عطـونـي ثــوووانـــي بـــسسس !

[العجيبة]

أهـــــلـــ(ـن)

الســـلام عليكــم ورحمة الله وبركــاته

ارتاحوا ارتاحوا محــد يقــوم :vampire:

شحــالكـــم .. اعلوومكــم عســاكم مرتـاحيـن :fa42:

هههه باركــولي أول مرة أنزل موضوع في هالواحة :woot:




اممم ما شـي سـالفــة

بـس المــوت حـق



وأبــاكــم تسامحــوني

وتعـذرونـي

على كـل غلطـة

هفــوة

زلــة

أو كلمـة زعلتكـم

أو حتـى على وجــودي .. اللي ما ادري كيـف كان بالنسبه لكم


سامحتــونـي ولا بعــدكم ؟ :look:

أدري بكـم قلـوبكـم طيبـة وبتسامحـوني :fa51:


عـ العمــوم .. مثــل ما قلت لكم .. المــوت حــق ..

ومحــد يدري متـى ساعتــه ..

فـ بغيــت أستسمــح منكم كلكم ..

لأنـي بغيــب عن الـواحـات أو عن النـت والكمبيـوتر كله من اليــوم :vampire:

مب على كيفـي

ولا حبــا في المدرسة والدراســة :fa55:


هـو أمــر وزاري من الوالدة الله يطول بعمـرهـا :fa35:

خخخ حــرمـــان من هالجهـاز طول فتـرة الدراســة :crazy:

مب عايبتنهم الـ 94 .. يبوني اييـب 99 :Oo: ، يتحــروني مصـريه :wacko:

يالله الله كــريــم .. دعــواتكــم لـي ..


ان شــاء الله .. إن الله أحيـانا .. بنلقــاكــم على خيـــر ..،


وبــس ..

فمــان الله

همسـة : كـ ـ ـ ـ ، السمــوحه و DoN't forGet Me


أختكــم ..
العجيبــة .. عجيبــة وتعجبكــم :inlove:

[ورديّـه]

وعليكم السلام
.
.
ربي يحفظج العجيبة :inlove: < هب مستعيلة على طلعتج خخخ بس اول كلمة طرت ع بالي

بعد كيـف كان وجودج بالنسبالنا دام دمج خفيف ، شو تتوقّعين !؟ .. أكيد بنستفقدج ونفتقد ردودج

موفقه خيتو . ومسموحه بالحل بس دخلي بين الفترة والثانية :vampire:

[بلوة حلوة]

مسمـوحة حبيبطي ..( العجيبه ) ..


مب عايبتنهم الـ 94 .. يبوني اييـب 99 :Oo: ، يتحــروني مصـريه :wacko:
الحـال من بعـضه .. :fa56:

بس ماشي حرمـان عدنا .. بس تخفيف الجرعه :fa46:

بالتوفيـج حبوبه ..

وماوصيـج على ( غرايسي ) مالتج .. ههه :fa52:


وانتـي بـعـد سامحيني عـ الغـلاسه اللي اسببلج اياها :woot: كيكيكي ..

إهـداااء > لول .. :tounge:

ادعيلي .. :sad:

a7becH ana :fa35:

[شوق القلوب]

الســـلام عليـــكم..

..

الحمد الله ... على أيام ما كنت ثانويه.. النت ماكان هالكثر واااااااااااااااااايد يستخدم.. كان التطور بعده ما أحتلنا.. :fa51: .. ولا كنت بعاااني..!! :fa52:

..

عـــزيزتي... العجـــب..

وجودج بالنسبالي كان حلو.. و كنت أستمتع بقراية ردودج... و بصراحه كلنا بنفتقدج واااااااااااااااايد...

.

بس هذا مب معناته انا ما نهتم لمصلحتج وما انقدرها...

.

قرارات الوزاره .. كلها نابعة من محبتهم لج.. و انهم يتمنون يشوفونج في أعلى المراتب... :)

..

فــ ما عدنا غيـــر انا ندعيلج بالتوفيـــج.. و عسى ربي يخليج فخر لأهلج.. :)

..

..

و ان شاء الله انشوفج على خيـــر..:fa35:

[أتمنى]

من جد راح نفتــقدك والله

بس ان شاء الله اذا تغير القرار الوزاري

نشوفك :)

و اهم شي دراستك عشان رضى الوالدين

و كل شي يهون :fa51:

تمنياتنا القلبيه لك بكل التوفيق يا رب

لانك تستحقين كل خير ..

:)

كل الود

[حبوبه دبي]

وعليــكم السلام والرحمه


اكيـــد راح نفتقدج في الواحاات :fa35:

مسمــوحه بالحــل

وربـي يوفقج في درااستج انشالله

يالله شــو بتسوين حكم القــوي ع الضعيف :fa52:

بــس هذا لمصلحتــج وشدي حيــلج
:fa51:

والسمــوحه منج

[الحسن منه وفيه]

بالتوفيق

[عافك الخاطر]

وعليـكم السـلام ورحمة الله وبركاته..
بنفتقدج خيتوو..
الله يوفقج ولا تضغطين على عمرج ،وعيشي حيـاتج ..
احيد أول يوم في المدارس كنّا انقول بنودر النت خلاص:Oo: ،الدراسة أهم:woot: ،وعقب يوم يومين يحصلونا مبققين فـ الشاشة :fa56: ..لالا صدق دراستج أهم:fa46: بس خذي بريكات بين الدراسة يعني لأنج بتحتاجين .. ونظمي وقتج ..
.. مب شراتي احط بريك نص ساعة ويستوي ساعة :fa44:
وايد قرقرت:crosseyed
الله يحفظج العجيبة :inlove:
..
.

[ألم ترى]

بسم الله الرحمن الرحيم ..

وعليكم السلام والرحمة يـ العجيبة ..

انزين انتي بعد لا تقطعينا قطعه واللي يرحم والديج ..

وما اوصيج بـ السياسه .. سايسي الوالده وخبريها انج تدشين الواحات مره فـ الأسبوع عـ الأقل ..

إن شاء الله من المتميزين فـ الدارين ..

موفقه بأذن الله ..

[الجديدة]

و عليكم السلام و رحمة الله و بركاته
الله يوفقج في دراستج ، و إن شاء الله تكون سنة مريحة و تحصلين اللي تتمنيه من الدرجات
إن شاء الله لما تخلصي من الدراسة راح ترجعي للواحات مرة أخرى لأن الجميع مثل حالتج مشغولين في الدراسه

و السموحه

[قلوب دبي]

:)

بالفعل راح نفتقد حضورج وتواجدج معانا
الله يوفقج ويسهل عليج امورج كلها
واذا نحن غلطنا بحقج سامحينا
و هالله هالله بالدراسه
نريد تنفيذ اوامر الوزاره والسلطات العليا
و نتريا 99%

موفقه يا رب

قلوب دبي

[الشوق]

العجيبه .........
راح نفتقدج يالغاليه .........
بس ما دام القرار وصل .. فلاازم يتنفذ ......
بس افااااااااااا ..
في شي اسمه اجازه الربيع والصيف ياي في الطريج
غير اجازات العيد ... والخميس والجمعه ..
وغير اجازة المولد النبوي... وراس السنه ...
وباقي الاجازات ..
يعني لازم مرور الكرام ... والسلام ...
فلا تقطعينا يالغاليه
ومع ذلك ... نتمنى ان شاء الله اتيبين النسبه اللي ترفع الراس
وانشوفج بالسلامه

الشوق

[بحر الموده]

سلام عليكم ورحمة الله وبركاته

عضوه متميزه فى الردوود والمواضيع وفى الحضورر الله يوفقج يارب فى دراستج واتمنالج التوفيق والنجاح

ولاتحرمينا من دخولج للواحات ترى اجازات فى الدرب يايه والواحات بتشتاق لج وايد

الله يحفظج..... بحووور

[الغاليه]

لا لا لااا تقطعيـــــــــــــــــنا يالعجيبة .. :sad: زعلت اناا

ماعليه اوامر الوزاره عالعين والراس بس بعد نص ساعه في اليووم ماضني تأثر..:fa52: ..

على كل حال بفتقد وجوودج في الواحات ,,والله يوفقج افحياتج ويعطيج اللي تبينه ..

تحياتي لج :fa35: ونشوفج على خير

[عنود الريف]

عجوووبة الله يوفقج ..
وانا رايي من راي محب الشيخين سايسي الوالدة .. على الاقل مرة في الاسبوع
وان شاء الله نشوفج على خير
ومسمووووحة بالحل الغالية
ونشوفج على خير

[أوتار القلب]

العجيبه

صج بنفتقدج وااايد في الواحات :sad:
بس ما عليه دراستج اهم
عااااد انا ايام الثنويه النت كان عندي مااااي :fa56: << يعني طول الوقت عالنت
و ماعرف كيف يبت الـ 82 :fa36:

يالله عاااااد شدي حيلج حبيبتي
و بشرينا بالنتايج الحلوه آخر السنه
و طلي علينا تفقدي احوالنا من فتره للثانيه :vampire:

و و و
:woot: << و ماعرف ليش ها الفيس يذكرني فيج لوووول

مسموحه الغــــــاليه

ربي يوفقج و يحفظج

[الملهم]

السلام عليكم

بالتوفيق في الدراسة .. وربي يوفقج
وان شاء الله نتريا الـ 99% ^_^

ومثل ما قالوا الاعضاء شيء اجازات في الايام المقبلة ..
فـ ننتظرك وننتظر ابداعاتك ..

[الدلووووعة]

مسموحة بالحل يالعجيبة

يله شو بتسيون حكم القوي عالضعيف

وكلنا شراتج اونه ماشي نت وامنو كان مناحس ويايه اكثر اخويه كان يقولي ماشي نت انتي ثانويه عامة وماعرف شو
واخر شي رمت عليهم وقلتلهم بس نص ساعة فاليوم عاد من مني ومناك لين ماقتنعو

ويله الله يوفقج ويوفقنا

[كـلـكـلـووش]

لااااه لااااه ..


الله يوفقـــج يا العــــجيـــبه ...

صحيـــح ان بنفتــــقدج .. لـــكن اهم شي دراســتـــــج ..

و ليـــش ما اتيبيـــن 99 .. الـلــي يـــابو مش احـــسن عنـــج ..

الله يوفقـــج خـــيــــتــــوو .. و بنتـــوله عليــــج و عـــلى مواضيـــعج و ردودج ..

بإنتـــــظــــارج ^_^

[خيال الحب]

we will miss wallah

الله يوفقج ان شاء الله

شدي حييييييييلج وهالله هالله بالنسبه الحلووه

احسن لج يوم ودرتي النت ,,

[الوحيدة]

اوه لها الدرجه العجيبه مشهورة في الواحات..!!

يحليلي محد متعذب غيري اجابل ويها كل يوم ...!!

يحليلها بقولها اعضاء الواحات كلهم يسلمون عليج ويتمنون لج التوفيق..!!

[خنفروش]

والله مب عارف شو اكتب لج \ يعني من ناحية كلنا بنفتقدج \ و من ناحية الدراسة مهمه و من ناحيه لازم تسمعين كلام السلطات العليا اممممممممممممممممم الله يوفقج و يحفظج و يسدد خطاج

[العجيبة]

الورديــة .. شكـرا لج خيتــووو والله يوفقج انتي بعـد



بـــح .. هههه الحـرمـان ما يا الا من عقــب العنــاد .. هم زين ما قطعـوا النـت

وغرايسـي فـ عيـونـي ماله داعي توصيني عليهـا .. > خل تصدق عمرهـا شوي خخ <

اممم غلاستـج .. تدرين يوم دريت انج رادة ع الموضوع خفــت يالله مسموحة والله يوفقـج ..!





الفــارس 2000 .. آميـــــن يارب .. وشكـرا لك ..





شـوق القـلوب .. معـاناة والله .. الله رحمـج منهـااا .. شكـرا لج على كلامج الحلو ..

حسستينـي بأشياء حلوة .. الله يوفقــج ..،





أتمنــى .. والله انا اللي بفتقـدكـم أكثـر .. القرارات الوزارية اممم صعب تتغيـر ، واليـوم كـان استثنـاء لسـبب .. يا رب يطلع لي مثل هاليـوم دوووم .. والله يوفقـج اختي .. شكرا !





حبـوبة دبي .. ما تفقدون غالي ان شاء الله .. الله يوفقج انتي بعـد .. شكـرا أختي ..





الحسن منه وفيه .. لنــا ولكـم !





عافـك الخـاطـر .. حتـى انا كنــت أقولهم بودر خلاص .. هذا قبــل .. هالسنــة فرضوا علي قـرارات بدون ما يشاورونـي !! ههه والله يحفظـج ان شاء الله .. شكـرا ع ردج الحلو ..،





محب الشيخين .. "إن شاء الله من المتميزين فـ الدارين .." آميـــــن يا رب

اممم سايسـت وقردنـت بس ما شي فايدة .. اليـوم استثنـاء وبعـد ما يا هالاستثناء الا بطلعة الروح !!

ان شاء الله خيـــر .. بحـاول أدش بين فتـره وفتره .. وشكـرا لك أخوي ..





الجديدة .. الله يسمع منــج ويوفقـج .. شكـرا لج اختي ..





قلـوب دبي .. لا أخوي افااا عليـك مسمووح بالحـل .. وان شاء الله ما تفقدون غالي .. الله يوفقـك انت بعد وشكــرا لك ..،





الشــووق .. كلامج رفع معنوياتي .. ذكرتيني بأحلى الايــام .. ان شاء الله بدش في الاجازات بس خميس وجمعة ممنــوووع بعــد .. ومشكوووره اختي ..





بحر الموده .. شكــرا لك أخــوي .. والله يسمـع منك .. سبايدي كاه < خخخ ما ادري صح ولا لا خخ





الغاليه .. الا الزعــل .. اممم يمكـن نص ساعة ما تأثـر .. بس بالنسبة لي النص ساعة ما تكفي من الاساس اصلا ..! وبعدين الحرمـان أونه عشــان النــت يشـتت تفكـيـري > شو هالمنطق ما ادري <

وشكــرا لج عزيزتي











امممم الباقييــن برد عليكم عقــب





بس لفت انتباهي رد هالوحيــدة .. حبيبتي .. حاسدة عمـرج ولا حاسدتني ع النص ساعة اللي اشوفج فيهـا كل يوم عدا الخميس والجمعة ؟؟؟؟ ع العموم برايـج .. بتغشى عنـج الايام الياية


على فكــرة اليوم 14/9 .. كمـلــت .... طعـش !! هههاي