نصووور و مغامرته في البيك أب

[ذنـيـنـي]

السلام عليكم

اليوم صارلي موقف غريب و ابغيكم اعرف رايكم في هالشي و شو هو السبب الي يأدي الى هالشي


اليوم كنت اسوق البيك اب مال البيت

لأنه بين سيارتي و باب البيت ثلاث سيارات >> كان عندنا ناس في البيت و مسكرين على موتري :fa55:

المهم, اخوكم نصوور كان لابس بدلة لأنه بيسير ياخذ ثياب حق السفر >> بيك اب و بدلة = هندي او زلمة 100% بس هم ما يدرون اني احمل "بو تير" :woot:

الي صارلي الله يطول اعماركم هو اني كنت داخل في شارع مزدحم ازدحام شديد و وراي حرمة تدقلي هرن اذا طوفت حد في الزحمة, ويوم اقول انها اتدق هرن اعني انها تسويلي
طيييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييط ,
هرن اخيس من هرنات مصر :crazy:

المهم انا قلت هذه لازم أأدبها, يوم ييت عند المدخل مال الشارع الفرعي وقفت و قمت اطوف الناس عناد فيها :fa56: المهم الحرمة حرقت هرنها و انا مسولها اكبر طاف (عيل اونها مستقوية لأنها "مواتنة" و تتحراني هندي لأني راكب بيك اب)

عقب ما طوفت الجماعة يمكن 5 -6 سيارات ختمت حركتي و صيحت ويل في ويها بالبيك اب العجيب عسب تعرف اني محرّج :fa56:

انا قلت انها خلاص تادبت و عرفت انه حركة الهرنات غلط, لكن طلع الي سويته ما منه فايده!!!

الاخت لحقتني و تنزلت الدريشة و اونها تقولي :ايه هذا مافي بمبي :crazy: يوم بتكون في بمبي سوي جيي حمار واحد "اونها تسبني تتحراني هندي و انا الى هاللحظة ما رمست :wacko:

المهم قلتلها خير اختي, في شي,

قالتلي هييه, لا تتعنتر في بلادنا اتعنتر في بمبي مب هنيي :crazy: يا ربي شو هالذكية اكلمها بالهجة الاماراتية و هي بعدها تتحراني هندي :fa44:

قلتلها و منو قالج اني هندي, قالت عيل شو؟ باكستاني

قلتلها لا, مواطن حالي حالج :fa38: قالت اوووه اسمحلي اخوي ما دريت انك مواطن تحريتك هندي يوم شفتك راكب البيك اب و لابس بدلة (هو بيني وبينك كان شكلي هندي 100%بس كان ناقصني حل تاتا :fa44: )


الى هالدرجة وصلت الوقاحة عند بعض البنات لدرجة انهم يوقفون الواحد و يفاتنون عليه

تتحراه بيزيغ منها لأنه هندي و راكب بيك اب

بس احلى شي يوم عرفت اني مب هندي, كنت محرج و ضحكت في ويها خخخخخخخخخخخخ :fa56:

ما ادري شو تعليقكم على هالموقف

او شو الاسباب الي تادي الى هالشي

انتظر ردودكم :fa54:

[العجيبة]

قلة أدب منهــا ..

هههههههههه شو شكلك هندي انته ما تنعرف من تلبس بدله !!

بس بعـد انته غلطـان يوم تميت اطوف السياييـر ويوم صيحت ويـل ..

مـب حــل اللي سويتــه ولا اظنـي علمهـا الأدب !!

على سالفة الهندي والمواطنه .. هالكمــن يوم اللي طافـن قمنـا نـركـب باص يودينـا وييبنـا المـدرسه
عنــدنـا بنيـه من اول ما تـركـب اليــن ما تنــزل وهـي تفـاتـن على راعـي الباص .. جي بسبب او بدون سبب
ما شي حيـــااا في البعـض .. الله يعيـن

شكـرا نصـووور

[خنفروش]

نصوورري الزقرتي \ لاحظ بنفسك إنك غضبت و نفست عن غضبك بطريقة العناد و (( طنشتها )) و يمكن هي مستعيله (( ولو حتى مب مستعيله \ واحد قاعد يجدم الناس و انا اولى منهم بالمرور لازم بحرج عليه )) المهم انك نفست عن حمقتك ابطريقتك و هي كانت تنفس عن غضبها ابطريقتها \ الغضب ما يعرف جنس و جنسيه \ مجرد رأي شخصي لا أكثر \ تسلم أياديك على هيك موضوع و هيك طرح جميل و السموحه

[الهيثــم]

. ؛ وعليــكم الســلام ؛ .

؛ ؛

بصــراحة نصــوور أحســدك على هـ الموقف الحلــو إللي اتعــرضتــه
شي ما ينــّـسي ...
تكبــر وتنــسى .. ذكريــات حلـــوة يا ريــال

بيــني وبينــك زين ســويت فيــهـــــا ...
بس لو أنـــا واحــد يســوي بي جيــه بنــزله بتفــاهم ويــاه بطريــقة حلـوة
يعني مثــلا إذا كــان هنـــدي

تعــرف الشبــاب كيــف يتفــاهمون ويـــاهم .. طراق ولا طرااقيـــن
يــا أخي هـ الهنــود شــايفيــن عمــارهم مــا دري على شــو ؟!

وبالنسبــة لموقــف الحـرمة أعتقــد إنهــا غلطـــانه في تصــرفهــا
ولا شــو فرق بين الهنــدي والمواطـــن .. اتراا ها ريال وهــاك ريــال
يعني ما يــوز إتررمســه بهالطريـــقة .. ونحن واايــد شفنــا ناس وحريم ماخذيــن راحتهــم ويا الهندي
جنه مب إنســـان .. وإتــلاقيهم ويا أهلهــم مستحيــن وما يسلمــــون .. ( إيش هالكلام يا اخي ! )

وتسلـــم يــا نصــــور ...
وتعيـــش وتـــاكل غيـــرهــــا

خــاطري أتعــرض لهالموقــف .. عجيــب يــا ريـال

؛ ؛

:fa38:

[مجرد إحساس]

هههههههههههههههههه


والله هذه سالفة ... يا نصووووووور



بس انت الله يهداك لابس بدلة ورايح تتسوق للسفر ورايح بــ بيك آب


وبعدين زين ما سويت بالبنت

خلها تتأدب

تستاهل


بس والله وانا واقرأ الموضوع


أضحك ...


هههههههههههههههه


والسموحة ...


بس انت كنت تبي تعرف شو اللي يأدي إلى هالشي


انا بقولك


في بعض من البنات

رافعين خشمهم

على الهنود

بس هذيل الهنود مودرين بلادهم

ويايين يشتغلون عندنا مساكين


وبعد البيك آب والبدلة

كانوا :: ابطال السالفة ::


هههههه




والسموحة ...

[ورديّـه]

أنت الغلطان ..

هرنت . إمش

بس انت أي سيد كنت ماشي .. شكلك تتخيل موترك اخويه و ماشي في خط اليسار؟

والله اليوم شي موتر جديم يديّم لي حتى لو بغا يسرع المحرك ما يساعد ..
عطيته بو لباس و غطيت المنظرة بيدي لول

والمسلسل يستمر

[ذنـيـنـي]

العجيبة

لا اختيه, انعرف يوم البس بدلة

لكن البيك اب زاد الطين بله :fa44: ما اتوقع انه شي شباب مواطنين يركبون بيك اب و يلبسون بدلة :fa46:

صح كلامج, انا غلطت يوم صيحت ويل في ويها لكن هي ما قصرت تمت ربع ساعة تهرن و تتحرطم

يعني لا تلوميني على الي سويته, هي كانت وياي من بداية الشارع الى نهايته طول الوقت و هي تسوي هالحركة

لدرجة انه يوم الشخص الي جدامي يمشي واحد هي تدق هرن و اتم تتحرطم :fa44:

[ذنـيـنـي]

خنفروش

انا ما سويت هذا الشي الا لأنها ما تتحترم حد

المشكلة انكم مب قادرين تتخيلون انه شخص يدقلكم هرن لأكثر من ربع ساعة

طييييييييييييييييييييط طيييييييييييييييييييييييي يييط طيييييييييييييييييييييييي يييييييييط طيييييييييييييييييييييييي يييييييط

هذا و انا ما طوفت حد, لأنه الي جدامي طوف كمن واحد

و يوم انا طوفت واحد تمت تتحرطم و اتأشر عليي و هي تتكلم

اذا كانت صدق مستعيلة جان خذت السيد اليسار لأنه السيارات الي فيه تمشي اسرع من السيد الي انا فيه

و عشان تكون في الصورة و تعرف المكان الي صار فيه الموقف

كنت في شارع الملك فيصل في الشارجة و سايرين باتجاه شارع الوحدة

و انته عليك انك تتخيل كيف الوضع هناك وقت العصر

[جنون امرأة]

نصووووور ...

تستااااااااهل اكثر عن جي ... هاي وحده تافهة و مصدقة عمرها ...

لو كانت وحده محترمه بتحشم .. و ما بتسوي حشرة ف الشارع .. تتحرى عمرها في بيتهم ؟!...

و حتى لو كان هندي ( جيه الهندي مب انسان ؟.. مب ريال ؟... )

المفروض تستحي ع ويها .. و ما تسوي هالحركه البايخه ..



احم احم ... واااااااااااااااااااااااا ااااايد خذت راحتي .. خخخخخ


اسمحولنا

[الفراشه]

هههههههههههههههههههه
مشكله والله
الصراحه هذي ماتستحي على ويها
يعني حتى لو اتحرت هندي مب اتوقفه
حتى واو هذا ريال
وانت يا نصور جان طنشتها
كفايه راكب البيك آب والبدله
وتتعنتر عليها خليها اتولي
بس الصراحه
ههههههههههههههههههههههههه ه
والله انك ضحكتني
مشكله والله البنات عاد بعضهم مايصدقن
المهم
مره ثانيه لاتعيدها بس
واذا فكرت اتعيدها الله يخليك
يعني البس لبس محترم يعني مب بدله وانت راكب هالسياره

والسموحه

[ذنـيـنـي]

خــّطاب

ههههههههه

يا ريال شو تبغيبه هالموقف :crazy:


يا اخوي انا على فكرة من النوع الهاااااااااادي يعني ما عليك من هالخبال الي في الواحات

لدرجة انه مرة واحد من ربعي قالي اتمنى اشوفك و انته محرج :fa46:

مول مالي خص في حد في الشارع

لو يلفون عليي ما اقول شي, اقول حليله مب قاصد :blush:

لكن هذه صدق رفعتلي الضغط :fa44:

قلنا انه عندج هرن لكن هذه مب طريقة لاستخدام الهرن :fa55:

[ذنـيـنـي]

امير القلب

شو رايك بالحركة الي سويتها؟؟ زعيم هااااااا :fa38:

عاد شو اسوي, غصبا عني شليت البيك اب.

استحيت اقول حق الي عندنا يطلعون سياييرهم

ولا انا ما بسير بالبيك اب :fa36:

[الدلووووعة]

حلوووووووووووووووة الحركة

لا بيك أب وبدلة كملت

عاد البنت شو تبا لو انه بيك أب يعني الهندي ماله رب اونه بسير اتعنتر عليه

بس صح انه بعض الهنود يقهرون

بس صراحة لو انا منك اسميني بقفط عيل تتحراني هندي

[خنفروش]

نصوري فديت قلبك \ انا ما كان قصدي اني احملك الغلط او شي لالالا \ انا حبيت اوضح لك نقطه وهي ان حالة الغضب ما تعرف جنس ولا جنسيه \ يعني أنت لو (( و انتبه لكلمة لو عدل )) لو أنت حرمه هنديه و لابسه بدله (( ما أدري اشحقه خخخخخ )) و قاعده اتسوقين بيك آب و ياج لمواطن خنفروش و حشرج بالهرن لين ما حسيتي اذنج اتناقع جان نزلتي الجامه و تحرطمتي عليه بالهندي و سبيتي طوايف خنفروش و يمكن خنفروش من الحمقه بعد يلف عليج و يخليج اتصعدين عالرصيف \ يعني بالنهايه هالمواقف تحصل في احسن العايلات

[إسهر معي ليله]

السلام عليكم

بصراحه موقف كلنا نتعرض له.. والسبب ناس ما تفهم

يعني الطريق زحمه.. طوفت حد ولا ما طوفت السيد ما يمشي.. ولازم كل سيارة تطوف سيارة ثانية عشان تخف الزحمه من الصوبين... ولازم فيوم انته بتحتاج حديعطيك درب.. فسو خير فالناس يسوولك خير

وهالمواطنه عيب عليها جيه تسوي... مرة صار لي هالموقف وفالزحمة.. كنت ابا درب واضرب اشارة.. محد معبرني.. ما يعطون درب.. لين يت وحده شافتني بلف تعمدت تدوس بس عشان ماطوفها... انا عاندتها وطلعت جدامها.. تجاوزتني من الخط الأصفر ونزلت الجامه (( طلعت مواطنه )) يا بنت الناس عيب عليج.. يعني فرحانه منزله الجامة وتفاتنين.. وين الأنوثه :fa55: هاي شو اقولها؟ والله اني استحيت انزلها الجامه.. مع اني دوم اضارب ويا هالأشكال لوول

والناس هني اذا موترك كجره ما يحترمونك.. الا اذا عليه مخفي .. واذا بيك اب حتى الهندي ما يحترمك.. انا كنت اسوق بيك اب البيت واسمت بغترة وعقال لوووول عاد شو الأوادم يطالعون.. ويا ريت لو بيك اب عادي... بيك اب جديم وعليه حدايد ورى.. حق تحميل الخضرة مال المزرعة لوول

تسلم عالموضوع الحلو... الله يحفظك

[كبيرة بعيوني]

هرنــااات
وازعاااج
وحشـرة
و " بنية "
،
،
لازم بتعــصب وبتستنذل عليها جي
بس ماسويت فيها خير
عنبوه حرقت خلايا اعصابها بعـد :woot:
،
،
بس صـح ان الواحد يوم يحرج مايعرف شو يسوي
بس هاي لازم تراعي انها
فـ "شااارع" ..
،
،
لا والقهـر تستقوى عـ الهنووود
انزين ريااال
بغيتك هندي
جان نزلت وشليتها و شـ سمه ارتكبت فيها جريمه:fa56:
ولو طول الهندي لسانه
بيردون السالفه عليه هو بس المسكين
كيكيك
،
،
بس اتخيلها شقاا بتقققققققققفط .. كيكيكي
والله مسكينه
،
،
نصووور
فـ النهاية
السبــب .. ان هاي انسانة ماتحشــم حــد
ومتهــورة
واللي عطــاها الليــسن كان المفروض يعطيها
ليسن فـ الأدب والمعاملة الشوارعية قبل ..،
،
وارد اقول صح نحن مانعرف ظروفها أو نفسيتها أو اعصابها
بس كان المفروض انها تراعي انها ف مكان عام
وفي غيرها ف الشااارع بعد
،
الله يعين من هالاشكااال
،
عقب ما كانت "السرعه" سبب فـ الحوادث
الظاهر ان السبب اللي بيسبقها هـو "حشرة الحريم والهرنات":fa56:
،
،
شكرا نويصــر
والله يعينك
:blush:

[ذنـيـنـي]

شيطونه ورديه

عيبتني هذه"هرنت امش :crazy: "

اختيه, الناس يساعدون بعض في الزحمة

اذا انا ما بطوف هالشخص و الي قبلي ما طوفه و الي عقبي ما بيطوفه عيل منو بيطوف هالمسكين :rock:
============

:vampire: محد قالج ترمسين

ليش سويتي عمرج ما تشوفينه و على اي اساس حكمتي انه محرك سيارته ما يساعد على انه يسرع, يمكن موتره مزود :fa56:

و ما تعرفين شو ظروفه يمكن صدق مستعيل

الغلط الي سويتيه اكبر من الغلط الي انا سويته

نحن كنا في مكان مزدحم و شي طبيعي انه الناس يساعدون بعض و يطوفون بعض

لكن الشي الغلط هو انه الواحد يمشي في السيد السريع و ما يراعي الاخرين

مثل واحد هاك اليوم على شارع الامارات يمشي 80 على السيد السريع و مب طايع يخوز يوم ديمناله مع انه نحن كنا نمشي بسرعة فوق 140 :fa44:

ثانيا في شي شبه متعارف عليه دوليا

ممكن انه نصنفه كقانون لكنه مش قانون رسمي يعني من الاتكيت على قولتهم

و هو انه في وقت الازدحام و في الاماكن الي يلتقي فيها شارعين او سيدين في شارع واحد

لازم سيارة وحدة تطوف من كل سيد
يعني بالتناوب وحدة من اليمين و وحدة من اليسار بهذه الطريقة السيد بيمشي بسرعة و ما بتصير خلافات

http://upload.bindubai.com/download/nassooor/shar3.JPG

و السموحة منج

[ذنـيـنـي]

أهلاوية للأبد

تسلمين على مرورج

أأيدج في كل كلمة كتبتيها :woot:

[ذنـيـنـي]

الفراشه

ما عليج من اليوم و رايح ما بركب السيارة الا و انا لابس غترة و عقال عسب محد يدقلي هرن

و قبل ما انزل ببدل ثيابي في السيارة :fa56:

خخخخخخخخخخخخخخخخخخخ


تسلمين على مرورج

[عزيزه النفس]

:shocked: بيك اب و بدله
ممممممممممممم
هو في شي غلط فالموضوع
بس حتى ولووووووووو
واقلك شي
زين سويت فيها
تستاهل
لانها ما تحترم الباجين
وماله داعي حد يحترمها
يعني واقفه فالشارع
حالج حال اي واحد واقف
شاله الشارع ع راسج
وتدق هرن بعد
صج ما تستحي على ويهاا
لا وقوية عين
لحقتك تفاتن :shocked: وين تبا ؟؟
وتستاهل الللي سويته فيها
ولو كان هندي المفروض بعد هيه ما تسوي جي
وتستحي على ويهها
زيـــــــــن سويت بها
الموقف : محرج : ويضحك بنفس الوقت
خخخخخخخخ

والسموحه اخويه :fa44: نصوور

[ورديّـه]

:vampire:
..

برو يروم يسير السّيد يميني مرّة فاضي محد ميودنه .. بس يديّم ورا بعض . وين نحن؟!

ها لو صدق مستعيل وسريع ومحركه تيربو *تشبيه ما اطنز*

ممم وسرعتي كانت 140 وتحت بـ شخطة هب 80 :fa36:

مممم برو طريج سريع ما يخصه بالرسمة

وصح *فالزحمة* نساعد بعض أكيـد

[طير الغرام]

http://oasis.bindubai.com/download/6eer/nnnn1.gif

وحليلك :fa56: الصراحه موقف يضحك
بس اتعرف انا ألاحظ إنه بعض البنات يسون قدر للمواطنين
يعني من ناحيه مثلاً تتحجب عدل وجيه أو إذا هندي ولا باكستاني عادي >> ماجنه ريال :wacko:

حلال ع الهندي والوافد وحرام ع المواطن

مواطن ولا هندي ولا غيره تراهم إلا رياييل !!!!

المهم عشنا وجفنا
والسمووحه منك أخويه

http://oasis.bindubai.com/download/6eer/6eerline.gif

[الجنيه]

هههههههههه رفيق كيف هالك ....

صدق سالفتك أتفطس من الضحك وبنفس الوقت تقهر اشوي ...

القياده فن وأخلاق وذوق ..
يعني أنت تصرفك كان في محله يوم طوفت لك كمن سياره بس كان لازم تراعي غيرك يعني من الأدب أنك تفسح المجال لسياره او هنتين أكثر شي لكن عناداً فيها اتطوفلك ست سبع سيايير شي مش مقبول أبداً
حاسه فيك وشعورك يوم حد يحط ايده على الهرن وما يشلها يرفع الضغط بس أنت بعد غلطت فحقها كسائقه ما أتكلم عنها كإنسانه بل كوحده تستخدم الطريق حالها حالك والله العالم بظروفها ...

لكـــــــــــــــــــــــ ـــــــــــــــــــــــــ ـــــــن
مهما كانت الظروف اللي تمر بها أو الحاله النفسيه اللي هي فيها ما لها عذر تلاحقك وتفاتن عليك ليش نحن وين ؟؟؟ هي وين تبا يوم سوت هالحركه عيييييييييييييييييييييييي يييييييييييييييييييييب وألف عيب ... الصراحه حتى نحن يرتفع ضغنا ونحتشر بس حدنا في السياره يعني انا يوم حد يعصبي في الشارع احتشر وادعي عليه بس محد يسمعني غير سيارتي فديتها ...

خلاصه الحديث سالفه البيك أب أتضحك
البنت قليلة أدب وما أتحشم
نصور مذنب

تحيــــــ الجناويه ـــــــــاتي

[ذنـيـنـي]

الدلووووعة

منو قالج اني ما قفطت يوم كلمتني بالهندي,
و ربيعي ما قصر كان وياي و سوالي فضيحة في عيمان :fa44:

[ورد جوري]

@؟@السلام عليكم ورحمة الله وبركاته @؟@


حلوووووووووووووووة الحركة{{عجيب}}


*{{نتريا اليديد الله لا يحرمنا من موقفك العجيبة }}*


؟!@؟!والسموحة ؟@!؟


؟؟اختكم ورد جوري؟؟؟

[إسهر معي ليله]

:: شيطونه ورديه ::

اسمحيلي عندي تعقيب على كلامج.. شو يعني لو كان موتره جديم؟ ما يحق له تعطينه درب.. الله يهديج بس

هاللي لاحظته فالناس هني... احنا الحمد لله عندنا مواتر من موديل 85 لين 2006.. من الكجرة والفخم وكل شي.. واللي لاحظته اني يوم اسوق موتر حلو وفخم.. كل حد يحترمني.. اما لو موترك جديم انقع!

وهذا مب اسلوب الصراحه.. وبعدين ممنوع التجاوز من اليمين ( طبعاً هالفكرة مب انها مطبقة،، لكنها من أصول السواقة ) .. وانا عن نفسي حتى لو امشي 180 واللي ورايه اسرع عني اعطيه درب اذا قدرت.. بس اهم شي ما يديّم لي بأسلوب ينرفز.. فيه اسلوب حضاري ( إشارة يسار انه هوه مستعيل ) او انه ينتظر لين الف يمين.. واذا ما قمت وانا عندي درب عقب يديّم لي

وانا بصراحه يوم حد يديّم لي بطريقة وقحه ماقوم وخصوصاُ اذا ما كان عندي مجال الف يمين.. لكني قبل ما يوصل اخوز عنه.. و ما اعتمد على نوع سيارته.. مب مجبور يحط توربو عشان اعطيه درب

وبالنسبة للرسمة اخوي نصوور... حبيت اضيف انه لو تاركين مسافة كانوا اللي عاليمين بيقدرون يدخلون بسهوله بدون توقف وبريكات..

والسمووحة

[ذنـيـنـي]

إسهر معي ليله

تسلم اخوي على مرورك و تعليقك

انا لاحظت اسلوب "بطوف غصبا عنك" و "لو تموت ما بطوفك" في مهرجان دبي صوب القرية العاليمة :fa44:

الي يتبع وياي هالاسلوب يخسي اطوفه لو توصل فيني الى اني ادعمه, لكن اني اطوفه مستحييييييييييل :fa38:

مثلا شي من الشباب يدقون اشارة و يسلمون و عقب يطوفون, مثلا هانوع من الناس بطوفه و انا اضحك لأنه اساتاذن قبل ما يدخل جدامي و سلم عليي كـنوع من الشكر

و اذا كانت حرمة او عائلة مستعد اني اطوفهم بدون شي بس اهم شي انه السائق ما يستخدم اسلوب "بطوف غصبا عنك"

على طاري البيك اب و الغترة و العقال

البارحة سرت اتمشى في جميرا في البيك اب و مريت على الضيافة مع اني اكره هالشارع

احلى شي يوم تكون غير عن الناس :fa46:

و اشكرك على اضافتك الثانية :fa47:

[ذنـيـنـي]

كبيرة بعيوني

تسلمين اختيه على مرورج


((عقب ما كانت "السرعه" سبب فـ الحوادث
الظاهر ان السبب اللي بيسبقها هـو "حشرة الحريم والهرنات ))

:shutup:

انا ما قلت شي

:fa47:

[ذنـيـنـي]

عزيزه النفس

:fa56: اخيرا حصلت حد يوقف وياي و ما يلومني :fa56:

تسلمين اختيه عزيزة النفس :fa44:

[ذنـيـنـي]

شيطونه ورديه

:fa46:

الله يهديج اختيه

السيد اليمين فاضي و انتي قابضة السيد السريع و معاندة


طبعا بيديم ورا بعض

السيد سيده دام انه هو مسرع

الحق وياه 100%

يعني اذا كان شخص جدامي و ابغيه يخوز لازم بديمله عسب يخوز عن دربي

عالعموم اسهر معي ليلة كفى و وفى و ما ازيد على كلامه شيء

:fa34:

[دموع قلم]

مرحبــــا أخي الكـريم نصــــور ..

هـذا المـوقف دائمـا يتكـرر في الشـوارع وبين الشبـاب والبنـات
لكـن ماحـد يتـأدب أو يتعلـم من أخطـائهـم ومن أفعـالهــم


طبعـا البنـت غلطـانه لأنهـا حرجـت وتمـت تتـزاعـج في الشـارع
وهـذا يـدل على أنهـا مـا تحتـرم الآخـرين ومـاتعـرف أصـول القيـادة,
لكـن بعـد المفـروض أنت ما تعـانـدهـا واتطـوف السيـارات هالكثـر,
وحلـو إذا نـزلت من السيـارة وخبـرتها أن اللي تسـويه مش من الأدب
وتكلمهـا طريقـة محترمـة, أولا.. سـويت خيـر وبتحصـل على أجـر,
ثـانيـا.. في نظرهـا شخصيتـك راقيـة ومحترمـة ويمكـن تتعلـم وتتأثـر فيهـا

:) (http://oasis.bindubai.com/bin/misc.php?do=getsmilies&wysiwyg=1&forumid=0#)


أشكـرك على المشاركـة
وربـي يحفظك ويـن ما كنت

[ورديّـه]

هيه والله الله يهديني اسهر معي ليلة ونصووور

بس يا كثر ما شفت سيارات يسرعون وبدون ما يديمولي أوخر عن السيد عقب ما اعطي اشارة يمين طبعا

بس يديملي بوقاحة .. يعني لو حوت/luxis/همر لول ما خوز :S واستوت هب عسب سيارة كشرة

[ورديّـه]

ولحد يقولي آداب الطريق وسياسة عالميه وغيره . أدري به آداب الطريج :crazy:

بس شو نقول عن اللي يطلعلك فجأة جدامك من حيث لا تدري بدون اشارة ولا دستور ..

والثاني من يومين كنا نلف nicely يسار .. ما نشوفه إلاّ ياي صوب سيدي عرض بالقو .. يعني انا جيه \ وهو ياي بسيارته جيه ---- *المفروض اللي سيده يمين يلتزم بيمين واللي في النص يلتزم بالنص وجيه بس هو ما التزم* لولا الله كاتب سبحان الله من دقيقة ادق هرن خفيف لباص *لسبب ما* وخف السرعة ساعتها والحمدالله سرعت الصوب الثاني .. جان دخل فينا بعيد الشر ..

والثاني اللي سرعته 20 عسب يبا يسير الطريق الثاني هب الجسر .. أوكيه سيارات وراك تمشي

ومن اسبوعين واحد موقف وراه .. *وانا كنت اسأل التكسي صوب الاشارة عن سوق الحيوانات :fa56:* وشفت واحد موقف سيد وراه حوالي 8 / 9 سيارات صوب اللفة يمين الاشارة .. شكلة يطرش شي يقرا شي .. عقب فضا لهم .. انا جيه :shocked: هب مستوعبة اللي يسويه

ربيعتي تقول : هاذيل يعرفون يسوقون بس يتحرون الشارع شارعهم

[جنون امرأة]

والله مصخره .. دنيا خربانه ..

هاي يحليها تتحرى عندها الليسن خلاص محد يقدر يرمسها و لا تتحرى الشارع بيتهم عسب تاخذ راحتها ..
صج انها ما تستحي و لا تحشم ....

الله يعين ...

[العجيبة]

وحلـو إذا نـزلت من السيـارة وخبـرتها أن اللي تسـويه مش من الأدب
وتكلمهـا طريقـة محترمـة, أولا.. سـويت خيـر وبتحصـل على أجـر,
ثـانيـا.. في نظرهـا شخصيتـك راقيـة ومحترمـة ويمكـن تتعلـم وتتأثـر فيهـا




بالعكــس لو هـي فيهــا نذاله بتسيــر تشتكــي علــيــه >> يتحــرش فينـي <<

وايــدات يســونهــا ترا ،،

[بنت الدلع]

ههههههههههههههههههههههههه هااااااااااااااااي

دنته نكته يا نصووور

حركه عجيبه الصراحه
عاد كله ولا البدله والبيك اب
واحلى شي يوم سكت عنها في البدايه

لو انا كنت مكانها بلحف ويهي وبروح

عاد انته الله يهداك لازم تغايظها

[ورديّـه]

اليوم حصلت موتر بيظهر من الباركينغ وعطيت اشارة .. جان ايي واحد ياي عرض كروزر ويبا ياخذه جان ادق هرن والصق عساس ما اعطيه مجال وبعد معاااند ويباغم *حد قالك نخاف؟* وجان آخذه غصبن عنه . هب عايبنه!

كنت بولع بعمريه لو خذاه !! لول

صح يوم اشوف سيارة تمشي في الطريق السريع 100 وما يرضا يوخر اييي جدامه وابطي شراته وما خليه يسير سيد ثاني عقب اروح يوم يعرف شو يعني شارع عام *مرتين بس سويتها بس!*

وبس بغيت افضفض شوي ..

وين برو طولت الغيبة الموتر يترياك ) : ^_*

[الوحيدة]

صدق انها ما تستحي...

حتى لو هندي جيه هو مب ريال..!!!

الله يستر علينا يوم وصلنا لها الدرجه من الوقاحه..!!

[أمواج]

الصراحه الحرمة ماتنلام الزحمة بروووحها تخلي الواحد يعصب و يطلع عن طووره يمكن هالحرمه اول مره تتعامل وياواحد جيه يعني انته كنت اول ضحيه لها (خخخخ) وبعدين اكيد عندها اعذار ولا مابتحرق هرنااات عالفاضي

واسمحلي اخويه :)

[بن دبي]

نصوور واحد براتا وواحد صحن كيما !! :fa37:

زين عيل هندي احسن عني انا ^_^ شكلي بالبدله لبناني 100%

بس موقف عجيب تكبر وتاكل غيرها ..

بس بيني وبينك كيف كان شكل البنت بعد ماعرفت انك امواطن :woot:


مراسل الواحات

[هزاايم]

نصووور فطستي من الضحك
أخوي هذا بالبلاد وجذى البناات ماخذين الأمور عييل برع وش تقووول
أسباب كثيره البنت تتحرى المهنده صبي يشتغلوون بالبلاد لالالا حالهم حال غيرهم و الكل ماخذ راحته وحرياتهم بيدهم بس ضجكتني السمووحه بعد ماقال مواطن عيل بوصي الدريوليه لو حد يحشرهم يقول مواطن والله مصخره
الله يهدي الجمييع
بعدني أضحك عليها خخخخخخخخخخخخخ كنت تصور شكلها خخخخخخخخخخخخخخخخخ اكيد اتفشلت ويها صار ألوان قوس قوزح

[ذنـيـنـي]

طير الغرام

الله المستعان, الواحد ما يقول الا الله يستر على بناتنا و اهلنا دنيا و اخره

تسلمين على تعقيبج :)
=========

الجنية

يعني هي يوم لحقتني و وقفتني شو خلت حق الرياييل
و حتى الرياييل عيب يسوون هالحركة, وين عايشين نحن :fa36:

يمكن اكون مذنب, بس اهم شي عندي اني قهرتها و خليتها تعرف انها مب بروحها في الشارع :fa51:
=========

دموع قلم

مثل ما قالت العجيبة

لو سويت هالشي عادي تسير و تشتكي علي في مركز الشرطة تقول انه هالشخص وقفني في الشارع و كلام من هذا
و انا اصلا ما يحق لي اني اوقفها في الشارع و هالشي يعاقب عليه القانون
و طبعا في بلادنا دائما الحرمة صادقة و الريال كذاب :fa44:
==========
ورديّـه

بصراحة السواقة عندنا في الامارات غلط, و ماشي احترام للقوانين ولا للسائقين

من طلع لي واحد في شارع الامارات يمشي اقل من 50 على خط سريع سرعته المحدده هي 120 و مبطل الدريشة و يدوخ جكارة :fa36:
ليكون الاخ يتحرى عمره على الكورنيش و انا ما ادري :Oo: و القهر انه قابض السيد الثاني و مسوي زححححححححححححمة في الشارع :fa52:

[ورديّـه]

البنية لحقتك :rock:!!؟ ما فهمت احين, كان جريبة منك ولاّ *لحقتك لحقتك* عسب تضارب بوالشباب :crazy:؟

ممم أوّلت البارحة بغيت اسير اقصى اليسار حق الU , بس يمكن كنت غلطانة بموضوووع :fa56: هو انا طلعت من الشيشة وبغيت اسير على طول أقصى اليسار وشي سيارة في السيد الوسط . ومعني متاكدة انها كان بعيدة بس الصيام مأثر يمكن أو هو سرّع , المهم دق لي هرن تنبيه فأوكي شفته لف يسار فـ تميت فالسيد الوسط . تـم يدق هرن ورا سيـارتي صووب اليسار يهرن يهرن , ايي دقييقةَ! أوكي شوفي إمش خلاص Get over it ولاصق بموتري وهب مصكرة عليه الدرب ولا شي عقب يــا يمين ورا سيارتي مادري شو سالفته , جان اقوله في المنظرة بلغة الإييد خير شوو هاا!

اونه عصب يعني :fa44: ادعمني احسن . .
قلت وقتها يمكن أبوه توّه مركّب له بيب بيب :fa36: لول . صدّعبي بالهرنات ونحن صايمين!

وعن موضوع المواتر البطيئة فالخط السريع , استويت يوم اشوف موتر سرعته 60 / 80 وموديل جديم *يعني كحيانه* اسير السيد اليمين وارد الخط السريع جدامه > أدريبه ما بيخوز :fa36:

الله يعيـن(ـا) من سواقتهم , خصه ساعة الزحمة

[أمرين]

أنا توني لا حظيت الموضوووع هذا..(ماعليه العتب على النظر)

يـــــــــا ســـــــــــــــــــلام.... بس

ما ادري أضحك على منو وأودر منو,,؟؟!!
انت..البدلة..البيك آب..الحرمة
كله يفتك من الضحك
:fa56: :fa56: :fa56:

انت غلطت فالبدااابة...وهي غلطانه فالنهاية

وشكلك بتحرم تجرب من البيك آب مو بس تسوقه
:fa38:
بعدين مو بس الحريم يستقووون عالهنووود.. ترى كل حد
يهال وألا كبار


لك مني أرق تحية:

امــــــــريـــــــــــــ ن