مشاهدة النسخة كاملة : آآآسف ... اما الدفع أو السجن
ديج الفريج
12-09-05 ||, 09:13 PM
:inlove: السلام عليكم ورحمة الله وبركاته :inlove:
طبعا كلنا شفنا وسمعنا قصة سليمان في أخبار الامارات ؟؟
ومثل قصته وايد
ومثل حالته في السجون أكثر
لكن سؤالي ....
اذا كان سليمان وغيره من الناس دهسوا شخص بالغلط في مكان غير مخصص للمشاه
ليش عليه يتحمل المسؤوليه ؟؟
وليش السجن بعد
وينتهي مستقبله وسمعته
وخاصة اذا كان يعول عايله ؟؟
أنا سمعت ان في الولايات المتحده الأمريكيه ما يعاقبون الشخص اللي يدهس في المكان غير المخصص المشاه
وفي ولايات ما اتييب الاسعاف عشان اتشيل الميت ببلاش لأنه ما مشى في المكان الخطأ
ليش ما انحط قانون صارم مثل تايلاند
وقفني الشرطي وقال لي عليكم مخالفه بقيمة 500 لأنكم مشيتوا في مكان غير مخصص للمشاه
غياب القانون خل الكل يتلاعب
الشاحنات تاخذ الطريق السريع عاكيفها
والناس والسياكل في وسط الشوارع عاكيفهم
والشحانات تتمشى في الفرجان اللي فيها الأطفال
والشرطه ...
اتيمع بيزات من الرادارات
اسمحولي الصراحه صعبه لكنها حقيقه
ورديّـه
12-09-05 ||, 09:58 PM
كنت ويّا الوالد فالموتر صوب شارع السلام . تخيلو اللفة يميييين ( قصدي اللفة يمين الاشارة ) واحد عربي وافد كان يبا يمشي هناك ! .. يعني جدامنا > في ويه المدفع < قصدي في درب السيارات !!
كيف ياخي , انت مينون؟ الله يعين بايعين عمرهم
وشو سالفة سليمان . هب *كلنا نعرف طبعا* . . !؟
ذنـيـنـي
12-09-05 ||, 10:57 PM
كلهم في صوب و الي يراكضون على الخطوط السريعة في صوب
يعني احيد من سنه تقريبا كنت ساير ويا الوالد ابوظبي
و كنت اسوق 170 تقريبا و تفاجأت بجيش من الهنود "انتحاريين" يركضون في الشارع و ماخذين 3 سيدات يعني ما اقدر اتجاوزهم لا من اليمين و لا من اليسار
ما كان عندي حل غير اني ادح بريك كامل و اضرب اربع اشاير حق السيارات الي وراي
كان هالموقف من اغرب الاشياء الي شفتها من يوم بديت السواقة
و عن الريال الي تقول عنه, انا بصراحة ما سمعت سالفته
لكن مثل ما تفضلت
لازم وزارة الداخلية تحط قانون "صـارم" للمشاة لأنه الجماعة عندنا واااااايد مستهترين و "انتحاريين"
دقني بنقع
12-09-05 ||, 11:30 PM
مسكين والله سليمان .. ويزاه الله الف خير الي تكفل به ...
والله يا ديج .. اقترح على الشرطة وقلهم بتيمعون بيزات لو خالفتوا الجماعه ( قصدي الهنود) الي يراكضون في الشوارع .. ولا الي ما يمشوون على خطوط المشاه .. صدقني يوم بتيبلهم طاري الفلوووس من باجر بيطبقووون القانون...
أمواج
12-09-05 ||, 11:38 PM
أبا ااعرف سالفة سليمان ؟؟
المقاتل
14-09-05 ||, 02:20 AM
:fa42: إذا أردت أن تطــاع فأطلب المستطــاع
ولا حياة لمــن تنـــادي .. :fa34: والشرطه حدث ولا حرج
يوم ر ا ع ي ه ا ح ر ا م ي ه ا
:tounge: صح ولا لا ؟
الله يكون في حال الجميــــع
أمواج
14-09-05 ||, 02:29 AM
ماشالله عليك يالمقاتل ماخليت مثل .........
شوق القلوب
14-09-05 ||, 04:50 AM
الســـلام عليـــكم..
وياك حق يا بو شمه..
الشرطه اتخالفك.. و الغلط مب عليك..!!!!! أي عداله يالسين يحققونها..؟؟!!
..
الحادث اللي صارلنا من فتره .. هندي ركض جدامنا على خط سريع..!! و آخرتها.. الغلط علينا.. :Oo: واذا حد اتفاهم وياهم.. يقولون .. خلاص شي طبيعي انه اذا صار دهس.. يرجع الغلط على السايق..!!
قوانين عجيـــبه..!
..
الله يصلحهم..
عنود الريف
14-09-05 ||, 03:24 PM
كلامك صحيح اخويه ديج الفريج ..
بس لا حياة لمن تنادي .. منو يسمع ؟؟
الغلط على السايق سواء كان ظالم او مظلوم ..
الله يعينهم ..
والحمدلله سليمان حصل له ايد بيضا تنقذه وترده بلاده ..
انا بخبرج المتفيزرة عن سليمان ..
سليمان أردني الجنسية ..
داعم ريال وكانت عليه الدية وهو ما عنده 200 ألف يدفعها لاهل الميت ..
وانحبس في السجن فترة .(( ما اذكر كم بس يا سنه او سنتين ))
وعقبها حد دفع عنه 200 الف وطلع ورد بلاده ..
وحليله لو شفتوه يوم حاطينه في اخبار الامارات .. كيف كان فرحان انه بيرد لبلاده وعياله ..
فالله يفرج عن المظلومين ..
في لندن يخبرني اخويه ..
ان مب السايق اللي يدفع الديه .. المدعوم يدفع ..
فيقول .. تلقين فجاة اي حد لاف عليج وانتي تمشين في الرصيف بس عشان البيزات ..
يعني في اماكن قوانينها تعبانه .. وفي اماكن ثانية .. قوانينها عادلة .
فالله يكون في العون ..
والسموووحه
الوحيدة
14-09-05 ||, 04:52 PM
هيه صح كلامك..
هو شو ذنبه يوم الحرمه نطت جدامه..؟؟
ويعني هي الغلطانه..
المفروض الريال ما يتحاسب..!!
بس المفروض شي والواقع شي ثاني..!!
الله يعينه..!!
العجيبة
14-09-05 ||, 06:26 PM
السـلام عليكـم ورحمة الله وبركاته
اممم
وفي ولايات ما اتييب الاسعاف عشان اتشيل الميت ببلاش لأنه ما مشى في المكان الخطأ
بسنـــــــاااا والله بسنـــا .. يكفــي نهـب !
حتـى الميـت ما بيســلم من هالنهــب !
أول شـي أبا أصحح قصـة الأخت عنود الريـف عن سليـمـان
سليمــان مـواطـن إمـاراتـي ابتـلاه الله بإعــاقة في فواصـله ،
في يـوم كـان ظاهـر من بيـته عـلـى أساس يدور على لقمـة عيش له ولأسـرته
اللـي كـان فيهـا اثنينه من إخوانـه يعـانـون من نفس الاعاقـة !
فجـأة وهـو ماشي بسيـارته " يسـوق يعنـي " ، كتبـت له الأقـدار يدهـس إمرأة آسيـوية الجنسيـة
وافـتهـا المنيـة على أثـر دهس سليمـان لها بالسيـارة ..
في قسـم الشـرطة قبع سليمـان في سجنهم لمـدة شهـر إلى أن خـرج بكفـالة ، ومطلوب منه دفع الديـة الشـرعية اللي كان مقـدارهـا مئة ألـف درهم ..
عرضـوا قصته في أخبـار الامـارات لتمتد له الأيادي البيضاء وتفـرج كربه ، وهذا اللي صـار ..
القصـد من القصـة : إنه يا ناس يا عـالم انتبهـوا وانتوا تسـوقون
ويـا ناس يا عالم اللي حـاطين الشـوراع كنهـا حوش بيوتكـم اعبـروا من الاماكن المخصصة للمشاة
آآآخ .. تعبت !
المهــم .. أن أقــووول لو يســون مناطق عبـور المشـاة اللي يا انهـا تكـون جسـور من شارع لثاني
أو أنفـاق تحــت الأرض من شارع لثاني .. ، واللي يمشـي في الشارع ويندعم هـو اللي تتم مخالفته !
والله يرحم الجميع
شكـرا
سفير الخيال
14-09-05 ||, 11:11 PM
والله صـــدقت يــــا خويه :sad:
في قوانين المفروض إنها اتكون موجوده مع إن الناس في امس الحاجه لهذا القانون لأن الكل قام يلعب على كيف.. ولا رقيـــب ولا حســـيب..
المرور ما همهم إلا الرادارات والمخفي أما باقي القوانين للأسف ما تتطبق ولا تظهر في اللوائح حتى :fa36:
تسلم عزيزي على الموضوع القيــم جدا
ورديّـه
15-09-05 ||, 12:13 AM
شرطة المرور او النجدة لـوو تخالف هالـ ( متسيبين ) مخالفة مشددة ، جان شوي خف الموضوع واصطلبوا ..
وعلى قولت المثل : اضرب المربوط , يخاف الحُر ! ( يعني يبالهم عبرة وحده بس )
ديج الفريج
15-09-05 ||, 01:43 PM
السلام عليكم
أشكر كل اللي شارك في الردود
وكلامكم اخواني صحيح
وصح لسانكم :fa35:
الاخت عنود ..
سليمان شاب مواطن ومصاب باعاقه في المفاصل
العجيبه
أنا ما قول انا انهد الميت مثل القطو في الشوارع ينطحن
لكن نبا صرامه في القوانين لان الموضوع فيه أرواح
ولا ... أخالفج الراي
الشوارع أبدا مب مثل الحوش
في أماكن حاطين فيها سياج عشان الناس ما يكون لهم مجال انهم يعبرون الشارع
وبعد تتفاجأ فيهم يعفدون من فوق السياج
لا وبعد يطيحون لك تحت تاير السياره
وفي شوارع سريعه وعباره عن خمس مسالك " سيدات " وبعد يركضون
هذا متى تبينه يوصل الشط الثاني ؟؟
جان اتجاوز سياره ولا ثانيه
أكيد الثالثه بتدهسه
لكن حسبي الله عليهم
وينج يالبن قولي سالفتج للمستمعين؟؟
بس أسألج يالعجيبه ؟؟
لو لا قدر الله دعمتي وحده وما استوابها شي
وهي اللي عقت عمرها جدامج
وقالت لازم اسوي لج قضيه
تعرفين لواته تبا بيزات
ترضين اتسيرين وراء القضبان وانت بنت ناس وأخص بالذكر بنت ؟؟
محد يرضى على أهله
أي قانون هذا اللي ما يحترم العادات والتقاليد ؟؟؟
عجيييييييب يا عجييييبه
واختلاف الراي لا يفسد للود قضيه
فسامحيني ان خطيت :laugh:
عنود الريف
17-09-05 ||, 01:37 PM
السموحة على المعلومات الخاطئة ..
بس احيد ريال اردني صارت له نفس المشكلة وحطوه في اخبار الامارات ..
فاحيد انا اسمه سليمان ..
ما عليه ..
السمووحة منكم
ابن الخطاب
21-09-05 ||, 11:44 PM
بسم الله الرحمن الرحيم
للأسف الشديد نحن مجرد شكليات ، دوائرنا الحكومية تطبق أعلى معايير الأمن والسلامة ، مرورا بشرطة دبي إلى هيئة الكهرباء وغيرها للحصول على شهادة الآيزو خمس نجوم .
لكن مجرد شكليات ، حصل الشهادة وكل شيء يولي سواء موظفين أو غيرهم .
وهذا مثله مثل ما صار مع أخونا ، وللأسف الشديد تلقى الهندي مثلا الشارع اللي يمشي عليه من أوله لين تاليه كله نخام .
الإشارة تخضر وهو حضرته يترنح في مشيته لين يعبر المشاه ...!
في الدول المتقدمة مثل ما أشاروا الأخوان ، اللي يعبر الشارع في مكان غير مخصص للمشاة يعاقبه عليه القانون .
واللي ينخم (تكرمون) يعاقبه عليه القانون .
لكن عندنا نحن مجرد شكليات .
موقف صارلي قبل أربعة أيام :
كنت رايح صوب شارع خالد بن الوليد اشتري حاجيات ، واكنت زوجتي معاي .
ونحن راجعين وقفنا على إشارة للمشاة ، تقريبا على نفس الشارع ، مروا الناس ، واحمرت إشارة المشاة (ممنوع مرور الناس ) ، وطبعا لما تحمر هذي الإشارة بعد ثواني تخضر الإشارة الرئيسية .
وواحد هندي ، الحبيب ماخذ راحته في المشي وهو يعبر المشاة ، قلت لزوجتي : الحبيب هذا يبغي يندعم ،
اخضرت الإشارة ، دعست اشوية على الريس ، ولا أسمع صوت حادث ، صديت يسار ، أشوف ريال يطير في الهوى وطاح تقريبا تحت تاير سيارتي .
وطبعا نعاله مكان ، وأغراضه مكان ، وهو مكان .
وطبعا الغلطة راح تطيح على صاحب السيارة ...!
ديج الفريج
22-09-05 ||, 12:26 AM
عنود الريف
خذي راحتج
كلنا نخطي :blush:
ابن الخطاب
السلام عليكم
يا امطول الغيبات
كلامك ضحكني
وذكرتني بالبتان اللي اييبون 20 ياهل ويفرون واحد ولا انثنين في الشارع عشان يحصلون عالديه
ورديّـه
22-09-05 ||, 12:29 AM
الله يحفظنا من يْـنُونهُم !
ديج الفريج
23-09-05 ||, 12:17 AM
آميييييين يا الورديه
ابن الخطاب
23-09-05 ||, 12:21 AM
بسم الله الرحمن الرحيم
مطول الغيبات صحيح ، وانت أدرى ليش ، ولا شو رايك :)
ديج الفريج
23-09-05 ||, 12:28 AM
الحمد لله عالسلامه
والله مكانك فاضي :fa36:
مادري ليش
بس يغلب علي الظن
انك مثل ولد اختي المسجين
من ياله هالولد وهو مختفي من الوجود
يقولون انه ما يروم يفارق ضناه
شو شعورك كأب ؟؟؟؟
مسؤوليه صح ؟
ابن الخطاب
23-09-05 ||, 12:35 AM
بسم الله الرحمن الرحيم
صح مسؤولية لكن مب هذا السبب ، الواحد قد ما يقدر يرتب وقته .
ما وصلك الخبر أمس ...؟
شكلك نساي وايد .
ديج الفريج
23-09-05 ||, 12:58 AM
لأ مب نساي
الحمد لله عالسلامه
ومشكوووور وايد عالبحث
الله يعطيك العافيه
ابن الخطاب
23-09-05 ||, 01:01 AM
بسم الله الرحمن الرحيم
وين راح بالك ...!
ديج الفريج
23-09-05 ||, 02:00 AM
والله يننتي
لا ترمس بالالغاز
شو السالفه
طرش عالخاص:wow: