طب نفسي .. تعرفوون عنه شي ؟؟

[عفاريتووو]

السلام عليكم


اصعب سؤال يمر علي هالاياام شو تبين تدرسين ؟؟
لول كل يووم افكر بشي يديد :fa38:
وهالايام مادري شو طاري على باللي
ابا اصيير طبيبة نفسية
بس محد مشجعني :fa36:
اونه انتي اللي بتيننين عقب
واللي يقول اونه اصلا شهادتهم ما يكوون معترفة فيها اكثر عن ثلاث سنين
اللي عنده فكرة عنه ياريت يخبرني
.
.
شي اي جامعة في الامارات غير جامعة الاماراات فيها هالتخصص؟؟
هو نفسه علم نفس و شي ثاني ؟؟
ولا هو طب عام عقب اتخصص ؟؟
.
.
ياريت تجاوبوني لو تعرفوون
اتريااكم

[ورديّـه]

نو كلو

بس صدق بتتيننين عقب o.O قصدي شي بنات دخلن هالتخصص وتوظفن أول شي كمرشدات في المستشفى يعني يشرحون وضع ولدهم للأهل وجيه .. حولن ما بغن يكملن تعقدن

[عفاريتووو]

تدرين وايد قالولي نفس كلاامج
بس المشكلة مب راضية اقتنع .. شو اسوي شي احبه لول
ثانكس واييد ع الرد
.
.
بانتظار رد اللي يعرف شي :fa36:

[الحساس]

السلام عليكم ..

الطب النفس الي اسمه psychiatry هب هو علم النفس(اخصائي نفسي) الي اسمه psychology

الطب النفسي لازم تدرسين الطب (6 سنوات تخصص وبعدين سنة اتدريب بالمستشفى وبعدين تتخصصين في الطب النفسي 4 سنوات يعني المجموع 11 سنه اقل شي)

علم النفس موجود في جامعه الامارات ووحده من الاهل متخرجه منه.. اظن الدراسه 4 او 5 سنوات مادري والله

انا تعاملت مع الاثنين

شفت ان الدكاتره النفسانين شويه متاثرين من الميانين!!!
اما الاخصائي النفسي لا.. لان تعامله هب مع الميانين مع ناس اصحاء بس عندهم مشاكل نفسيه فقط .. ومجال ها التخصص انج تشتغلين هب بس بالمستشفى في وايد جهات ترعى صاحب هالتخصص

ان فكرتي تدخلين الطب النفسي .. انا متاكد يوم بتدرسين الطب بتغيرين رايج لانج بتشوفين اشياء مابتعيبج في الطب النفسي ويمكن تيرج مجالات ثانيه شرا الجراحه او الباطنيه او مجالات ثانيه

بنظري انا .. الي بيدخل الطب عسب طب نفسي ماعنده سالفه... بيضيع على عمره وقت عسج شي مايرزى

تحياتي

[عفاريتووو]

عليكم السلام

وللللل ليش كل هالتعقيداات !!!
صح اني كنت صدق ابا هالتخصص بس الحين هونت
بروحي متعقدة من طب البشري من اللي اجوفه من عياال خالي يحليلهم
11 سنة :crosseyed لا لا اشل الفكرة من راسي احسن لي
تسلم اخوي افدتني وايييد :)

[الشحية]

هاا شوو قررتي إلحيــــــــــــن ؟؟!..
ما عندي أي معلومه ..
أخوي الحساس كفى و وفـــــى ..
إكتفيت بـ قرائة الردود ..

[قلوب دبي]

:woot: :fa56: :woot: :fa56: :woot:
جي بتلقون عفاريتووو عقب ما تدخل مجال الطب النفسي

تربع في الحوي و اتصارخ روحها

:laugh:

الله يسلمج احنا في الكليه درسونا دكاتره علم النفس الاجتماعي و على مدار سنتين و
الصراحه ما شفنا اكثر من خبال هالدكاتره اول واحد كان يدخل الكلاس و ما يظهر الى
و هو يراوينا ظروسه كله يضحك لو كمل معانا سنه زياده بتلقونا كله نمشي في الشوارع
و نحن فاجين حلوجنا :vampire:

و كانت دكتوره ادرسنا و اكيد تعرفونها اسمها ( موزه... ) رقابه ما اقدر اقول اسمها هاي
الحمره تدرس علم النفس وهاي بروحها خبله و ما ادري اعتقد متعقده بعد الله يستر الصراحه
ما انصحج بمجال الطب النفسي ..

بس صلي الاستخاره وان شاء الله يسهل عليج امورج ويوفقج

قلوب دبي

[طير الغرام]

http://oasis.bindubai.com/download/6eer/nnnn1.gif

وحده من أهلنا بعد بغت الطب النفسي
بس محد يشجع
وختيه بعد نفس الحاله كانت تبى هالتخصص

اممممم شو قررتي الحينه ؟! :laugh:

http://oasis.bindubai.com/download/6eer/6eerline.gif

[عفاريتووو]

الشحية
امم شو قررت ؟؟؟
شكلي برسى على طب اسنان better
عشان ما اين لول :tounge:
تسلمين شحوو على اهتمامج

قلوب دبي
هههههههههههههههههههه
انزين حلاته الشغل جي سوالف لول :tounge:
تسلم اخوي عالنصيحة
ويوفقك و يوفق اليميع ان شالله :)

طير الغرام
شفتوا كيف لانه تخصص حلووو
بس لو مب هالتعقيدات في الدراسة :fa43:
قررت ادش نفس تخصصج طب اسنان
تسلمين حبوبة ع الرد:)

[طير الغرام]

http://oasis.bindubai.com/download/6eer/6eerline.gif

أتمنى لج التوفيق إن شاءالله
وأي مساعده تراني حاضره ^_^

http://oasis.bindubai.com/download/6eer/6eerline.gif

[عفاريتووو]

تسلمييين .. من طيب اصلج
و الله يوفقج انتي بعد :)