نعم .. خيـــر .. ليش ياي جدامي ؟

[ورديّـه]

نعم ..

خيــر

ليش واقف اطالع ؟؟

انت الثاني .. خير بعد !! ليش كل ما سير سيد في الشارع اتيي وياي وعيونك معلقه ع المنظرة ..

أوكي انت بعد .. يالس تصوّر .. نشوفك .. واضحة ! .. مافي داعي تسوي عمرك تشيّك .. تتحرانا ما نفهم !!!

اها .. افر زبالة .. بلاك عيونك بتنط من مكانها وشوي بـ تييلس حذالنا .. تبا الزبالة يعني ؟ ولا شو الموضوع ..

حلوة هاي نزلت من السيارة عسب تخزني .. وين الحيا .. تفلخنا يعني ولا شو يعني ؟ :Oo:
.
.

المرأة هب أداة . صورة اطالعونها .. أوكي , ما نحط ميك أب ولا شياته .. لبسنا وااايد حشيم .. العباة وسيعه ومستورة وكعب ماشي كعب .. والمشية مثل أي مشية والاصوات بـ المساسر والضحك بينّا والسوالف هب بمياعه ..

بعد اتطالعـون !! ولا غض نظر ولا هم يحزنـووون .. ؟

مرة قلت : أوفففف لو يطيح واحد في يديني .. ما بزاعج لأنه عيب البنية تصرخ على ريّال .. ولا بضارب طبعا! بس براويه شو يعني بنية في زمن نانسي .. واستخدام المرأة كـ سلعة .. واعتبار المرأة أداة وشكل ومكياج .. لا مشاعر لا فكر لا أخلاق في نظر البعض, بل الكثيرين منكم.

و نعم .. خيــر ؟

[أحلى منصوري]

صــح كنــت موجــود هنـــاك .. بس والله ما كنــت أطالـع حـــد :fa52:

امممممم لكــل فعــل ردة فعــل .. والله يعيــنــج يا شيــطونــه ..

بس ما يمدحون مشيــة البينــة من دون ( ريــال ) يصــونهــا من نظــرات الغيــر ..
وأحســن شــي إن البنيــة تروح المولات ( لو تبــى ) في أوقـــات غيــر الإجــازاات وفي الليــل :fa55:

السموحه منــج

خويـّـج
المنصــوري

[خنفروش]

امممممممممممم لا ماشي بس زغت تقرين اسمي في الحضور و اتقولين لي نعم خير والا اتقولين شو مشكلتك \ الصراحه عيبني الموضوع و ان شاء الله برجع له

[ورديّـه]

أحلى المنصوري

نظهر عز الظهر وحيـاتك لول ..
ونسير ايام الاسبوع .. هب فاضيين في الويك إند .. أهل . زيارات وعزايم
وصح اوقات الويك اند وفي الليل سواء مع محرم ودونه هب مناسبة ابداً .. أوافقك الرإي

"لكل فعل ردة فعل" .. which is ؟ ..
ماشي سبب أو فعل , سوا قلة أدب وحيا ودين من صوبهم ..
وما ظن تصرفهم يباله سبب .. ولا بند *غض النظر* تغيّـر؟!

مرة شيـبة ! انا ما شفته والله .. يعني ما لفيت بس ربيعتي قالت لي .. وشال لحيته وشنبه بعد .. يطالع ويرقم !!
أوكيـه . عيب عليك . استح على *عمرك* ..

وشكرا على مرورك الطيب

[ورديّـه]

خنفروش

لا انتوا ع العين والراس وآرائكم مقبولة سواء صح ولا غلط

وبنتظار ردك

[أحلى منصوري]

يعنــي لو فلعتيــه بالجوتــي ( الله يعزج ) بيعذرونج النــاس :fa56: ..

ودوم اودي أهليه الظهــر بس ما اشوف اللي يطــالــع ( شفتــي فايــدة الريــال ) :fa38:

خنفروش .. ما شبعت من ضرب المحاق ويا هنيه بعد :laugh:

والسموحه

..

[سفير الخيال]

صـــدقك يا خنفـــروش.. والله بلشه :fa52:

إختي شيطونه ورديه...

والله عيبتيني في كلامج لما قلتي إنج ما بتردين عليه لأنه عيب البنت اتصارخ على الريال :)

هناك الكثير من البنات من يعتقد إن مراددت الشاب في حال التحرش بها هو أمـــر يجب منه لإثبات الإحترام منها وإظهاره وهذا الأمر خطــــأ...

لأن أغلب الشباب يحاولون استغلال الموقف ليعبروا عن مدى رجولتهم المتهكمه واستعراض لباقة كلامهم الساقط وبالتالي يصبح الأمر مجـــــــــــــرد استعـــــــراض أو مســـرحية لبقية الحضـــــور والضحيـــة إمــــرأه سقطــــت فـــي حــــوض الإدعاءات الكاذبه والقــــذف المـــريب ليتحرر الرجل من قبضـــة المـــوقف ويلملم أنفاسه هاربا...

المــــرأة المحترمه تبقــــى مظللــــة بأشجار الصمــــت حتى لا يحـــرقهـــا لهيــــب الــــرجل إلى أن تـــزول شمســــه بين جبـــأل القهـــــــــــر.........

مجــــرد رأي..

المعذره!!

[ورديّـه]

المنصوري

بارك الله فيك ريال من ظهر رياييل
والجوتي امشي فيه .. !

..

سفير الخيال

أكيـد :) مهمن كان البنية لازم تكون محترمة شكلا و *مضمونا* وصوت الحرمة عورة !
ثانيا الصوت العالي يحرق صاحبه . والتطنيــش يحرق اللي جدامك ..
يكفي اسجل رقم الموتر بيني وبينك لو حصل شي كبير . وبـس

يا سلام أول مرة ترد على مواضيعي وانشالله هب آخر مرة
احترامي

[خنفروش]

شيطونه صدقج والله

يعني في شباب بالضبط مثل ما وصفتيهم و زياده يعني يتحرون قلة الحيا بطوله و يتحرون الصفاقه قوة شخصيه و يظنون ان الدنائه شجاعه

(( و هاي نسبه مو قليله و لها اماكن معينه تعتبر اوكارهم او مجمعاتهم " مع احترامي لبعض المتحرمين الي يصادف وجودهم في نفس مكان هالفئه السخيفه " او ما يحلو لهم الجلوس الا بنفس الاماكن ))

فالبنت سواء كانت مع اهلها و الا ابروحها ولبست عباه واسعه و لبست كعبه والا مشت حافيه حتى اتحجبت اتنقبت والا كانت حاسره و الا امظهره قصتها صغيرع كانت والا كبيره بيشوفها و بيتمقل فيها من فوق لتحت و السبب بسيط هو اصلا مستوطن المكان او كانه يداوم هناك فيعامل الجميع معامه الدكتور الي يفحص الناس يبحث عن علامه عن سبب يخليه (( يتجرأ زياده – تشخيص – حالة البنت )) و اكيد ان في شواذ عن القاعده

بين قوسين \ كيف تقدر البنت انها تجبر الشاب التافهه على احترامها بدون ما تنطق ابحرف ؟

[سفير الخيال]

أخوي خنفروش..

المشكله إن أغلب الشباب لزقه من النوع اللي بعدها البشريه ما اتوصلت إليه :fa54:

[ورديّـه]

خنفروووش

حلو تعليقك ما فكرت في سالفة *الوكر* ! صح اللي في بيته ياخذ راحته ويعلي صوته بعد ..

بين قوسين \ كيف تقدر البنت انها تجبر الشاب التافهه على احترامها بدون ما تنطق ابحرف ؟
*إسْفًه السّفيه* ها حكمتي .. وانا ما بجبر واحد أو عشرة يحترموني .. كل واحد عليه بنفسه .. مع ذلك شي احترام وشي تربية نطبقها .. يعني مستحيل واحد بيسوي جيه وأقول ها مرباي ولا بارك الله في هلك ربوك .. لازم نحترم هالنقطة

شكرا بو خنفش

[الـيـاه]

:: شيطونه ورديـه ::

عيبني موضوعج !

وشرات ما قال *خنفروش* في من الشباب - عفان الله - مايهمهم الشكل
ان كانت البنت حاطه Make up والا لا :Oo:< ان شاء الله تكون خسفه> المهم انها بنت


ان كانوا فـ الشارع مثل ما قلتي اسهل شي تسوينه انج تسجلين رقم الموتر
لكن \ فـ مكان مسكر شرات السناتر ماتقدرين ؟

ليش مايحطون "شرطـه" فـ السناتر ابرك من هالسكيورتي اللي مامنهم *فايـده*
يا هندي او اجنبي ومالهم خانـه .. احس لو في شرطـه حق هالسوالف احسن :ohboy:..


واحيد ان شي قرار حق ( لمغازلجيه) ان يفضحونهم ويحطون صورهم فـ الجريده
اذا بلغوا حـد :mad:<<<< ماجوف هالقرار يطـبـّق لين الحينه ..
والا انا اللي *ماجوف ؟*

بيأدبهم والله ..

ع العموم
مشكوره حبوبــه :blush: ع الموضوع الحلو

.
.
.

[خيال الحب]

السلام عليكم :fa35:



موضوع حلووو,,,:fa42:



مره كنت في السيتي وشفت ريال شيبه يلاحق بنات صغار يعني كبر بناته,,, 18 - 17 سنه:fa55:





ويلاحقهم من مكان لين مكان :Oo:



عقب رحت الكارفور وحصلت نفس البنات والشيبه وراهم,, وفجاه عصبت البنت قالت نصوم ونصوم واخر شي نفطر على بصله مالت عليك وعلى شكلك خخخخ والله انا مت من الضحك ع الشيبه مسكين ماعرف شو يسوي:tounge:



يووووووووووووووم شوابنا قامو يسوون هالسوايااااااااا فما بالكم بالشباب الي بكامل صحتهم يرابعون في المراكز من الصبح لين فليل وما يتعبون (( مركبتين مكينة تو جي لووول )):fa44:





وفي ناس ما يستحوووووون مره,,, يعني عندهم جرأه قوية انهم يدخلون ورى البنت اي محل حتى لو كان خاص بالنساء فقط,, همه الوحيد انه يرقم,,, :wacko:



الله يهدي شبابنا ان شاء الله -----((ترا بيستويلنااااا مثل ماستوى للكويت يوم اهملو دينهم وزاد عندهم الفساد)):fa56:



لاحول ولا قوة الا بالله

[الجنيه]

شيطونه ورديه

ههههههه والله ضحكتيني سبحان الله هالاشكال مره ما يتغيرون
البارحه الله يسلمج دهنا سير المدير وقرر يطلعنا قبل الدوام بساعه قلنا بنتغدى وبتنوكل كل وحده عبيتها يقولج سرنا مطعم Apple Beans وهالحزه أبد ماشي زحمه أول ما وصلنا الطابق الثاني ماشفنا غير شيبه يالس ويا ربيعه
يلسنا عطاوله بعيده عنهم أوه نسيت أقولكم أنه اللي وياي كلهن زلمات بس محترمات يعني من حيث اللبس .. ما أدري كيف رادار الصياعه لقطنا وكل دقيقه ساير راد صوبنا وآخر شي مر من حذالي وحط الرقم صوبي والله مب من عادتي أرد على هالناس بس هذا ما قدرت أمسك عمري قلت له شو تبيني أطلب لك سيارة من دار المسنين عشان يشلونك ؟؟؟
قفط وتم مبهت ..طبعا أنا بعد اللي قلته كنت بموت من الضحك جان أودر الأكل وأرجع البيت .:fa37:

الله المستعان ...

[بنت ابدوي]

شيطونه ورديه

.

طرح متميـز لـ موضوع منـتشر في كافة أرجاء الدوله داخلها وخارجهـا :fa52:
ترانيه ارمس صدق يوم اقول داخلها وخارجهــا

بخبركمـ شو صارليـه وانا في صلالة

سايرين المهرجان مالهـمـ وهناك قوم امايه تعبوا وقالوا بيلسون .. ونحن سرنا نحوط .. للأسف انه ما كان عندنا ريال .. ونحن 3 بنـات .. انا اسولف واقول لختيه صوري هذا المكان وهذاك بدون ازعاج لين هذاك الوقت .. وعقب ..

وفجأة

القى لج شلة شباب ورايه .. :fa51: ما كنت اعرف شو اسوي .. كنا هب متغشين بس والله متحجبين عدل .. ويرمسون ويمدحون البلاد وبناتها .. ونحن عاطينهم اذن صمخــااا :fa51: تموا ورانا (( على فكره هم من البلاد )) ..



اقول في خاطريه هب سالمين منكمـ لا في البلاد ولا خاري .. الله يهديكمـ يا ربيـه

.

مره من المرات .. من كـمـ اسبوع .. كنـا سايرين بقعه (( والله مب مول ولا سنتر)) وخلصنا حايتنا ويايين بنروح .. جان تعزر عليه امايه اسير اشتري بارد .. وانا كنت خايفه اسير لنه هناك شي شباب .. بس امايه قالت وقلتلها بنشتري من جدام قالت لا من هالدكان .. (( احلف الكم انه كنت ابين من قمة راسيه لآخر ريوليه --> كله اسود )) جان اسير للدكان .. واقوله حايتيه .. جان ايي ويلصق فيه من ورا :fa43: كنت بموت وقتها على حركته الجريئـة .. يوم ييت بروح ما اقدر لا اصد جيه ولا جيه .. جان اقوله لوسمحت ممكن .. ما تووايب ليه .. جان اقوله مره ثانيه لو سمحت .. واونه لز ليه عشان اخطف بس بصراحه حركته تافهه وسخيفه ..

الله يهديه يا رب

.

وبعد مره في مكان مشهور في العين لازم من الصبح لـ تالي العين الشباب بسيايرهم ساير راد .. ما اعرف ليش ؟ مع انه هب مول ..
وين يبيعون الرقع والقطــع .. انا ما اعرف اسم الشارع ..

ودايما دايما زحمـــــــــــــــــــه

اقول في خاطريه .. والله ما بتلقون حايتكمـ اهنه اشله السيره والرده وتخلص بترول سيارتك :fa56:

.

:fa34: الله يهديهمـ يا رب :fa34:

.

خويتج // بنت ابدوي

[ورديّـه]

المشكله إن أغلب الشباب لزقه من النوع اللي بعدها البشريه ما اتوصلت إليه :fa54:


:fa54:
.
.

الياه *اليوم أرمس عن شاعر اسمه الياه, اسم حلو ومعناه حلو, بنتي انشالله بسميها الياه* آني وي

الشيخة ها قانون في دبي بس . أحلى ما في دبي ! صدق راحه . حضاره . هب شرات شباب باجي الامارات غجر و losers ! ..

المشكلة الشيخة هب في شكل البنية وعمرها , المشكلة في الشباب اللي يتحرون عمرهم الأحسن والافضل والأوسم , فـ ياخذون راحتهم في المضايقة التحرش الوقاحة والتعليقات .. عقب يلقون عمرهم في السجن شهر لـ أسباب مجهولة complatly لول . القوي له الأقوى عنه

بالنسبة لـ تواجد الشرطة بدال السيكيوريتي *انا ما شوف سيكيوريتي بيني وبينج* .. صدق فكرة أوكيه *مع التحفظ على بعض تصرفات بعض الشرطيين *البـعضضضض* ع قولت الوالد .. أول شي نحس شي أمان شوي وممكن نحصل حد يتصرف .. ثانيا الشباب بيخيلون شوي ع ويوهم يوم بيشوفون شرطة لها دور في المكان .. بس يا خوفيييي :Oo: .. فديتج بشوف كيف يترتب الموضوع

وشكرننن لـ مرورج
.
.

[وحي القلم]

:woot:

الجنيه.. جنـــيــــه :laugh:

..

اختيه الورديه

هاذيلا (( آفــه ))
و الى أستغرب منه يوم أنج اتشوفين وياه حرمته ولا اليهال
يعني إن كنت ما تحترم الى تتطالعها
عالاقل فكر في اللى وياك كيف ممكن اتكون نفسيتها
و الصغاريه دام انهم ايشوفون ابوهم ايسوي جذيه
يوم بيكبرون شو بيسوون ؟!!

الله ايهديهم

..

[أوتار القلب]

خخخخخ

الجنيه ضحكتيني والله



ورديّه



حليلج والله

انا من زماااااان ما صادفني موقف من ها النوع

لاني ناااادرا ما اظهر بروحي .. لازم البودي جارد دووم يكون ويايه << Vip :cool:



مره كنت رايحه القريه و كنت ادور القريه السيريلانكيه و اطالع فوق و فجأه صدمت واحد oops :fa46:

بس جان يودني البودي جارد خاصتي خخخخخ و جاااان اقفط



و هذاك عقب تم يطالعني بنظره خخخخخ المهم طلعت من الموقف بكل سلاااام و هدوء :D



any way

ماعرف ليش جيه بعض الشباب .. يعني حتى لو كانت الوحده خسفه بعد بيلاحقونها المهم انها بنيه :fa52:

و الحين بعد طلعولناا الشواب .. احنا ناقصين بعد :fa36:

مره اربيعة اختي * عمرها 16* رايحه ستي دبي و دخلت تويز آر اس جان ييها واحد شايب و تم يسألها عن حالها اونه عقب عطاها الرقم :Oo:

والله حاله



فكرة الشرطه بدال السيكيوريتي وايد اوكيك صراحه :fa42:

يعني الوحده بتحس بأمان اذا ظهرت بدون محرم





الله يعين

[حفله]

nice topic

you remembered me about a really embarrassing situation that happen in front of a friend of mine



she told me once that .. while she was shopping in one of AD mall's she sow a young mo7ajbah gurl yelling at a young local man who seemed shocked for the lil lady' react .. elzaher he #ed her as usual as AD shbab do..!!

then .. he sassed the angry lady telling her at the end: entee 6alg .. 6alg .. 6alg



imagine that happening in front of many crowded people whom stopped watching them



what im pointtting at .. is what would they think about the lil lady?



despite her real social life .. ( single or married ) !! im ensure that they will think that she made a big mistake and bcz of it

the situation between them is getting worse ldrajat enno their relation had end up like this way ( in public ) .. and she deserve it lah ?

ya3nii somehow .. they will take abad idea about her even if she’s good .. because *she is an left alone female = which is wrong in our society mind * and the men in our society has stronger situation than the women do + ow in the end she lost… bcz she didn’t chose the right way to stop him * like calling the police and chocking him on a chair with a electricity wires till deth lol* !!



Al Mansoori boy : humiliating the women because they are shopping without male are just so gross and low minded + isn’t 7araam ?? ( there is no excuse that let them treat the women in such way even if they r without mu7rem )





ya3nii belthemeh guys .. isn’t shame to accept this bad habit kermal ( Y she’s alone without ryyaal) ??



come ooooooooon guys .. isnt opportunist or exploitation the female like this 7araaam ?? and the both are damn shit – excuse me ya3nii



this topic doesnt talks about just (gurlz) .. this topic is related to ( el6abe3 eysayer 9a7ebeh )



ya rabeeh .. shgayel I hates boys lol

[مــهــابه]

لـــوبنقــول أنهم مــاشايفيـــن خير..
لــو بنقول أنهم أول مره يشـــوفون بنـــــات...

بس المثل يقــول يا وردية( الحقــــران يقطــــع المصران ) ...

يعـــني طنشيهــــم وحاولي بقــدر المستـــطاع أنج تتحــاشيهم..

وحـــاولي يوم تسيرين الســوق ماتظهرين مع ربيعـــاتج بروحهن ، او خواتج
ع الأقـــل يكون ولــد معاكم ، عسب يخـــافون ومحد راح يتجرأ عليــكم صدقيني ( أسألي المجرب)

الله يــكون في العـــون ، والحمدلله أنــا وحده ماتعرض لمثل هالــمواقف

[الغاليه]

والله ياوردية صدقتي في اللي قلتيه :look: وهالظاهره قاعده ا تزيد يوم عن ايوووم ومحد سلم منها ,,

ماعرف هم ليش جي يسوون .. اي حرمة اي بنيه بحلقوا فيها ولحقوها بعيونهم وين ماراحت وجلبوا القاعده من غضوا البصر لـ فتحوا البصر !! .. ساعات احس اعيونهم بتظهر من مكانها شرات اللي يستوي فتوم اند جيري..

لا دين ولا مستحى ولا أخلاق ..

توه البارحه استوالي موقف كرهت عمري فيه .. ويقص عليكم اللي يقول المحتشمة مايقربون صوبها ويحترمونها .. يمكن زمان اول .. احينه المتفصخه والمترصصه اتمر عدالهم مايطالعونها .. واللي حاشمه عمرها كلهم لفوا صوبها :crazy: اما صدق عالــــــــــــم غريب الأطوار !!

وأأيدج في انه البنت أو الحرمه ان صادفت مثل هالمواقف اتطنش وتسكت وتروح لانه احسن حل .. واستغرب من بعض البنات اللي يراددن الريايل بالشتم و السب .. احس انها تفقد انوثتها واحترامها بهالتصرف وتزيد من حدة الموقف بدال ماتنهيه ..

المضحك في هالسالفه انه الاجيال اليديده بعد قامت تلعب الدور من بنات واولاد .. احيد كنا في العين مول
وصاعدين الدرج الكهربائي ,, جان نسمع صوت من السيد اللي عدالنا يقول .. يا ويـــــــــــــل حالي انا عالمزاييـــــن .. اتاريه ياهل بو ست او سبع سنين .. :laugh: تمينا نضحك عليه ضحك .. حليله كان جاد وواثق..

على كل حال وايدين اللي رمسوا بهالموضووع قبلنا وبيوون عقبنا ناس يناقشوون هالقضيه ويتكلمون عنها .. بس اللي ابا اعرفه هل بيي يووم وبيحلوون هالمشكله ولا بتصير سمة دائمة من سمات مجتمعنا !!

مشكووورة يالوردية عالموضووع :fa35: تحياتي لج ..

[ورديّـه]

خيال الحب

شكرن على اضافتك برو :laugh:
.
.

بنت ابدوي

حياج في الموضوع :inlove: ونفس الموقف صار لـ نسايبنا فـ صلالة ، لادار هم عافانا الله ولا شو ؟!
على فكرة الموضوع هب عود وايد وهم تافهين وما نعطيهم أكبر من حجمهم .. لـ درجة مرّة يرابعون ورانا منهم هاذيل لين المطاعم . قلت لـ ربيعتي : خليهم كلاب والكلب يتبع سيده وخخخ

وشكرن الشيخة ع اضافتج
.
.

وحي القلم

شي ناس يقولون : الياهل ما يفهم .. أو التربية ما يخصها في هالأمور واليهال ما يتأثرون ابـ والدهم ..
بس بصراحه شوفي شبابنا ، ما يخصهم في هالحركات .. بالعكس يرفضونها رفضا بات بتاتا البته واقولها عن معرفه *بس واحد منهم يحب يطنز ع البنات اللي الطيـن اللي ع ويهن يستدعي الطنـازة :Oo: !* .. ومعنهم ماشالله عليهم كل شي عندهم والبنات هم يحاولون وياهم بس تربيتهم أكبر عن مثل هالحركات *الـ Down*

وشكرن Sisi على اضافتج المهمة :fa42:
.
.

[ورديّـه]

أوتار القلب

شكرن على ردج قلبي
.
.

حفلة

مثل ما قلت لج في الرسالة ردج من أهم الردود .. لأنج ما بقيتي شي في خاطرج ماشالله .. والموضوع موضوعكم :)

الغالية ماشي عذر للنظرات من فوق لـ تحت .. وشي شباب يتحرون لو شي محرم خلاص ماشي نظرات .. بس انا ما بغيت أسويلهم وسواس قهري *ما يمدحونه لـ للصغار!* ، بس أوكيه *نكتة الموقف* والله أخويه وياي أو الوالد عيونهم في الأرض *اها غض النظر* وأول ما يلف ظهره لهم تلاقي اللادار اشتغل *الله!* بس ها في ميزان عملهم وسيئات لهم ..

وطبعا لو البنية وحدها ها هب عذر عسب أنت يا فلان ولد فلان تفصخ الحيا .. وبعدين لو انا مثلا بروحي في الحجرة ، هل هذا عذر عسب أدخل شاتات وضيف شباب لـ إيميلي واشوف خرابيط ؟ .. *بروحي أنـا!!؟*

ومن لعب على غيره رد على بيتهم اببلاش

وعلى فكرة وهاي معروفه .. شباب إمارة *** و *** الدفشين الغجر , ما يحترمون الحرمة أو البنية *المرأة عموما* ويعتبرونها غرض ! وشي ينداس *ya .. right in ur Dreams* وها غلط فيهم وفي اخلاقهم ..
والحمدالله على نعمة الخُلق والدماثة والايمان ..
.
.

على فكرة بيحشرونج كاتبه بـ الانجليزي . بس أكيد ما عندج كيبورد عربي
ويسلمو على الاضافة :) تعالي كل يوم

[ورديّـه]

لـــوبنقــول أنهم مــاشايفيـــن خير..
لــو بنقول أنهم أول مره يشـــوفون بنـــــات...

بس المثل يقــول يا وردية( الحقــــران يقطــــع المصران ) ...


لول يارج النبي ضحكتيني :fa46: ..
وصح الحقران يقطع المصران

وكلامج ما عليه غبـار ..
بس انتوا ما تعرفون ظروف البنية ..

الاخوان لهم مشاغلهم بيتهم وعيالهم . وثانيا ممكن ما يكونون من النوع اللي يُعتمد عليه يودي وييب .. فـ الذهاب مع الأم هو الغالب في الطلعات ، البنات سواء خوات أو ربيعاتنا .. فـ إذا الجو العام والبيئة بـ هالصورة > شو بـ يكون تصرفنا ؟! أكيد ندور حل . وانا ما بهدا غييير يوم ألقى هالحل لو هب حقي وحقنا ، حق بناتي عقب . صـح ولا لأ ؟

.
.

الجنية

سوري سكيب بدون قصد ..

شيطـاااانه :vampire:

[ورديّـه]

الغاليةرد مخصوص :inlove: شيوخ

البنات اللي يراددن الريايل بالشتم و السب .. احس انها تفقد انوثتها واحترامها *صح هاي نقطتي* بس احيانا بدون قصد تظهر منج سبة عسب كلمة مثل ويهه . ويتحرا دمه خفيف يعني *أوكيه ازقر حد بدالي يضحك قلت نكتة ثرك* :fa44:

أذكر مرة واحد كان يصور *أونه أونه* قلت حق الوالده : يتحرا ما نعرف انه يصور .. قالت وينه ؟ قلت شو تبي به :fa36: قالت بهزبه !! قلت هو واحد ولا اثنين .. يولي Mam !



على كل حال وايدين اللي رمسوا بهالموضووع قبلنا وبيوون عقبنا ناس يناقشوون هالقضيه ويتكلمون عنها .. بس اللي ابا اعرفه هل بيي يووم وبيحلوون هالمشكله ولا بتصير سمة دائمة من سمات مجتمعنا !!


بس نحن بـ نطـااالب سيسي . والقلم من أضعف الايمان :fa42: ..
والكلمة بـ توصل يعني بـ توصل . بنوصلها بس تبا منّا نيّة وتنفيذ
.
.

[ورديّـه]

كنت انا والاهل نمشي لـ محل برع هب في مول .. جان واحد يشير لي ويقول شي *انا بصراحه فلخت فاجأني!* جان اقول بسم الله الله يخسك خرعني الكلب ! طبعا انا اشوفه طــااااير > عن ربعه يسمعون شو انقال له .. وشي عوايل شافوه . مشاكل واستخفاف !

واليوم سرنا مطعم انا واختي ويلسنا في مكان مال العوايل *مصكر تقريبا* ..
يـوو مجموعة شباب بـس يوم شافونا ساروا من نفسهم مكان ثاني

Ok ..

يوو مجموعه ثانية ويلسوا *حقـارة !* طبعا انا أسكت !!؟* .. قلت للجرسون : نحن يالسين هنيه .. جان يرمسهم , اونه يبون يسوو ضرابه وحركات قرعه مثلهم . ما تمشي علي . يراددون بعد ! طبعا هو بأدب قال : انا ما قلت ..... بس لو سمحتوا شي مكان ثاني . قاموا يتحرطمون شرات العيوز المضيعه *علينا يـااا .. !* أونهم محد يروم عليهم *قـوو !!*

الجرسون *عربي* شاف نظرة الانتصار في محياي لول وطلبت سويت والبِل ..
طبعا لو ما قاموا كنت بكون Out .. أكيـد

انزيـن يعني قاصدين هالحركة تيلسون حذالنا و في مكان تقريبا مال العوايل .. شو قلة الأدب هاي . ما عندكم خوات ! ولا شــوو انتوا فقع ما عندكم أهل تخافون عليهم ؟!! ..
.
.

[الثعلب الرمادي]

مب مشكلة الريال إذا عنده هوس جنسي و مب مشكلة البنت إذا كانت في المكان الغلط في الوقت الغلط في النهاية الواحد لازم ينتبه لنفسه و ما يتورط مع بنت حتى ما يحصل نفسه في السجن :)

[ورديّـه]

.
.



في المكان الغلط في الوقت الغلط في النهاية الواحد لازم ينتبه لنفسه و ما يتورط مع بنت حتى ما يحصل نفسه في السجن :)


:)

[قلوب دبي]

ألسلام عليكم

ينقل الى الواحه المفتوحه كونها الانسب
موضوع نقاشي ..
لي عوده ان شاء الله

قلوب دبي

[ورديّـه]

سمعت عن الشباب اللي يطالعون حتى خواتهم وخالاتهم وبعضهم استغفر الله أمهاتهم
لأنهم تعودوا يطالعون أفلام *بورنو* .. أو مثل ما يسمونها *بندق* .. !
.
.
.

[ورديّـه]

.
.

قلوب دبي *عفوا طبّيتك* ونتريا تعليقك ورايك .. والبقيّـة

[الجنية الحلوة]

.. بسم الله الرحمن الرحيم..
.. السلام عليكم ورحمة الله وبركاته..

حلو موضوعج اختي ورديه ... وبعدين حتى يوم تكون البنت ويا ابوها يلحقونها.. بقولكم موقف استوى حق اختي في صلاله..
كنا واقفين عند عطور الحرمين.. اختي واقفه حذال ابويه.. شوي جان ايي واحد يوقف حذال ابويه ويأشرلها بالتلفون..
تخيلوا الوقاحه لين وين وصلت..

الجنيـــــــ الحلوة ـــــــة http://smileys.smileycentral.com/cat/36/36_22_24.gif (http://www.smileycentral.com/?partner=ZSzeb001_ZNxmk546YYAE)

[ورديّـه]

الجنية
معقولة ! O.o

يتحروون عمرهم كوول . بالنعال في نص ويهه ! يسوييها جدام الوالد ؟!! شوووو ما تارس عينه

مرة استوت حركة وانا اتجاوز الشارع وما شافوا اخويه كان في الموتر .. جان يظهر يضارب والله يودته، ماشالله عليه عاد . ممم والله ما سكت فرّاه في السجن . أحسن عسب يصلب عوده *مرتن لووخ* بالعراقي يعني المرة اليايه
.
.
.

[من بعد غربة]

مرحبا...



القافلة تسير والكلاب (عزكم الله) تنبح.... :fa38:


يابوج شيئ منهم حتى لو شافوا عنز متغشية بيربعون وراها,,,, :fa56:

انا امشي على مبدأ (واثق الخطا يمشي ملكاً)... وإذا كنتي واثقه في أخلاقج ومن عمرج ,,,ما عليج من حد...



تحياتي واحترامي للجميع

[ورديّـه]

لول والله دمكم خفيف ماشالله عليكم
.
.

من بعد الغربة *أظن ريال صح ؟ حسب الصورة* حياك اخويه . .

والله يوم نعطيهم بو لابس >> اسمع السب عاد ! ممم أو تعليقات وكلام فاضي *صدق غجر هب مربّاييـن بقب ، أصلب عودك !!* . . ممم بس مثل ما تقول *طنــاااش* يِوَلُّـو :fa55: الأدب زين ، وإن أتتك المذمة من ناقص فهي الشهادة اني كملوا < غصبن عنهم* :fa36: *

بس أستغرب ليش الشباب اللي ما يرضون ع بنات الناس هالمواقف ما يرمسون هالمغازلجية أو يعطونهم كف لول ؟ مممم حتى لو ربيعه أو ولد عمه وهكذا + الغريب . . صح الواحد يشتري راحة باله *يكبّر دماغه ع قولت المصريين* بس لو ما غيّرت في الدنيا ، شـو فايدتنـا :fa36: ؟



انا امشي على مبدأ (واثق الخطا يمشي ملكاً)... وإذا كنتي واثقه في أخلاقج ومن عمرج ,,,ما عليج من حد...


كلام حلو ما عليه غبار . وما عليك . أشكر وجودك :fa42:

[شمعة أمل]

قريت كل الردود وهذا ردي...

شو الغلط في طلعت البنت بروحها؟؟ خاطري اعرف!!
ابا افهم من ناحية الشباب ليش يعني لو جفتو بنت طالعه بدون محرم معناتها مب محترمه اوشي؟؟ شمعنى ماتقدرون ظروف هالبنت؟؟؟ دايما ظنكم ظن السوء؟؟ *مب بس اقصد رد احلى منصوري بس لاحظت هالشي عند وايدين*
عن نفسي انا ماعندي اخو ..وابويه ماعنده وقت عشان يطلعنا
يعني لانه ابويه دايما في الشغل ولا مسافر معناته انا محرومه من الطلعه *ك بنت محترمه في نظر الناس* لانه ماعندي اخو يطلعني؟؟؟؟:Oo:



وعن راي الياه انه نحط شرطه في المولات صدقيني الشرطه شرات السكيورتي بس لون لبسهم غير .. كلهم مامنهم فايده:fa55: لانه في الاخير كلهم يجمعهم شي واحد .. يخافون من المواطنين


وعن سؤال خنفروش
"بين قوسين \ كيف تقدر البنت انها تجبر الشاب التافهه على احترامها بدون ما تنطق ابحرف ؟"
هالشي مابيقدر يستوي في المول.. هالشي بس يقدر يستوي اذا يكونون مع بعض في the same work environment لانه هو بيعرفها هي كيف من تعاملها مع الناس
بس يجوف وحده تمشي في السوق مابيروم يحترمها سيده لانه مثل ماقلت فوق هو شاب تافهه


ناس هالزمن ويههم لـوووووووح سواء شباب او بنات * بس طبعا مب كلحد*:wacko: للأسف

[أمواج]

أفضل سيرة البنت مع ريال ومافي داعي تسير فلييل يعني ماتقدر تقضي حايتها فالنهار


وبس...

[عمة العيم]

ياااختي


اعتبره مرض نفسي


و يفتقدون صفة الرجوله


خدافس
:blush:

[ورديّـه]

شكرا للردود والتفاعل. الله يحفظكم

[ولد الشحوح]

ظاهرة منتشرة وأصلا بدوا البنات بروحهن يرقمن بعد ...
في حل وبسيط جدا جدا جدا الكل يحترم نفسه ولا عقوبة رادعة وقوية بس بدون واسطات وناس وناس
صدقوووووووني بتنحل المشكلة ...

[ولد الحكومة]

وعليكم السلام ورحمة الله وبركاااته

يا كثرهم الشباب الي ايطالعون البنات والعكس صحيح يعني ما احب اظلم الشباب ولا احب اظلم البنات :10: بس كوني شاب بتكلم عن الشباب :ma9dom:

ونعود لمحور الحديث ..

... يعني انا ما بدافع عن البنات بس والله يا جماعة الخير انا جدام عيني والله اشوووف الشباب كيف يلعوزوون البنات ، الي يشل شنطتها ويحط الرقم ، والي يمشي وراها ويتكلم بالفاظ بذيئه والي يمشي احذالها ويدعمها بكتفه والي ( يمط شيلتها من وراء ) يعني اشياء غريبه حتى الاجانب ما يسونهاااا :fa52: .
.
.
.
بس الصراحه انا يعجبني البنت الي تسكت عنهم وما اتسويلهم سالفه وماشاء الله على بنات البلاد محترمااات وما عليهن زووود ، يعني لو غلطت بنت أو بنتين انقووول ان كل البنات مب محترمات :fa42:
.
.
.
بخصوص ان البنت تظهر بالليل انا مب معارض بالعكس يمكن هي ظهرت عشان عندها حاجه ضروريه مثل اتروح الجمعية او الصيدليه او المستشفى لا سمح الله ... :terms:
.
.
والسموووحه اخواني الكرااام .