طرح تويوتا لاندكروزر 2006 في الإمارات

[بحر الموده]

سلام عليكم ورحمة الله وبركاته

http://www.ameinfo.com/images/news/1/16501-landcruiser.jpg

طرحت الفطيم للسيارات، الموزع الوحيد لسيارات تويوتا ولكزس وهينو في دولة الإمارات العربية المتحدة، سيارة تويوتا لاندكروزر 2006 الجديدة. كما تم إدخال نظام الملاحة الصوتي الذي يشتمل على شاشة سهلة الاستخدام تعتمد على مجرد اللمس وكاميرا للرؤية الخلفية ونظام البلوتوث في موديل VXR الأعلى. كما يتوفر الآن نظام جديد للدخول بدون مفتاح في موديلي GXR وVXR.

وتمتاز سيارة لاندكروزر بنظام مطور للدفع الرباعي المستمر متوافق مع مستوى ارتفاع مناسب عن الأرض مما يتيح للسيارة القدرة على المناورة حتى فوق أكثر الطرق وعورة. وقد تمّ إدخال نظام الدفع الرباعي المستمر هذا، للمرة الأولى، على الطراز GXR من هذه السيارة، بعد أن كان وجوده مقتصراً على الطراز VXR فقط. كما يتضمن موديل 2006 واجهة جديدة وملصقات جانبية ذات تصميمات جديدة وجذابة، وأغطية ملونة جديدة للعتبات الجانبية، وعتبات داخلية مضاءة.

وتتمتع تويوتا لاندكروزر، التي تشتهر منذ سنوات عديدة بأنها قاهرة الصحراء، بشعبية كبيرة نظراً لاعتماديتها والراحة التي تحققها. كما تحظى بسمعة طيبة لكونها سيارة الدفع الرباعي المرغوبة أكثر من غيرها في مختلف أنحاء العالم. وشهدت هذه السيارة تغييرات عديدة على مدار الخمسين عاماً الماضية منذ طرحها بالأسواق لتصبح سيارة دفع رباعي فخمة وقوية تلبي طموحات عشاق لاندكروزر في مختلف أنحاء العالم.

وقال كولين ليتش، المدير العام للفطيم للسيارات: "تحولت سيارة لاندكروزر من سيارة قوية صارمة إلى سيارة عائلية أنيقة رباعية الدفع تلقى شعبية كبيرة في دولة الإمارات نظراً لقوتها المذهلة واعتماديتها وراحتها، ما يجعلها الخيار المثالي لعشاق القيادة سواء على الطرق الوعرة أو الممهدة".

وتعد لاندكروزر السيارة التي استمرت تويوتا في إنتاجها أطول فترة مقارنة بالطرازات الأخرى، إذ أنتجت لأول مرة في العام 1951 وكانت مصممة في الأصل للأعمال الهندسية والإنشائية ولأعمال الغابات والرحلات على الطرق غير الممهدة، التي كان من المستحيل أن تسير فوقها المركبات العادية. وسرعان ما ترسخ اسم لاندكروزر لتحقق شهرة عالمية كسيارة من الصعب أن تتعطل، وإذا ما تعطلت فإن ذلك يحدث في ظل ظروف لا يمكن أن تتحملها أية سيارة أخرى. وبالتالي فقد أصبحت "الاعتمادية" هي كلمة السر لسيارة لاندكروزر. ويتم تصدير السيارة إلى 127 دولة، ولا توجد سيارة أخرى تحظى بقاعدة دعم، أو انطلقت على العديد من الطرقات في مختلف أنحاء العالم مثل تويوتا لاند كروزر.

وتتوفر تويوتا لاند كروزر الجديدة لتجربة قيادتها في أية صالة من صالات عرض الفطيم للسيارات في دولة الإمارات العربية المتحدة

وعندى صور من الداخل والخارج ان شاء الله تعيبكم والسموحه

http://www.w6w.net/upload/02-07-2005/w6w_200507021453244fca121a.jpg

http://www.w6w.net/upload/02-07-2005/w6w_200507021452048c6dfa6b.jpg

[الرايد]

و عليكم السلام

السياره مثل ما هي ما تغيرت الا اشيا بسيطه و مواصفات اكثر شوي

بس بغيت اسأل عن القير الاوتوماتيك هل هو مثل الموديلات القبليه ولا تبرترونيك؟

و السموحه
الرايد

[بحر الموده]

حيك اخوى الرايد

والله بخصوص القير انا ماعندى معلومه عنها ان شاء الله من لى عندهم باع طويل فى الاند كلوزر بيخبرونك ان شاء الله

والسموحه الطيب

واشكرك على التواجد الحلوو

اخوكم/ بحر الموده

[قلوب دبي]

:)

حلوه السياره تسلم يا خويه

قلوب دبي

[بحر الموده]

سلام عليك

قلوب دبى

الله يسلمك اخوى ومشكور على الرد وماقصرت

[شوق القلوب]

الســـلاام عليكم...

سألنا عنها الوكاله... سعرالـ Vxr ... و الـ8 سلندر حوالي 218 ألف درهم...

وان شـــــــــاء الله ناخذها... :)

[بحر الموده]

وعليكم السلام والرحمه

شوق القلوب

ألف ألف مبررروك مقدماً على السياره وتستاهلون

بس السعر وايد عالى ... والسموحه

[كـلـكـلـووش]

والله انا اشـــوفهــا ما تــسوى الــ 218 ألـــف ..

اظـــهر لي انفنتـــي فورويـــل ابــرك لـــي !

[بحر الموده]

مرحبا وغلا

الــفــتــى

نورت الموضوع خخخخخخخخخخخخخخخخخخخخخخخخخ صدقك والله

خبال ضاربنهم السعر وايد 218 اعقها على استيشن ههههاى ماتستاهل

يوم بتاخذ انفينتى لاتنسى اخوك بعد لووول

مشكور وماقصرت

[كـلـكـلـووش]

هههههههه ..

فــــالــــك الــــطــ .. كـــم بحــر المــــوده عــنـدي انـــا ..

بس تعـــال .. شو يبـــتلـــي من بـــــانكــــــوك ؟

[بحر الموده]

ياحيك والله

يايب لك خنفروش خخخخخخخخخخ

شخبار بو الحطب وينه خله ايي يشوف بو الحطب ماله لووووووووووول 218 على تويوتا ماعندهم سالفه

وععععععععععععععععععع انا اتريا 2006 الفتك صاروخ ارض ارض

[جنون امرأة]

بحر الموده ..

تسلم .. تعبت عمرك ياخي ..

الموتر شكله مثل ما أهو ما تغير ..

و الانفنيتي عنيييييييفه .. أفكر فيها بعد الليسن خخخخخ ... قاصه على عمري ..

السموحه ..

[بحر الموده]

سوايدى كاه

أهلاوية للأبد

تسلمين خيتووو على الرد الحلو هيه كلامج صحيح ماتغير الا شوى زادوو المواصفات وتقليد بى ام ليتات النجوم الحمر خخخخخخ
ان شاء الله تاخذين الانفينيتى وتخبرينى يوم من الايام انه تسوقينها وانتى مسكرتبها على 200 خخخ

اسولف وياج

مشكوره وماقصرتى

[شوق القلوب]

يالله .. لهالدرجه شكلها ما تسوى..!!

..

[بحر الموده]

شوق القلوب

هيه ماتسوى وايد صراحه هذا السعر

مشكووره على التواجد وربى يحفظج ويخليج وماقصرتى

[بريد ألكتروني]

قمــة الابداع في الاستيشن بالذات .. اعداد سيارات الاستيشن تفوق اعداد اي نوع آخر من السيارات ..

حـركة بسيـطه عملتها الاستيشن في موديل السته سلندر واللي هي انها ضافت له نظام الفور ويل من صفر الى ستين كيلـو وبهالشي حصل موديل السته سلندر على نفس ثبات وقوة الثمانيه سلندر ..( تقـدر تشوف اعداد استيشن 2006 في الشوارع وتحسب بروحك يا بحر الموده .. بتتعب :fa44: )

بحـر الموده .. سـو مقـارنه بيـن الفتك 2005 وبين استيشن 2003 وبتعرف الفرق .. :fa56:

وابسط مقارنه انك تعرض استيشن 2003 وفتك 2005 وعلى المعارض ... الفتك بييب لك تسعين والاستيشن فوق التسعين .. ( الله يكون في عون هل النياسيين .. لا ربح بعد البيع ولا فايده حزة الاستعمال .. كل يوم عنده جير اربعه يخاشع ولا الراديتر ناقع ) :fa55:

نيـسان يبـالها من خمس الى سبع اسنين جدام عشان تلحق التيوتا ..

واللقا عام 2007 مع نزول شكل الاستيشن اليديد

وفي النهــايه .. كــلامي هــذا من واقـــع تجــربه .. احـــم احــــم مافي موتر دخل خاطري وما جربته :fa38:

[المزوحي]

بحر المودة،،، خلك على نيسان وبس .. :) أقصد بما إنك تحب مواتر نيسان !
أحيدك تمدح مواترهم وااااااااااايد ...

هااااااا شو قلت قلت الحين اللاند وإلا الفتك ؟؟
تسلم على النقل، وأحب أعرف سعر 6 سلندر !

[بحر الموده]

سلام عليكم ورحمة الله وبركاته

تحيه طيبه وبعدد اخوى بريد ألكتروني

يامرحبابك هناااا .. صراحه انا عندى وايد من محبين ومعجبين ومن لى عندهم فتكات ماسمعت حد قال راديتر يحر

ولا القير ترى ياخوى الاستيشن بعد يطيح قيره مب كله ترى الخرابات على النيسان فى التويوتا والاستيشن بالذات شىء

والفورويل شىء طيب ادرى انه استوى مثل الثمانيه سلندر

اى سبع اسنين يالطيب اليوم النيسان اصبحت من اغنى شركة صنع السيارات فى العالم وان شاء الله جان الله حيانا حياتن طيبه بتشوف بعمرك موديل 2007 كيف المنافسه وانا اتوقع من حيث الفخامه والقوه والثبات بتتصدر نيسان

صراحه هاى الشركه معجزه عقب ماكانت فقيره اصبحت اليوم تصنع احلى السيارات واقوى المكاين

اخوى صحيح الاستيشن موجود بكثره فى دولتنا الحبيبه بس النيسان يظل عايش من 1990 ولين 2005 والقريب 2006 ان شاء الله قريب

الاستيشن حرام شوه فيه مخلينه ومغلين الاسعار والله مايستاهل شوف اسعار النيسان فى الوكاله ارخص

المزوحى

اشكرك اخوى على الرد ..

السعر 6 سلندر 164 فول ابشن

هاى اخر اخبار عندى والسموحه جان بدر منى كلام قاصر

[المزوحي]

شكرا بحر المودة على التواصل ..

[بحر الموده]

المزوحى

لاشكر على واجب الشيخ

[الزعابي]

مرحبا

شـــــــــحالكم اخويه حبيت ارد عليك عسبت النيسان 2004 انه ما يسوي لانه انا عندي واحد يعني اذا تلعبه و تركبله 900 يروح فيها اللحين تسمعه كامل بكبره يتقرقع بس ما فيه حيله قير 4 ايب 215 و عندي استيشن موديل 98 ما يتقرقع شراته حتي النيسان 91 احسن عندي من 2004

و حبيت اضيف هاي المعلومه ان جير الاستيشن 8 سلندر من 2003 كان جير اتماتيك بصيغه غير عادي مثل الارمادا حتي 2006 بس عدلوه شرات اللكزس من داخل.

و السموحه منكم اخواني

[بحر الموده]

مرحبانى

الزعابى
شكراً اخوى على الرد وانا عندى نيسان موديل 90 فنان ومرتاح منه لوووووووووووووول

فديت النياسين اناااااااااااا وعن 8 سلندر ماشفت جيره واكيد مافيه حيله على البراد 200 وتحت والارمادا اقوى من الاستيشن والسموحه

[شوق القلوب]

ماشاء الله عليكم يا الشباب.. عندكم مصطلحات عجيبه للسيايير و هالسوالف..!! :)

[الزعابي]

اخويه بحر الموده انا جربت الارمادا عندي اياه مال البيت عالبراد ايب 180 بدون ضغاط يعني نص المسافه من دوار الي دوار اييب 180 و عادي ادشبه الدوار 120 140 150 ما يشل ولا تسمع صوت التواير يصيحن

[بحر الموده]

شوق القلوب

متشكرين على المتابعه الحلوه ماقصرتى

[بحر الموده]

الزعابي

سلالالالالالالالامى على الاماردا وحش صدقك على البراد ايييييييييب

الله يحفظك اخوى ومشكوووووووووور

[كتكوت]

يحليه الاستيشن



عيزنا واحنا نتظر يغيرون شكله



تسلم بحر الموده على الموضوع

[بحر الموده]

حيك والله

كتكوت

تسلم على الرد والتغيرررررر ان شاء الله بيكون 2007

[بنت الحكومة]

تسلم يا بحر المودة

على الموضوع الرو عة :fa34:

الصراحة ان الموضوع عن تويوتا لاندكروزر

روعة وشامل

ولا تحرمنا من موضيعك المميزة

[بحر الموده]

مرحبا بلى لفانا بالكرم والطيب يمنانا

بنت الحكومه ...

مشكوووووره الغاليه على الرد الرائع

نورتى الموضوع والله بطلتج علينا وتسلمين وهذا من طيبج

يخليج ربى ويعطيج الصحه والعااااااافيه دوم وماقصرتى

[قلب الموج]

انا محتاره بين النيسان والاستيشن كل منه فيه ميزة حلوة بس اللي داش بخاطري النيسان وسرت سالت عنه في الوكاله سعره معقوول وايد بس الاستيشن كشكل داخلي ماعيبني لانه نفس الشي يعني انا شفت استيشن موديل 99 والله احلى مليون مره عن اللي شفته في الوكاله واللي هو موديل 2006 ف بشو تنصحوني؟؟؟

[أمواج]

عجييييييييييب هالمووتر

[بحر الموده]

حيك قلب مووج

اخوى مدامك رحت الوكاله .. لاتنسى الشركات بدت تزيد الاسعار احين

انا بخبرك عن الاستيشن اكثر رحابه من الداخل عن النيسان

اما فى الجلوووس الراااااااااااحه اكثر فى النيسان والنيسان شكله وايد حلو ومواصفاته دلع يعنى يستاهل سعره لى موجود احين فى الوكاله عندك عروض شهر رمضان المبارك ماتبقى الا القليل مال الوزن والدولاب هذا معروف العرض وكل سنه يسونه وتستوى خصومات وايد واخر شىء لى تشوفه ولى يرحيك وتشوف السعر لى ناسبك

واشكرك على التواجد الحلو ويعطيك العافيه

____________________________
المتفيزره عالعرقووب
مشكوووووره على الرد خيتو وماقصرتى

[قلب الموج]

سؤال شو تنصحني آخذ النيسانبو باب واحد ولا بو بابيين وياريت لو تقولي المواصفات اللي في النيسان بو باب واحد؟؟

[بحر الموده]

يامرحبابك مره ثانيه اخوووى

قلب الموج

حيك والله الصراحه بواب واحد ماايك مكينة فتك على مااظن والمكينة 4500 بخاخ قوييييه كوبى خفيف اكيييد

والحجم الكبيرر مكينة فتك 4800 فتك .. 280 حصاااااااااان طياره وحلاته يوم اييييك جير عادى بس فى زمنا هذا كله تماتيك تعرف زحمه

بس فى الجير العاااادى اقل صرفيه بترول من التماتيك عشان التماتيك اكثر شىء يتم يحكررررر.. بس انا اشوف اخير لك النيسان الفتك احسن واحلى كبير وسيع تاخذ راحتك فيييه لوووول

واذا عندك سؤال ثانى اطرحه وانا حاظر فى الرد

والسموحه

[الحساس]

والحين كم وصل سعره الستشين؟؟

وصدق بيغيرون شكله 2007؟

[ذنـيـنـي]

بيتغير الشكل و هذا الشي اكيد 100%

[بحر الموده]

الحساس

ذنينى

اشكركم الطيبين على التواجد واكييد بيتغير شكله بس لين الحين ماشىء صور ولا معلومات عن السياره
وحياكم الله

[حبوبه دبي]

نتــرقبه اكيــــد

:yes:

[أليمه]

خذلك فتك وخل المصخرررررة والله حلااااااااااته الفتك.. شييييخ الشوااااااارع..

أصلاً وكالة نيسان ابكبرها غاوية

[بحر الموده]

حبوبه دبى

يسلمووو على الرد ومحبين الاستيشن اكيد يترقبونه

[بحر الموده]

هلالالالا

أليمه

^_^ يتى على العوووووووووق عاااااااااااااد

يسلموووو على الرد وربى يخليج وماقصرتى

[المزوحي]

مشكورة بحر الموده وأنا أقول واحد ياي عرض .. انته تخصص نيسان خخخخخ
المهم هي مبالغ سعرها بس كل المواتر جيه .. يوم الكورولا 65 ألف حمممم

[بحر الموده]

صباح الخير

المزوحى

تسلم اخوى على المرور وهالايام كل المواتر غاليه بس حرام سعر الكورولا يوصل بهذا المستوى
الله يعين

[صدى جوفي]

يعيبني فالاستيشنات سوقها ما يطيح بسرعة ..

يسلمونيشن عالمعلومات (:

[بحر الموده]

صدى جوفى

صحيح الكلام

يسلموو على التواجد وماقصرتى

[دمعة شوق]

غــاوي وكشـخـه
:kcl:

تسـلم بحوور

[بحر الموده]

مرحب

دمعة شوووق

الله يسلمج من كل شر *_*

[الرحيل]

اذكر على ايام كان على 170..والصراحه انا ماشوف فيه فرق كبير بين الحينه وقبل..


يعني تدفع كم الف وبالشارجه يخليها لك 2008 بعد..

بس مصخوها الصراحه لازم يتغير شكلها هالسنه..

كل سنه يغيرون شي واحد ..يا لاشبك او الليت او الخشب..وبعدين يعني..


على العموم انا ماشوف انها تستاهل ال218..شي سيارات احلى بوايد وتكون اقل من هالسعر..

[بحر الموده]

مرحبا وغلا

تسلم اخوووى الرحيل على التواجد العطر
واليوم السيارات كلها غاليه اى ها على زمن قبل كان كل شىء رخيص
انا وياك استيشن بالسعر هذا ماينفع صراااحه اخذ لى ارماادا احل عنها واقوى عنها بوايد
ولا تنسى الرحابه والوسع الكبيررر يوم تسير الوكاله وتقولهم ليش السعر وايد غالى يرد عليك الين الين الين اليابانى مرتفع
.................................. عن الشكل اكيد بيتغير لين متى بتم جيييه

ومشكور وماقصرت

[طير الغرام]

http://upload.bindubai.com/download/6eer_aam/6eer-salam-oasis.gif

الناس أذواق
الاستيشن والنيسان ماعليهم كلام بالنسبه لي

واحنا عندنا استيشن 2006 الصراحه عجيب

http://jrnas.org/uploader/uploads/IMG_0289.jpg

تسلم أخويه ع الموضوع :yes:

http://upload.bindubai.com/download/6eer_aam/6eer-line-oasis.gif

[بحر الموده]

طير الغرام

الله يسلمج ومشكوره على الرد