مشاهدة النسخة كاملة : وقد وصلت طائرة بحر الموده من بانكوك
بحر الموده
25-07-05 ||, 06:25 PM
** السلام عليكم ورحمة الله وبركاته **
شحالكم حبايبى اعضاء واحات بن دبى الحبيبه الغالين على قلبى وين ماكنت
ولهت عليكم وايد وايد
بحر الموده يصل أليكم وقد حطت الطائره الساعه 4:17 القادمه من بانكوك
كيف متشوق لكم وايد
بخبركم عن رحلتى كانت من دبى الى بانكوك ومن ثم الى مانيلا عاصمة الفلبين
قضيت فيها حوالى اربعة ايام ومن ثم اتجهت الى جزيرة تاكلوبن عبر طائرة سيبو باسفيك واستغرقت الرحله حوالى 55 دقيقه تكلوبن جزيره فى اقصى جنوب الفلبين ومن ثم رجعت الى
مانيلا مره اخرى العاصمه وتجولت في مكاتى المشهوره بالابراج العاليه ومن ثم اتجهت الى باجيو المدينه التى تحتضن بين الجبال الشاهقه على طول 5500 قدم عن سطح البحر وباجيو
الصراحه شوه بقولكم عنها روعه روعه كلها شلالات وجبال تغطيها السحب
والبروده وايد
كانت الرحله الى منطقة باجيو عبر الطريق البرى تبعد عن عاصمة مانيلا 200 كيلوو
بس نحن قطعنا 200 كيلو فى 8 ساعاات حيث الطريق وعر وايد
على الطريق السالك اشجار المانجو والموز والخضره والانهار
قضينا فيها حوالى يومين فقط وهاى اول مره اروح الى الفلبين وعيبتنى وايد
مانيلا يسمونها فى آمان الله سكان المنطقة المسلمين خبرونى الرحاله فى الزمن القديم
كانو يوم يغادرون مانيلا يقولون لها فى آمانة الله يامانيلا وعشان جيه سموها مانيلا
على العموم يوم 15 /7
توجهت الى مطار نينو اكينو الدولى متوجهاً الى تايلاند بانكوك
استغرقت الرحله حوالى 3 ساعات ونصف وكانت الاجواء مطيره الصراحه
وصولى بانكوك طبعاً هذا البلد دائماً صار معروف مثل بلادى الحمدلله
متعود عليها دائماً ماايلس فى الفندق ازور مناطق رحت بتايا
شنج مااااى شنج رااااااى شون بورى
هنا اختم كلامى بكل المحبه والشوق لكم وعااد بحر الموده بيسير ينخمد شوى ياى تعبان لوووول
وبنعود وبنواصل تواجدنا وياكم دوم يارب ربى يخليكم من اصغركم لين اكبركم حبايبى
دمت اعضاء واحات الخير والمحبه والابركه فيكم كلكم
كبكون كب وكيب كين كااااااه والى اللقاء ولى عوده بأذن الله تعالى
:fa41:
حبوبه دبي
25-07-05 ||, 07:05 PM
الحمـــــــــــــدلله ع السلامه :woot:
مــاشالله رحلـــــه طويلــه :fa56:
انشالله تستــــــــانس اهنــاك والله يحفظك يارب ..
ولا تنســانا عــاد خيووو ^_^
رحلــه موفقه
كبكون كب وكيب كين كااااااه :fa46:
والسمــوحه
ولكــ عــوده اكيــد ..
بنت الدلع
25-07-05 ||, 07:06 PM
مرحبا ملايين ولايسدن
الحمدالله على السلامه
ويا مرحبا بك بين بيتك واخوانك وخواتك
انشالله استانست بالرحله والاهم انك صورت كل شي
عشان نعيش الاجواء اللي كنت فيها
انا عندي سؤال واحد بس
كيف حفظت هالاسماء كلها؟؟؟
ماشالله عليك عيني عليك بارده
عن اتقول صبتك بعين بعد >> لووول
عفاريتووو
25-07-05 ||, 08:11 PM
السلام عليكم
حمدالله ع السلامة :)
ولكم بااك
عنود الريف
25-07-05 ||, 10:46 PM
يا هلا ومرحبا بك اخويه ..
الحمدلله على السلامه ..
اول شي يبت اللي وصيتك عليه والا نسيت ؟؟؟
وثانيا ..
الواحات افتقدتك يا بحر المودة ..
ونحن بانتظار صورك العجيبة ..
والحمدلله انك استانست في الرحلة ..
وان شاء الله نزور الفيليبن ..
والسمووحه
الجديدة
26-07-05 ||, 12:19 AM
مرحبا ببحر المودة
حمد الله على السلامة
ان شاء الله استانست في الرحلة شكلها كانت طويلة
الرحلة من وصفها تنبان انها حلوة :woot:
تستاهل كل خير
مع تحياتي
الجديدة
الدلووووعة
26-07-05 ||, 06:55 AM
الحمدالله عالسلامة
والحمدالله يوم انك استانست
ها وين الوصوغة عيل^_^
قلوب دبي
26-07-05 ||, 10:41 AM
:)
الحمد الله على السلامه
وانورت الواحات بعودتك الها
هااا وين الصوغه:fa56:
قلوب دبي
شوق القلوب
26-07-05 ||, 11:20 AM
الســـلام عليــــكم...
..
مـــاشاء الله.. أجازتكم مرت بسرعه.. :)
الحمد الله انك استانست في هالسفره....
..
والحمد الله ع الســـلامه... ومرحبابك في الواحات من يديد.. :)
الحاضر الغايب
26-07-05 ||, 12:31 PM
حمد الله على السلامة اخوي
ورحلة جميلة الصراحه ... يبالنا على الفلبين عيل :love:
يا مرحبا بك اخوي
والسموحه ...
خنفروش
26-07-05 ||, 12:43 PM
الحمدلله عالسلامه يا بحر الموده نورت دارك يا سفير الواحات في شرق آسيا
الاسطوري
26-07-05 ||, 03:12 PM
السلام عليكم ..
وشحالهم الرحالة ..
بحر الموده
حمدلله على السلامه الغالي وطولت الغيبات وأظنك يبت لنا غنايم من الصور والمعلومات
وتسمية مانيلا وعن المناطق اللي هناك والطبيعة ،، بصراحه شوقتنا
لهـ البلاد وإن شاء الله أزورها وعاد نحن في
إنتظار الصور للتشويق أكثر
(إن وجدت)
والسموحه
الاســـطـــوري
أخوكم
حبوبه دبي
26-07-05 ||, 06:13 PM
اووه الحمدلله ع الســلامه :fa46:
يالله عـــــاد خلنا انشــوف الصــور اذا عندك :woot:
وانشــوف اليديد منك دوووووم ..
والسمــوحه
:inlove:
وحي القلم
26-07-05 ||, 10:01 PM
الحمدلله عالسلامه يا بحر المودة
و نبى انشوف الصور
كبكون كب وكيب كين كااااااه >> مطولها :laugh:
..
السموحه
العجيبة
26-07-05 ||, 10:29 PM
ههههههه صدق انته استانســت ؟؟
أحس انك سايــر تحفـظ الدروب واسامي المناطق خخخ
ما شــاء الله عليـــك ..
الحمـدلله على سلامتــك .. نورت برجوعك
اهم شي .. شو يبت وياك ؟
طير الغرام
27-07-05 ||, 03:43 PM
http://oasis.bindubai.com/download/6eer/nnnn1.gif
الحمدالله ع السلامه أخويه
وإن شاءالله اتكون استانست ابـ هالسفره ^_^
http://oasis.bindubai.com/download/6eer/6eerline.gif
ولد الحكومة
29-07-05 ||, 09:15 AM
وعليكم السلام
بحر المودة
اول شيء الحمد لله على السلامة .
والله زين شوقتنا لبانكوك . . . انا ان شاء الله على اول 8 بسافر استراليا وعقب بروح بانكوك.
تسلم اخوي عالتقرير الحلو :fa46: .
ولد الحكومة :fa35:
بحر الموده
29-07-05 ||, 10:07 AM
هلا والله
حبوبه دبى
كبكون كب خيتوو والله يسلمج من كل شر الحمدلله استانسنا وتامه الذكريات فى قلبى
عطاج الر العافيه ومشكووووره وماقصرتى
بحر الموده
29-07-05 ||, 10:10 AM
مرحبا والله
بنت الدلع .. الله يسلمج
تسلمين والله على التكرم بالرد الطيب والترحيب الحلوو
كيف حفظت الاسامى لووووول لالا بعيد الحسد ان شاء الله سؤالج فى محله
هاى الابلاد مثل بلادى وكل شىء ينحفظ فيهااا مايبالها شىء وصلت لج المعلومه والسموحه
وربى يعطيج العافيه وماقصرتى
بحر الموده
29-07-05 ||, 10:12 AM
وعليكم السلام
عفاريتووو^_^
الله يسلمج ومشكوره على المرور
ماقصرتى
بحر الموده
29-07-05 ||, 10:16 AM
اهلين وغلا والله
...
عنود الريف
الله يسلمج خيتو وهذا من طيبج
وانا بعد متوله على الواحات وايد
والسفره حلوه حلوه وايد
مشكوووره وربى يخليج وماقصرتى
بحر الموده
30-07-05 ||, 10:01 PM
يامرحبابج والله
الجديدة
مشكوره الطيبه على الرد الحلو
طويله استغرقت 20 يوم لووول
تزينت بالمغامرات الحلوه والذكريات
الله يخليج وحياج الله وماقصرتى
بحر الموده
30-07-05 ||, 10:02 PM
هلا وغلا
الدلوعه الله يسلمج من كل شر خيتوو
الصوغه مكوده محد يباهن لوووول
اشكرج على التواجد وماقصرتى
بحر الموده
02-08-05 ||, 10:09 PM
سلام عليكم
قلوب دبي
الله يسلمك الشيخ ومشكووور على العبور
وصوغة تايلند معروفه عقب بخبرك لووووول
دمعة شوق
02-08-05 ||, 11:41 PM
وعليــــــــكم السـلام والرحمه
الحمدالله على السـلامه أخويه
ماشاءالله سفرتك غاويه
يالله عقبال ما أروح أنـــــــا
*_*
يالله بالتوفيـــــــج أخوي
مرحبــــــــــــــــا والله
بحر الموده
03-08-05 ||, 01:53 PM
مرحبا وغلا والله
شوق القلوب^_^
الله يسلمج خيتوو والحمدلله استانست وايد
مشكوره على المرور وربى يخليج وماقصرتى
بحر الموده
04-08-05 ||, 01:35 PM
مرحبا والله
الحاضر الغايب
الله يسلمك اخوى ويبالك الفلبين يالله فوووووقه فوقه
مشكور على العبور الحلو وربى يخليك وماقصرت
بحر الموده
04-08-05 ||, 01:38 PM
ياحيك والله
خنفروش
... لووووووووول سفير عاشق مدن شرق آسيا صدقت عمرى عااااد وايد
الله يسلمك الطيب واشكرك على التواجد وربى يخليك ويعطيك العافيه وماقصرت
بحر الموده
ورديّـه
04-08-05 ||, 04:48 PM
نـااايس ويلكم باك وحمد الله عالسلامة
الملهم
05-08-05 ||, 12:25 AM
السلام عليكم
الحمد لله على السلامة ..
زين استانست في الرحلة .. وزرت بيتك الثاني ^_^
و.... هيه صح وين صوغتي ؟؟ لا اتقول نسيت .. افاااا تنسى اربيعك اللي
دوم تتصل به وهو زطي ما يتصل بك ^_^
اكرر الحمد لله على السلامة
والسمووحة على تاخير الرد ..
بحر الموده
05-08-05 ||, 11:01 AM
وعليكم السلام ورحمة الله وبركاته
الله حيك الاسطورى
الغالى الله يسلمك من كل شر والرحاله اكيد بتحط لك صور عن الفلبين قريب مثل مااشتقت انته لمانيلا انا بعد اشتقت لها لوووووووووووووووووول
مشكووووور وفيك الخير على الرد وماقصرت
خيال الحب
05-08-05 ||, 02:42 PM
الحمدلله ع السلامه الغالي
عاد ان شاء الله ما نسيت الفيل الي طالبنه خخخخخخ
ونحن بانتظار الصور
تحياتي
العيناويه
06-08-05 ||, 01:07 AM
تعااااااااااااااااااااااا اال بتخبرك انت شو سالفتك ويا بانكوك ...
لا يكون قلبك هنااااااااااااااااااك وتسير تطمن عليه وترد ...
ع العموم
ولكم باااااااااااااااااااااااا اااااااك اخويه
والحمد لله ع السلااااامه ...
السمووووووووووووحه
عيناويووو طويلة العمر
بحر الموده
07-08-05 ||, 10:18 PM
ياهلا
حبوبه دبى
الله يسلمج الشيخه
ان شاء الله بتشوفين الصور
ومشكوره على الرد الحلو وماقصرتى
بحر الموده
07-08-05 ||, 10:19 PM
مرحبا وغلا
وحى القلم
الله يسلمج الطيبه
وكبكون كااه على الرد وماقصرتى
جنون امرأة
09-08-05 ||, 07:37 AM
حمالله ع سلامتك .. شكلك وايد استانست ..
بحر الموده
12-08-05 ||, 10:55 AM
سلام عليكم
طير الغرام
الله يسلمج خيتو والحمدلله استانست
واشكرج على الرد وربى يخليج ماقصرتى
الشوق
12-08-05 ||, 12:38 PM
الحمدلله ع السلامه
زين يوم وصلت .. بس اقولك يبت الصوغه وياك .. عسب اتوزع على الاعضاء
تعرف ما خلو حد من اللي سافرو وكل يوم يتريون صوغه من حد
ووووين الصور .. امجهز الموضوع في واحة التصوير والا بعدك ..
والحمدلله كفايه انك استانست وغيرت جو
الشوق
بحر الموده
13-08-05 ||, 12:07 AM
خيال الحب
اهلاويه للابد
الله يسلمك الطيبيييين
ومشكوووورين على التواجد
بحر الموده
13-08-05 ||, 12:09 AM
ياهلا والله
خخخخخخخخخخخخخخ العيناويه
مشكووووره خيتوو على العبور الحلو هيه انا بانكوك قلبى بكبرها لووووووول
وان شاء الله لنا سيره قريب ^__)
يعطيج العااافيه وماقصرتى
بحر الموده
15-08-05 ||, 02:37 PM
هلا وغلا
.. الشوق ..
الله يسلمج خيتو من كل شر
والصوغه يبناها من زمان ووزعناها خخخخخ
اكيد الموضوع وكم موضوع مجهز فى واحة الصور عسا ان شاء الله تستانسين مثل ما انا استانست
فى السفره
ربى لايحرمنى من تواجدج الدائم وربى يخليج وماقصرتى
بحر الموده