المساعد الشخصي الرقمي

مشاهدة النسخة كاملة : القلب الحنون عفاري..


الجنية الحلوة
09-08-05 ||, 10:16 PM
السلام عليكم ورحمة الله وبركاته..
هاذي اول قصه من تأليفي.. وانشاالله تعيبكم.. وإذا عندكم أي ملا حظات.. أو شفتوا أي شي غلط والا مبالغ فيه..اتمنى انكم تنبهوني.. والحين اخليكم ويا القصه..
المشهد الأول
كانوا عفرا وموزةصديقات من الطفوله.. تربوا مع بعض.. ودرسوا مع بعض.. وتخصصوا نفس التخصص..وكانوا أكثر من خوات..
( وفي الجامعه كانت موزة تتريا عفرا)
موزة واقفه تتأفف.. وطبت عليها عفرا من وراها: بوووووووووو.. السلام عليكم..
موزة وهي ترتقل من عقب حركت عفرا: حسيبج الله يا حمارة زيغتيني..
عفرا: هههههههههههه.. انزين ردي السلام..
موزة: وعليكم السلام.. وانا ما ارمسج..
عفرا:افااااا ليش عاد.. علشان نقزتج.. فديتج كنت اسولف وياج..
موزة: لا مب علشان نقزتيني..وحليلي ظاريه على حركاتج الماصخه..بس أنا انزرعت وطلع في راسي قطن وانا اترياج..
عفرا: وا فدييت شيرة القطن..سوري والله بس شسوي شله قوم خولوه اقبضوني قبضه وشوي شوي الين ما شردت منهن وييتج على طوول.. حبيبتي والله انتي اصلا طيبه ما تزعلين مني صح؟
موزة: انزييييييييين.. خلااااص مب زعلانه..
عفرا:ادريبج طيبه طالعه علييه.. موزة:هيه صح يالطيبه..

طييط طيط طيييييييييييييييييط طيييييييييييط طيييييييييييييط
موزه: شو هالوذا.. ناس ما تستحي..
عفرا: ايييييييه الدعمه هاذي سيارتكم..
موزة: هيه والله فضحنا هالدريول الله يخسه.. اقول عفاري أكيد امي وياه فالسياره.. تعالي سلمي عليها من متى تنشد عنج..
عفرا: اوكي بروحي ولهانه عليها فديتها مجابلها احسن عن مجابلج..
موزة: ما عليه يالدبه عقب بتفاهم وياج..
بطلت موزة باب السيارة:أمي هاذي عفاري يايه تسلم عليج..
عفرا:السلام عليكم شحالج خالوه؟
أم راشد(أم موزة): هلا امي عفرا وعليكم السلام.. الحمد الله أنا بخير.. أنتي شحالج وشحال عمتج وخواتج؟
عفرا: الحمد الله كلنا بخير وسهاله..
موزة: حمد هذا انت حاشر الدنيا.. أحين شو بيقولن عني البنات..
حمد: بيقولن منو هذا الغاوي اللي مار على موزة..
موزة: اسميك مصدق عمرك..
حمد: يحقلي..
أم راشد تضحك عليهم وعفرا تتبسم
أم راشد: عفرا أمي تعالي بنوصلج..
عفرا: لا خالوه ما عليه سالم بيمر علييه..
أم راشد: عن يصيف عليج.. اتصلي فأبوج قوليله ان نحن بنوصلج.. بعدين أنا ابغي اسولف وياج.. من زمان ما شفتج..
عفرا وهي مفتشله: بس.......
أم راشد: لا بس ولا شي اتصلي فأبوج وخبريه..
عفرا: انشاالله..
( اتصلت الريم فابوها وخبرته وسارت وياهم)
ويلست تسولف ويا أم راشد لكن حمد وموزة اقطعوا عليهم سوالفهم بالمناقر..
موزة: هذا شريطي أنا من متى أدوره وآخر شي طلع عندج..
حمد: منو قال ان هذا شريطج أصلا هذا شريطي..
موزة: يالله حمود عن الجذب..
حمد :لا تقولين حمود أنا أخوج العود..
موزة: أخوي العو...........
أم راشد وهي تقاطعها: خلاص عاد انتوا الاثنين.. احشموني عالااقل..
حمد:محشومه أمي..لكن تسمعينها شقايل تطول لسانها علييه..
موزة: أنا أحين بسكت عنك.. بس علشان أمي وعفاري.. وإلا انت ما تستاهل..
حمد:يعني انتي اللي تستاهلين.. اصلا انتي غلطان اللي يعطيج ويه..
موزة: اصلا انت تت.............
تيت تيت (مسج)
موزوه خلاص عاد..بليز علشاني..عفاري
صدت موزة جدا عفرا: والله العظيم بس علشانج..
حمد الفضولي: شو؟
موزة: ما يخصك..
وتذكر حمد أن عفرا دايما كانت تصالح المتزاعلين.. ويلس يفكر:عفرا كانت وايد حلوه ماشاالله عليها..
أحين كيف استوى شكلها.. فخاطري اشوفها..
حاول يشوفها من المنظره لكنها كانت متغشيه.. ووصلوا بيت عفرا
عفرا: يالله مع السلامه..
أم راشد:مع السلامه.. سلمي على أهلج..
عفرا: يبلغ مشكورين..
موزة: باي اتصليبي..
عفرا:اوكي..




ترقبوا الجزء الثاني.. وانتظر ملا حظاتكم..
اختكم
الجنيــــــــــ الحلوة ـــــــــــة
بنت بوحميد
10-08-05 ||, 10:53 PM
مشكوره اختي الجنيه الحلوه على القصه الحلوه
ونتريا الاجزاء اليايه
مزن هتان
11-08-05 ||, 04:45 PM
مشكوره وبدايه طيبه ان شاء الله

في انتظار الجزء الثاني
الجنية الحلوة
14-08-05 ||, 03:47 PM
الجزء الثاني

دخلت عفرا البيت ولقت اختها ميثا عندهم( ميثا اخت عفرا الكبيره متزوجه من ولد عمها مايد)
عفرا: السلاااام عليكم ورحمة الله وبركاته
ميثا وام سعيد: وعليكم السلام ورحمة الله وبركاته
(ام سعيد(حصه) عمة عفرا ومربتنها هي وخواتها من الصغر)

تجدمت عفرا من عمتها وحبت راسها وسلمت على اختها
عفرا: ها عيل وين ريلج مب ظاريه تين بدونه؟
ميثا: ساير بوظبي عنده شغل هناك..
عفرا:ايوا ثرا مب من الله يايتنا.. لان ما عندج حد تيلسين وياه..
ميثا:حرام عليج..
عفرا:باست اختها.. فديت روحج ادريبج ما تصبرين عنا.. قصدي ما تصبرين عني..
ميثا باستهبال: هيه.. اصلا انا ما اقدر اعيش بدون ما اسمع صوتج..
عفرا: ادري ادري بس شو اسوي وايد ناس نفس حالتج واخس..
ميثا:ههههههههههههههههه
عفرا:هههههه عيل وين ابويه؟
ام سعيد: تغدا وسار يرقد..
عفرا: ايوا.. هيه صدق خالوه فاطمه تسلم عليكم..
ام سعيد: اي فاطمه؟
عفرا:ام راشد..
ام سعيد:هييه ام راشد.. الله يسلمها.. وانتي وين شفتيها؟
عفرا: كانت ماره على موزة.. وسرت اسلم عليها.. واصرت انهم يوصلوني..وبس
ساره:ميثـ.... عفرا وصلتي تعالي بغيتج شوي..( ساره بنت عمة عفرا متربيه وياهاواصغر منها بسنه وتدرس فالامريكيه)
عفرا: خير ..
ساره: تعالي انتي الحين..
عفرا: خير شو مستوي؟
ساره:ميره قافله على عمرها الباب.. وتصيح.. ومب طايعه تفتحلي الباب..
( ميره اخت عفرا الصغيره( ثنويه عامه))
سارت عفرا عند ميره تدق عليها الباب:ميره؟.... (محد يرد).. ميره؟
ميره: نعم..
عفرا بطلي الباب..
ميره: انا الحين تعبانه تعالي عقب..
عفرا: لا انا ابغي ارمسج الحين..
شوي وفتحت ميره الباب: نعم..( دخلت عفرا ويلست بدون ما يعزمها حد)
عفرا:تعالي ايلسي حذاي بغيت ارمس شوي..
ميره: خير..
عفرا: ميره حبيبتي اعرف انج متضايجه..
ميره وهي تداري دمعتها:منو قال انا مب متايجه ولا شي.. انا بس تعبانه شوي..
عفرا: قصي على غيري.. خبريني فديتج شو بلاج..انا اختج لو ما خبرتيني بتخبرين منو؟
ميره: بخبر امي لو كانت حيه..( وطاحت في حضن اختها تصيح)
انصدمت عفرا من هالموقف.. بس يلست تمسح على راس اختها
ميره: عفرا انا وايد تعبانه.. عليي وايد ضغط في المدرسه.. واليوم سمعت ان عليا اعز ربيعاتي سوت حادث..
عفرا: اي عليا.. اخت عنود؟
ميره: هيه..
عفرا: ما عليها شر انشاالله.. انا برمس عنود وبنشدها عن عليا.. وانشالله بوديج عنها..
هدت ميره شوي من عقب ما اسمعت رمست عفرا..
عفرا: انتي الحينه نشي اغسلي ويهج.. واتغدي..
ميره: انشاالله..
الجنية الحلوة
14-08-05 ||, 04:11 PM
دخلت عفرا حجرتها وتغسلت وصلت وانسدحت عالشبريه.. ويلست تفكر في يومها.. وتذكرت موقف ميره عن امها.. ورجعت ذكرى موت امها جدامها مره ثانيه....
كان عمرها 8 سنوات وقتها وفي العيد كانت تلعب ويا بنت خالها في غرفتها.. وشوي وسمعوا برع صراخ وصياح.. ويوم طلعوا ما فهموا شو الموضوع.. بس بعدين عرفت انها ما بتشوف امها مره ثانيه ولا خالها اللي هو ريل عمتها في نفس الوقت.. لانهم راحوا في حادث سياره..

انتبهت عفرا لعمرها والدموع مخرسه فراشها.. لكنها رجعت غمظت عينها ورقدت..
.............................
المزيوونه
16-08-05 ||, 10:49 AM
وعليكم السلام والرحمه اختيه ..

بدايه موفقه ..

بتوصلج ان شاء الله ملاحظاتي ع الخاص لو بغيتي ..


نتريا التكمله :)
الجنية الحلوة
16-08-05 ||, 10:44 PM
مشكوووووووووووووووره اختي مزيونه على مرورج.. الصراحه كنت يائسه وما بكمل القصه..
بس الحين بكملها علشانج http://smileys.smileycentral.com/cat/29/29_1_1.gif (http://www.smileycentral.com/?partner=ZSzeb001_ZNxmk546YYAE) http://smileys.smileycentral.com/cat/29/29_1_1.gif (http://www.smileycentral.com/?partner=ZSzeb001_ZNxmk546YYAE) ..



الجنيـــــــــــ الحلوة ــــــــــة http://smileys.smileycentral.com/cat/36/36_22_24.gif (http://www.smileycentral.com/?partner=ZSzeb001_ZNxmk546YYAE)
المزيوونه
16-08-05 ||, 11:02 PM
العفووو اختيه ها واجبنا ..
كمليها عشاني وعشان الاعضاء اللي يقرونها :) ..

لا تيأسين .. عادي حتى لو شفتي محد يقراها حطيها .. بيقرونها
ان شالله الاعضاء اللي يهتمون للقصص ..

مشوار الألف الميل يبدى بخطوه .. وكملي ها الخطوه ..
الجنية الحلوة
17-08-05 ||, 04:46 PM
الجزء الثالث


عفاري قومي.. قوم عمي حمدي وعموه منى يايين..
فتحت عفرا عينها وهي تسمع هالكلام..
عفرا: هاااه
ندى: عفاري يالله نشي.. فتحت عفرا عيونها وعدل وبدت تستوعب:اووه..ندوي.. ما خبروني انج هني.. تحسبتج ما بتنزلين هالاسبوع..( ندى اخت عفرا وتدرس طب في جامعة العين)
ندى: بيلس بغصص عليكم الين يوم الاثنين..عقب برد العين لانه عندي امتحان..
عفرا باستهبال: اوووف يالله نتحملها يومين فالسبوع.. الحين يايه تيلس5 ايام..الله يعينا..
ندى تضربت عفرا بالمواسد: ما عليه يا مسودة الويه.. انا بروايج..
عفرا:هههههههههه.. خلاص خلاص والله سوري اسوووولف وياااج..
ندى: احمدي ربج ان قوم عمي عندنا والا جان ما هديتج..
عفرا:هههههههه فدييييت اختيه انا.. فديت نداوه الطيبه الحبوبه.. وتجدمت منها تحبها)
ندى: اوكي خلاص بسامحج وحليلج غمضتيني.. المهم قومي بدلي وسلمي وتعاليلي المطبخ عاونيني.. هالبشاكير ما منهم فايده..
عفرا: انشا الله عموه..اقول اقول ندوي..
ندى: خير..
عفرا: كلهم كلهم يايين..
ندى: لا محد بس عموه منى وبنتها فطامي وريلها سهيل وعمي مايد وخالوه عوشه ومريامي وخالد وبس..
عفرا: وبس.. لا وتقولين محد..
ندى: انتي الحين قومي بدلي..
عفرا:انزيييين..
بدلت عفرا ثيابها وعدلت هندامها وهي ظاهرة من الحجره رن تيلفونها:منو بعد متصل.. هاذي مواز ..ارد والا ما ارد.. ما برد.. لا حرام برد... الو
موزة: الو.. السلام عليكم..
عفرا: وعليكم السلام.. ها الحشره والله كنت اتشاور اذا ارد والا لأ..
موزة: وحليلي انا الحشرة ويا راسج ما ادري منو اللي تتصلبي الساع 2 الفجر بس لانها ملانه وتبغي تسولف والحين انا استويت الحشره..
عفرا: وابوييه.. شبلاج خذتيني بشراع وميداف.. اسولف يا اختي بلاج جذه..
موزة: المهم انا ناسيه عندج سي دي وابغيه ضروري اليوم.. بس ما عندي حد ايبني عندج.. جان ترومين تيبينه..
عفرا: والله نا ادري الحين اهلنا عندنا.. بس بحاول .. بشوف وبرد عليج..
موزة: اوكي عيل بخليج ويا اهلج.. بس اكيد ردي عليي..
عفرا: اوكي..
موزة:يالله باي..
عفرا: باي..

...................................



اسمحولي ما بروم اكمل هالجزء الحين لاني مضطره اظهر.. ان شاالله يوم برد بكمله..
والسموووحه
الجنيـــــــــ الحلوة ـــة
الجنية الحلوة
18-08-05 ||, 05:49 PM
..القلب الحنون عفاري..( تابع الجزء الثالث)


عفرا: السلاام عليكم ورحمة الله وبركاته..
الجميع: وعليكم السلم ورحمة الله وبركاته..
بومايد: هلا والله هلا... هلا بعفاري.. هلا بالغاليه.. ( بومايد(حميد) عم عفرا وابو زوج اختها)
عفرا: هلا بشيبتنا.. شحالك عمي..
بومايد يتلفت: اي شيبه.. اصلا انا بعدني شباب..
منى ( عمة عفرا):اذا انت شباب عيل نحن شو؟
بومايد: انتوا بعدكم يهال..
حصه: انت الحين خل عنك هالسوالف وسير جابل الريايل..
بومايد حق عفرا: شفتي يا بنت اخويه.. عمتج تروغني..
عفرا:هههههههههه.. فديت عمي حميد انا.. عمو ما تروغك..هي تقول ان الرياييل يتريونك..
بومايد: هيه هيه دافعي عنها.. بس ما عليه انا ساير..
عفرا:هههههههه.. الله يحفظك..

مريم( بنت عم عفرا): عفاري تعالي ايلسي حذاي وسمعيني اخبارج..
عفرا: والله اخباري....(رن تيلفونها).. بخبرج عنها يوم ببند.... الوو.. هلا مواز.. انتي بتمرين... اوكي حياج.. اني تايم.. باي..
مريم: هاذي موزه؟
عفرا: هيه..
مريم: وحليلها شحالها؟
عفرا: والله تمام.. بتمر تاخذ سي دي وبحاول ايلسها..المهم انتي شخبارج.. وشو استوى على سافلت خطبتج..
مريم:بعده ابوي يسألعن الريال..الحين كل شي تمام..
عفرا وهي تغمزلها: اونه مريوم استويتي عرووس..
مريم وويها احمر: هههه.. لين الحين ما استوى شي..
عفرا: انشا الله بيستوي. صححح ندوي تبغيني اعاونها فالمطبخ.. بتين ويايه..
مريم: بيي.. بس ما بسوي شي..
عفرا: ههههههههههه.. ادريبج هيزه.. ( ترمس عمتها) هيه صدق عمو منى عيل وين فطامي؟
منى:فوق ويا ميره في حجرتها..
عفرا: هيه.. بسير اسلم عليها عقب.. لان حضرتها ما فيها خير..
مريم: ما قلتي اختج تبغيج فالمطبخ..
عفرا: هيه صح.. بتكفخني من متى تترياني..
..................
الجنية الحلوة
18-08-05 ||, 07:37 PM
كانت عفرا فالمطبخ ورن تلفونها: الوو..
موزة: الو.. السلام عليكم..
عفرا:وعليكم السلام.. هلا مواز..
موزة:اهلين..اقولج انا الحين عند الباب..
عفرا: اوكي انا الحين بظهرلج..
موزة: اوكي ..باي..
عفرا: باي..

وظهرت عفرا لموزة بطلت الباب: هلا هلا بمواز اخيرا ييتي بيتنا..
موزة: انزين ما بتم..
عفرا: منو قال؟
موزة: ترا حمد ويايه..
عفرا: انزين برايه قوم عمي بعد عندنا بيتونسون..
موزة: ماادريبه بسير اسأله..
سارت ورجعت:لا ما رضا..
عفرا: ما عليه.. اصبري
واتصلت عفرا بولد عمتها سعيد علشان يدخل حمد..ظهرواسعيد وخالد ولد عمها ونزل حمد يوم شافهم وتلايوا البنات على ينب..
حمد: السلام عليكم ورحمة الله وبركاته..
سعيد و خالد: وعليكم السلام ورحمة الله وبركاته..
سعيد: شحالك.. وينك ما تنشاف؟
حمد: والله مويود..بس تعرف الدنيا ومشاغلها..
خالد:اقرب الميلس..
حمد: لا ما عليه.. مره ثانيه..
سعيد: حياك يا ريال..
دخل حمد ولقا في ويهه عفرا ويلس يطالعها

..................................
الزعابي
23-08-05 ||, 12:27 PM
افاااااااااااا كمليها والله انها قصه ترتوبشن
مزن هتان
07-09-05 ||, 04:46 PM
وينج يالينيه الحلوه انا متابعتج من اول القصه بس الظروف كانت ضدي ما قدرت ادزلج اي رد


سوري القصور


اختج مزن هتان
المزيوونه
08-09-05 ||, 03:48 PM
وينج اختي غطيتي غطه ؟؟!!
الجنية الحلوة
08-09-05 ||, 05:49 PM
والله كنت مب ناويه اكملها.. وما كنت ادري ان في حد منتظر.. بس انشاالله دام انه متابعين بكمل القصه.. وقريب انشاالله بنزل الجزء اليديد.. ومشكوريين عالمتابعه..
الجنية الحلوة
12-09-05 ||, 07:08 PM
.. القلب الحنون عفاري(الجزء الرابع)..


دخل حمد ولقا في ويهه عفرا ويلس يطالعها.. انصدمت عفرا يوم لقت حمد في ويها.. مع انها كانت تدري انه بيدش وكانت موقفه عند الباب..لكنها اندمجت بالسوالف ويا موزة.. وقفت تتطالعه وهي مب مستوعبه..
لين ما دقتها موزة.. جان تتغشا وتدخل هي وموزة عند الحريم.. لاحظ سعيد هالنظرات وتضايق..

دخلن عفرا وموزة..
عفرا بصوت عالي عشان الكل ينتبه: الآنسه موزة بنت محمد وصلت..
موزة: السلام عليكم..
الكل: وعليكم السلام ورحمة الله وبركاته..
حصه: شحال قوم امج..... ( سرحت موزة بالموقف اللي استوى عند الباب وما سمعت الباقي..)
عفرا فخاطرها وهي تتبسم: ماشاالله عليه استوا غاويه..
مريم: موزة ايلسي حياج شكلها ربيعتج مب ناويه تيلسج..
موزة فخاطره: اكيد تفكر في حمد وفاللي استوا..
مريم: اميي بسم الله هاي بلاها بقرت.. ايييه عفروه..
عفرا:هاا.. شبلاكم؟
موزة: نحن اللي شبلانا والا انتي..
عفرا: شبلاني ما فيني اللي العافيه..
مريم: هيه انشاالله..يصير خير..

...................................


وفي نفس الوقت عند الرياييل.. دخل حمد وسلم عالرياييل ويلسوا يسولفون.. لكنه ما شل عفرا عن باله ابداً..

ولاحظ سعيد سرحان حمد وعلى طول يا على باله الموقف اللي استوا..ومووول ما عيبه الوضع..
الجنية الحلوة
12-09-05 ||, 07:46 PM
مر الوقت وروحوا حمد وموزة.. وهم رادين البيت يالسين يسولفون.. وتذكرت موزة اللي استوا..
موزة:هييه صح.. شو هالسخافه اللي سويتها اليوم..
حمد: شو؟ اي سخافه؟
موزة: ليش يلست تتطالع عفاري جنك اول مره تشوف بنيه.. فشلتنا.. فضحتنا.. حتى البنت استحت..
حمد بارتباك: هاا.. شقا بعد اطالعتها..
موزة: شقا بعد؟؟!!... بققت عيونك وبطلت حلجك ويلست تتطالعها..
حمد: لا تبالغين..
موزة: شو بعد لا...
حمد وهي يقاطعها ويحاول يغير الموضوع: اقولج اقولج المهم بتين ويايه والا اردج البيت؟
موزة: وين اي وياك؟
حمد: المطار..
موزة: شو نسوي هناك؟
حمد: يعني شو بنسوي بنيب راشد وحرمته..( راشد اخوهم الكبير متزوج من بدور ويدرس في امريكا وعنده ولد(محمد) وحرمته حامل)
موزة: هاا.. شو.. راشد بيرد اليوم؟؟؟!!ليش محد خبرني؟؟
حمد: محد يدري غيري انا وفهود..
موزة: حتى امي ما تدري؟؟
حمد: لا..
موزة: ليش؟
حمد: جذه مفاجأه..
موزة: الله.. ونااااسه.. بشوف حموودي.. فديته..
حمد: بتصل في فهد بخليه يخبرهم عشان يزهبون الحجره..
موزة:توها مفاجأه..
حمد: انزين مفاجأه لين الحينه بس..
موزة: والله انتوا ما تعرفون تسوون مفاجآت..
حمد: انطبي فكينا والا بردج البيت تراني..
موزة: انزيييين خلاص بسكت..


.....................................



انتظر ردودكم
مزن هتان
13-09-05 ||, 07:26 PM
ما نقدر نحكم عالجزء اذا حلو او لأ هاي الصراحه الجزء وايد قصيييييييير


بس بعد مشكوره
الاسطوري
22-05-06 ||, 08:25 PM
السلام عليكم ..


ماشاءالله أسلوبج حلو في الكتابة وخاصة في تسلسل الأحداث وعاد أشوفج
قطعتي صار لج وفترة وأنا أضم صوتي للأعضاء وأنتظر منج التكملـــه
عشان نعرف شو بيصير بين حمـــد وعفـــرا وكيف بتكون
النهاية وإذا كنتي مشغوله بالإمتحانـــــات
معذوره بس عقب ماتخلصين
مالج عذر ولا ترا
:bash:


الاســـطـــوري
أخوكم
بهجة الروح
28-05-06 ||, 10:30 PM
يالله كمليهــــــــا

اندمجنـــا في القصـــه ،،:fa35:
عاشقة الريم
10-08-06 ||, 11:29 AM
مشكوووووووووووووووووورة على القصة

نتريااااااااااااااج
طرفشانه
10-08-06 ||, 12:24 PM
تسلمين عزيزتي على القصه
ونتريا البقيه