كــل شي دخل في الــبترول !

[كـلـكـلـووش]

خــالد : غـــسل الـــسيرة عـــدل .. و لا تنــسى اتبـــلس الــتــاير
راجـــو : انـــزيــن رفيــك .. ما في مووشكـــلللّــه ان ساء الله كولسي يسوي
.. بعــد ما يــلس خــالد و ريــح ..
راجـــو : بابا كــلو خـــلاس ..
خـــالد : خــلني اجيــك .. هيه كلــه اوكي .. يود هالــعشر ,,
راجـــو : لا بابا ســــنو بعــد عسر درهــم.. انا يريد عســـرين درهم
خـــالد : نعـــم و ليـــش ان شـــاء الله
راجــــو : بابا بتـــرول استوى فوق .. سعر غسيل بعد استوى فوق
خـــالد : عن بووه .. بتغــسل بالمــاي و لا بالبــتــرول ..
راجـــو : بـابا انــتــه يسوي وايــد جرجر .. جيب 20 والله المعـــوز ان شـــاء الله ,,
خـــالد : يـــود .. ما تســـوى زيـــادة المعـــاشات الـلـي زادوهـــا عليـــنا

اتـــمشى شوي خــالد بالـــموتر ,, و لا رن تليـــفونه
جان يرد
خـــالد : هلا والله بـــالحـــكومـــه
ام العيـــال : هلا بوزارة الداخليـــه
خـــالد : هااه ردو العيـــال من الـــمدرسه ؟
ام العيــــال : هيه ردو .. و اسمعـــني بسرعه قــبل ما رصــيدي يخـــلص
خـــالد : فكيـــنا انزين
ام العيــــال : ييب سيـــرلاك حـــق حمــود و نيـــدو .. تـــرى الحليـــب خــلص .. و لا تـــنسى تييــب حفـــاظه حق خـــلوووف .. و صح قـــبل ما انـــسى تـــرى نـــبى نـــطبخ بــاجر ســمج .. شوف لنــا سمجة زينه و يالله يالله .. بيخلص رصيدي .

طوط طوط طوط

خــــالد : حــشى .. صــدق انهــا ظــرس هالحــرمه
دش خــالد الجمعـــيه ... و خـــذا الاغــراض المـــطلوبه
ســار عنــد الكـــاشيــر ..
خـــالد : ازيــك يا معــلم .. شوف لــنا الحســـاب و حيـــاتــك
الكــشــير : 170 درهم يا مــعلم
خـــالد : :Oo: .. :oh: .. :huh:
لـــيــــــش ؟!
الكــشــيـــر : يـــا عــم المـــعاشـــات زادت و الــبـــــتـرول غـــلي اوي ,, لازم نـــاكول عيشـــنا نحن كمــــان !
خـــالد : يود :glare:
الكــشـــير : معـــوضييين ان شاء الله

اتعـــقد خــــالد .. الــبـــتــرول غـــالي ,, كـــل شي قــام يغـــلى مع الــبــتــرول
و غـــير خـــالد الكــثــير من اللذيـــن يشــتـــكون من ســـافة غــلاء الــبــــتــرول و غـــلاء المعيـــشه اللــي ما كــنا نحـــس فيه زمـــان

الحــيـــاة اصــبحت غاليــه .. فـــجأه و من دون ســابق انذار
( حــتــى الجمـــاهير ما قــامو يـــحضرون المبـــاريات .. اونه الــبــتــرول غــالي :tounge: )

ويـــن جمـــعية حــقوق المــسـتــهلك عن غـــلاء الـــســلع ؟

يـــوم زادو المــعــاشـــات .. رفــعو الاســـعــار و ردوهـــا مره ثـــانيـــه
الـــحين .. ردو رفـــعوها مـــره ثـــانيــه

و المتــــضرر الاول هو المــســتــهلـــك .. طيـــب ليــن مــتــى ؟!

اي مـــكان تــسير ,, اتلاقــي عــنــده شي غـــلى يقـــولك الــبـــترول غـــلى !

الله المسـتــعـــان .. والله يعـــين خـــالد عــلى ما يـــاه ..
و آخر مــا ســـمعته ان خــالد اقــتــرح عــلى مـــرته يـــسيرون يســـكنون في البريمي
و يـــصبون مـــن بــتــرول المــــها .. لأنه ارخـــص :woot:
.
.
.

الــفـــتـــــــى

[الدلووووعة]

تسلم اخويه عالموضوع وصدقك ياخويه الحينه كل شي استوى اغلى عن قبل ويم تقول ليش جي
يقلونلك والله البترول غلى ها الايام انزين يعني الناس ماتسوي شي غير تحصل المعاش من هني ويطير من هني
هب حاله هاي

يالله ماباليد حيله ولازم بنرضى بالقواقع هذا اذا كنا نبا نعيش

والسموحة

[أسرار القلوب]

السلام عليكم ورحمة الله وبركاته

مرحبا أخوي** الفتى ** ...

موضوع مهم لأننا نعاني منه جميعاً...

المشكلة .. أننا نتكلم ولكن لا أحد يسمع حديثنا ... (يعطونا الأذن الصماء :shutup: )

المشكلة... إن البترول ارتفع في أمريكا .. وارتفع عندنا مع أن نحن الدولة المصدرة للبترول ليش ما ادري؟!!:wacko:

والمشكلة ... إن أصحاب المحال التجارية رفعوا أسعار البضائع لأن البترول ارتفع ... ليش؟ كيف بتوصل البضائع إلى المحل؟؟ مش بالشاحنة... الشاحنة ما يبالها بترول!! والبترول مرتفع ,, يعني بتدفعون غصب عن عينكم :fa36:

الله المستعان :sad:

[أمواج]

الله يعينا والله بسبت هالزياااده اللي كل ماقلنا شي قالولنا والله سعر البترووول ارتفع اخاف بعدين يقوولون مهر البنت ارتفع عشان سعر البترووول ارتفع خخ خ خخ خخ

[الجنيه]

كعادتك مبدع يالفتى،،،

صدقت كل شي غلى من يوم غلى البترول ...
ذكرتني براعي الدكان أمس أتصل به وطلبت جان يقولي في درهمين زياده !!!
جان أستوي :fa56: جي شو عندك ليش بعد ؟؟؟
قالي ماما بترول صار غالي
جان أقوله الله يسامحك ...

عنبو ما تم شي على حاله والا يةن سرنا السوق القطع لابجات ضو يا ناس شو استوى شوصار ؟؟؟؟
قالوا البترول غلى ,,,

تحياتي الجناويه

[كـلـكـلـووش]

آخـــر الاخــبــار عن خـــالد . . .

مـــرت خـــالد طـــلبت من خـــالد يويدهـــا اغــلى مــكان في الـــدوله ..

وداهـــا شيـــشة الــبــتـــرول ! :fa56:

======

لـــي عـــوده للـــرد عليــــكم ...

[ذنـيـنـي]

رفيق جيب واحد برياني لحم و ثنين برياني دياي
.

.



.



.


.

واهدّه برياني لهمّه و سنين برياني دجاجّه >> هذا الهندي داخل المطعم

.


.



.



.


و اخيرا وصل البرياني..

- رفيق, كم الحساب؟

- 45

-البرياني قيمته 10, انته ليش تبيعه بـ 15

- كل شي يجي غالي, ايجار مال "مهل" يجي غالي, لهّم يجي غالي
لازم برياني يجي غالي ولا في بند "متأم"

-الله يعينا عليكم

و جان يصك الدريشة, و تم يتحرطم على الزيادة الين ما وصل البيت

[ورديّـه]

المشكلة اللي يريـد يشتكي عليهم ( على الزيادة ) ، أي جهـة يسير ؟! . . ما ندري

ودخيييلكم لو سرنا يمين *إدارة أو دائرة حكومية معينة* بيقولولنا سيروا يسار وهكذا .... :Oo:

يعني مكانك سر , وبتم الحال مايل حتى يعدلون برج بيزا ( :vampire: )
.
.

خير يالفتى غايب عسى ما شر . والعود أحمد

[ديج الفريج]

ذاك اليوم طلبت 2 كرك عطيت الهندي ريال
قال 2 درهم
قلت ليش ؟؟؟؟؟
يت عالكرك مساجين
لا حياة لمن تنادي
خل الغصه بالقلب وصخ

[ورديّـه]

مرة طلبت انا وربيعتي 2 شاي من كانتين الجامعة , طلبوا منّا 6 دراهم . . أنا وربيعتي قلنا بصوت واحد 6 دراهم !!! لول < أول كان الشاي بـ روبية .. > قلتلهم ستاربوكس حضرتكم :tounge: وربيعتي > :fa54:
.
.

[كـلـكـلـووش]

× الـــدلووووعــــة ×

كيكيكيكيك ,, يــا خوج المـــشكله مب مشـــكلة معـــاش ..
المـــشكله اذا استـــمر الحـــال عــلى ما هـــو عليـــه !
ويـــن بنـــوصـــل ؟!
و ليـــن مـــتــى ؟!
تســـلمين اخــتــي العـــزيزه ع الــرد ^_^

× الــفــتـــــى ×

[حبوبه دبي]

:fa56:

ذلـــــــــــونا والله
مـــاصارت !!!!

زادوو المعاشات وزادوو الاسعار قلنا ماعليه :fa55:
والحينه البتــرول وصــار كل شــي ضــوو !!
...

اصبــرو بعد :laugh:
هنــاك المــزيد

والسمــوحه

[كـلـكـلـووش]

× أســـرار الــقـــلـــوب ×

يـــا خوج هالايـــام كــل شي مـــرتبــط بأمريـــكــا !
بـتـــرول - سيـــاسه - اقــتـــصاد
الله المسـتــعان بـــس
شــكرا خــيـتـــو عــلى ردج ^_^