شـو رايـكـم بـ Flickr ؟ [الأرشيف]

مشاهدة النسخة كاملة : شـو رايـكـم بـ Flickr ؟

الـيـاه

30-08-05 ||, 09:59 AM

السلام عليكم

أكيد كلنا نعرف Flickr والأغلبيه عندهم صفحة خاصه فيهم فـ هالموقع
وإذا ماكان عندهم فـ أكيد مريتوا وشفتوا الصور الموجوده :fa42:!!

تبون الصدق ؟
هو فكرته وايد حلوه أن كل واحد يعرض شو عنده من الصور واللقطات الحلوه بتصويره
وياخذ نصايح وآراء :fa38:>> من المشتركين هناك عن تصويره الشخصي
ويستفيد من مشاركات الغـير ..

والأغلبيه هناك تصويرهم ( فضيييييع ) واايد واايد حلوو
يعني صدق محترفين !

\\

لكن < وما بعد هالكلمه مصايب
استانست يوم حد بلغ الإتصالات وسكروا الموقع " ويا فرحه ماتمت " ردوا فتحوه
أنا مب ضده :fa51:بس بما أن ماشي قوانين فـ الخلق تمادوا بالصور
وصدق شي صور خايسه والمصيبه أن أصحابها من ( الإمارات )

< أن كانوا بنات وألا أولاد >

مدام شخص واحد حط صوره ' غير لائقه ' فـ الكل بيتمادى وبيسوي شراته
لانه محد رمس والكل عايبنه هالشي

وطبعا ً هم يعرضون هالشي بطريقه مب مباشره ( على أنها سوالف )
بس صدق قلة حيا والردود !! ألعن و ألعن :fa44:

أنا ما اتكلم عن كل اللي هناك >> لاني كنت وحده من المشتركين > فعل ماضي
بس اقول *بعض الناس* وأكرر بعض

يعني الموقع أحس مسواي حق المواهب وبالأخص ( المصوريين )
ليش ايون ويخربونه بصور تافهه :fa55:.. حتى الواحد مايعرف شو يقول رايه فيها

\\

المهم
بغض النظر عن رايي الشخصي ..
أبا أعرف راي كل واحد منكم ؟

هو الموقع له إيجابيات كثيييره < بس سلبياته طغت على هالشي
وأباكم تقولولي رايكم فيها :fa52: !

.
.
.

حفله

30-08-05 ||, 11:15 AM

what happedned to flickr lately relate to the new ( national members ) who used this site in a negative way .. everyone was surprised for etsalat ban on
flickr

and 7amdellah etsalat did the right thing when they abide it again

حفله

30-08-05 ||, 11:17 AM

*happened* sorry !

ذنـيـنـي

30-08-05 ||, 02:06 PM

السلام عليكم

يمكن تكون له سلبيات , مثل ما قلتي انه بعض المشتركين يحطون صور خايسه لكن هالشي ما يتعدى 1% من المشتركين الاماراتيين "لا تسالوني كيف طلعت هذه النسبة "

لكن غالبا الصور تكون عادية , مثلا مواقف مضحكة, صور يهال, لقطات من السفر, اغراض شخصية و في بعض الصفحات "صور خقاقية" و صفحات فيها تعيلق على الي يتخققون >> تعرفوني اقصد منو

بالنسبة للصور الـ مب زينه فهي قليله و تكاد لا تذكر الا اذا وضعتوا صور البنات " الي مصوره ريلها و الي مصورة ايدها و الي مصورة ضروسها... الخ " في قائمه الصور الـ مب عدله

يعني انا اشوف فليكر شي زين لأني ما استخدمه بطريقة خاطئة و خاصة اني اقدر اعرض صوري للاهل الاصدقاء مثلا صور السفر و صور الرحلات, خاصة مع وجود خاصية التحديد family و friend بدون ما اودي الكمبيوتر و اراويهم الصور "واحد واحد"

ووووووو بس هذا الي عندي و يمكن تكون لي عوده اخرى

دقني بنقع

30-08-05 ||, 02:55 PM

والله انا وياج في هالشي ..

لاني انا بعد كنت مشاركة اهناك ويوم شفت الي شفته انسحبت .......... طبعا نقعت باللاول.. وقالولي اذا مب عايبنج اطلعي ... :(

سالله ابعد عن الشر وغنيلة :)

الـيـاه

30-08-05 ||, 03:57 PM

:: حفله ::

بالضبط شرات ما قلتي في منهم استخدموا هالموقع بطريقه سلبيه *جداً*
لكن يالله < الله يهديهم

:: نصووور ::

أي 1 % :fa55: أنا البارحه جفت صفحة واحد بس ( واااحد ) وأكثر عن نص الصور
كلها خايسه بس حاطنها اونه ع شكل سوالف ( هذا واحد وجي :fa44: ) فـ شو عن الباجين ..
مصاخه الصراحه !! وقله حيا

صح اخويه < له إيجابيات كثيره بس سلبياته تخلي الواحد ينقهر
ع العموم كل واحد ورايه وأنا احترم رايك :fa51:ومشكور ع المشاركه

:: دقني بنقع ::

احسنلج !
ومشكوره حبوبه ع الـرد

.
.
.

حبوبه دبي

30-08-05 ||, 05:09 PM

السلااااااااام عليكم

اشحــالكم ؟؟ عســاكم ابخيــر :fa42:

همم وعن المــوقع .. تــرى كـل شــى له + و -

والــواحد يستخدمــه في الاشيــا الزينــه :fa51:

والصــراحه مــوقع حلــو اشــوفه

ومثــل مــاقال نصــور شــوفــو الشــي الايجــابي

وكــلامج صــح اختيــه اليــاه وانــا ويــاج بعد

نصــور : شــو نكك !! :tounge:

والسمــوحه

الشوق

30-08-05 ||, 05:20 PM

اختي حفله ..
عزيزتي الغاليه منتدنا يتسم باللغه العربيه ..
فياريت منج يالغاليه تجعلين الرد يكون مكتوب باللغه العربيه ..
عوضا عن اللغه الانجليزيه ولغت الشات ..

والسموحه
الشوق

شمعة أمل

30-08-05 ||, 05:23 PM

السلام عليكم ورحمة الله وبركاته

فلكر همممم له ايجابياته وسلبياته شرات اي مكان موجود في عالم الانترنت
يمكــن لانه نحن شفنا الأشيا السلبيه عيني عينك قلنا مب اوكي الموقع
بس في الاخير لو تلاحظين اي مكان بتحصلين هالشي فيه

مثلا المنتديات مرات عيني عينك تجوفين اشيا مب اوكيه ومرات نحن مانجوفيها لكن تكون موجوده في الرسايل الخاصه ... ف يعني نفس الشي

انا ماجوفه يختلف عن اي منتدى غير انه هناك يعرضون صور بدال مواضيع:fa35:

والى يحطون الصور الماصخه تراهم الا ناس cheap and sick minded وسويلهم أحلى طاااااف:fa55:

"استانست يوم حد بلغ الإتصالات وسكروا الموقع " ويا فرحه ماتمت " ردوا فتحوه"
سالفة يوم بندو فلكــر وايد ضحكني
تبين تعرفين ليش؟؟؟
الى بلغ عن فلكر واحد يدرس برع ف شو الى يستوي؟ يطلع بلوك فلكر عندنا وهو عادي يتهنى بالصور هناك:tounge:

سفير الخيال

30-08-05 ||, 05:29 PM

الصراحة .. :fa46:

أول مره أسمع فيه :fa54:

شو سالفته ؟ :rock:

الشوق

30-08-05 ||, 05:36 PM

ذنـيـنـي

30-08-05 ||, 05:38 PM

على طاري البلوك

يوم سووا بلوك على فليكر يمكن مني انا بس 30 ايميل و اكثر من 20 اتصال خخخخخخخخ

اقولهم ليش سكرتووووووه شو يعني لو الواحد حط صوره

اليوم لاااازم يرجع>> و جان ازيغهم و اخليهم يردونه "^^

اظني ما تم حد في الاتصالات ما رمسته خلال الـكمّن يوم الي حجبوا فيهم فليكر

كـلـكـلـووش

30-08-05 ||, 06:07 PM

الفـــكره حــــلوه .. لـــكن التنفـــيذ ســــيء ..

ما فـــي قوانـــين ممـــكن الـــشخص يـــلتزم فيــــها !

انا مشــــترك فـــيه .. لــــكن مش متـــابــع دائــــم للصــــور الجـــديده فيـــه

و اظـــن حـــتــى لو صـــارت قـــوانيــــن على كم صفـــحه شخصيـــه .. بـــتم بعــض الصـــفحات من دون قـــوانيـــن .. فـــ شو الحــــل !

عـــلما ان الموقـــع أصــــلا اجنــــبي !!

شــــكرا الــيــاه

الدلووووعة

30-08-05 ||, 06:12 PM

انا اول مره اسمع عن ها الموقع

ولا ادري شو سالفته

حبوبه دبي

30-08-05 ||, 06:15 PM

نصــــــور

خيبــــــــــه حشرتهم عيـــل :fa46:

شكلهم بيسوولك ابلــوك ع رقمك من عندهم عشــان ما تعيدها :tounge:

سفيــرالخيــال

مــوقع تحط صـــور مــن عندك مافي شي محدد يعني ( صــور فكاهيه ولا الصغاريه والخ ,, ) وتشــوف صــور المــوجودين وتعليقــاتهم تقريــبا شرات المنتــدى مـن غيرمــواضيع :fa42:

والسمــوحه

حبوبه دبي

30-08-05 ||, 06:19 PM

اليـــــــــــــــــاه

اللي اعــرفه هالمـوقع اصــلا الهدف منــه حق الطلاب اللي يدرســون في الكليــات والجامعــات والمدرسيــن يستقبلــون الصــور من هالمــوقع :woot:

بـــس شكلهم عيبتهم الســالفه ومصخــوها :fa46:

والسمــوحه

سفير الخيال

30-08-05 ||, 07:52 PM

شكرا إختي حبوبة دبي :)

أنا تصفحت الموقع ولاحظت إنه ماعليه رقابه وأتوقع خلال الشهور المقبله إنه يكون واحد من أشهر المواقع على المستوى العربي بس لأنه ما عليه رقابه :rock:

حسبي الله عليهم

أوتار القلب

30-08-05 ||, 08:19 PM

انا يعيبني ها الموقع

صراحه في نـــاس محترفين تصويـــر .. تعيبني صورهم :fa35:

و طبعا ما يخلو من السلبيات والناس ماصخين :fa36:

ثانكس اليــاه

هزاايم

30-08-05 ||, 08:21 PM

عـــلما ان الموقـــع أصــــلا اجنــــبي !!
تحت عشرطعشر خط موقع أجنبي صح لساانك يالفتى
يعني استغربت يا الياااه يعني لو قلنا موقع عربي قلنا اوكي نقرد نسوي كنترول لكن أجنبي والجميع عنده الأجنبي يعني free
انا اشوفه شراات المنتديااات ووسليه لحفظ صور
وهوفي سلبياات لكن والواحد يطنش هالسلبيات دااامه وااعي و عاااقل
سلمتي يالياه ولاهنتي

العجيبة

30-08-05 ||, 08:45 PM

المـوقع حلـو .. وفيه نـاس فنـانييــن وصــورهــم حلــوه

بس المشكلة ان فئة بسيطة أساءت الاستخـدام وقامـت تنشـر صــور تدل على تربيتهـم الـ:fa55:

ياااتنـي فتــره بغيـــت أشتــرك .. بس عقب غيـرت رايي :vampire:

في بعــد الـmsn مسـوي خـدمه انه كـل واحــد يفـتح له سبيس خاص فيه يعـرض فيه صـور
وسـوالف واي شي يبــاه بس لين الحيـن ما شفــت حـد يعـرض اشـيـاء مب زينه .. ما يندرى باجر شو بيستوي

شكــرا أختي اليـاه ..

عنود الريف

30-08-05 ||, 10:44 PM

مرحبا اختي الياه
انا مؤيدة تقريبا كل اللي ردول قبلي
وخصوصا اخويه الفتى
لان الموقع محتاي مراقبة
لو مب من صوبهم على الاقل من عندنا نحن يعني من اتصالات
وبعدين الشباب عندنا يقدرون يفتحون لهم موقع شرات فليكر .. وبيشتهر شرات هذا الانجليزي بس يسوولهم وااحد على المستوى العربي
واختي اللي ما يبا يشوف هالصور بيطوف عنها وبيدور صور ثانية
بس الموقع ناجح دام انه عالمي وله مشاركين من كل العالم
اول شي واهم شي تكون الرقابة موجودة
وبعدين الانسان نفسه المفروض يستشعر بمراقبة ربه .. مب مراقبة عباد الله
تسلمين الغاليه على الموضوع
والسموووحه

إسهر معي ليله

31-08-05 ||, 12:11 AM

السلام عليكم

انا واحد استخدم هالموقع.. واحط فيه اي صورة عندي

وفيه ناس يعتبرونها صور عاديه وناس يقولون انها غير لائقة!.. لكن بصراحه اهم شي اني ماتعدى الحدود

وثاني شي انا معاكم فيه ناس مصخوها.. لكن مب معنى هذا تنسون ايجابيات الموقع... يعتبر مرجع كبييير للصور النادرة.. يعني مرات تحصلون فيه صور ما تخطر عالبال.. وحلوة فنفس الوقت

ومثل ما قلتوا انه يحوي مصورين بروفشنال... وهذا شي ايجابي

بالنسبة للإتصالاات انا ما اوافق انه يسكرون الموقع.. يعني لو اي شي هالموقع يضيع وقتنا... وما فيه ركود.. دومه في تغيير مستمر.. وفيه نظام القروبات.. يعني فيه مواضيع وردود وآراء

والواحد فينا لازم تكون عنده رقابه ذاتيه... اذا فيه ناس صورهم مب شي لاتدخل على صفحاتهم وفنفس الوقت تقدر تسويلهم بلوك

يعني استغرب من ناس يطرون وحده في فلكر انه صورها ماصخه.. وهم في كل صورة رادين عليها برد.. واونهم محتشرين على صورها فالردود.. لكن كلامهم سب وذم اخس من الصورة نفسها!!... يعني اذا انتوا تعرفون انه صورها بايخه ليش كل يوم تدخلون عليها وتشوفون الصور اليديده؟؟ مجبوووووووورين؟؟

فالنهايه اللي يبا الزين موجود.. والشين تراه بعد موجود.. وانا عن نفسي مااهتم لهالسوالف.. كل واحد حر فاللي يحطه واللي مابا اشوفه اقدر اغض نظري عنه

عيل لو دخلتوا صفحات هالأجانب شو بتقولون؟ يتصورون وهم مفاصيخ خخخ واونه عاد مصورين بروفشنال و great shot !!

والسمووحه منكم :inlove:

الـيـاه

31-08-05 ||, 12:14 AM

:: حبوبه دبي ::

صح كلامج ختيه كل شي له سلبيات وإيجابيات :fa36:
والمفروض إنا نشوف هالشي بطريقه إيجابيه أكثر بس مب يوم يكون الشي السلبي
( لناس مب متربيين :fa55: ) < ونتم وياهم في نفس المكان ونسوي عمارنا مانشوف !!

ونقول مايخصنا كل واحد حر بنفسه
إذا جي محد بيفلح ..

ومشكوره عزيزتـي ع الـــرد

:: شمعة أمل ::

بالعكس فرق كبير بين المنتدى وفليكر :fa54: ( شي قوانين ) > شي عقول شي أدب
بس مب جي .. لاني صدق مقهوره من اللي جفته !

و ( أحلى طاف هو سبب ها كله ) الواحد يوم يجوف الغلط ويسكت ترا ها مب حل
ولا عمره بيسوي خير في دنياه :fa52:
هيه يوم بندوه كان بسبب ضرايب وسب وبعد هل ( الإمارات ) يرعون الحدث

:: سفير الخيال ::

هههه أحسنلك والله ..

:: نصووور ::

دورك فعـّال :fa42: ياخويه

.
.
.

ملانـة

31-08-05 ||, 12:28 AM

السلام عليكم و رحمة الله و بركاته

أنا مع أخويه (اسهر معي ليلة) في كل كلمة يقولها...

و بصراحة الموقع هذا حببني في التصوير و شجعني اني اتعلم الفوتوشوب و أحاول اوصل لو لربع المصورين المحترفين في هالمجال و هالشي ينحسب له.. و الغلطة من الشخص نفسه اذا استخدمه استخدام خاطئ و اذا اتصالات حظرت الموقع ترا شي اكثر من بروكسي بيسمحلهم يدشون عليه مرة ثانية..

مشكورة عزيزتي الياه ع الموضوع الكووول :)

أختج

مــلانـــة
:fa48:

الـيـاه

31-08-05 ||, 12:42 AM

:: الفتى ::

مثل ما قلت الموقع حلو كـ فكره والمفروض يكون عليه رقابه
مب حي الله < أي صوره تنحط والسلام !

ليش شبابنا هني مايسوولهم موقع مشابه بقوانين و ... الخ
مب احسن من هاللوث :fa55: ..

:: الدلووووعة ::

هو موقع لعرض الصور .. تسويلج صفحه خاصه وتحطين فيها صور
والمشتركين يقدرون يشوفونها ويردون عليها ..
بس علما ً :fa44: أن الموقع ( ماعليه رقابه وماشي قوانين )

:: حبوبه دبي ::

يعني مكان *مكس* وبدون رقابه يعني تقدرين تقولين جات
فـ وين مابيعيبهم :fa46: ..

:: سفير الخيال ::

لالا شو حسبي الله عليهم < :rock: ترا يقولولك حلو حلو
ومشكور اخويه ع مرورك

.
.
.

شمعة أمل

31-08-05 ||, 11:51 AM

لا انتي مب فاهمه السالفه صح
اصلن ماصارت ضرايب ولا شي .. ويوم شفنا غلط نشتكي للإداره مب لإتصالات
ويوم ناس يشوفون حد غالط على حد يطرشون رساله لإدارة فلكر وسيده يمسحون السبيس مالهم ويسولهم بان .. صح مافيه رقابه لكن لو حد اشتكى سيده يحلون السالفه .. لانه كل شخص وصفحته وحريته لكن مايمصخها

لو ادشين صفحة كمن شخص بتلاحظين انهم مسوين كوبي للشو مطرشين للإداره وفعل الإداره هناك .. يا يعطون انذار يا يمسحونهم سيده .. على حسب السالفه

....

ولأنه نحن ماسوينا طاف لهالناس الى يحطون الصور الماصخه زادو ... لو مثلا انتي عندج فلكر تحطين صور زينه وكله الكومنتس مالج 0 لكن ربيعتج الى تحط صور ماصخه وكله الكومنتس مالها توصل 50 .. منو الى بيودر فلكر؟؟؟ اكيد انتي مب ربيعتج لانه كلحد مسويلها سالفه وزيدون عدد الكومنتس عندها = الشهره.. انا انتي كلحد مسولج طاف وبتزعلين وبتظهرين

ورديّـه

31-08-05 ||, 02:32 PM

ها يعتبرونه فن الشيخة . قصدي الأجانب . .

ودام أنّه موقع عالمي ومعروف *توي عرفته منج* :fa44: . . المفروض *أو لازم* تكون معطياته *قصدي الصـورة* أرقى وتليق بالذوق العام < ثره ما عندهم رب كيف تبون يكون عندهم رقابة داخلية :fa36:

بس ما قول غير *مـااالت* على بعض المواطنين اونهم اماراتيين كوول :fa55: > ويحطون صورة وتعليقات تافهة تناسب انحطاط تصويرهم . . طبعا ما أقصد حد معين . وكل حد مسؤول عن تفكيره وأخلاقه وميزان أعماله . . وهاها :vampire: بس فشلة الاجانب يعرفون انهم من الامارات والله . .
.
.

وشكرا الياه ع الموضوع / ثره كل شي نسبي بس الغلط غلط والصح صح

الـيـاه

01-09-05 ||, 12:37 AM

:: أوتار القلب ::

ترا هني العوق الموقع يفيد وحلو :fa36:> لكن الفئه المنحطه تلعب تتريا الإشاره
مشكوره اختيه ع الــرد

:: هزاايم ::

لا طبعا ً فرق كبيره :fa51:المنتدى مافيه قسم للصوره الوصخه ونحن نجوفها ونطنش
حتى لو كان صاحبها أجنبي !!
ومع هذا متواجدين > الصراحه انا مايشرفني اكون في مكان جي :fa52:
واكيد فرق كبيره بينه وبين المنتديات .. ( مجرد رأي حبوبه )

:: العجيبة ::

صدقج الصور ان دلت فـ تدل على تربيتهم الـ :fa55:
احسنلج يوم ماجفتي والا جان ضربتج غصه ..

:: عنود الريف ::

صح لسانج لو شبابنا هني يسوولهم موقع مشابه بس بقوانين وترتيب وكذا
بيكون وايد احسن وبكون من أشد المؤيديين بعد :fa54: ..
وشرات ماقلتي تكون هناك رقابه ! ومشكوره حبوبه ع الــرد

.
.
.

خيال الحب

01-09-05 ||, 01:17 AM

السلام عليكم

انا من فتره اتصفح هالموقع,,

بس ما صادفت صووور ماصخه

وعيبتني صور الشباب والبنات الي فيه

احس انه في ناس مبدعه عندنا في البلااااااااد,,

واحلى شي الردوود والتعليقات

والي بيحط صوور خايسه ,, على الاقل اداره الموقع تحاول تمسحها او تمسح عضويه هالشخص وخلاص

((اسهر معي ليله)) اضن اني شفت صفحتك بعد هناك

وصورك عجيبه الصراحه

ويامرحبابك

لمّــاح

18-09-05 ||, 05:01 PM

السـلام عليــكم . .

قريت الموضوع و ردود الأغلبيــة العضمى . .

الموقع انا مشارك فيــه من فتره، و الهدف منه هو الإفادة و الإستفادة من خبرات المصّوريــن ( بغض النضر عن جنسياتهم ) و للعلم ان اختلاف الجنسيات شئ ايجابي حيث هالإختلاف يعكس نمط تفكير البعض و اذواق بعض الدول و هذا ما يجعله متميز حيث نقدر نشارك بعض افكارنا ... الخ

المشــكلة ، ان بعض الشباب حولوه من موقع صور الى موقع * خقّـــه * و جـــات في نفس الوقت لدرجة انه انتشر اسم فليكر و استوا مثل الهارت جات و غيره، بمعنى ثاني بالوعة بنات - للشباب - ، و بالوعة شباب - للبنات - ، ماعليك الا انك اتحدر و تغرف الي تباه من بنات او شباب !
حبيت أعلق على كلام الأخ نصوور ، النسبة الي كتبتها ما اتفق وياك عليها لأنك مبالغ جدا في التقليل من عددهم، لكن العدد الى اشوفه واقعي هو 70% . .

بتقول لي اوكي هب كلهم يحطون صور مب زينه و ردود مب زينه ؟؟

نعم صح، لكن كفاية انه يكون اسلــوب البنت ( و تحت كلمة البنت ألف خط ) انه يكون اسلوبها منفتح جدا و عــــــااااااادي ويا الشباب ، هذا واحد . .

ثاني شي، الي حــــاب يفيد و يستفيد ، نصيحة مني ، يشترك في مواقع أجنبية و بنك نيم أجنبي أبركله من أي موقع عربي لأني والله و هذي حلفه نـــــادر ما أشـــوف موقع فيه عرب أو موقع إدارته عربية و ناجح أو عالأقل بمستوى أي موقع أجنبي و ايضا ندخل في سالفة الدعم من حيث إشراك الأعضاء في معارض و غيره ، نعم ما اقول ماشي مواقع عربية ممتازة ، هناك بعض المواقع الممتازة و الي حازت على رضا الجميـــع و مالها منــازع ، لكن بالمقابل ملايييين المواقع - الهــابطه - تحت عنوان - الإفادة و الإستفادة -

و في نقطة حبيت اتكلم عنها ، البعض بيقول ، ليش كلكم تمدحون المواقع الأجنبيــه و تذمون العربية مع انه العرب ما يحطون بنات - متفصخات - أو لقطات مخلة بالآداب و غيره ؟

الجــواب: الانجليــــز هـــاذي حياتهم و شــــي عــــــــــــــــــــــــ ـــــادي جدا انك تشوف حرمه بمايوه أو شورت و قميص تجري في نص الفريج تسوي رياضه، خصوصا عندنا في مردف حق الي حاب يتأكد بنفسه، و الي يسـوونه ابدا ما يعكس الوجه الثاني لهم لأنهم هم اصلا هاي بيئتهم . . !

اما نحن، جدام الخلق مافي احسن عنّــــا ، ملائكه ، و على النت شوفو الفضايح !! و المشكلة انه البعض منّـــا يحاول بأنه يحسن صورة العرب جدام الغرب ، و اتي هالفئة - التفاهة - من المجتمع و تقوم بتشويه الصورة الي بنوها غيرهم و يقومون بإضهار الوجه المخفي لهم و يسوون هالخرابيط كلها امام مرأى الغرب و من عقبها بياخذون فكرة عن العرب بأنهم يوعانين بنات و ماعندهم وازع ديني و غيره !!

انا بوافققكم الرأي في حالة وحده ، اذا كنّـــا نحن العرب عايشين هالحياة و عادي الاختلاط عندنا و عادي البنت تطلع بشورت في نص الشارع ، حزتها محد بيقدر يلومهم !!

عالأقل الانجليز ما يطلعون ويههم الثاني، و المشكلة ايضا نحن العرب ما ناخذ أي شي بجديـــه للأسف، همنا الأول بطونّـــا و الهم الثــاني شهواتنا !!
الا من فتره قريبه قمت أشــوف البعض يقوم بتحركات إيجابيــــة ( ما ارمس عن التصوير، ارمس بوجه عام ) . . !

ليــــش يوم نبا الأحسن ، نشوف برع ، و يوم نشوف شي مب زين نردد هالجملة - عادي، شـــغل عرب - !

الـيـاه

19-09-05 ||, 06:07 PM

:: إسهر معي ليلة ::

نعم اخويه صح اللي قلته < ان الواحد لازم تكون عنده رقابه ذاتيه ..
بس مب فـ هالأماكن :glare: ومبين هالنوعيه من الناس الـ ( **** ) ما اطري الكل طبعا ً

بس لاني شفت صور غيـّـضتبي
يعني بصراحه ما اقدر اجوف وحده من بنات لبلاد عارضه :fa44: >> Blah Blah Blah
انتو تعرفون . واسكت واسوي عمري ماجفت !

وآخذ إيجابيات الموقع وكل هالأشيا الماصخه اسويلها طاف .. وجودي فـ هالمكان غلط
ها من وجهة نظري وانتو براحتكم بالعكس انا ما اقولكم لا تشاركون

كل واحد حر برايه وانا هذا رايي واحترم رايكم
:sleepy: بس ليش هالشباب مايسوون موقع شراته بقوانين ورقابه ؟

:: ملانـه ::

العفووو حبوبه ومشكوره ع الرد

:: ورديـّـه ::

حليلج انتي يتج غصه شراتي يوم راويتج .. مب >>> انطب احسن :shutup:
اقولج ( براءه عيني عينج ) ..
بس شرات ماقلتي :fa42:كل واحد مسؤول عن ميزان أعماله .. والباجي على الله
مشكوره حياتي ع الرد

لي عوده

.
.
.

الـيـاه

20-09-05 ||, 06:22 PM

:: لمـّــاح ::

بالفعل حلو انك تاخذ راي ناس مش من نفس بلادك فـ اشيا ممكن أنها تفيدك ..
بس ( لو ) كانت النيّـه > عند بعض الناس هي الإستفاده جان قلنا كلام ثاني :glare:

مستحيييل يشتركون فـ موقع كله اجانب فـ مثل هالأشيا عسب يستفيدون
صدقــّـني !!
لو فلكر كله أجانب وبدون عرب جان ماجفت رقعة واحد منهم ( ألا من رحم الله )
بس دام شرات ماقلت ستوت السالفة سالفة غراف* تكوّدوا*

وورا الخيل يا شقرا < اللي مايخصهم فالتصوير حطـّوا صور< حتى حرام اسميها صور
بس لجل شي واحد وانتو تعرفونه :shutup: ؟ - عفان الله هب ناس - ولو أن السالفه سالفة
خقـّـه . والله ابرك بس اللي يعرضه البعض غير جي تمااااما ً

الانجليــــز هـــاذي حياتهم و شــــي عـــــــــــــــــــــادي جدا انك تشوف حرمه ... الخ

صح كلامك يعني هاذيلا اجانب وعادي عندهم . وحتى لو جفت هالشي فـ فلكر
مابقول شي لانه شي مايمس سمعتنا < ويلتعنون الانجليزي نفاد تنفدهم :rock:

لكن اني اشوف بنت دولتي بهالمستوى ( شي مش طبيعي )
انا ما بزيد وببالغ باللي شفته :Oo: . لكن والله بتشوفون اخس عن جي دامهم
على هالحاله اليوم عرضوا شي باجر شي *ونص* وكل يوم في تزايد مستمر ..

اشكرك اخويه لمـّـاح على هالرد الجميل والله يجعل فيهم الخير شراتك
مادري كيف هالناس مايغارون على بنات دولتهم ؟

.
.
.

هزاايم

20-09-05 ||, 09:32 PM

إنزين يالشيخه شورايج لو أخبرج إني أنا كنت شراتج من الأعضاء لكن ياني أمر من خويي العود إني اتركه والسبب الكل عاااااااااارف....للأسف صااار سبهلله
مانقول غير الله يحفظ الجميع

بنت الشارقة

26-09-05 ||, 06:19 PM

موضووع حلو .. وفي محله الصراحه !!

انا من رايي ان الموقع وايد عجيب .. الصراحه نشوف فيه ابداعات .. صور رهيبه ومواهب عجيبه .. في نفس الوقت فيه صور استهباال بس في حدود ..

بس في صور الله لا يراوييكم .. هذا على حسب كل واحد والصور الي يحطها وكل واحد وضميره .. وصدقوني لو منعناهم من هالموقع بيدوروون طريقه ثانيه حق سخافاتهم ..

نحن ما نقدر نمنعهم من انهم يحطون هالصور .. بس على الاقل ما نشاركهم ونحط تعليقاتنا ..

والسموووحه

بنت الدلع

02-10-05 ||, 06:26 PM

مرحبا حبوبتي

موضوعج حلو

والصراحه فلكر موقع وااايد حلو
وانا يعيبني واايد
خاصه الصور
احس الاغلبيه مبدعين

بغض النظر عن الصور اللي مالها معنى

برب

ذنـيـنـي

23-11-05 ||, 01:58 AM

الموقع محظوووووووووووور :fa56:

يستاهلون,,

لأنه الناس بصراحة واااااااااااااااااااااااا ااااااااااااااااااااااااي د مصخوها :fa55:

لكن في نفس الوقت اقول نحن الي نستخدمه بطريقة صحيحه شو ذنبنا :fa36:

http://oasis.bindubai.com/bin/attachment.php?attachmentid=224&stc=1

المقاتل

23-11-05 ||, 02:04 AM

ههههههههههههههههههههه وهوهوهوهوه ههههههههههههههه

:: يستاهلون بس خلاااااااااف عندي برنامج يشل التحظير وخخخخخ :: ( يغايض أونه )

والله مصخره .. مواطنه حاطه صورة جسمها .. وفـ مايو وعاري :: والله مصخره :: زين يوم أغلقوه ::

الله يستر على بناتنا وبنات أمة محمد

:: المقاتل ::

حبوبه دبي

23-11-05 ||, 02:12 AM

صح انـي كنت احدره بــس الصــراحه مصخــوها :fa55:

الحساس

23-11-05 ||, 02:14 AM

بما اني برع البلاد فالموقع مفتوح عندي
وانا اقول ليش مايعلقون على صوري !! :p

الي يبا بروكسي حاضرين ;)

اسولف

الحساس

23-11-05 ||, 02:17 AM

حلوة سالفه الاعلان..

اغلق لان الموقع يحتوي على اشياء تخالف القيم و.. و...

يتحرونا هنود!!! يقصون علينا..

راح تشوفون ان بيفتحونه وقريب

مثل مااغلقوه بالصيف مادري كم اسبوع ... من اوامر عليا ماراموا يقولون شي وفتحوا

بنشوف الحين هم قد الرمسه او لا

انا مع اغلاقه طبعا لان مامنه فايده الموقع والعكس صحيح

المقاتل

23-11-05 ||, 02:21 AM

:: أممممم :: أعتقـــد في شيوخ مشتركيــن فـ فليكر :: فـ يمكن يردون يفتحونه أو الله وأعلم ::

الحساس

23-11-05 ||, 02:38 AM

اقتباس من كلام لماح

نعم صح، لكن كفاية انه يكون اسلــوب البنت ( و تحت كلمة البنت ألف خط ) انه يكون اسلوبها منفتح جدا و عــــــااااااادي ويا الشباب ، هذا واحد . .

نقطه وايد مهمه وللاسف واقع مع اكثريه الاعضوات...

شوق القلوب

23-11-05 ||, 02:43 PM

الســـلام عليـــكم...

..

الموقع هذا يســـتاهل الحظر..!!

صح فيه مواهب... بس فيه بعد صور أعوذ بالله منها..!!

واللي يستخدم الموقع مب بس كبار.. الا كبار وصغار.. و فيه ناس أدمنوه..

بس اللي انفوسهم ضعيفه.. و الحيا منهم متبري .. بشو بيعالجونهم غير بالحظر و المنع..

..

الله يهديهم.. و يزاه الله خير اللي أمر بحظـــره..

حفله

23-11-05 ||, 03:21 PM

صكوه من كثر ما فضحو الشيوخ
حشى ما خلو شيخ في حاله
طلعوه بلا مناسبه رسميه و ظهرو عياله و صورو بيوته !!
انا الي اعرف انه ممنووووووووووووع منعاااااااا قاطعااااااااا يصورون في بيوت شيوخ

وفلكر قام يصور شيخات كبار مب بس بيوتهم !! بس علشان يصيرون مشهورين ؟!!!

إسهر معي ليله

23-11-05 ||, 03:31 PM

السلام عليكم

إذا اتصالات تتفلسف وتقول انها بهالحركه بتمنع اللي يصير في فلكر فأنا أقول انها غلطانه

لأنهم اذا بيحظرون الموقع اليوم بعد يومين بيردون يفتحونه.. واذا ما فتحوه فيه مواقع وبرامج تكسر البروكسي،، واللي يبون الموقع مب عاجزين عن هالشي

وبعدين اذا فلكر موقع طفس ووصخ فـ وين الحظر عن مواقع الجات والمنتديات؟؟ دخلوا الجات واقروا الكلام اللي ينكتب والسب والشتم ،، وصلت انه شاب مواطن يسب "ربه" ،، وسوالف دعاره اشكره عيني عينك

ومنتديات تستوي فيها ضرايب على مواضيع تافهه،، هذا غير المنتديات اللي تدخل في مواضيع جنسية تحت مسمى الجرأة والصراحة!!

وبعدين في فلكر فيه شي اسمه بلوك،، انته نيتك تشوف صور زينه وعدله فتقدر تختار الناس اللي يشوفون صورك وتشوف صورهم،، واللي لاحظته انه يوم صوره ماصخه تنحط تشوف عدد اللي شافوها أكثر من أي صورة ماصخه.. ومع ذلك يستنكرون!!،، اذا انته مب عايبتنك الصورة شو اللي جابرنك تشوفها؟؟ ولا دووده لازم اشوف وعقب اقول وع وقلة أدب!!

والمشكلة التناقض فالناس روحهم.. اذا وحده حطت صورة عيونها فهذا عادي،، اما لو وحده حطت شفايفها يقولون قلة أدب (( ليش شو الفرق،، ترى الإثنين فتنة))

واذا انتوا شفتوا وحده حاطه صورة ماصخه لا تردون عليها!!.. تراكم يوم تردون تستانس هيه وغياضاً فيكم تحط أكثر

و اذا واحد حط صورة ممثلة أجنبية استانسوا وقالوا n!ce ,, اما لو واحد حط ايد وحده ما يعرفونها ((أو بالأصح هوه اللي مصورنها )) قالوا صدق ما تستحي!!

فالأخير،، شو الأحسن ؟ ادخل فلكر ولا جات؟؟ في فلكر بضيع وقتي وما بضر نفسي ولا بضر غيري شرات الجات

والموقع بيفتحونه بيفتحونه،، وهذا ويهي P=

الدلووووعة

23-11-05 ||, 03:47 PM

انا صراحة اشتركت فيه من فتره عسب اشوف شو سالفته
ونادر ماادخله وماشفت شي هب زين لين الحينه

بس بالعكس شفت فالمنتديات بنت حاطه صورتها من ضمن الصور اللي منزلتنه فالمنتدي

يعني اذا الواحد يبا يسوي الغلط او الشي هب الزين بيسوي في اي مكان هب شرط فمكان محدد

بيور

24-11-05 ||, 04:55 PM

(الاحتراام واااجب )

وهذاا في كل زماان ومكاان المفروووض يكوون موجوود .. سواااء في فلكر ولااااا غيرة ...

وعمووما هذا الموقع حلو وفناان .. لأنه فيه وااايد صور حلوة ..
وأكيد كل شي فيه + أو - ,,

المتفيجة ..

عاشق الخيل

30-11-05 ||, 02:58 PM

العجيبة

30-11-05 ||, 07:15 PM

انــزييين احتمـــااال عـــود انه يشلون البلوك من الموقع .. لان في ناس مسويين مظاهرات !

شاركوا وياهم لو تبون الموقع ينفتح، يمكن اتصالات ترأف بأحوال مدمنينه وترده لهم !

دانة حتا

30-11-05 ||, 09:46 PM

اذا اتمادو بهالسالفه معاج حق الافضل يبندوه
تسلمـــــــــــــــــــــ ــــــــــــــــــــين