بشو اتزينون سياييركم

[الشوق]

السلام عليكم ورحمة الله وبركاته
هذا ثاني موضوع اكتبه في واحة السيارات في حياتي ..
.
.
.
.
خطرت في بالي فكرة
.
.
.
وقلت يا ترى
.
.
يا هل ترى
.
.
كيف اعضاء الواحات يزينون سياييرهم
.
.
يعني يجملونها
طبعا ما اتحطون بالونات او زينه
.
.
.
لا لا اقصد الزينه من نوع ثاني
.
.
.
الجمال الداخلي او الخارجي للسياره
كيف يكون
.
.

اتمنى كل عضو من اللي يسوقون
.
.
كيف يهتمون بسياييرهم

في انتظار مشاركاتكم
وسلامتكم
الشوق

[الرحيل]

السلام عليكم والرحمه..

هلا اختي شوق نورتي الواحه واانشاء الله ثاني مره ومش اخر مره..

انا عن نفسي اهتم بالسياره من الداخل يعني قبل كل شي النظافه والترتيب..اما البدي لازم يكون نظيف

انزين وانتي ماخبرتينا عن نفسج لو عندج سياره كيف راح تتهتمين بالسياره؟

فرصه سعيده ًشوقً ونتريا المزيد منج..

الرحيل

[الشوق]

اخوي الرحيل ..
غير التنظيف والترتيب والغسيل
.
.
.
.
اقصد شو هي الاشياء اللي ممكن اتضيفونها في السياره
علشان تعطي للسياره شكل حلو وغاوي
.
.
.
يعني اللمســـــــــات الفنيـــــــــــه


تحياتي/ الشوق

[حبوبه دبي]

وعليـــــــج السلام والرحمه

يــاحيالله الشــوق :woot:

شــو هالمــوضوع الحلـــو ؟! ويــنج من زمـــــــــان
:inlove:

انــا بعــرضلج كمــن صــوره للتـوضيح
...

همممم اهــم شي يكــون المــوتر من الداخل مــرتب وشكله يكــون كشخــه :fa42:
يعني في امكــان يسوي المـوتر من داخل لــون واحد او لــونين وعاطي من الداخل شكل يدييد وروعه
...
http://upload.bindubai.com/download/nono/lasvegas6.jpg

وبعــد في شبـــاب يحبــون يزودوون مــواترهم كـ تغيـير الاضــاءه الــى لــون مختلف ( زينون ) :fa52:
او تنــزيل المــوتر يعطــي الشكل احلــى اشــوفه :woot:

http://upload.bindubai.com/download/nono/lasvegas3.jpg

او اضــافه جنــاح في الخلــف وزياده شكل اسفل مقدمه السياره
وحتــى شكــل الرنجــات ..
:fa51:

http://upload.bindubai.com/download/nono/m065.jpg

http://upload.bindubai.com/download/nono/m33.jpg

انا احــب هالســوالف خخخ
والله يخلــي الاخوه مب امقصــرين تراهم :fa52:

:fa46: HAMaNN امســويه دعـايه شكلــي لـ
...

والسمــوحه

[الحسن منه وفيه]

السلام عليكم مرحبا اختي العزيزة

بالنسبة لمضوع زينة السيارات من الداخل موضوع وايد حلو ومهم عندنا نحن الشباب لكن انا بعطيج بعض الافكار حق البنات

أولا تقدرين تسوين ربطة (فيونكه)حق مسند الرأس:fa42:

ثانيا فتحة السقف ترسمين عليها منظر طبيعي والأفضل إلي يرسمها يكون رسام:tounge:

لكن بالنسبة لي فانا احب الموتر المزود احسن تزويد :fa34:


مع تحياتي الحسن منه وفيه

[الشوق]

يا عيني ع الدعايات ..
شو ابي ازود السياره والا ما ازودها ..
مشاكل يوم الشباب ما يعرفون في اللمسات الفنيه
انا اللي قصدته .
بخصوص الدواسات .. كل متي اتغيرونهن ..
المخفي على اي اساس تختارون الوانهم
شو الصور او الاستكرات اللي اتحطونه ع سياييركم وعلى اي اساس اتحطونه ..
اممم شو (( اللي اتحطونه ) وين المنظره الاماميه ..
.
.
طبعا حلاة الموضوع يوم يكون مزود بالصور علشان ناخذ فكره ..
.
.
يعني كل عضو يعرضلنا صورة سيارته من الداخل والخارج ..
.
.
فهمتوا اللي اقصده

[حبوبه دبي]

انشــالله يتفــاعلــون ويــاج :fa51:

لــو مــوتري مــزود جــان عــرضته
:fa46:

والسمــوحه

[عاشق عباديات]

عليكم السلام اختي الشوق
الصراحة موضوع حلو

بس بعدهم الاعضاء مب فاهمين شو تبين لين الحين


وانا الي فهمته منج

بخصوص الدواسات
اذا كانت بيج
يعني يبغيلها تغيير كل شهر
وعلى حسب نظافة الي يركبون السيارة

والمخفى
طبعا غير الاسود ما في
اي لون ثاني
يقولون عنه مصخره

لانه بيكون خفيف
اذا تبينه يكون حلو
لازم يكون ثجيل

مثل الابيض

يعتبرونه عاكس
ومب ناقصين يحجزون سياييرنا

واي لون ثاني غير الابيض والاسود بيكون ملفت

يعني
صيده حق الشرطه


المهم في الاخير الي ابي اوصله لج
غير الاسود ما في

والصراحة
ما فهمت لين الحين شو اللمسات الفنيه

شو غير الدواسات والمخفي

اممممممممممم
امممممممممممممممم


يمكن لو واحد من الشباب كاتب الموضوع بفهمه اكثر
او هو بيفهمني ....لانكم انتوا البنات سوالفكم غير عنا

خبريني شو تقصدين بالضبط وان شاء الله بنقدر انفيدج







مع السلامة

[خسووفه]

شي عطور خاصه للسيارات
و ورود مجففه تنباع في لايف ستايل تعطي ريحه حلو في السياره في بريحة الفانيلا اوالفاكهه او الورد

و أمس شايفه هندي مزين سيارته ممكن اعطيكم الافكار معلق فاكهه بلاستيك عنب و فراوله

:)

[ذنـيـنـي]

سيدياتي معلقه فوق راسي :vampire:

طريقة سهلة و بسيطة و عملية لوضع السيديات

الي يبغي يشتري شراته يروح جاينت هايبر ماركت الي في مركز ابن بطوطة :fa42:

http://oasis.bindubai.com/bin/attachment.php?attachmentid=171&stc=1

احسن ما فيه انه ما يلهيكم عن الشارع و بتحصلون الـCD الي تبغونه بسرعة :fa42:

[حبوبه دبي]

:fa51:

كشــخه والله

ويــن البــاجين !!
:look:

[المزوحي]

أما أنا سلسلة معلقة على المنظرة ... وعندي شي شرات الكوووب من خلقه احط فيه قلامه ومشط .....
وشو بعد ... العودة في السيارة عسب ادخن السيارة ...

بس نصووور ماقلت لنا شو من المواتر عندك ؟ :) رزه بس قوووول

[ذنـيـنـي]

المزوحي,

عندي موترين
هوندا اكورد 2002 و هي السيارة الي استخدمها حق الحواطه و الكلية (الي فيها السيديات)

و عندي كاديلاك CTS 2004(كتكوتّي) بس حاليا اهلي يستخدمونها مؤقتا الين ما ياخذون سيارة يديده

[المزوحي]

نصووور الله يحفظك مع المواتر ....

مشكلتي فلوسي محدودة من جيه محتار شو اشتري من المواتر !!

[ذنـيـنـي]

يا شباب وينكم ؟؟؟

[اناستازيا]

السلام عليكم ..,,

نحن تقريبا كل سياييرنا ملبسينهم لبسه ..
واللبسه نطلبها من قطر .. تكون كامله ويا الدواسات ..

وعند القير رابطين منديل ( بربريز ) ::<< عاطي منظر حلو للقير ..

والمخفي ..,,

أحلى لونين .. الأسود 50% وإذا أخف يكون مب شي .. والعاكس الخفيف ..,,


شي في لايف ستايل مثل كور خشبيه .. ريحتهم واايد حلوه ..
نحطهم فالموتر .. واتم الريحه ضاربه ..


وإذا قدرت أحط الصور إن شاء الله بحطهم ..,,

:laugh:

[غرشوب]

المخفي 70 % . . والنوع كندي الي فيه لمعه
الميزه الي في هالمخفي . .
يخفف من حرارة الشمس وايد
واضح من الداخل والي برع مايقدر يشوف الي ف الموتر
ويوم تشلونه سهل وما يلعوز مثل التيواني الغش :woot:




http://www.l22l.com/uploads/ccf387389d.jpg


وتسلمون ع الموضوع . .

[جنون امرأة]

يعني ما تحطون مثلا مخدات صغيره ؟ او عطور ؟ او هالاكسسوارات ؟؟
سؤالي موجه للشباب ؟


و ثانكس ع الموضوه عيبني

[الشوق]

بل هالموضوع جديم امغبر متى رديتووووه
هيههي اناستازيا اخيرا فهمتيني
.
.
.
افكارج حلوه .. بس ممكن تعرضيلنا زينه سيارتكم