مشاهدة النسخة كاملة : حتى بطاقة العرس تغيرت..!!!
أمرين
08-10-05 ||, 10:39 AM
بسم الله الرحمن الرحيم
تتشرف حرم (.............) وحرم (.............)
بدعوتك ِ لحضور حفل زفاف
ابنتنا وولدنا
وذلك في يوم ............ الموافق ...........
في العنوان التالي : .....................
تذكيرا لك ِ أختنا الحبيبة
جنة عصافيرنا في أعشاشها
زينة المرأة الصالحة في حشمتها
وسترنا في عدم السماح بالتصوير بجميع أنواعه
فمنعا ً للإحراج والشبهات :
نرجو منك ِ أن تتركي جوالك في البيت ونحن نوفر لكي خدمة الاتصال
إذا احتاج الأمر.
قال النبي صلى الله عليه وسلم :
( من ستر مسلما ً في الدنيا ستره الله عزوجل في الدنيا والآخرة )
وبحضورك ِ تكتمل فرحتنا...
>>>>>>>>
جيه صارت بطاقات العرس هالأيام بسبت تيلفون بوكاميرا والبلوتوث اللي ما يقصر..
وبكل صراحة الكل يجاوب:
هل ستسمح بعد اليوم لأهل بيتك بحضور الأعراس وأنت لاتدري من يحضرها ؟؟؟؟؟؟؟
كل الود:
أمـــــــــريــــــــــن
أمواج
08-10-05 ||, 11:45 AM
الصراحه سؤال صعب
الواحد الحين صار يخاف يودي اهله الاعراااس من كثر مايسمع عن البلاااوي اللي تستوي عن طريق التصويير في العرس و نشره عن طريق البلووتوث
اانا من وجهة نظري انه البنت تحضر الاعراااس ولكن تكوون حاشمه عمرها و لكن المفرووض من اهل المعرس او العرووس انهم يمنعوون التلفوونات بو كاميرا او الكاميرات منعا لهل الحركات السخيفه انها تستوي وفي شي بعد
البنت مابتسير حيالله عرس اصلا اهلها مابيخلوونها إلا اذا كانوا يعرفوون يا اهل المعرس او اهل العرووس
وتقبلي مني فائق الاحترااام
اختج المتفيرزه عالعرقووب
صدى جوفي
08-10-05 ||, 12:20 PM
مشكورة على هالموضوع أختي أمرين ..
ورايي من راي المتفيزرة عالعرقوب .. البنات لازم يسيرن العرس محتشمات ، اذا الناس ما تهمهم أعراض الناس .. نتجنب أحنة منها الناس .. والله يستر عالجميع
أمرين
08-10-05 ||, 12:32 PM
المتفيزرة عالعرقوووب
و
صدى جوووووفي
انزينه اللي بيحضرووون العرس بنقووووول محتشمااااااات ولكن
أهل العروس وأهل المعرس.. يوم يحضرووون العرس..أكيد بيكونون كشخااات
ولكن المشكلة من اللي يحضرووون العرس هم يييبون الكاميرااات والبلااااااوي
والناس ما بيتمون يراقبون منو يصور
كل وحدة مرتبشة بشي.. اللي عيالها.. واللي تسلم .. واللي توزع..ووووو
تسلمــــــــــــــــون على مروركم الطيب....
كل الود:
أمــــــــــــــريـــــــ ــــــــــن
أمواج
08-10-05 ||, 12:38 PM
اوكي صح انا ويااج يا أمرين
بس المفرووض ياخذوون عنهم الكاميرات اول مايدخلوون القاعه و بعد لازم يكوون في سكيورتي حريم طبعا عشان يراقبن ليش الدنيا فوضه ولا فوضه
اذا هذيل مايخافوون على اعراض الناس اكيد مايخافون على اعراضهم
والسموووحه
بروووح عندي كلاس الحين
ولي عوده
أمرين
08-10-05 ||, 01:19 PM
خلااااااااص عقب الكلااااااس بنكمل
المقاتل
08-10-05 ||, 01:22 PM
:fa56: ليش إتعبون عمــــاركن .. حطوا عنـد بوابـة العرس آلة التفتيش إلي يحطونها فـ المطار قبل السفر .. :woot: إي شي يظهرلج إياه ( تيت تيت تيت ) .
:fa42: ولا حطـوا خدم ومن ضمنهم ( مالـ التحريات ) يزخون إي حرمه عنـدها تلفون !!
:: :rock: صراحه أحيـد سمعت إن في عرس من الأعراس ( قبل ما تدشين موقع العرس < كل وحده تحط تلفونها قبل ما اتدش > .. :: !!
::::::::::::::::::::::::
:: :wacko: الله يستر على بنات المسلمين ::
:fa37: مشكوره على الموضوع .
سبانش مان
08-10-05 ||, 01:32 PM
امسات كاتبين بالجريدة
ان بالسعوديه وحده من الطبالات قالوا ان بيفتشونها لان (تحريات حريم) شكوا انها تصور.. وبعد ضرايب فتشوها وشافوها انها مسجله بالاعراس واعترفت الحرمه انها تبيع الساعه من التصوير بالف ريال
يالله خذوا زين جي الحين!!
اي بنت او حرمه بتسير العرس.. لازم تلبس المحتشم منعا لاي اغراض او شبهات.. الدنيا مافيها امان حتى من اقرب القريبين..
اتمنى السلامه للجميع
أمرين
08-10-05 ||, 02:01 PM
المقاتل
فكرتك عجيييييييبة يالله راااح نطرحها عليهم...
سباتش مان
الله يستر علينا جااان المسلمييين بسووون جيه ... شو خلووو حق الغرب...؟؟؟!!
أشكر مروووركم
كل الود:
أمــــــــريــــــــــن
قلوب دبي
08-10-05 ||, 02:18 PM
السلام عليكم
دام هذيله منا و فينا هم اللي يسووون جي فما بالكم باللي ما نعرفه ، الوحده يوم
بتسير اي عرس عليها انها تحتشم في لبسها و مظهرها ، و طبعا مب كل الاماكن
جيه و لكن بعد الاحتياط واجب لانه البلاد هالايام ما فيها امان ، و الواحد لازم
ايحاسب على عمره و اهله ، فكره التلفونات و منعها ممتازه و لكن من يطبقها ...؟؟؟
ما اظن تطبق الا من قبل القله و الاغلبيه يحضرون تلفوناتهم يعني اشوفها مجرد
صياغه تدرج على البطاقات ..
تسلمين على الموضوع
قلوب دبي
بنت الشارقة
08-10-05 ||, 05:44 PM
هيه والله صدقكم .. هاي بلوه يديده حلّت عليينا ..
نحن يوم نسير عرس حد غريب ممكن ان نحن نحتشم .. بس لو كان عرس حد من اهلنا مب معقوله بنتم ميلّسات بعبــينا !! ..
الحل الوحيد تحطوون سكيوورتي حريم عند الباب يفتشن كل وحده تدخل العرس ..
والله يستر علينا وعلى الجميع ان شاء الله ..
خنفروش
08-10-05 ||, 11:26 PM
الصراحه انا اشوف ان الناس صار عندهم اهتمام و وعي اكثر من قبل يعني بعض الاعراس يحطون سكيورتي و بعض الاعراس ينكتب عالبطايق و بعضها يتبرعن البنات من اهل المعرس و اهل العروس بعمل السكيورتي و التأكد من شخصيات المعازيم (( يعني ما تدش وحده غريبه بروحها )) وفي نظري ان تغيير بطايق العرس شي طبيعي لان الوقت تغير امممممممممم شوفوا هالآدمي ماقال شي يديد لا وله نفس يكتب خخخخخخخخ
أمرين
09-10-05 ||, 09:44 AM
قلوب دبي
صح بس مجرد كلااام ينكتب....(الرجاء عدم اصطجاب الكاميرات و الهواتف المزودة بكاميرا)
ومنو اللي تدش العرس بدون تلفونها
بنت الشارجة
سكيورتي موجود وهم بعد يصورووون.. مايدرووون هيه ألحين ترمس وألاااا تصور وألاا تلعب:fa36: .....
خنفروش
صح ما قلت شي يديد:fa56: ,, لكن 5 % من العروووس يطبقووون الكلااام اللي قلته
أشكـــــــــــــر مروووركم الطيب
مع كل حبي واحترامي:
أمـــــــــــريــــــــــ ــــن
عاشقة دبي
09-10-05 ||, 10:48 AM
والله قلنا بعض الشباب فيهم هالحركات ينشرون صور البنات ويضيعووون شرفهن ..
لكن حتى العدوى اتقلت حق بعض البنات الي والله حى انج اتخافين تصدين يمين ويسار فالعرس ..
بقولكم شي الله ثم والله صاارت صدقيه ..
عرس ربيعت ربيعتي ..
ربيعتي كان ياسه ع طاوله والطاوله الي حذالها مجموعه من البنات والحريم ياسات عليها
وربيعتي اول ما صدت شافت وحده منهن اتصور بتيلفون الكيمرا ..
اول ما سارت تزقر حد .. الا هايلا روحن ..
والله يستر عاليميييييع يارب
تسلمين امريين عالموضوع ..
أمرين
09-10-05 ||, 11:21 AM
شفتي كيف ... يعني اللي يالس بالعرس وين بيعرف انه هااااي يالسة تصور
سبحان الله على بالها انها ترمس والأخت .... تصـــــــــــــــور
مشكووورة عاشقة دبي
ورديّـه
11-10-05 ||, 06:49 AM
.
.
الواحد اييب سيكيوريتي ويصكون كل وحدة من هالسيكيوريتي مكافأة إذا يودن تيلفون مشكوك أمر استخدامه *ها غير أجر المراقبة* . . طبعا ها حق أعراسكم ولمصلحتكم
أمّا يوم تكونن سايرات عرس ناس ، صراحه مثل ما أجمع الكل , الواحد يحشم عمره هناك *إشلها البنية بالبهدلة والخوف والشك والمصايب والعياذ يالله ؟! تلغي السبب أو المسبّب أو اللي تسمونه* المهم وما تعطي حد فرصة يستغل وضعها وملابسها فالعرس عسب ينشرها لأسباب مادري ليش!
.
.
صراحه بطاقة عرس عجيبة او مرة اسمع عن هالسالفة,
واذا عرف السبب بطل العجب ياختي ! شكرا :)
أمرين
11-10-05 ||, 08:19 AM
ورديــــــــة
الله يهدي كل البناااااات...
مشكــــــــورة على مرورج
اناستازيا
11-10-05 ||, 02:57 PM
سؤال محير ..,,
وفعلا ظاهره المبايلات امضخت فالأعراس .. أي حد يا وصور ونشر .. وبعدين .. السؤال هو شو الفايده ..,,
مثل الحين من فتره انتشرت سالفه صوره حربي ويا حرمته ع الكوشه ..,,
هاي اللي صورتهم اسمحولي اعلق عليها شوي ..
أولا هذي البنت قليله ادب وما فيها ذرة احترام وأخلاقها 0%
عنبوها ما تستحي ولا تخيل تسوي جذه .. حليلها البنت شو ذنبها تنتشر صورتها ..,,
والله هذي ما اقدر اقول عنها إلا يا خسارة تربية أهلها فيها هذا إذا مربينها ..,,
لكن الدنيا ادور واللي سوته يالله إن شاء الله بينرد فيها.. عشان تحس بالشي اللي سوته والله ما يضرب
بعصا ويزاها بينها الله يمهل ولا يهمل .. ليش الفضايح واليوله هذي كلها .. ليش ما نعيش بسلام كل حد فحاله .. لا فضايح ولا مشاكل .. ولا عوار راس ..
واسمحولي ع الإطاله ..
أمرين
12-10-05 ||, 08:34 AM
ما سمعت هالسالة (حربي العامري)
وبصراااحة كل اللي قلتيه أوافقج عليه
واللي تسوي فبنت جيه تستاهل يستويلها أكثر منها
والله فوق الكل
أشكر مرورج أنستازيا...
كل الود:
أمــــــــريـــــــــــن
العجيبة
12-10-05 ||, 08:27 PM
اممم كـلام جميـل ..
انـزيـن فـي حـل .. وحـل بسيــط بعـد !
لـيـش ما نغيــر أعـراسنـا ؟؟ يوم انه قـدرنـا نغيـر البطـايـق ؟
لو الواحد ما يبا لعنة التلفونات والبلوتوث تصيب أهله ما يـودي بناته أوخـواته بالشكل اللي قال عنه الـرسـول صلى الله عليه وسلم " كـاسيـات عـاريات مائلات مميلات رؤوسهـن كأسنمة البخـت المائلة "
اممم والتغييـر حتـى من البنيـة نفسهـا .. الحيـن يعني يوم انهـا تسـوي فستـان عـاري .. شو قصـدهـا ؟
يعنـي شـوفـونـي .. والحـريم اللي يشـوفـن ما يندرى بنواياهـن .. وحـدة تشـوف وتسكـت والثانية تشـوف وتحط عينهـا والثالثة تشـوف وتدق عيـن والرابعـة عنـدها تلفون يديد تبا تجـرب كيمـرته وإلـخ إلـخ ..
> إلخ تـدل انـي أعـرف وايـد خخ <
بــسسس .. كل اللي بغيت أوصله ان كـل واحـد حـر في عـرسه .. بغـا يحشـم نفسـه وأهله بيكـون هالشـي من نفسه مب من النـــااااس !
وشكـرا جزيلا :vampire:
المزوحي
12-10-05 ||, 11:46 PM
يوم شفت الصورة ( حربي وزوجته ) انقهرت فعلا انقهرت ... لأنه اللي مصور يعرفهم وهي تتحرى هالشي شطارة .. وإذا هي قصدها تروي شخص واحد فقط على سبيل المثال صديقتها .. أكيد روتها وقالت هاذيج طرشي لي مابراويها حد ... يوم مابتراويها حد ليش تستلم الصورة ؟؟؟؟
وأكيد هي بدورها طرشت لفلانة وبهالطريقة انتشرت الصورة ...
حرام والله
هم غافلين ويغثونهم ... عيب والله عيب :(
ورديّـه
15-10-05 ||, 02:45 AM
يا كبرها عند ربنا O.o !!
الله يعينها اللي صورت حربي ويّا حرمته ع الكوشة . حرام!
الله يستر ع المسلمين والمسلمات قولوا آمين
أمرين
15-10-05 ||, 11:08 AM
العجيبة..
ياريت الكل يلتزم باللي تقولينه.. ومشكووورة الغالية على افادتج..
المزوحي...
الله يستر على الكل.. وبعدين هااااي مب حجة تراوي ربيعتها وعقب تم تطرش للي تبغيه
وردية...
أأأمييييـيييييـــــــــن
أشكـــــــــــــر مروركـــــــــــم
جنون امرأة
15-10-05 ||, 01:45 PM
هو نظام السكيورتي موجود حاليا فالاعراس ..
و بعدين اهل المعرس و العروس بيكونون عند الباب يستقبلون الناس ..
و اكيد يعرفون الناس اللي يدخلون قاعة العرس ..
و اللي بايع ضميره يسوي هالاشياء .. انا ما اعرف شو يستفيدون من هالشي ...
يعني الفيديو كليبات تارسه القنوات هالايام .. اش له يفضحون خلق الله ؟...
طرفشانه
15-10-05 ||, 04:02 PM
بصراحة الوحده تتروع تسير الاعراس لانه وايد سوالف طلعت وصورانتشرت على التيلفونات
وياريت اي صور المشكله انها صور بنات البلاد
وبعدين الناس ادور اي كلام يعني (شفتي بنت فلانه صورها في التيلفون ) يعني الناس ما بتقول ان البنت ما يخصها عليهم بس باللي يشوفنه
وبعدين الوحدة ما تفكر انها اليوم صورت بنات الناس وطرشت صورهن ما تتوقع باجر يكونن صورها منتشرات ؟؟
أمرين
16-10-05 ||, 08:03 AM
أهلاوية للأبد
و
طرفشانة
أهل المعرس والعروس بيقفون عند الباب يستقبلوون المعازيم في بداية العرس
لكن عقب ما تدش العرووس .. شو هم بعد بيتمزززن جداااام الباب
اكيييد بيسيرووون صوبها.. وجيه في ناااااس بيدخلووون القاعه متأخرين.. منو بيعرفهم
الله يستر علينا
مشكووورين على تفاعلكم اخوااااني:laugh:
كل الود:
أمـــــــــريــــــــــــ ن