شمعـــــــــتي.. أنطفت

[مــهــابه]

عادي..

أفرح .. عـــادي..

أحزن عـــادي...

تعــودت..

لا جديد..

لو ضحكت اليوم ..بــاجر بصيييييح..

لو صحـــت الليله بـــاجر بضحك..

صرت أشوف الحزن شي طبيعي في حياتي..

صرت أشك..

أن أحســاسي مـــات..

أحس اني عايشه بلا مشاعر..

ماادري

هو تعود.. ولاشوه؟

والله ماادري..

أي موقف يصادفني .. لو المفروض أني أتأثر أو شي

أقول : عـــادي..

احيـــان أقول عن عمري اني عديمة أحساس..

صرت أخذ الأمور بأقل من أهميتها..

قعدت وايد مع نفسي .. أقول ليش؟؟ ليش؟؟

بس للأسف..

مااحصل جواب شافي

قــبل .. لو في أحد متضايج ويلجأ لي كنــت أحاول أخفف عنهم

بالحيله أو الأقناع ..

الحيــن حتى المقربين مني .. صرت أكتفي عليهم برد بسيط..

كلمة.. ولا أي شي..

وأحيان بالسكوت..

صرت أحتار وأحير اللي معـــــــــاي..

تدورن حــتى أخويه اللي مســافر

يوم أرمسه ع المسنجر..

مــايسمع صوتي .. ولا يشوفني ..

بس ماصار يصدق اني أنا اللي اكلمه..

صرت لازم أحلف له ..

وادلل له عسب يتأكد؟؟

رغم انه اكثر انسان افرح يوم اكلمه والكل يدري بهالشي

لكن الحين ..

مــا أدري..

يرمسني.. أقول مادري..

كله مادري

ماادري

مادري..

كــنت الكل في الكل في البيــــــــــــــت...

رغم اني مب الكبيره ..

بس كنت فارضـــه رأيي..

ولــي مكـــانه ..

ورأيي مسموع .. بس الحين

احس اني ورده و ذبلت... أحس اني شمعه وانطفت



فضفضه .. طلعت من القلب والله

[عنود الريف]

غاليتي ..
الوردة اذا ذبلت تقدرين تنقذينها من الذبول ...
اذا غيرتي لها السماد والا سقيتيها او طرق كثيرة ثانية ..
عزيزتي حاولي تبدلين وضعج الحالي ..
بأي طريقة .. حاولي تغيرين الجو اللي انتي فيه ..
واذا ما لقيتي حل ..
حاولي ترجعين كم من خطوة ورا وتتذكرين شو اللي خلاج تستوين جذي .. هل كثرة الاحزان خلتج تتعودين عليها ..
والا مشاكل ثانية ..
بس اقولج شي .. ان لولا الحزن .. جان حسيتي بالفرح ..
فالحزن ضرووري في الحياة
والله يهون عليج ..
والسمووووحه

[مــهــابه]

عــنود الريف:
الورده مــاتذبل إذا في أحد يهتم فيها ويسقيهــا ويرعاها..
كذلك الإنســـان ، وأنا مابقولج أني مب محصله هالشي بالعكس..
صدقيني ، هالكلام سمعته وايد ، وقلته لنفسي قبل لا أسمعه من أي حد ثاني..
حاولت أتغير .. ، وفعلا قدرت ، لكــن ارد وانكسر ..
صدقيني في الوقــت اللي اكون فيه قويه في داخلي مكــان من الضعف..
احاول اتغلب علييــه ، لكن الحين لا ، تقدرين اتقولين اني اتعــودت ع الحزن ..
لذلك صــار الأمر بالنسبة لــي عــادي ،

شكرا عزيزتي للمشاركــة..

[ورديّـه]

يمكن ناقصنج شي في الحياة انتي ما تعرفينه أو هب راضية تعترفين فيه

مرات أقول أوكيه شو الدافع اني اعيش؟ *نعيش للعبادة ادري* بس شو اللي فارض علي اتحرك واضحك واستمتع بالحياة *من يديد* .. أكيد شي اشيا في خاطري اعرفها واتمنى تصير بس لـ ذاك الحين ممكن اييني فترات فتور وبرود .. وهي فترات في حياتج بعد هموم الحب

ها رايي لا اكثر ولا اقل

[وحي القلم]

السلام عليكم و رحمة الله و بركاته

اختيه هموم الحب

إن شا الله ايكون شعورج هذا لفترة و اتعدّي

فهالحالات حاولي انج تتقربين من الله أكثر عن قبل

حاولي.. و بتكون النتيجه سريعه :fa42:

..

و السموحه
وحي القلم
:)

[عنود الريف]

غاليتي ..
الانسان عنده مشاااغل كثيرة وخصوصا هالزمن ..
فمثلا هالانسان كاان مهتم بالوردة ولكنه تشااااااغل عنها باشياء ما تعرفينها يمكن .. ولكنه يوم عرف ان وردته قاربت الذبووول .. يتلاحق عليها ويرد يهتم فيها من اول ويديد ..
وان شاء الله يصير هالشيى ...
والسموووحه

[قلوب دبي]

شموع تضوى في اطراف ذلك البيت
عيون ترى احلام اليقضه
قلوب تشعر بدفء تلك الليله
رغم شده البرود
الا انها ما زالت تناظر اليوم
تناظر الساعه
لم تنطفئ تلك الشمعه رغم قسوة الجو
الا انها لازالت تصارع الاحوال المختلفه
فهي صامده و ستظل شامخه
في حديقه تفوح رائحه العبق الراقي
سترين ورده مميزه تغار منها الورود
تشع المكان جمالا ورقه و حنانا
هي تلك الهموم المحيطه بعالم الحب
كوني اقوى .. وأقوى وأقوى من كل الظروف
وستحظى تلك الورده مكانها في عالم اليوم

الله يبعد عنج الحزن و يجعل ايامج كلها سعاده


قلوب دبي

[الحزينه]

عزيزتي

دعيني أخبركِ بنظرية وضعتها لنفسي وهي واقعية جدا

إذا حدّثتُ نفسي وأقنعتها بأنني حزينه

حينها سأكون حزينه

إذا حدّثتُ نفسي وأقنعتها بأنني سعيده

حينها سأكون سعيده

إذا حدّثتُ نفسي وأقنعتها بأنني مريضه

حينها سأكون مريضه

إذا كنتِ تحاولين اقناع ذاتكِ بوجود ضعف في شخصيتكِ على سبيل المثال

سترين نفسكِ ضعيفة الشخصية

عزيزتي حاولي إزالة هذه الفكرة عن بالكِ

من جهة أخرى

قد يكون هذا البرود العاطفي لديكِ فقط لفترة وجيزة

كونكِ تعيشين في هذه الحياة

ومن غير الطبيعي أن يكون مسار عواطفكِ مستقيما

لابد أن تتعثر عواطفكِ

لابد أن تفرحي يوما

تحزني يوما

تصبحين عاطفية يوما

تصبحين متبلده يوما

الخ

تحيتي لكِ

[أتمنى]

لا تجعلي اليأس يلبس قناعاتك

لأنك الأقـوى

و الشمعة تنطفأ ربما

.. لكنها تُـعيد اشعال نفسها

و تتعلم أن لا يُـطفؤها اياً كـان

:)

تمنياتي لكِ بعودة قوية تبعثر كل الـ"عادي" بحذر

كل الود عزيزتي

[مــهــابه]

وجـــهة نظر احترمهــا اختي...شيطونه

[مــهــابه]

وحــي القلم..
عـــنود الريف..

اشكـــركم ع الأهـــتمام، وكلـماتكم اللي التــمس منها كل خير..

شكرا

اختكم
هــموم