مخالفاااات ،،، نحاسه ،، حظ ردي

[الجنيه]

السلام عليكم ورحمة الله وبركاته

أشحالكم شو أخباركم علومكم شو مسوين ان شاء الله بخير وعافيه ...
آآآآآآآآه يا قلبي والله بستخف ياناس حد يتخالف في يومين مرتين ؟؟؟؟!!!!!! بستخف :fa56:

أنزين لحظه بقول شو السالفه خلوني قبل ألتقط أنفاسي ...

الله يسلمكم يوم السبت وصلت الدوام وأنا في الباركنات قلت خل أرجع البيت وآخذ الـ OFF DAY (يعني أجازتي الأسبوعيه) وأحط راسي أرقد أخير لي ...
بس الضمير الله يسامحه ,,, المهم نزلت وداومت وكرهت نفسي مليون مره لأني داومت اليوم طبعا ً الشغل كان أرف وايد ومتعب ...
وأول ما صارت الساعه 4 تنفسدت الصعداء على قولتهم وشليت قشاري ونزلت وأول ما وصلت لقيت بطاقة تهنئه جمييييييييييله محطوطه على جامة السياره مضمونها يقول ...

مخالفه ,,
السبب : إساءة أٍستخدام الموقف :fa56: (أكرههم )
أعتقد كلكم أتعرفون هالمواقف اللي أتكون بالعرض يعني السيارات يتصففن ورا بعض ... الله يسلمكم لأني كنت متأخره ما لقيت الا هالمواقف ولأنه المحترم اللي جدامي ماخذ باركن ونص واللي وراي نفس الشي المنطقه اللي صفت لي في الوسط كانت نص من الموقف الوراني ونص من الموقف الجدامي و جان أبركن
وأنا شدراني حظي الردي بيخلي الدوريه يمرون ويخالفوني :fa36:

أكرههههههههههههههههم

والجنيه من القهر اللي فيها فرت ورقة المخالفه على الشارع :fa44: ....

واليوووووووووم :wacko: هئ هئ هئ هئ
الصبح موتري مولع ما فيه بترول خطفت على شيشة البترول وقلت للعامل يفول الموتر وأنا تميت أتطمش على الناس اللي في ستار مارت ... وفجأه دوووووووووووب صوت قوي ما أشوف غير عمال الشيشه الثنينه يتضاربون واحد منهم طاح على سيارتي جهة خزان البترول عاد وين تلقون الجنيه قلبها طاح فريولها منصدمه وخايفه على سيارتي فديتها (الناس أتخاف على أرواح هب حديد ) وعاد حايزوا مبينهم وخوزوهم عن سيارتي ... بعد الصدمه كملت طريقي ورحت الدوام ...

أول ما وصلت الدوام عند الباركنات شفت دراجة شرطي واقف ويا راعي الراف يخالفه ... مريت مرور الكرام وبركنت قريب منهم وما أشوف غير أنه يا صوبي ووقف دراجته مجابله سيارتي .. جان أستهبل وأحط الشماسيه .. ياني من الصوب الثاني ودق الدريشه ...
الشرطي : السلام عليكم
الجنيه : وعليكم السلام
الشرطي : الليسن والملكيه
الجنيه : ليش؟؟؟!!!؟؟؟؟!!!!!
الشرطي : عطيني إياهن قبل بعدين بخبرج
الجنيه : لا ما بعطيك أول خبرني ليش
الشرطي يتطالعني بنص عين من تحت النظاره الشمسيه ... أقولج عطيني إياهن
الجنيه : أففف هاك
الشرطي : بإبتسامة خبيثه .... المخفي
الجنيه يودت راسي لا حول الله : شو فيه ...؟؟؟
الشرطي : هذا شبه عاكس ومايبان منه شي أنا ما عرفت الي في الموتر بنت والا ولد وبعدين ليش جي نازل من جدام وايد كيف أتشوفين ....؟؟؟؟ مب جنه مخالفنج البارحه عشان الموقف ؟؟؟؟
الجنيه : الله يسامحك هذا أنت عيل أسميك ما بتتوفق دعيت عليك بأِشكال وأنواع الدعاوي
الشرطي : الله يسامحج

المهم عشان ما أطولها وهي قصيره ما خالفني بس وعدته أغير المخفي وأنقهرت ...
سوري وايد هذربت بس قلبي يعورني أنا أسوق من أربع سنين والحمدلله ما جد تخالفت ولا فيوم تعرضت لمثل هالمواقف بس الحين :fa56: :fa56: :fa56: :fa56:

[بريد ألكتروني]

حيالله الينيه ..

انا معاج ختيه انه الباركن هالايام تستوي فيه معانات ومآسي كبيره :fa54:

بس اللي لفت انتباهي لموضوعج كلمة مخالفات هههه .. انا من كم يوم مجدد السياره والتأمين ..

المهم انا ما قد جيكت عالمخالفات .. ويوم سـرت اجدد قالو ليه عليك 17 مخـالفه سرعة .. وخلاف سرت للتأمين قلت للريال ياخويه انا من سنتين مؤمن شامل عندكم ، ما ودكم تسوون ليه تخفيض هالمره :vampire: .. قالي ياخي انته مسوي حادث وعليك درزن مخالفات :fa56: وزاد على كلامه : ( لك شو بدك بالشـامل أمن ضد الغير اسلم لك :fa44: )

هونيها وتهون الا مخالفات

[مايهزك ريح]

الهنود والأجانب اللي في فريجنا ظاربين مخفي سوبر دارك ونحنا لاعنين خيرنا على 50 % لا حول ولا قوة إلا بالله:fa55: :fa44:

[العجيبة]

هههههههه صدق انج ينيه .. بقواة عين ترد عليه

راعية العاكس هاااه .. قوو طلعتي ..

يالله اسمعي كلام الشرطي .. وقوليله عمي ..

تكبرين وتنسين .. خخخ

[أليمه]

لول وجان استااانس لنج رديتي ع الشرطي
زين سويتي به الله يعينج عليهم

[روح القمر]

وعـــليكم السلام ورحمه الله وبركاته..
خخخخ ويحليلج..
بس زين يوم رديتي عليه لووولز

[عافك الخاطر]

وعـليكم السلام ورحمة الله وبركاته..
:laugh: ما شاء الله ينية صج :shocked:
حليلج والله احس يومج كان متعب :fa36:
يا الله ما عليه ، تعيشين وتاكلين غيرها :fa56:
انتي مخالفتين ف يوم اهون على الاقل .. احيد مرة ف رمضان وف يوم واحد بس ثلاث سيايير من البيت راحوا في خبر كان :fa54:
الله يعيـنج خيتــو ..
السـموحـة..

[عنود الريف]

هلا الغاليه
يالله احس انج تلقطين انفاسج وانتي تكتبين
يالله تعيشين وتاكلين غيرها
مره الوالده بعد مستويتلها نفس هالسالفه عند سوق السمج عاد .. وخالفوها
بس شو نسوي هاي قوانين والواحد لازم يتبعها ..
ما عليج انتي بس . .هدي اعصابج ..
والسموووحه

[ورديّـه]

يممكن عقب اخبرج سالفتي P:

تعيشين وما تاكلين غيرها

[الجنيه]

بريد ألكتروني
الله يعينك يوم هاي سالفتك ,,,
عاد هاييل مال شركات التأمين جذووووووووووب نمبر ون الله يسلمك
أنا من خذت الليسن من أربع سنين ولله الحمد ما جد سويت حادث الا مره وما كنت الغلطانه العام يوم يجددون موتري أخوي قال نفس الكلام لهم جان يقولون أونه هاي مسويه حوادث وايده عشان جي ما يصير ؟؟!!!!! جان أخوي يستوي :fa56: :fa56: وين هالحوادث يعلهم العله ...
هاي حالنا دام مافي حد يردهم الله يعينا بس

[الجنيه]

مايهزك ريح
أقولكم رداة حظ ما أتصدقون يعني أنا على نفس هالمخفي من سنه تقريباً وما جد جكوني الشرطه الا ذاك اليوم ,,,,
والله أكرهههههههههههههم



العجيبة

ههههههههههه والله من القهر لا وأخس شي يوم قالي هاي منطقتي وأونه أنا اللي خالفتج على الموقف أمس قلت له بكل صدق عيل أسميك ما بتتوفق لأني دعيت عليك بأشكال وأنواع من الدعاوي جان يقولي الله كريم تعودنا .... :vampire:

لا وأزيدج من الشعر بيت اليوم متحدي لي عند الدوام بس على مين ؟؟؟ خذت ستيشن أخوي ,,,, واحد صفر

[خنفروش]

هيهيهيهيهي سوري الجنيه بس شر البلية ما يضحك \ عيبتني سالفة الواحد صفر خخخخخخخخ

[الجنيه]

أليمه ،،، لمسة أمل
والله شو أسويبه قهرني لا ومستانس أنه مخالفني قبله بيوم
الله يسامحه ..


عافك الخاطر

عادي وحياتج تحدث في أحسن العائلات أنا من شهرين ماسكني الرادار في ساعه ثلاث مرات ... على شارع السيره ونفس الشارع في الرده وآخرتها بعد شارع الخيل أنجلطت روحي طلعت بس الحدلله كل ها صار قبل لا يسوون الرادارات بـ 500 :woot:

[نبراس الليل]

الجنيه

الله يعينج والله على هاليوم بس حلوة سالفه الضرابه

فضفضتج مرة على الكاتب ...لكنها حلوة على القارئ السموحه

الله يسهل دربج يارب بدرب السلامه

والسموحه
طارق

[قلوب دبي]

:fa34:
هههههههههههههههه
اسميج يالجنيه سوالف:tounge:
و لا الشرطي يوم مشاج ثاني مره شكله زاغ :Oo:
من الدعاوي ياللي دعيتي عليه
خخخخخخخخخخخخ
قال لا بويه ما فيه عليها شكلها في كل صلاه بتدعي عليه

الله يسلمج بخبرج مره كنت موقف في مواقف المخصصه مال البلديه و سرت و شريت تذكره و
حطيتها و رحت اخلص المعامله في الدايره الحكوميه وسيارتي مخيها شامل يعني من جدام
كامل و عندي تصريح عليها ، المهم رديت و لقيت مخالفه الباركينج من البلديه ااااااااااااااااه :fa43:
شو هاي الحاله ، ادور مراقب البليديه يمين و يسار ما لقيته وشو اسوي الحينه ,,
اتصلت للبلديه قالوا سير ما ادري وين مال المواقف و رحت ووديت الهم الملكيه و المخالفه
و التذكره الموجوده و قلت الهم عندي تصريح اولا و ثانيا حاط التذكره و اخير ليش كل ها ,,,
قالي المراقب ما شاف التذكره قهر والله ,,, :oh:
من يومها احط التذكره برع وين المشاش ههههههههه
بس لو حد سرقها بتخالف :fa51:

الله يعينج ع الشرطي لووووووول
:alien:


قلوب دبي

[الجنيه]

نبراس الليل

الله يعين الجميع ماشاء الله الكل صايره له مواقف مشابهه يعني كلنا في الهوى سوى

صدق مره وترفع الضغط المهم طلعت حرتي :inlove:




قلوب دبي ،،،

ههههه الظاهر جي سالفته بس الشرطي بعد مب هين رد ثاني يوم يجيك على الموتر جان اسويله حركه جناويه عمره ما ينساها خذت موتر أخوي اليديد ماعليه مخفي أبداً :fa42:

وسالفتك الله يسلمك صارتلي وخلتني أكره أبركن الله يسلمك مره كنت ماخذه أستيشن أخوي وعليه البطاقه مالت الباركنات ونزلت المكان المطلوب وأول ما رجعت أشوف مخالفه عشان ما حطيت تذكره ؟؟؟؟!!!!! الله شو السالفه بما أنه الموتر مب موتري أتصلت براعيه وخبرته وهو تولاهم وبعدين أكتشفوا أنه المراقب الأحول ما شاف البطاقه مع أنها جدام محطايه في الحافظه مالتها بس شو بنقول غير الله يعينا عليهم ...

[قلوب دبي]

صدقج الله يعينا عليهم :)