>.< الأســطوري يـ مرحبابك الســــــــــاع >.< [الأرشيف]

مشاهدة النسخة كاملة : >.< الأســطوري يـ مرحبابك الســــــــــاع >.<

دمعة شوق

24-07-05 ||, 12:36 AM

الســــــــــــــــــــــ لام عليــكم ورحمة الله وبركـاته

وشحالـكم شعلومكم ربـــــــــــكم بخــــــــــير ..
يــ مرحبـــابــكم والله

الأســطوري

شفته أون لاين .. من بعد غيبه طالت عنا وغاب عن الواحات مده
حبيت أتحمدلك بالســلامه يـ خوي
وأرحبك من أول ويديد وأقــولك يـ مرحبابك من بين أهلك وأخوانك
وبيتك الثــــــــــــاني

ويالله عاد شد الهمه نبا ذيج المواضيع الزوينـه
:fa51:

يــ مرحبــابك والله

الســــــــموحه منكو

الله حيييييييييييييييييييييييي ييييييييييييييييييييييييي ييييييييييييييييييييييييي يييييييه
....

أحلى منصوري

24-07-05 ||, 12:41 AM

الذبيحــة على حســابــي ..

وبنعــقــر لك قعووود :fa34:

والكرك على حســابــك يالأسطوري :fa35:

الحمد لله على السلامة

..

حبوبه دبي

24-07-05 ||, 02:02 AM

الحاضر الغايب

24-07-05 ||, 02:15 AM

يا مــرحبااااابك اخويه ويانــا :fa51:

وانشـالله انشــوف هالمــواضيع الغـاويه

افــا الكــرك ع حسابي عيل :fa42: والذبيحــه على احلــى منصــوري ابرايه ..

الحمدلله ع السلامه
ولا تبطــي عليــنا ..

والسمــوحه
:blush:

لالالا ما يصير ... شو بعد كرك على حسابي ... اسمحيلي اختي حبوبة دبي :unclesam: ...

الكرك على حسابي انا ... اقولك الاسطوري ...(( حصلت مكان يديد :fa34: )) :fa52:

وحمد الله على السلامة ... :fa42:

لا :sleepy:

وحي القلم

24-07-05 ||, 12:49 PM

حياك الله يالأسطوري

..

خنفروش

24-07-05 ||, 01:17 PM

اسطورة الواحات نورت دارك

استغفر الله العظيم في ناس مدمنين شاي كرك

الجنيه

24-07-05 ||, 04:30 PM

حيالله الأسطور ي

الصراحه غيابك كان أسطوري شراتك
الله يرحم أيام السجن (تذكر اللعبه )

الموووهييييييييييييم ولكم باك وان شاء الله ما تقطع مره ثانيه

وخلو جاي الكرك لأصحابه .... :tounge:

أتمنى

24-07-05 ||, 07:07 PM

:: الاسطـوري ::

لا تبخل علينا بمشاركاتك و حضورك

:)

لا عدمنــاك

عنود الريف

24-07-05 ||, 09:27 PM

يا هلا ومرحبا بالاسطوري
حياك الله يااخويه
والحمدلله على السلامة
وبعدين محد بيييب الكرك غيري انا .. لا تخلوني احلف .. هاه تراني بحلف .. اوكي خلاص ترييوا ..
والسمووحه

الاسطوري

25-07-05 ||, 02:33 AM

وعليكم السلام ورحمة الله ..
وشحالهم الأعضاء ..

دمعة شوق

تصدقين أنا بعد شفته أون لاين وإن شاء الله يرد مثل قبل ،، الله يسلمج الشيخة
وإن شاء الله بتشوفين مشاركاتي بس بهدوء ومشكورة
على هالترحيب الطويل العريض اللي
أعتبره وايد عليه
:blush:

أحلى منصوري

ماتقصر يالمنصوري فيك الخير ومايرد الكريم إلا اللئيم
وفالك طيب بس أنت خبرني على
المكان والزمان
:fa46:

حبوبة دبي

مشكورة أختي على الترحيب وإن شاء الله بحرك القلم وبنسج من خيوطه
عش في كل مكان أقدر عليه وعن الكرك ماقدر أتدخل
دام الحاضر الغايب في السالفة ترا
دكتور فالكرك وأنواعه
ومشتقاته

الحاضر الغايب

الله يسلمك أخوي وما :sleepy: بس عاد خلها مستوره ،، عن الكرك يالله رتبت لك
الوضع بس عاد خبرني وين المكان اليديد ولا أقولك لاتقول
شي عن يسمعونا الأعضاء ما فينا تصير
زحمه جدام المطعم
:tounge:

وحي القلم

الله يحييج ومشكورة على
حسن الضيافة
:)

خنفروش

الواحات منوره بوجودك الشيخ وعن الكرك حاسب ترا مسوين حزب فالواحات
وفي أي لحضة ممكن يسوون عليك إنقلاب ويحجزون
عنك الكيبورد شهر
:vampire:

الجنيه

الله يحييج الشيخة ، أنا ماغبت بس إنشغلت في أمور أجبرتني أكون بعيد لفترة
ومثل مايقولون للظروف أحكام وعن السجن لا تذكريني أنا كنت
دوم مظلوم من بينكم وتسجنوني وأنا بريئ بس
بردها فيكم طال الزمن أو
قصر (الثأر)
:tounge:
الحاضر الغايب عنده خلطات سرية طلبوها في امريكا بمئات الملايين
ورفض يعطيهم حتى فكرة عامة بس مثل ماقال
الكرك كرك يعدل راسك
:fa56:

أتمنى

إن شــــــــــــــــاءالله
:blush:

عنود الريف

الله يحييج ويسلمج ويسلم غاليج ،، وعن الكرك خلاص حسم الأمر وإذا عندج
أي إعتراض اتفاهمي ويه الحاضر الغايب وحاولي تقنعيه إذا
قدرتي أنا مالي خص وإذا مارضى خلاص مره
هو اييبه ومره أنتي وزيادة
الخير خيرين
:D

وأنا أهدي كل اللي مروا في هالصفحة باقة ورد معطرة
كـ شكر وتقدير مني وعساني مانحرم
من هالتواجد
:)

الاســـطـــوري
أخوكم

عنود الريف

25-07-05 ||, 11:11 PM

افا عليك .. اذا على الحاضر الغايب
انا بتفاهم وياه .. وهو ساعات ينشغل .. وانا ما ورايه شي ..
اوكي يالحاضر الغايب ؟؟

الحاضر الغايب

26-07-05 ||, 07:17 PM

هممممممممم

يوم انه الموضوع وصل للحلفان ...انا برضى ... بس مب تترسين بطونهم شاي عقب ما يشربون اللي عندي

:fa32:

عنود الريف

27-07-05 ||, 08:16 PM

خلاص تم ..
مشكووور اخويه الحاضر الغايب ..
بخلي راعي المطعم يصب نص الكوب بس ..
عشان انت توديهم المطعم اللي تعرفه ويشربون النص الثاني ..

ولد الحكومة

29-07-05 ||, 09:11 AM

السلام عليكم

كرك مرة وحدة . . . والله انكم فضحتونا :laugh:

الحمد لله على السلامة اخو الاسطوري .

وداعه الله

عنود الريف

29-07-05 ||, 06:05 PM

افا يا ولد الحكومة
في شو فضحناك نحن ؟؟؟
ما احيد ان اللي يشرب كرك مفتضح ...

الاسطوري

30-07-05 ||, 05:13 AM

السلام عليكم ..

ماشاءالله أشوف عيبتكم السوالف عن الكرك وللحين محد
ياب شي ،، ولا هاي حركة تتعازمون وعقب كل
واحد يزعل ويغير رايه وأطلع
أنا حافي القدمين !
:look:

ولد الحكومة

ماعليه طلعت تعرف أخوي من ورايه وتتحمد له على السلامه بعد وأنا ولا
عبرتني بس عناد مابخبره ولا بقوله شي لين ما آخذ نصيبي
وعقب يصير يخير وحياك باب السوالف
مفتوح للجميع في ميلس
الاسطوري
:fa32:

كل يوم تعالوا ونسونا
بمروركم
:fa51:

ربي يحفظكم

عنود الريف

30-07-05 ||, 08:19 PM

افا يا الاسطوووري ..
انا اتصلت براعي المطعم وقلت له يوديه واحات بن دبي .. ويوزع على الكل بمناسبة عودة الاسطوري اشقايل بس ما يابه ؟؟؟
ما عليه انا اراويه ...؟؟ الحين بتصل به ..
واخليه اييييب لكم ..
والسمووحه يا اخويه ما ادري به ..

عنود الريف

30-07-05 ||, 08:28 PM

درب درب درب .. ياك الكرك يااااااااااااااااااااك
ياكم راعي المطعم ..
راعي المطعم : بابا سوري انا في سوي غلت ( غلط) .. انا يودي هق ( حق) واهد ( واحد ) تاني ( ثاني )
سوري سوري ..

وترجع عنود الريف : يالله ما عليه .. فدوة عن راسكم الشاي اللي سار عند حد ثاني ..

ما برمس واايد بخليكم تشربون الشاي كرك ..
والسمووحة

http://www.bbc.co.uk/food/images/recipes/tea_300x193.jpg

الاسطوري

30-07-05 ||, 10:28 PM

لحضه لحضه

شو رايج تروحين تزقرين الأعضاء الموجودين وتتصلين باللي مب موجودين لين ماأشغل المكيف
وأرتب الميلس وأدخن المكان وأشرب لي دله على الطاير على موسيقى هاديه
عشان أعدل راسي لأن مزاجي متعكر شويه وعاد لاتنسين
الحاضر الغايب ترا إذا نسيناه شو يفكنا
من لسانه عقب هذا كرك
مب شي عادي
:fa37:

أقول ممكن تعطيني عنوان المطعم هذا وتوصين راعي
المطعم عليه عشان أقدر أعدل مزاجي
وقت مابى ؟

(بس بصوت واطي عشان
محد يسمع)
:tounge:

عنود الريف

30-07-05 ||, 10:47 PM

يا أخويه انا احيدهم يالسين في الميلس .. ما ادري متى شردوا من المكان ..؟؟
شو استوى بهم ؟؟ ليكون ما يبون الكرك:rock: ..
انزين خلني ازقرهم ... بسير العرقوب اللي ورا بيتنا :fa56:

يا أعضــــــــــــــــــــــ ـــــــــــــــــــــــــ ــــــــــــــــــــاء الواحــــــــــــــــــــ ـــــــــــــــــــــــــ ـــــــــــــــــــــــــ ات

تعالوا يوزعون شاي كرك ببلاش في ميلس الاسطووووري
الــــــحــــــــــــق مــــــــــــــــــــــــ ـــا تلـــــــــــــــــــــــ ـــــــــــــــــــحـــــ ـق ..

احم احم .. حلجي عورني وانا ازقرهم ..
يالاسطووري .. خبروني انهم يايين ... واحيدهم يركضون ورايه:fa34: ..
(( كل هذا عشان الكرك :fa56: ))

الاسطوري ..الاعضاء الحين كلهم لاهين يشربون الكرك ..
تعال بخبرك عن هالمطعم .. وانا جد مخبرتنه ان الشاي عشان ردتك لنا سالم غانم .. :laugh:
وهو يعرفك ... بس خبره انك من طرف عنود الريف ..
الله يسلمك هذا المطعم اسمه الفروانية عندنا في جميرا .. صح كل المدراسية اللي عالبحر ايوونه .. بس شايه غاوي .. وازيدك من الشعر بيت .. خبزه فنان بعد .. وخصه اذا كان حار ..
ويه ويه يطالعونا .. بسكت عن يسمعونا .. المهم انت عرفته صح :fa46: ؟
اوكي يالله انا شربت الشاي .. في وداعة الله ..
والسموووحه

عنود الريف

30-07-05 ||, 10:50 PM

نسيت اخبرك .. لا تقول حق الحاضر الغايب عن هالمطعم .. اخاف باجر يقولي راعي المطعم ان المطعم فيه فايرس مطرشنه الحاضر الغايب عليهم ... :fa56:

الاسطوري

31-07-05 ||, 04:08 AM

سرج في بير الشيخه
لا تحاتين
:fa42:

الحاضر الغايب

31-07-05 ||, 02:14 PM

:alien: :alien: :alien: :alien: :alien: :alien: :alien:

هيييييييييييييه زين زين زين ... اوكى اوكى اوكى

تعزمين الكل وانا بولابس :fa37:

هالمطعم وصله الفيروس من زمااااااان :fa32: :alien: :alien:

امس سوينا مسح على الشارجه ... :fa56:

مشكورين على العزيمة :fa52:

والسموحه ...

الاسطوري

31-07-05 ||, 04:21 PM

الحاضر الغايب

اليوم الظاهر بتسوي مسح على دبي وبتكتشف كل

الاماكن اللي بعدك ماكتشفتها بس عاد

ماوصيك الاقربون أولى

بالمعروف

:fa46:

أخاف يوم يسوون لك تحليل دم

يشوفونه صــــــار

كرك +

:fa56:

عنود الريف

31-07-05 ||, 05:41 PM

افا يا اخويه الحاضر الغايب ..
انت اول المعزومين .. انا ما قصدت اني ما اعزمك .. انا كان قصدي انك ما تعرف هالمطعم ...
والا الكرك شو فيه .. لو تبا دلة بخليه اييب لك اياها ..
ولو .. هذا الحاضر الغايب
(( من الزياغ ما اروم اقول شي .. اخاف باجر القى لابتوبي فيه فايرس )) << هاي الجملة لا تقراها يالحاضر

يا باااابو ييب كرك حق بابا الحاضر بسرعة .. :fa34:

لا تسوي مسح في دبي ولا شي ...
راس مالنا هذا مسكين .. يترزق الله ..
مر عليه ما عليه .. بس خله في حاله ..