كيــف تسمــون عماركم شـــعب الإمارات?? [الأرشيف]

مــهــابه

13-08-05 ||, 11:55 PM

الســـلام عليـــكم...

اليــوم يايــبه لــكم مــوضوع، جــداً مهم ..

مشكلـــة نعـــــاني منـــها في دولة الإمارات العربيــة المتحده..

مشكله مهمـــه..

لأنهـــــا تتعلق .. بشــعب دولــة الإماارات العربيــة المتحده..

والســبب اللــي خلاني أكـــتب الموضوع هــو كالتالي:

بيــنما أنــا كـــنت قــــاعده الجريــده، وبــما أني لا أهـــتم بالسياسة ..

فقــط أقرأ الأخبـــار المحليـــة ، كـــنت أقرأ الجريـــده.. وبينــما أن أفر

جـــان تلفــــت أنتبـــاهي كلــمة ( تجنيس) المهم ..

كــانوا كاتبيــن كلام ومن ضمن الكلام هالكلــمة..

فضـــولي خلانــي أقرأ الموضوع ، واللي كــاتبتنه حرمــه بس مب مواطنه..

المهم..

تــدرون الحرمه شــو كاتبة..

تقول يــوم كانوا هــم رايحين أمريــكا ، وكان معــاهم وفد من طالبات دولة الإمارات..

وطبعــا كانوا يتناقشـــون بأمور تخص البــلاد..

فــمن ضمن المعلــومات اللي كــان الشعب الأمريــكي يعرفها عــنا أن نسبة

المواطنين في الإمارات هــي كالتالي 20% فــقط

أنــزين..

والبــاجين من ويــن..

الله يســلمكم الباجين كلهم من الجنسيات المختلفه، يعــني عرب وغير عرب ، لـكن

الســكان اللي يحملــون الجنسية الإماراتية بس بالنسبة اللي ذكرتــها..

واحــد من اللي كانوا موجودين ، قــال:

كيــف تسمــون عماركم شـــعب الإمارات

وأنتـــوا لاتتعدون 20%

عــاد مافي حــد قدر يــرد عليه ، وقــالوا له : هذي مشــكلة من المشكلات اللي نعــاني منها في دولة الإمارات..

بصرااحــة ، أنا شخصياً وبما أني أحمل الجنسية الإماراتية تضايجت من هالكلام..

والأخـــت كاتبة الموضوع ، وكــانت تقول ، أن التجنيس مب هو الحل الوحيد..

فـمثلا لو قمــنا نحن نعــطي الجنسية الإماراتية لكل من حب ودب ، راح نفقد عروبتنا

وراح نخــتلط بين الأصل والمجنسيــن..

أنــا كتبت الموضوع ، وأبــي أعرف كيف ممــكن حل هالمشكلة ؟؟

وهل التجنيس هو الحل..

كـلـكـلـووش

14-08-05 ||, 01:46 AM

مشــــكله نعـــاني منـــها من فـــتره طويــــله ..

التـــجنيـــس ممـــكن يحـــل هالـــمشكـــله ,,

لكـــن راح يـــدخلنـــا في مشـــاكل ثـــانيـــه اكـــبر و اصـــعب ..

و ما في بالـــي حـــل مـــعيــــن ,,

أشـــكرج اخــــتي عـــلى غـــيرتـــج ..

لفـــت انتبـــاهي العـــنـــوان ,,

مملوح الوصايف

14-08-05 ||, 09:38 AM

ما أعتقد التجنيس هو الحل
لأنه بالفعل معظم الذين يحملون الجنسية الإماراتية متجنسين ومعظمهم من بلاد فارس!!
فقد نجد بعض الهنود والبنغاليين وبعض الجنسيات الآسيوية الذين ولدوا هنا على أرض الإمارات يحملون جوازات إماراتية
من جهة أخرى نجد إن صح القول أنها المغضوب عليهم (لا تحمل أوراق ثبوتية ) تحلم بالحصول على الجوازات الإماراتية
والمشكلة الملاحظة الآن في الآونه الأخيرة صارت حكومة دبي تعطي الجنسيات بشكل هب طبيعي للناس ليش؟؟؟؟
الصراحة أنقهر يوم أشوف البتان معاهم جنسية البلاد
هذا اللي في خاطري الحين يمكن لي عودة مرة أخرى

مــهــابه

14-08-05 ||, 05:06 PM

الفـــتى:
فـــعلا هــذي مشكلـــه ، والحــل مــا اظـــن في أيدنـــا

وهــذا واجبــنا يـــا الفـــــتى ...

ومشــكور ع الــمرو

مــهــابه

14-08-05 ||, 05:10 PM

مملــــوح الوصـــايف:
كــلامكـ صح 100%...
يقبــضنا القــهر يوم نشــوف نـــاس ماترمس عربـــــي..
لــكن هم إمـــاراتيين..
يحــملون الجنسية الإمـــاراتيـــة ، لكـــن هم أهل الوطن ، وهم أدرى بمصلحــته
ونحـــن الله يكــون في عونـــا ونقــدر نسيطر علـــى هالمشكله..

العجيبة

14-08-05 ||, 05:26 PM

يقبــضنا القــهر يوم نشــوف نـــاس ماترمس عربـــــي..

ومحـد يعــانـي ويقبضـه قهــر أكثـر من أسـاتذة اللغة العـربيـة للصـف الأول الابتـدائي !!

لأنه بالفعل معظم الذين يحملون الجنسية الإماراتية متجنسين ومعظمهم من بلاد فارس!!

:fa42: صــدقــك ..

الجنيه

14-08-05 ||, 10:50 PM

هموم الحب

الصراحه آلمني ما سمعت .. فعلاً نحن نفتقر لتواجد الهويه الاماراتيه والمشكله بدوا يجنسون كل من هب ودب دون تفكير ...
برأييي اذا يساعدون الشباب أكثر ويسهول عليهم أمور حياتهم من بيوت أو منح والا صندوق الزواج ويزيدون علاوة الأبناء نقدر نضمن وجود جيل اماراتي بحت ... باذن الله
برأيي عزوف الشباب عن الزواج يسبب مشكله كبيره .. فاذا تسهلت الأمور وبالأخص سالفه صندوق الزواج اللي فيها مذله عجيبه غريبه يعني ربيعتي كملت سنه وبعدهم ما عطوهم الـ 30 ألف اللي المفروض يعطونهم بعد الزواج وين تبون حد يفكر بالزواج وهاي الحاله ؟؟؟!!!!!!!!!!!

هذا ما في جعبتي الحين
تحياتي الجناويه

ورديّـه

14-08-05 ||, 11:10 PM

أوكيـه الأمركيين سكان أصليين ؟

كيف ما رديتوا ! !

أمريكا عبارة عن استراليين ومكسيك وافريقيين والمان ويابانيين كذلك وهنود وغيره ..
وعندهم الجواز الامريكي . يعني تجنيس في تجنيس

واظن نحن سواء كنا من البوسنة والهرسك ولا بدو , انتم اماراتيين *لا تجنيس ولا غيره* ..
ولا بنتم نقول : ها أصل وها فصل ؟ آخر مشاكلنا لأنها !!

ما حبيت انكم تسكتون *آآخ لو كنت وياكم منها اسافر معني مستحيييل اسير امريكا* ..
وأظن كوننا يد وحده + ومشاكلنا أقل بـ وااايد + والحكومة رايمة علينا ونحن تحت أمرها وطوعها .. والأمريكان العكس تماما ومتبهدين أكبر بهدلة ، أكبر دليل على وحده الامارات وشعبها

وشكرا

تصفيق
قصدي وبس
.
.

الحساس

15-08-05 ||, 11:46 AM

السلام عليكم ورحمة الله وبركاته

موضوع حساس شويه.. على اساس انه يمس المواطن نفسه..

التجنيس ليس بحل... لان اهم سلبياته ان .. ابناء الوطن الاصلين راح تقل مميزاتهم في هالبلد... وخبرات البلد بتتوزع على الكل بعد التجنيس مقارنة عن قبل التجنيس يقتصر فقط على المواطنين الاصلين

الا من جهة اخرى التجنيس عند البعض هو الحل لانه بيعدل التركيبه السكانه وبالتالي بنحصل مثلا لاعب فذ جنسوه بيرفع علم البلاد او عارضة ازياء تتمخطر بين دور الازياء وتقول انا اماراتيه .. او عالم ومخترع يقول انا اماراتي..

كل شي بالدنيا له سلبياته وايجابياته..

لكن الاهم قبل الاخذ بالقرار مع التجنيس او لا نحسب عدد السلبيات وعدد الايجابيات .. والاهم ان القرار الي بيتخذ مايهضم حق المواطن الاصلي الي هو ابن البلاد والي بنى هالبلد

بطبيعه دراستي بالخارج.. تحسست من هالسالفه وخاصه يوم يسالوني الاجانب انتو جزء من الهند؟؟؟ اقولهم لا ليش جي تقولون .. قالوا كلكم هنود تحريناكم من الهند.. فارد واقوللهم .. نحن شعب صغير .. وبسبب هالقه نحتاي ايدي عامله وعسب جي انييب الهنود عماله رخيصه ونشغلهم عندنا وبالتالي مع الزمن زاد اعدادهم

على اي حال.. انا ضد التجنيس.. لان متاكد ان ولد البلد مميزاته بتقل .. وعندي مثال حي الا وهو بورصه الامارات .. يوم فتحوا ابواب البورصه للاجانب.. صار الاماراتي مايحصل الباركنج بسهوله شرا قبل قبل لا يدخل البورصه.. وايضا ارباح الشركات توزعت بين المواطن والغير مواطن هب شرا قبل بس عند المواطن..

وهذا هب معناته اني احقد على الاجانب .. بس لو كان في قانون معين يحفظ المواطن وحقوقه بيكون افضل.. وهاي ارض الله للكل وهب لناص مخصصين..

ربي يوفقكم

مــهــابه

15-08-05 ||, 02:01 PM

العجيبـــة:
أشوفج صـــايره تلقطين..

شكرا ع الرد..

مــهــابه

15-08-05 ||, 02:09 PM

الجنيــة:
مــا أظن في دولة ، توفر لشبابهــا كثر ماتوفر دولة الإمارات لهم ، برنامج الشيخ زايد للأسكان ، صندوق الزواج
وغيرهــم ، لــكن التأخير اللي صار كان راجع لـــ عجز في الميزانية ، وهي مشكله صغيرة وراح يتفــادونها
والشبــاب روحهم بطرانين مايبـون يعرســون ف بالتــالي لجأة الدولة لسياسة الــتجنيس

إسهر معي ليله

15-08-05 ||, 05:40 PM

السلام عليكم

الموضوع هوه كيف نقدر نرجع هوية الدولة... وهل التجنيس هوه الحل؟

لكن كلكم تناقشتوا عن التجنيس.. ونسيتوا اشياء ثانية

فالبدايه حبيت اقول ان سكان امريكا الأصليين نسبتهم قليلة وهم من الهنود الحمر.. واللي ما نسمع لهم حس ابداُ.. والباقين مجنسين.. يعني لا يتفلسفون وايد !!

وبعدين منو قال ان ::حكومة دبي تعطي الجنسيات بشكل هب طبيعي للناس:: (( ممكن اعرف من وين طلعتوا هالمعلومة؟؟ ))

ومستحيل واحد عنده جنسية اماراتيه وما يتكلم عربي،،، اذا كان اصله فارسي فيمكن لغته ما تكون سليمه لكنه يعرف عربي

وين الهنود اللي عندهم جوازات؟ وين البتان اللي عندهم جوازات؟ اذكروا اسامي

اذا فيه ناس عندهم ترى هذيل موجودين فالبلاد من زمااااااان وقبل الإتحاد ويتكلمون عربي.. وسواء كان اصلهم باكستاني او فارسي او بلوشي او هندي تراهم حصلوا على الجنسية بحكم القانون.. عاشوا فهالبلاد وتربوا فيها واشتغلوا فيها

يعني اذا بنتكلم عن اللي يستحق واللي ما يستحق،،،، كل الناس اللي كانوا موجودين قبل يستحقون.. كل من عاش على ارض هالدولة وعطى وساهم في بنائها يستاهل... سواء كان عربي ولا فارسي... ماعتقد انه قبل الإتحاد كلهم كانت عندهم ارواق ثبوتيه.. يعني كلهم بحال وحده

وعن اللي حصلوا الجنسية فهالفترة فمعظمهم يستحقون وفيه فئة كبيرة تستحق ومب محصله،،، والجنسية ما تنعطى لأنه يعرف يرمس عربي (( فيه اشياء اخرى يقررها القانون ))

والإماراتي مش بجوازه.. ياما عيال عرب واهل البلاد وقوم فلااااااان وفلااااااان،، لكنهم حراميه!! كم واحد سرق ونهب وكل حقوق الناس؟؟ كم واحد استغل منصبه وفاض الخير لأهله وربعه ونسى باقي الناس

وفنفس الوقت يااااااما فوارس وبتان وهنود حافظوا على خير هالبلاد.. رفعوا اقتصاد هالبلاد.. حبوا هالبلاد وعاشوا فيها ولولاهم محد اشتغل،،، شدوا حيلهم وكدوا احسن عن غيرهم اللي عايشين عالديوان ويتكاثرون فقصر الشيخ!!

ادري اني طلعت عن الموضوع.. بس خلونا من الجنسية.. الدول كلها مجنسين وشوفوا كيف محافظين على هويتهم... مشكلتنا فبلادنا نفتشل من عمارنا... مجدمين الغريب علينا... المواطن نفره والأجنبي نحترمه.. هاللي خلى هويتنا تضيع

لكن احياناً ما عليهم لوم،،، ما فيه مواطن بياخذ مكان الهندي اللي انتوا ما تبونه... الهندي بيشتغل 10 ساعات فاليوم بنص المبلغ اللي ياخذه مواطن بـ 6 ساعات فاليوم

وبعد المواطن ما عليه لوم،، الحياه غاليه ويبا يعيش

يعني شرات المستشفيات احين،،، بدوا يستغنون عن رجال الأمن واللي فيه منهم مواطنين وراوتبهم كانت 3000 درهم تقريباً،،،، واحين بييبون شركه سكيروتي. راتب 6 هنود يساوي 3000 درهم !!

بعد طلعت عن الموضوع.. اسمحولي

الهويه الإماراتيه ممكن ترد اذا شدينا حيلنا.. خذنا اعلى الشهادات واثبتنا للمسؤوولين ان احنا قد الثقة وقد الشغل اللي يسويه عشرين هندي.. وفنفس الوقت المسؤولين لازم يعطون الثقة للشباب

ولا ننسى ان المفروض نشتغل فأي مكان عشان نكون متواجدين فكل ميدان عمل.. حتى لو كان عمل بسيط،،،،

فالنهاية كل الدول تمر بهالحالات.. مش دولتنا بس... هذي نتيحة الإنفتاح لأن احنا اذا ما عطينا المجال للأجانب فالإسثمار والعمل و، و، و،،،،، فالإقتصاد ما يرتفع لأن نسبتنا قليلة

والسمووووووووحه... موضوعكم :fa42:

سعيد الحظ

15-08-05 ||, 05:44 PM

بسم الله الرحمن الرحيم
جزاج الله خير يا هموم الحب على غيرتج الوطنية و اللي خلاج تكتبين و تطرحين الموضوووع....

أنا مع التجنيس...

نعم ...انا بن البلاد و اقول إن التجنيس صار أمر لا بد منه ...و خاصة في الوقت الحالي..
كثير من الناس يتساءلون عن السبب ,,و انا بإمكاني اخبركم بصراحة تامة ..الإمارات ولله الحمد بدأت تقطع مسافات طويلة في مجال التقدم و الإزدهار بل إنها تخطت عمرها الزمني في فترة قياسية و هذا الشي أدى إلى زيادة الوافدون أضعاف عدد المواطنين لدلك بات أمر التجنيس شي ضروري..
وأنا برايي أن المفروض على الدوله توضع شروط للحصول على جنسيتها مثل أن يكون المتقدم صار له عشرين في الدولة شغال فيها .و ان يكون مسلم والتأكد من تاريخه الجنائي و,,,,,,,,,,,,,,,,,,,,

للأسف بعض الناس خايفين على أنفسهم و أن المميزاااات راح أتقل إدا ما اختفت ,,,,الناس قامت اتفكر بمصلحتها و لا همها مصلحة بلادها,,,,

الموضووع أكبر من مقال ينكتب او ينسمع ,,
و السمووحة منكم
أخوكم : سعيد عوض

الحساس

15-08-05 ||, 08:26 PM

ونعم ما قلت يا ( اسهر معي ليله) عيبني ردك ومقنع جدا..

مــهــابه

15-08-05 ||, 10:46 PM

أخــــتي ورديــه:
أنــا معـــاج إن مــعظم سكــــان أمريـــكا من دول مخــتلفه
وأن شعبــها متــجنسيـــن ، لـــكن عــمر الأجــانب مــا انذكروا بأصلـــهم وفصــلهم
وبيــني وبيـــنج هـــناك الجنسيــة ماتنـــعطى لأي حــد ، بالعكس يـــجنسونهم
لأسبـــــاب معينة ونقــاط محدده ، كــالمخترعين والمكتشفين
وأصحاب العــلم والخبرة.، واللي يكــون التجنيس في هــالحاله من صالحــهم،

والســالفه مب بوســـنه وهرســك ولا بــدو، إذا نــحن أهل هالأرض ماحافظــنا
عـــلى أرضنــا وطـــنا ، أنتي شو ع بــالج ، يـــمكن أنـــتي ماصادفــتي
بــعض من المواقـــف اللي نــحن صادفــناها
الــحين أنـــتي تقوليـــن نحن يــد وحده ، وأمريـــكا تحســدنا علـــى وحدتنـــا
أنا معاج بهـــالشي وهــذا الشي الــمعروف فيــه شعبنـــا
لــكن والله ، في بــنات نحـــن نعرفـــهم ومــتجنسات ومـا أحب اذكر أصلــهم
والله يرمســن ويقولون ، نــحن نشتغل في بلادكم ونـــاخذ بيزات ونوديــها
بلادنــا ، عــسب لاقدر الله وصــار شي نــكون مأمنين علــى عــمارنا
في ذمـــتج أنتي لو كــنتي مــكاني ماراح تــغاريـــن على بلادج وطــنج
مــاراح تتســائليــن ليش؟؟
نــحن نعزهــم ونكرهم وأخر شي جيـــه...

وهالشي أنــا سمعته بأذني ..
وغيــرتي جبرتني أتكـــلم...

شكرا على الرد وإبداء الرأي

هــموم

مــهــابه

15-08-05 ||, 10:59 PM

الفــارس2000...

أقـــتراحـــاتك مــاعليها غبــار ، وهذا اللي المفروض يصير،
وإن شــاء الله كلامــنا يوصل لهــم وياخذونه بعيــن الاعتبار
شكرا ع المشاركــه..

أخـويه الحساس:
الـموضوع من نــاحيته حســاس فهو فــعلا حســاس
عيل نــحن هنود؟؟
زيـــن والله..

الــمهم أنتـــه اطرقــت لنقطة مهمه ، مــثال:
اللــه يسلمك أنــته الحين تــسمع عن المطربــه الفلانيــة والمطربــه العلانيــة
والأهم من جيه يقــولون الفنانه الإماراتيــة ،
انــزين ، تــعال شوف رمســتها ، ومب بس ع الرمســه لا والله ، حـــتى ع اللبس واللوك مــالهن
والله صرنــا ننقهر أن هالفئــة تـحمل فئــة بـــنت الإمارات ، بــنت الإمارات عمرها ماتطلعت تترقص في
التلفزيونــات ولاشيــاته ، وهــذا سلبيه من سلبيات الــتجنيس.. وبعــدين نحن اهل الوطن نعرف إن هــذي مب مواطنه لــكن الدول الثــانية شو دراهــم ، وهذا اللي أعـــتبره تـأثير علــى هويـــتنا ..

ومثــل ما أنتــ تطرقـــت وقــلت راح نفقــد حقوقــــنا وغيـــره كثير ..

اشكرك ع التواصـــل

هــموم

ورديّـه

16-08-05 ||, 12:45 AM

عموما التجنيس هو اللي خلا الامارات فيها اماراتيين لأنها ما كانت موجوده من الاصل

وانا بنت البلاد . بس يوم أشوف واحد يقول لي جيه : انا سويت البلاد أو بطرش لـ هلي ,, هل بيكون تصرفي *اجلب ويهك!* ؟ .. لا .. برايه ! ها هله أولا وأخيرا .. والامارات شالها ابويه زايد لا هم ولا عشره من أمثالهم بناها لا قبل ولا بعدين .. الله يرحمه :heart:

بس صح احيــن حاليا نحن مكتفين من التجنيس . هب من كثرنا صح , بس أظن الاوضاع احين غير مستقرة فالعالم وما نبا حد يخطط ضدنا ويستخدم التجنيس سلاح أو ثغرة .. *ما تدرين يمكن عملاء !!*

وها رايي بختصار . هب ضده . وهب معه حاليا ولـ بعدين .. Stop it !
.
.

وشكرن سيس :inlove:

لبن مثلج

16-08-05 ||, 01:21 AM

انا اشوف لو الموضوع يتثبت للنقاش احسن،، بما انه موضوع حساس ويمس الوطن والمواطنين ... عشان نعطي الموضوع مساحة اكبر من النقاش الجاد...

ولي عتب على البنوتات الي يستعملن كلمات اجنبية في النقاش ... ياريت لو نعتز بلغة الضاد اكثر ،، وهي خطوه اولى لمحاربه التجنس اللغوي :fa42:

ورديّـه

16-08-05 ||, 01:57 AM

نعتز بلغة الضاد . بس اللي ييلس في الجامعة كل هالسنين ويرمس حتى فالشارع والمطاعم بالانجليزي ، غصبن عن راسه يدخّل بعض المفردات . داخلة عرض :fa42:

إسهر معي ليله

16-08-05 ||, 02:03 AM

:: الحساس ::

مشكور أخوي :inlove:

:: هموم الحب ::

ممكن أعلق على كلامج :fa35:

أخــــتي ورديــه:
أنــا معـــاج إن مــعظم سكــــان أمريـــكا من دول مخــتلفه
وأن شعبــها متــجنسيـــن ، لـــكن عــمر الأجــانب مــا انذكروا بأصلـــهم وفصــلهم

السبب انه مشكلتنا هني اول ما نتعرف على شخص نقوله انته قوم منو؟.. والإحترام يعتمد على اصله وفصله.. نسينا انه كلنا اهل بلاد وحده
ونسينا كلام الشيخ زايد "الله يرحمه" :heart: عن حق المتجنسين

لــكن والله ، في بــنات نحـــن نعرفـــهم ومــتجنسات ومـا أحب اذكر أصلــهم
والله يرمســن ويقولون ، نــحن نشتغل في بلادكم ونـــاخذ بيزات ونوديــها
بلادنــا ، عــسب لاقدر الله وصــار شي نــكون مأمنين علــى عــمارنا

بالنسبة لهالبنت فأول مرة فحياتي اسمع عن شخص جيه يتكلم.. بصراحه هاي قوية عين
لكن مب معنى هذا انهم كلهم شراتها.. بالعكس اصلاً لو بلادهم زينه جان ما يو هني.. (( هذا اذا كانت مواطنه ))

اما اذا كانت اجنبية فيحق لها.. كل الناس تسافر وتشتغل عشان بلادها

والسمووحه

عايش وهم

16-08-05 ||, 02:30 AM

السلام عليكم

جذور دولتنا الحبيبة ليست سوى خليط من الدول التالية (السعودية - اليمن - عمان - إيران) و التي تعد في المرتبة الأولى من الوطنية الثبوتية إذا ما عدنا أدراجنا و بحثنا في أصول العوائل و جذورها لاحقا تم توافد الأفراد من الدول الخليجية كـ (البحرين و قطر) .

يعني ذلك أنه لدينا تاريخ إنما تاريخ شاب إذا ما قورن بتاريخ العالم و لكن لا توجد لدينا حضاره .

سياسة إقتصادية

قد توفر الدولة عروض معينة يكون أولها إمتلاك أرض تجارية لتطمئن المستثمر على مستقبله الإقتصادي و آخرها التجنيس لتدعه يتمتع بمزايا المواطنين و من ثم لا يكون عنده أي داعي للرحيل عن الوطن و بذلك تضمن الدولة إنسياب تلك الأموال في الدولة ذاتها عالمين أنه إذا ما حاز على الجنسية سيحوز أبناءه عليها أيضا لضمان عدم خروج الأموال خارج الدولة .

سياسة إقتصادية ناجحة نوع ما ...

لــــــــــــكـــــــــــ ـن

لم لا تكون هناك ضريبة نسبية مفروضة على كل مستثمر (غير مواطن) يزيد دخله السنوي عن المليون درهم إماراتي و بذلك تضمن الدولة الإستفادة من أموال ذات المستثمر و تقي نفسها مصاريف مجانية توفرها له في حال تم تجنيسه كــ (التأمين الصحي - الدراسة - صندوق الزواج - المساكن الشعبية .. إلخ) من تلك الأمور التي يتمتع بها المواطن الأصلي .

و هناك جانب إستنكرته في دولتنا

فما الفائدة من تجنيس الفنانين من المطربين و المطربات .. لا أظن أن ذلك يزيد من ثراء الدولة لا على الصعيد المادي أو الإقتصادي و لا حتى على الصعيد الإجتماعي !!! لماذا يا ترى ؟ و هناك من هم أحق بالتجنيس كالمواطنين الذين تم تجاهل حقهم في التجنيس و كأنهم عالة على دولتنا ..

الدول الخليجية أحرى

و كرأي شخصي ... أرى أن الدولة إن أرادت أن تجنس فيحبذ تجنيس أفراد أو عوائل من الدول الخليجية المجاورة و ذلك لعدة أسباب مقتنع بها شخصيا مثل تقارب اللغة الى حد كبير لا يوجد سوى إختلاف يسير في العادات و التقاليد حتى أنهم قريبين لهيئتنا العرقية و يكفينا أنهم من مجلس التعاون .

لا أرى في إنفتاح باب التجنيس على مصراعية لكل من أراد سوى إختلاط في العروق و تضارب في العادات و التقاليد فمن جهة تنادي الدولة بالتمسك بعاداتنا و تقاليدنا و من جهة تفرض علينا من يخالفنا في عاداته و تقاليده كمواطن حقوقه من حقوقنا و يتمتع بخير دولتنا ..

فعندما كانت الإمارات في فقر مقدع يموت بها الناس من الجوع ما إلتفت لنا سوى دولة الكويت أدام الله عزها أم عن باقي الدول إستنكرت وجودنا على هذه اليابسة و ها هو الغريب اليوم ينعم بخيرات بلادي كمواطن شرعي و لو أراد شخص من الكويت أن يتجنس عندنا لضاع بين "طلبك مرفوض" و "يبالك واسطه" ربما لو كنت مستثمر سيتم القبول على طلبك ..!!

كلمة أخيرة

إن أرادت دولتي الحبيبة تجنيس الغريب فعليها أولا تجنيس كل من هم في الدولة من فئة "الـــبــدون" ساعتها تجنس من شائت كي لا يكون هناك تناقض في عملية التجنيس أو عدم مساواة ..

الأخت الكريمة هموم الحب
شكرا على هذه الوقفة الرائعه مع قضية التجنيس
و أعتذر على أخذ هذه المساحة الكبيرة
لدي الكثير لأقوله و لكن سأكتفي بهذا القدر
تقبلي تحياتي

ورديّـه

16-08-05 ||, 04:01 AM

كلمة أخيرة

إن أرادت دولتي الحبيبة تجنيس الغريب فعليها أولا تجنيس كل من هم في الدولة من فئة "الـــبــدون" ساعتها تجنس من شائت كي لا يكون هناك تناقض في عملية التجنيس أو عدم مساواة ..

صدقت ! :ohboy: صح لسانك

ورديّـه

16-08-05 ||, 04:05 AM

إن أرادت دولتي الحبيبة تجنيس الغريب فعليها أولا تجنيس كل من هم في الدولة من فئة "الـــبــدون" ساعتها تجنس من شائت كي لا يكون هناك تناقض في عملية التجنيس أو عدم مساواة ..

صدقت ! صح لسانك

مــهــابه

16-08-05 ||, 02:13 PM

أخـــتي ورديــه:
أن معـــاج في كل كلــمة قـــلتيها ، دولة الإمارات يــوم صارت واستوت ، سواها بوخليفه الله يرحمه
ونحــن ماراح نحتاج لــهم ،لـــكن الواحد ينقهر لأنهـــا هـــي مواطنه ، تحمل الجنسية الإماراتيـــة ، عسب
جيـــه نحـــن نتحسس من هالشي...

شكراً علـــى ابداء الرأي

لبن مثــلج:
أنــت يبت لنــا موضوع ثاني الله يســـلمك..

والتثبيت بيد المسؤولين والمراقبين...

أســهر معــي ليله:
حبيــت أعلق علــى ردك الثـــاني ..
أن أحترام الشخص يأتي علــى أصل الشخص وفصــله ،لا أخــويه عمرنـــا نحن مافكرنا جيه ، نحــن والمتجنسين في هالبـــلاد حالنا واحــد ترانـــا كلنــا عشنـــا تحت خير زايد الله يرحــمه ، لكـــن يوم بتيك وحده وبتقول لــك هالرمســـه وهي تــحمل الجنسية المواطــنه .. في ذمــتك أنت شو بـــتقول..
قويــه عين؟؟ نـــاكرة معروف؟؟ ولاشو ، مــانقدر نقول شي لأنهــا هي مواطنه...

لــي رد ثــاني ، علــى ردك الأولي...

شكرا للتواصل..

هــموم

مــهــابه

16-08-05 ||, 02:37 PM

أخــويه : أسهــر معــي ليله ...

نــحن يوم بنــرمس ، ماراح نــرمس عن أمريــكا بس ، هذي صدفه خلــت
هالشخص الأمريــكي يرمس عنــا جيه؟؟ انــزين لو السؤال يــانا من شعب
غير الشـــعب الأمريــكي؟؟ شو بيـكون ردنا؟؟ بينعايرهم بأصلهم..
كلامهم صحيح .. نحــن نسبة قليله في هالــوطن..
أنـــت أحسب نسبة المواطنيـــن علــى نسبة الهنود والعماله الأجنبيه وغيره..
راح تــلقى أن الهنود أكثر عنــا نحن ، وبعــدين أنــا رمــست عن الموضوع من كل نوحييه مب على
التجنيس فقــط وكــنت أتسائل إذا كــان التجنيس هو الحل...

شــي ثـــاني..
دبي تعطي الجنسية لكــل من هب ودب ، هــذي أنا ماعرف عنــها ولارمســت عنها أصلا

ثــالثــاً:
والله والله والله، أن في نــاس في الإمارات ، وعندهم الجنسية الإماراتية لـــكن العربي مايتنطقــون به
وأنــا شخصيا أعرف بنــات امهاتهم مايرمسن عربي أبد ..لكــن عندهم جنسية..
لـذلك في فئــة من هالبشر ولو انها ضئيلــه ..
وفي فئــة ثانيــة ..ترمس عربي لــكن مكسر ، ولــكن هم إماراتين..
هــذي لغة ،عروبة ، ... ماتبونا نرمس فيها بعد؟؟
يعنــي إماراتي يرمس مكسر.. عادي صح؟؟

رابعــاً :
هــنود وبتان عــندهم جوازات..
الجـواب مب عنــدي ، عــند اللي رمس بهالشي..

خامســاً:
نحــن ماننكر أخويه خير المتجنسين واللي خدموا الوطن وساعدوا في نهضتة اللي كانوا قبل الاتحاد..
وأصلهن هــم جزء من هالوطن .. لأنهم عاشوا فيه من قبل..

لــكن..
نــحن نرمس عـــن التجنيس حــــــالياً.. هــل هو الحل؟؟
أم فيــه حل ثاني..

انتــه ترمس عن الهــنود ، وعــن رواتبــهم ، اخويه الحاجه بـــنت حرام ، وظروفهم هي اللي خلــتهم
يشتغــلون ويكرفــون ، وعــن المواطن لازم بيتعزز دام أنه في داره وموطــنه
هالشي طبيــعي.. كل واحــد معزز ومكرم في داره..
ولاتنــسى كيف كانوا أهلنا قبل الأتحــاد ، وقبل التطور وقبل هالنهضة كيف كــانوا..
تــراهم شرات الهنود ، كانوا يعــتمدون على الزراعه والغوص وفي مــنهم اللي كــان يروح
الســعوديــه يشتغل حـــمال..
واللي يتــغرب عن اهله ، كــانوا تــراهم شرات الهنود ، بس الحمدلله ، مــن الله علينا بالخير وبحــاكم قدر يعوضنا..
وتعــال شوف معــظم الهنود الحيــن ، تراهم صاروا رجال أعمال في الدوله ، وبعد حالهم من حالنا
ماصار في فرق..

أخيــراً:
الــحمد الله ، الحيــن شباب وشابات دولة الإمارات بتحــصلهم في كــل ميــدان ،
منهم الدكتور ، والمهندس ، والمعلم ، وكل شي الحمــدلله ، ولو أن بعض الشباب يستصعبوها
لــكن بدوا الحيــن يحترفون شغلات حلوه ، قمــنا نسمع عنها في الجرايد ونشوفها..

مشكــور أخويـــه اسهر معي ليله ع الرد...

إسهر معي ليله

16-08-05 ||, 03:17 PM

:: هموم الحب ::

بالنسبة لكلامي يوم قلت احترام الشخص يعتمد على اصله وفصله تراني ماطري الكل،،، ويوم اقول مشكلتنا ما اعمم عالكل.. اعمم على فئة معينه واللي بدت تختفي لأن الحمد لله الناس بدوا يفكرون ويفهمون ان الإنسان بدينه مب بنسبه،،، واختلاط جميع الفئات ويا بعضها غير تفكيرهم

واذا السؤال يانا من دولة غير امريكا ما بنعايرهم بأصلهم،، اصلاُ امريكا نفسها ما نعايرها بأصلها.. لأنه مافي دولة فالعالم خاليه من التجنيس وانا معاج انج تكلمتي عن الموضوع من جميع النواحي،،، لكن كنت اطري ردود بعض الأعضاء انهم بس تكلموا عن قضية التجنيس ونسوا اسباب ضياع الهوية الإماراتيه

سالفة دبي تعطي الجوازات لكل من هب ودب،،، ادري انج ما قلتيها والسؤال موجه للي قالها

بالنسبة للناس اللي ما ينطقون بالعربي فهذا شي اشبه بالعدم.. صدقيني انهم ما ينعدون والسبب انه امهاتم غير مواطنات لكنهم حصلواالجنسية لأن الأب مواطن،،، والحمد لله معظمهم متأثرين بلغة الأب ونسبة قلييلة وشبه معدومه مثل ما قلت هيه اللي متأثرة بلغة الأم،،، يعني اقل شي نقدر نقول انه مستحيل عائلة تحصل عالجنسية وهيه اجنبيةه 100% ،،، مستحيل
وانا ما قلت عادي يرمس عربي مكسر... انا قلت انه فيه ناس لغتهم غير سليمه لكن مب معنى هذا كل واحد لغته مكسرة ماعتبره اماراتي،،، منو تم عقب!!

وفالاخير بس حبيت اوضح للكل ان المشكلة مب هيه التجنيس.. المشكلة هيه ان عددنا ضئيل وشو الحل؟؟ لأن حتى المتجنس يعتبر اماراتي ومع ذلك تظل نسبتنا صغيره... ويوم غيرنا يقول مافي مواطنين فالبلاد يطري غير المتجنسين ،، يعني العمالة الوافدة وعددها الكبير

الله يحفظكم

مــهــابه

16-08-05 ||, 08:45 PM

سعيد الحظ:
كـــلامك صحيح وماعليه اغبار ، اشكركــ ع التواجد وأبداء الرأي
وأنــا أكيد بكون سعيدة الحظ دام أنــه الموضوع نــال اعجابكم

العجيبة

16-08-05 ||, 10:27 PM

السـلام عليكــم ورحمة الله وبركاته

السموحه على ردي السابق .. بعـرض ردي ورأيي الحيــن ..

أنــا ضــد التجنيــس لمــن هــب ودب ..!

اذا كـانـت الدولة تعاني نقـص وضآلة شعبهـا فهالشـي أهـون من إن الدولة تعاني من شعـب يمحـي وجودها وكيانهـا أو حتى عروبتهـا ، فلو كان التجنيس لمـن كمـل الـ 20 سنة في الدولة فأعتقـد ان عيال الهنـد وباكستان ودول عربية أخـرى سيكـون لهم حـظ وافـر من هالتجنيـس ، ساعتهــا مثل ما المواطن الحيـن يرفـض الشغـل البسيـط باجر بنشـوف الهنـدي المتجنـس يـرفض نفس الشـي ويطالب بحقـوقه كمـواطـن !

التجنيـس سياسـة تتبعـهـا كل الدول مثل ما قـريـت في واحد من الردود ما اتذكر لمنـو ..
طيـب .. من شعـب الدولة في نـااااس هم أحق لهالتجنيـس وأحوج له اللي هم فئتي البدون و ابناء المواطنات اللي يطلبون منهم ورقة طلاق الاب للام او شهادة وفاة الأب !! > شروط تعجيزية <

الشروط التعجيـزية للي هـو أحـق بهالجنسيـة بعكــس الشـروط المتسـاهـل فيهـا للـي ........ :fa52:

المهم .. البــدون بعـد سالفتهــم سالفة وياكثــر اللي اتطــرقــوا لهــا .. وما اظني يخفى على حد معاناتهم اللي يعيشــونهــاا !

هذا بخصــوص التجنيــس اللي أدري انه مب مشكلة الموضـوع وانمـا هو حل مفتـرض !

مشكلة المـوضــوع ضآلة شعب الدولة .. حلو .. اذا نسبة المواطنيـن 20%
أوكـي وين الـ 80% ؟ ليش ميلسينهم في البـــلاد ؟؟
ليش ما تبـدأ الدولة بخطــوة تـرحيــل هالجماعــات اللي متوافـده ع الدوله بشكــل كبيــر أو اللي الدولة بروحهــا اتييبهــم ؟!
يمكـن تقـولون ان الدولة ما تستغنـى عن هالعمـاله .. انـزين مب مشكلة .. تخلي المفيــدين وترحل اللي ما منهم فايــده واللي ع اليـوميـن نسمـع لنـا عن جرايم ومشاكل سببهــا هـم !
يقـولون بعـد ان نسبــة البطـالة بين أبناء الدولة زادت وبتزيد في السنـوات القـادمه ..
انـزين توطيــن الدوائـر الحكومية والشـركـات بعـد حــل ( حل لمشكلتين النقص والبطالة )..
هيه حتى الشــركــات ! الدولة تقــدر تسـوي دعايات للشـركـات عـن أبنـاء الدولة اللي يتخـرجـون من الجامعـات وتحـبب لهم شغـل المواطنيــن وبالتـالي الشـركـات يمكــن يعيبهـا العـرض وتشغل المواطنين وتستغنى عن الوافدين أو حتى تقلل منهم ..!

الحلــــووول كثيـــره .. بس المشكلة مب في المشكلة نفسهـا .. المشكلة اننـا ما نشـوف تنفيـذ !

شكــرا لج أختي همــوم الحب على هالموضوع المهم

السموحه

يمكــن تكــون لي عـودة لو شـفـت ردود ترفـع ضغطـي !!

عــجــيــبـــه

الثعلب الرمادي

16-08-05 ||, 10:46 PM

مساء الخير ...

منذ فترة شاهدت كاريكاتير يلخص هذا الموضوع من خلال مجموعة من السياح الأجانب أثناء قيامهم بجولة سياحية في إحدى المناطق في دولة الإمارات و أثناء الطريق يشاهد أحدهم لوحة إشارة في إتجاه معين كتب عليه شعبية أو المحمية الفلانية فدخلوا إلى هناك و رأؤوا أحد المواطنين أثناء دخوله إلى البقالة فقال أحدهم هيا لنصوره قبل أن يهرب و ملخص الكاريكاتير هو قلة عدد المواطنين في الدولة و أنا لا أرى أنها مشكلة خطيرة فمعظم الجنسيات مسالمة و ذراع القنانون قوية و لا يوجد أي إنفلات أمني كما يحدث في بعض الدول و التجنيس ليس الحل بالتأكيد هذا من وجهة نظري و شكرا .

مــهــابه

17-08-05 ||, 01:50 PM

أخــويه : عايش وهـمــ
أشكــر تواجـدكــ في مــوضوعـــي ، وهــذا شــي يشرفــــنـــي...
ردكــ كــان شــامل وصغــتها من كــل النواحــي..
ومــثل ماتفضلــت وقلــت البدون هـمــ أحق في هــذا الشي..
وأقـدر أقولـ اللــي مب مقتنـــع في كـــلامــي..
يقــرأ هالـرد وأكيــد راح يقـــتنــعـــ

الشكـر لــك أنـــته اخوي أولا وأخيــراً..
والمــوضوع مــوضوعــكـــ ، وخــذ راحـتكـــ...

مــهــابه

17-08-05 ||, 01:56 PM

أسهـــــر معي ليلــة:
شكــراً ع التــواجــد والمتـــابعه ، ودوركــ في أبداء الرأي..

العجيبــــــــــة:
لاأخــتي خــذي راحــتج ، الموضوع لـكـمـــ

ومــثل مــا تكرمـــتي وقــلتي ، الحــلول كثيــرة ، لكــنــ إذا كنــا نحــن مع هالشــي ، مثـل الترحيل ، والإكتفاء بالمواطنيــن وعـدمـ التجنيس لأي أحــد تــراه في وايــد غيرنــا يعارضـــون هالشي..
ويــشوفــون غيرتنـــا علــى بلادنـــــــا.. بعيــن ثانيـــة...

أشكـرج ع المداخلــة..

وبعـدين تعالي ليش يرتفع ضغطج؟؟ مـافي شي يســوى يا أخــتي...

تحيــاتي لج...

هــموم

الغاليه

17-08-05 ||, 03:17 PM

موضووع حلوو مثل ماقالوا اللي قبلي ... ومعقد اكبر مما نتصور .. وحلول حل هالقضيه بروحها تبا حلول ..

ومثل ماتعرفوون كلكم انه بعدها العماله الوافده في ازدياد مستمر لانه المستقبل القريب بيشهد استثمارات كبيره في الامارات مثل ماهو مرسووم في الخطط النستقبليه .. وهالشي يعني انه اذا تمينا على هالحال

نسبة المواطنين بالنسبة لبقية المقيمين بتقل اكثر مما هي عليه الحين ..

وبالنسبة للتجنيس .. يمكن انه يكون حل .. بس حل يباله تدقيق ...

يعني اشجع على تجنيس الاقرب للهوية الماراتيه من حيث العادات والطباع والاسلوب واتكون
هالفئة المجنسة تقدر تخدم البلاد وتنفعه بشخصياتها وعقولها وكفاءاتها ..

البدون دوم اسمع عنهم .. ومب متواجدين بكثره في ابوظبي .. وماعندي فكره واسعه ليش مايبون يجنسونهم مع اني احس انهم لهم حق في حال كانوا يتكلمون العربية وطبايعهم وعاداتهم اماراتيه..

وضد التجنيس للناس المختلفه عنا في العادات والتقاليد او من بيئة ثانيه ولو كانت عربية ..
لانه هالشي بيشكل فارق بين المواطن العادي والمواطن اليديد من حيث الشكل والهوية الاماراتية اليديده اللي بيشكلونها وهالشي غير مستحب ابدا ..

وضد التجنيس بشـــــدة للفنانات والفنانين والناس اللي مالها لزمه واللي هي بدال ماترفع اسم الامارات اتقوم اتشوهه ..

وهذا رايي .. وتشكرين هموم الحب عالموضووع :) .. تحياتي لج

مــهــابه

17-08-05 ||, 08:10 PM

الغــالية:
مشــكورة أخــتي ع ردج ، والموضوع يحلــى بتواصلـــكم معانــا ومشاركــاتكـمــ...

كــلامـــج صحيح ، ومثــل ماقلــتي وتطرقـــتي البدون همــ أحق ..
وليس الممثلات والمغنيــات...

تحياتي لج...

هــموم

ورديّـه

17-08-05 ||, 08:13 PM

انا قلت انه فيه ناس لغتهم غير سليمه لكن مب معنى هذا كل واحد لغته مكسرة ماعتبره اماراتي،،، منو تم عقب!!

كيف يعني من تم عقب :crazy: ؟ لا حوول يعني مثلن اللي لغتهم *هب سليمة* ع قولتك وعربي مكسر وايدين لدرجة نحن ما نبين !! اللي يقرا كلامك يصدق .. !

إسهر معي ليله

17-08-05 ||, 10:45 PM

:: ورديه ::

لاحظت اني بالغت

خخخخ لا طبعاً،،، مب وايدين الحمد لله =)

بس تدرين انتي،، مندمجين فالنقاش لوول

مــهــابه

18-08-05 ||, 01:16 AM

الأعتراف بالحــــــق فضيله

ورديّـه

18-08-05 ||, 02:00 AM

^_^ عادي برو انا قلت بعد ها *الاندماج*

بريد ألكتروني

18-08-05 ||, 03:38 AM

يا مرحبا بهمووم الحـب

همــوم الحــب عندج لج سـؤال اباج تجاوبينه .. بوتعرفين انه هالمشكله حلها محتاج لسنين معدوده فقط ..

افرضي انه انحن 200 ألف مواطن في الدوله فقط .. وافرضي انه من بين هالميتين خمسين ألف شخص متزوج فقط .. اذا حسبنا انه نسبة الاطفـال لهالخمسين ألف شخص هي خمسة اطفـال لكل عايله وهذا شي معروف .. تتوقعين في عــام 2010 كم بيكوون عددنا ..

اعرف انه سؤالي مش واضح .. لكن بالنسبة اللي يتكاثر فيها شعب الامارات حاليا اعتقد انه المسألة مسألة وقت وما بتتعدى عام 2010 او 2012 ..

( الاعداد اللي كتبتها بسيطه جدا .. والمواطنين مش 200 الف .. يمكن ثلاث اضعاف او اكثر )

بالنسبــة للتجنــيس .. احتمــال يكــون عندنا في القريــب العاجـل نظام يشبه نظام التجنيــس الكندي .. يعني النــاس اللي تقدر تفيد البلد وتخدمه ( من دكاتره ومهندسين وفنيين ) بيحصلون على الجنسية الإماراتيه ( بيفيدون البلد بشكـل كبيـر .. لكن اعتقد انه هالشي بيكون على حساب الهوية الاماراتيه ) .. صحيح انه انحن ما انتمنى هالشـي .. لكن الواقع اللي جدامنا يحتم علينا انه نسايره ..