كــيف كــان يومــكم يوم وفــاة الوالــد زايــد ؟

[كـلـكـلـووش]

الســـــلام عــــليــــكم


2 / 11 / 2005


أتعـــس خـــبر هـــل عـــلى دولـــة الامـــارات العـــربيــه المتـــحـــده ..




(( زايــــــــــد فــــــي ذمـــــة الله ))




(( الامــــارات بـــــلا زايــــــــــد ))




(( الــــوالد .. القـــائد .. المعـــلم .. فــــي ذمــــة الله ))




كــــيف وصـــلكم هــــذا الخــــبر ؟


و كيـــف كـــان وقـــعه عـــليـــكم ؟




بالــــنسبه لـــي انا ..




هـــذا الخـــبر لم افـــكر فيـــه لــدقيقه واحـــده .. و لـــم اتخــــيل للحــــظه .. انـنـــي من الممـــكن ان اســـمع كـــلمة ( زايـــد في ذمـــة الله ) .. اللـــهم لا اعـــتــراض ..


كــــنت في هذاك الـــيوم في الكـــليه .. و كـــان عــنــدنا افـــطار جمـــاعــي و بعـــد الافـــطار كـــان عــنـدنا دوري بـــلاي ستيشـــن .. قعـــدنا و لعبــــنا ..


دقيقــــتين و لا واحـــد من الـــشباب .. يســـكر التيـــلفون .. و دموع تـــهل من عيــــنه .. و هو يـــبي يخـــبرنا شي .. لكـــن مب قـــادر يوصـــل هالـــشي لنــــا ..

هـــدينــــاه .. و بعـــدها تـــكلـــم و نـــطق بــثلاث كـــلمات هـــزت المـــكان ,,


زايـــــــد عــــــطاكم عـــــمــــــره .. اذكــر الكـــل نش من مـــكانه و مش مصـــدق .. و واحـــد من الشـــباب اتصـــل و بعـــد ما ســـكر و اتأكد من الخـــبر طـــاح مغــشي عليـــه .. و نقـــلوه بسرعه لعـــيادة المـــدينه الجـــامعـــيه




دمــــــــوع .. ظـــــلمه .. ســـــواااااد .. هو الـــشي الـــطاغـــي فـــي ذاك الـــيوم ..



طـــلعت من الـــكليـــه


رديــــت الـــبيت .. اول ما بــطلت البـــاب لقـــيت اخـــتي الـــصغيره يالسه و قالت لي كـــلمتين و هي تـــصيح ( بابا زايــد راح ) جـــان انفـــجر من الصـــياااح و ما رمت ايــود عـــمري :fa43:


كــــان يـــــــوم يطــــغوه الــــسواد .. الامــــارات مــــظلمــــه .. رحــــل الـــرجل الـــذي شع النـــور

فيــــها .. بكــــاء .. حــــزن .. و الشيء الـــذي كــــان طــــاغــــي .. الـــــصــــــــدمـــــــ ــه


فــــلم نتــــصور يومــــا ان تــــكون الامــــارات بـــــلا زايــــــد .. بــــلا القــــائد .. بـــــلا المعــــلم .. بــــلا الـــــــوالـــــــــد


حضــــننا و علـــمنا و اســــكنــنــا .. و فـــعل كــــل شيء لــــنا ..




اللــــهم لا اعـــتـــراض ..




رحمــــــــــــك الله و اســــكنك فــــسيح جـــــــناتــــــك ..




( مــــلاحــــظـــه / اعــتــقــد ان الجـــيل القـــادم ليـــس بمحـــظوظ .. لأنه لم يــــعش فـــي عــهد والــــــدي زايـــــــــد )




لــــن ننـــسى اقــــوالـــك .. فـــهي عــــلامـــة فـــخر نـــضعهـــا عـــلى صـــدورنـــا .. و نعــــلم ابـــنائـــنا

تـــلك الكـــلمات ..




"احذروا يا أبنائي من التيارات المسمومة التي تأتيكم من الخارج ولا تقربوها ولا تعملوا بها .. أعملوا ما ترونه مفيداً وصالحاً للوطن من أجل تحقيق المزيد من النمو والازدهار والتقدم والنهضة للمواطنين والمقيمين ."




كـــل ما اشـــوف شي مـــدهور في الـــدوله .. اتـــذك والـــدي زااايـــد .. اتـــذكر ضـــحكــتــه .. بســـمته .. كـــلامه ..





رحمــــــك الله و اســــكنك فـــسيح جــــانتـــك




http://www.uaeq8.com/images/index1.jpg


http://bukhalifa.com/feeds/zayed.ram


http://bukhalifa.com/feeds/zayed.ram

.

.


الــــفــــتــــى

[أمواج]

لا تقلب علينا المواااااااجع


كنت ويا ربيعتي فالصاله و معاي كتاب الماث عشان بالباجر بيكوون عندي الميد تيرم

ولما طلعت الاخبار عالتلفزيوون استغربت و قلت لربيعتي غريبه جابر عبيد يقدم و من زماان ماطلع يقدم
المهم لما قال خبر وفاة ابويه زايد (الله يرحمه)) اول شي ضحكت مب مستوعبه و عقب ثواني استوعب السالفه سيده جان اركض عحجرتي و بدا النواااااااااااااااح حتى ربعي ماقلتلهم شو السالفه و يسألووني شو السالفه وانا اصييح و بعدين فجأة سمعت صريخ فالصاله و عرفت انه البنات عرفوا بخبر الوفاة :sad: :sad:



الله لايعيد هذيج الايام

[ورديّـه]

في ذاك اليوم ,
الأحد على ما أذكر 2 / 11 / 2004 يوم اذاعة الخبر (سبحان الله الايام مشت وبنكمل سنة عقب كم شهر!)

أولاً : قريت الخبر كـ عنوان فالواحات "الله يرحمك يا زايد" (بعدني اذكر المسافات الطويلة في العنوان ويوم كان يمشي فالخانة فوق) استغربت قلت شو هالفال!!! عصبت تحريته اشاعة . وقبلها شفت القرآن في قناة بوظبي/الامارات واستغربت شو السالفة للحظة . . كنت اول وحده تعرف فالبيت كله , يوم لا يوصف , ثقيل بمعنى الكلمة .. حتى يوم نشيت اليوم اللي بعده حسيت اني فـ حلم هب مستوعبة ان زايد راح

كنت أول مرة اصيح على ميت ذاك اليوم مثل الياهل , حتى الباقيين .. بس ما اعرف شو كان موقف اخواني .. بس اذكر من فترة قريت في دفتر عند اخويه يكتب قصيد، كتب قصيدة عن ذاك اليوم المؤسف وشعوره انه فقد والد و قائد مسيرة عزيز عليه

كان يوم غريب !! غريب غريب . .
كل المفردات الحزينة انطبقت على ذاك اليوم

شفت يوم نكسوا العلم في الكاسر الساعة 12 في نفس اليوم
والظلمة تعم شوارع بوظبي ومحلاتها اللي ع الشارع وعمايرها كلها
.
.

- اذكر مرة كتبت هنيه فالواحات وقبل وفاته الله يرحمه،
قلت "نحن جيل محظوظ عايشنا عصر بابا زايد . . "

- ورجال الدين قالوا انّ كل 100 عام شي رجل يكون من افضل رجال العصر وخيره يعم على المشرق والمغرب , وكلهم اتفقوا على انه هو الشيخ زايد - الله يرحمه ان شاء الله -

الحمدالله على كل حال . . ونعم , كان يوم غريب ومظلم
شكرا ع المساحة اللي عبرنا فيها شوي عن ذاك اليوم , يوم صار زايد في ذمة الله

[بلوة حلوة]

كـان يوم .. مـر جنه 100 يوم !!
.
.
فـ ذاك اليوم ..
والمغـرب بالتحـديد .. اتصلت بي ربيعتي ترمسني وهي مويمه
عقب خبرتني .. جذبتهااا .. حطيت بوظبي .. وخواتي وياي .. تميت فاجه عيوني
منصدمه .. هب مستوعبه الي يصير .. ومن زود الصدمه دمعه من عيوني مانزلت
حتى مب قادره افكر فـ الموضوع ..
عقب وعـت وحدة من ربيعاتي من رقادها ودقت تتأكـد قلتلها هي .. وكنت عااديه
فـ الليل تمـيت اصييييييييح وايد .. صياح اليهـد ع قولتهم ..
حسيـت اني ابى اروح بوظبي .. مادري ليش ..
.
.
متخيـل الشواارع كلها سكووون .. وقـت "شاحب" ..
هدوووء مش طبيعي .. أقـوى قلب .. صااح هاك اليوم ..
العـالم كله حـزين .. محد ينكر هالشي .. !
ولليـوم مب مستوعبه انه بتمر سنة عقـب شهر شهرين !
.
.
بس الشي الغريب .. ان مع الايام حزنا يكبر
يعني من ينطرى اسمه عادي تدمع عيونا عـ طول .. وقبل كنا نحس بحزن بس !
.
.
والله مش طبيعـي ..
الله يرحمـه .. ويجعل مثواه الجنـه ..
شكرا ..
التصميم فظييع

[بلوة حلوة]

missinG zayed walla )=

[العجيبة]

صعــب والله ..!

كــان يـوم صعـب بكـل ما تعنيـه هالكلمـه :sad:

في ذاك اليـوم ( اللي هـو الثلاثاء يا الوردية )

يالسـة في الصـالة أشـوف مسـلسـل " عباس الابيـض في اليـوم الأسود "
على قنـاة دبـي ، فجـأة انقطــع المسـلســل

قـــرآن ..

غريييـــبــه .. شـو صــار ؟

دقــايــق وويــه علـي خليفــة يطل في الشاشه ..

ما انتبهــت لكـلامه كثـر ما انصدمـت من اللي مكتــوب .. " زايـد في ذمــة اللـه "

صـدمة وذهــول ..

معقـــوووولـــة !

ما صــدقـت وتميـت أراقب التلفزيــون أنتظـر علي خليفة يظهـر مرة ثانيـة !

دقايـــق والخبــر ينعـرض مرة ثانيـة !!


دمــوووووع وبكـــاء .. حـــزن وأسـى

هذي حالتنــا في ذاك اليـوم ..

بس القــدر مكتــوب .. والأجـل محتــوم

من بعـده .. أنا خـايـفـة من بـاجـــر :sad:

لأن كـل يوم يمـر من بعـد وفاته ننصــدم بأشيـاء ما صـارت وهـو حـي

الله يرحمه ويوسع عليه قبـره ويغفــر له ان شاء الله

كـان وما زال حبـــا رسمه التاريخ في قلـوبنــــاااا ..



شكـرا أخوي الفتـى على هالمـوضوع .. فرصه وفتحتهـا لنـا .. الله يرحمـك !

http://bukhalifa.com/feeds/zayed.ram

[الـيـاه]

كنت يالسه فالصاله ومادري عن شي لاني مب مشغله التلفزيون وموبايلي فالحجره
قلت خلني ادش الواحات شويّـه < وأول ماحدرت جفت > زايد في ذمة الله :sad:

ماصدقت !!

لانه قبل كمن اسبوع كانوا يطرشون مسجات ان الشيخ زايد توفى ..
وكانت ( إشاعه ) فـ سيده قلت :fa44: اففف شو الناس ؟ وأنا محرجه

دخلت الموضوع وجفتهم كاتبين بمعنى أن الخبر موثوق وأعلنته قناة الجزيره
سيده ركضت وبطلت التلفزيون طلعتي دبي - قرآن - لالا جذب بوظبي - قرآن -
:fa36: وبعدني مب مصدقه .. أغير و أغير كله - قرآن -

سيده انفجرت من الصياح
وألا أبويه توّه ياي من صلاه التراويح ويشوفني اصيح فـ صدق زاغ
زخني من جتفي وتم يهزني < بلاج امايه بلاااااج > وانا مب رايمه ارمس :fa52:؟

اخر شي قلتله : الشيخ زايد مات
صخت به الدنيا ويته الغبنه وتم حاضنني ووداني داخل وهو يدعي ويوّحـد الله


-- صدق أن الزمن ماياب من مثلك يا زايد --

الله يرحمه
ويسكنه فسيح جناته

.
.
.

[كـلـكـلـووش]

شـــكرا للـــمـشــاركـــة . . .

كـــلمات كتبـــتها انــامــل صـــغيره ..
أنـــامــل حـــزينه عـــلى وفـــاة الــوالــد زايــد رحمـــة الله عليـــه ...

ميـــثـــه .. طفـــله صـــغيــره كـــتبت كـــلمات بعـــد ان وصــلها خـــب وفـــاة زايـــد رحمـــة الله عليـــه ..

أتـــرككـــم مــع الـــكلـــمات . . .



بابا زايد أنا أحبك ،بابا قالوا إنك سرت عنا وما راح ترجع ولا راح تكلمنا ولا تسمعنا ولا تعلمنا ،بس بابا أنا أحس إنك تسمعني ،أنا أدري ومتأكدة بعد، إنت بس راقد عند الله في الجنة لأنك مسلم طيب تساعد المسلمين وتحب الأطفال والمسلمين وتحب الفقراء والأيتام ،وما تحب تشوف أي أحد يبجي ويتألم ،لأنك حنون مثل أمايه وأكثر بعد منها ،حبيبي باباه والله راح أذاكر،راح أحل واجباتي وراح اقرى الدروس، أحلف لك راح أصير أحسن مهندسه لدولتنا الإمارات العربية المتحدة عشان أخليها أحلى وأحلى وأحافظ عليها مثل ما إنت تحافظ عليها ،بابا راح أسمع كلام امايه وابويا والمس عشان لما بشوفك في الجنة برمسك عن إلي سويته للإمارات الي تحبها ،بابا ليش رحت عنا راح
أغني لمن؟ وأرسم صورة من؟ وأبوس من؟ ،أنا ما اعرف أرسم شي ثاني غير صورتك ولا اعرف اغني إلا اغاني عنك ما حافظه شي ثاني ،باباتي إرجع الله يخليك إذا ماراح ترجع إخذنا معاك إحنا نحبك ونباك تكون معانا ..
بابا تعرف شو سويت بيوم الجنازة ؟ رحت أصلي مع ماماه ونقرى القرءان في المسجد علشانك ،ماما قالت لي إنت تحب الأطفال إلي يقرون قرآن علشان جيه أنا كل يوم راح أقرى قرآن ،وقالت لي بعد الي ينام مبجر يحبه بابا زايد بس أنا ما قدرت أنام عشان قالو لي انك رحت عنا ،يلست أفكر وأفكر وايد لين ماتعبت ورقدت وحلمت إنك معانا تضحك وتلعب وتلون معانا ،حتى سألتك وقلت لك بابا إنت مو ميت ؟ قلت لي لا أنا معاكم أنا أحبكم ،كيف أتركم ؟

بابا الحين بسير أذاكر وبرمسك باجر ..مع السلامه .

أنا ميثه بنت زايد


دمـــعت عيني بعــد ما قريـــتها :sad:

الله يـــرحمــــك يا بويــــه

[حفله]

مايموت الي ترك خلفه رجال

مايموت الي مثل زايد يكون

مايموت الخير مع حسن الفعال

والملا له يدعون ويشكرون

god bless his soul

[شوق القلوب]

نبشت جرح بعده ما ألتئم.. يالفتى..

. .

ربي يرحمه..

[كـلـكـلـووش]

شـــوق الــقــلــوب ..

مــا اظــن يـــلتم يـــا خــــوج !

[هزاايم]

أحيد كنت أنا والوالده ويا خواتي واذكر الإبتسامه إلي كانت تشع بويه ولد إختي سبحانك ربي كان زااخ العلم وينشد نشيد الوطني وكنت اصوره
قاعدين نشوف صلاة المغرب بالحرم ويوم خلصت إختي جلب عالكويت وقامن خواتي عسب نصلي الجماعه التراويح غلا اسمع اختي تتنهد و تقول إنا لله وإنا إليه راجعون والكل خااف وخاصة إن كنا نمر بظروف وهي طيحة كبير العايله بالمستشفى قصدت صوبها إلا اقرى إلي قرتها الشيخ زايد بن سلطان في ذمه الرحمن إلتفت الدنيا فيه واشوف ولد إختي يقبل علي يقولي احب بابا زايد مني الدموع سالت وخذيته بحضني والكل مش مستوعب
رحل زايد بجسده لكن عايش معنا بمواقفه
عسى ربي يجمعنا معه
وهذا الجرح إلي جرحنا
ويزيد تعذيبنا يوم طفل بهالعمر "3 سنوات"يذكر الوالد بالحب والخير

[الهيثــم]

. . وعليـــكم الســـلام . .

كنـــا فـ أفضــل الأيـــام . . وأفضـــل الشهـــور

كنــــت فـ المسيـــد أصلــي التــراويـــح
ظهـــرت من المسيــــد وكنت أتمشــى ويا الوالـــد

شفـــنا واحــد يرمـــس فـ التلفـــون .. سلــم عليــنا وقـــال :

عظـــم الله أجــركم فـ الشيخ زايــــد

وقف الدم فـ جسمـــي من الصـــدمـــة . . مـــا حسيــت بـ شي
كنــــت مثـــل التـــايه ، رد أبــوي وسأله مرة ثـــانية وهو مب مستوعب إللي صــار

كيــــف !!

رد عليـــنا وقـــال :

الشيـــخ زايـــد عطـــاكم عمـــره

...

فتحنـــا الإذاعـــة .. اتأكــدنــا من الخبــر .. لحظـــات من الصمــــت
كل منـــا يستعيــد الذكــريـــات ، كل منـــا يشوف صـورة زايــد جــدامه

كنت أحـــاول أنطــق بـ كلمـــة .. لكن عجــــزت

مـــا توقعـــــت هـ اليـــــــوم !!

مـــا توقعـــت إني أشوف التلفزيـــون وهو مكتــوب فيــه

خبرعــاجل : انتقل إلى رحمـة الله صاحب السمو الشيخ زايد بن سلطان آل نهيان - رئيس الدولة

كـــانت فعـــلا ً صــدمة لي ولكــل أبنـــاء شعـــب الإمـــارات
ولكـــل مقيـــم على هـ الأرض الطيبــــة والأمــة العربيـــة والإســـلاميــة

فقـــدنـــا أب عــزيز وغــالي
فقـــدنـــا معلـــم وقـــائد
فقــدنا أغلى إنســـان فـ عصرنـــا

فقـــدنـــا زايـــــد

شفـــت مقــاطع فيــديــو للشيــخ زايـــد . . والله ما أخفــي عليـــكم إنه عيـــني دمعـــت
فـ رحمـــــك الله يـــا زايـــــد

أحببـــتنا فـ أحببنـــــاك

وعلمتنــــا كـ أبنـــائك
فـ أصبــــحت أنت الوالـــــد . . والقـــــائد . . والمعلـــــم

فــ رحمـــك الله يــا والـــدي زايـــــد
وأسكنـــــك فسيــــح جنــــاته مع الصــديقيــن والشهــداء والصــالحين
وحسن أولئك رفيــــــقــــــا ً

إن العيــــن لـ تدمـــع ، وإن القلـــب لـ يحزن ، وإنـــا على فـراقـــك يا زايــد لـ محزونــون

بــــن زايـــــد
خـّطاب

[الدلووووعة]

صراحة كان يوم صدق صدق اخس يوم بالنسبة لي

بعد مافطرت وخلصت وجي يلست ويا اخ انهي وبعدين قلت بحدر النت
ودخلت المسن ويلست ارمس بنت عمي ودق سوالف وبعد على ماظن رمسنا عن ابونا زايد اللله يرحمة
وماشوفلكم إلا وحدة من ربعي دخلت وتمينا نمكمل سوالف وبعدين جان تقولي اربيعتي ان باب زايد مات
انا هني فجيت عيوني :shocked: اقول هاي شو تخرط خلبه شو جان اقولها اقولج لاتجذبين(وانا بعدي هب مصدقة )
جان اسأل بنت عمي قلتها اقولج اربيعتي تقول انه باب زايد مات وبنت عمي قالت لا امنو قاص عليها جان اقول لربيعتي لا هب صدق قالتلي والله العضيم انه الخبر صدق واذا هب مصدقة سيري حطي الجزية وانا قلتلها اوكي لحظة وسرت اربع وجان انخرط ماهمني اللي استوا بي المهم ابا اتأكد من الخبر ويو حطيت الجزية ولا صدق الخبر جان ارد اقول لبنت عمي هي الخبر صدق وجان اظهر من النت وسرت يلست فالصاله وماروم ارمس والله انه من الصدمة مانزلت دموعي بعدني ماكنت مصدقة واخويه الصغير يرمسني يقولي بلاج مارمسة كنت صاخة وجان تيلي بشكارتنا وكانو اخوانيه محطين قرأن فالتلفزون ومحطين صورة الشيخ زايد جان تقولي باب زايد موت انا مارمستها بس هزيت راسي بنه هي صدق وهي على طول صاحت واخويه الصغير يوم عرف بعد صاح وانا بعدني هب مصدقة ويوم استوى اليوم الثاني وكانو بيدفنونه اهني انا خلاص قلت حق امي واخوانيه خلاص شيخ زايد راح وشفت منظر الشيخ محمد بن زايد جان ايلس اصيح والبتاني اللي كان يفخ راسة فاليدار بعد هني وايد تأثرت بها الموقف وبس كان يوم لاينسى ابد ومحد يروم ينساه


الله يرحمك يابونا زايد ويغفر لك وان شاءالله تكون من اصحاب الجنه
ويارب اعسله بالماء والثلج والبرد ونقه من الذنوب والخطايا كما ينقى الثوب الابيض من الدنس
يارب العالمين

[مزيونه العرب]

هذاك اليوم النحس
بعد صلاة المغرب كنت قاعده فحجرتي وبعدين يت امي تسألني إذا بروح اصلي معاهم صلاة التراويح في المسيد وإلا لا انا قلتلها ما بيي اليوم لاني كنت تعبانه المهم بعد ما راحو قوم امي المسيد يت اختي الصغيره تقولي انه اربيعتي متصله تباني ضروري المهم انا رحت بسرعه برد عليها اول ما تكلمت قالتلي الشيخ زايد توفى انا حرجت عليها قلتلها لا تستهبلين "ما كنت مصدقه" بعدين قالتلي إذا ما تصدقين افتحي التلفزيون انا بسرررررعه فريت السماعه وفتحت التلفزيون وإلا بالخبر منشور
خبر عاجل الشيخ زايد انتقل الى رحمة الله
انصعقت وكانت صدمه كبيره علي في نفس الوقت اخوي رجع من الصلاه ويجوفني واقفه وما اتكلم والدموع في عيني يكلمني وانا في عالم ثاني عالم اسود عالم مظلم من غير زايد رحمه الله
بعدين اخوي قعد يقرى الخبر في التلفزيون وتم ساكت وانا على طول رحت حجرتي وتميت اصيح :fa43:
كان يوم نحس عند كل المواطنين.. الإمارات كلها اظلمت اعتمت بالحزن والسكون
اثر الصدمه كان كبيير على اهلها
اللهم ارحم زايد
واغسله بالماء والثلج والبرد
اللهم اسكنه في جناتك
جنات الفردوس يا رب العالمين
اللهم نقه من الذنوب والخطايا
كما ينقى الثوب الأبيض من الدنس
اللهم استجب
اللهم آآآآمين آآآآآآمين

[فركوشه]

كنت فبيت خالي

قاعدين نسولف ونرمس

وكان التلفزيون شغال ع قناة الكويت فجأه نشيت وقلت شوها خل اغير القناة

واشوف الدنيا شو صار فيها حطيت دبي قران جان اقول واحد من شيوخ دبي متوفي الله يرحمه

وعقب حطيت بوظبي نفس الشي الشارجه, الامارات ,عيمان بعد نفس الشي امييه شو صار

قلت لا محد بينفعني غير الجزيره وجان اقرا فالشاشه زايد في ذمة الله

صخيت (انا من النوع اللي ماعنده ردة فعل بسرعه) جان اقاطع قوم عمتيه واقول لهم زايد في ذمة الله

الكل صخ عقب دقينا حق عميه وخبرناه السالفه وعلى طول سار بوظبي طلبوه طواري وما كملنا

الحواطه

ردينا البيت وخبرناهم وعقب صحت

صحت من الخاطر

لانه ابوي توفى

الله يرحمك يابوي

..

[أمطار]

ينكسر القلم وينتهي الحبر يوم نبا نكتب شي عن الوالد ،،
فقدت التعبير. . .
:fa43:

~أبويه .. لبي ندايه - في الفواد لـــــــوووعة ~

أبــــــــــــويه. . .!!
. . .وينه أبويه ؛ وأذني تنتظر منه كلمة .. يالبيه

أبــــــــــويه. . .!!
. . .في الفوااد لـــوووعة ما قد عرفتها

يا أبوووي. . .
. . .لا تشمـّت فيني العذال وتخذل ندايه

يا أبـــــــــــــــــــــــ ـووووي. . .
. . .وينه صوتك ؛ لي سمعته له الكون يطرب

.
.
. .


يا أنـــا يا أبـــــــــوي لك مشتاااق ،،
. . .وكل لحظة يزيد الشـــــوق

معي حبك وســـــــــط الأعماااق ،،
. . .وحيد ولا معك مخلوق

وأنته الشمس والمشـــــــراااق ،،
. . .فداك العمــر أسوقه سوق

وما أقوى البعــــــد ولا الفرااق ،،
. . .يحـــلّ الضيق بي والعوق

~*~

فدااك العمـــــــــر أسوقه سووق
فدااك العمـــــــــــــر أسوووقه سووووووق

وليتني قدرت أفديه بعمريه ،،
- اللهم لا اعتراض على قضاءك -

استغفرك اللهم وأتوب إليك،،
استغفرك اللهم وأتوب إليك،،
استغفرك اللهم وأتوب إليك،،


يا بـــــــــــــــــــووي . . .
. . .من أشكي له همّ دار ٍ عشقت ترابها وعشقتك بكل من فيها. . .
؟!؟؟!؟
:sad: