الطريـ ـ ـ ـ ـقـ ـ ـه الغجريـ ـ ـ ـه

[أمواج]

السلام عليكم ورحمة الله و بركاااته:

شحالكم ... كلن بحــــاله؟؟
علووومك عساكم بخير و سهاله؟
اخبار الدراسه ؟؟ انشالله امشييين حالكم؟؟:fa42: :fa42: :fa42: :fa42:


احم احم . . . شو كنت بقووول ... هيه تذكرت
..
بغيت اطرح في هالموضووع مشكله وايد اعاني منها :wacko: :wacko: :wacko: ومب بس انا .. واااايدات يعانن مثلي وخصووصا طالبات جامعة الامارات :fa52: :fa52: :fa52: :fa43: :fa43:
والمشكله هي ::::
استلام الكتب الدراسيه


تعرفوون شو يعني هـــم كبيـــر:wacko: بالنسبة لي لما اروح استلم كتبي اكره حياتي ماتعرفوون المعاناة اللي اعانيها وانا اتريا لين ما استلم بس الاشعاار هذا من غير الكتب (( الطمه الكبرى)) يعني انا بقوولكم كيف الغرفه اللي استلم منها الاشعار و حاولوا تتخيلوون وياي شكل الغرفه :ohboy: :Oo: :huh:
تخيلوا انه الغرفه غرفه عاديه جدا جدا حتى كراسي مافيها اوكي ؟ و فيها بس طاوله كبيره و وراها هذا اللي يطبع الاشعار ويا كوومبيوتره و الطابعه يعني بس نفر واحد (( أحلى تعبير جيه هنوود :woot: :woot: ))
اوكي الغرفه عاديه و توقعوا طالبات جامعة الامارات كم يووصول عددهن ووو وقت تسليم الكتب يتحدد في وقت معين يعني الكل لازم يستلم كتب فتخيلوا الزحمه و الحر و المكان الضيج والله العظيم ما اقص عليكم في هالمكان تستوي حالات اغمااء:fa43: :fa43:
وكله بس عشان كتب ولا فوق كل هذا يذلوونك ذل لما ترووح تستلمهم ولا تنسوون بعد الزحمه عند استلام الكتب يعني
معاناة × معاناة


مانقول غير الله يعينا و يصبرنا على هالحاله لين مانتخرج

شكلي إلا طولت عليكم يالله اسمحوولي بس ياخواني طفرت متغصصه من هالحاله يعني لازم نعاني عند كل بدايه كوورس غيرنا مرتااح ونحن ليش نتعذب


اسمحوولي مره ثانيه

(( شكلي وايد حشييت في جامعتيه ))

[بهجة الروح]

وعليكــــم الســلام والرحمــــــــه

حاسه بمعانـــاتج ،، بس ليش ما يخصصون يوم محدد لكل دفعه عالأقل بتخف الزحمه أو ليش ما يفتحون

أكثر من غرفه لطباعة الاشعار

مشكله العقد اللي في إدارة الجامعات ،، ما أدري ليش يصعبون عالطلبه

اللي يسهل عليكـــم ..

[ذنـيـنـي]

الله يعينكم في هالجامعة

عليكم بجريدة البيان, خخخخخخخخ

ربعي هالسنة طلعتلهم سالفة السكن

كانوا في سكن المرخانيه"1" , و هالسكن الغوه و نقلوهم الى سكن يديد بالاضافة الى المرخانية "2"

السكن اليديد حلو و المكيفات الي فيه" سبيليت" ,

((و لكن)) حاطين كل 4 في حجرة و الله يعزكم الحمام مشترك للطلاب

يعني الصبح ايلس اتريا الين ما يوصل دورك لدخول الحمام

في الويك اند الي طاف ربيعي راواني منظر ما كنت متخيل اني اشوفه, طلاب الجامعة راقدين في مسجد السكن بسبب الازدحام الشديد في السكن

و كل الي سووه ربعي هو انهم اتصلوا بالجريدة و هذا الاسبوع بيطرشون المندوب مالهم عسب يصور الاوضاع الماساوية

و اسمحيلي اختيه
الموضوع مول ما يخصه في موضوعج, لكن فيه شيء مشترك و هو جامعة الامارات

[أمواج]

بهجة الروح

اونهم سوو بنات للاساسي وقت وبنات التخصص وقت معين بس كل شي تلخبط يعني محد مشا حسب وقته

فاستوت الزحمة

[أمواج]

نصور :

غريييبه من متى استوا هالشي ؟؟؟ انزين سكن كويتات فالغرفه 3 و الحمام عندهم اما عن السكنات الثانيه ماعرف عنها شي

[المزيوونه]

وعليكم السلام والرحمه...

:fa56: :fa56: :fa56: داااااايما تبينين الجانب السلبي والمأساوي للجامعه ..

اختيه انا وياج فأمر الزحمه والقرارات اللي يلوعون جبودنا بها ..
لكن الصراحه انا تطوعت اني اسلم كتب مع مجموعه من البنات وشفنا
بعيونا ان الغلط الاساسي من البنات !!
يعني شوفي الاسبوع اللي طاف كان كله لبنات الأساسي والزحمه ماكانت مثل ها
الاسبوع..
يضاربن البنات عسب يوصلن للاشعار وعقب يسيرن لتسليم الكتب وهناك
بروحه مداهج وزحمه.. وانا وربعي شغالين من الصبح للساعه 8 فليل بالتناوب .. يعني
الوحده يوم بتشوف زحمه زحمه زحمه ليش ادش وتغصص على عمرها !
والبنات نفسهن مايعرفن الترتيب!!؟؟ يعني ع الاقل يوقفن صف.. انتي شفتي كيف كل وحده
تتخشش بين البنات عسب توصل للاشعار او تسليم الكتب..
وفوق هاا نحن يوم ناخذ الاشعار من البنت عسب نعطيها الكتب مانحصل منهن كلمة تبرد الخاطر
لا يقلن أدبهن ويحتشرن علينا جنا نشتغل على حسابهن!! حمدن ربكن انه مطوعين نساعد
العمال اللي فتسليم الكتب عسب نسرع ها السالفه ..
الكتاب بروحه نراكض لين نظهره ونتبع الرقم يعني جنا فمكتبه ويالسين ندور ع كتاب ويوم انيب
كل الكتب وظهورنا تتكسر من تحميل ها الكتب الثجال ونعطيهن البنت تقولنا" من متى نحن واقفين
وعاطينكم الاشعار .. شحقه تتاخرون..اشعاراتنا من متى محطوطه هنه ومحد خذاها"
صدق مب حاله ويا البنات ..

انزين اني عند الحل لها المشكله ..
هو يا البنات يطوعن انهن يرتبن عمارهن !
أو انه الجامعه تتصدق علينا وتخلي لكل كليه مكان محدد لتسليم الكتب لطلابها..
وانا ها القرار ماعتقد يسونه لانه بيكلفهم وايد ويبالهم يوفرون لكل مكان شخص
يطبع الاشعارات وع الاقل ثلاثه لتسليم الكتب ..

وها اللي عندي ..

نصوور .. قصدك سكن سيح بن عماار؟!!
ترا ها السكن جديييييييييييييييم ومطلعين البنات منه وعطوه الاولاد
وبيني وبينك انا سكنت فيه كورس كامل وكنا مرتاحين اكثر من سكنا
الحالي .. و كنا ثنتين فالغرفه ووبعض الغرف ثلاث..وتقريبا كان السكن فاضي
يعني مافه وايد بنات عادي يوصلن 600..
والحين قالو بس المستجدين فها السكن .. يعني غريبه انه ما كفاهم .. الله يعينهم

هي و الاولاد مريحين يظهرون ويردون ع كيفهم هب نحن الفقارى محبوسين ولازم
كل يوم المدامات يأكدن على تواجدنا .. يعني ارحم عن حاالنا :huh: :huh:


وايد كتبت ..مب من شي >> الكلاس ممل <<

الله حيهم

[ملك]

سلام الله على جامعتنا


كتبنا تيينا لعندنا

؟!؟



كل مدرس او مدرسه للماده الفلانيه



اييبون الكتب معاهم و يسلمونهن لنا



بعد ما نوقع على ورقه



مدلعينا وايد

:laugh:

[أمواج]

اوكي انا وياج اختى المزيووونه صح في بنات متطوعات بس اتعرفين شو يسون يسلمن الكتب لربعهن و من يخلصن اقبض الباب و جذيه انا بروووحي شايفه و ربيعتي بعد تقولي انها واقفه في اول الطابوور و المتطوعه تزقر ربيعتها و هي في اخر الطابووور الصراحه ظلم والله يعني البنات يوووقفن و يصطنن فالزحمه اخر شي اللي وراها تاخذ قبلها


والسمووحه

[المنبطحه عالنقى]

خييييييبه ها كله يستوي في جامعه الامارات .. حرام غمضتوني .. كسرت خاطري يا بنت خاالتي والله ما تستاهلين قلت لج شو تبينها جامعه الامارات تعالي عدنا في زايد ما طعتي الشوور >> من زينها عاد جامعتنا الا والخيبتيين ..

الله يعيينكم الصراحه

[المزيوونه]

:rock: :rock: :rock: يعني نحن نتوسط لربعنا !!

يمكن وحده ثنتين مشن امور ربعهن..
لكن نحن فوق العشر !! معقوله كلنا يعني ما بيكون فينا ذمه وضمير!

شوفي نحن ناخذ اشعارات ربعنا لكن متى نطلعهن يوم نخلص امور كل البنات وفالاخير نظهر
الكتب ونحن نوديهن للبنات او انه نتصللهن ونقولهن ردن شلن كتبكن ..

انزين وانا كل يوووم بوقف باخذ واحد من الاشعارات يطيحن فيني البنات والله انتن تاخذن اشعارات
ربعكن ونحن من متى واقفين .. الحين بالذمه امية ورقه جدامي يعني بيلس انبش فيهن وبدور ورقة ربيعتي
صدق صدق صدق يعني البنات اسلوووبهن الصرااحه :fa55: .. القله منهن بيشكرن ..


لكــــن ما علينا .. المهم انه ولله الحمدل خلصنا من توزيع الكتب .. وبنتفرق الحين لعمارنا..


والسموحه ع الاطاله ..

[الاسطوري]

السلام عليكم ..

وشحالهم الطلبه ..

.


احنا مرتبين لنا مكان تسليم الكتب في مبنى يديد وأتوقع فيه حوالي 50

كرسي وأول أسبوع ماكان عندنا توزيع كتب نهائيا والأسبوع

الثاني اللي هو هذا بس للي رادين الكتب

الفصل الماضي واللي ماردوا

كتبهم الأسبوع

الياي يروحون يستلمون عشان ماتصير زحمه وأنا واحد منهم بس

أستلمت البارحه و باقي كتاب واحد ماخذيته لأنه مب

المطلوب ولازم أغيره ويبون يتأكدون

من الكليه وأشوف

الزحمه

خفت والضغط كان بس أول أيام والحين أوكيه ،،

ومالكم غير الصبر وتحملوا البداية

الجميلة اللي تفتح

النفس

.


الله يعينكم

.


الاســـطـــوري

أخوكم

[الجنيه]

السلام عليكم ورحمة الله وبركاته

الله يعينج يالمتفيزره عالعرقوب الصراحه مأساه أنا ما أدري شو الحكمه من التبهدل ,,,
يعني يخلون الطالب يكره حياته والسبه هالخربطان المفروض يسلمونكم الكتب قبل بداية السنه باسبوع دام هاي علومهم ....
الصراحه كل حد يعاني من شي أنا عني ميته من اللاب توب حشا يكسر الظهر مب من ثقله بس الكتب كل كتاب اتقولون موسوعة جينيس للأرقام القياسيه ...

الله يعينكم يالطلبه،،،