ما ادري اسميه قـلة حيا ولا عـدم حيا

[ديج الفريج]

أحبابي في الله :inlove:

السلام عليكم ورحمة الله وبركاته

قبل يومين كنت أفر قنوات التلفزيون لعلي أشوف شي مفيد

استوقفتني قناه أول مره أتابعها من هول ما سمعت

ما أدري أنا غلط في هالزمن
ولا الناس في هالزمن غلط

ما بذكر اسم القناه مب عشان أستر عليها
لكن عشان ما أكون الدال على الشر كفاعله


ما أطول عليكم اسمعوا الياي ..

المذيع : عندج اهداء ؟
البنيه : فديتك أنا
ديج الفريج : ظنيت انهم بيقطعون اتصالها لكن الظاهر مثل هالانحطاط هو المطلوب لاستمرارية شهرة هاالقناه
المذيع : مشكوره
البنيه : أحبك ، فديت روحك فديت قلبك :wacko:
المذيع : والله ما اعرف شو أقولج
البنيه : " .... " فديت عيونك فديت خشمك فديتك أنا :rock:
والله أخجلتيني ...ما اعرف شو أقول لج ، شباب ارمسوا قولوا شي ( والكيمرا اتلف على الشباب في الكنترول وواحد منهم عاط ظهره حق الكيمرا )
البنيه : قول حق فلان يتطالع الكيمرا ليش ما يبانا انشوف ويهه :fa36:
ديج الفريج : والله الشاب كان يخجل أكثر عن البنيه :blush:
البنيه : أحبك والله أحبك فديت روحك فديتك أنا

ومن هذا الكلام ...
لي اكتشفت ان المذيع في الاصل مطرب :fa54:

وهذي طبعا مكالمة من وايد مكالمات خايسه

وين نحن ؟؟؟
في أي زمن ؟؟؟

يا حبيبي يا رسول الله صلى الله عليك وسلم
هذي بداية نهاية الدنيا
وهذي بداية الزنا بين المسلمين على العيان وجنه العيد :alien:

اللهم أستر على بناتنا ونساء المسلمين
اللهم آميييييين

[هزاايم]

اختيه ديج الفريج إذ كان بالهاتف
مادريتي إلا ماتت عسب المطرب الفلاني ماعطاها سالفه واشطتت ومدري وش سوت بعمرها لين ما راحت روحها
مانقول غير ياللله بالحسن الخاتمه وربي يهدي الجميع
لكن المفرووووووووووووض و هو أ مفروووووووووض و ظنتيه واااجب يحطوون رقااابه عالإتصالات للبرامج حتى عالمسجات إلي عالقنواات لأنها خسااره للعقول وللوقت و الأرواح قبل المال والماده
سلمتي يالشيخه وعسى نشووف ازود منج

[أمواج]

البرنامج اللي تطريه ياخويه ديج الفريييج الاحظ فيه الكثير من العبارات اللي تخدش الحياااء .........ز وين حياء البنت ؟؟؟ ولا خلاص اختفى في زمن العولمه

ياليته لو البرنااامج فنان إلا دقوا و خربطوا على المذيع و تفدوووه وقولوا بعض الكلمات الغزليه و عقب ارقعوا التلفون في ويهه خلاص انتهت المكالمه

اوكي الغرض من ها كله شو ؟؟؟

[الغاليه]

سمه عدم حياء طبعا وبدوون مناقشة لان اللي اتسوي سواتها بدون اي اعتبار لحد ماضني بعده الحياء ينبض فعروقها ....

للاسف هالقنوات والبرامج سبب مباشر لانحطاط اخلاقيات المجتمع وياليت يقدرون يسكرونها,,

واللي يشوف هالبرامج والقنوات اسميه متفيج وماعنده سالفة ,,

غير عن اللي يطرشووون مسجات ومادري شوو هاييلا صدق ماعرف كيف يفكروون واعتبره قمــــــة التفاهه,, واللي اتفه عنهم القائمين على هالقنوات واللي يسمحون لاعمارهم يعرضون هالقلة ادب مقابل حفنة الاموال..

والله يهدي الجميـــــــــــع..

شكرا عالموضوع

[دمعة شوق]

:::::
امممم
قلت حيـا
وقـلت أدب
وقـــلت عقـــــــــــــل
وقــلت دين
::::::::::::::::::::
لو صدق عنبوه لو فيهم ذرة عقل وذرة أدب وذرة حيـا
شوفوا بس ذرة ماطلبت الكثـير
وربيه مابيسون هـ المصــاخه اللي مالها أي معنـى
:::::

الله يهديهم ياربيه
ويصـلح بالهم
::::::

شــكـراً
:fa42:

[شوق الصحارى]

ما اقول غير الله يهديهم..........

[الجديدة]

صدقت يا ديج الفريج في الكلام اللي قلته.
ما حد منا يرضى بهذا الشيء المقزز اللي يحدث في هذه البرامج.
المشكله مش من البنات أو الأولاد ، المشكله من القناة اللي تريد تربح على حساب الاخلاق غير مراعية للدين و أخلاق و الناس اللي قاعدة تطالع البرنامج، همها الكبير الربح غير مهمة من اللي يصير.
كان المفروض يهطون رقابة على البرنامج سواء للمشاهد أو المذيع اللي يقدم البرنامج.
بس ما نقدر نقول غير الله يهدي إخواني المسلمين و المسلمات و يبعدهم عن هذه البرنامج الهابطة.

و السموحة

[الملهم]

السلام عليكم

انا سمعت وااايد كلمات تخدش الحياء ..
مش اول مرة اسمع جذه
قبل بعد وحدة متصلة اتغازل المذيع وياليته مواطن واحد لبناني ..

وهذي بداية الزنا وصارت على العلن ..
الله يعينا من المستقبل والله يحفظنا من كل شر ..
علينا ان نلح في الدعاء لهداية الشباب والبنات ..
الدنيا ما اطمن ..

أشكرك على الموضوع
وجزاك الله كل خير ..

[دقني بنقع]

عشنا وشفنا ...

شو مخرب عيال العرب غير هاي القنوات .. للاسف نجم الخليج واستار اكاديمي وغيرها من الحفلات الي تستوي فيها البلاوي موجوده عدنا في الخليج والدول العربية المسلمة .. مالت على الفلوس الي تغير النفوس وتبعد المسلم عن دينه .. والله ويقولولي ليش تنقع .. كيفــــــــــــــــــــــ ــــــــــــــــــي

ديج الفريج ... سلامي لك .. وتحياتي للكل ... وبوسلي عيالك ـــــــــــــــــــــــــ ــ:) لا تفهمني غلط بس الصغارية

[عنود الريف]

ان لم تستح فاصنع ما شئت
ما عندي غير هالجملة .. اما القناة والمذيع اللي ترمس عنه انا شفته
ولا شفت سخافه مثل هالسخافات مباشر
عيب عليهم والله
مب بس على هالبرنامج في اشياء واااايد تطرقت لها في موضوعي ان لم تستح فاصنع ما شئت
بس للاسف الانسان ما بيده شي
تسلم اخويه والسمووحه

[الدلووووعة]

شو بتقول بعد اكيد بتقول قلت ادب وقلت حيا بعد

وانا شفت البرنامج ولا بعد قالتها اونه تتزوجني خيبه هب ويه عليها وامها قالت خل يقول حق بالخير اذا يبا يتزوجها جان الام جي وين تبون البنات يفلحن

[ألم ترى]

بسم الله الرحمن الرحيم ..

وعليكم السلام والرحمة ..

تقدر تسميه اللي تسميه دام نحن في البداية النهاية ..

والله يحز فقلبك انك تشوف هـ المنكر علانيه لا حياء ولا مستحى ..

اللهم ارحمنا واهدنا سبل الرشاد ..

يزاك الله خير عـ الطرح ولي عودة بأذن الله ..

ربي يحفظك ..

[بلوة حلوة]

... ديـج الفريـج ...

تعيــش وتشــوف وتزيــد قلة الحيــا ..

نفـس القناة وحـدة متصلـة .. اونه

واااي اذا يبتوا المطرب الفلاني فديت روحه مابتصل :Oo: .. ااااستحييييي منه احبه فديت روحه
وين تعرفين المستحى انتي :Oo: !! ييبوه دخيلكم ييبوه .. :Oo: وماحيد شو قالت عنه بعد:fa52:

شو هالمصخخخخخرة :crazy:


من البـدايه كان المفروض ينقطـع الاتصـال ولا القناة تسمي هاللوث
نوع من انواع < الاعجــاب > ؟!

نـاس طلعوا عـ التلفزيون ينمون مواهبهم وحبـا فـ الفن على قولتهم
يـو بنات خلـق الله حبـوا وسووا قصص حــب .. !
وهالـ .. "حابين الفن" .. سيـروا وياهــم .. :Oo: ..

أي حب هـذا ؟! .. :fa52: .. تعلقين صوره فـ غرفتج وتزعلين ان مر يوم
وماشفتيه عـ الشاشه .. وتعصبين لو وحدة اتصلت ومدحـته !!
ضحك والله !!

شو بتقــوول بس .. :fa36:

احم احم أقووول الدلوووعه
مب جنـج فضحتي القناااه ؟؟ ههه حتى لو كنا عارفينها من البدايه
بس عميتيها موول انتي عااد لوول الستر زين :fa46:


وامها قالت خل يقول حق بالخير اذا يبا يتزوجها


شكرا ديـج الفريج على الموضوع .. :fa35:

[الدلووووعة]

بلوه حلوه اقولج القناه هي بروحه قاظحة عمرها يعني مايحتاي انا افظحها ^_^

[ديج الفريج]

السلام عليكم :inlove:

لكل اللي ردوا على موضوعي
ابصراحه أثلجتوا صدري بهالردود
فعلا الدنيا مازالت ابخير دام ان فيها ناس أمثالكم
ومازال الايمان عامر بقلوبكم
اللهم يا مقلب القلوب ثبت أبصارنا وقلوبنا على الايمان
اللهم آمييييين

[ديج الفريج]

هزايم

تسلم يمناج يوم ذكرتي ان التفاهات هي خساره للأرواح والعقول قبل الماده
واللي تذبح نفسها عسب تافه هي بعد تافهة
السموحه من التافهين
شكرا لحضورج الجميل

[ديج الفريج]

المتفيزره عالعرقووب

انا أقولج الغرض منه شو ...
ناس فاضيين يحسون بالفراغ
شو تبينهم يسوون يعني ؟
الله يهديهم جميعا
اللهم آميييين

[ديج الفريج]

الغاليه

أما عن المسجات فحدث ولا حرج
خسار بيزات وخسارة أجر
يعني عباره نشتري السيئات بالبيزات
اللهم أسألك السلامة والعافيه

[ديج الفريج]

دمعة شوق
صدقـتي ..
وعسى الله يستر علينا ويهدينا جميعا .. آمييييين


شوق الصحارى
جزانا الله واياج ..آمييين
مشكوووووره على تواصلج الغالي


الجديده
أظن كلمة رقابه محذوفه من قاموس ها القنوات :fa45:

[ورديّـه]

i c
وانتوا من صدق اتابعون هالقناة وحواراتها ؟!

عمري ما سمعت هالمكالمات او تابعت حفلاتهم ، وهب interested بصراحه :fa46: *إذا البارح بس عرفت الفرق بين كواكب الخليج *اللي على قناةالبرتقالة* وكوكب الخليج *اللي حوالينا* . . الفرق حرف واحد تصدقــووون !! :tounge: وأوننني عاد شييييفرة اونه خربطت وايد المهم . حاذفتنها خير شر . أرف

وها هب من الاعلام < أقصد سبب قلة الحيا وانعدامه > حتّى لو كانت البرامج هابطة ويومية ، كلنا نشوف برامج ونتطمش! :fa36: بس هاييـل هب مربّـاااييــن *موول بعد* وعندهم فراغ عاطفي قـوو . وبس ما فيـني اكمل أشيّل عمري ذنوب :fa43: . . .
.
.
.
لَكْ يـااابا نحن رافظيـن بتاتاً هــاااذا الآآآمِـر وهْوَايا نَشْجِبـاااا :Oo: *من كلمة نشجب* عذاب هالكلمة
والسلام عليكم

[ديج الفريج]

الملهم

والله ما أدري عن ها القنوات
أنا أقولكم اني مب في الدنيا
الله يعين بس


دقني بنقع

كل البرامج الذي ذكرتيها تستهدف المسلمين
ونحن يا دقني بنقع يبالنا دقه عشان ننقع ونخترب
وسلام يبلغ واليهال يسلمون عليك :fa35:


عنود الريف

ان شاء الله بتابع موضوعج لأنج شوقتيني أقراه
بس في أي واحه ؟

[ديج الفريج]

الدلوووعه

ضحكتيني :fa56:


محب الشيخين

أنا وانت وأمثالنا المساكين
يارب ترضى علينا كل الرضا
اللهم آمييييين


بلوه حلوه

كنت برد عليج لكن دلوووعه ردت :fa43:
بس ليش امسميه عمرج بلوه
سمي عمرج ..
هبة حلوه
هديه حلوه
مفاجأة حلوه:woot:

[الشوق]

اصلا في قنوات صدق تافهه وسخيفه
خاصة سوالف قنوات الاغاني اللي الحينه يعرضونها بتحصلون كل قناة يحطون اغاني ومنكر ..
يعني في اهداءات ابصراحه ما يسمونها اهداءات يسمونها قلة حيا ... ..

يعني احيد اللي يهدء يهدي عسب مناسبه خاصه ..
هذيل اهداءاتهم كل سوالف ومصخره ع التلفزيون...............
طبعا كل هذا م اجل الربح ... والناس يا غافلين لكم الله شغالين اب هالمسجات الفاضيه اللي مامنها فايده
واللي يتعامل في مثل هالسوالف الفاضيه يكون انسان فاضي ...

يااخوي ديج الفريج تبيه اتسميه قله حيا والا عدم الحيا .. ترى كله واحد
مافيهم ذرة اخلاق ..
ويوم ما في رقابه ع الاغاني نفسها وعلى الفيديو كليبات اللي يعرضونها جدام الناس فكيف تبون اتحصلون الرقابه على الجمهور والمسجات

الله يستر من الياي والله يهدجي الجميع ويصلح بالهم
الشوق

[اناستازيا]

الله يستر على كل البنات والحريم ..

والله الدنيا فوضى

بس الواحد شو يقول ..
غير الله يهديهم ويصلح بالهم ..

لا حول ولاقوة غلا بالله العلي العظيم على هالزمان ..

وإذا بنرمس عن القنوات والله لو بنرمس من اليوم لين باجر ما بنخلص ..
ومثل ما قالت شوق سمه اللي بتسميه كل واحد ..

صدق أنه الحيا ضاع ..

اللهم أنا نسألك حسن الخاتمه ..

وتسلم ع الموضوع يا ديج الفريج ..

[العجيبة]

السـلام عليكم ورحمة الله وبركـاته

ديـج الفـريج يقـول : والكيمرا اتلف على الشباب في الكنترول

الكنتـرول كلمه تعنـي تحكـم أو ضبـط ..

الســؤال اللي يســدح نفسـه وبقــوه : علـى أي أسس أو ضـوابط هي اللي تمـشـي عليهـا هالقنـاه أو أمثـالهـا عشـان يكـون مثل هالشـي اللي صـار أمــر عـادي ؟؟

يعنـي خسـارة الاسـم اللي مسمين عمـارهـم به .. أونه كنـتـرول

خل يكنتـرلون عمـارهـم أول وعقـب المشـاهـدين بيتكـنتـرلون لو مب متكنتـرليـن

:vampire:

[بلوة حلوة]

... ديـج الفريــج ...

لول .. لاني بلوة عـ الواحات
كيكيكي .. كلما ظهـرت رديت دخلـت :fa46:
نك نيمي ها يـديد .. بس انا جديمــه :fa56:
حتـى أحيـد سوالف شمـوه بنتك :fa35:
ربي يحفظهـا إلك ..
:heart:

[ديج الفريج]

الشوق

ذكرتيني ابواحد اتصل افـبوراشد وقاله : ليش الأغاني وصلت لها الانحطاط وليش هالبنات ، وأنا أخاف أطلع من البيت لأن اليهال يشوفون ها السوالف
رد عليه بوراشد وقاله : الحين لو انت فعلا ماتبا اتشوف هالانحطاط ،اشحقه اتابع الأغاني
وبعدين اذا كنت انت تتطالع الأغاني شو تبا عيالك يستوون

ب أنا الاحظ انه الانفتاح صار ابشكل سريع جدا
لدرجة ان وايد أشيا صارت عاديه للكل
الله يستر
شكرا على تواجدج وياي

[ديج الفريج]

اناستازيا

اللهم آميييين

[ديج الفريج]

العجيبه

الله يهديج ..
خليتيني أشلق :wacko: :wacko:

[ديج الفريج]

بلوه







شو نكج الجديم :fa36:

بعدين زين يوم حد يذكر سوالفها

لأني ابصراحه نسيتها

وأبا أكتبها في دفتر مذكرات عندي عشان أقولها

اذا تتذكرين شي طرشي لي عالخاص

لووووول

[حبوبه دبي]

مـــــاقــول غيــر الله يهدييهم :fa52:

كــل يوووم انشــوف شــي يديد :Oo:

الله يصبــرنا بـــس

تسلــم اخويه ع المــوضوع :fa42:

يبتهــا صــح تــراك
...

والسمــوحه

[ورديّـه]

أنا هُنـاااا . . ما رديت على ردي بحيث اقرا رد منك على ردي بين الردود اللي كتبتها كـ رد على ردودهم *لول* < يعني عطيتني بو لابس :woot: !
..

تصدقون اليوم يالسة أردد كلمة *البرتقالة البرتقالة* وانا اسولف ويّا اختيه، جان تقول: اوووف ما طيق هالاغنية خسي احطها فـ عرسي *بنات آخر زمن قوات عين* :fa56: الموووهم قلتلها: انا هب قصدي الاغنية :crazy:! قصدي العراقية < يعني بدال ما اقول مثلا بنية عراقية أي وحده :fa54: > أقـول البرتقالة ، وبشكل عفوي بدون ما حس :look:

مادري لو فهمتووون *ههه هاي تنقيعه من تنقيعاتنا*
.
.

هـااا من تأثير الاغاني بعد ، لغتنا ومفرداتنا اختربت :fa36: وانا هب باربي :fa36: :vampire:

[عنود الريف]

اخويه ديج الفريج هذا لينك (http://oasis.bindubai.com/bin/showthread.php?t=25181) الموضوع

[خنفروش]

شو بتقول يالديج \ انا من كثر من اتغصص من حركات بعض القنوات الي فيها اكثر من دعوه و ايحاء للانحلال قمت ما اشوف الا سبيس تون و غيرها من قنوات الاطفال و من اول مشاهده حسيت ان حتى هالقنوات فيها زرع لقيم فاسده تحت مسميات معرفة الآخر مره و مره تحت مسمى انكم مسؤولين عن تحصين عيالكم و نحن علينا انحط الرخيص و العالمي \ ياخي احس ان الواحد إذا شاف و ما انتقد بيموت عنده الاحساس او الغيره عالدين و القيم و الاصول و الاخلاق \ كلام فخاطري وقال بظهر قلت له تفضل و السموحه

[ديج الفريج]

الورديهباربي

سامحيني باربي
العتب عالنظر
جايز اضافتي واضافتج يت افوقت واحد عسب جي ما شفت الرد مالج
بس أقولج
جان انتي توج عرفتي الفرق بين كواكب الخليج وكوكب الخليج
فأنا أول مره أسمع كوكب الخليج وكواكب الخليج
يعني انتي مادريبج متطوره ولا متخلفه :fa44:

وانتي قلتي الفراغ العاطفي وأنا أقول الفراغ الديني

[ديج الفريج]

حبوبة دبي

أشكرج عامتابعه
تسلمين :fa35:

عنود الريف
مشكوره

خنفروش
لاتنصدم اذا قلت لك ان قناة سبيس تون بعد اتخرب عقول الأطفال " بعض الرسوم "
بس انت ما عليك خوف

[سفير الخيال]

اللهم عـــافنا....

يا خويه هذيله غشــــاوه على قلـــوبهم من كثر حبهم للدنيا وجاهه :sad:

بس ما انقول غير الله يهداهم ويهدي المسلمين كافه...

تسلم عزيزي على الموضوع

[ديج الفريج]

اللهم اجعلني واياك ممن يحبون الآخرة على الدنيا

اللهم آميييين
شكرا لمرورك الكريم

[ورديّـه]

لا كواكب وكوكب مشفرة . . بس قلت فراغ عاطفي لأن اللي ماله كبير يشتريله كبير عقولتهم ! وهاذيل هب لاقيين حد يتحنّن عليها في واقعهم ، فـ قاموا يدورون أبطالهم و*الحب اللي بعده* في التلفزيون والاغاني . . ها راي وها راي

[الجنيه]

السلام عليكم ورحمة الله وبركاته

لا أخوي لاتتعب نفسك ترا غيرك وايد رمسوا وما استفدنا شي الصراحه برأيي الواحد يبدا بنفسه و أهله بيته أخير يعني اذا كل شخص حاول يسنصح أهل بيته اذا كانوا من متابعين هالبرنامج يمكن نقدر لو بنسبه بسيطه أنغير الي يصير حوالينا أما اذا بنتكل على الرقابه عمرنا ما بنشوف الخير ...
القناة اللي ترمسون عنها سبق وهددهم ضاحي خلفان بأنه يرفع قضيه عليهم اذا تم الحال على ماهو عليه والتهديد ماسوا غير انه زادهم منكر وسخافه ...
ماأقول غير الله يتولانا برحمته ...

ديج الفريج .... الله يكثر من أمثالك
تحياتي الجناويه

[ورديّـه]

عاد كله ولا الشات اللي حاطينه فهالقنوات < وما يحويه من إسفاف و يهال :fa55:
.
.

شي قناة حاطة 5 خانات للدردشة مرة وحدة :alien: . .
عسب الخلق يطرشون مسجات أكثر *كثر الفلوس تعمي .... :crazy:*

واكتشفت فـ تلفزيون الصالة قناة كلها جات X جات . يعني ماشي برامج أو اغاني مثلا ؟! ..
لا بـس شاشة *القناة نفسها* وصور بنات تنحط بالتتابع ( :rock: ) + ثلاث خانات تقريبا للدردشة :fa36: !

[العجيبة]

عيل يا الوردية مـره شفت قنـاة حق الجات بس .. حاطين لج ريـال وحـرمه "كاركتر" يقـرون لج المسجـات وخخخ يعنـي حصة عـربي ومسجـات " ثنين في واحد"

[ديج الفريج]

:alien: الجنيه :alien:

نحن أمه غير عن باجي الأمم
لازم نامر بالمعروف وننه عن المنكر
وما عندنا في الدين اللهم نفسي الا في الآخره
الله سبحانه وتعالى أرسل جبريل على قوم
فقال له الرسول صلى الله عليه وسلم أن فيه عبد صالح
فقال الله سبحانه لجبريل : فبه فبدأ !!!
ليش ؟؟؟
لأنه كان يعمل المعروف وما ينصح غيره وبالتالي انتشر الفساد أكثر
اذا شفنا شي غلط لازم نرمس لكن باللينو الرفق والحسنى
واذا ما قدرنا ننكر بالقلب وذلك أضعف الايمان
تسلمين على اضافتج الغاليه:laugh:

[ديج الفريج]

ورديه و العجيبه



قنوات بس جات ؟؟؟ اشحقه امتعبين اعمارهم الناس ماعنهم موبايلات ومسجات ؟؟؟؟

[بلوة حلوة]

هيـه شفتهااا هالقنـوات الي ترمسـون عنها ..
فيها مصـدر دخل ثاني غير المسجات لوول .. محطيـن صـور وكلبااات بعـد جان حـد يباها
نفـس شغل الجرايد يعنـي ^.^" ..
وشـي قناااه محطيـة مقياس الحـب اونه .. \= !!
نـااااس فاااضيـة .!!
زايده عندهـم ومب عارفين وين يصرفونهـا .. لول ^.^"

[الجنيه]

ديج الفريج ..

كلامك صح 100% بالميه وأنا كان قصدي أنه الاشياء هاي كثرت بشكل فضيع لدرجة أنه اللي يحاربها يحس أنه هو الخطأ وهم الصح فإذا كل شخص بدى بنفسه وأهل بيته هالشي بالتدريج بينتشر بين الكل اذا حسبت كم شخص في المنتدى واهله هاييل يساوون نص المجموع والنص الثاني بالنصح والارشاد ان شاء الله بيهتدون ...