المساعد الشخصي الرقمي

مشاهدة النسخة كاملة : المستريلات .. ( موضوع للنقاش ) ...


اناستازيا
28-09-05 ||, 04:22 PM
تقترب العديد من الفتيات إلى المجتمع الذكوري بتفاصيله الشكلية مبتعدة في الوقت ذاته عن الأنوثة بمحض إرادتها, إما لأسباب نفسية أو مجرد تقليعة لطرد الملل كما تشير إحداهن. وتنتشر تلك النماذج في أوساط الفتيات وأهمها كليات البنات حيث مقاييس الحرية مرنة أكثر من المدرسة مصاحبة الفتيات لبعضهن والغيرة عليهن من فتيات أخريات. وفي كلية تربية البنات بأبها تقول أمل الشهري " هناك تصرفات غريبة للفتيات المسترجلات حيث يتصنعن الكلام والتصرفات والشكل وطريقة اللباس حيث يرتدين القمصان الرجالية ويلجأن إلى تصرفات عنيفة قد تصل إلى الضرب وافتعال المشاكل بالتحرش بالأخريات". وترى نرجس علي المؤيدة بشدة لكلام أمل أن كل شيء رجولي فيهن ابتداء من العبارات الرجالية "لا أدري من أين حصلن على تلك الألفاظ والعبارات , إضافة إلى ذلك نرى أنهن يصاحبن بعضهن كما لو أنهن شبابا". في مكان آخر كانت عزيزة وسلمى ونوف يتساءلن " كيف ستتمكن تلك الفتيات المسترجلات من أن يصبحن أمهات ومعلمات كيف سيربين الأجيال , هل سيعكسن المسألة: أولادهن يتم تربيتهم على انهم فتيات, والفتيات على أنهن رجال. المسألة معكوسة بالنسبة إليهم". وفي مرحلة تعليمية أقل ترى عبير خضر في الصف الثاني الثانوي أن الأهل هم الجناة بسبب الحرية المعطاة للأولاد ويحرمون البنات منها مما يؤدي إلى أن الفتيات ينظرن إلى إخوتهن بشكل "غبطة " وغيرة من الحرية الممنوحة لهم. من جهتها تفسر المشرفة التربوية في خميس مشيط فيحاء الشليخي من ناحية علمية شخصية الفتاة المسترجلة " قد تتبع الفتيات هذه الطريق من باب (خالف تعرف) وقد تسلك الفتاة هذا التصرف لأسباب عديدة منها رغبتها في التأثر بالأولاد لأنهم اكثر حرية من البنات". وترى فيحاء أن المسألة بدأت في الانتشار ويعود ذلك إلى ضعف الوازع الديني. وفي أروقة الكلية تبدو المسألة أوضح من وصف الفتيات لزميلاتهن المسترجلات , حيث يلاحظ العطر الرجولي ينتشر في تجمعاتهم وطريقة المشي العشوائية التي تتعمد خلالها بإظهار الخشونة, يكملها القميص الرجالي وقصة الشعر "الولادية", وبالتأكيد كان الحذاء الرجولي حاضرا في المشهد . وتقول رئيسة قسم التربية بكلية البنات في أبها إيمان فرغلي إن وجود الفتاة بين الذكور يجعلها تتقمص دورهم , لذلك لا بد من توجيه الفتيات إلى الطريقة المثلى للتعامل مع الزميلات والصديقات . أما الجانب النفسي للمسألة فتقدمه طبيبة الصحة النفسية بكلية البنات للأقسام الأدبية نجوى بنيس "المسترجلات يصبحن كذلك بسبب ضعف الوازع الديني إلى جانب اختلال علاقتها مع الأم منذ الصغر, فهي تقتدي بوالدها اكثر من والدتها , وتتقمص كل تصرفاته في الكلام والملبس وأسلوب المعيشة , وذلك لان الوالد في المجتمع الشرقي له نصيب الأسد من الحقوق وهو المسيطر على العنصر النسائي, ولذلك تعمل الفتاة في هذه المرحلة على التمرد على صفاتها الأنثوية وحالتها الاجتماعية. وترى بنيس أن المؤسسات التعليمية لها دور في مواجهة الظاهرة وذلك بتزويد الفتاة بالأنشطة المختلفة وإشعارها بدورها لامتصاص العدوانية ومحاولة إبراز دورها في المجتمع




رأيي الشخصي ..,,



والله أنا متغصصه من هالسالفه ..

الحين يوم نتمشى فممرات المدرسه تلوع جبدنا من البنات وحركاتهن
عنبو ما نفرق إذا هاي الآدميه بنت وإلا واحد من الشباب ..
انا ابا اعرف الإداره وينهم خلو الاداره ع صوب انزين أهلهم وين كيف الأم ترضى انه بنتها تطلع بهالمنظم جدام الناس عنبوهن ما يستحن ولا يخيلن ..,,





بوصف اشكالهن



اليونيفورم كندوره ريياييل والجوتي جوتي ريياييل .. الود ودها تلبس نعال ..
والشعر ساحتنه بالموس ورادتنه على ورا وقاصه الشعر شرات الشباب والمشيه مشية واحد طبعا
والساعه ساعة ريياييل .. لا وتلبس تحت اليونيفورم فانيله بيضا اللي هي مال الريياييل .. وعدنا وحده تلبس وزار تحت اليوني فورموالثانيه خابقه الحلج وحاطه فص مستانسه عليه واايد تتحراه زقرت ومن هناك البنات مقطعينها تقطيع والمشكله يوم يسمن عمارهن اسامي عجيبه وحده whats up والثانيه Big boos ..:glare:

وعلى ايام الاعداديه البنات المستريلات يلبسن بدال الحجاب غتره بيضا ..,,:fa55:

لكن جزاهن عند رب العالمين .. هذي الفصيله من البنات الله لاعننهن .. يعني مطرودات من رحمته يوم القيامه ..

الـــــلــــــه يـــــعــــيـــنــــــــه ــــــــن على عمــــــــارهن ..,,


بس ما نقول غير الله يهديدهن ..,,



بانتظار مشاركاتكم ..,,


اناستازيا
بنت الدلع
28-09-05 ||, 04:54 PM
مرحبا ملايين

سبقتيني
كنت ناويه اليوم احط موضوع عن البويات
تصدقين
اكتشفت انج من مدرستنا

لووووووووووووووول

هذي اللي اسمها whats up انا مسمتنها
عاد انتشر اللقب عليها >>>> ^_^
من الحركات اللي تسويها

وعع لوعت جبدي يوم حطت الفص على شفايفها
وين تبا

في بنتين بخبركم عنهم

مسمينهم بو الشباب
كناديرهم شرات الشباب
والخياطه بعد نفس الشي
والشعر مترووس جل
عاد كله ولا يوم اخطف حذالهم
ريحتهم ريحت شباب
ما يتعطرون الا بعطورات رجاليه

حتى يوم يخطفن حذالنا اشك في عمري
يمكن داشه المدرسه بالغلط

اليوم حاولنا نعد البويات اللي في المدرسه
ماقدرنا لانهم اكثر عن البناات

كل وحده فصلت كندوره شرات الشباب وجل في شعرها ولا قصته ومشيتها نفس الشباب
خلاص سمت عمرها بوي

حتى استغفر الله اجسامهم شراات الشباب

يلعن الجفت والعظلات
جنه واحد واقف حذالي


ميرسي كتير حبووبه على الموضوع النايس
قلوب دبي
28-09-05 ||, 05:35 PM
السلام عليكم




بعرض الكم المطويه و مضمونها

اقروها وان شاء الله تستفيدون منها ..




http://upload.bindubai.com/download/alshamsi1/3.jpg


http://upload.bindubai.com/download/alshamsi1/1.jpg


http://upload.bindubai.com/download/alshamsi1/2.jpg


http://upload.bindubai.com/download/alshamsi1/4.jpg


http://upload.bindubai.com/download/alshamsi1/5.jpg


http://upload.bindubai.com/download/alshamsi1/6.jpg








السموحه




قلوب دبي
اناستازيا
28-09-05 ||, 09:54 PM
الله كشخه وحده فالواحات وياي فالمدرسه عاااد خلينا نجوفج ....

تسلمين ع المرور يا بنت الدلع ..,,

وهاي اللي اسمها بو الشباب اسمع عنها ..,,,

عنبوهم ما فيهم ذرة انوثه ..,,

كيف بيكمولون حياتهم الله يعينهم والله ..,,
اناستازيا
28-09-05 ||, 09:56 PM
بنتريا المطويه يا قلوب دبي ..,,
هزاايم
28-09-05 ||, 10:49 PM
اناستازيا

تسلمين أول على التشليقه شلقتني من الأزرق ودرجااته
ثاني شي يااابووج صاار هذا شي عادي بالمدارس حبوبه يعني شرات إلي تشوفينها نشووف وأزود
بذكرلج موقف خويي الصغيرون ومع ولد الخال كانوا راجعين من بوظبي وبطريج خطفوا على القريه ومعاهم اليهالو فقرووا هالإثنين يدخلونهم الألعاب منهم يستانسون وهم يريحوون يقولج خويي قاعد و ولد الخال ياينه و علامات التعجب والإستغراب قاعد يخبره شو صار له يقولج وهو يدخل اليهالو جان يضرب بالجتفه بالواحد فاستسمح منه إلا يسمع مسموح أخوي وهو يطالع الشكل شكل ولد والصوت صوت بنيه <<<بدى الفضول وقف بعيد إلا ويشوف شلة بنات يسلمن عليه و وايهون وشاف صغيروونه معاهم قرب صوبها سألها مابتلعين قالت لا إختي ماترضى عاد هذا انصعق"مدري وين عايش هذا الولد"ويوم يخبر خويي أخوي أكيد فاطس من الضحك إلا ويتأكد ويون يفضحونهم عندنا
تعالي وفسري لهم ماخلوا دعوه إلا ودعوها ولا تعليق وعلقوا يعني هم يبغن يقلدن الجنس الثاني وشوف الجنس كيف يعلقوون عليهم

مانقوول غير ربي يهديهم
مثل ماتفضلتي الأسباب كثيره منها ضعف الإيمان والله شو موقفهم لو فهموا بالمعنى الحقيقي والمؤلم والمحزن إنهم ملعونات
كثرت الأخوه بالبيئه تفرض عليهم يكونون شراتهم ويكون شي عادي عند الوالدين أو قلتهم فيسبب ذلك وبعض المواقف شرات الطلاق أو الهجر تسبب ردة فعل على البنت وسبب قوي إنها تسترييل حتى تمثل القوه
وحركه لليفتن الإنتباه ويسوين جو عسب نعلق
ربي يهديهم و يهدي الجميع

والسوووحه عالإطاله
الغاليه
29-09-05 ||, 12:15 AM
والله يا انستازيا صدقتي في اللي قلتيه !!! صدق عليهن سوالف غريبة هالبويات :shutup: ..

و يووم كنت في المدرسه ماكانت هالحالات موجوده عندنا وكنت دووم اسمع عنهن من بنات
الكلية لاني مثل ماسمعت انهن منتشرات واايد اهناك .. لكن هالسنة يت عندنا بووي كيووت :fa46:..
لبس رياييل,, مشية رياييل ,,عطر رياييل يشل الدنيا ,, نظرات وحركات رياييل.. باختصار ريال ناعم

بس اللي ضحكني انه مره دكتور سألها سؤال وماعرفت اتجاوبه جان اتقوله " آسف انا مب مذاكر ":Oo: !! وكل البنات عاد صدوا صوبها مستغربين هاي شوو بلاها ينت ولا استخفت ...يعني حتى يوم ترمس عن عمرها ترمس بصيغة المذكر .. !!! صدق الله يهديها.. وطبعا مثل ماتعرفون كل بووي اتدورلها على حبيبة ويمثلون دور العشيق والعشيقة.. والله يستر عالجميع..


بس احينه اسمع منكن انه في المدارس بعد قاموا ينتشروون :glare: .. وين الادارة والمعلمات عنهن !!؟؟


وبصراحه صراحه هالبويات ماعندهن سالفة الا انهن يبن يلفتن الأنظار .. او شخصياتهن هشة وسريعة التأثر بفلانة وعلانة .. او تكوينها الشخصي فيه خلل و غير متزنة عاطفيا .. وبعضهن طيش مراهقة وفترة مؤقتة وتعدي .. يعني تختلف الحاله من بويه لبويه..

عالعمــــــــوم يا انستازيا موضووعج حلو ومهم .. وظاهره سلبية قامت تنتشر في مجتمعات البنات وفي المدارس والجامعات.. وان شاالله تنتهي ويوقف امتدادها في الايام اليايه..

تحياتي لج..:)..
شوق الصحارى
29-09-05 ||, 01:11 AM
اشمرج اختي على الموضوع....
بصراحه احنا ما كانت عدنا هالسوالف في المدرسه... بس انتشرت في الكليه بكثر وكل ما اتيي دفعه يديده اتكون نسبة البويات اكثر عن اللي قبلها... وكل صوب والحركات في صوب... بصراحه انا زااااااايد كنت اخاف من حركاتهن...((الحمدلله افتكيت))

اكيييييد هاي فتره وبتعدي ...وكل وحده بيها نصيبها وبتعرس وبتشوف انه اللي كانت تسويه غلط....

ما اقول غير الله يهديهن ويصلح بالهن....((قولوا آمييييين)
الوفية
29-09-05 ||, 04:31 AM
آمين .. شوق الصحارى..

الله يستر عليهم إنشاءالله ويهديهن..

بتشوفوون العجب في...............!!
بنت الشارقة
29-09-05 ||, 12:13 PM
السلام عليكم ..

فعلا هالموضوع وايد منتشر بشكل فضييع ..

وهالبنات مب طبيعياات ..

في كل خشه في المدرسه تحصليينهم يتطالعوونج من فوق لين تحت مثل الشباب .. انا وايد اخاف يوم اشووفهم .. ويلحقوونا ويعقوون كلام .. يعني صدق تحسيين انهم شباب .. كله ولا المشيه والصووت والاسلووب واللبس ..

ماعرف ليش كل هذا ..
الجنيه
29-09-05 ||, 05:32 PM
والله ضربتي على الوتر الحساس الصراحه هالمسترجلات يلوعن الجبد ...

أعوذ بالله أتمشى في الكليه احس محاوطيني شباب مب بنات ... أستغفر الله مرينا من عند شله البوس مالهم واحد بوي ,, تمت أتبحلق فيني تتطالعني من فوق لتحت أستغفر الله حسيت بنظراتها نظرات واحد من الشباب واشمئزيت منها وهي ماخذه مقلب خايس فعمرها من ذاك اليوم وهي كل ما شافتني اتسوي حركات عصبتبي والله بغيت اصمها كف اعدل ويها ...
اللوم والذنب كله على أهلها معقوله تطلع من البيت بهاي الهيئه؟؟؟
يعني أهلها ما يشوفون قصة شعرها البوي؟؟؟
أخوانها ما يشوفون أنها ما تختلف عنهم بشي؟؟؟

الحمدلله الله رزقني بأهل حتى أطراف الشعر لو أقصه يلعنون صير أجدادي وايد كنت أتضايج اذا بغيت اقص شعر وأمايه أتهددني اذا قصيته تقرعني "خخخخ اتقولي بضرب طبرج بموس " بس الحمدلله يوم الله رزقني بأم مثلها أقل شي أتخاف علي من نفسي اذا أنا مافيني عقل وخبله تهديني ,,,
الله يخليها لي ويطول بعمرها فديتها ...
فركوشه
05-10-05 ||, 07:26 PM
البويات منشرات فكل مكان

من كمن يوم وحده حليوه قاعده تتمشى فالتقنيه ويا ربعها

عافانا الله نشوا وقاعدين يلاحقونها ويغازلونها شوها ارف

عمري ما شفت جذيه وهاييلا سنه اولى الله يعين اللي عقبهم..
اناستازيا
05-10-05 ||, 08:25 PM
تسلم ع المطويه يا قلوب دبي ويزاك الله ألف خير ..,,

أتمنى من كل المستريلات يستفيدن من هذي المطويات ويودرنن عنهن هالحركات البايخه ..,, والله عيب عليهن ..,,

وتسلم أخوي مره ثانيه ع المشاركه..,,,:laugh:
اناستازيا
05-10-05 ||, 08:26 PM
تسلمين ع المرور يا هزايم ..:laugh:

هذي البنت أصلا ما تستحي على ويها كيف تطلع جدام الناس بهالمنظر:shocked: ..,,
نقول فالمدرسه ها.. يلا... تنبلع... لكن جدام الناس الصراحه قويه ..:fa55: تسلمين أختي مره ثانيه ع النقاش والمشاركه

ومثل ما قلتي ما نقول غير الله يهديهن..
اناستازيا
05-10-05 ||, 08:39 PM
طلتج الأحلى يا الغاليه ..,,:laugh: ,

بس لحظه آسف مب مذاكر !!!!!! يحليلها المسكينه ... هذي صدق مضيعه ..

بس الأداره مب قادره تتحكم فيهن من كثرهن لو بتيلسين تعدينهن ما بتخلصين ..

ونحن سألنا عمارنا هالسؤال مثل ما نحن ننتبه على حركاتهن معقوله ولا ابله انتبهت وعلقت ع الموضوع وخبرت الإداره ؟؟ّ!!!!!

ومثل ما قلتي عند البعض فتره وتعدي .. بس شي من البنات يتمن على هالحاله ..,,

الله يعينهن ..,,
اناستازيا
05-10-05 ||, 08:43 PM
العفو يا شوق الصحاري ..,,

مثل ما قلتي فتره وتعدي بس عند البعض مب الكل .. مثل ما قلت لغاليه شي منهن يتمن .. وحده من رباعتي تعرف بوي وعرست بس تخبرني تقولي لين الحين حركات شباب عليها ..

الله يهديهن إن شاء الله ..,,

وتسلمين ع المرور والمشاركه ..,,:laugh:
اناستازيا
05-10-05 ||, 08:44 PM
الوفيه تسلمين ع المرور والمشاركه ..:laugh:

بس ما قلتيلنا وين بنجوف العجب ..,,,؟؟؟؟؟؟:fa46:
اناستازيا
05-10-05 ||, 08:47 PM
بنت الشارقه تسلمين ع المرور والمشاركه ..,,:laugh:

سويلهن طاف ... خلج بحالج ولا تحتكين فيهن .. هذيل راعيات مشاكل وما منهن امان ..,, :fa55:
العجيبة
05-10-05 ||, 08:56 PM
"بس الأداره مب قادره تتحكم فيهن من كثرهن لو بتيلسين تعدينهن ما بتخلصين .."

لاا أنا أشووووف انهـن ينعــدن ع الأصاااابـــع .. يعنـي صحيح قلنـا شـي بنـات مستريـلات بس مب لهالدرجة من المبالغـة انه يصيــر أعدادهـن فـوق البنـات العاديـات !
اناستازيا
05-10-05 ||, 09:00 PM
تسلمين ع المرور والمشاركه يا الجنيه ..,,:laugh:

نصيحه لا تتعرضيلهن هذي مستقويات .:fa38: :fa32: :fa51: . ابعدي عن الشر وغنيله..,,

ومثل ما قلتي من منها من اهلها.. أكيد اهلها فالتو وإلا إذا هي بنت ناس وعرب وفيها مذهب ما بتسوي جذه ..,,,

الله يخيلج الوالده ويطول بعمرها إن شاء الله ,, لا تضايجين مول هذي هي التربيه الصح مب تربية البويات ..
عادي تراني مثلج ياله بزور وقوه إلا بقصه مدرج ع طوله .. :fa46:
خخخ عيبتني هاي بضرب طبرج بموس .. <<<<

وتسلمين مره ثانيه ع المشاركه ...:laugh:
اناستازيا
05-10-05 ||, 09:02 PM
تسلمين ع المرور والمشاركه يا نملة الواحات ..,,:laugh:

الله يعينكم ياللي فالتقنيه على على هالفئه من البنات ..,,,

بس الواحد ما يقول غير الله يهديهن ..,,,
اناستازيا
05-10-05 ||, 09:08 PM
أولا تسلمين ع المرور والمشاركه فالموضوع يا العجيبه..,,,:laugh:

اشكر تعقيبج ع الموضوع .. وأنا ما يبت شي من عندي هذا الظاهر .. انا ارمس عن المدرسه اللي انا فيها .. كنت اقدر اقول العام البويات ينعدن ع الأصابع .. لكن السنه الحال تغير .. زادت نسبتهن واااايد يعني ما يخلا الصف من اربع أو خمس بويات هذا إذا مب اكثر .. والبنات كلهن لاحظن هالشي مب بس انا ..,,,
والكل يقول ..,,

وتسلمين مره ثانيه ع المرور والمشاركه ..,,,

إذا عندج إي راي ثاني نحن حاضرين ونتمنى نسمعه ..,,
مزيونه العرب
06-10-05 ||, 12:03 AM
السلام عليكم

تسلمين اختي ع الموضوع

هيه والله صدقتي يا ختي من زمان وانا مقهوره منهم ومن حركاتهم اللي ترفع الضغط والله يبطون الجبد



يعني بصراحه العام واللي قبله كانو ا أقل عن جي يعني هاي السنه واااااايد وايد وخاصه مدارس الثانويه.. البويات انتشروا بشكل فضيع



يعني تخيلو هذيج المره اسولف ويا ربيعتي تقول وصلت فيهم لدرجة انهم يلبسون فانيلة الشباب البيضه اللي يلبسونها تحت الكندوره تقول شافت اكثر عن وحده لابسه ها الفانيله يعني صج ما يستحون ولا الجل اللي تارس راسهم حشه متسبحين فيه مب جل هذا اللي يحطونه



والله هذيج المره ربيعتي كانت واقفه في الممر ويت وحده ووقفت حذالها ترمس ربيعتنا والله ان ربيعتي لبست الوقايه اتحسبتها واحد وقلنا حق البنت (قصدي الولد ) والله محتاره اقول لها ولد ولا بنت المهم خبرناها قلنا لها فلانه تحسبتج واحد

ما تتخيلون شقايل استانست يوم قلنالها جي >>>>>>>عفان الله



لو ارمس عنهم والله ما بخلص بس ما بطول عليكم وما نقدر نقول الا الله يهديهم ان شاء الله

واسمحو لي اذا طولت عليكم
اناستازيا
06-10-05 ||, 10:36 AM
تسلمين ع المرور والمشاركه يا مزيونة العرب ...,,,:laugh:

هاي الفانيله اسوت شي عادي من مكملات اللبس ..

يحليلها البنت قصدي البوي واايد مستانسه انها شرا الصبي بس بتستانس عدل يوم القيامه يوم بتجلود فجهنم ...

واايد مواقف تمر علينا فالمدرسه

بس تدرين مسويلنا جو .. ,,<<
يعني آكشن فالمدرسه .. كل ما تستوي سالفه .. تعنترت البوي :fa32: .. قوما عنها اونها شي .. ومن هناك هي ولا شي ..:fa38:
ومثل ما قلني الرمسه عنهن ما تخلص وما نقول غير الله يهديهن ..,,,

وتسلمين مره ثانيه خيتوو ع المرور والمشاركه ..,,
لحظه صمت
07-10-05 ||, 10:46 AM
احس انه فيهم مرض نفسي :fa32:



شكرا ً عالموضوع :fa51:



:: والسموحه ::
اناستازيا
07-10-05 ||, 10:54 AM
مسموحه

تسلمين ع المرور والمشاركه يا لحظة صمت ..,,:laugh:

صدق يبالهم حد يعالجهم بس مب أي علاج .. يبالهم علاج الإيمان ..
عيون الليل
09-10-05 ||, 09:02 PM
امكــودات ف الممــزر يــوم الاربــعا.،.،.،

اللـي يبـا يطمـش يسيـــر .،.،.، بصــراحــه أنـــا احيــانا ايدق ف راســـي اسيــــر اطالعــهن لــوول امخليــات عمارهن مصخـــره .،.،.،

بس صــدق ايخوفـــن .،.،.،

مـــره انا واربيعتيـــه واقفـات نرمس .،.،.، طافت وحده من هالمستريلات .،.،.، اربيعتيه قـــالت شو هالمنكـــر بعــد " بـــس زيــن ما سمعتــها" لــوول قــلت لاربيعتيه صخــــي الله يخليــج عن تسمعــج بطيحبج طيــــح هايـــيلا فيـــهن قوو أكثـــر عن الرياييـــل ووقتهــــــا ما بحايــز لانه بيحطونــــي فوقج لــوول .،.،.، وتميـــنا نضــحك وانســولف وعــقب الا انشــوف انه اســتوت اليمعه والنظرات والعفســـه .،.،.، قلـــنا خله انشـــل بعمارنا عن يعفــدن عليـــنا .،.،.،. لــوول وكل وحده منـــا ركبــت سيــارتها وفــرت هاربـه :fa56:

ما اقـــول غيــــر اللـه يهديـــهن .،.،.،

ومثـــل ما اتقولـــون هاييـلا ويـــن اهلـــهم عنهم .،.،.، اللـهم عافنــا
" في مسلسل عديــل الروح وحده من بنات النفيسي اتمثل انـها مستريله خخخخ اونها اتغازل بنات على المسنجر لــوول"

عافان الله.،.،.،

مشــكوره عزيزتـي على الموضـــــوع
أمواج
09-10-05 ||, 09:09 PM
الخير عدنا فالجامعه من هالبوويا ت
اناستازيا
09-10-05 ||, 10:11 PM
عيون الليل تسلمين ع المرور والمشاركه ..,,

سبقتيني فالكتابه .. يايه بكتب عن شجون .. بس تدرين زين تسوي فيهن يبالهن حد ينغزن ..,,:fa55:

بنجوف شو نهايتها ..,,,

يحليلها ربيعتيج .. صدقج عقب ما بتحايوين مثل ما قلتي برظونج فوقها ..:fa46:

وتسلمين مره ثانيه ع المرور والمشاركه:laugh:
اناستازيا
09-10-05 ||, 10:13 PM
تسلمين ع المرور يا المتفيزره عالعرقوب..,,:laugh:

عاد فجامعة العين واايد ماخذات راحتن ,, يعني ع الآخر .. لا حسيب ولا رقيب ...,,

الله يهديهن ..,,
الدلووووعة
15-10-05 ||, 07:54 PM
والله انه ها المسترجلات يخوفن بس الحمدالله نحن فمدرستنا ماعدنا من ها الشي
بس صراحة اخاف منهن وانا بعدني ماشفت اشكالهن من كثر مايرمسن عنهن البنات اللي من المدارس الثانيه
والله صدق يخوفن ومن ها المسلسل ها اللي وياهم هاي الليمسويه عمرها مسترجلة يخي شكلها يقهر


يله الله يهدي بناتنا ان شاءالله
بيور
15-10-05 ||, 08:00 PM
عفاانا الله منهم ..
نحن عدنا في الجامعة شراتهم ... بس بصراحة يزيغوون ..
الوحدة اللي تمشي حذالهم تشك في عمرها لو هم بنات أو أولاد..
قلب زايد
16-10-05 ||, 02:43 AM
هلا والله

صـــــــــــــراحتن تن تن هالمتن .. قبل نحن في العين ماعندنا

لاااااااااااااااااااااااا ااااكن الله يسامح الي كان السبب:fa43:

احينه شي بس هب وايد .. وبعد يسوون كل ها بالدس .. يعني يوم بتي تظهر من البيت محتشمه وكل شي بنت اوكيك .. ويوم تركب السياره ويا الدريول تعق الشيله .. والعباه .. لاااااااااااااااازم بوي ترى عيب تلبس عباه وشيله شو بيقولون عنها البنات:rock:

ويووم تبون وحده سيروو تحت الدري والا في الحماامات ((عزكم الله))وبتحصلونهن

خاطريه ازخهن واصفعهن ليــــــــــــــــن مايموتون في يديه

على فكره انا والشله دوووووووم نطنز عليهن يوم نجوف وحده نادبها.. هههههههههه

محرابة البوي .. نيلس نقول تغشوو تغشوو ريال ريال .. ونستهبل وجي ..

حســـــــــــــــــــــــ ـــــــــــــــبي الله عليــــــــــــــــــــــ ـــــــــــــهن

والله لو كانن دلوعات اخير ...

مافيه ارمس اكثر عن جذه لني لو رمست مابسكت .. كرشتيه ممزوووووووره رمسه :fa55:


والسموووووووووووووووووووو حه ع القصور .. ادري قصرت في حقهن:fa42:

ههههههههههههههههههههه

الصراحه هن يستاهل اكثـــر عن هالرمسه... وياريت لو وحده تي هنيه بوي وتخبرنا شو بتستفيد
من الي تسويه.. كيف بتجابل ربها.. كل شي تسويه غلط في غلط .. هيه تبا حد يرمسها ويقبظها من يديها ويوجها .. يمكن ماتعرف ..

بس بس بس

خلاص

مع السلامه

:fa41:قلــــــــــــــــــــ ب زايــــــــــــــــــد :fa41:
جنون امرأة
16-10-05 ||, 01:23 PM
البويات .. نحن نسميهم فالجامعه ..

مشكلتهم انهم يجذبون (( الجذبه )) و يصدقونها ..
يعني ماخذين مقلب في عمارهم ..
لا المشكله ان خلاص يعني حتى المفروض نحترم وضعهم كـ بويات و ما نحسسهم ان هذا شي غريب علينا ..
فعلا : يعني العطر رجالي و مشية رياييل و قصة الشعر و الصوت و اسلوب الكلام .. و الاهمامات خرطي
هذيل اصلا يشوهون صورة الشباب اونه يقلدونهم ..حاطين ف بالهم انا اهتمامات الشباب بس مغازل و هياته
.. جوانب ثقافيه معدومه عندهم .. بس يعرفون شي واحد انهم اذا شافوا وحده حلوه يلحقونها و يتحرشون فيها و الخ.... ع العموم الله يعينهم و يهديهم .. بس هم في نظري انا تافهين .. السموحه ,,
زامبروتا
16-10-05 ||, 03:35 PM
أشــمــئز عــند ذكرهن أو ذكرهم لا أعــرف كــيف أصــفهم وحتى عندما أراهم
لذلك لن أعـلق على الموضوع وأفضل السكوت وعدم الكتابة لهذه النفايات من الناس( المسترجلات)

مع كل الاحترام والتقدير لصحابة الموضوع

ولكم التحية
بلوة حلوة
20-10-05 ||, 02:14 AM
البـويااات ..!

هايــيلا .. بنـات يعيشـون بطبيعة غير الطبيعة الي
انفطـروا عليهـا ..
.
.
لو تـلاحظون انتوا عرفتوهم من المشيه .. طريقة الرمسه
التحـرش بالبنات .. هياته بليّـا عباه ووقايه ..
وها مفهوم الرجوله عندهــم ..!
يعني خربانه خربانه .. !
\\
\\
احتمـال تكـون هرمونات الذكوره عندهم أزيد عن الأنوثه
مثل مافي شباب عندهم صفـات انثويـّه ..
واحتمـال .. اعجابهـم بحركات الشباب الزايد عن حده
خلاهم يستوون جـي ..
وبكـلا الحالتين غلط ..
وحده مثل هاي .. تبين حركاتها انها ( بويه )
المفروض ان اهلها يحـاولون وياها .. يعاملونها كـ بنت
يعرضونها عـ دكتور ..
يحـطونها فـ موقف قـوي شوي ..
\\
\\
لااا والقهـر انج اذا قلتيها انج بنـت .. بتحـس انج تهينينهـا !!
أي منطق يتقبلهـا هاي ؟!
تموا عاملـوها كـ بنت ليما تقتنع بـ هالشي ..
لا تيلـسون تطنزون وتنغـزون .. ماتعرفون الظروف الي مرت بها هالانسانه
وخلتها تستوي جـي..
خذوا الموضوع بتفهم وعقلانيه .. يمكن مافي مجـال تتقربون منهم ..والناس بتاكلكم بالرمسه
ان شافوكم ويا وحده من هالنوع..
بـس بـ جي يمكن تعرفون شو السبب الاساسي وتعالجونه وتساعدونها..
واذا كانت عنيـده .. فـ الـ lebsinG .. انسب حـل .. ليما الله يهديها ..
\\
\\
والسموحه منج
بروح انخمممد
اناستازيا
20-10-05 ||, 03:57 PM
بلوة حلوه تسلمين ع المرور وعلى هالمداخله كلامج 100% صح

وانتي قلتي لازم اهلها يعالجونها ..

اذا اهلها ما يدرون عنها وين ارضها وين سماها كيف بيعالجونا..؟؟؟

يجوفونها تتطلع من البيت وهي بهالحاله وهالشعر كيف يسكتون عنها ..؟؟؟

اهنه لازم يحزمون الموضوع مب يخلونها على هواها تسوي اللي تباه وياريت شي صح ..كله غلط في غلط وفي ناس يقولون كيفها خلوها على راحتها ما يدرون شو نهايتها لين ما يجوفون بعينهم ..

وشي من الناس يقولون الموضوع ما يستاهل كل هذا فتره وتعدي ..
أي فتره وتعدي عقب ما تضيع البنت ..!!!!

وتسلمين ع المشاركه مره ثانيه ..
اناستازيا
20-10-05 ||, 04:00 PM
زامبروتا تسلم ع المرور ..

:laugh:
اناستازيا
20-10-05 ||, 04:12 PM
اسعدي مرورج يا أهلاويه للأبد ..

ومثل ما قلتي يشوهون صورة الشباب بحركاتهم البايخه والتافها في نفس الوقت ..

وتسلمين ع المرور والمشاركه ..

:laugh:
اناستازيا
20-10-05 ||, 04:19 PM
اهلين قلب زايد نورتي الموضوع ..



أولا مشكوره ع المرور والمشاركه ..



ما شاء الله عليج ما قصرتي فيهن قطعتيهن تقطيع ..



إذا فخاطرج شي زياده طلعيه ..,,



لكن ما انصحج تصفعينهن .. نسيتي انهن مستريلات .. بالمعنى الأصح مستقويات ..



الله يهديهن إن شاء الله ..,,



:laugh:
اناستازيا
20-10-05 ||, 04:24 PM
تسلمين ع المرور والمشاركه يا المتفيجه :laugh:
اناستازيا
20-10-05 ||, 04:28 PM
تسلمين ع المرور والمشاركه يا الدلووعه ..

واللي جفتيها فالمسلسل نحن كل يوم نجوف من هالأشكال فالمدرسه ..

يالله الله يعيينا على هالسنه وبنفتك من البويات وغيره ..

:laugh:
كـلـكـلـووش
20-10-05 ||, 05:17 PM
http://static.flickr.com/25/51235097_022b33d301.jpg?v=0

انسـتــــازيـــا

قال رسول الله : { ثلاثة لا ينظر الله عز وجل إليهم يوم القيامة: العاق لوالديه، والمرأة المترجلة، والديوث } [رواه النسائي]، وفي رواية الإمام أحمد: { لا يدخلون الجنة } وفي رواية أخرى زاد تعريف المترجلة في قوله: { والمرأة المترجلة المتشبهة بالرجال }

ســابقــا القــضيه النــاس يـتــكلمون عــنها بالــخش و الـــدس ..
و الآن القضــية تـــطرح في المســلســلات و الافـــلام !

القــضيه اصــبحت منـتـــشره بشــكل كبــير و في كــل مــكان .. :fa45:

اللــي يداومـــون في الــقريه العالمــيه يعــرفون عن هالــشي و شــايفيــن هالاشيــا بعــينهم .. خصــوصا يوم الاثـــنين ( يــوم الحــريم ) .. :look:

التــربيـــه لهــا دور كـبــير في هــذا الــشي ,,
و الجــو العــام في الــبـيــت .. فــ البــنت اذا كــانت تـربيــــتـها كــلها مـع شــباب و اخــوان ريايــل .. بـتــاخذ الكــثير من طبــعـهم .. طبــعا اذا الام و الابــو ما ادخــلو في التربــيه و عــرفو يفــصلون عن تربــية الــذكر و الانثــى .. و عــرفو يحــطون حــدود لــكل من الــذكر و الانثـــى ..

و غـــير الــقريه نســمع عن المـمــزر ,, الــيوم المـــخصص للــسيـــدات .. نســمع عنــه سوالــف ما تنـــقال .. و لا اتــي لا عــالبــال و لا ع الخــاطر :shocked:

و سمــعت عن موضـــه يــديـده .. يســـيرين أنــدية صـــحيه و يشلــون حـــديـد و يــاخذون بروتيـــنات :fa51:

لا وهالايـــام الموضــه .. كــابــات و ربــطات .. لا و مركـــات رياضـــيه أديــداس و غيــرها من المــاركــات ..
و نشوفــهم يتــمشون في قروبـــات .. !!

و أحـــيد مـره كــنا في القــريه .. وحــده مــاره و هي تقــول .. ســـلطان ســـلـطان .. و يوم نــشوف ســلطان طــلعت وحــده :crazy: .. يا ريــال بــدل حــول .. :Oo:

ربـــنا يــعــين من اليـــاي ..

اخاف يـــظهر جيــل ياخذ من الاثـــنين .. ريــال و حرمــه وخخخخ :fa56:

كــل شي جــايز :fa52:

مشــكوره خيــتــوو ع الموضــوع و هــذا اللــي ظــهر ويــاي ,,:fa51:

كـلـكـلـووش :fa54:
المزيوونه
21-10-05 ||, 03:47 AM
تسلمين اختي ع ها الموضوع الحساس ..

الصراحه ها الزمن صدق زمن الفتن .. واللي يستوي مووول مب شويه ..
عن البويات .. انتوا تشوفون ففترة الصباح بس فمدارسكم .. لكن تعالي عندنا نحن بنات السكن
والله البويات اللي عندنا ألعن بمليون مره .. الواحد يشمئز يوم يشوفهن ..
شفتو رناد فمسلسل "عديل الروح" .. والله وأخس عنها البنات ..

في وحده يسمونها البوس ومعروفه على مستوى السكنات .. كانت السلاسل ماتفارقها .. سلاسل فرقبتها
وفايدها .. يعني مثل بوس العصابه ..

الله يعينا بس على ها الفتن اللي منتشره .. والله يستر على بنات المسلمين ويكملهن بعقولهن ..


السموحه ..
غزال ما ينصاد
21-10-05 ||, 09:33 PM
اولاً : تسلمييين ( اناستازيا ) ع الموضوع الغاوي ...

ثانيـــاً : يعني صدق منو كان يتخيـــل انه فـ يوم من الايـــام بلادنا بتظهر فيهـــا هالاشكال الخـــايسه الي فرت وراهـــا كل العادات والتقاليد .. وتعاليـــم الدين .. ولا والي يقهـــر انه شي من البـــويات بنات عرب وقبـــايل .. :fa36:

امرره مضيعات المذهب .. لا يخيـــلن ولا يستـــحن .. :fa52:

ولا والعـــوق انهن يفتــخرن بهالشـــي ... :fa32: ويوم بتسألهن ليش مسويات بعماركن جيييه .. بيردن ( هذا STYLE ) :fa54: ...


بلوة حلــوة : بس ابا اعقب على كلامج .. هب كلهن كانن يمــرن بظروف صعبه .. بس لانهن يبن يجذبن الأنظــــار صوبهن .. جذه يســـون .. :fa52:


سالفه نمبر ون : وحده كانت سايره القريــــه العالميـــه .. وقفت عند البوابــه ( يوم الحريــم ) بس الشرطــي ماطاع يدخلها .. ليييييييييش ؟؟ لانه هب متأكد اذا كانت بنيه ولا ولــــــــــد !!!! :fa54:


سالفه نمبر تــوو : كنت يالسه فالجامعه ... الا اربع خطفـــن حذاليه .. بويتيين + بنوتييين .. وكل بوي ميوده ايد ( الغــــيرل فرند ) مالهـــا ..؟؟؟


بصراحه هالسالفه ماينسكـــت عنها .. :fa32:
بلوة حلوة
22-10-05 ||, 09:20 PM
BaQ

اناستازيا

فترة وتعـدي ؟ .. ههه الموضوع يتعالج وهو صغير
أسهل قبل لا يكـبر ..!!

-------

ذكرتج يوم الخميس
كنـت فـ المارينا .. وشفت شلة بويـااات .. مصصصخره
حتى الشباب يطاعوهم جي مادري كيف ومشمـأزين منهم .!:fa44:

اتخيلي تخطـف وحده تدق جتفهـا بـ جتفي وتقول < هلا هلا بهـوى دااري >
وين تبى هااي؟؟ عاد أنـا جـان أقول أمّمّيييييه .. ضحكت الخلق علينا :fa52: طوووط

ولا عقـب .. تخيلوا وحده ويا خواتها واخوهن وياهن :glare: !!

بنـت اختي فـ مدرسة فـ بوظبي .. تقول لي البنات يلاحقونهم .. بدال لا هم يلاحقون البنات
( هم كلهم بنات بس أقصد البويات يعني لوول ) ..
يعني جي هاييلاك يشجعونهـم ويعيبهم عاااد هم جي :fa51:

------

غزال ماينصاد

بلوة حلــوة : بس ابا اعقب على كلامج .. هب كلهن كانن يمــرن بظروف صعبه .. بس لانهن يبن يجذبن الأنظــــار صوبهن .. جذه يســـون .. :fa52:


اهنـي عاد يبالهن قعده طوييييــله .. عشان تقدرين تقنعينهن ان لفت الانظار
له طــرق ثانيه .. مب التصنــع .. وعقب تكملين STEP BY STEP

------

اليوم شككوني فـ عمري.. فـ المدرسه . كنت مستعيله
فـ كنت أمشي بسرعه ومـ دري كيف كانت مشيتي
جان تقول لي ربيعتي .. فلاااانه بلاج مستويه من قومهم ..لوول
الحمدلله ماعدنا ولا وحده من هالاشكال الا اذا من تحت لـ تحت :fa52:

------

بس والله هالاشكال كل ما اييها وتزيــد ..
عاد يتكـاثرون فـ القرية العالمية .. بتشوفون وايد ع الاسبوع الياي:fa52:
> العام كانوا مكودات . هالمرة مادري لول
بلوة حلوة
22-10-05 ||, 09:26 PM
ويت ويت بقـول شي بعد ..
ياخي مثل مافي شي متشبهين بالحريم ( الاخـ-----) ..
شي متشبهات بالرياييل .. ربهن غير P=
استغفر الله ..
بـدت سالفة ( المتشبهين بالنسـا ) .. وكان الكل يتناقش بهـا
ويستنكرون ان شافوا حد جـي .. ومع الايام ماعالجوا السالفه
لانهم ماقدروا يودونهم .. والحيـن صار الشـي * مألوف وعادي *
ويـت سالفة ( البويـات ) .. وسوّت حشره وشوشره ..
مع الأيـام صدقوني بتستوي عـادي .. وبتتعودون عليهـا
اذا من هالشلل كلها مب قادرين تعدلون ويا وحده بس الرمسه وتقنعونها
لان الشلة اتأثر عليهـا .. كيــف بتيودون البـاجي ؟!
يبالها وااايد .. مب مجرد مناقشة وكل حد يطلع الي فخاطره والي شافه وبس ..!
الله يعين بـسسس .!
دلوعة دبي
22-10-05 ||, 10:37 PM
تسلمين اختي عالموضوع المهم... هالظاهرة واايد منتشرة عندنا في المدارس.. من كثر ما اشوف هالحركات والسوالف انتقلت وسرت مدرسة خاصة والحمدلله ما اشوف هالحركات في هالمدرسة... والله يهدي بناتنا وان شاء الله يعقلون.. ويودرون هالسوالف
طرفوشة
27-10-05 ||, 08:20 PM
السلام عليج و شكرا على الموضوع
اللي ما يصدق يسير القرية العالميه بتشوفون العجب
فركوشه
28-10-05 ||, 12:09 AM
الحمد لله اللي يخلي مديرنا فصلهم كلهم..
اناستازيا
28-10-05 ||, 03:06 PM
العفو

تسلم ع المرور والمشاركه يا كلكلووش ..,,:laugh:

وطبعا كل اللي قلته صح وأنا أشهد على هالشي ..,,

هذي اسمها سلطان .. وحده بوي فمدرستنا سمها نوف بس دووم تقول حق البنات ازقروني نواف ..,,

الله يعينهم على عمارهم ..,,,
اناستازيا
28-10-05 ||, 03:10 PM
تسلمين ع المرور والمشاركه يا المزيونه ..,,:laugh:

الله يعينكم فالسكن ..,,

انتو المفروض تبلغون عليها مسؤولة السكن ..

عشان تجوفولكم صرفه حق الموضوع ..,,

ترى هالشي ما ينسكت عليه ..,,

وتسلمين مره ثانيه ..,,
اناستازيا
28-10-05 ||, 03:16 PM
تسلمين ع المررو والمشاركه يا غزال ما ينصاد ..,,:laugh:

أي ستايل وإي خرابيط اللي يرمسون عنها هالبويات ..,,

يوم ما حصلو مبرر قالو ستايل وصح كلامج بس يبون يلفتون الأنظار ..,,

استمتعنا بسوالج ..,,

ومثل ما قلتي الموضوع ما ينست عله

وتسلمين ع المرور والمشاركه مره ثانيه ..:laugh:
اناستازيا
28-10-05 ||, 03:22 PM
تسلمين يا بلوه حلوه ع المرور والمشاركة ..:laugh:

سوالفج حلوه وما تنمل ..,,

المتشبهين بالنساء والمتشبهات بالرجال كلهم وبدون استثااء ملعونين عند رب العالمين ..

يعني مطرودين من رحمته ...,,,:fa55:
اناستازيا
28-10-05 ||, 03:25 PM
تسلمين ع المرور والمشاركه يا دلوعة دبي ..,,:laugh:

والله أحسنلج يوم انتقلتي ..,,,

فكيتي عمرج من الحشره والصدعه ..

أنا سرت مدرسه خاصه بعد .. فيها بويه وحده .. فالمدرسه كلها ..,,
اناستازيا
28-10-05 ||, 03:27 PM
وعليج السلام يا طرفوشه ..:laugh:

تسلمين ع المرور والمشاركه ..,,
اناستازيا
28-10-05 ||, 03:30 PM
زين سوا فيهن ...

بس يالله اييب نتيجه فيهن ويوزن عن هالحركات ..

الصراحه مديركم :fa42:

تسلمين ع المرور والمشاركه يا نملة الواحات ..,,:laugh: