مسابقة صور من الامارات

[قلوب دبي]

http://upload.bindubai.com/download/alshamsi/ta9weeer.jpg

السلام عليكم

اخواني و اخواتي الاعضاء الافاضل ..
يسرني ان اطرح عليكم مسابقه التصوير
و ما شاء الله عليكم عندنا في الواحات اعضاء
مبدعين في التصوير وهواه متميزين:fa38:

مسابقه التصوير : هي مسابقه يتم طرحها لتنميه مواهب الاعضاء في التصوير
و نشر روح المنافسه فيما بينهم في حدود الواحات و الخروج بها الافاق
الاخرى خارج هذا الاطار .

موضوع المسابقه : صور من الامارات .

إعداد المسابقه : قلوب دبي .

شروط المسابقه :
1 - ان تكون الصوره من تصوير العضو و بعدسته .

2 - ان تكون الصوره لا يتعدى حجمها 500*600 بكسل .

3 - ان تكون صوره واحده و نسختين الاولى مكتوب عليها
oasis.bindubai.com فقط و الثانيه يضاف اليها
اسم العضو و oasis.bindubai.com

4 - ارسال الصور الى قلوب دبي .

5 - أخر يوم لارسال الصور 10 / 7 / 2005

6 - سيتم طرح الصور للتصويت لمده 3 ايام .

7 - لن يتم استلام اي صوره بعد تاريخ 10 / 7 /2005

8 - يحق لكل عضو المشاركه بصوره واحده .

الفائز سيحصل على بطاقتين هاتف .. رصيد
اضافه الى اهداء بواحه الاهداءات .

وان شا ء الله تبهرونا بصوركم الراقيه و أدائكم المتميز .
نريد المنافسه ..:fa38:


ربي يوفقكم و يسهل عليكم


قلوب دبي

[عفاريتووو]

السلام عليكم

مسابقة حلوة .. بنشارك فيها ان شالله
تسلم اخوي على جهوودك :)

[أتمنى]

و عليكم السلام و رحمة الله

قلوب دبي

ما شاء الله عليك

تشكر على جهودك الرائعة

و باذن الله بنحاول نشارك معكم

:)

الله يعطيكم العافية

[طير الغرام]

http://oasis.bindubai.com/download/6eer/nnnn1.gif

مسابقة حلوه
أتمنى التوفيق للجميع ^_^

http://oasis.bindubai.com/download/6eer/6eerline.gif

[الدلووووعة]

فكره حلوه

والله يوفق الجميع

[الشحية]

والله كشخة بس لو تمدد الفترة ..
10 / 7 وااااايد جريب ..
على الأقل خل المسابقة أسبوعين ..
ونطرشه لك على الخاص صح ..



الفكرة حلوة ..
وإن شاء الله ما بنقصر ..

[قلوب دبي]

:)

عفاريتووو
اتمنى
طير الغرام
الدلووووعه
ان شاء الله انشوف مشاركاتكم في اقرب فرصه
وربي يوفقكم


الشحيه
المده قصيره كلها على بعضها 15 يوم 10 ايام لارسال الصور
و 3 ايام للترشيح ويومين لاعلان النتايج و بعدها بنزل مسابقه ثانيه
عن موضوع ثانيه و مدتها نفس الشيء
ان شاء الله انشوف مشاركاتج معانا :)

قلوب دبي

[ألم ترى]

بسم الله الرحمن الرحيم ..

وعليكم السلام والرحمة ..

ماشاء الله عليك ياقلوب ومشاء الله عـ افكارك الحلوه ..

اذا كانت المسابقة فـ الشتاء جان يبتلكم صور من الأيبال اللي صوبنا لكن الله كريم ..

موفقين بأذن الله وفي انتظار المافسة ..

[قلوب دبي]

:)

يا حيييك محب الشيخين
افا عليك يا خويه اهم شي المشاركه
و هاي كم تسوى عندنا
ان شاء الله نتريا مشاركتك و مشاركات بقيه الاعضاء
بالتوفيق ان شاء الله

قلوب دبي

[خيال الحب]

فكره حلووه

وان شاء الله نشارك وياكم:)

[قلوب دبي]

:)

خيال الحب

كل الحلاه انته يا خويه
بأنتظار مشاركاتك الطيبه

اليوم 5/7/2005
باجي 5 ايام على نهاية المسابقة

بأنتظار المشاركات

قلوب دبي

[خيال الحب]

سؤال

عادي نلعب بالصوره شوي بالفوتوشوب

؟؟

[قلوب دبي]

:)

عزيزي خيال لا يجوز التلاعب في الصوره بالفوتوشوب

صور جميله وصلتني و اتمنى المنافسه اتكون اقوى

موفقين بأذن الله


قلوب دبي

[العيناويه]

يستوي بكيمرة تلفوووووووووون ...؟؟؟

[قلوب دبي]

:)
عدنا لبعض الملاحظات

عزيزي خيال الحب
تعديلات الفوتوشوب بخصوص الاطار و استخدام Blur
مسموح و عدا ذلك لا يسمح به

العيناويه
هيه نعم يستوي بكيمره التلفون
و ان شا ءالله انشوف مشاركتج

موفقين ان شاء الله


قلوب دبي

[العيناويه]

سؤااااااااااال اخيرا ... والسموحه ع المغثه
صور من الامارات
يعني مكان موجود ف الامارات.. والا اي شي اجوفه ويعيبنيه واصوره
السموووووووحه
عيناويووو طويلة العمر

[قلوب دبي]

:)

صور من الامارات
اماكن دولتنا
يعني مثلا ..

دبي : برج العرب - ابراج الامارات - قلعه الفهيدي - فريج البستكيه - الخور - جميرا
و غيرها ودام انج عيناويه عندج اماكن كثيره حديقه الهيلي - امبزره - دوار المندوس:fa56: ..
الشارجه: السوق المركزي - ام خنور :woot:
بوظبي : قصر الامارات - الابراج >>>

يعني اي شي يتعلق بدولتنا

قلوب دبي

[العجيبة]

خخخخ كنت أبا أصور عيوز ببرقع .. ما حصلت

ما ادري .. يمكن أشارك ويمكـن لا .. افف الوقت صار يمشي بسرعه في البيت وبطيئ في المدرسه !


شكــرا لكم على المسابقة الحلـوووة ..

[قلوب دبي]

حاولي تتلحقين اتصورين صوره حلوه
و اتشاركين معانا بالمسابقه
وان شاءالله ايكون نصيبج من الفايزين

قلوب دبي

[انامل]

الله يبارك جهودكم الطيبه

جهد ونشاط واضح الله يبارك في نشاطكم اخواني
موضوع المسابقه جميل
اتمنى التوفيق للجميع
كل الود:blush:

[قلوب دبي]

:)

انامل

يسرنا تواجدج في هذا الموضوع
ا ن شاء الله انشوف مشاركاتج معانا
موفقين بأذنه تعالي

قلوب دبي

[قلوب دبي]

:)

باجر ان شاء الله الظهر الساعه 1 بيكون اخر وقت
لاستلام الصور واتمنى التوفيق للجميع

قلوب دبي

[المزيوونه]

هلا والله يدي ..

حلوه المسابقه .. بس انا عندي اقترااح ..

ليش ما تخلون الصور بدون توقيع الأعضاء..يعني الواحد ما يعرف ها الصوره لمنو
وها جي يتم التصويت بكل مصداقيه لأجمل صوره يشوفها الشخص ..
صح كل واحد عنده معارف وبيخبر عن صورته .. لكن ماعليه .. واايدين بيشاركون وما بيعرفون هاي صورة منو ..

ماعرف والله ..


الله حيه ..

[قلوب دبي]

مرحبا بالعيوز ..
شرط التوقيع و ذلك منعا للسرقات
و حفاظا لحقوق العضو ..
مشكوره على الاقتراح و ان شا ءالله انشوفج من ضمن المشاركين بالمسابقه
ربي يوفقج

قلوب دبي

[المزيوونه]

اهااا فاتتني سالفة السرقات هيهيهي ..

خلاص عيل .. بالتوفيق للجمييع ..

[عذبة الروح]

ادري اني متأخره :blush:
لكن بعده اليوم ما خلص
ان شا الله بشارك وياكم
ويسلمووونيشن قلبنا

اختك
عـذ الـروح بـة