العلاقات الغراميه عبر النت والمسنجر

[كشكوشه]

السلام عليكم ورحمة الله وبركاته ...
هلا اشحالكم .؟؟؟؟.



شو رأيكم بالعلاقات اللي تتكون عبر الماسنجر والإنترنت
هل يمكن إنه يتكون حب صادق؟
بيستمر هالحب وإلا شو؟
مع احترام مفهوم الحب لو سمحتوا
وهالسؤال خاصة للشباب لأنهم هم أصحاب الرأي الاول والاخير
(من غير زعل يالشباب)


اتريا ردودكم
اختكم... كشكوشه

[ملك]

لا يوجد حب عن طريق الانترنت

و لا غيره

وان وجد .. ما هو الا لهو و عبث

و

وهـــــــــــم

اما

الحب الحقيقي فهو

حب الله و الوالدين

والاخوة و الاخوات و الجدين و و و و الخ الخ الخ

:laugh:

و ان كان بين

رجل و امرأة

سيكون في نطاق الزواج فقط

الحب الحقيقي شيء جميل

عالم وردي

و عسى اياكم كلها حب و سعاده

ختكم

::

ام قرنين

:blush:

[خسووفه]

الأخت جودي كلامج يناقض توقيعج

انتقل الى رحمة الله تعالى


قلبي بن حبك بن ميت فيك آل مستحيل ينساك


وسبب الوفاة متولع فيك و هو مرض غريب و قاتل يسمى مرض جنون الحب

شو تفسرين هذا الشي

[ملك]

مجرد توقيع

ممكن بدل ها الكلام

احط اغنية .. حب و غرام ..

وش الفرق ؟؟

و هاذا مسج وصلني .. و يضحك .. و سوالف

و ما له اي تفسير ثاني عزيزتي

:laugh:

[خسووفه]

يعني انتي حاطه توقيع و مش مقتنعه فيه

[ملك]

حاطتنه و مقتنعه



انه صرقعه .. مب شي ثاني ..

و ليش سوء الظن يمكن يكون اهداء لصديقتي .. و الا بنت عمي :fa56:



و الا عمي - وصلني منه -



.. او يمكن ابويه



:ohboy:

[أمواج]

امممممم


موضوووعح حلو ....


امممممممم مافي حب عن طريق النت او المسن بس فيه اعجااااب

مثلا البنت تعيبها شخصيه الريال او العكس
يعني من هالقبيل......

بس مايستمر يعني فتره و يتلاشى هالاعجاب

وإن صار حب عن طريق المسن أو النت ترا بيكوون الحب بين طرفييين مرااهقين >>>> من وجهة نظري يعني كل وااحد يدور شي من عند الثاني وارجع واقووول كل شي بينتهي في فتره معينه \

واوفق اختي جوودي انه مافيه شي اسمه حب إلا في نطاااق الزواااااااااج


والسمووووووووووووووحه

اختكم :: المتفيزره عالعرقووب

[كشكوشه]

تسلمون خواتي على مروركم الطيب ... مشكووووووووووووووووووووور ين
وانتريا آراء الباجيييييييييييييييييييي يين

[ديج الفريج]

لا اتحولون الموضوع جات ترى بغلقه :fa44:

أي قلب خلا من حب الله أو طغى عليه حب فوق حب الله فهو قلب فاسد
والعلاقات هاي مالت يومين
وبعدين تستوي فرقعه وينصدم كل واحد في الثاني
ما أقدر اتخيل اي اثنين يتزوجون عن طريج النت
على أي أساس بيقوم ها البيت ؟؟؟
بييبون عيال يجيتون 24 ساعه :rock:

[بنت الشارقة]

ليش لأ !!..

الحب ما يعرف مكان وزمان ولا اي شي .. الانسان يوم يحب ما يحب باختياره ابدا

وليش ما في حب .. يمكن يكون صادق من الطرفيين ..

مادري هذا رايي .. وكل واحد ورايه :blush:

[البنوته]

السلام عليكم ورحمة الله وبركاته


^__^ إختي كشكـــوشـــــه ^___^


الصراحه موضوعج وااايد حلو ،،،،

الغاليه ، الحب عن طريق النت يمكن ( وتراني حطيت تحت يمكن خط ) يكون مرات صادق ومرات يمكن يكون جذب فجذب او مثل ما تقولون إعجاب ،،
الحب موجود ، وما في حد ما حب ,, بس عامة حب النت ما يعمٍِر . تدرون ليش.؟؟ لإنه مثل ما قالو اللي قبلي ما في حب صادق غير حب الحلال (((( حب الأزواج )))))

هالسالفه تبرر يمكن موقف البعض من حب النت وهالسالفه مستويه ويا وحده انا اعرفها وكل يوم اشوف نتيجة هاللي يسمونه بحب النت

تعرفت عواحد من 3 سنين ـ ـ ـ وتعارفو بس فالنت ـ البنيه ما كنت ترضى انها ترمس فالموبايل اي حد ، بس آخر شئ كلمته ، يمكن لأنها وثقت او إنعجبت فيه ؟ المهم إنعجبت فيه وحتى هوه،، عقب ما تمت ثلاث سنين تكلمه حب وغرام ودنيا وعفســه ،، والوعود اللي ما تخلص ،، فراها فرة الجلاب (( وانتوا بكرامه )) وقاللها انتي ما تنفيعيني

والله يعينها ربيعتي ،، معاناه الين الحينه ، لأنها حليلها صدقته ، بس جد جد اقتنعت انه ما في حب ايي عن طريق النت ، لإنه ما بيكون مبني عاللإحترام ــ، يعني بتكون رخيصه فعين اللي بتكلمه مثل ما هي رخصت فعينه وهداها ..
حبيبـــــــاتي ماشئ حب يسمونه حب النت والمسنجر ،، كله جذب X جذب ،، مضيعة وقت تقليل من قدر وسمعة البنيه ودمارها فقط لا غير

الله يحميكن من هالحركات والسوالف اللي مالها لازمه فالدنيا ،، ويجمعكن بولد الحلال اللي يقدركن ويعطيكن حقكن

قــــــــــــــــــــــــ ـــولن آآآآآآآآآآآآآمين



إختكـــــــــــم


البــــــنـــــــــــــــ ـــــوتــــــــــــــــــ ــــه

[نبراس الليل]

ان كان صادقا فيجب الاعتراف من قبل الطرفين في انفسهم بانه بني على خطأ


واتمنى لهم التوفيق

كثير من هو تزوج ولم يحب زوجته وانتهت العلاقة الزوجية بالطلاق ابعده لاله عن حياتكم
وكثير من هو احب وتزوج واستمر العلاقة قوية ومليئة بالاحترام

وانما الاعمال بالنيات ولكل امرئ مانوى

وحب الله ورسوله هذا شي اكيد ان يكون اول حبنا لله ورسوله صلى الله عليه وسلم
ومن يشك في هذا الامر؟؟

تحياتي
طارق

[مجموعة إنسان]

السلام عليكم ....

مشكوره أختي ~~~ كشكوشه ~~~~ على موضوعج .


انا رأيي ان مافي حب نت أو مسنجر ...
لأن اذا واحد كلم وحدة أكيد راح يكلم وحدة ثانية وثالثة
وشلون الواحد يحب وحدة ماشافها فحياتي
واذا عقب واعدها اكيد راح يقول اذا طلعت معاي أكيد طالعة مع واحد غيري
___

وفي عتب للبنات بعد ___ كيف الوحدة تحب واحد واهي ماتعرفه ؟؟؟
وكيف وثقت فيه؟؟
وكيف طاوعها قلبه ان تطلع معاه ؟؟
ماخافت من عقاب الله ؟!
( ما أختلى رجل بأمراة اللى كان الشيطان ثالثهما ))
وبعدها ما ينفع الندم
.... ولا يغركم معسول الكلام والأدب والأخلاق ترا هذا كله جذب وكل شاب يسوي اللي يباه ويرمي البنت رمية الدمية ....
انتبهوا يا جماعة الخير انتبهوا

[الدلووووعة]

انا من راي انه ماشي حب عبر النت ولا المسن
اصلا اذا واحد رمس وحده عالمسن وبعدين برمسها عالتيلفون وبعدين بيواعدها
وها يرضى انه ياخذ وحده رمته او ظهرت وياه من غير ما اهلها يرضون
وهي اصلا ماسوت حق اهلها حساب ولا خافت
من ربها اصلا ماشي حب باهالطريقة

والسموحة

[بيور]

أوااافقكم الرأي ..(ماشي حب عن طريق النت .. وهالخربطاان ) .. يمكن يكووون الاعجااب موجوود مع كل الاحترااام والتقدير ..

وهذااا راايي..

المتفيجة ...

[حفله]

يعتمد على الشخصين .. إذا كانو واعيين و صادقين و صريحين يصير (بس) ينقصه (شيء) .. وهو الاساس القوي و المتين .. ويمكن يتعوض في فتره لاحقه
( مايصير تبني بناية سالمه و صحيحه .. وأساسها ضعيف ) صح ولالا ؟

[دانة حتا]

كشكوشه انا بعد حطيت نفس الموضوع تقريبا
واقول انه هالحب ماله وجود
وتســـــــــــــــلمين

[الثعلب الرمادي]

الشباب اللي اعرفهم يتسلون بالبنات في المسنجر و اكيد البنات بعد يتسلون معاهم و على الاغلب الطرفين يعرفون قبل كل شي ان هذا تسلية في النهاية حتى لو كانوا يتوهمون ان اللي بينهم قصة حب و البعض منهم مفهوم الحب بالنسبة له هو الجنس لا اكثر و لا اقل ... إذا كانت البنت تتسلى فمحد يمنعها لكن اسوء شي يمكن يصير انها تقول اشياء مب لازم تقولها او تصدق اشياء مب لازم تصدقها .. و هذا رأي

[كشكوشه]

تسلموووووووووووووووووون ع الردود الحلوه
واشكركم ع المرور ... والسموووووحه

[الغزال العنيد]

هالمصخرة واااااااااااااااااااااااا ااايد منها


بس انتو خذوها مصخرة


واتمصخروا عليهم وخاصه اللي يتهادون والله يضحكوني من الخاطر بعد

هههههههه


ادري بتقولون انا حياتي كلها مصخرة

بس بكيفي

كككك

[كشكوشه]

تسلمين ع الرد عزيزتي