المساعد الشخصي الرقمي

مشاهدة النسخة كاملة : شــــوفوا شو حصـــلت..؟؟!


شوق القلوب
10-07-05 ||, 02:30 AM
الســــلام عليــــــــــــكم...

في موضوع جداً عيبني في تصفحي في المنتديات...

بصراحه.. حسيت انه بسمــــــــــه كبيره ارتسمت على ويهي..

بمجرد اني شفت هالصـــور..!!

..

..

..

..
http://www.arab3.com/upload/images/Jul05/shagra24_sakhr.JPG



http://www.arab3.com/upload/images/Jul05/shagra24_ramb.JPG http://www.arab3.com/upload/images/Jul05/shagra24_rambo.JPG





http://www.arab3.com/upload/images/Jul05/shagra24_karati.JPG





http://www.arab3.com/upload/images/Jul05/shagra24_cars.JPG



http://www.arab3.com/upload/images/Jul05/shagra24_batriq.JPG



http://www.arab3.com/upload/images/Jul05/shagra24_airplane.JPG



http://www.arab3.com/upload/images/Jul05/shagra24_atari.JPG



...


شو رايكم.. ؟؟


..

يالله...

ذكريات حلوه...

..


هالالعاب كانت من أحلى أنواع الترفيه على أيام ما كنا صغار... !

والكل يتنافس.. منو أشترى صخر الابيض... ومنو عنده الاسود..!!

..

عاد احنا كنا انخق... اقولهم عدنا الاسود و المونيتر ماله بعد... :laugh:


..

بس عااااد البطريق أول ما نزل.... الناس اتخبلت عليــــــــــــــه..!!

اوووه روووعه... كله ولا اخر شي.. يوم يشتري التفاحه و يعطيها البطريقه

..

هههههه عاد انا كان يقهرني يوم يضربك بريكات... :fa55:

ولا يوم اطوّف الدكان... وانته محتاج ( power )

..

ههههه ولا الدكان الحرامي.. اللي اغراضه كلللها غاااليه :fa56:
.........


والسيارات... ما اتوقع بيت خلا منه..!!

كشخه والله ... بس ما كنت احب الدور الرابع... هههه كان يقهرني..!!

وكنت احب الثالث.. بو الجسر.. ^_^

.......


والكاسيل..

هذا أحلى لعبه..!!

بصراحه كان يبالها دقه وذكاء...!!

أخو ربيعتي كان يقيمها... وكنت اسير بيتهم اقوله يلا.. ألعبها من البدايه لين ما اتقيم .. عشان اشوف :fa35:


...

...

والله كانت الالعاب حللللللللللللللللوه... وممتعه أكثر.. :laugh:

..
الشحية
10-07-05 ||, 03:11 AM
كشخــــــــــــــــة ..
أحيد كان خالي عنده هذا الصخـــــــــر ..
وكناا نسرقه عنه ونوديه بيتنا خخخخخخخ ..
أحيد في لعبه دوم العبهاااااااا بس في شريـــــــــــــط ..
هي عبارة عن ويه ويتحرك ونحن نحركه يمين ويسار عشان ياكل البيض ..
تسلمين الغالية شوق القلوب ..
تذكرت يوم كناا نتيمع كلناا بس عشان هاللعبـــــــــة ..
ترى اللعبـــة موجودة لين إلحين إن شاء الله بنزل صورتهاا إذا قدرت ..
مــهــابه
10-07-05 ||, 03:25 AM
كشخــــه والله..
ايـــام زمان..

هــموم
ورديّـه
10-07-05 ||, 04:12 AM
هـااا كلّه لعبناه! لول

شوف لعبة السيارات الصغيرونة! اذكر الصوت بعد .. جني اتخيّل يلستنا *في غرفة صغيرة فيها التلفزيون والكمبيوتر* الدريشة امبطلة .. والصبح ومتحمسين ويا اللعبة . يمين يسار وياهـااا!

كان عندنا كمبيوتر صخر أبيض . عقبها اتاري اسود مال أووول . عقب اتاري أبيض . عقب نايتيندو . عقب سوبر نايتندو *ها عيبني* وعقب الخرابيط الباقية نسيت اساميهن . وأشرطة ملك ما نرضى بالسلف لول

بس كنا نلعب وايد !! عادي لو لعبة يديدة نيلس من الصبح لليل O.o !!

مممم حد منكم يذكر السيارة اللي السكان مالها لاصق في الشاشة؟ ويتحرك ويّا الكنترول *كنّا نسميه رومت كونترول مادري ليش؟! يمكن دلع* ممم هيه ونحرك السكان يمين يسار . أونك تسوق صدق لول

على فكرة نروم نحصل هالالعاب . ولد أخويه عنده وأقوله اعرفها جديمة وايلس العب وياه شوي
.
.

نـااايس! والله ثانكس شوق ..
ذكرتيني بأيام وايد غاوية شرات ماي ندى الصبح ع الورق والجوري *ها من الذكريات بعد لول* حلات أيامنا
الدلووووعة
10-07-05 ||, 07:23 AM
عجيبة هاي الالعاب

ذكرت ابويه يوم كان يلعب ويانا يوم نحطله لعبت السياير
ولا يوم خالي يلنا البيت اخلي يلعب وياي وهو بعد مايعرف يلعب غير لعبت السياير

عجيبه كانت العاب قبل

والسموحة
خيال الحب
10-07-05 ||, 09:26 AM
تدرين انه هالكمبيوتر لين الحين عايش في بيتنا وبعدنا نلعب البطريق خخخخخخ((ادمااااااااان الصراحه))


والله العااااااااااب حلووه وعجبيه,,

تسلمين ع الصور الي تفتح النفس ع الصبح
مخاوية الامل
10-07-05 ||, 10:55 AM
السلام عليكم ورحمــة الله ..

أنا أحيــــد ... !
إن أول كمبيـــوتر صخــر ف الحارة كان فــ بيــتنا ..
بس مالحقــت عليـــــــــــــه :fa46: ..
أبويــه يقولــي .. إنه كل عيال الحــارة ايون بيتنـــا يلعبون به بس ..!
بس ولا مرة فحيــاتي شفتــــــــه ..
أو يمكن شفـــته وناســيتنه ..
أنا لحقــت على الــ SEGA.. :fa56:

مشكورة شوق الـقــلوب ..
ع الصــــور ...

السمــوحــة..

مخاوية الامل..
دموع قلم
10-07-05 ||, 01:07 PM
وعليـكم السـلام ورحمـة الله وبركـاته,,

أشـــــــواق قلبـــــــــي..

اتصــدقيــن ليــن الحيــن الكمبيـوتر الصخـر عـايش في بيتنـا

عنـدنـا الصخـر الأسـود ومعـاه بعـض الألعـاب والبرامـج المفيـدة

بعـد, لكـن الألعـاب اللـي ذكـرتيهـا لنـا مـا عنـدنا ولا وحـدة منهـا,

بـسهـي الحيـن موجـودة فـي gameboy advance

:laugh:


مشكـورة يالغـاليـة على الذكـرى الحلـو

وننتـظر الجـديـد من زهـوركِ الطيبـــة

:) (http://oasis.bindubai.com/bin/misc.php?do=getsmilies&wysiwyg=1&forumid=0#)
العجيبة
10-07-05 ||, 04:11 PM
مــــــــــال أووووول

الصراحة ما أعرف شو لعبة صخـر .. أول مرة أسمع بها عندكم
بس هالالعاااااب كنــا نلعبهـــا في الأتـاري :woot:
كششششخه والله .. وأحلى شي هالسيايير :fa56:
ومـــاريـــو وربيعــه الاخضــر إدمــان عليهم .. كان عندنا شـريـط ماريـو فيه يطـيــر خخخ



مممم حد منكم يذكر السيارة اللي السكان مالها لاصق في الشاشة؟ ويتحرك ويّا الكنترول *كنّا نسميه رومت كونترول مادري ليش؟! يمكن دلع* ممم هيه ونحرك السكان يمين يسار . أونك تسوق صدق لول



وااااااو صدق ذكرتينـي بالقروون الغابـره :vampire:
هاللعبة يابوهـا حق اخوي اللي أصغر مني يوم ترقد في المستشفى
أقــوووولكم يومهــا انتــرس بيتنــا ألعاب والسبه هـو وعاد حليلي تمنيت أمـرض :wacko:


شكــرا شـوق القــلوووووب :blush:
الغاليه
10-07-05 ||, 04:47 PM
العجييييييييييييبه اوووه ماتعرفين كومبيوتر صخر ؟؟ طافج نص عمرج خلاص انا بقولج ,, الله يسلمج هذا كومبيوتر يصنعونه من الصخر الابيض الناصع وشي نووع ثاني يصنعونه من صخر اسود ناادر .. وعاد الاسود ايكون اكشخ ,,

ههههه اقص عليج طبعا :tounge: ..السالفه انه ماركته اسمها صخر وبس وهو كومبيوتر جميل :love: احبه اناا !

المهم ياشووق القلوووووب ردت فيني الروووح من شفت هالالعاااب الحلوة .. نقلتيني لعااااااااااااااالم حلووو ... عاد كله ولا البطريـــــــــــــــق.. ... نلعبها بالدووووور ... من الصبح لين فالليل .. والسيايير بعد وشي العاب ثانيه بعد حلوه .. سترييت فايتر وغيره... والكاسيل هاي اللعبه اكرهها لانه بنت خالتي العوده بس تتفلسف علينا واتقول انها بس لعبة اذكياااء ومب مال صغاريه .. بس والله كانت ايام حلــــــــوه وكان للعب طعم .. وهاي اللعبه مالت السكان والشاشه بعدها عندناا ..

بس اتعرفوون شوو .. ابويه مل منا طفرنابه اربع واربعين ساعه مجابلين الالعاب .. قام شوو سوا؟ شل الكومبيوترات والاشرطه وعطاهن هديـــــــــة حق ولد ربيعه .. :glare: ونحن متغصصين من القهر ..

.. ايـــــــــــــام حلوه ..شكرا لج يا شووق القلووب عالموضووع:fa35: ,, تحياتي لج
عايش وهم
10-07-05 ||, 05:13 PM
السلام عليكم

شوق القلوب

انتي من وين اتطلعين هالسوالف ... ؟؟؟

أنا أذكر كنا نيلس نفكر و نفكر و نفكر و نفكر نص يوم و مرات تاخذ ويانا السالفه يومين بس علشان نطلع من غرفه أو ندخل في غرفه في لعبة القلعه و الأميره ..


الله ياخذ بليسج ذكرتينا بسوالف ..


مشكوره اختي ..

أخوج عايش
الجنية الحلوة
10-07-05 ||, 05:46 PM
والله ذكريات حلوة......اذكر نحن وعيال يرانا نسوي فريقين ونتحدى بعض.. فريق البنات فبيتنا.. وفريق الاولاد في بيتهم .. ودوم الاولاد يفوزون http://smileys.smileycentral.com/cat/29/29_3_1.gif (http://www.smileycentral.com/?partner=ZSzeb001_ZNxdm119YYAE) ..آخر شي غشينا وخلينا ابوي يقيملنا http://smileys.smileycentral.com/cat/29/29_3_4.gif (http://www.smileycentral.com/?partner=ZSzeb001_ZNxdm119YYAE) ...خخخخخخخخخخ


والله تسلمين اختي.. ذكرتينا بالماضي...






الجنيـــــــــ الحلوة ـــــــــة http://smileys.smileycentral.com/cat/36/36_22_24.gif (http://www.smileycentral.com/?partner=ZSzeb001_ZNxdm119YYAE)
ورديّـه
10-07-05 ||, 06:04 PM
Sega !! عليـج نـور مخاوية الأمل
خنفروش
10-07-05 ||, 10:06 PM
هيهيهيهيهي شوق القلوب يمكن انتي النونوّه الي كانت اتيي بيتنا عشان بس اتشوفني العب اللعبه و اقيمها خخخخخخخخ (( استغفر الله العظيم )) بس ماشاء الله على ذاكرتج حديديه
حركات
10-07-05 ||, 10:34 PM
شوووق من وين يبتي هالصوور .. حتى قلت حق اخوي العود ايي ايشوفها :fa56:

خاطري ألعب البطريق :laugh:
عزيزه النفس
12-07-05 ||, 06:34 PM
خخخخخخخخخخخخخ
والله ذكرتينا بايام اول
احيد يوم نلعب
والسيايير الصغيره
خخخخخخخخخخخخ وناسه والله
حلوه الذكريات !!

تسلمين ع هالذكريات
والصووور الحلووه
حلم الطفوله
18-11-05 ||, 04:41 PM
أكيد طرحتي هالموضوع لما كنت مسافره:laugh:


بس تعالي إنتي من وين اطلعين هالسوالف الداثره:tounge:

اسميها أيام حلوه ... كمبيوتر صخر ... ولعبة البطريق إلي دكانه أكثر شيء يعيبني باللعبه

وإلا القلعه ... والله أيام حلوه :fa43:

كله ولا يوم كنا نتغايض إنه وصلنا أدوار محد وصلها

أوني أخلي الشاشه مفتوحه لين يرد أخوي البيت ويشوف إني جيمت الدور:fa47:


ذكرتيني بناس ما كان يحلى اللعب إلا ببيتهم ووياهم:inlove:
سفير الخيال
18-11-05 ||, 07:11 PM
اندوووووك إنته :laugh:

شــــوق اشووو هذي المواااضيع الجديييمه..

أنا تخيلت التاريخ 2/05/1990 :laugh:

ما شاء الله عليج.. علييييج مخ ما شاء الله عليه :fa51:

الله يحفظج من كل شر..

وتسلمين :fa42:
شوق القلوب
18-11-05 ||, 07:17 PM
سفرفر..

هذا شكله حلم الطفوله انفضت هالموضوع من 1990..!! :tounge:

الله يسلمك... هذي ذكرياتنا الطفوليه العزيزه على قلوبنا.. و الباقيه في أذهاننا.. و محط انظارنا... ( ههههههه.. شوي و بكتب فيهم خاطره ) :fa51:
نبراس الليل
19-11-05 ||, 01:27 AM
اتريى الصور تظهرلي بعدها بعقب على الموضوع

لي عودة بإذن الله تعالى

طارق
شوق القلوب
19-11-05 ||, 01:37 AM
الســــــــلام عليــــــــكم...

هلا طارق...

والله أسمحلي... شكلها الصور أختفت..!! لانه الموضوع أصلا جديم..وحلمي طلعته :inlove: ..

ع العموم.. هو عن ألعاب الكمبيوتر.. ( كمبيوتر صخر )... كاسيل و البطريق و السيارات... لو تذكرهم..

:fa51:
بيور
19-11-05 ||, 10:10 PM
يااااااااااابوووكم الصووور مااتطلع عندي ...

لييييييييش ؟
هزاايم
19-11-05 ||, 10:22 PM
الله والله ذكريااات لاتنسى
أحيد كنا نبيت بالمزرعه ونقعد سهرانين على تقييمت اللعبه
خخخخخخخ ودلال القهوه مش مقصره سهر من الخاااطر
لا أحيانا خوانيه يتفلسفوون ويشتروون هذوول قوم ثقافه عاامه عااد على ذيج الأيام يوم دوري ماكنت اعرف شي غير اختاري من واحد لين اربع وانا دومي 3 مراات تصيب ومره تخيب
الله عالذكريااات ظني لين ألحين عندنا الجهااز>>خويي قوم آثار يحب يحتفظ ماشاء الله عليه ناوي يفتح متحف العايله ربي يوفقه

لو لقيته برااويج
تسلمين حبوبه على التذكييره والله ايااااااااااااااااااام حيييييييييييلوه