعد اتراكض
الله يستر من الياي
عافك الخاطر
20-10-05 ||, 01:13 AM
مشكلة الشوارع في رمضان..
عاد الزحمة على اصولها اتكون بعد ما اتخلص الدوامات ،على الساعة 2 وجي .. اتحصل كل حد في الشارع ، موظفين ،طلاب،عمال،شاحناااات:fa44: ومب اي شاحنة ، من هالكبااار اللي يزيغون :fa52:
المشكلة الدوامات تبدا وتخلص في نفس الوقت،عشان جي اتشوف الناس متخبلة ..
بس صدق من بدا رمضان والحوادث زادت :fa36: ،امسات واحد متوفي والسبة السرعة والزحمة .!
الناس محتاجة توعية ، يعني شو فيها لو صبرت شوية ،مب احسن من انك اتضيع عمرك بالسرعة الزايدة و اتضيع اجر صيامك بالسب ..؟
وحمدلله عالسلامة خيّو..
والله يحفظ الجميـع..
..
.
المحاق المشتعل
22-10-05 ||, 09:42 AM
نحن طفنا نصف رمضان وكل عام وانتو بخير
وردية
تدرين أختي الشي إلي قلتيه في قمة الصواب
نحن في بلادنا نعاني من شي ما يركز عليه الكثير
وقت الدوامات
هاي الشاحنات تطلع في نفس الطريق وتسوي زحمة
ومع هذا
باصات نقل العمال وكلها معاً
وعقب شوفو الضجة
أختي الكريمة
أشكرج على ردج الطيب
والله يحفظج ويحفظنا بحفظه سبحانه
أخي الغالي خنفروش
أكيد يشرفني حضورك وتعقيبك معلمي
من كل قلبي أشكرك على توضيحك الرائع لنقطة التعجيل والسرعة
أرجوا من الجميع التركيز على رد أخويه خنفروش لما فيه من الفائدة الكبيرة
أخي الكريم خنفروش
أحب أضيف نقطة على مسألة البونيت
ياخوك أنته لوتكتب أسامي مسلسلات رمضان كلها
واتحطها على سبورة فوق السيارة بعد مافي فايده
يا ريال
الشوارع تستوي حلبة سباق سيايير الفورمولا :laugh:
وأحلى شي النياسين عاده
لازم أتحصل في كل نيسان واحد لابس كاب أو متسفر بغترة
لااازم قاعدة:fa52:
ولازم يدوس بعد
:tounge:
عاده إذا عندك صالون
أمشي عالخط الأصفر
ولا أقولك وقف سيارتك عالرمل وافرش سيادتك
وصلي لين ما يفطرون الجماعة :fa54:
...
أستاذي الكريم
من كل قلبي أشكرك عالإضافة الرائعة
حبوبة دبي
أختنا الغالية يا مرحبا فيج في موضوعنا
هي غلطة وان شالله ما راح تتكرر :rock:
وكلام أستاذي خنفروش على العين والراس
تسلمين على المرور
لج أختي خالص شكري وتقديري
الجنية
سلامتج أختي من كل شر
الله يبعد عنج المشاكل كلها وعوار الراس
وخنفروش عاده مادري اي يوم سوى هاي الحركة عشان يشوف اللقيطة
آه منك يا خنفروش :rock:
يبالك أشويه من تكفيخ أيام المافيا :laugh:
..
يسلملي مرورج الرائع أختي
كل تقديري لكم
محاق